مسابقة اجمل بجامة

[هسلان]

السلام عليكم ورحمة الله وبركاته

من كم يوم وردة لنا رسالة من مدرسة عبدالله بن زيد الابتدائية المستقلة فحواها قيام المدرسة بعمل مسابقة لاجمل بجامة
وطبعاً ماكذبنا خبر احلى بجامة في السوق للولد عشان يفوز في المسابقة :eek5:
وعشان يحر الطلاب اللي على قد حالهم ويتفشخر بفلوس ابوه وبنوع البجامة والرسومات اللي عليها والطلاب المساكين كيفهم محد قالهم يصيرون اولاد فقارا

اااخ يالتعليم وين وصّلوك وين يبونك توصل :rolleyes2:

تحياتي للجميع

[أسد الجزيرة]

باقي اجمل ملابس داخلية :secret:

[أم نواري1]

يمكن المديرة أو حدى الإداريات أو المدرسات
ملت من المحلات اللي تاخذ منها بجامات لعيالها وتبي تغير فسوت المسابقه " أحسن الظن "

انتو للحين تستغربون فعايل المدارس المستقلة .؟!
ياجماعه شيلوا عيالكم منها وشوفوا مدارس خاصة لها سمعة وتابعوهم بنفسكم وافتكوا

[سارونه]

:app::app:
يمكن المديرة أو حدى الإداريات أو المدرسات
ملت من المحلات اللي تاخذ منها بجامات لعيالها وتبي تغير فسوت المسابقه " أحسن الظن "

انتو للحين تستغربون فعايل المدارس المستقلة .؟!
ياجماعه شيلوا عيالكم منها وشوفوا مدارس خاصة لها سمعة وتابعوهم بنفسكم وافتكوا

:app::app::app::app::app:

[وبشرالصابرين]

يعني الطالب يمشي في المدرسه بالبجامه ..

هذا الي يقول صدق او لا تصدق


تقليد لاجانب في كل شي

[للصبر اخر]

هههههههههههههههه
وانا اشوف الولد يحن يبي يروح بالبجامه كل يوم
اثاري السالفه جي
الله يرحمك يا التعليم

[NINA RICCI]

بللل شدعوه احلى بيجامه !!!

كلش ماله خص فالتعليممم .. @@

الا يحرض الطلاب على المفوشر .. بصررراحه مافي احسن من المدارس الخاصه ماعندهم هالخرابيط

[السكين]

قبل فترة طلبوا من بنت اختي بعد تجيب معها بيجامة وحسب ما فهمت من اختي على اساس يعني مسويين أجواء غرفة النوم !!

اموت واعرف فايدة هالتصرف ..

درسنا من ابتدائي للثانوية بهالبلد ولا مرة كان فيه نشاط سلبي بالعكس زيارات مصانع رحلات شواطيء مكتبات وكنا شباب واللي فيه خير يبعد عن المجموعة وكيل المدرسة والمشرفين كانوا قايمين بدور الآباء.

[أم نواري1]

:app::app:

:app::app::app::app::app:

من جد والله :anger1:
عيالنا تعبنا فيهم وطلعت عينا
ولما أجي أعلمهم وهم براعم قاعدة تتفتح
واسفنجه تتشرب كل شي إذا ماحاسبت عليهم
أرميهم بكل برود للمستقلة :eek5:

[اجرام]

الشرها على الاب والام الي خلى ولده يروح المدرسه بجاما

[الخـود]

اتذكر أني سمعت هالموضوع من كم سنة في وطني الحبيب...
يعني - والله اعلم - المسابقة ليست جديدة

[نوار قطر]

يمكن المديرة أو حدى الإداريات أو المدرسات
ملت من المحلات اللي تاخذ منها بجامات لعيالها وتبي تغير فسوت المسابقه " أحسن الظن "

انتو للحين تستغربون فعايل المدارس المستقلة .؟!
ياجماعه شيلوا عيالكم منها وشوفوا مدارس خاصة لها سمعة وتابعوهم بنفسكم وافتكوا


اي هذي بجااامه بارتي :secret:

ومن قال لج ان المدارس الخاصه مافيها بجامه بارتي... من كم يوم نيوتن مسوينهالحفله حق طلابهم وطالباتهم.

