شهر العسل في لوس انجلوس وهاواي ؟؟

[RVD]

السلام عليكم ورحمة الله وبركاته

انا ان شاء الله ناوي اروح شهر العسل امريكا شهر واحد السنة الجايه لمدة 3 اسابيع اسبوعين بقعد فيها في لوس انجلوس واسبوع تقريبا في هاواي ياليت اخواني اذا احد يقدر يفيدني شنو الاماكن السياحية اللي في لوس انجلوس اروحها انا اعرف 3 اماكن بس ديزني لاند ويونفيرسال ستيديو وهوليوود انا الشباب انصحوني خلال هالثلاث اماكن اخذ فندق حق كل واحد لانه المسافات بينهم كبيره وياليت اتفيدوني شنو الفنادق الزينه في كل منطقة ذكرتها وانا مب ناوي ااجر سياره هناك لانه قوانينهم في السواقة وايد صارمه وحبيت اسال احد يعرف ارقام شركات خاصه ااجر لي فيها دريول مع سيارته خلال الاسبوعين اللي بقعد فيهم في لوس انجلوس او يعرف درايفر هناك يعطيني ولا يهون ؟؟

الله لايهينكم وان شاء الله ادري انكم ماراح اتقصرون معاي

[الفا برافو]

بالمبارك مقدما... ورحلة سعيده

[معماري قطري]

بالمبارك والله يجمع بينكم بالخير والبركه

تبي نصيحتي أورلاندو وميامي أفضل لك .. انا رحت اورلاندو عدة مرات وكل مره تكون متغيرة للأفضل .. دزني ورلد فيها أكبر بكثير ومدينه حديثة بين مستنقعات وغابات ومنطقة كل شيء فيها حولك وقريب منك .. مجهزة للسياحة وسياحها من كل العالم .. في صيفها شوية رطوبة وأوقات غيم ومطر.

وميامي الرحلة لها بالسيارة تبعد 3 ساعات وتستانس فيها وشوارعها حية ليل نهار، والأسواق في فلوريدا أكبر ومخصصة لسياح أوروبا والعالم.

ادخل قوقل ايرث وشوف مواقع الفعاليات وبعدها والسكن متوفر ورخيص تقدر تقول ثلث أسعار دبي .. شوف للسكن منتجع floridays سكنا فيه سنة 2009 وهو عبارة عن شقق خذنا 3 غرف مطلة على بحيرة ونافورة بكامل تجهيزاتها في شهر 8 عز الموسم السياحي وكانت بسعر يقارب 500 ريال، وكنا قبل نروح دلالتنا على الحظ أو الخرايط، والعام بس استخدمت الجي بي اس في لوس أنجلوس وسياتل .. وسويت تقرير عن رحلتي هنيه، لكن اورلاندو ميزتها كل شيء حولك ولا تمل منها وأسعارها في تنافس ونزول لكثرة المعروض ولتجهيزها للسياحة.

[alwahesh]

بعد الاحداث الاخيره الي صارت من كم يوم ما انصح احد يروح امريكا

لان الكل معتقد ويمكن متأكد ان القاعده ورا التفجيرات ينعني اذا شافو حريم لبسين لبس اسلامي تكون العيون عليهم

او يمكن تكون الرحله مع حفله رومانسيه في غو.........مو

[ولد ازغوى]

وايد ظ£ اسابيع على لوس انجلوس
خل الترتيبً يومين واشنطن ومنها طير على فيغاس ظ£ ليالي وبعدها سان دييغو ظ£ ليالي وبعدها لوس انجلوس ظ¦ ليالي و بعدها سان فرانسسكو ظ¤ ليالي و العوده نيويورك ظ£ليالي انا توني راجعه بهالترتيب وماخلينا مكان ما رحناه وتنصحك بالسواقه افضل ولا قوانين ولا شي خلك ماشي صح ومحد بيحاسبك

[غايه الطواش]

وايد ظ£ اسابيع على لوس انجلوس
خل الترتيبً يومين واشنطن ومنها طير على فيغاس ظ£ ليالي وبعدها سان دييغو ظ£ ليالي وبعدها لوس انجلوس ظ¦ ليالي و بعدها سان فرانسسكو ظ¤ ليالي و العوده نيويورك ظ£ليالي انا توني راجعه بهالترتيب وماخلينا مكان ما رحناه وتنصحك بالسواقه افضل ولا قوانين ولا شي خلك ماشي صح ومحد بيحاسبك

