الخادمة والشحن الجوي Cargo

[الأصيلة]

http://upload.traidnt.net/upfiles/1Iu07302.jpg (http://upload.traidnt.net/)

الشحن الجوي Cargo

من مدة طويلة وخادمات المنازل يقمن بشحن أمتعتهن للفلبين والهند واندونيسيا...و...الخ
عن طريق الشحن الجوي الذي يتبادلن أرقامه الخاصة فيما بين بعضهن البعض..
فتجد فجأة وبدون سابق إنذار سيارة الشحن تقف في وسط بيتك وتشحن ماتشحن
وبدون رقابة وإذن من صاحب البيت..وينتهزن فرصة غياب ربة البيت عن المنزل ليحددوا الموعد
مع سيارة الشحن...
لتكشف ربة البيت بعد مدة أن ماتم شحنه ماهو إلا
ممتلكاتها الخاصة من أواني وملابس وأدوات كهربائية ومنظفات و...و...الخ...

ألا يفترض أنه يجب أن يكون هناك توقيع على ورقة الشحن من كفيل الخادمة
وتفتيش ما سيتم شحنه؟

البيوت الآن أصبحت كبيرة وبها مخازن خارجية
يتم تخزين أغراض البيت فيها
والتي تستعمل بشكل يومي أو اسبوعي أو من فترة لفترة أخرى
لتستغل الخادمة وجود الأغراض الكثيرة وتسرق ماتريد وتترك العلب فاضية مرتبة
دون أن تشعر صاحبة المنزل بفقدانها كما حدث مع إحدى الأخوات..
وإذا كان المخزن ذو قفل فبعض الخادمات ينسخن مفاتيح خاصة بهن...

ياترى من المسؤول عن هذا التمادي من قِبل خادمات المنازل ؟
خاصة و أن أغلب الأسر تعتمد على الخادمة في كل شيء ..
حيث تصبح مؤنة البيت بين يديها بالإضافة إلى المنظفات وباقي الإحتياجات..
ما الحل المفترض لهذه المشكلة والتي انتشرت بشكل كبير في الآونة الأخيرة ؟

[قطريه22]

:eek5::eek5::eek5:

قويه والله محد تجي في باله انه اول مانطلع من البيت الخدامه تتصل الشحن يجون ياخذون الاغراض ،، جزاج الله خير اليوم باقول حق امي خل تنتبه على الي عندنا لان يدها خفيفه


المشكله في هالوقت الشغالات ماصارو يخافون وعادي عندهم سواءً هاوشتيهم او لا كله انهم مايدرون عن شي والا طقوها صيحه،،

مادري والله شالحل معاهم

[الأصيلة]

:eek5::eek5::eek5:

قويه والله محد تجي في باله انه اول مانطلع من البيت الخدامه تتصل الشحن يجون ياخذون الاغراض ،، جزاج الله خير اليوم باقول حق امي خل تنتبه على الي عندنا لان يدها خفيفه


المشكله في هالوقت الشغالات ماصارو يخافون وعادي عندهم سواءً هاوشتيهم او لا كله انهم مايدرون عن شي والا طقوها صيحه،،

مادري والله شالحل معاهم

بالعكس السالفة من زمان هذي واحنا نضحك ونقول معليش ..
ماندري إن ها الكراتين هي أغراضنا الخاصة...
بس الأيام الأخيرة تمادوا بزيادة وتجرأوا أكثر...!!!!

[Aaziz]

السلام عليكم

اختي الاصيله مابي احمل ربه المنزل هذه المسؤوليه هي فقط ،، ولكن جرت العاده عند جميع اهل قطر ان الرجل ماله علاقه بالخادمه وهي احد مسؤوليات ربه المنزل .
و الرقابه على الخادمه او انها راعيه لف ودوران هذا شي تقييمه عند راعيه البيت و بالتالي معاملتها على هذا الاساس ووضع الاحتياطات المطلوبه حسب طبيعه الخادمة .

موضوع موافقه الكفيل على الشحن هو حل ممتاز مع اني استبعد ان رقه وزاره العمل ستعينها على اتخاذ مثل هذا القرار كونه في صالح الكفيل و ضد مصلحه المكفوق .

[الأصيلة]

السلام عليكم

اختي الاصيله مابي احمل ربه المنزل هذه المسؤوليه هي فقط ،، ولكن جرت العاده عند جميع اهل قطر ان الرجل ماله علاقه بالخادمه وهي احد مسؤوليات ربه المنزل .
و الرقابه على الخادمه او انها راعيه لف ودوران هذا شي تقييمه عند واعيه البيت و بالتالي معاملتها على هذا الاساس و وضع الاحتياطات المطلوبه حسب طبيعه الخادمة .

موضوع موافقه الكفيل على الشحن هو حل ممتاز مع اني استبعد ان رقه وزاره العمل ستعينها على اتخاذ مثل هذا القرار كونه في صالح الكفيل و ضد مصلحه المكفوق .

