الحذر الحذر من الكاشير الهندي اللي بمواشي/ابو هامور

[khaldoon]

السلام عليكم و رحمة الله و بركاته

اليوم الجمعة 19/04/2013 رحت المقصب الالي لمواشي اللي بأبوهامور.......لما جيت احاسب لقيت ماكينة الصراف الالى اللي من خلالها تدفع بالبطاقة بدلا من الدفع كاش....حبيت ادفع بالبطاقة بس الكاشير الهندي قالي لا الماكينة عطلانة ما تشتغل معا انها مضيئة مب مطفية......سكتت على مضض لانه ما بيدي شي و دفعت كاش وانا مب مصدق

رجعلي الباقي ناقصين 10 ريالات ....لما سألته وين العشر ريالات قال معلش اشوف الفاتورة على اساس انه مب مصدقني....و لما شافها اعتذر بضحك انه ما انتبه (شبه اعتذار حقيقة) و اعطاني العشر ريالات


قلت بنفسي ان بعض الظن اثم و يمكن ما يستهبل فعلا و لا يحاول ياخذ 10 ريالات

بعد شوي رجعت عنده اشتري معاليق فكان امامي زبون قطري و يدفع و لما اخذ الباقي لقيهم فعلا ناقصين عشر ريالات و تكرر نفس الموقف مع نفس الكاشير الهندي و عمل نفس الحركة و طلع العشر ريالات......ايش حكاية العشر ريالات مع هالهندي؟؟!!!....... هل هذه صدفة و الا استهبال؟؟؟!!!


اتمنى لو احد له علاقة بمواشي يتأكد انه مكينة السحب اللي عند الكاشير تعمل فعلا لانها اصلا ما صارلها زمان و من جديد تحول الدفع بالبطاقة مع الكاش و الا من زمان كله كاش ...علشان نتأكد انه الكاشير الهندي اللي كان يعمل اليوم صباحا ما يستهبل علشان يسحي من الكاش

و ايضا اتخاذ الاجراء اللازم مع هذا الكاشير لاني ما اقدر اصدق انه يغلط مع كل زبون بعشر ريالات

لكم ان تتخيلوا كم واحد اخذ منه عشر ريالات بطريقة الاستهبال و مشيت عليه وما انتبه ... يعني بعد ما يروح الزبون يطلع من الصندوق العشر ريالات اللي اخذها بطريقة النصب و ما اختلس شي من فلوس مواشي ولا نقص من حسابهم فلوس

[النهار]

عاد احنا اخوي خلدون يوم يرجع لك الكاشير المبلغ على طول حط الفلوس في المخبى من غير مانعد
هم ناقصين ولازايدين الله اعلم
لو 100 شخص وسرق من كل واحد 10 ريالات هذي الف ريال

[00soma00]

مااعرف ليش احس ان هالقسم خاص بالتشهير بالناس

اكيد من الافضل لك و لغيرك انك تتخذ اجراء مفيد لك و لغيرك

اتصل بالمدير مثلا او الجهة المختصة

لو كل شخص سوى هذا الشى اعتقد ان مشاكل كثير راح تنحل

[khaldoon]

عاد احنا اخوي خلدون يوم يرجع لك الكاشير المبلغ على طول حط الفلوس في المخبى من غير مانعد
هم ناقصين ولازايدين الله اعلم
لو 100 شخص وسرق من كل واحد 10 ريالات هذي الف ريال

تبي اضحكك يا النهار....... كنت اروح على لحام هندي اسمه انوه كان في ملحمة الاندلس اللي بالمنتزه اللي كانت بجانب مطعم البتراء بشارع الهندسة و اشتري من عنده لحم و اهلي كل اللحم اللي يشترونه من عنده

نتصل عليه و نقوله كم نبي و يعرف ينظف و يقطع مثل ما نبي بالضبط و احنا بس نيجي نستلم و ندفع و نعطيه بقشيش و يقولي انا اعرفك من يوم كنت صغير و تيجي مع والدك الله يرحمه