يقولك شهر عسل مب شهر شحططه :shy:
اوفر ست ولايات في ثلاث اسابيع
تراه شهر عسل مب رحله شباب :victory::victory:

[RVD]

يعطيكم العافية ياشباب على ردودكم ماقصرتوا

[تحداني]

اخوي رايح ان شاء الله قريب " امريكا "
بالتحديد المناطق الغربيه .. صوب كالفورنيا وكولورادو وسان ديجو .. وانديانا
راح اخبرك بعدها ان شاء الله

بس دور على الجمال في حضره الزوجه
وامريكا اشوفه اختيار لك عليه اشوي


جملك الله برضاه

[R 7 A L]

اخوي رايح ان شاء الله قريب " امريكا "
بالتحديد المناطق الغربيه .. صوب كالفورنيا وكولورادو وسان ديجو .. وانديانا
راح اخبرك بعدها ان شاء الله

بس دور على الجمال في حضره الزوجه
وامريكا اشوفه اختيار لك عليه اشوي


جملك الله برضاه

انديانا ليست من ضمن الولايات الغربية

وبالنسبة للجمال اذا كنتي تقصدين الطبيعة
بالعكس اغلب الولايات الشمالية خضار وانهار

[برشلوني قطر]

انا من رأيي إذا بتروح لوس انجلوس تروح سان دييغو قريبه

فالسيارة وتقدر تروح لأس فيغاس بعد فالسيارة

انا الصراحة بالنسبة للسواقه أحسها ممتعه جداً

وتنفرد مع المدام والقارمن موجود وأمان

والنهاية الرأي عندكم

[XP.Qatar]

السلام عليكم ،،

أخوي الغالي .. والله ماأنصحك بأمريكا .. ياخي بلد التقلب السياسي فيها على الكيف .. أنصحك في بلد جميل ، جوه رومانسي و شعب مسالم .. اليــــابـــان !

تحياتي لك
XP.Qatar

[RVD]

رحم الله والديكم على ارائكم الطيبة واخوي تحداني الزمن انا في انتظارك بعد ماترد من امريكا ان شاء الله

[bu_khalaf]

السلام عليكم
اول شي مبروك مادبرت والله يرزقك بالذرية الصالحة والله يوفقكم في حياتكم الزوجية
الشيخ امريكا ماتنفع الا ومعاك سيارة وان بغيت رايي اخذ طيارة الاماراتية على سان فرانسيسكو دايركت من دبي واجلس فيها او قريب منها يومين او ثلاث وارشح لك هالفندق http://www.ritzcarlton.com/en/Properties/HalfMoonBay/Default.htm وبعدين اطلع على فيجاس بالسيارة واجلس فيها ثلاث ايام في فندق البيلاجيو بس لازم تحجز بنتاهاوس http://www.bellagio.com/ وعقب على لوس انجلوس ولاتسكن الا في الروديو درايف http://www.fourseasons.com/beverlywilshire/ او في سانتا مونيكا http://www.hotelcasadelmar.com/ وان شالله تستمتع في سفرتك

[kal]

السلام عليكم ورحمة الله وبركاته

انا ان شاء الله ناوي اروح شهر العسل امريكا شهر واحد السنة الجايه لمدة 3 اسابيع اسبوعين بقعد فيها في لوس انجلوس واسبوع تقريبا في هاواي ياليت اخواني اذا احد يقدر يفيدني شنو الاماكن السياحية اللي في لوس انجلوس اروحها انا اعرف 3 اماكن بس ديزني لاند ويونفيرسال ستيديو وهوليوود انا الشباب انصحوني خلال هالثلاث اماكن اخذ فندق حق كل واحد لانه المسافات بينهم كبيره وياليت اتفيدوني شنو الفنادق الزينه في كل منطقة ذكرتها وانا مب ناوي ااجر سياره هناك لانه قوانينهم في السواقة وايد صارمه وحبيت اسال احد يعرف ارقام شركات خاصه ااجر لي فيها دريول مع سيارته خلال الاسبوعين اللي بقعد فيهم في لوس انجلوس او يعرف درايفر هناك يعطيني ولا يهون ؟؟

