بتجينا سكته ولا جلطة من المجلس الأعلى

[mrs.spoon]

يعني لين متى ما نخلص من شي الا يجينا شي، تحضير وتعليم إلكتروني وملف إنجاز وملف الإنجاز نخلصه وتجي المشرفة ما يعجبها وتغير ومن اول وجديد لا والمشكلة يرجعون ع أسباب تافهه مب حرام هالاًروارق وهالحبر اللي قاعد ينصرف ، مب حرام عيونا اللي قاعده تروح ، مب حرام اعيالنا اللي مانعرف اشلون نصرفهم وغير جذيه عصبيتنا عليهم
بالمجلس الأعلى للتعليم ارحموا من في الأرض يرحمكم من في السماء
صرنا طلاب مدرسه نرجع البيت ويبدأ شغل المدرسه من أول وجديد، ما نبي هالزياده في الراتب.

[بصمة قطرية]

لاحول و لا قوة الا بالله
الله يكون في عونكم
صج انتو تدخلون من ضمن الفئة الكادحة :(
ما يسوى عليكم هالراتب اللي بيطلعونه من عينكم ..
والله ما ألوم اللي تركوا الدريس ..
يعني كل هالاشياء المطلوبة
متى الوحدة تعيش يومها
تدرس عيالها
توجب
تطلع
إذا الطلبات كل يوم تزيد ...!!
والله حرام ..
ثلاث من صديقاتي
و ثلاث من هلي تركوا التدريس
ليش سياسة التطفيش ليش ..!!!؟؟
الإنسان طاقة و قدرة


إرحموا من في الأرض يا المجلس الأعلى يرحمكم من في السماء ..

[mrs.spoon]

الله يجزاج خير اختي بصمة قطريه
والله لو أقول لج حال المدرسات عندنا
مااقول الا الله المستعان .

[Right]

كبري الجي .. و روقي الدي




الجي: الجمجمة


الدي: الدماغ




:nice:

[بصمة قطرية]

الله يجزاج خير اختي بصمة قطريه
والله لو أقول لج حال المدرسات عندنا
مااقول الا الله المستعان .

لام الله من لامكم إختي ..

[limited]

لام الله من لامكم إختي ..

لا يجوز قول هذي العباره وجزاج الله خير

[vip-30003]

انا دايما اقول اساس المشكله مب صاحب القرار لا منفذ القرار

اذا شي مب مقتنعين فيه لا اتسوونه

ردت الفعل الاولى طبيعيه تهديد ووعيد

وبعدها ؟؟؟ ولا شي وبالذات اذا الرفض جماعي

لو مدرسين رفضوا قرار كلهم مب النص القرار بتغير او بيعاد النظر فيه

[حسن]

الظاهر مهب كلل الدارس سوا خلاص هانت ماعاد باقي شي

[Qatar Angel]

بعيد الشر عنج حبيبتي حاولي تستغلين وقت فراغج في المدرسة وتخلصين نص شغلج عالاقل تخففين على نفسج وترتاحين شوي في البيت جربي هالفكره وشوفي نتايجها

[بصمة قطرية]

لا يجوز قول هذي العباره وجزاج الله خير

شكراً للتنبيه
جزاك الله خير ،،

[شيخ الديرة]

ثلاث من صديقاتي
و ثلاث من هلي تركوا التدريس
ليش سياسة التطفيش ليش ..!!!؟؟


لكي تطول قائمة المستفيدين من الدواء المشهور

[رايق البال x]

انا اشك ان المسؤولين في المجلس الاعلى يحبون الخير لأهل قطر والله العظيم ، ولا حتى لاطفالنا الذين اغتصبت طفولتهم في ارهاقهم دراسياً ومعنوياً ، ترى الدنيا مب تعليم وبس هناك اشياء اهم واروع فالتعليم ليس في المدارس فقط ،،، لا رحموا امهات ولا مدرسات ولا اطفال .. هذي مؤامرة خارجية ولا ايش يالضبط يالمجلس الأعلى ...
اصبح الناس يطلقون عليه ( المجلس الأعلى للتعذيب ) ، عندما لا يتفق المجلس مع المدرسين او اولياء الامور او الطلاب فيما يركن اليهم من واجبات ، فلا بد ان يحارب هذا النظام ، لا نريد دول خارجية تملي علينا ما يجب فعله في الامور التعليمية ، نريد نحن اهل قطر وكوادرها من يقوم بهذا العمل ، فكل شعب ادرى بمصلحة قومه ، المسؤولون فقط واجهة قطرية لا تحل ولا تربط انما هم مجرد حائط يغطي تلك الايدي الغير وطنية في تعليم اجيالنا وفلذات اكبادنا وكلنا نعلم ذلك ،،

[mrs.spoon]

والله كل ما نقول بننجز شغلنا في المدرسه تجينا اشيا واشيا، كل شوي يطلبون شي، تقول خليه نحل كل ما خلصنا شي يكونون مجهزين لنا شي، والله الويكند انه ما نرتاح نقعد نكمل باقي شغلنا، صارت حريتنا قيد للمجلس الاعلى

[قطر70]

الله يعينكم على مابلاكم فيه

المجلس الاعلى من تخبط الى تخبط

وعلى بالهم انهم فالحين مايدرون انهم من اسفل الى اسفل

[راشد محمد]

الله يعينكم..ويلومون القطري ليش يشرد من مهنة التدريس

[قايد]

من اول الدواااااام لين اخر الدوااااااام واحنا نشتغل وياليت بعد يبين فيه شكر او تقدير لو أي غلط حطوه على راسك

مثلا دوام من الساعه 6 مناوبة صباحية عند الباب ومناوبة في الطابور ومناوبة في الفرصة ومناوبة اخر الدوام عند الباب (الباصات)

الأشراف على الكفتيريا و اشراف على صيانة المدرسة والأمن والسلامة في القسم غير أدخال الغياب إلكتروني للمجلس الأعلى غير الغياب للمدرسة ومتابعة العاملات والنظافة في القسم وضبط السلوك للطالبات ومتابعة المدرسات دخولهم وخروجهم من الحصص وغير الأعمال الثانية من الأدارة ......

العمل فوق الطاقة ...... وغير ذلك اعطاء شهادة تميز وتم سحبها بسبب غياب 5 أيام مرضي بعذر طبي

ومع الذكر اني ماغبت من اول السنة ولا مره وسحبو الشهاده لعدم الاستحقااااق؟؟؟؟؟؟؟؟؟؟؟؟؟؟؟ هل هذا عدل؟

حسبي الله ونعم الوكيل

[kitmat]

كل هذا الكلام انا قلته في موضوعي تطفيش ماتبقى من قطريات الملف معقد لدرجة اني اقعد اسوي فيه الجمعة والسبت لعدم وجود اي فراغ في المدرسة من طلبات المجلس الاعلى اللي ماتخلص واذا يبون شي لازم يخلص في نفس الوقت ويتطرش لهم عسكريه وطلباتهم ماتخلص عيل احنا متى نسوي شغلنا غير اجتماعات المدرسه واجتماعاتنا مع المدرسات والمصيبة اللي يدخل المضوع ومايعرف ايش قاعد ايصير ويقول انتو تتدلعون انتو المدرسات تتذمرون انا كل يوم والله العظيم اتحسب عليهم وعلى الملف المهني