أسعار تركيب الأنترلوك

[عقرب]

السلام عليكم ورحمة الله وبركاته

عندي إستفسار بسيط

عندي عمال على كفالتي وهم إلي بيركبون لي الأنتر لوك إن شاء الله

الشغل إلي عليهم : تسوية الدفان على مستوى معين وتركيب الكربستون بجانب أحواض الزراعة و من ثم البودرة وآخر شي الرمل وتركيب الأنترلوك

طبعاً أنا إلي باجيب المواد وكل حاجة بس عليهم شغل اليد

الحين أبي أعرف كم أعطيهم في المتر ؟؟ أجرة اليد قصدي ... لأن ماعندي أي خلفية عن الأسعار

أتمنى ماتبخلون علي بالمعلومات إلي عندكم

وجزاكم الله خير مقدماً

[K.A]

مرحبا اخوي عقرب
والله ما ادري عن نفسي ما وصلت مرحله انترلوك خارج سور المنزل
بس ياليت احد يكون مركب وبفيدنا

وانت اسئل اكثر من شخص يركب وشوف متوسط السعر

[معماري قطري]

بما إن العمال على كفالتك ويشتغلون عندك يكفيهم الراتب اللي ياخذونه، وانت تقدر تعطيهم مبلغ زيادة كتشجيع.

[شموخ دائم]

,

,


مرحبا


اخوي الكريم

اذا انت هادهم يشتغلون بروحهم وسكنهم واقامتهم عليهم وما تعطيهم راتب
وواضح هذا انك ماتعرف سعر السوق كم

بهذي الحاله
سعر تركيب الانترلوك والبلاط بشكل عام 25 ريال للمتر تقريبا قاصر زايد شي بسيط
العامل الشاطر الي تركيبه نظيف

خلهم يعطونك سعر خاص لانك كفيلهم
تقريبا 18 ريال للمتر

والكربستون 6 ريال للحبه او للمتر

وفي حل ثاني يسونه ايضا

انك تعطيهم يوميتهم

تتراوح اليوميه للعامل
من 60 ريال الى 100 ريال
حسب شطارته ونشاطه
بالتوفيق لك


اخوك


شموخ دائم

[عقرب]

مرحبا اخوي عقرب
والله ما ادري عن نفسي ما وصلت مرحله انترلوك خارج سور المنزل
بس ياليت احد يكون مركب وبفيدنا

وانت اسئل اكثر من شخص يركب وشوف متوسط السعر


إن شاء الله .. الله يجزاك خير :)


بما إن العمال على كفالتك ويشتغلون عندك يكفيهم الراتب اللي ياخذونه، وانت تقدر تعطيهم مبلغ زيادة كتشجيع.


جزاك الله خير أخوي معماري

بدون راتب أعطيهم على المتر

[عقرب]

,

,


مرحبا


اخوي الكريم

اذا انت هادهم يشتغلون بروحهم وسكنهم واقامتهم عليهم وما تعطيهم راتب
وواضح هذا انك ماتعرف سعر السوق كم

بهذي الحاله
سعر تركيب الانترلوك والبلاط بشكل عام 25 ريال للمتر تقريبا قاصر زايد شي بسيط
العامل الشاطر الي تركيبه نظيف

خلهم يعطونك سعر خاص لانك كفيلهم
تقريبا 18 ريال للمتر

والكربستون 6 ريال للحبه او للمتر

وفي حل ثاني يسونه ايضا

انك تعطيهم يوميتهم

تتراوح اليوميه للعامل
من 60 ريال الى 100 ريال
حسب شطارته ونشاطه
بالتوفيق لك


اخوك


شموخ دائم


الله يرحم والديك أخوي شموخ دائم

تبي الصراحة مالي بشغل المقاولات .. الوالد الله يطول بعمره جاب العمال من بلادهم وقت تشطيب البيت وهم إلي ركبوا لي برسلان البيت كامل والحمامات ( الله يعزكم ) وعطيتهم على المتر مابين 20 - 25 ريال

والحين دور الأنترلوك وقلت أتأكد من الأسعار عشان ماظلمهم

وأنا موفر لهم سكن ... وإن شاء الله بعد ما خلص التشطيب كامل بشوف شنهي الطريقة في شغلهم ... أفكر أعطيهم سيارة وبعض أدوات البناء ويشتغلون في تركيب البلاط والبرسلان والأنترلوك والرخام إن شاء الله

وجزاكم الله خير جميعاً