الله لايهينكم وان شاء الله ادري انكم ماراح اتقصرون معاي

مبروك مقدما زين ما اخترت من البلاد ارخص واحسن من اوروبا العجوز وشرق اسيا بس ياخوك ما اقدر اساعدك لاني مازرتها لاكن القريب العاجل

[تحداني]

انديانا ليست من ضمن الولايات الغربية

وبالنسبة للجمال اذا كنتي تقصدين الطبيعة
بالعكس اغلب الولايات الشمالية خضار وانهار




يمكن تكون انديانا شماليه غربيه
او غربيه جنوبيه :) .. بس انا شفتها تحت اوريجن

شكرا على المعلومه اكيد انت اعلم مني كونك متواجد اهناك


بس وين تقصد بالشماليه ؟؟ يعني شماليه صوب ميتشيغين من جهه العاصمه
امريكا اشكبرها :)


جملك الله برضاه

[ولد ازغوى]

يقولك شهر عسل مب شهر شحططه :shy:
اوفر ست ولايات في ثلاث اسابيع
تراه شهر عسل مب رحله شباب :victory::victory:

شدخل 6 ولايات .. اذا ما تعرفين نصيحه لا تتكلمين

[شهاب5]

السلام عليكم ورحمة الله وبركاته

انا ان شاء الله ناوي اروح شهر العسل امريكا شهر واحد السنة الجايه لمدة 3 اسابيع اسبوعين بقعد فيها في لوس انجلوس واسبوع تقريبا في هاواي ياليت اخواني اذا احد يقدر يفيدني شنو الاماكن السياحية اللي في لوس انجلوس اروحها انا اعرف 3 اماكن بس ديزني لاند ويونفيرسال ستيديو وهوليوود انا الشباب انصحوني خلال هالثلاث اماكن اخذ فندق حق كل واحد لانه المسافات بينهم كبيره وياليت اتفيدوني شنو الفنادق الزينه في كل منطقة ذكرتها وانا مب ناوي ااجر سياره هناك لانه قوانينهم في السواقة وايد صارمه وحبيت اسال احد يعرف ارقام شركات خاصه ااجر لي فيها دريول مع سيارته خلال الاسبوعين اللي بقعد فيهم في لوس انجلوس او يعرف درايفر هناك يعطيني ولا يهون ؟؟

الله لايهينكم وان شاء الله ادري انكم ماراح اتقصرون معاي


السلام عليكم
اخوي مبروك مادبرت مقدماً وان شاءالله ماراح نقصر معاك في شي
انا موجود في لوس انجلوس طلب عزك وتبشر يالغالي ارسلي رقمك على الخاص وبارتب معاك في كل شي.
الامر جداً بسيط عندي القارمن مخزن فيه كل شي باخليك باذن الله تلف لوس انجلوس كلها من دزني لاند ويونفيرسل والخ .... ومايحتاج دريول ولا مرشد ولا تكسي. ومايحتاج تغير الفندق اذا انت مب طالع من لوس انجلوس كلها مشاوير مال بو ساعه ولا 45 دقيقه حتى لو بتطلع مناطق قريبه من لوس انجلوس مثل سانديغو من المناطق الجمله ساعه ونص بظبط من لوس نجلوس
بس اذا بتروح لاس فيغاس 4 ساعات من لوس انجلوس لازم تاخذ فندق انا اشوف لاس فيغاس تقعد فيها ويك اند تكفيك اما سان فرانسيسكو بعيده شوي 7 ساعات من لوس انجلوس يعني تقعد فيها سبوع تكفي.
وان شاءالله ماراح نقصر معاك

[meeemz]

