█◄◄░ وقت تقديم الامتحانات ░►►█

[حراير قطر]

السلام عليكم ورحمة الله وبركاته

رحت امس على الساعة 12 ونص لمدرسة عيالي

وابي اطلعهم لظروف خاصة واتفاجأ انه ولدي يقدم امتحان علوم

هذا اللي بالصف الثالث ..

في ذمتكم هذا وقت لتقديم امتحان ؟؟؟

المعلومات اللي بمخهم طارت من العبه

وبعض المواد يبيلها عقل فاضي وتركيز مو يعطونهم دروس

ويختلط الحابل بالنابل ويقدمون امتحان

ما اقول غير حسبي الله ونعم الوكيل

والله يعين عيالنا عليهم والله يوفقهم ...

[R 7 A L]

يمكن امتحان تجريبي
او غير رسمي

[حراير قطر]

يمكن امتحان تجريبي
او غير رسمي

لا يا اخوي رحال

هاي امتحانات الباقة الثالثة ...

[R 7 A L]

لا يا اخوي رحال

هاي امتحانات الباقة الثالثة ...




الوقت غير مناسب
صراحة

خصوصاً للاطفال


وقت خمول وكسل ونوده

[حراير قطر]

الوقت غير مناسب
صراحة

خصوصاً للاطفال


وقت خمول وكسل ونوده

عدل كلام الوقت غير مناسب لهم ...

[القنيطرة]

صحيح هذا ماسمعته ايضا صباح اليوم في وطني الحبيب صباح الخير

[تحداني]

ليكون يعطون عمور اخوي هالحزه اختبار .. هو يادوب يشيل المعلومه 6 ساعات وهو نايم
بنتحر والله :( .. بس للحين اختباراته مابدت في صف الثاني الثانوي
الله يستر


جملك الله برضاه

[حمد 2002]

اجوف الامور عاديه وماله داعي تضخيم الموضوع ،،،

اكيد اذا حصه العلوم الساعه 12 ونصف بيكون موعد امتحانه 12 ونص ، وبعدين المدارس عندها اوقات معينه ومواعيد وجداول لأمتحانات اخرى فطبيعي ايكون هالشيء موجود ، فماتقدر اتحط الأمتحانات بما يتناسب مع رغبه أولياء الأمور ..
وهالشيء على فكره معمول فيه من فتره بعيييده من عشرات السنين ، فالوضع طبيعي ومايخوف للي دارس ومذاكر امتحاناته عدل

تحياتي لج والله ايوفق الجميييع

[حراير قطر]

صحيح هذا ماسمعته ايضا صباح اليوم في وطني الحبيب صباح الخير

خساره ما سمعتهم اليوم

ويعطيج العافيه اختي ...

[حراير قطر]

ليكون يعطون عمور اخوي هالحزه اختبار .. هو يادوب يشيل المعلومه 6 ساعات وهو نايم
بنتحر والله :( .. بس للحين اختباراته مابدت في صف الثاني الثانوي
الله يستر


جملك الله برضاه

الله يعينه ويوفقه ان شاء الله

سياسه المجلس الاعلى ما ادري وين بتوصل حال الطلاب ؟؟؟

[شيزكيك]

الصراحه الوقت مش مناسب حق طلاب الثالث او اي طالب اشدعوه عليهم المفروض الثانية الثالثة بالكثير

واصلا الجدول يكون محددين الايام والمواد والاوقات يعني المفروض يلتزمون في الوقت

[رفيق الصحراء]

هذي مو امتحانات نهائيه عشان يعطونهم الصبح يمكن وقت حصته 12 ونص فبالتالي مثل مارد احد الاخوان راح يكون وقت امتحانه هالوقت
لو حصته الاخيره امتحانه بالحصه الاخيره
بس ممكن يكون اقتراح بانه الامتحانات تقدم باول حصه من كل يوم بجميع المراحل
ويتم ترتيبها بشكل سهل بكل مدرسه

بس هذا شي عادي يكون الامتحان هالوقت او اخر حصه او اول حصه

[أم نواري1]

المقصد الحزة لو الطالب مواصل مثلا وهو يدرس أو رقد سويعات وقعد الفجر مع الصلاة
ماتجي حزة الاختبار إلا وهو خلاص يبي يرقد

أما المعلومات ماعليها خوف موجودة للي ذاكر عدل بيسترجعها بسهولة وقت حاجتها

ومافي أحسن من الصبح لكل شي
بورك لأمتي في بكورها

الله يرحم ماكنا نمتحن شي بهالوقت إلا الفنيه كإمتحان ثاني
أو إذا كان عربي وإنجلش ورقة أولى وثانيه

[بنـ الدحيل ـت]

حبيبتي حراير قطر

اشلونج ..؟؟

معقولة ..؟؟


حسبي الله ونعم الوكيل

اشتكي عليهم في المجلس الأعلى