المشكلة يا أخوي في أن الخادمات لايظهر عليهن شيء من الخبث ..
تحس إنها مافيه أطيب منها..
لكن لما تشوف كثرة الأغراض يسيل لعابها وتتجرأ وتاخذ ماتبغيه...
وخاصة مثل ماقلت صارت البيوت كبيرة والسيارات داخلة طالعه ...
أنا اشوف الحل أن سيارة الشحن لازم تاخذ اذن ربة البيت لتشحن...

[قطريه22]

السلام عليكم

اختي الاصيله مابي احمل ربه المنزل هذه المسؤوليه هي فقط ،، ولكن جرت العاده عند جميع اهل قطر ان الرجل ماله علاقه بالخادمه وهي احد مسؤوليات ربه المنزل .
و الرقابه على الخادمه او انها راعيه لف ودوران هذا شي تقييمه عند راعيه البيت و بالتالي معاملتها على هذا الاساس ووضع الاحتياطات المطلوبه حسب طبيعه الخادمة .

موضوع موافقه الكفيل على الشحن هو حل ممتاز مع اني استبعد ان رقه وزاره العمل ستعينها على اتخاذ مثل هذا القرار كونه في صالح الكفيل و ضد مصلحه المكفوق .

لا والله ياخوي عزيز مب إهمال الخادمات ماصارو يهتمون والي براسهم يسوونه قدامك يخافون ويصيحون ومن وراك يعفسون البيت وياخذون الي يبونه وانت ماتدري عنهم..

والكذب عندهم ماله حدود الواحد صار يتعب معاهم مادري شالحل المناسب لهم ..

[قطريه22]

المشكلة يا أخوي في أن الخادمات لايظهر عليهن شيء من الخبث ..
تحس إنها مافيه أطيب منها..
لكن لما تشوف كثرة الأغراض يسيل لعابها وتتجرأ وتاخذ ماتبغيه...
وخاصة مثل ماقلت صارت البيوت كبيرة والسيارات داخلة طالعه ...
أنا اشوف الحل أن سيارة الشحن لازم تاخذ اذن ربة البيت لتشحن...


كنتي اتصلتي على شركة الشحن وكلمتي المدير وحذرتيه انه اذا تكرر هالموقف بتبلغين الشرطه عن شركتهم وانه لازم موافقه من اهل البيت على الشحن.. واذا ماخاف قولي باشتكي عليكم في الجرايد وباكتب عن شركتكم.. صدقيني بيخافون

يمكن يخافون

[الأصيلة]

كنتي اتصلتي على شركة الشحن وكلمتي المدير وحذرتيه انه اذا تكرر هالموقف بتبلغين الشرطه عن شركتهم وانه لازم موافقه من اهل البيت على الشحن.. واذا ماخاف قولي باشتكي عليكم في الجرايد وباكتب عن شركتكم.. صدقيني بيخافون

يمكن يخافون

فعلا هذا اللي ناوية أسويه
إحدى قريباتي كلمت الهندي اللي جاي يشيل الأغراض وحذرت فـ خاف وقالها تفضلي فتشي الأغراض...

[قطريه22]

فعلا هذا اللي ناوية أسويه
إحدى قريباتي كلمت الهندي اللي جاي يشيل الأغراض وحذرت فـ خاف وقالها تفضلي فتشي الأغراض...

ونفس الشي كلمي الشغالات وقولي لهم اذا مره ثانيه اتصلو للشحن او اي مكان بدون موافقتكم بتتصلين على الشرطه

بيخافون

[qatari911]

الاصيلة
يمكن خدمكم وانتم مدلعينهم
عندنا 4 خدامات
واي وحده تبي تشحن تقول حق الوالده او زوجة اخوي
علشان تتصل لشركة الشحن
مو كل الخدامات ينتظرون خروج اصحاب البيوت علشان يشحنون من البيت اغراضنا
وللعلم نعطيهم اشياء احنا في غنى عنها
او نشتري لهم الي محتاجينه
بس مانقطع فيهم واذا سرقو قلتو فيهم وفيهم
تحياتي

[تحداني]

الي عندنا يطلبون من الوالده تتصل لهم في الشركه .. وعاده يشحنون تمر وماء زمزم
لان الوالده اتجيب كميه ويحبونها في بلادهم .. وفي الفتره الاخيره اشوفهم يشحنون
السجاده الي عليها آيه الكرسي بكميه كبيره

بس الي عندنا موجودين من سنوات طويله
ما اعرف شنو نظام الاجداد


الله يسعدج يارب ويرضى عليج

[السديم]

والله صدقتي يا الاصيلة في كل كلمة قلتيها ..

المفروض الدولة تشترط على شركات الشحن بتوقيع من الكفيل تحسبا لأي ظرف ممكن يصير حزتها الشركة تتحاسب لانها شحنت من غير اذن ..

