العجايز .... والشيبان ........في مجتمعنا

[البدوي]

موضوع بصراحة مهم ...

هل يعني اذا وصلت لسن التقاعد خلاص انتي دور الفرد ؟

نفتح مناقشة نطلع منها بفأدة يستفيد منها جميع افراد المجتمع بعيد عن التجريح


... في امريكا في بعض المحلات اتشوف كبار السن يعملون بجد واعمارهم كبيره اذا قلت فوق الثمانين مابالغت

ولما سألت ليش اتخلونهم يعملون .... ؟

جاوبني المسئول .... هو الي متطوع بالعمل وبدون مقابل .... مجرد يقضي وقت

اجابة بصراحة اصدمتني

[alsoq]

لا تقارن اهلنا بعببده الدولار من قص عليك يقول يشتغل بلاش
هذول ياخذ على عياله فلوس اذا سكنو عنده هذول يعبدون الدولار لو ما يشتغل تحصله بالشارع قاعد متسول

فا رجاء ابعدون المقارنه الفاشله عنا

[R 7 A L]

قبل وجود وزارة البيئة وبعض قراراتها التعسفية
كانوا اغلبية كبار السن وعند تحويلهم للتقاعد
يشغلون اوقاتهم في العزب يوم كان مسموح بالعزب ويشترون لهم حلال
الحين الله يعينهم

[العلم]

وزارة البيئة اتمنى إزالتها من على وجه الأرض .. وبس :anger3:

[المستعينه بالله]

المتقاعدين على قله عددهم في الدوله الا انهم مهمشين

وتصبح حياته لا قيمه لها عندنا

الواحد صار يتعوذ من التقاعد

وممكن الدوله تساعده هؤلاء المتقاعدين كأن تعطيهم محلات تجاريه مخفضة الايجار

أو اراضي صناعيه صغيره او مزرعه. ليقضى ويسترزق منها ،

سابقا كان المتقاعد يستثمر بالتكسي الاصفر او يفتح له محل في بيته يسترزق منه

والمحالات كانت رخيصه ذالك الوقت

[storm..]

لا تقارن اهلنا بعببده الدولار من قص عليك يقول يشتغل بلاش
هذول ياخذ على عياله فلوس اذا سكنو عنده هذول يعبدون الدولار لو ما يشتغل تحصله بالشارع قاعد متسول

فا رجاء ابعدون المقارنه الفاشله عنا

والله صحيح :victory:

[أبو راكان]

- اتمنى بناء مجالس في المناطق السكنية بالقرب من المساجد يجتمع فيها الشيّاب وتكون تحت رعاية دار المسنين
- اتمنى ان يكون هناك اخصائيين من دار المسنين يقومون بزيارة المسنين في بيوتهم وتلبية احتياجاتهم والوقوف على احوالهم واوضاعهم والاستماع الى مشاكلهم وعلاجها

[عصير بو نص]

اتمنى من الابناء تخصيص جزء من يومهم للجلوس مع ابائهم وامهاتهم
صدقوني الشيبه والعجوز يوم يدخلون عليهم ابنائهم واحفادهم تكون قمة المتعه عندهم

[الصغيره]

الصراحه حالهم يحزن وين يروحون

لا عمل ولا عزبه ولا حلال واذا بيطلع له كم راس غنم وين يوديهم


الله يكون بعونهم

[بصمة قطرية]

مساكين ..

[ام السعف]

لازم تكون لهم نادي خاص فيهم يشاركونهم عيالهم او احفادهم الحياة فيها

[البدوي]

الله ايكون في عونهم