تصدير الاسماك للدول المجاورة

[أبو راكان]

أثناء زياراتي لسوق السمك لاحظت توافد العديد من الاخوه من أحد الدول المجاورة لشراء الاسماك وبكميات تجارية .
هذا الأمر أثّر كثيراً على اسعار الاسماك بشكل سلبي ... وبالتالي تحمّل المستهلك المحلي لأعباء ارتفاع اسعار الاسماك .
ولذلك وعلى غرار منع تصدير الدواجن وبعض المواد الغذائية الاستهلاكية من بعض الدول المجاورة ..
نتمنى بالمثل منع تصدير الاسماك والمواد الغذائية ذات الانتاج المحلي سواء على مستوى الشركات أو حتى الأفراد والاكتفاء بتغطية الطلب المحلي .

[فراغ]

أخوي بوركان
مو مشكله السمك وشرائة من أخوانا الخليجيين
أحنا ترانا نروح لهم ونشتري موادنا الغذائيه منهم ورفعنا سوقهم
المشكلة وأنا أخوك الفلبينيين ألي حفروا البحر وطلعو (لصقوع) من الرمل حتى الحوييت ما خلوه والقباقب وكل محتركة في البحر حتى الشربيان ياكلونه
وزيد عليهم البحارة لهنود ألي كسروا لفشوت وكرفوا الربيانه بالكرافات الي تخرب قيعان البحر وسرقوا عدة الشباب كانت غزول أو قراقير (قرصنه في البحر)
أما ربعنى أذا شروا سمك بالعافيه المشكلة في جوج وماجوج الي بينا

[Al-Qatari]

على قولتك ربعنا فيه العافيه ..

بس حكومتهم جزاك الله خير منعت عنا الغنم ومنعت الابل .. ما عاد جانا من عندهم اي مواشي ..

الحين السوق مافيه الا اردني ولا استرالي .. والمقاصب ما عاد فيها الا مكنسلات الهجن للأسف واللحم تعرف اكيد وش جودته بعد ما قطعوا عنا مواشيهم .

[فراغ]

على قولتك ربعنا فيه العافيه ..

بس حكومتهم جزاك الله خير منعت عنا الغنم ومنعت الابل .. ما عاد جانا من عندهم اي مواشي ..

الحين السوق مافيه الا اردني ولا استرالي .. والمقاصب ما عاد فيها الا مكنسلات الهجن للأسف واللحم تعرف اكيد وش جودته بعد ما قطعوا عنا مواشيهم .
كلامك في متمه
المفروض من المسئولين يجدون الحلول
ولو أحنا أهتمينا بالثروة الحيوانية وأنشأنا المزارع كان أحنا بخير ومحتجنا لغيرنا
شرايك بهذا الأقتراح
لو عطوا المتقاعدين هذول الفاضيين الي يدورون في الأسواق ومايعرفون وين يروحون قطعة أرض زراعية وتكون هذه الأرض ملك لدولة والمتقاعد بس علية يزرع فيها الزراعة التي تحددها الدولة من خضروات ورودس وجت وغيره من الزراعات التي يحتاجها السوق المحليه وتعمل الدولة على شراء المنتج من المتقاعد وتشرف على عمله وقي حالة عدم قيامه بواجبه تسحب الدولة منه الزرع وتعطيه لمنتفع أخر
توجد وانا أخوك أفكار كثيرة تستطيع الدولة أنها تستفيد بدون أن تدفع ريال
خذ عندك
على سبيل المثال
الدولة تحب تسوي فرضة في منطقة ما
تعمل تصميم وتعرضها للعامة على أن من يقوم بهذا العمل الوطني تسجل هذه الفرضة بأسمه (أي تحمل أسم المواطن الذي قام وصرف على هذا العمل) وتبقى مع الزمن بأسمه تخليدأ لذكره وهنالك الكثير الذين يرغبون بذلك
على سبيل المثال أيضآ
شارع ومن قام به يحمل أسمه
وهنالك الكثير من الأفكار يمكن من مشاركين المنتدى أن يحطوها
وأترك المجال لغيري ليضيف أفكارة

[شموخ دائم]