ذاك اليوم مارحت الدوام وخذت لي اجازة عارضة .. على الساعة 9 اسمع لغوة وحس رجال في البيت واتخرع اتصل في زوجي انت مطرش حد البيت يقول لا .. اطلع استكشف الامر الا الشيخة الخدامة جايبة شركة الشحن ومدخلة الريايل البيت وانا مادري وتفاجئت يوم شافتني تحسبني الاخت مداومة !!! تهددت فيها اني بسفرها وقلت لها انا راعية البيت ولازم تستاذنين بس شيضمن لي انها مابتكرر الحركة او حتى اذا سفرتها الخدامة الجديدة ماتسوي نفس الشي خصوصا انهم يدرون ان احنا نطلع للدوام بالساعات .. قررت اني اركب كاميرات وهو الحل الامثل عشان اعرف شيصير في بيتي بس عجبني اقتراحج وايد

[Al-Kuwari]

الحل في يد ربة البيت

للمرة المليون الخادمه تم استقدامها " لتساعد " مهب لتمسك زمام الامور كلها وتكون هي الكل بالكل وماسكة كل امور البيت ..

[meez]

عفواً !

كلنا بشر وكلنا نحتاج ننقل اغراضنا ، حتى لما نسافر ويزيد علينا الوزن نشحنه !
كلكم راعً وكلاً مسؤول عن رعيته .. جمله كافيه للرد على هذا الموضوع
مهما كان هم بشر .
لهم اغراض بيطرشونها حق اهلهم .. و بما ان ربة المنزل موجوده فلها الحق ان تجيك على اغراض الخادمه
بس " بغرض المساعده " في ترتيب الاغراض .
عشان ماتشك ان ربة المنزل شاكه فيها وماتنزل الثقه بين الطرفين .

[شيخ الديرة]

الحل في يد ربة البيت

للمرة المليون الخادمه تم استقدامها " لتساعد " مهب لتمسك زمام الامور كلها وتكون هي الكل بالكل وماسكة كل امور البيت ..

:thumbup1:
ميفيد

[الـراسي]

دام اصبح الاعتماد كلي على الخادمة في البيت

ودور ربة المنزل شبه معدوم ان كان من تدبير المنزل او تربية الابناء

فتوقع اي شي

اصبحت ربات البيوت ما تعرف وش اللي ناقص في البيت اذا سأل رب المنزل قالت المره

اسأل الخادمة وهذي الطامة الكبرى

الا من رحم ربي

[Positive]

هذه ضريبة أنكم اتدخلون أشخاص غريبه بيوتكم... وش الأحلى من الخصوصية في البيت ومحد يكون عايش معاكم غير اهلكم !!!!

انتوا تكرفون الخدامه كرف فوق طاقتها واذا غلطت في شي هاوشتوها وشتمتوها وفوق هذا ماتكافؤنها بكلمه حلوه على الشغل الي تكرفه ... واذا اشردت او سافرت توهقتوا وفي الاخير اتسوون لها سالفه اذا سرقت او قامت تشحن اغراض دون علمكم!!!!!

أنا مالومها صراحه وفي النهاية الخدامه ردت فعلها على حسب معاملة ربت البيت معاها لو ربة البيت مهتمه فيها وانفكر في احتياجاتها ((( كبشر ))) كان ما اضطرت انها اتسوي اشياء من ورى ربت المنزل او حتى تسرق...

أكيد تحجز شاحنة الشحن من غير ماتدري ربة المنزل لانها تدري ان ربة المنزل ماراح اتوافق!! او تسرق اغراض لانها محرومه من الخروج للتسوق !!!!

استغرب من معاملة بعض الناس خاصةً النساء دايماً يسيؤون معاملة الخادمة مع انها تقوم بواجباتها وتتحمل اشياء فوق طاقتها شيء تعجز الزوجة (( القطرية )) من فعله!!! ناسيه ان هذه الخادمه هي من تهتم بأبنائها وبزوجها وبمنزلها !!!


والله حرام في ناس حتى ماتفتكر يوم يجي الشتاء مايفكرون يشترون لها ملابس دافئه !!!

رفقه بهؤلاء البشر :)*

[الأصيلة]

الاصيلة
يمكن خدمكم وانتم مدلعينهم
عندنا 4 خدامات
واي وحده تبي تشحن تقول حق الوالده او زوجة اخوي
علشان تتصل لشركة الشحن
مو كل الخدامات ينتظرون خروج اصحاب البيوت علشان يشحنون من البيت اغراضنا
وللعلم نعطيهم اشياء احنا في غنى عنها
او نشتري لهم الي محتاجينه
بس مانقطع فيهم واذا سرقو قلتو فيهم وفيهم
تحياتي

بالعكس مب مدلعينهم
وشغلهم خارج البيت أكثر بس تنظيف داخلي ويكون قدام عيونا
لكن المشكلة الأغراض كلها في المخازن
وكلنا نعطي الخدامات أشياء مستغنيين عنهم..
وأنا لحد الآن مافقدت شيء ثمين
وماادري عن مواد التنظيف والأواني اللي في المطبخ الخارجي
إذا أخذوا شيء منه لأنها كثيرة ومانستعملها كلها...
بس اللي حولي يعانون أكثر وفعلا افقدوا أشياء كثيرة...

