الشاي الاخضر بنكهة الياسمين ..

[H H]

السلام عليكم


الشاي الاخضر يااخوان وين اقدر القاه ؟؟

في شاي اخضر شربته مره فهاغن داز الي فاللؤلؤه ومره فمقهى فاللؤلؤه بعد !
بنكهة الياسمين وطعمه حلو ومايحتاج سكر ابداً , من وقتها وانا ادور عليه ومالقيته شريت للحين
اكثر من اربعه او ثلاث كراتين مختلفه وكلها ماطلعت نفس الي ابيها مع انها بنكهة الياسمين!!
طبعاً هم يقدمونلك كاسة شاي فيها مويه حاره وكيسة شاي اخضر بنكهة الياسمين وسكر على جنب



ياليت الي عنده خبر يفيدني ..

[خزامئ]

فيه محل في حياه بلازا يبيع انواع شاي ممكن تحصله عندهم
وفيه كشك قدام كارفور فيلاجيو بعد فيه انواع شاي

[deema117]

فالجمعية .... شاي ليبتون ، فيه بنكهة الياسمين


وبعد


ماركس & سبنسر ( اللاند مارك ) .... عندهم جهة الأغذية

[قطريه22]

في الكوفي نفسه اوقات يبيعون

وفي حياة بلازا محل يبيع الشاي وعندهم
وعندم كوفي ارماني في اللولوه عندهم للبيع بس غالي

انا اشتريته من دبي مول محل فيه جميع انواع الشاي الاخضر وعجيب مافي مثله في قطر حتي الي عندهم طعمه مختلف عن الي عندنا

[Al-Kuwari]

احلى شاي اخضر بتشربه في حياتك موجود في ستاربكس

اسم الشركة Tazo للأسف ما ادري لو متوفر فالسوق القطري بس ممكن تمر وتجربه في ستاربكس ومن ثم تسأل العامل من وين تقدر تشتريه

[لاجل QT]

مري هيبر ماركت عندهم اظن

[Al-Kuwari]

فالجمعية .... شاي ليبتون ، فيه بنكهة الياسمين


وبعد


ماركس & سبنسر ( اللاند مارك ) .... عندهم جهة الأغذية


صحيح الشاي الاخضر الخاص بماركس & سبنسر ممتاز بعد

لكن ماقد جربته في قطر

اشتريته من بريطانيا وكان ممتاز لكن مب احلى من الشاي الاخضر لشركة Tazo

[روح الاطلس]

الشاي الاخضر بالياسمين غرامي الذي فقدته :(

شوف احلا نوع كان ليبتون لكن للاسف وقفوه دورت بكل الجمعيات انقطع لو تذوقه مره بتعوف كل شاي ياسمين قد ذقته مال ليبتون وبس

جربت اكثر من عشر ماركات وجربت مال ماركس اند سبنسر وجربت مال محل الشاي الي بالحياه بلازا وكل ماشريت رميت العلبه مستحيل يكوننفس ليبتون الي قطعوه

[Al-Kuwari]

^
^

توني من شوي راجع من محل موجود في بريطانيا اسمه

Holland & Barrett

المحل متخصص في بيع البضائع المناسبه لتحضير الأكل الصحي ذو السعرات الحرارية المنخفضة

لقيت عنده شاي اخضر بالياسمين واعتقد فيه اكثر من براند بعد

انا راجع قطر اخر شهر 5 لو بغيتوا منه يا H H او روح الاطلس اطلبوا بس وابشروا بعزكم

لكن للأمانه ما جربته

بالمناسبة شكراً روح الأطلس على معلومة شراب الشمر قريتها لج في موضوع ثاني وهذا كان سبب ذهابي للمحل عشان اشتري شاي الشمر :nice:

[ahmed203949]

في محل على طريق سلـوى اسمه Fauchon عندهم شـاي اخضـر لا يعلـى عليه ..