[هسلان]

الشرها على الاب والام الي خلى ولده يروح المدرسه بجاما

ااااممم :con2: كلام كبير
بس شنو الحل في نظرك يروح الولد ويحس بالنقص والاولاد لابسين وهو بلبس المدرسة وغير زملاءه
أو يغيب من المدرسة ويسجل موقف :victory::strong3:

[M&F]

شدخل مفوشر في السالفه

يعني في حد ما عنده بجاما الحين

هااي نوع من الترفية للطفل وانا اشوفه شي حلو


وانتوا الحين خليتوا كل شي ووقفتوا على هالسالفة في المدارس المستقلة :secret:


عيل وش بتقولون عن الناس اللي يسوووون بجاما بارتي:whistling: :omg:

[أسد الجزيرة]

ممكن الهدف من لبس البجاما في المدرسة

[أم نواري1]

اللي أعرفه إن في يوم تخييم بالمدارس من زمان صح فيه أنشطة وفعاليات
لكن بجاما بارتي هذي واللي صارت النجمة فيها البجاما مالها معنى ولا هدف

إي أخلي ولدي يروح بلبسه العادي وأفهمه إن هالشي ماله معنى
ويوصل صوته للمدرسة عل وعسى تفهم إن في أطفال مخهم أكبر من كذا

أوكي نرفه عن أطفالنا ترى في ترفيه هادف
وإلا حتى الترفيه قمنا نوفر فيه

وين تروح ميزانيات الأطفال

يقدرون يستضيفون تربويين لليهال يكلمونهم على قدهم
يقدرون يسوون فعاليات يشركون فيها الأطفال حركية وعقليه
ويشاركون فيها الأهل بعد

اللي يسوون بجاما بارتي بكيفهم
إحنا كل يوم قبل النوم نلبس بجاما ونسوي فاملي بجاما بارتي = )

[رفيق الصحراء]

يارجال احسن من مسابقة احلى فحل واحلى بعير اللي قاموا يسوونها

ماباقي الا احلى ..... ( الرقابه)

[بوالبيض]

هههههههههههههههههههههههههه خوش مسابقه هي التعليم الصح

[هسلان]

ياجماعة الموضوع مش موضوع بجامة وبس
الموضوع موضوع مراعاة لشعور الاخرين وبالاخص الطفل
الحين المدرسة تجمع كل المستويات وبعض الجنسيات وذوي الدخل المقرود
ولما تجي رسالة من هذا النوع تقوم كل أم بعمل الهوايل لكي يصبح ولدها صاحب اجمل بجامة وحدث ولا حرج على الصرف والمبالغة
لاتعتقدون أن الموضوع يختصر على بجامة البيت العادية المستعملة لألألألألألألألألألأ الموضوع مجاكر من قلب
طيب شذنب الطالب الفقير أو اللي اهله ماعندهم امكانية
المسابقة تزرع التمييز بين الطلبة حتى ولو كان الهدف ترفيهي

[حياة]

الحمد لله والشكر
ابغي اعرف الهدف بس.....؟!!
من يوم مسكنا عقولنا والبيجامه وقت النوم فقط
حتى اذا جاونا ضيوف عيب يطلع لهم بالبيجامه
.. انا ولدي في مدرسه خاصه قالوا للعيال يلبسون
اي لبس يبونه والبنات بيجامات وولدي كان يبي يروح
علشان يضحك ع البنات وصراحه خليته نايم ماقومته الصبح
ماله داعي يروح يشوف هالسخافات حتى لو مش لابس بيجامه

[أم نواري1]

اشدعوه الأولاد أي لبس والبنات بجامة .؟!
والولد يبي يتعنى عشان يتمسخر على البنات .!!!

شوفوا الفكر الحلو اللي بيزرعونه فاليهال

[دااانة قطر]

قبل اختبارات نصف التيرم كاانت في مساابقة أجمل سفرة في مدرسة الوجبة الاعداادية
ومن اسبوعين بدت مساابقة افضل طبق سلطه
والاسبوع اللي بعد مساابقة افضل عرض أزيااء وشااركوا فيه البناات بأزيااء من جميع البلداان
ولأن المدرساات استاانسوا على العرض السودااني
يوم الخميس رااح يكون خااص للعرض السودااني فقط










وبعدين يعني ؟؟

[tawareq]

المدارس اكثرها show وبس

[xxa7laxx]