,

,


مرحبا


اخوي الكريم

سوق السمك عليه ( كنترول ) جيد

اي مواطن سعودي مايقدر ياخذ اكثر من ( ثلاجه واحده )
بحدود من 20 الى 30 كيلو
هذا يسمونه ( مشتريات شخصيه )
وليست سيارات مخصصه للتصدير
وفيها تبريد

وفي انواع من السمك تكون متوفره بزياده
يسمحون للاخوان بالسعوديه اخذها بتصريح رسمي
يعتمد على الموسم لهذه السمكه

والي يشترون السمك معروفين عند رجال
الجمارك وانت طالع من قطر


,

,


اخوك


شموخ دائم

[Abd4llah]

كلام سليم يا اخى

[تحداني]

انا اعشق السي فود .. ومن كثر عشقي له حاولت اتعلم سياسه هالسوق في التعامل معاه
يقول احد التجار ان الربيان الموجود في الدوحه يصدر للبحرين .. رحت البحرين لقيت الكيلو " 25 " ريال واوقات يوصل 15 ريال .. رديت الدوحه قالوا لي الربيان البحريني 45 ريال
ويوصل 50 عادي

نسال في البحرين عن السمك يقول لك السمك قطري من الشمال والخور
انرد الدوحه مافي سمك والكميه محدوده


حسبي الله ونعم الوكيل
زمان الي ياكل لحم شيخ الشيوخ
الحين الي ياكل سمك وايد غني وعنده فلوس


ليتني لي في الحداق
كان ما طلعت من البحر :)


جملكم الله برضاه

[حسن]

اليوم انا غداي صافي من صيدي
والعشى جبسه همور مع صبيطي حق الشباب
فيه العافيه

شوف ياخوي بعض الدول المجاوره يتسيحون عندنا ويشترون سمج صوغه حق اهلهم ولا لهم
ومثل ماحنا نسافر لهم ونشتري فاين الريم
والكياس باحجامها وامور البيت صابون للعبي وصابون للثياب حتى الكنار جابوه
هذه امور طبيعيه نوع من النواع المقايضه
من قديم الزمان والناس تتعامل بذي الطريقه
عندي هامور سبير كان لك خاطر بيجيك لين مكانه
وبدعيلي لا ن هامور شيوخ

[تحداني]

^
^

لا يا اخوي حسن لو اتروح السوق وتشتري السمك بتعرف السالفه
هم يصدرون السمك للدول الخليجيه المجاوره
ورحت البحرين التجاروا قالوا لي كميه كبيره من البضايع من الدوحه
واهناك السعر ارخيص بس اهني غالي وايد مع العلم من بحرنه ومن صيدنه

فهذا الي يذكره اخونه بوراكان

هني وعافيه يارب .. والله يحنن قلب بعض الناس ويعطونه من خير صيدهم

ما اتصيد ربيان ؟؟ ولا قباقب ؟؟

[شموخ دائم]

,

,


مرحبا


مافي ربيان قطري نهائيا لا هنا ولا في اي مكان
ممنوع صيد الربيان بقطر
من 25 سنه ممنوع
الربيان الي بقطر يجي من البحرين او يجي من ايران


السمك الي يقولون عنه اهل البحرين انه قطري
هذا صاحب المركب ( اللنج )
صاد السمك وراح على طول البحرين يبيعه هناك من البحر للبحرين
مايدخل سوق قطر نهائيا

على حسب الموسم

صاحب المركب يبيعه بسعر ( معقول ) بالجمله
والتجار الي في سوق السمك هم الي يبيعون بالكيلوا يرفعون سعر السمك
هذا السر برتفاع سعره على الناس

او اذا كان الجو فيه هوى ومطر ما يدخلون الصيادين البحر
ويرتفع سعره طبيعي

اللحين يصيدون ( الكنعد ) لفاح
امام الميناء في لفان عند البويه البيضاء
ههههه

جهز الدريات

:)

,

,


اخوك


شموخ دائم

[تحداني]

الحين فهمت .. " شكرا شموخ دائم " على المعلومه ..
الله يرضى عليك يارب

[أبو راكان]