[الأصيلة]

الي عندنا يطلبون من الوالده تتصل لهم في الشركه .. وعاده يشحنون تمر وماء زمزم
لان الوالده اتجيب كميه ويحبونها في بلادهم .. وفي الفتره الاخيره اشوفهم يشحنون
السجاده الي عليها آيه الكرسي بكميه كبيره

بس الي عندنا موجودين من سنوات طويله
ما اعرف شنو نظام الاجداد


الله يسعدج يارب ويرضى عليج

اللي لهم سنة وسنتين يخافون شوي
لكن المتمكنات اللي لهم 10 سنوات وفوق يعرفون كل شيء
ويسوون شغلهم بنفسهم مع ها التيلفونات اللي في يدهم...

[قطريه22]

الحل في يد ربة البيت

للمرة المليون الخادمه تم استقدامها " لتساعد " مهب لتمسك زمام الامور كلها وتكون هي الكل بالكل وماسكة كل امور البيت ..

اوكي صح كلامك
بس الزوجه اذا كانت تشتغل من بيراقب الخدامه؟؟
انت تتكلم عن شيء مختلف عن الي تكلمت عنه الأخت الأصيله

[قطريه22]

هذه ضريبة أنكم اتدخلون أشخاص غريبه بيوتكم... وش الأحلى من الخصوصية في البيت ومحد يكون عايش معاكم غير اهلكم !!!!

انتوا تكرفون الخدامه كرف فوق طاقتها واذا غلطت في شي هاوشتوها وشتمتوها وفوق هذا ماتكافؤنها بكلمه حلوه على الشغل الي تكرفه ... واذا اشردت او سافرت توهقتوا وفي الاخير اتسوون لها سالفه اذا سرقت او قامت تشحن اغراض دون علمكم!!!!!

أنا مالومها صراحه وفي النهاية الخدامه ردت فعلها على حسب معاملة ربت البيت معاها لو ربة البيت مهتمه فيها وانفكر في احتياجاتها ((( كبشر ))) كان ما اضطرت انها اتسوي اشياء من ورى ربت المنزل او حتى تسرق...

أكيد تحجز شاحنة الشحن من غير ماتدري ربة المنزل لانها تدري ان ربة المنزل ماراح اتوافق!! او تسرق اغراض لانها محرومه من الخروج للتسوق !!!!

استغرب من معاملة بعض الناس خاصةً النساء دايماً يسيؤون معاملة الخادمة مع انها تقوم بواجباتها وتتحمل اشياء فوق طاقتها شيء تعجز الزوجة (( القطرية )) من فعله!!! ناسيه ان هذه الخادمه هي من تهتم بأبنائها وبزوجها وبمنزلها !!!


والله حرام في ناس حتى ماتفتكر يوم يجي الشتاء مايفكرون يشترون لها ملابس دافئه !!!

رفقه بهؤلاء البشر :)*



اسمحيلي اختي الأصيله اني ارد على بعض الأعضاء

اخوي او اختي الي كاتب الرد مب كل الحريم يعاملون الشغالات بالاسلوب الي قلت عنه،، احنا نروح اشغالنا من بيقعد يراقب الشغاله؟؟
انا امي الله يطول بعمرها في البيت وتشوفها لا وفي اشياء تضيع ونكتشف ان الشغاله ماخذتها؟؟ لا تقول حارمينها من شيء اذا تبي السوق نوديها وهي ماتطلب السوق الا وقت ماتبي تسافر لأهلها والثياب والا الاغراض الباقيه مب مقصرين معاهم سواءً أنا أو غيري في ناس وايد مايقصرون مع الخدم بس للاسف في المقابل شوف شيسوون..

وهالشيء مايعطي الشغاله الحق انها تتصل بالشحن يجون ويخاذون الاغراض واصحاب البيت مب موجودين، الا اذا كانت هي تبي تشحن اشياء ماخذتها وتخاف حد من البيت يشوفها..

وصاحبة الموضوع الأصيله طرحت موضوع الخدم الي يشحنون بدون علم صاحب البيت مب عن إساءة المعامله للخدم..


وشكراً


واسمحيلي اختي :shy:

[qatari 111]

شلون البيت كبير وسيارات داشه وطالعه ؟؟ من غير استأذان صاحب البيت ؟؟ !!

هنا مربط المشكله فالموضوع :omen2:

[ام السعف]

يسوونها ليش لا ،،

كورجيت ما عرفنها الا من خلال الخادمات ،، عاد شلي يشلونه وشلي يخلونه
ما ندري عنه كل اللي نعرفه ان ندعي ربنا ما يطلع حسابهم وايد لأنهم ما عندهم
ومرات نضطر انغطي لهم علشان اغراضهم تروح كلها وما يبقى شي :(

بس بعد نقطتج جديرة بالتوقف عندها يالاصيلة
هناك سرقات تحصل وبشكل كبير من قبل الخادمات تحتاج
الى توقيع الكفيل قبل ارسال شحناتها الى بلادها ،،

عاد هذيلا لبغوا يبوقون ما في شي يوقفهم
كل وحدة تحط اغراضها عند الثانية :(

[حياة]

صحيح اختي ماتشوف الا الخدامات شاحنين وخالصين وهي مش موجوده بس صراحه شي يضايق جدا

[ام السعف]

هذه ضريبة أنكم اتدخلون أشخاص غريبه بيوتكم... وش الأحلى من الخصوصية في البيت ومحد يكون عايش معاكم غير اهلكم !!!!