[Aaziz]

جرب في ستار بوكس ،، عندهم نوعين الافضل و الاكثر انتشارا اسمه ري فرشمنت و هذا شاي اخضر مخلوط مع بعض الاشياء مثل النعناه بس حلو
و فيه شاي اخضر بعد نوع ثاني عندهم ،، جرب الي يصلح لك منهم

[روح الاطلس]

صحة وعافيه اخوي الكواري
مشكور ماتقصر ومانكلف عليك :) تعرف هي هفة جذي لما تذوق شي يعجبك تتم تدور عليه لين تيأس وتنساه هههه

[كود نمبر]

والله خاطر نافي نكهة الياسمين اليوم كنت ادوره في الجمعيه
ماحصلت الانواع. الي حصلتها العادي والنعناع والتفاح واليمون

[السحابة]

هل موجود في مطار دبي

[بو خليفه 123]

متوفر في حياة بلازا

و هيد يارد

[ورد الدوحه]

في دين اند ديلوكا شاي أخضر بالجاسمين انا شريت منه طعمه خيااال تقريبا سعره ب 35 ريال
وبعد فيه ذا ون فرع لاند مارك

[تحداني]

الشاي الاخضر بالياسمين غرامي الذي فقدته :(

شوف احلا نوع كان ليبتون لكن للاسف وقفوه دورت بكل الجمعيات انقطع لو تذوقه مره بتعوف كل شاي ياسمين قد ذقته مال ليبتون وبس

جربت اكثر من عشر ماركات وجربت مال ماركس اند سبنسر وجربت مال محل الشاي الي بالحياه بلازا وكل ماشريت رميت العلبه مستحيل يكوننفس ليبتون الي قطعوه


صحة وعافيه اخوي الكواري
مشكور ماتقصر ومانكلف عليك :) تعرف هي هفة جذي لما تذوق شي يعجبك تتم تدور عليه لين تيأس وتنساه هههه


والله خاطر نافي نكهة الياسمين اليوم كنت ادوره في الجمعيه
ماحصلت الانواع. الي حصلتها العادي والنعناع والتفاح واليمون




الشاي الاخضر " بنكهه الياسمين " من شركه ليبتون موجود في سبنس
امس كنت اهناك وخذت منه .. تبوني اخذه لكم واتجون تاخذونه من عندي مافي مانع


جملكم الله برضاه

[تحداني]

صاحب الموضوع الشاي الي تقصده موجود في " معظم الفنادق "
وبالعاده في الفندق تلقى كورنر يبيع فيه الاشيا الخاصه بالكوفي شوب حقه
انا خذته من " الانتر في الفستيفال ستي " في دبي قبل كمن شهر


جملك الله برضاه

[H H]

بعضكم فهمني غلط , انا لقيت الشاي الاخضر بالياسمين وشريت منه ثلاث اربع انواع ومنهم ليبتون
لكن للاسف ماهو نفس النوع الي شربته فهالكوفي شوب وفي هاغن داز!

نبهتني لشغله مهمه ياتحداني, ان شالله بمر الكوفي شوب فاقرب فرصه واحاول اشتريه منهم

البقيه يعطيكم الف عافيه ماقصرتو ,اخوي الكواري, جزاك الله الف خير يكفي نيتك

[روح الاطلس]

تحداني الزمن

وينه هاي سبنس يااامج


وليش جي منقطع مايتوفر كل النكهات احصلها الا الجاسمن :(

[H H]

^

ليبتون الشاي الاخضر بنكهة الياسمين موجود فكارفور والميره وفاغلب المحلات الكبيره جداً
لكن ماانصحك فيه لان طعمه اقل من عادي , بحاول بكره اروح الكوفيشوب واشتريه منهم
واخذ الاسم واحطه لكم هنا وتجربونه وان شالله بيعجبكم اكيد ..

الا على الطاري الكبتشينو اذا شربته بدون سكر او بسكر الدايت يأثر على الدايت ؟:(

[روح الاطلس]

Hh


لا يبه مب موجود محد فحص هالاماكن كثري الظاهر الي انت ذقته مب ليبتون ماركة ثانيه

لان الليبتون من ثلاث سنين مقطوع من كارفور والميره وكل الجمعيات



الكابتشينو اكيد يأثر السعرات مب بس في السكر او السكر الدايت فيه حليب فيه كريمه في نسبه دهون عاليه بكوب الكابتشينو

[طبيب قطري]

احلى شاي اخضر بالياسمين جبته من الصين الصراحه شي خيال

[H H]

hh


لا يبه مب موجود محد فحص هالاماكن كثري الظاهر الي انت ذقته مب ليبتون ماركة ثانيه

لان الليبتون من ثلاث سنين مقطوع من كارفور والميره وكل الجمعيات



الكابتشينو اكيد يأثر السعرات مب بس في السكر او السكر الدايت فيه حليب فيه كريمه في نسبه دهون عاليه بكوب الكابتشينو


