افضل شركة تنظيفات في الدوحه !!؟

[أسير الاسهم]

السلام عليكم

حبيت اسألكم من واقع تجاربكم عن افضل محلات التنظيفات ؟؟؟

انا عندي بيت جديد وتوني مخلص تشطيب
وانواع البقع والاسمنت والجبس والاوساخ والرمال والاصباغ :rolleyes2:

يبي لها معدات خاصه ومواد كيميائيه للتنظيف

يا ليت اللي مجرب حد ممتاز يعطينا معلومات عنه وكيف الاتصال به

[الرويـس]

اذا ساكن في نعيجة ( الهلال ) مر اي مسيد واسال عامل التنظيفات من اي شركة هم
لان ماشاء الله تنظيفهم محترم
بس ما ذاكر اسم الشركة
واذا ما خاب ظني اسمها القطرية للتنضفات
وبحاول اجيب لك رقم المنسق عندهم
واحد حبوب وطيب
نحسبه والله حسيبه

[أسير الاسهم]

يا الحبيب مو تنظيف عادي مسح بلاط وكنس .. لا يبه بيت جديد متروس أسمنت وجبس وبلاوي

يبيله مواد كيميائية ومعدات تنظيف خاصة لهالامور عشان ينظف البيت


اللي يخبر حد او محل يعطيني رقمه

[فريج النجادة]

شركة قطر للتنظيفات

ما في مثلها حتى قصر الامير نظفوة

شركة جدآ ممتازة عن تجربة

[حمد 2002]

نصيحه ابتعد عن شركه المناعي للتنظيفات ، صارو مب نفس قبل شغل تجاري وسعرهم مبالغ فييه وايد خذو علي 4000 ريال :anger1:

[أسير الاسهم]

غيرهم بعد في شي ؟

[الأصيلة]

جاسم وعبدالعال
شركة قديمة ومعروفة

[BoAzozz]

سمايل كلين للتنظيفات
مجربين .. شغلهم زين واسعارهم معقوله
77949471

[الرويـس]

اخوي الشركات اللي في المساجد طبعا على كفائه
وانت طلبت شركة ومنضفات ودليتك على طريقة منهم
وطبعا اكيد هذا من اختصاصهم لان حاليا في حملة كبيرة لتجديد مساجد الدوحة كلها واكيد فيها من الامور اللي ذكرتها من مخلفات البناء وغيرها والشكل الاخير للمساجد طبعا يحكم على والعنايه بها
وانا ضربت مثال بمساجد منطقة نعيجة الهلال لقربي منهم

وجزاك الله خير