ممكن مساعده وقتراح الله يحرم اوجيهكم عن النار

[jassim69]

عند فيلا وفاتح فتحه في صاله الدور الثاني مع جسر 2متر مشبوك مع سطح المجلس وابغي فكره استغل فيها السطح والكم جزيل الشكر

[معماري قطري]

ما فهمت شتقصد يا اخوي وضح لطفاً.

[jassim69]

ما فهمت شتقصد يا اخوي وضح لطفاً.

قصدي عامل جسر تقريبن 2 متر بين صالة وسطح المجلس الخارجي ودي استغل سطح المجلس كجلسه بس ابغي احد يعطيني فكره ومشكور

[00soma00]

سويه مثلا صالة للتمارين الرياضية

[jassim69]

سويه مثلا صالة للتمارين الرياضية

مشكور أخوي علئ الفكره بس عندي غرفه مسويها صاله تمارين

[naklan]

اخوي اذا كان سقف المجلس ما يكشف الجيران يعني بيتك مطل على حديقة
او شارع عام ينفع تعمل فوق المجلس جلسة وتسكر بطوفة بينك وبين جيرانك
لعدم ازعاجهم وعدم كشف مكان الجلسة وانصحك بالخشب زين وخفيف
على المبنى واعمل دربزين عالي للجسر للامان خاصة للاطفال
وربي يوفقك :)

[jassim69]

اخوي اذا كان سقف المجلس ما يكشف الجيران يعني بيتك مطل على حديقة
او شارع عام ينفع تعمل فوق المجلس جلسة وتسكر بطوفة بينك وبين جيرانك
لعدم ازعاجهم وعدم كشف مكان الجلسة وانصحك بالخشب زين وخفيف
على المبنى واعمل دربزين عالي للجسر للامان خاصة للاطفال
وربي يوفقك :)

الله يجزاك خير اطل علئ شارع عام والجيران كلهم اخواني

[الصقر المحلق]

اخوي سوي جلسة على السطح وغطيها ببرجولة خرسانة وتكون مثل تصميم كلصورة المرفقة وما تخاف من حمل الخرسانة ,ممكن تسويها خرسانة سابقة الصب ووزنها يكون خفيف والأعمدة grc
83060

[captin]

مرحبا اخوي الله يحييك

في هاذي الحالة تقدر تسوي الاتي :

- تبني جدار من الطابوق بإرتفاع متر ونصف على الممر أو الجسر الواصل بين
الصالة العلوية وسطح المجلس وباقي الارتفاع تسكرة بمادة اليوبي في سي
الملونة بشكل محكم يمنع الشمس والهواء والغبار .

- تسوي باب عند مخرج الصالة في البيت وباب عند بداية الوصول لسطح المجلس.

- ترفع وارش سطح المجلس بمقدار يوصل الى 1.80 بحيث لو كنت واقف او جالس ما تكشف الجيران .

- تسوي سطح المجلس بمادة السيراميك وبعض الأجزاء كاحواض زراعية تجميلية ومكان للشوي وكراسي ثابتة في الأرض نفس ما هو معمول في الحدائق العامة .

- تركب ظل من مواد خفيفة سواء الأخشاب او المانقروف او غيرها على منطقة الجلوس فوق السطح .

طبعا منطقة الجلوس فوق السطح راح تستخدم في الغالب خلال الفترة المسائية لذلك راح
تحط نقاط كهربائية للإضاءة بمنطقة الجلوس .


موفق ان شاء الله

[Aaziz]

تخصصي هالسالفه :nice:

اعندك حلين. تختار منهم الي يناسبك حسب موقع و اطلاله سطح المجلس.

1- استغلاله كجلسه للرجال وتقدر توصلها للارض ب درج حديدي و في هذي الحاله ترفع الوارش طابوقتين مع دربزين اذا كنت تبيها جلسه ارضيه او ترفه اربع طابوقات مع درابزين اذا تبيها جلسه كراسي.

2- استغلال للعائلة و في هذي الحاله ترفه الوارش للدرجه الي تمنحك خصوصية لقعده العائله.

طبها في الحالتين الجسر الي بين الفله و سطح المجلس يرفه لمستوى طول الشخص لدواعي السلامه و خصوصيه الموجود في حوش البيت.

وبالتوفيق

[معماري قطري]

الأفكار كلها ممكنه ومعقوله وأفضلها الحديقة السطحية اللي ذكرها الأخ كابتن .. بس مشكلة الجهات الرسمية والموافقات وإحتمال المخالفات في المستقبل.

واحد مسوي مخزن كامل بإرتفاع كبير فوق الملحق، ومغطي على جاره والقوانين التخطيطية تمنع ذلك ولأسباب أهمها فتح الأُفق، والإحتياط من إنتشار الحريق، وشيء مهم إننا أحياناً بيوتنا واسعة وفيها أماكن كثيره مهملة وإحتمال الإهمال وارد.