عيادة اسنان للاطفال

[حراير قطر]

صباح الخير

بغيت استفسر عن عيادات اسنان اطفال يسون بنج كامل

لا اتقولون لي الاهلي لانه عطوني موعد اخر شهر 5

وانا ابي موعد قريب لبنتي ...

آختكم

حراير قطر

[الزعفراني]

بنج كامل عشان اسنان ؟؟

وش هالجنون ؟؟

انصحج بأقرب مركز صحي .. الموضوع ما يحتاج كل هالتهويل

[حراير قطر]

بنتي عمرها 4 سنوات

وديتها عيادة خاصة وحط لها توم وجيري

عشان تقعد وتهدي بس حط لها جل البنج

وسوت لنا حفله وقالي محد راح يقدر يسوي لها شي

الا اذا كان بنج كامل :)

[نفسي عزيزه]

ماعليها شر بنتج وان شاء الله يفيدونج الاخوان

[قطر الحب]

والله اذا تعرفون فيدوها وفيدونا ، أبي عيادة تبنج كامل

عشان عندي طفلة صاحبة اعاقة وماينفع معاها إلا البنج كامل

[حراير قطر]

ماعليها شر بنتج وان شاء الله يفيدونج الاخوان

الشر ما يجيك ...

[حراير قطر]

والله اذا تعرفون فيدوها وفيدونا ، أبي عيادة تبنج كامل

عشان عندي طفلة صاحبة اعاقة وماينفع معاها إلا البنج كامل

عندك مستشفى الاهلي هذا اللي عرفته

وان شاء الله يفيدونا الاعضاء بعيادات ثانيه ...

[ضوى]

ماتشوف شر البنوتة ان شاء الله والف لاباس عليها

بس السؤال ياحراير بنت 4 سنوات وتحتاج علاج اسنان وايد صعبة ، الاهتمام باسنان الطفل من بداية ولادته

ادري اليهال حلويات وكافي وغيره بس لازم تغسلين اسنانها دايما ويتعود الطفل على هالشي من اول سنة بحياته والمفروض من اول ست شهور

وغير هذا كل واحد عنده عيال صغار تعدوا السنة ياخذهم لطبيب اسنان يلبس اسنانهم بطبقة مانعة للتسوس وااايد مفيدة هالمادة ومريحة للام والطفل ، والحمد لله عيالي سويتها لهم من يوم صغرهم وللحين ولا سوسة في اسنانهم وان شاء الله باودي بنتي الصغيرة اسوي لها بس مدري وين لاني سويت لعيالي بالكويت باسال في المركز الصحي اذا يصير يسوون

نصيحة لاتهملون اسنان عيالكم حتى لو كانت لبينة وبتطيح

[حراير قطر]

الشر ما يجيج اختي ضوى

خبرج دلوعة العايله :rolleyes2:

الكل يجيب لها ويسوي لها

واهي فديتها اتفرش بروحها وما ترضى اني افرش لها :rolleyes2:

[ضوى]

بتعلميني ياحراير بدلوعات العايلة :) صج مدلعات ومدللات فديتهم انا

الله يخليها لج يااارب ويبلغج فيها ان شاء الله

[حراير قطر]

بتعلميني ياحراير بدلوعات العايلة :) صج مدلعات ومدللات فديتهم انا

الله يخليها لج يااارب ويبلغج فيها ان شاء الله

آمين

ويخلي لج عيالج ويبلغج فيهم ...

[حراير قطر]

والله اذا تعرفون فيدوها وفيدونا ، أبي عيادة تبنج كامل

عشان عندي طفلة صاحبة اعاقة وماينفع معاها إلا البنج كامل

اخوي قطر الحب

عندك عيادة اللبناني القطري او العكس

مقابل عيادة الشرطة عندهم بنج كامل

وحصلت موعد بسرعه ...

[q6ryah]

الصحه المدرسيه