توزيع أراضي الوكرة اليوم

[واثق بالله]

عبد العزيز الحمادي:


تبدأ اليوم وزارة البلدية والتخطيط العمراني توزيع أراض على المواطنين في منطقة الوكرة وكانت "الشرق" قد انفردت بالإعلان عنها وذلك بواقع ألف متر مربع لكل مواطن.



وقالت مصادر مطلعة للشرق ان عملية التوزيع تتم بناء على أساس معيار أولوية الموافقة، واوضحت ان عدد قسائم الأراضي المقرر توزيعها يصل إلى خمسة آلاف قطعة أرض في منطقة الوكرة بالقرب من مستشفى الوكرة.

[بوعبدالله11]

بالتوفيق للجميع

[بوعجيل]

يستاهلووووووون خير اهل قطر بالتوفيق للجميع

[مضارب دوسري]

ان شاء الله تتوزع كلها على اللي ينتظرون من سنوات طويله
ولا يتم توزيع ثلاث ارباعها على الربع واصحاب الواو
والربع يوزعونه عالباقيين وتستمر بعدها معاناة الاراضي كما كانت
5000 تكفي ان تنهي قائمه الانتظار تقريبا

[بذرة غلااا]

ان شاء الله يكون لي نصيب. تعبت من الانتظارررر *

[محمد سعيد]

اتمنى من الي استفاد من التوزيع يذكر هالشي

عشان نتأكد ان الخبر صحيح

[Q_Invest]

لا شي حتى الان... يقولون التوزيع على دفعات .. الدفعة الاولى من الاسبوع الجاي ... والتوزيع راح يكون للطلبات من 2008 وقبل

[الوثيقة]

الربع واصحاب الواو
والربع يوزعونه عالباقيين وسرى الليل

اهم من الاولويات في التوزيع من ناحية المكان ومساحة الارض والاستحقاق

[km77]

بالتوفيق للجميع

[R 7 A L]

ان شاء الله تتوزع كلها على اللي ينتظرون من سنوات طويله
ولا يتم توزيع ثلاث ارباعها على الربع واصحاب الواو
والربع يوزعونه عالباقيين وتستمر بعدها معاناة الاراضي كما كانت
5000 تكفي ان تنهي قائمه الانتظار تقريبا


تهقى قبل لاتوزع على عامة الشعب
بتمر على الربع واصحاب الواو

[الوهم 1]

نعم من اليوم بلشو توزيع لاني مريت عليهم الصبح وفي لسته كانواا يتصلووون عليهم بس بعد لازم بيكون فيها الربع والاقربووون اولى بس لايضلمووون غيرهم

[مضارب دوسري]

تهقى قبل لاتوزع على عامة الشعب
بتمر على الربع واصحاب الواو

هذا اللي حاصل للاسف
عيل شلون واحد يقدم 2011 يستلم ارضه واللي مقدم من 2005 للحين ينتظر !
انا الحمدلله استلمت ارضيًوقاعد ابدا بالتشطيب ولكن للاسف هذا اللي صاير

[الخزرجي قطر]

الله يوفق الجميع ان شاءالله

[Q_Invest]

كلمتهم وقالوا لي الطلبات لين 2008 مشمولين في التوزيع ... بس اسمي موب مشمول مع العلم ان طلبي من 2006 ... اللي عنده واسطة بيخلص غير كذا انت وحظك ....

[fahadvx97]

سؤال للاخوان المطلعين. هل سيشمل التوزيع اللي ابائهم واجدادهم متجنسين

[نسناس]

اذابيكون التوزيع حسب الاقدميه فما احد راح يزعل لكن اذا كان انتقائي وللمعرفه فسوف يستمر مسلسل المئاسي والتذمر

[صدى الرعد]

ان شاء الله تتوزع كلها على اللي ينتظرون من سنوات طويله
ولا يتم توزيع ثلاث ارباعها على الربع واصحاب الواو
والربع يوزعونه عالباقيين وتستمر بعدها معاناة الاراضي كما كانت
5000 تكفي ان تنهي قائمه الانتظار تقريبا
ابيض وجه

[سيكل]

هذا اللي حاصل للاسف
عيل شلون واحد يقدم 2011 يستلم ارضه واللي مقدم من 2005 للحين ينتظر !
انا الحمدلله استلمت ارضيًوقاعد ابدا بالتشطيب ولكن للاسف هذا اللي صاير

:nice:طبعا لازم تتفلتر هذه الاراضي للربع والشلليه علشان توصل الهدية او المقسوم من خلال الابشاره من صاحب الارض للي بشرهم بالارض :omg:اما لالاسماء فمثل دفتر الطالب في البدايه في الابتدائيه يمشون على سطر ويتركون سطر :secret:ولو الموضوع في يدي الكل فيهم الخير والبركه ولكن لرشحت عبدالله بن حمد العطية يمسك الموضوع في التوزيع :telephone:رجال ما يعرف واسطه ما واسطه ولاأحد يجرأ انه يتوسط عنه .. حقه تاخذه غير ذلك يقبضك الباب :victory:

[فلور]

انا ما اقول غير حسبي الله ونعم الوكيل
من 2007 وانا انتظر كل ماصار توزيع يقولون لي وزعنا جزء من الاراضي وجزء عقب ولا شفت شيء
والحين سمعت بالخبروستبشرت بخير لما سمعت عن توزيع الوكره صدموني 0 يقولون لي بنسه للمطلقه والارمله متوقف 0 سالت ايش السبب قالو لان بيزيدون الغرض 00 والله هذا مب كلام منطقي ناس عقبي عطوهم وخلصو وانا للحين قاعده مب عارفه ايش اسوي كل هشيء علشان ماعندي واسطه
بس مااقول غير حسبي الله ونعم الوكيل

[كلاسيك قطر]

شباب واحد من الشباب شغال هناك يقولي بيتم توزيع الاراضي القديمه الي الجديده بتتريج الي امقدمين ع الاراضي من سنه 2008 الي 2013

وانا رحتلهم اليوم قالولي انطر بعد 10 ايام او 15 يوم اذا جاك مسج تعال استلم الملكيه

بالتوفيق للجميع

[مضارب دوسري]

شباب واحد من الشباب شغال هناك يقولي بيتم توزيع الاراضي القديمه الي الجديده بتتريج الي امقدمين ع الاراضي من سنه 2008 الي 2013

وانا رحتلهم اليوم قالولي انطر بعد 10 ايام او 15 يوم اذا جاك مسج تعال استلم الملكيه

بالتوفيق للجميع

الله يوفقك اخوي
انت من الناس اللي تطالب من زمان
عقبال ماتبشرنا:nice:

[كلاسيك قطر]

ان شاءالله الله يسمع منك

[فلور]

والي طلبه من 2007 ايش مصيره ؟

[غير عنهم]

المشكلة في موظفي الاراضي اذ فتحو مجال كل واحد ومعارفه اتمنى ان يتم اختيار موظفي الاراضي بعناية واهم مواصفات الموظف تقوى الله ومايكون جنبازي