يوم من الايام رحت عنده و قالي هذا واحد مكاني لاني بسافر بلاد..... قلت طيب و شريت كالمعتاد..... بس دخلت المحل و دفعت و استلمت اللحم

بعدين جيت خلال سفر انوه عند اللحام الجديد و يوم جيت ادفع طلب مبلغ اقل.... استغربت و قلت له ليش...... قالي لانه سعر الكيلو كذا و كذا

شوف كم سنة يستهبلنا بسعر اللحم و احنا ما ندري و اكيد انه يزيد بالحساب كم كيلو لحسابه الشخصي لانه ما يبين بعد تنظيف اللحم

اكيد احنا الغلطانين لاننا اعطينا الثقة لمن لا يستحقها و المال السايب يعلم السرقه

لما رجع البلد و سألته ليش تغشنا و تسوي هالشي... يقولي لانه راتبه بس 1200 ريال

طيب انت تشتغل ب 1200 ريال و تغش الناس و ما تقطع صلاة و كله تروح المسجد.... عذرا اقبح من ذنب و لا احلله امام الله

المفروض اصحاب الملحمة يعطوا لعمالهم ما يعفوا انفسهم فيه عن فلوس الزباين

[khaldoon]

مااعرف ليش احس ان هالقسم خاص بالتشهير بالناس

اكيد من الافضل لك و لغيرك انك تتخذ اجراء مفيد لك و لغيرك

اتصل بالمدير مثلا او الجهة المختصة

لو كل شخص سوى هذا الشى اعتقد ان مشاكل كثير راح تنحل

كل من يغش الناس و لا يراعي الذمة و الضمير يستحق ان يشهر به... ربنا قال: ‏{‏لَا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَنْ ظُلِمَ وَكَانَ اللَّهُ سَمِيعًا عَلِيمًا ()إِنْ تُبْدُوا خَيْرًا أَوْ تُخْفُوهُ أَوْ تَعْفُوا عَنْ سُوءٍ فَإِنَّ اللَّهَ كَانَ عَفُوًّا قَدِيرًا‏}‏ النساء (148 - 149 )


و اللي يسوونه ظلم و غش و يستحقوا التشهير و الا انت ايش رأيك؟

بعدين انا ممكن اكلم راعي الملحمة و يمكن يتخذ الاجراء اللازم و يمكن لا .... هو و ضميره بس وجب التبيه لكل الاعضاء و القراء و المتصحفين ... والا بهذه بعد تعتبريني غلطان

[المريخي77]

مااعرف ليش احس ان هالقسم خاص بالتشهير بالناس

اكيد من الافضل لك و لغيرك انك تتخذ اجراء مفيد لك و لغيرك

اتصل بالمدير مثلا او الجهة المختصة

لو كل شخص سوى هذا الشى اعتقد ان مشاكل كثير راح تنحل

هذا القسم لفضح المخالفات والنصب والاستهتار. وهناك مسؤلين يتابعون هذا القسم.
وجزاه الله خير صاحب الموضوع واي شخص يشهر لان الهدف حمايه الاشخاص من الاستغلال.

[khaldoon]

هذا القسم لفضح المخالفات والنصب والاستهتار. وهناك مسؤلين يتابعون هذا القسم.
وجزاه الله خير صاحب الموضوع واي شخص يشهر لان الهدف حمايه الاشخاص من الاستغلال.


بارك الله فيك يا اخوي على هذا الرد المميز منك :victory:

[بوخالد911]

هلا

يا خي اشتكي عليه صووب الادارة
وخله يسمع انك اشتكييت عليه

[khaldoon]

هلا

يا خي اشتكي عليه صووب الادارة
وخله يسمع انك اشتكييت عليه

شكرا لمرورك يا بوخالد911

[مجرد احساس]

دائما نقول هذا الكلام
اولا : نرغب من الاعضاء تقديم شكوي رسمية لادارة مواشي + حماية المستهلك
ثانيا : اطلاع الاعضاء هل تم فعل شي .

[khaldoon]

دائما نقول هذا الكلام
اولا : نرغب من الاعضاء تقديم شكوي رسمية لادارة مواشي + حماية المستهلك
ثانيا : اطلاع الاعضاء هل تم فعل شي .