انتوا تكرفون الخدامه كرف فوق طاقتها واذا غلطت في شي هاوشتوها وشتمتوها وفوق هذا ماتكافؤنها بكلمه حلوه على الشغل الي تكرفه ... واذا اشردت او سافرت توهقتوا وفي الاخير اتسوون لها سالفه اذا سرقت او قامت تشحن اغراض دون علمكم!!!!!

أنا مالومها صراحه وفي النهاية الخدامه ردت فعلها على حسب معاملة ربت البيت معاها لو ربة البيت مهتمه فيها وانفكر في احتياجاتها ((( كبشر ))) كان ما اضطرت انها اتسوي اشياء من ورى ربت المنزل او حتى تسرق...

أكيد تحجز شاحنة الشحن من غير ماتدري ربة المنزل لانها تدري ان ربة المنزل ماراح اتوافق!! او تسرق اغراض لانها محرومه من الخروج للتسوق !!!!

استغرب من معاملة بعض الناس خاصةً النساء دايماً يسيؤون معاملة الخادمة مع انها تقوم بواجباتها وتتحمل اشياء فوق طاقتها شيء تعجز الزوجة (( القطرية )) من فعله!!! ناسيه ان هذه الخادمه هي من تهتم بأبنائها وبزوجها وبمنزلها !!!


والله حرام في ناس حتى ماتفتكر يوم يجي الشتاء مايفكرون يشترون لها ملابس دافئه !!!

رفقه بهؤلاء البشر :)*

مشاركتك مع احترامي الكبير لك مالها علاقة في صلب الموضوع
الموضوع يتكلم عن شحن اغراض البيت في سيارات شركات الشحن
دون اذن مسبق من رعاة البيت واستغلال فرصة عدم تواجد
اهل البيت في البيت ،،

وانت الله يهداك تتكلم عن سوء معاملة الخادمة ؟!!!

[عليه العوض]

نعم صا ت موضه مع الخادمات مسالة الشحن الجوي والبحري

[Positive]

اسمحيلي اختي الأصيله اني ارد على بعض الأعضاء

اخوي او اختي الي كاتب الرد مب كل الحريم يعاملون الشغالات بالاسلوب الي قلت عنه،، احنا نروح اشغالنا من بيقعد يراقب الشغاله؟؟
انا امي الله يطول بعمرها في البيت وتشوفها لا وفي اشياء تضيع ونكتشف ان الشغاله ماخذتها؟؟ لا تقول حارمينها من شيء اذا تبي السوق نوديها وهي ماتطلب السوق الا وقت ماتبي تسافر لأهلها والثياب والا الاغراض الباقيه مب مقصرين معاهم سواءً أنا أو غيري في ناس وايد مايقصرون مع الخدم بس للاسف في المقابل شوف شيسوون..

وهالشيء مايعطي الشغاله الحق انها تتصل بالشحن يجون ويخاذون الاغراض واصحاب البيت مب موجودين، الا اذا كانت هي تبي تشحن اشياء ماخذتها وتخاف حد من البيت يشوفها..

وصاحبة الموضوع الأصيله طرحت موضوع الخدم الي يشحنون بدون علم صاحب البيت مب عن إساءة المعامله للخدم..


وشكراً


واسمحيلي اختي :shy:

اول شي أنا ماقلت كل الحريم يعاملون الخدم بهذه الطريقة أنا كتبت في ردي " بعض النساء" وليس جميعهم!!!!!

كنت اتمنى تقري ردي عدل لان بصراحه ردج علي ماله خص في ردي :)
وانا ماقلت ان هالشي يعطيها الحق في السرقه او انها تتصل في سيارة الشحن ... وأكيد كل خادمة لها شخصيتها وتربيتها وهي وضميرها حتى لو أسرقت وانتوا ما اكتشفتوها حسابها عند ربها ...

وأعرف ان الموضوع يتكلم عن الي يشحنون دون علم صاحب البيت وانا مجرد دخلت في النقاش واعطيت امثله على ان ممكن سوء معاملة الخدم ممكن تؤدي الى هذه التصرفات :)*

[Positive]

مشاركتك مع احترامي الكبير لك مالها علاقة في صلب الموضوع
الموضوع يتكلم عن شحن اغراض البيت في سيارات شركات الشحن
دون اذن مسبق من رعاة البيت واستغلال فرصة عدم تواجد
اهل البيت في البيت ،،

وانت الله يهداك تتكلم عن سوء معاملة الخادمة ؟!!!

أنا مجرد عطيت رأيي في الموضوع واعطيت اسباب ان ممكن تحد الخادمة الى هذه التصرفات ... واعطيت امثله على واقع شفته بعيوني...

وهي جات بس على انها تتصل بسيارة الشحن؟؟ اذا اقدرت على هذا فمعناته تقدر على اشياء اعظم !!

ترى مهما كان هذول ناس غرب على اهل البيت ومب كل شي بتقدرون اتعرفونه او تتحكمون فيه خاصه اذا كان اكثر من خادمة فالبيت وأهل البيت عددهم كبير...

[الأصيلة]

والله صدقتي يا الاصيلة في كل كلمة قلتيها ..