هلا اطلس, قبل امس شايفه فالميره الي فالوكره وقبل اسبوعين تقريبا شايفه فكارفور
يعني واحد فينا مخربط ياانا ياانتي بس عموماً بروح اليوم واتاكد واصوره لكم بعد
وجزاك الله خير عالمعلومة

طبيب لاهنت عطنا الاسم يمكن نلقاه هنا, الواحد يتعب يتعب عشان يلقى شي زين ويستقر عليه :(

[تحداني]

تحداني الزمن

وينه هاي سبنس يااامج


وليش جي منقطع مايتوفر كل النكهات احصلها الا الجاسمن :(




يا اومي " سبنس " في المول
راح تلقين عنده هااااااااااااالكثر اشربي لين ما اتصيرين ياسمينه
:)

[روح الاطلس]

فديتج بنوتي

خبري في المول قبل عشر سنين ^_^


بنطر اتش اتش يصور لي اياه في الميره او كارفور لان مب مصدقه انه متوفر من كثر مادورت


مشكله الي يتشفهون على شي مايلقونه :(

[روح الاطلس]

احلى شاي اخضر بالياسمين جبته من الصين الصراحه شي خيال

اي في ذي انشهد مافي احلا من الشاي الاخضر في الصين وشرق اسيا

تحسفت اخر سفره ما خميت لي كراتين كنت باخذ من السوق الحره واستعجلت ونسيت :(

[تحداني]

فديتج بنوتي

خبري في المول قبل عشر سنين ^_^


بنطر اتش اتش يصور لي اياه في الميره او كارفور لان مب مصدقه انه متوفر من كثر مادورت


مشكله الي يتشفهون على شي مايلقونه :(




والله قلت لج بجيبه لج .. اتكابرين
يعني اشفيها لو خذت لج واعتبريها عربون محبه وود وصداقه وعشره منتدى
انزين انا احبج واحب اعطيج شي

:(

كل شي تاخذونه ابحساسيه
الا شاي

[راشد محمد]

هلا اطلس, قبل امس شايفه فالميره الي فالوكره وقبل اسبوعين تقريبا شايفه فكارفور
يعني واحد فينا مخربط ياانا ياانتي بس عموماً بروح اليوم واتاكد واصوره لكم بعد
وجزاك الله خير عالمعلومة

طبيب لاهنت عطنا الاسم يمكن نلقاه هنا, الواحد يتعب يتعب عشان يلقى شي زين ويستقر عليه :(

مل حصلت

[تحداني]

مل حصلت




في سبنس في واللاهي
روحوا اهناك ترى لو خلص انا مالي خص

[ahmed203949]

انزين في starbucks shop ولا لا عشـأن نشتـري منه ..

[روح الاطلس]

والله قلت لج بجيبه لج .. اتكابرين
يعني اشفيها لو خذت لج واعتبريها عربون محبه وود وصداقه وعشره منتدى
انزين انا احبج واحب اعطيج شي

:(

كل شي تاخذونه ابحساسيه
الا شاي


وانا احبج وااايد وااايد كبر قلبج الكبير واكثر بعد

مب حساسيه يابعد كل هالدنيي

واعتبري كل شي منج وصلني مابي غير راحتج ولا نكلف عليج :shy:

ربي يسعدج ويرزقج كل ما تتمنين يا أحلا قلب

[القلم الصريح]

فعلا في جمعية سبنس فالمول موجود الشاي الاخضر بعدة نكهات من ضمنها الجاسمين ( الياسمين) وعندهم انواع ماتتواجد في كارفور واللولو والجمعيات

[تحداني]

وانا احبج وااايد وااايد كبر قلبج الكبير واكثر بعد

مب حساسيه يابعد كل هالدنيي

واعتبري كل شي منج وصلني مابي غير راحتج ولا نكلف عليج :shy:

ربي يسعدج ويرزقج كل ما تتمنين يا أحلا قلب




يعني اتحبيني وما تقبلين الشاي مني
شنو هالحاله .. والله لو ادل دربج ما انتظرت تسمحين لي او ترفضين طلبي
او حتى اتقولين لي كمن كلمه حلوه اتخليني احتار في امري

اللهم آآآمين ولج بالمثل يارب واضعافه

جملك الله برضاه