اخوي انت الحين طلبت طلبين مني و انت ما حاولت تسوي شي و الا مب ملاحظ و هذا اجري اني نبهتكم...طيب كم تدفع؟.....علشان تاخذ كل شي على البارد المستريح:nice:

على العموم انا فعلا اتصلت في المالية على تليفون 44699269 و تكلمت مع محاسب العملاء و اسمه الاخ اسامة و شرحت له المشكله كاملة و طلبت منه انه يشيك على مكينة السحب و اعطيته تليفوني و اسمي كاملا و وعدني انه يتخذ الاجراء اللازم....يالله همتك معاي انت و غيرك و جرب الكاشير و لو سوى الحركه نفسها اشتكي عليه مثلي علشان تزيد الاصوات و تتأكد الشكوى

[مجرد احساس]

اخوي انت الحين طلبت طلبين مني و انت ما حاولت تسوي شي و الا مب ملاحظ و هذا اجري اني نبهتكم...طيب كم تدفع؟.....علشان تاخذ كل شي على البارد المستريح:nice:

على العموم انا فعلا اتصلت في المالية على تليفون 44699269 و تكلمت مع محاسب العملاء و اسمه الاخ اسامة و شرحت له المشكله كاملة و طلبت منه انه يشيك على مكينة السحب و اعطيته تليفوني و اسمي كاملا و وعدني انه يتخذ الاجراء اللازم....يالله همتك معاي انت و غيرك و جرب الكاشير و لو سوى الحركه نفسها اشتكي عليه مثلي علشان تزيد الاصوات و تتأكد الشكوى

يعطيك العافيه واذا سار لي اكيد باتصل عليهم ولي تجارب مع اماكن ثانية وجهاز حماية المستهلك قام بالدور المطلوب

[khaldoon]

يعطيك العافيه واذا سار لي اكيد باتصل عليهم ولي تجارب مع اماكن ثانية وجهاز حماية المستهلك قام بالدور المطلوب

بارك الله فيك ما تقصر و الله يجزيك كل خير و تضرب بيد من حديد على كل من يتلاعب في مصالح الناس و ياكل حقوقهم

الله يكثر من امثالك يا رب

[MAZEN37]

اللهم صلي على محمد عيني عليك بارده يا خلدون
عندك قوه ملاحظه أيش سالفتك دائماً تصير معاك مواقف
أنا عن نفسي أحط بمخباي على طول وأحتسب حسنات يوم القيامه

[khaldoon]

اللهم صلي على محمد عيني عليك بارده يا خلدون
عندك قوه ملاحظه أيش سالفتك دائماً تصير معاك مواقف
أنا عن نفسي أحط بمخباي على طول وأحتسب حسنات يوم القيامه

عليه افضل الصلاة و التسليم

بارك الله فيك يا الغالي و هذا من لطفك و ذوقك والله

اعتقد يا الغالي انه ما يصير تقصر مع نفسك و بعدين تحتسب الحسنات...ربما انت محاسب و ليس مأجور و الله اعلم...... احتسب الحسنات و خذها ان شاء الله اضعاف لما تعطيها عن سابق نية و ليس عن خطأ و تهاون في حقوقك

انتبه ...لازم تغير عادتك هذه و تصير تعد خاصة مع البياعين اللي متعودين يشوفونك تسوي هالحركه وتتعامل معاهم وايد....النفوس ضعفت

شوف انا اول مرة عملها قلت معلش ما اظلمه بس بعدها بعشر دقايق سواها مع زبون قدامي قلت خلاص هذه حرفه

حتى لما قلت لمسؤوله هالكلام وافقني انه هالشي مب طبيعي و ابدى شك انه المكينة خربانه و قال على طول بنشيك عليها.....و عاد قيس الموقف على اماكن ثانية لو تكررت

[لبيبة]

تسلم على التحذير، وعجبني اقتراحك ان صاحب الملحمة يعطيهم ما تعف به نفوسهم.