المفروض الدولة تشترط على شركات الشحن بتوقيع من الكفيل تحسبا لأي ظرف ممكن يصير حزتها الشركة تتحاسب لانها شحنت من غير اذن ..

ذاك اليوم مارحت الدوام وخذت لي اجازة عارضة .. على الساعة 9 اسمع لغوة وحس رجال في البيت واتخرع اتصل في زوجي انت مطرش حد البيت يقول لا .. اطلع استكشف الامر الا الشيخة الخدامة جايبة شركة الشحن ومدخلة الريايل البيت وانا مادري وتفاجئت يوم شافتني تحسبني الاخت مداومة !!! تهددت فيها اني بسفرها وقلت لها انا راعية البيت ولازم تستاذنين بس شيضمن لي انها مابتكرر الحركة او حتى اذا سفرتها الخدامة الجديدة ماتسوي نفس الشي خصوصا انهم يدرون ان احنا نطلع للدوام بالساعات .. قررت اني اركب كاميرات وهو الحل الامثل عشان اعرف شيصير في بيتي بس عجبني اقتراحج وايد

هذا مثال حي يدعم الموضوع..
فعلا تمادوا بشكل غير طبيعي...
شكرا لك يا السديم

[khaldoon]

اول مره اسمع هالشي......و منكم نستفيد ...شحن جوي للخادمة؟!!!

[بوخالد911]

هلا
كحل مجدي
وضع كاميرات مراقبة
وبوسع صاحب البيت ان يرى تحركات بيته وأينما كان من خلال تطبيق ينصب ع جواله

[بصمة قطرية]

الاصيلة
يمكن خدمكم وانتم مدلعينهم
عندنا 4 خدامات
واي وحده تبي تشحن تقول حق الوالده او زوجة اخوي
علشان تتصل لشركة الشحن
مو كل الخدامات ينتظرون خروج اصحاب البيوت علشان يشحنون من البيت اغراضنا
وللعلم نعطيهم اشياء احنا في غنى عنها
او نشتري لهم الي محتاجينه
بس مانقطع فيهم واذا سرقو قلتو فيهم وفيهم
تحياتي

نفس الشي بالنسبة لخدمنا
احنا اللي نتصل في شركة الشحن
و وخلص كل شي ..
من فترة خدامتي شحنت بإتصال مني
و شفت كل شي شحنته ..!!
بصراحة بعض الناس مطلعين خدمهم
مخلينهم على راحتهم
هاي اللي خلاهم يتمادون ،،

[ابوعلي]

اقتراح ممتاز اختي ونتمنى الاخذ به من قبل الجهات المختصه

احد الاخوة ذكر لي ان عنده خدامتين خوات وبيوم سفرهم رجعوا بعض الشنط لهم من المطار على اساس ان الوزن زايد وبيبعثونهم عن طريق الشحن ولما فتشوا الشنط تفاجئوا ان تموين البيت بالشنط من معلبات والبهارات ومواعين

[الأصيلة]

عفواً !

كلنا بشر وكلنا نحتاج ننقل اغراضنا ، حتى لما نسافر ويزيد علينا الوزن نشحنه !
كلكم راعً وكلاً مسؤول عن رعيته .. جمله كافيه للرد على هذا الموضوع
مهما كان هم بشر .
لهم اغراض بيطرشونها حق اهلهم .. و بما ان ربة المنزل موجوده فلها الحق ان تجيك على اغراض الخادمه
بس " بغرض المساعده " في ترتيب الاغراض .
عشان ماتشك ان ربة المنزل شاكه فيها وماتنزل الثقه بين الطرفين .

والله لا أنا ولا غيري مقصر مع ها الخدامات..
كلنا نراعي ونعطي ولما يسافرون ندفع لهم الشحن...
لكن الحين الخدامات مش مثل أول
صاروا مفتحين عيونهم ومنتبهين وخاصة الفلبينيات
وماتمشي عليهم أي سالفة...
والله حتى الغرض اللي يسرقونه ممكن يدفنونه في التراب
ومحد يحس فيه...

[الأصيلة]

هلا
كحل مجدي
وضع كاميرات مراقبة
وبوسع صاحب البيت ان يرى تحركات بيته وأينما كان من خلال تطبيق ينصب ع جواله

حطينا كاميرات
بس مب في الغرف ولاندري ايش يحطون في الكراتين في ظلام الليل...
لدرجة إنهم حطوا كيس سكر كبير في كرتون واشحنوه...
في بيت وحده من معارفنا...

[الأصيلة]

الحل في يد ربة البيت

للمرة المليون الخادمه تم استقدامها " لتساعد " مهب لتمسك زمام الامور كلها وتكون هي الكل بالكل وماسكة كل امور البيت ..

ومن قال أنها ماسكة زمام الأمور..
يعني أحط كيس الصابون في غرفتي وأعطيها كل يوم شوي...
هي مسؤولة عن الأعمال اللي تقوم بها...



