رواتب المهندسين القطريين

[ابو جاسم 1]

انا انشاءالله مقبل على التخريج في الفترة الجاية وبغيت اعرف وين الراتب الافضل, في مسيعيد ولا في راس لفان وكم يمكن يكون الفرق في الراتب بين المنطقتين,ثانيا ويش رايكم في قطر للبترول وشكرا

[Google]

شوف بالنسبة كبداية حاول انك تدخل وحده من شركات الشمال وخصوصا دولفين راس غاز اوريكس شل لكن قطر غاز سمعت رواتبهم داقه والمهندسين يشتكون لان فيه شباب يطلعون منها الحين وخصوصا ان بعض الاقسام مافيها قطريين الا لو كانوا متدربين بس لكن مافيه اي ترقيات لهم . على العموم بعد ماتخلص مرحلة التدريب والخبره اطلع وروح كيوبي لانهم يقولون رواتبهم اكثر. واكيد اي حد من الاخوان يشتغل في هالشركات و موجود بالمنتدى راح يساعدك في التفاصيل والله هو العالم وحده هذا كلام لكن وين الصحيح الله واعلم. وبالتوفيق ان شاء الله .

[CH Engineer]

الراتب يفرق على حسب الدرجة الوظيفية
انت وجهدك او الاصح و واسطتك وحظك اذا توفقت بقسم فيه فرص
قطرللبترول تدخل على الدرجة 11 وتدرج 12 و 13
وتطور لين 14 او 15 او 16 على حسب المسمى الوظيفي
وراتبك الاساسي على حسب درجتك
علاوات الموقع والشفتات تفرق من راس لفان ومسيعيد ودخان وحالول تقدر تاخذ التفاصيل من شؤون الموظفين

[فيروزه]

بالتوووووووووووووووفيق ان شاء الله

[شيخ الديرة]

الأفضل أنك تقدم عليهم كلهم, للتأكيد كلهم, وتحصل منهم عروض حقيقية موثقة, وتقارن وثم تختار اللي يناسبك, مبروك التخرج مقدما

[تحداني]

عندي في البيت يشتغلون في " راس لفان " وعندي الي في " الدوحه "
في فرق اسمه " بدل لوكيشن " تقريبا 3 الاف ريال ..

ابغض النظر عن الفرق المادي .. الهندسه اذا ما عشت الحياه العمليه في بدايتك في المصانع والاجواء اهناك .. ما راح تحس بمتعه العمل .. ولا تقدر تعطي لنفسك اشيا كثيره
وفي المناطق الخارجيه يتمنون القطري

في البيت عندنا يفضلون العمل في المناطق الخارجيه
والحمد لله تكيفوا مع الوضع وامورهم جدا طيبه الله يبارك لهم


جملك الله برضاه

[ابو جاسم 1]

وش دعوى:eek5: هذي بس الردود

[مع الله]

قطر للبترول احسن الراتب للمستجد بين 35 الى 0 4الف

[بوخالد911]

الله يوفق

[عنيــــد]

انصحك بقطر للبترول ،، صحيح حالياً هي الاقل في الراتب مقارنة في باقي شركات الغاز و البترول و لكن قطر للبترول تعطيك افضل تأسيس و بسهوله توصلك الترقيات في بداية حياتك العملية ،، بعدها بامكانك بسهوله الانتقال للشركات الاخرى و العروض توصلك لين مكتبك ..

بالنسبة لعلاوات الموقع فهي تتجاوز ست الاف ريال اكثر من اللي بالدوحه هذا لو دوامك في مكتب ،، و اذا في مصنع الفرق اكبر بعد ..


الله يوفقك و انصحك قدم على كل الشركات و ان حصلت قطر للبترول لا تفرط فيها ..

[ابو جاسم 1]

انصحك بقطر للبترول ،، صحيح حالياً هي الاقل في الراتب مقارنة في باقي شركات الغاز و البترول و لكن قطر للبترول تعطيك افضل تأسيس و بسهوله توصلك الترقيات في بداية حياتك العملية ،، بعدها بامكانك بسهوله الانتقال للشركات الاخرى و العروض توصلك لين مكتبك ..

بالنسبة لعلاوات الموقع فهي تتجاوز ست الاف ريال اكثر من اللي بالدوحه هذا لو دوامك في مكتب ،، و اذا في مصنع الفرق اكبر بعد ..


الله يوفقك و انصحك قدم على كل الشركات و ان حصلت قطر للبترول لا تفرط فيها ..

انزين كم ممكن يكون الفرق بالنسبة للمهندس المستجد؟

[العربية نت]

مرحبا الشيخ :)

المفروض ما يبغي لها اسئلة قطر للبترول معروفة انها ليست رواتب فقط عندك امتيازات فوق الراتب وهي الفضل في الراتب وتختلف بختلاف طبيعة العمل فالمفروض اذا حصلت فرصة لاتسال ولا شئ ومجالك هندسة مايحتاج يعني هي المكان المناسب اذا انت شخص طموح ويفكر في المردود المادي :eek5:

بس بانصحك في هذا الموضوع وهي الي خلاني اكتب وهي انك لاتفكر باي حال من الاحوال في وظيفة حكومية انصحك طق منها escape

اعرف واحد تخصصة هندسة كيميائية في وظيفة حكومية دافن نفسه وشهادته وما هو مبين عليه انه خريج هندسة لا راتب زين ولا امتيازات ولا تطوير ولا ترقية مبينه عليه حتى مكتب عدل ما عنده :eek5::omg:

فانت لاتكثر في الاسئلة لان محد رايح ينصحك كثر نصيحتك لنفسك انت فانت رح بنفسك لا ماكن العمل خاصة اذا كانت شهادتك ونسبتك قوية فانت رح وانت واثق الخطوة :secret:

بالتوفيق ،،،

واسمح لنا الشيخ طولنا عليك :(

[ابو جاسم 1]

بس ما قلتوا لي الفرق في الراتب كبير ولا صغير؟؟؟؟