[كازانوفا]

لا حول ولا قوة الا بالله
المشكله يا خلدون ان رواتبهم مساكين ضعيفه واكيد حاولو مع الكفيل انه يزيدهم مع زيادة الغلاء وما في فايده
الله المستعان ربي يغنيهم ويغنينا عن المال الحرام
ويسلمو على التنبيه ...

[مجرد احساس]

لا حول ولا قوة الا بالله
المشكله يا خلدون ان رواتبهم مساكين ضعيفه واكيد حاولو مع الكفيل انه يزيدهم مع زيادة الغلاء وما في فايده
الله المستعان ربي يغنيهم ويغنينا عن المال الحرام
ويسلمو على التنبيه ...

ليس عذر لاخذ شي مب من حقه هو كاشير لو تخيلنا كل كاشير في البلد سو حركته اليست حركة وسمعه سيئه
العطاء تكون بطيب نفس مب بالاحتيال

[راشد محمد]

جزاك الله خير على التنوية

[كازانوفا]

ليس عذر لاخذ شي مب من حقه هو كاشير لو تخيلنا كل كاشير في البلد سو حركته اليست حركة وسمعه سيئه
العطاء تكون بطيب نفس مب بالاحتيال

انا ما حطيت عذر انا اقول السبب الرئيسي ايش بيكون عند الغالبيه

[khaldoon]

تسلم على التحذير، وعجبني اقتراحك ان صاحب الملحمة يعطيهم ما تعف به نفوسهم.

الله يسلمك و يبارك فيكي و يشرفني انه الاقتراح اعجبك

طالما الموظف قبل انه يشتغل براتب قليل فهذه مسؤوليته الوحيدة لانه ما احد ضربه على يده و لا اجبره انه يوافق.....و لا يحق له انه ياخذ من فلوس الناس لانهم مب مسؤولين عن قراراته الخاطئة يوم وافق على راتب جدا متندي او كان مضطر له لانه ما لقي بديل افضل ولا هم المسؤولين عن تعويضه..... هذه سرقة صريحة ما لها معنى اخر

[khaldoon]

لا حول ولا قوة الا بالله
المشكله يا خلدون ان رواتبهم مساكين ضعيفه واكيد حاولو مع الكفيل انه يزيدهم مع زيادة الغلاء وما في فايده
الله المستعان ربي يغنيهم ويغنينا عن المال الحرام
ويسلمو على التنبيه ...

امين يا رب العالمين

الحين لو كل واحد مثلهم سرقنا بطريقته الخاصه فكيف راح نقدر نعيش طالما صرنا مثل القربة المخزوقة اللي تظل تسرب ماي و فلوس على طول

هؤلاء حرمية و نصابين و اي شي يؤخذ بطرق ملتويه و غير صحيحه و واضحه مرفوض و سرقه صريحه

الله يسلمك و يبارك فيكي.....ارحو الرجوع لردي في المشاركة السابقه

[khaldoon]

ليس عذر لاخذ شي مب من حقه هو كاشير لو تخيلنا كل كاشير في البلد سو حركته اليست حركة وسمعه سيئه
العطاء تكون بطيب نفس مب بالاحتيال

بارك الله فيك و متفق تماما مع كلامك ......فعلا بتطلع سمعة سيئة جدا عن البياعين في قطر لا قدر الله

[khaldoon]

جزاك الله خير على التنوية

وياك يا الغالي راشد

حياك الله

[khaldoon]

انا ما حطيت عذر انا اقول السبب الرئيسي ايش بيكون عند الغالبيه

سبب او عذر مب مهم..... الحلال بين و الحرام بين

هو بالنهاية مسؤول عن قرارته يوم وافق لانه ما لقي بديل افضل معناته هذا هو رزقه اللي ربنا اقره له و لكن رفضه و تكبر عليه و هو محتال و عينه على ما في ايدي الناس

الله لا يسامح كل حرامي و نصاب ما لم يتوب

[khaldoon]

