شنو كنت تتمنى تصير لم تكبر وانت صغير

[قطريه22]

http://im33.gulfup.com/GZiUE.jpg (http://www.gulfup.com/?aNlJrE)


http://im33.gulfup.com/FEOGx.jpg (http://www.gulfup.com/?0TCJwZ)


كل واحد بأيام طفولته كان يحلم لم يكبر بشيء ويتمنى انه يصير
السؤال الي دوم كانو يسألونا إياه وأحنا صغار (( شنو تبي تصير لم تكبر)) ، فكل واحد فيكم يكتب لنا الي تمناه وهل صار أو لا..

بصراحه انا من كثر حبي للمحقق كونان :shy: كنت ابي اصير تحري خاص أو محاميه وطبعاً لين الحين امنيتي اصير محاميه خيريه (( يعني ماخذ فلوس من حد ويكون بنفس الوقت فعل خير)) بس للاسف ماصرت لا تحريه ولا محاميه صرت إدارية :telephone:


انتظر ردودكم :tease:


وبالنسبه للمتابعين بصمت نتمنى مشاركتكم معانا :victory:

[التميمي 3]

تمنيت أكون مدرس مثل الوالد

لكن ماتحققت وصرت موظف إداري

والحمدلله على كل حال

[نور الحور]

هههههههههههههههههههههه الله عليج يا قطرية ذكرتيني بالذي مضى .. كنت أتمنى أكون ... ولا أقول بلاش أحسن ..لا تطلع الفضايح .. بس أنا اللحين صرت شي ثاني كلش .. يعني عكس اللي تمنيته ههههههههه بس أهم شي يناسبني ويناسب ميولي ووظيفة أحبها :nice:

[قطريه22]

هههههههههههههههههههههه الله عليج يا قطرية ذكرتيني بالذي مضى .. كنت أتمنى أكون ... ولا أقول بلاش أحسن ..لا تطلع الفضايح .. بس أنا اللحين صرت شي ثاني كلش .. يعني عكس اللي تمنيته ههههههههه بس أهم شي يناسبني ويناسب ميولي ووظيفة أحبها :nice:



شنوووووووووووووووووووو اعترفي

[قطريه22]

تمنيت أكون مدرس مثل الوالد

لكن ماتحققت وصرت موظف إداري

والحمدلله على كل حال

:nice:

[OM_OMAR_QATAR]

مهندسة معمارية :(

[المبرمج صلاح]

http://a7lasouq.com/IMAGES/2012/12/zzz765.jpg.jpgx

حلمي كان اكون طيار حربي او مبرمج كمبيوتر ولكني كنت اتمني اكون طيار اكثر
وتحقق حلمي كمبرمج كمبيوتر

الحمد لله على كل شي وكل حال

[نور الحور]

شنوووووووووووووووووووو اعترفي



هههههههههههههههههههههههههههه
جراحة مخ :fight:

[قطريه22]

هههههههههههههههههههههههههههه
جراحة مخ :fight:

تخصص قوي ياخطيره :nice:

[نور الحور]

تخصص قوي ياخطيره :nice:


والله ولا ادري شسالفته .. كنت أسمع في الأفلام وأقلد :whistling:

[أسد الجزيرة]

دكتور عظام

[شبح الصمت]

حلمي اني اكون رجل أعمال ملتي ملياردير

:this:

[Class - Qtr]

السلام عليكم

بصراحه شي اتمني يتحقق اني اكون ضمن وفد للمساعدات الانسانيه واسافر في السنه

مرة على الاقل بشرط واحد اني مااكون موظف عندهم واسافر على حسابي

طبعا هالموضوع مافكرت فيه وانا صغير

مااذكر وانا اصغير فكرت في

شي حبيت يتحقق

اذا كبرت

:)

[نور الحور]

حلمي اني اكون رجال عمال ملتي ملياردير

:this:


رجال عمال على بطال :d

[شبح الصمت]

السلام عليكم

بصراحه شي اتمني يتحقق اني اكون ضمن وفد للمساعدات الانسانيه واسافر في السنه

مرة على الاقل بشرط واحد اني مااكون موظف عندهم واسافر على حسابي

طبعا هالموضوع مافكرت فيه وانا صغير

مااذكر وانا اصغير فكرت في

شي حبيت يتحقق

اذا كبرت

:)




يتحقق حلمك ليش ما يتحقق ياخوي ..

سجل طلب تطوع في الجمعيات الخيرية وان شاء الله بيتصلون فيك في اي سفره ..

