سؤال تجاري

[PLATINUM]

سؤال بسيط لاصحاب الخبره

في هندي عنده شركه هو المدير فيها شريك ومخول بالتوقيع

وطبعا معاه شريك قطري

عرض علي ادخل معاه شريك بدال الشريك القطري الحالي على اساس ان الشريك الحالي عنده شركات كثيره ومش فاضي

يعني المطلوب مني اكون مجرد اسم ومرات اروح اخلص بعض الامور في الجوازات او وزارة العمل

ويكون لي مبلغ شهري ثابت ومالي علاقه بأي شي ثاني

انا اعرف ان كثير من الناس عندهم مثل هالشركات ولا لهم علاقه باي شي بس اللهم كل اخر شهر يستلمون فلوسهم

السؤال الحين هل الموضوع هذا فيه خطوره علي

يعني ممكن يسبب لي مشكله في المستقبل او ان مضمون ومافيه مشاكل وايش هي الضمانات اللي لازم اخذها
وعلى فكره انا عمري ما اشتغلت في التجاره

وترى الشركه شغاله وعنده عقود جيده مع الدوله

واخر سؤال كم اطلب عليه كل شهر

ومشكوريين مقدماا

[شموخ دائم]

,

,


مرحبا

مافي حاجه اسمها تأجير السجل في القانون
لكن اصبح العرف ان للمحلات الصغيره مثل


حلاق
محل خضروات
بقاله في فريج
دوبي
محل العاب
معصره
دكان

هذه المحلات ماتقدر تسيطر على كم يدخل بالحقيقه
شلون بنعرف كم راس حلق اليوم وهل هو صادق معانا او لا
:)

لذلك الناس صارت تطلب مبلغ صغير مقابل المحل بدل ما تجلس تراقبه وتتعب معاه

1500 ريال
2000 ريال
3000 ريال

واذا كبر المحل او سوى فرع ثاني يدفع ايضا على الفرع او يزيد المبلغ حسب الاتفاق

اما شركات المقاولات والسوبرماركت الكبيره والمطاعم الكبيره
والاستيراد والتصدير
يكون شراكه ( حقيقيه ) او راتب ونسبه ماتقل عن 25% او 30 %
من الارباح

او شراكه كامله 51% للقطري 49% للاجنبي في السجل وله حق التوقيع ايضا
توقيع ( مزدوج ) على الشيكات

في حاجه غلط في الموضوع الي طرحته
اتمنى انك تتصل في القطري شريك الاجنبي
وتعرف الموضوع وليه هو يبي يطلع من الشركه !!!
من حقك تسئل هذا السؤال قبل تدخل في هذا البزنز
واسئل عن ( امانه ) هذا الشخص مافي خجل في هذي الامور

كيف يكون عنده شركات كثيره و مو فاضي !!
يعني في حد بالدنيا ( تجيه فلوس ) ومو فاضي لها !!

:)

اسئل قبل القطري بتعرف قصه مختلفه من الضروري تسئل

عليك مسئوليه طبعا وانت صاحب الشركه بنسبتك فيها
لو خسرت الشركه تصير الخساره بينكم حسب نسبتك

نصيحتي لك بعد ما تسئل وتتاكد انه تمام
قوله بدخل شريك معاك قانوني حسب القانون القطري
وشوف الشغل وتعلم وتابع كل شي بنفسك
كلها ساعه بعد المغرب تمر المحل تشوف الاوراق والشيكات
والايجارات وتشوف كيف سير العمل وشوي شوي
ان شاء الله تكون شاطر بكل شي

انت حقك محفوظ
وهو حقه محفوظ

تستفيد مربحه
وتستفيد خبره في التجاره




,

,

اخوك


شموخ دائم

[BoAzozz]

دامه بيدخل معاك في السجل وقيد المنشا ومخول بتوقيع في البنك .. مافي اي ضمان عليه
ممكن يسوي لك مشاكل لها اول مالها تالي اذا يبي .. وممكن يشتغل بامانه والامور طيبه

حرص ولا تخون

اذا تبي تكون في السليم حاول تعلق بعض الصلاحيات لمدة 6 شهور او سنه عشان يثبت لك جديته وامانته وانت تفهم البزنز بتفاصيله.
اهم صلاحيات هي قيد المنشا والبنك
لازم تحط محاسب من طرفك يعطيك تقارير اول باول
يفضل تكون شركة ذو مسؤليات محدوده وليس مؤسسة
اعمل عقد بينكم فيه التفاصيل الحقيقيه للشراكة واطلب ضمان مالي (مب لازم يكون مبلغ نقدي)

المبلغ حسب النشاط وحجم الاعمال

بالتوفيق

[PLATINUM]

,

,


مرحبا

مافي حاجه اسمها تأجير السجل في القانون
لكن اصبح العرف ان للمحلات الصغيره مثل


حلاق
محل خضروات
بقاله في فريج
دوبي
محل العاب
معصره
دكان

هذه المحلات ماتقدر تسيطر على كم يدخل بالحقيقه
شلون بنعرف كم راس حلق اليوم وهل هو صادق معانا او لا
:)

