تخصصات الجامعة الهولندية في قطر

[S.T.Y.L.E]

السلام عليكم ورحمه الله وبركاته

شخباركم عساكم طيبين ..؟
فالبداية ماعرفت اختار القسم المناسب للموضوع فأتمنى تعذورني اذا اخترت القسم الخطأ

ندخل فالموضوع ، بالنسبة لتخصصات الجامعة الهولندية في قطر ( stenden )
اللي سمعته ان عندهم ثلاث تخصصات ( سياحة + فندقة + ادارة الاعمال )

لكن تخصص ادارة الاعمال مب معترف فيه من هالجامعه !!

هل هذا الكلام صحيح ؟
لان بصراحه ودي ادخل الجامعه هذي لان الكلام اللي عن تطفيش جامعه قطر كبير

شرايكم ؟

[بن مشهور]

أخي الكريم أنصحك نصيحة أخ لاتدخل هالتخصصات فندقة وسياحة مامنها فايدة
شوف لك تخصص فيه مستقبل

[S.T.Y.L.E]

أخي الكريم أنصحك نصيحة أخ لاتدخل هالتخصصات فندقة وسياحة مامنها فايدة
شوف لك تخصص فيه مستقبل

هلا اخوي
انا اسال عن تخصص ادارة الاعمال اذا كان معترف فيه او لا فهالجامعه

وشنو الجامعات في قطر اللي ممكن ادرس فيها تخصص ادارة الاعمال غير جامعه قطر وجامعات قطر فاونديشن التعجيزيه

[al_jo0ory]

اذا انت مب داش جامعة قطر علشان كلام الناس فأنا ما انصحك الصراحه تمشي وراهم ... صج ان الجامعه فيها سلبيات بس مب لهدرجه ترى

خصوصا ترى كلية الاداره والاقتصاد وااااااايد قووووويه وتقدر ترفع معدلك لفووق ال3 بالراحه وشهادة الماجستير (لتخصص المحاسبه) أعلى من الشهادة اللي تطرحها قطر فاونديشن (اللي هي ماجستير اداره عامه مادري شسمها) ... فكر عدل واستخير احسن من انك تدخل جامعه مب ضامن الاعتراف فيها -_-

[S.T.Y.L.E]

مشكوره على ردج اختي
كلامج حاطه فالاعتبار ان شاء الله
بس بعد نسأل زياده ونشوف

تسلمين على مرورج الشيخه

[Qatar-Qa]

السلام عليكم ورحمه الله وبركاته

شخباركم عساكم طيبين ..؟
فالبداية ماعرفت اختار القسم المناسب للموضوع فأتمنى تعذورني اذا اخترت القسم الخطأ

ندخل فالموضوع ، بالنسبة لتخصصات الجامعة الهولندية في قطر ( stenden )
اللي سمعته ان عندهم ثلاث تخصصات ( سياحة + فندقة + ادارة الاعمال )

لكن تخصص ادارة الاعمال مب معترف فيه من هالجامعه !!

هل هذا الكلام صحيح ؟
لان بصراحه ودي ادخل الجامعه هذي لان الكلام اللي عن تطفيش جامعه قطر كبير

شرايكم ؟


وعليكم السلام ورحمه الله وبركاته

صح كلامك اخوي ان عندهم 3 تخصصات


(( كل تخصصات الجامعه ال3 معترف فيهم بما فيهم اداراه الاعمال الدوليه IBMS ))

لو عندك أي استفسار ثاني عن الجامعه او أي تخصص من تخصصاتها تفضل ولا يردك الا كيبوردك :nice:

محدثك : طالب في الجامعه :)

[S.T.Y.L.E]

وعليكم السلام ورحمه الله وبركاته

صح كلامك اخوي ان عندهم 3 تخصصات


(( كل تخصصات الجامعه ال3 معترف فيهم بما فيهم اداراه الاعمال ))

لو عندك أي استفسار ثاني عن الجامعه او أي تخصص من تخصصاتها تفضل ولا يردك الا كيبوردك :nice:

يا هلا يا هلا يا هلا
نورت الشيخ
اي والله عندي استفسار

انا دخلت موقع المجلس الاعلى لكن ماحصلت اسم الجامعه في القائمات المعتمده
صادني الشك وانا اخوك ، شرايك ؟

[تغلبية]

وعليكم السلام ورحمه الله وبركاته

صح كلامك اخوي ان عندهم 3 تخصصات


(( كل تخصصات الجامعه ال3 معترف فيهم بما فيهم اداراه الاعمال الدوليه ibms ))

لو عندك أي استفسار ثاني عن الجامعه او أي تخصص من تخصصاتها تفضل ولا يردك الا كيبوردك :nice:

محدثك : طالب في الجامعه :)



هل صحيح .. ان دراسة الفندقة والسياحة .. مالها سوق عمل في قطر .. أو مالها مستقبل للقطريين ؟

[الصغيره]

نطالب بالانتساب خاصه لنا الموظفين

[هجمة مرتدة]

هل صحيح .. ان دراسة الفندقة والسياحة .. مالها سوق عمل في قطر .. أو مالها مستقبل للقطريين ؟




غير صحيح . .
لدي معرفة شخصية بشريحة لا بأس بها من خريجي الهولندية . .
اثنان منهم دبلوماسيين في الخارجية، أحدهم سكرتير ثاني والآخر سكرتير ثالث . .
وآخر مسؤول كبير في أحد البنوك . .
والآخر يعمل في هيئة السياحة ووظيفته مرموقة . .
كل المذكورين أعلاه خريجي تخصص السياحة . .
لذا وجب التنويه والإفادة ،

[S.T.Y.L.E]

مشكورين على تفاعلكم

واتمنى احد الاعضاء يفيدنا بسبب عدم وجود اسم الجامعه في قائمة الجامعات المعترف فيها في موقع المجلس الاعلى ، مابي ادخل واتحسف

[بنت شرق]

اعتقد لو تروح تسال بالمجلس الأعلى أفضل منها تكون على ثقة وتتوكل على الله

[مضارب دوسري]

روح كلية المجتمع
او النورث اتلانتك

[بصمة قطرية]

روح كلية المجتمع
او النورث اتلانتك

كلية المجتمع غير معترف فيها ...!!!