امس اتصل علي الاخ اسامة من شركة ودام/مواشي و خبرنه انه فعلا مكينة السحب الالي كانت عطلانه و انه تم تصليحها امس و سألني مرة اخرى عن الكاشير متى كان مداوم و خبرته انه كان مداوم صباح الجمعة يوم 19/04/2013 في ملحمة الاهالي اللي بالمقصب الالي ومع اعطاء وصف عن شكله .. قلت له لو ما قدرت تستدل عليه بعد هذا الوصف انا مستعد اجي و اتعرف عليه امامك فقالي ان شاء الله بنستدل عليه و الوصف سهل ومعروف في جداولنا مين كان مداوم في ذاك اليوم

[OM_OMAR_QATAR]

شتكي عليه صووب الادارة

[MAZEN37]

امس اتصل علي الاخ اسامة من شركة ودام/مواشي و خبرنه انه فعلا مكينة السحب الالي كانت عطلانه و انه تم تصليحها امس و سألني مرة اخرى عن الكاشير متى كان مداوم و خبرته انه كان مداوم صباح الجمعة يوم 19/04/2013 في ملحمة الاهالي اللي بالمقصب الالي ومع اعطاء وصف عن شكله .. قلت له لو ما قدرت تستدل عليه بعد هذا الوصف انا مستعد اجي و اتعرف عليه امامك فقالي ان شاء الله بنستدل عليه و الوصف سهل ومعروف في جداولنا مين كان مداوم في ذاك اليوم
انا اخالفك التصرف على فكره انت ممكن تكون سبب وقفه عن العمل
اعتقد انه لو كلمته باسلوب حتى لو نصيحه او تهديد بينك وبينه اسلم وقوله حبلغ عليك وكذا يعني

[khaldoon]

شتكي عليه صووب الادارة

اشتكيت فعلا ....شكرا لمرورك

[khaldoon]

انا اخالفك التصرف على فكره انت ممكن تكون سبب وقفه عن العمل
اعتقد انه لو كلمته باسلوب حتى لو نصيحه او تهديد بينك وبينه اسلم وقوله حبلغ عليك وكذا يعني


والله يا أخوي مازن أسأل الله الاجر و الثواب اني اكون سبب في وقفه عن العمل و اراحة الناس من نصبه و غشه و سرقته لهم و اخذه اموالهم من دون وجه حق

اما اني اقعد اهدد فيه و ما يشوف شي فما راح يتعلم و لا راح يمشي بما يرضي الله و يمكن يظن اني خايف ابلغ عليه و ما أجرأ اسويها و يتمادى.....في مقوله مشهورة انه يموت المحتال قبل اوانه ...يعني هو اللي جابه لنفسه و كان السبب في انهاء رزقه

[النهار]

تبي اضحكك يا النهار....... كنت اروح على لحام هندي اسمه انوه كان في ملحمة الاندلس اللي بالمنتزه اللي كانت بجانب مطعم البتراء بشارع الهندسة و اشتري من عنده لحم و اهلي كل اللحم اللي يشترونه من عنده

نتصل عليه و نقوله كم نبي و يعرف ينظف و يقطع مثل ما نبي بالضبط و احنا بس نيجي نستلم و ندفع و نعطيه بقشيش و يقولي انا اعرفك من يوم كنت صغير و تيجي مع والدك الله يرحمه

يوم من الايام رحت عنده و قالي هذا واحد مكاني لاني بسافر بلاد..... قلت طيب و شريت كالمعتاد..... بس دخلت المحل و دفعت و استلمت اللحم

بعدين جيت خلال سفر انوه عند اللحام الجديد و يوم جيت ادفع طلب مبلغ اقل.... استغربت و قلت له ليش...... قالي لانه سعر الكيلو كذا و كذا

شوف كم سنة يستهبلنا بسعر اللحم و احنا ما ندري و اكيد انه يزيد بالحساب كم كيلو لحسابه الشخصي لانه ما يبين بعد تنظيف اللحم

اكيد احنا الغلطانين لاننا اعطينا الثقة لمن لا يستحقها و المال السايب يعلم السرقه

لما رجع البلد و سألته ليش تغشنا و تسوي هالشي... يقولي لانه راتبه بس 1200 ريال

طيب انت تشتغل ب 1200 ريال و تغش الناس و ما تقطع صلاة و كله تروح المسجد.... عذرا اقبح من ذنب و لا احلله امام الله