دام اصبح الاعتماد كلي على الخادمة في البيت

ودور ربة المنزل شبه معدوم ان كان من تدبير المنزل او تربية الابناء

فتوقع اي شي

اصبحت ربات البيوت ما تعرف وش اللي ناقص في البيت اذا سأل رب المنزل قالت المره

اسأل الخادمة وهذي الطامة الكبرى

الا من رحم ربي

انتوا شايفين بيوت أهل قطر كلها كبيرة وقصور
مب معقول ربة البيت بتراقب كل ركن في الحوش والفلة
وبتحاسب على كل صغيرة وكبيرة..
إلا أصحاب البيوت الصغيرة 3غرف وصاله ومطبخ صغير
هنا ممكن ربة البيت تراقب وتعرف كل شيء...

[السحابة]

الموضوع صراحه لتوعيه

[ام السعف]

أنا مجرد عطيت رأيي في الموضوع واعطيت اسباب ان ممكن تحد الخادمة الى هذه التصرفات ... واعطيت امثله على واقع شفته بعيوني...

وهي جات بس على انها تتصل بسيارة الشحن؟؟ اذا اقدرت على هذا فمعناته تقدر على اشياء اعظم !!

ترى مهما كان هذول ناس غرب على اهل البيت ومب كل شي بتقدرون اتعرفونه او تتحكمون فيه خاصه اذا كان اكثر من خادمة فالبيت وأهل البيت عددهم كبير...

للمرة الثانية اسمح لي اقول لك ان الاسباب اللي ذكرتها مب شرط
تكون سبب في تصرفات الخدم بالطريقة هذي ،،

السبب الأول والأخير خيانة الأمانة ،،، فلما رعيان البيت ايأمنون على
بيتهم على خدمهم اللي واثقين منهم ومب مقصرين عليهم ومفورين لهم كل
شي وتلقى الخدم يتصرفون باللي يبونه ،، اهنيه ماله دخل ان سوء معاملة
الخدم سبب في تصرفاتهم اللي تكلم عنه الموضوع ،،

نعم هم غرب بس بعد ما تقدر تشلهم معاك كل مكان تروحه ،،
ولا تقدر تقفل عليهم دورهم وتطلع علشان تضمن انهم ما يطلعون منها
ويسوون اللي يبونه ،،

نعم الخدم يقدرون على اشياء أكبر وخاصة لو تعاملت معاهم بحسن نية
وعاملتهم معاملة الأخوان وما تعاملت معاهم بعنجهية وغرور ،،

ونعم الخدم يقدرون على اشياء اكثر واكثر واكثر لو تعاملت معاهم بقسوة
في الأخير الغالبية منهم ما يحفظون الأمانة فمن جذيه تلقاهم يخمون
اللي يشوفونه جدامهم للأسف الشديد ،،

[الزعفراني]

هذي من شرور الخدم .. كان الله في عون من ابتلى فيهم ..

[Positive]

للمرة الثانية اسمح لي اقول لك ان الاسباب اللي ذكرتها مب شرط
تكون سبب في تصرفات الخدم بالطريقة هذي ،،

السبب الأول والأخير خيانة الأمانة ،،، فلما رعيان البيت ايأمنون على
بيتهم على خدمهم اللي واثقين منهم ومب مقصرين عليهم ومفورين لهم كل
شي وتلقى الخدم يتصرفون باللي يبونه ،، اهنيه ماله دخل ان سوء معاملة
الخدم سبب في تصرفاتهم اللي تكلم عنه الموضوع ،،

نعم هم غرب بس بعد ما تقدر تشلهم معاك كل مكان تروحه ،،
ولا تقدر تقفل عليهم دورهم وتطلع علشان تضمن انهم ما يطلعون منها
ويسوون اللي يبونه ،،

نعم الخدم يقدرون على اشياء أكبر وخاصة لو تعاملت معاهم بحسن نية
وعاملتهم معاملة الأخوان وما تعاملت معاهم بعنجهية وغرور ،،

ونعم الخدم يقدرون على اشياء اكثر واكثر واكثر لو تعاملت معاهم بقسوة
في الأخير الغالبية منهم ما يحفظون الأمانة فمن جذيه تلقاهم يخمون
اللي يشوفونه جدامهم للأسف الشديد ،،

هذا رأيي ولي كامل الحرية أني أعبر عن رأيي وما اراه مناسب للموضوع

يعني برأيج ان نعاملهم بوحشيه وعصبيه علشان يصطلبون؟؟؟ :eek5:

وأكيد اذا عطيتوهم كامل الأمانة راح يتلاعبون لان في الاساس ربة المنزل تحمل الخادمة المسؤولية الكاملة وفوق طاقتها لإدارة البيت من تنظيف وترتيب والاهتمام في الزوج والأطفال فجات السالفة على طلب سيارة شحن من غير علم ربة المنزل؟؟؟

نعم مشاكل الخدم وايد ولكن يتحملها المحتاج.. في اشياء تقدر ربة المنزل التحكم بها وفي اشياء ماتقدر...