ممكن الهدف من لبس البجاما في المدرسة

الهدف احد محاور الاسابيع الثمانية من برنامج نحن اصحاء وبرنامج المدارس المعززة للصحه
والبرنامج مطبق في عدد من المدارس المختارة لتطبيق البرنامج

هذا للعلم

[xxa7laxx]

ياجماعة الموضوع مش موضوع بجامة وبس
الموضوع موضوع مراعاة لشعور الاخرين وبالاخص الطفل
الحين المدرسة تجمع كل المستويات وبعض الجنسيات وذوي الدخل المقرود
ولما تجي رسالة من هذا النوع تقوم كل أم بعمل الهوايل لكي يصبح ولدها صاحب اجمل بجامة وحدث ولا حرج على الصرف والمبالغة
لاتعتقدون أن الموضوع يختصر على بجامة البيت العادية المستعملة لألألألألألألألألألأ الموضوع مجاكر من قلب
طيب شذنب الطالب الفقير أو اللي اهله ماعندهم امكانية
المسابقة تزرع التمييز بين الطلبة حتى ولو كان الهدف ترفيهي

لتصحيح ليست مسابقه وانما هي تطبيق لاحد محاور الاسابيع الثمانية من برنامج نحن اصحا ءاحد برامج المجلس الاعلى للصحه وكذلك برنامج المدارس المعززة للصحه المطبق الان في عدة مدارس تم اختيارها من ضمنها هذه المدرسه

[امـ حمد]

اي والله الله يرحم وزارة التربيه والتعليم
أنشأت جيل متربي ومتعلم وعلى خلق ودين

[لاجل QT]

اجمل بجامة بصراحة شي ماله معنى شنهو اجمل بجامة اشدخل هذا في التعليم شنهو الهدف ؟؟

بنتى سوو فقرة عن الاستيقاظ مبكرا وغسل الاسنان بالفرشاة والمعجون وكانت لازم من ضمن الفقرة تلبس بجامة ...هذي معقولة نشاط مدرسي له هدف

انا اقول خل يدرسون عيالنا بذمة وضمير ابرك بلا هالخرابيط..الطالب يدش البيت مهب فاهم شي من الابله

[بنت المطر]

تقليد أعمى للغرب عندهم بيجاما بارتي يعني يسوون وحفله والمعازيم يلبسون بجامه

الترفيه فالمدارس مطلوب له دراسة مب من كل هب ودب يقعد يطلع مسابقات على كيفه

[Positive]

اخبر البيجاما بارتي حق البنات مب الأولاد خخخخخخ
عيل الولد وش بيجامته سروال وفانيلا والا جلابيه :tease:

[Positive]

لتصحيح ليست مسابقه وانما هي تطبيق لاحد محاور الاسابيع الثمانية من برنامج نحن اصحا ءاحد برامج المجلس الاعلى للصحه وكذلك برنامج المدارس المعززة للصحه المطبق الان في عدة مدارس تم اختيارها من ضمنها هذه المدرسه

ممكن شرح الهدف من الذهاب الى المدرسه بالبيجاما؟؟؟؟؟ :omg:

أوكي حتى لو برنامج مازلت ارى ان الموضوع سخيف وماله داعي في طرق اخرى لتعليمهم بالصحه غير انه يروح المدرسة بالبيجاما ....

ممكن يكون يوم مفتوح واغلب المدارس اتسويها أتخلي الطالب يجي بملابس غير الزي المدرسي المعتاد للتغير لكن مب بيجاما !!!!! :rolleyes2:

[الكنترول]

لا حولا ولا قوة إلا بالله معقولةةةةةةةةةةة

[بصمة قطرية]

الله يرحم أيام وزارة التربية و التعليم ..

[فيروزه]

يوم البجامة العالمي
مب في المدارس المستقلة
وصارت في مدرسة ابني بمدرسة خاصة

[النجلا]

صارت فالمدارس الخاصة هالشي يسوونه كل سنة وطبعا ماطرشت ولدي بس ماكانت مسابقة .. لكن المستقلات تقليد في تقليد ماعندهم شي ..

انا لأني اشتغلت فمدرسة من قبل وعرفت طرق التعليم والمناهج عندنا .. يطلع منها الطالب لايعرف عربي ولاانجليزي .. حطيت اكس عالمدارس المستقلة .. مستحيل ادخل عيالي مدارس مستقلة ..حتى لو اضطريت ادفع راتبي كله حق المدارس الخاصة ولايدرسون فمستقلة ..