المفروض اصحاب الملحمة يعطوا لعمالهم ما يعفوا انفسهم فيه عن فلوس الزباين



خلدون من كم سنه انوه قاعد يبوك عيني عينك :nice:القصابين معروف عنهم البوق
اذا انت مو واقف على راسه العشره كيلو بقدرة قادر تصير 7
اعرف عزاب مصرين هم في العاده ماعندهم لف ودوران خيب القطعه قطعها مثل ماهي مايشيل منها اي شي لحم شحم عظم مشي حالك ( بلاد الشام اكثرهم يطلب اللحم مشفى )
عزامين ناس متصلين على الجزار وقالوا له نبغي 12 كيلوا لحم الاخ بعد ربع ساعه راح جاب اللحم يوم شفت الكيس قلت مو انت طالب 12 كيلوا شليت الكيس قلت له هذي مايزيد وزنها عن 7 كليوا رحنا وزننا اللحم عند راعي البقاله طلع 6 كيلوا 800 جرام
قلت له تعال معاي خذنا الخريطه اول ماشافنا تغيرت ملامح وجهه قلت كم كيلوا في الكيس قال 12 كيلوا قلت له حطه على الميزان قعد يقول سوري سوري يمكن نفر تاني يشيل لحم مال انت قلت مو نفر ثاني انت حرامي الحين بوليس يرد يقول بلبز بليز انا يمكن غلطان
راح جاب لحم 7 كيلوا زياده ويقول بابا انت مافي زعلان لحم زياده مايبي فلوس

[دلال قطر]

مااعرف ليش احس ان هالقسم خاص بالتشهير بالناس

اكيد من الافضل لك و لغيرك انك تتخذ اجراء مفيد لك و لغيرك

اتصل بالمدير مثلا او الجهة المختصة

لو كل شخص سوى هذا الشى اعتقد ان مشاكل كثير راح تنحل


يشهرون فيهم احسن من أنهم يقصون علينا وياكلون حلالنا !!!

[khaldoon]

خلدون من كم سنه انوه قاعد يبوك عيني عينك :nice:القصابين معروف عنهم البوق
اذا انت مو واقف على راسه العشره كيلو بقدرة قادر تصير 7
اعرف عزاب مصرين هم في العاده ماعندهم لف ودوران خيب القطعه قطعها مثل ماهي مايشيل منها اي شي لحم شحم عظم مشي حالك ( بلاد الشام اكثرهم يطلب اللحم مشفى )
عزامين ناس متصلين على الجزار وقالوا له نبغي 12 كيلوا لحم الاخ بعد ربع ساعه راح جاب اللحم يوم شفت الكيس قلت مو انت طالب 12 كيلوا شليت الكيس قلت له هذي مايزيد وزنها عن 7 كليوا رحنا وزننا اللحم عند راعي البقاله طلع 6 كيلوا 800 جرام
قلت له تعال معاي خذنا الخريطه اول ماشافنا تغيرت ملامح وجهه قلت كم كيلوا في الكيس قال 12 كيلوا قلت له حطه على الميزان قعد يقول سوري سوري يمكن نفر تاني يشيل لحم مال انت قلت مو نفر ثاني انت حرامي الحين بوليس يرد يقول بلبز بليز انا يمكن غلطان
راح جاب لحم 7 كيلوا زياده ويقول بابا انت مافي زعلان لحم زياده مايبي فلوس

ما شاء الله يدك ميزان يا النهار.... اهنيك

انا لو منك كنت اخذت السبعه كيلو اللي غير السبعه الاولى و شكيت عليه بعد ...والله اتكلم جد ....خخخخخ

[khaldoon]

يشهرون فيهم احسن من أنهم يقصون علينا وياكلون حلالنا !!!

ايه والله كلامك صحيح....انت ما كنت ناويه تسوي موقع دلاله للعقارات من كم سنة و الا انا غلطان و مشبه على الاسم