وأكيد محد يقدر يتحكم بكل أفعالهم السئية

في النهاية ماقول غير هذي ضريبة وجود الخادمة في المنزل صح ان لها إيجابيات ولكن سلبياتها اكثر من ايجابياتها :)
*

[ام السعف]

هذا رأيي ولي كامل الحرية أني أعبر عن رأيي وما اراه مناسب للموضوع

يعني برأيج ان نعاملهم بوحشيه وعصبيه علشان يصطلبون؟؟؟ :eek5:

وأكيد اذا عطيتوهم كامل الأمانة راح يتلاعبون لان في الاساس ربة المنزل تحمل الخادمة المسؤولية الكاملة وفوق طاقتها لإدارة البيت من تنظيف وترتيب والاهتمام في الزوج والأطفال فجات السالفة على طلب سيارة شحن من غير علم ربة المنزل؟؟؟

نعم مشاكل الخدم وايد ولكن يتحملها المحتاج.. في اشياء تقدر ربة المنزل التحكم بها وفي اشياء ماتقدر...

وأكيد محد يقدر يتحكم بكل أفعالهم السئية

في النهاية ماقول غير هذي ضريبة وجود الخادمة في المنزل صح ان لها إيجابيات ولكن سلبياتها اكثر من ايجابياتها :)
*

يا اخوي انت فاهم الموضوع بشكل مب عارفة اشلون ،،

احنا اهنيه ما نقول المرأة تعطي الخادمة كامل الصلاحيات وان كنا نعطي
خدمننا كامل الصلاحيات ،،

بس ترى مرات الخدم يستغلون عدم وجود رعيان البيت ويخمون منه خم،،

ومب شرط اصلا تدخل سيارات الشحن ،،

امي ربة بيت كبيرة في العمر تجرد اغراضها تلقاها ناقصة
هل تبيها تنام في المخزن بدل غرفة نومها ؟

خيانة الأمانة هي السبب الرئيسي ،، والخدم لبغوا يبوقون ما يعرفون
شي اسمه تراعيهم ولا تكرمهم هو طبع وصخ فيهم مثل ما هو موجود
في كثيرين ربنا منعم عليهم بالخير ،،

فرايك انت حر فيه مثل ما قلت بس ماله دخل في الموضوع :shy:

[أم نواري1]

اشلون تختفي أغراض البيت وأنا راعيته .؟!
ليش وآنا وين وين مسؤوليتي وواجباتي
ليش ما أشيك على بيتي إذا مب يوميا أقلها يومين بالأسبوع

أشوف هالموضوع تقصير من ربّة البيت أولا
اللي الخادمة تعرف أماكن الأغراض أكثر منها

وإذا صار هالشي من وراها غصب عنها بعذرها
وبحط اللوم على شركات الشحن اللي مفروض تطلب مستندات تثبت رضى الكفيل وعلمه
وإلا يتم مقاضاتها

[ام السعف]

اشلون تختفي أغراض البيت وأنا راعيته .؟!
ليش وآنا وين وين مسؤوليتي وواجباتي
ليش ما أشيك على بيتي إذا مب يوميا أقلها يومين بالأسبوع

أشوف هالموضوع تقصير من ربّة البيت أولا
اللي الخادمة تعرف أماكن الأغراض أكثر منها

وإذا صار هالشي من وراها غصب عنها بعذرها
وبحط اللوم على شركات الشحن اللي مفروض تطلب مستندات تثبت رضى الكفيل وعلمه
وإلا يتم مقاضاتها



هذا لب الموضوع
:telephone:

[vip8]

ههههههههه ما تقولون وش هال راتب الي يشحن كل هالاغراض كلها 1000 أو 800 بطرش منها وبتصرف منها ومتى راحت السوق حق كل هالاغراض الي تنشحن لازم الواحد يفتشهم

[روز باريس]

تتكلمون عن اشياء تنشحن تعالوا شوفوا التبادل التجاري عند المدرس من الخدم بتشفون العجب من تنوع البضائع

[الأصيلة]

اشلون تختفي أغراض البيت وأنا راعيته .؟!
ليش وآنا وين وين مسؤوليتي وواجباتي
ليش ما أشيك على بيتي إذا مب يوميا أقلها يومين بالأسبوع

أشوف هالموضوع تقصير من ربّة البيت أولا
اللي الخادمة تعرف أماكن الأغراض أكثر منها

وإذا صار هالشي من وراها غصب عنها بعذرها
وبحط اللوم على شركات الشحن اللي مفروض تطلب مستندات تثبت رضى الكفيل وعلمه
وإلا يتم مقاضاتها


أغراض البيت كثيرة يا أخوي لاتعد ولاتحصى ومنها
تكون من مدة طويلة مركونه في المخازن..

فعلا الكلام صحيح المفروض يكون لشركات الشحن
طلب موافقة الكفيل بما يُشحن من بيته وبدون علمه...

[الأصيلة]

شلون البيت كبير وسيارات داشه وطالعه ؟؟ من غير استأذان صاحب البيت ؟؟ !!

هنا مربط المشكله فالموضوع :omen2:

يعني بيت كبير وخدم وأكثر من سواق
غير إن سواقين الأهل طالعين جايين
يوصلون حاجات ويجيبون ويودون...
البيوت الصغيرة اللي حوشها صغير وبابها مغلق
هذا أمره هين..
لكن البيوت الكبيرة مشكلة ومع الكاميرات وبعد مب ملحقين...