اشلون تؤدب موظف وقح معاك في الدوام ؟ يبيله نفاض سنع

[همس البراكين]

تقوله تعال هي احنا مو عبيدك فاهم
او شكرا على اخلاقك

انتوا فاهمين قصدي كلا الردين فعالين
الاول تسكيت انك تعطيه الكلام حار بحار
والثاني اطنازة واضحة

انت انتي
اشلون تأدبين الوقح والمتمادي

[روح الاطلس]

محد يأدب احد
الي مو متأدب ووقح ان عطيته بنفس اسلوبه بتكون انت بعد وقح!

اتخاذ الموقف حسب الموقف وحسب الشخص وحسب درجة وقاحته
ان كان الموضوع يتعلق بالعمل وصار خلاف لابد من اتخاذ الاجراءات القانونيه
ان كان فيها تطاول وسب وشتم فالموضوع ياخذ مجرى ثاني


موضوعك مختصر جدا واختصاره يفقد القارىء الرد المناسب

[storm..]

عامل الناس باخلاقك

[نوار قطر]

اذا الموظف او الموظفه فيهم وقاحه وقلة ادب مستحيل انزل لمستواهم وانزل من قيمتي و تربيتي وبقعد الاسنه او ارد عليه قدام الله وخلقه وقدام الي يسوى والي مايسوى ،،وفي مكان حساس ،،، ولو كان هو مب ويه حشيمه بس ناس تحشمهم وناس تحشم نفسك عنهم وهالنوعيه من الي تحشم نفسك عنهم ،،،

[pure]

الله لا يحدنا ونتعامل مع هالاشكال بس عموما بتجنبه و بحاول يكون كل شي فورمال

ويكون التواصل بالايميلات عشان يكون كل شي موثق

[بريق الحق]

التجاهل له مفعول قوي

[قطرية مثقفة]

ردد في قلبك يا جبار اجبر بخاطري :):) وحسبي الله ونعم الوكيل :) والله لهم الأثر السحري :) والله لأن في أشكال أحشم نفسي عنهم

[برشلوني قطر]

والله ياخوي المشكله اذا ياك مراجع قليل ادب

وانت ع راس عملك. هذي البلشه

وبالنسبه لواحد معاك فالدوام لازم تعرف اذا

هو من النوع الي ماينعطى ويه من البدايه

لا تعطيه مجال ياخذ عليك

[H H]

هالاشكال عطها على راسها مره وبتشوفها ماشيه معك سيدا الف مره !
كلنا محشومين عن هالاشكال بس بعضهم يحتاجله وقفه وحده وقرصة اذن وحده
والافضل يكون قدام كل الموجودين عشان بعد كذا يفكر الف الف مره قبل لايقول كلمه وحده !!

المساله ماهي مسالة مستوى وحشيمه, اطلع من ثياب الحشيمه الي تربيت عليها لمدة دقيقه
وعلّمه ان الله حق وبعدها ارجع لثيابك والكل بيعرف انك شخص محترم لكن عندك خطوط حمرا!!


يمكن اكون غلطان لكن بهالزمن ماعاد الحقران وغيره يفيدون ...

[لاجل QT]

المشكلة في اللى يتعمدون يكونون وقحين للاستفزاز

لو حشمت نفسك عنهم.. قالو بس ضعيف مايقدر يرد ..صعب يفهم الوقح هالاخلاق فا بيتمادى في وقاحتة واستفزازة

وان رديت بتكون غير راضي عن نفسك ان وصلت لهالمرحلة من الاخلاق

بس طريقة امعاية والمرادد متعبة وتصغر الشخص

هي مرة وحدة شرشحة شرشحة مضبوطة فامابيعيدها معك

هذا طبعا اذا نفترض ان نتكلم عن شخص عندة احساس

[R 7 A L]

الانفراد به واسماعه اقسى الكلام حتى
لا يتمادى

[مضارب دوسري]

امسكه على جنب واهدده :)

[ZURICH]

اتجاهله ولاكأني اشوفه

ممكن ارد عليه السلام فقط

[khaldoon]

اتعامل معاه بشكل رسمي جدا جدا و انا متحفز له ولو قل ادبه امسح بكرامته الارض ....انا صريح جدا

[أبو راكان]

لاتعطيه وجه
ون مصخها الجأ للقانون

[q6ri_vip]

يعتمد ع شخصية الشخص نفسه

[همس البراكين]

يبيله تسنيع عدل

[شبح الصمت]

هالايام محدن يقدر يتجرأ على أحد لانه يكون حاسبها من جميع الزوايا يعرف قاعد يكلم من ..

وفي ناس يبيلها العين الحمره لو تمادى وقفه باسلوبك الي تربيت عليه ..

ما تفهم شيء راجع له ويتحمل الي يجيه أيا كان ..

[بنت مريخ]

عن نفسي اسكت واطنش وداخلي يغلي
نفسي ماطاوعني انزل لمستواها لاني امرض اذا غثيت حد
اصلي وادعي بسجودي خصوصا في صلاه الليل

[almaf1a]

بكس مستقيم

[العنود22]

أحسن رد

"وإذا خاطبهم الجاهلون قالوا سلاماً" صدق الله العظيم

يخاطبنى السفيه بكل قبح
وأكره ان اكون له مجيبا
يزيد سفاهة وازيد حلما
كعود زاده الاحراق طيبا
(الإمام الشافعى)

[ضوى]

تعاملت بحياتي مع واحدة من هالنوعية لكن تجاهلتها تمام ولا كانه في احد يمر من جنبي بس بجد صارت مسطرة والكل لاحظ تغيرها بس بعد ماعطيتها ويه لحد ماتوكلت على الله وشافت لها مكان ثاني

[همس البراكين]

هلا
يبيلهم درس تأديبي والله
اشكر كل من ساهم في الموضوع

[ريتويت]

السكوووت

[bu-3bdulla]

:nice::nice:
أحسن رد

"وإذا خاطبهم الجاهلون قالوا سلاماً" صدق الله العظيم

يخاطبنى السفيه بكل قبح
وأكره ان اكون له مجيبا
يزيد سفاهة وازيد حلما
كعود زاده الاحراق طيبا
(الإمام الشافعى)