أخوي بوركان
مو مشكله السمك وشرائة من أخوانا الخليجيين
أحنا ترانا نروح لهم ونشتري موادنا الغذائيه منهم ورفعنا سوقهم
المشكلة وأنا أخوك الفلبينيين ألي حفروا البحر وطلعو (لصقوع) من الرمل حتى الحوييت ما خلوه والقباقب وكل محتركة في البحر حتى الشربيان ياكلونه
وزيد عليهم البحارة لهنود ألي كسروا لفشوت وكرفوا الربيانه بالكرافات الي تخرب قيعان البحر وسرقوا عدة الشباب كانت غزول أو قراقير (قرصنه في البحر)
أما ربعنى أذا شروا سمك بالعافيه المشكلة في جوج وماجوج الي بينا
صدقت يالغالي
ياجوج وماجوج باقي يشربون من البحر
الله يفكنا من شرهم


على قولتك ربعنا فيه العافيه ..

بس حكومتهم جزاك الله خير منعت عنا الغنم ومنعت الابل .. ما عاد جانا من عندهم اي مواشي ..

الحين السوق مافيه الا اردني ولا استرالي .. والمقاصب ما عاد فيها الا مكنسلات الهجن للأسف واللحم تعرف اكيد وش جودته بعد ما قطعوا عنا مواشيهم .
ومنعوا تصدير الدجاج والطابوق والاسمنت والبلاط وكل ماقد يتأثر به استهلاكهم المحلي

,

,


مرحبا


اخوي الكريم

سوق السمك عليه ( كنترول ) جيد

اي مواطن سعودي مايقدر ياخذ اكثر من ( ثلاجه واحده )
بحدود من 20 الى 30 كيلو
هذا يسمونه ( مشتريات شخصيه )
وليست سيارات مخصصه للتصدير
وفيها تبريد

وفي انواع من السمك تكون متوفره بزياده
يسمحون للاخوان بالسعوديه اخذها بتصريح رسمي
يعتمد على الموسم لهذه السمكه

والي يشترون السمك معروفين عند رجال
الجمارك وانت طالع من قطر


,

,


اخوك


شموخ دائم
مرحبا الغالي شموخ
سوقنا محدود وحجم الاستهلاك عندنا كبير وشبه يومي والتجار همهم الربح وزيادة القوة الشرائية لاشك انها ترفع من الاسعار

كلام سليم يا اخى
حياك الله عزيزي عبدالله


انا اعشق السي فود .. ومن كثر عشقي له حاولت اتعلم سياسه هالسوق في التعامل معاه
يقول احد التجار ان الربيان الموجود في الدوحه يصدر للبحرين .. رحت البحرين لقيت الكيلو " 25 " ريال واوقات يوصل 15 ريال .. رديت الدوحه قالوا لي الربيان البحريني 45 ريال
ويوصل 50 عادي

نسال في البحرين عن السمك يقول لك السمك قطري من الشمال والخور
انرد الدوحه مافي سمك والكميه محدوده


حسبي الله ونعم الوكيل
زمان الي ياكل لحم شيخ الشيوخ
الحين الي ياكل سمك وايد غني وعنده فلوس


ليتني لي في الحداق
كان ما طلعت من البحر :)


جملكم الله برضاه
مرحبا بالاخت الفاضلة تحداني الزمن
بالنسبة للربيان عليه منع من اكثر من 20 سنة وحتى الان لم يتم رفع الحضر
وفعلاً الجملة الاخيرة اللي تفضلتي بها 100٪ صحيحة

اليوم انا غداي صافي من صيدي
والعشى جبسه همور مع صبيطي حق الشباب
فيه العافيه

شوف ياخوي بعض الدول المجاوره يتسيحون عندنا ويشترون سمج صوغه حق اهلهم ولا لهم
ومثل ماحنا نسافر لهم ونشتري فاين الريم
والكياس باحجامها وامور البيت صابون للعبي وصابون للثياب حتى الكنار جابوه
هذه امور طبيعيه نوع من النواع المقايضه
من قديم الزمان والناس تتعامل بذي الطريقه
عندي هامور سبير كان لك خاطر بيجيك لين مكانه
وبدعيلي لا ن هامور شيوخ
مافيك حيلة يالغالي حسن
اللي مثلك المفروض مايدل طريق الجبرة
اشكرك يالسنافي على كرمك ونبلك
جعل ربي يرزقك من فضلة دنيا وآخرة