انصحك في مقاطعه اورانج كاونتي دزني موجوده هنالك والمدينه مشهوره بالبحر ومراكز التسوق الراقيه وتعتبر منطقه آمنه باذن الله وتبعد عن لو انجلوس ب٤٠ دقيقه في الهاي واي
من اهم معالم لوس انجلوس : سانتا مونيكا(ممشى فيه مطاعم وبيتش) روديو درايف في بيفرلي هيلز و يونيفيرسال ستوديو ...
اورانج كاونتي(ايرفاين) : دزني لاند > نيوبورت بيتش ، لاجونا بيتش (من اجمل الشواطئ) ومجمعات كثيره نفس سبيكتروم و ساوث كوست بلازا وفاشون ايلاند و ذليجاند .
وجو المنطقه روعه مظم الاوقات من السنه
وفيه جبل يبعد كم ساعه عن لوس انجلوس اسمه بيغ بير يروحون له الخليجين بغرض التزحلق على الثلج
هاواي : تبعد ٦ ساعات عن لوس انجلوس وفيها عده جزر هنا لولو و ماوي ، هنالولو هي عاصمه الولايه
..بس السياحه فيها حلوه والاجواء والمحلات والناس والطبيعه حلوه اكيد
بحر هاواي: البحر مالهم بصراحه يخرع والهوا بعد قوي شهر واحد بيكون موسم غير مستقر بس عادي الناس يتسبحون البحر شوي هائج ، وشواطئهم عاديه ومزحومه بحرهم مب نفس المالديف ومافي شواطئ فيها خصوصيه ، ولازم تشوفون العلامات اذا الشاطئ فيه علم احمر معاناها انه السباحه ممنوعه في هاليوم و فيه مخاطر نفس القروش والدوامات و الامواج العاليه .. احلى شي انه كل ما مطرت طلع قوس قزح مب واحد الا وين مالف راسي القى كانت مناظر رهيبه ...وفيه رحلات بحريه لشواطى تشبه المالديف ..وفيه رحلات للشلالات ورحلات للجبل ...يعني عالم ثاني والجو مايشبه ماليزيا وتايلاند مب وايد رطب .. وماوي يمدحونها انها اهدى من هنالولو
فيغاس جميله فنادقها رخيصه وفيها عروض اوبرا و مسرحيات و سيرك ومطاعم و اسواق
سان فرانسيسكو عجيبه فيها حديقه (محميه ) مشهوره ماعرف اسمها بس يمدحونها ..
وهذا اللي اتذكره .. امريكا يبيلها شهر ولو بتروحون في الصيف لازم تمرون سياتل

[meeemz]

واكثر ولايه حبيتها نيويورك .انصحكم ماتفوتونها لو ٣ ايام .. حشره الناس واصوات السيارات ومنظر المباني والناس جدا جميله

[برشلوني قطر]

واكثر ولايه حبيتها نيويورك .انصحكم ماتفوتونها لو 3 ايام .. حشره الناس واصوات السيارات ومنظر المباني والناس جدا جميله


ونسيت اصوااات الاسعافات وسيارات الشرطه:nice:

[ولد ازغوى]

أحلى شي لأس فيغاس شي خيالي

[نااادر]

لوس انجلوس جميله جدا

اسبوعين لوس انجلوس ممتاز و معاها 3 ايام فيغس و 3 ايام نيويورك تكون رحله في قمه الروعه


اما هاواي ماعندي اي خلفيه عنها


و مبروكين مقدما

[وحيد-الشوق]

امريكا حتى لو حلوة لكن فكرة الطيارة 14 ساعة تملل وتخليني اشيلها من راسي ماتعرف ترقد من صوت المحرك ههههه

والله 6 ساعات اوروبا واروح عالبزنس اتضايق شلون 14 ساعة وبعد شهر عسل

عالعموم انت الي رايح مب انا ههههههه

الله ييسر لك سفرك والف مبرووك

[R 7 A L]

يمكن تكون انديانا شماليه غربيه
او غربيه جنوبيه :) .. بس انا شفتها تحت اوريجن

شكرا على المعلومه اكيد انت اعلم مني كونك متواجد اهناك


بس وين تقصد بالشماليه ؟؟ يعني شماليه صوب ميتشيغين من جهه العاصمه
امريكا اشكبرها :)


جملك الله برضاه

اقصد بالولايات الشمالية
الواقعة على الشريط الحدودي مع كندا وميشيغان منها
حتى الولايات الي تحتها بعد خضار وطبيعة

[تحداني]

اقصد بالولايات الشمالية
الواقعة على الشريط الحدودي مع كندا وميشيغان منها
حتى الولايات الي تحتها بعد خضار وطبيعة




اوكي يا باشا .. فهمتها .. فهمتها