[OM_OMAR_QATAR]

اعتقد الجامعة السودانية : وادي النيل تم الاعتراف فيها رسمياً

[مضارب دوسري]

كلية المجتمع غير معترف فيها ...!!!

من صجج مب معترف فيها ؟ :omg:

[S.T.Y.L.E]

مشكورين على ردودكم

سألت عن الجامعه الهولندية ، قالوا المجلس الاعلى معترف فيها بس هم مايطرشون لها
الاسباب اللي خلتني افكر فالهولندية :
الايلس ليس من شروط القبول بل من شروط التخرج
الدراسة في الدوحة
القبول امتحان انجليزي فقط

المهم اتصلت لهم اليوم ، وقالوا ان هالسنة بس غيروا الشروط وصارت :
قبول الدراسة ايلس 4.5 او 5
لازم السنة الثالثه تكون كاملة في هولندا << هني جاتني الجلطه


فالظاهر مالي نصيب ، انا ودي ادرس في قطر لان مالي فالغربه
وجامعه قطر مابيها نهائيا ، وقطر فاونديشن مادري عنهم لكن مسوين لنا رعب من كثر مايقولون صعبه

مافي الا بره : (

[alzween]

بسم الله الرحمن الرحيم

أطلب من الإخوة الطلبة القطريين الذين يعانون من عدم الاعتراف بشهادة الانتساب التواصل معي لأنني أريد عمل تحقيق صحفي عن هذا الموضوع ولكم جزيل الشكر

وعلى من لديه الاستعداد للإدلاء برأيه في هذا الموضوع أن يكتب لي على العناون التالي

msahmed@alarab.com.qa

[catqat]

وين راعي الموضوع ؟؟؟؟

ماادري ان كان عندكم أي مستجدات عن موضوع الهولندية!!!

[basma222]

كلية المجتمع غير معترف فيها ...!!!

كليه المجتمع معترف فيها


بنتي متخرجه منهاوتكمل في جامعه قطر


ولدي درس فيها والحين يكمل في بريطانيا

وفي بنت متخرجه منهاو تكمل في المدينه التعليميه

[ITM]

أنا خريج الجامعة الهولنديه
حبيت اوضح نقطه إن جميع تخصصات الجامعه هي شهادة بزنس ادمنستريشن Bachelor of Business Adminstration BBA بس اختيار التخصص راجع للشخص نفسه

فيها ظ£ تخصصات
- ادارة سياحة دولية International Tourism Management
-ادارة ضيافة دولية International Hospitality Management
-دراسات ادارة الاعمال الدولية International Business and Management Studies

وغير صحيح ان مالها مستقبل لاني توظفت في مكان قوي ومنصب حلو :)

[ام ناصر1]

ممكن استفسار في احد الردود 3 سنوات الدراسة بقطر والاخيرة بهولندا صح هالشي
وهل الشهادة من هالجامعة معترف فيها بتخصصاتها الثلاث ...من قبل المجلس الاعلى
وايش شروط القبول عندهم ...

[كازانوفا]

شوف مركز نيوهرايزن يعطي دورات في كل التخصصات

[بورصجي_جديد]

اقوى جامعه بقطر هي جامعه قطر وبعدها المجلس الاعلى واخر جامعه الهولنديه مع احترامي شديد غالبيه الي في الهولنديه درجاتهم 60% :d :d:d

[الزعفراني]

شلون الجامعة تدرس تخصص ادارة اعمال وفي الاخير مش معترف بالتخصص ؟؟؟؟ انت متأكد والا بس كلام ؟؟

:rolleyes2:

[ITM]

ممكن استفسار في احد الردود 3 سنوات الدراسة بقطر والاخيرة بهولندا صح هالشي
وهل الشهادة من هالجامعة معترف فيها بتخصصاتها الثلاث ...من قبل المجلس الاعلى
وايش شروط القبول عندهم ...

صح هالكلام، كل التخصصات معترفه فيها من قبل المجلس الأعلى وتتخرج بشهادة بزنس ادمنستريشن Bachelor of Business Administration


اقوى جامعه بقطر هي جامعه قطر وبعدها المجلس الاعلى واخر جامعه الهولنديه مع احترامي شديد غالبيه الي في الهولنديه درجاتهم 60% :d :d:d

مع أحترامي الشديد لك غير صحيح كليا، أنا متخرج بنسبة عالية والتحقت فيها وتوني متخرج وتوظفت في شركة من أقوى الشركات في الدولة. :)


شلون الجامعة تدرس تخصص ادارة اعمال وفي الاخير مش معترف بالتخصص ؟؟؟؟ انت متأكد والا بس كلام ؟؟

:rolleyes2:

كل التخصصات معترف فيها.

[khalid525]

هذه الجامعة جيدة وخريجوها ممتازين وجاهزين لسوق العمل