والله يعطيك على نياتك يارب

وموفق

مؤسسة راف
قطر الخيرية
مؤسسة الشيخ عيد آل ثاني
مؤسسة جاسم بن جبر آل ثاني

[شبح الصمت]

رجال عمال على بطال :d




صدقيني انا مسكين رجال أعمال بس الالف طاحت يعني مب كفايه قاعد احاتي صادني رادار الاشارة الخويا قاعدين يمشون السيد والحين اتوقع بتجيني قطع اشارة

:sorry:

[نور الحور]

صدقيني انا مسكين رجال أعمال بس الالف طاحت يعني مب كفايه قاعد احاتي صادني رادار الاشارة الخويا قاعدين يمشون السيد والحين اتوقع بتجيني قطع اشارة

:sorry:


:d:d:d

[khaldoon]

حلمي اصير عسكري

[نور الحور]

حلمي اصير عسكري



تحب الشقى !

[قطريه22]

السلام عليكم

بصراحه شي اتمني يتحقق اني اكون ضمن وفد للمساعدات الانسانيه واسافر في السنه

مرة على الاقل بشرط واحد اني مااكون موظف عندهم واسافر على حسابي

طبعا هالموضوع مافكرت فيه وانا صغير

مااذكر وانا اصغير فكرت في

شي حبيت يتحقق

اذا كبرت

:)

حلو

تقدر تحقق هالشي الحين وأنت كبير:nice:
تلتحق بالهلال الاحمر القطري وهم بين فتره وفتره يسافرون في مخيمات ويساعدون

[محب قطر 64]

عالم و مخترع
حققت واحد بالميه

[قطريه22]

حلمي اني اكون رجال أعمال ملتي ملياردير

:this:

عمرك طويل من اشوي اقول وينه شبح اليوم مختفي

[khaldoon]

تحب الشقى !

لا احب الانضباط الشديد .... حتى بالشغل يسألوني انت خدمة بالجيش من قبل

لو عندك واسطة اكون شاكر لك

[قطريه22]

عالم و مخترع
حققت واحد بالميه

هههههههههههههههههههههههه

[شبح الصمت]

عمرك طويل من اشوي اقول وينه شبح اليوم مختفي




وعمرك طويل كانت عندي مهمة وخلصتها ورجعت لكم ..

بس رجعت بتفهي

وعآد في ناس ربي يحفظهم ويحفظكم جالسين لي على وحده ونص

:whistling:

[قطريه22]

وعمرك طويل كانت عندي مهمة وخلصتها ورجعت لكم ..

بس رجعت بتفهي

وعآد في ناس ربي يحفظهم ويحفظكم جالسين لي على وحده ونص

:whistling:

من :whistling:

[شبح الصمت]

من كثر التفهي اليوم

والله اني وقعت على شيكات اول مره كل ستة شهور بشيك واحد

لا لا فيني شيء اليوم شكلي من حلم الملتي ملياردير

شكلكم بتزوروني وخيشه العدس بس لا تنسوني اهم شيء المنقا

[قطريه22]

من كثر التفهي اليوم

والله اني وقعت على شيكات اول مره كل ستة شهور بشيك واحد

لا لا فيني شيء اليوم شكلي من حلم الملتي ملياردير

شكلكم بتزوروني وخيشه العدس بس لا تنسوني اهم شيء المنقا


منغا وام المنغا اجيبها لك بعد ههههههههههههههههههههههه
باجهز البيكم وجايه لك

[شبح الصمت]

منغا وام المنغا اجيبها لك بعد ههههههههههههههههههههههه
باجهز البيكم وجايه لك




الي اهي اهم شيء ازط ..

ابي منجا هنديه وتكون بدون شعر لاجل ما اقعد احفر في ضروسي واطلع خيوطها ..

:court:

[نور الحور]

وعمرك طويل كانت عندي مهمة وخلصتها ورجعت لكم ..

بس رجعت بتفهي

وعآد في ناس ربي يحفظهم ويحفظكم جالسين لي على وحده ونص

:whistling:

آمين آمين يا رب

[بصمة قطرية]

يوم كنت صغيرة لين وصلت الأعدادي كنت بي أصير عارضة أزياء :secret::secret:
عقب ربي هداني و غيرت أمنيتي
تمنيت أدرس حقوق
( نفس الوالد الله يحفظه )
و الوالد ذاك اليوم يقول لي كنت حاط آمالي
فيج إنج تدرسين طب و تصيرين دكتورة
قلت له ليش عيل زوجتوني صغيرة لا خليتوني أدرس حقوق و لا طب :sorry:

[شبح الصمت]

يوم كنت صغيرة لين وصلت الأعدادي كنت بي أصير عارضة أزياء :secret::secret:
عقب ربي هداني و غيرت أمنيتي
تمنيت أدرس حقوق
( نفس الوالد الله يحفظه )
و الوالد ذاك اليوم يقول لي كنت حاط آمالي
فيج إنج تدرسين طب و تصيرين دكتورة
قلت له ليش عيل زوجتوني صغيرة لا خليتوني أدرس حقوق و لا طب :sorry:




الامل والامنيات ما انقطع اختي بصمه

في عيالك تشوفين امنياتك ان شاء الله
خليهم يشوفون في عيونك امل كنتي تبين تحققينه ويحققه واحد منهم

والله يخليك لهم ويخليهم لك يآرب

[بصمة قطرية]

الامل والامنيات ما انقطع اختي بصمه

في عيالك تشوفين امنياتك ان شاء الله
خليهم يشوفون في عيونك امل كنتي تبين تحققينه ويحققه واحد منهم

والله يخليك لهم ويخليهم لك يآرب

آمين يارب ..
إن شاء الله
يحققون اللي كنت أتمناه
واحد منهم فعلاً يبي يصير دكتور
و كله نناديه الدكتور عبدالله
و واحد يبي يصيد الحرامية خخخخخ
يعني صوب الحقوق إن شاء الله
الله يحفظهم .،
و يحفظ عيالك يارب و تشوفهم بأحسن التخصصات ..

[للصبر اخر]

كنت اتمنى شي
والحمدالله حققته

[مستر بن]

للحين وراي سنتين واخلصص :(

[قطريه22]

للحين وراي سنتين واخلصص :(



هههههههههه توك صغيرون

انشالله تخلص وتتحقق امانيك

[قطريه22]

كنت اتمنى شي
والحمدالله حققته




شنووووووووووووووووو عادي قولي محد يسمع بس يقرون :tease:

[sweet qatar]

أمنيتج حلوة قطرية.. انا بعد أموووت في سنشي أقصد كونان.. :shy:


حلمي وأنا صغيرة اني أصير

http://farm5.static.flickr.com/4023/4478275359_d2eb6d945c.jpg


مديرة مشاريع أو سيدة أعمال..


للحين ماتحقق.. عسى الله يكتب لي وأحققه قريبا..

[الزعفراني]

دكتور

[بونووف]

فالبدايه كنت كله اتخيل اني صقر وبعدها بديت اتمنى اصير طياره .. وعقبها عرفت انه الانسان يتم طول عمره انسان .. ف امنيتي كانت اصير طيار ...

بس حلو الموضوع كأنه في بابا لنجا

اسلم على ابوي و امي واقولهم كل عام وانتو بخير

[لاجل QT]

والله وايد شغلات ودي كنت اشتغلها

اولها انى اكون زوجة امير:o

ومش اي امير:o

عاد قلنا دم مافيها امير ولاهم يحزنون:shy:

قلت اصير سيدة اعمال:o

عاد سيدة اعمال مفلسة مايصر:looking::shy:

قلت عااد خلنى اتم احلم ابرك:yawn:

وتستمر الاحلام يلا تصبحون على خير:yawn:

انشالله احلام الجميع تتحقق:)

[بنت مريخ]

تمنيت اصير مهندسه ديكور
غرامي الاثاث خصوصا المودرن
عقب حولت على الطبخ تخصص حلويات و اشوي موالح لاني اكره اكل المطاعم
تمنيت يكون عندي اعيال وايد 5 صبيان و5 بنات نفس حريم الاول
الحمدلله ربي رزقني (عبدالله) اشرقت شمس حياتي بقدومه

[AL-MAYSTRO]

كنت اتمنى اصير تختور ههههههههههههههههههههههههههههههههههه

مب دكتور لا تختور

[نور الحور]

فالبدايه كنت كله اتخيل اني صقر وبعدها بديت اتمنى اصير طياره .. وعقبها عرفت انه الانسان يتم طول عمره انسان .. ف امنيتي كانت اصير طيار ...

بس حلو الموضوع كأنه في بابا لنجا

اسلم على ابوي و امي واقولهم كل عام وانتو بخير


ههههههههه سبحان الله عاد مادري ليش كله اتخيلك طيار ؟ يمكن النك نيم :rolleyes2:

[Qatar Angel]

كنت أتمنى أصير مصممة أزياء مشهورة ويسوون معاي لقاءات
وحالة الحمدلله ما حققته