لذلك الناس صارت تطلب مبلغ صغير مقابل المحل بدل ما تجلس تراقبه وتتعب معاه

1500 ريال
2000 ريال
3000 ريال

واذا كبر المحل او سوى فرع ثاني يدفع ايضا على الفرع او يزيد المبلغ حسب الاتفاق

اما شركات المقاولات والسوبرماركت الكبيره والمطاعم الكبيره
والاستيراد والتصدير
يكون شراكه ( حقيقيه ) او راتب ونسبه ماتقل عن 25% او 30 %
من الارباح

او شراكه كامله 51% للقطري 49% للاجنبي في السجل وله حق التوقيع ايضا
توقيع ( مزدوج ) على الشيكات

في حاجه غلط في الموضوع الي طرحته
اتمنى انك تتصل في القطري شريك الاجنبي
وتعرف الموضوع وليه هو يبي يطلع من الشركه !!!
من حقك تسئل هذا السؤال قبل تدخل في هذا البزنز
واسئل عن ( امانه ) هذا الشخص مافي خجل في هذي الامور

كيف يكون عنده شركات كثيره و مو فاضي !!
يعني في حد بالدنيا ( تجيه فلوس ) ومو فاضي لها !!

:)

اسئل قبل القطري بتعرف قصه مختلفه من الضروري تسئل

عليك مسئوليه طبعا وانت صاحب الشركه بنسبتك فيها
لو خسرت الشركه تصير الخساره بينكم حسب نسبتك

نصيحتي لك بعد ما تسئل وتتاكد انه تمام
قوله بدخل شريك معاك قانوني حسب القانون القطري
وشوف الشغل وتعلم وتابع كل شي بنفسك
كلها ساعه بعد المغرب تمر المحل تشوف الاوراق والشيكات
والايجارات وتشوف كيف سير العمل وشوي شوي
ان شاء الله تكون شاطر بكل شي

انت حقك محفوظ
وهو حقه محفوظ

تستفيد مربحه
وتستفيد خبره في التجاره




,

,

اخوك


شموخ دائم

يشرفني ردك اخوي شموخ دائم

بالنسبه للشراكه هي بتكون بنسبة 51 %

بس في الحقيقه انا ماراح ادفع ولا ريال يعني انا راح ادخل باسمي فقط كيف اشاركه في الربح وانا ماحطيت شي في راس المال

الشركه الحين موجوده وقائمه ولها عقود ساريه وفيها عمال ولهم سكن

هل لي حق اطالبه بالارباح

انا بصراحه مادري لاني مثل ماقلتلكم عديم خبره

وبالنسبه للشريك السابق انا اعرفه واعرف طريقته

ومثل ماقلت قبل اي واحد يبي كفيل يروحله

عنده محلات اشكال والوان وفي كل النشاطات شي طبيعي ماراح يكون فاضي

بس ممكن اساله عادي

انا احس انكم مافهمتوا المساله كامله يمكن لاني انا اصلاا مش فاهم خخخخخخخخخ

[PLATINUM]

دامه بيدخل معاك في السجل وقيد المنشا ومخول بتوقيع في البنك .. مافي اي ضمان عليه
ممكن يسوي لك مشاكل لها اول مالها تالي اذا يبي .. وممكن يشتغل بامانه والامور طيبه

حرص ولا تخون

اذا تبي تكون في السليم حاول تعلق بعض الصلاحيات لمدة 6 شهور او سنه عشان يثبت لك جديته وامانته وانت تفهم البزنز بتفاصيله.
اهم صلاحيات هي قيد المنشا والبنك
لازم تحط محاسب من طرفك يعطيك تقارير اول باول
يفضل تكون شركة ذو مسؤليات محدوده وليس مؤسسة
اعمل عقد بينكم فيه التفاصيل الحقيقيه للشراكة واطلب ضمان مالي (مب لازم يكون مبلغ نقدي)

المبلغ حسب النشاط وحجم الاعمال

بالتوفيق

يعطيك العافيه اخوي ومشكور ع الرد

ايش هي الضمانات اللي ممكن اخذها عليه

تعليق الصلاحيات مادري يعني احسها ماتصير لان الشركه شغاله صارلها اكثر من سنتين

[اداري]

اتمنى الحذر لايدخلك في ديون ولا مشاكل

[مهاجر]

هذا يسمونه (sleep partner ) تاخذ نسبه تقريبا ١٠% هذا بشكل عام نفس الشخص اللي يدخل وكاله البلاد ويكون كل شي باسمه والشركه تشتغل .

طبعا سلاح ذو حدين ممكن يفيدك ويستفيد وممكن يوديك في داهيه ومثل ماقالوا الاخوان حاول تشل منه بعض الصلاحيات بالذات التوقيع وامور البنك لين ما انت تفهم طبيعة العمل وتكون ملم اكثر وعقب تعطيه بعض الصلاحيات حسب ظروف العمل .

والله يوفقك يالذيب.

[بو راشد 1]

اخوي اهم شي ان تكون الشركة ذات مسؤولية محدودة (ذ.م.م) و يكون اسمة هو فقط في السجل "المدير" عشان اذا صار ما صار انت في الامان، يعني المحاكم ما يجرجرونك. ايضا في رخصة البلدية اسمة هو فقط، ايضا اذا في اي مخالفة تجي على راسة هو فقط :nice:
و تحمل تعطي ضمانات للبنوك.

[al-mafia]

صعب انه يحصل على قرض لان البنك اول شيء بيطلبه من الاجنبي توقيع المؤسسين الي هو 51% قطري و 49 % اجنبي فا موضوع القرض لا تخاف منه لانه في ايدك