(( أمس رايت منظرين مختلفين ))

[شبح الصمت]

’’ السلام عليكم ورحمة الله وبركاته ,,


المنظر الأول أمامي ( الصبح الساعة 7 ) أمراة تقود سيارة فآرهه ( يا ها الكلمة ما احبها بس شاسوي ) وتعطلت عليها السيارة وريت في عيون الذين حولي يتسابقون لمن يقف لها ... صراحة كنت بوقف لها بس قلت في قلبي انا ذوق واقدر واحترم بس ادري رآح يوقفون لها او متصله لأهلها فقلت خلها اشوي الا موتر يبي يوقف وتردد وياخذ لفه سريعه لأجل يوصل لها ..


المنظر الثاني ( الساعة 9:30 صباحاً ) رجل كبير فالسن متعطل وسيارته قديمه مبنشره والكل يمر عليه وإلا يقف له حتى انا ما قدرت اوقف لأني كنت متآخر على اجتماع والله اني اشوفه وفيني حسره بس الاجتماع لم يبقى عليه الا ربع ساعة لين اوصل وادخل ( حسيت بتأنيب ضمير ) وقلت لو انا مكانه !!!



علامة استفهام فوق رآسي هل وصل بنا الحال إلا نساعد إلا من نراه يستحق المساعدة أو نترك الامر والاختيار لما تعلمنا عليه من أخلاق ومساعدة الآخرين

وأترك المنظرين لكم ...

’’

’’

أخوكم/ شبح الصمت

[H H]

ياخي بالعقل بوقف لوحده حلوه والا بوقف لرجال؟
لا امزح امزح :(

هذي ازدواجيه فالاختيار من الناس للاسف , بناءاً على الجنس او اللون او المستوى المادي
لكن للامانه هالشي ماهو منتشر بكثر هنا والي فيهم الخير ياكثرهم والي قلوبهم طيبه ونظيفه
يعادلون اضعاف اضعاف هالاشكال والله يكثر من امثالهم

يعطيك العافيه

[شبح الصمت]

ياخي بالعقل بوقف لوحده حلوه والا بوقف لرجال؟
لا امزح امزح :(

هذي ازدواجيه فالاختيار من الناس للاسف , بناءاً على الجنس او اللون او المستوى المادي
لكن للامانه هالشي ماهو منتشر بكثر هنا والي فيهم الخير ياكثرهم والي قلوبهم طيبه ونظيفه
يعادلون اضعاف اضعاف هالاشكال والله يكثر من امثالهم

يعطيك العافيه



لا
اخوي كلامك عدل لو وحده حلوه بيوقف لها والكل يبي يوقف بس الرجال ليش مسكين هل كل رجال يقدر يساعد عمره او لديه وسيلة .. !!!

صدقني انا حسيت فيها يوم تعطلت قريب سلوى بـ 10 كيلوا ولا احد وقف لي بس ربك سهل لي عقب نص ساعة او ساعة الا ربع رجال وقف لي !!

هذا وانا برى ويمرون علي والا احد يوقف ..

:(

[قطريه22]

هههههههههههههههههههههههههههههه عاد بعض الشباب مايصدقون يشوفون وحده لابسه عبايه ويوقفون لها حتي لو مايبين منها شي المهم لابسه شي لونه اسود ويدرون انها وحده

فما بالك بوحده كاشخه اشبيسوون ؟؟

يمكن يتضاربون عشان الي يفوز ويصلح سيارتها،، وعقب يسولف معاها حاط أمل بياخذ رقمها..

[شبح الصمت]

هههههههههههههههههههههههههههههه عاد بعض الشباب مايصدقون يشوفون وحده لابسه عبايه ويوقفون لها حتي لو مايبين منها شي المهم لابسه شي لونه اسود ويدرون انها وحده

فما بالك بوحده كاشخه اشبيسوون ؟؟

يمكن يتضاربون عشان الي يفوز ويصلح سيارتها،، وعقب يسولف معاها حاط أمل بياخذ رقمها..




شي يعور القلب اذا اني بفكر هالتفكير حرمه والا رجال مب مشكلة اوقف لوحده ادري فيها محتاجه بس اخلي وقفتي لها اجر يتحسب لي مهما كانت ومهما بلغت من جمال والا من اي شيء حتى لو فقيره مسكينه ..

اهم شيء اخذ الاجر لاني لو فكرت لحظة اني بساعدها لغرض راح اجري ..

الله يغفر لنا ويرحمنا يآرب

[نور الحور]

هههههههههه ضحكتني يا شبح .. مو ملزوم بـ (فارهة) اكتب فخمة، كشخة، رزه ..الخ


انزين المهم .. ملاحظتك صحيحة في غالب الأحيان .. للأسف الناس يشوفون المظاهر ويتأثرون بها ..
بعطيك مثل ثاني .. سمعت وحدة تقول إنها ما تزور مدرسة بنتها إلا وهي كاشخة وفل ميكب، ولازم النظارة الشمسية والشنطة ماركة .. تقول حسيت فيهم رازيني ويعطوني ويه أكثر من لو رحت لهم بنقابي وقفازاتي !
الله يستر على الجميع لكن عور قلبي هاالريال كبير السن الله يفرج له :(

[Class - Qtr]

السلام عليكم

مراح اتكلم بلغه المثاليه ولكن بااتحدث باللي راح اسويه

شدعوة اوقف حق بنت في الشارع !!

والله اني من الناس اللي ماتسويها وين قاعدين حلوة ولا

غيرة الموضوع تري مب بسيط في ناس تستحي وتنحرج

من هالشي ومستحيل تسويها في تلفون عندها اهل هالبنت

اجوفها بالنسبه لي مب عدله

ورجل كبير السن كان

يحتاج قطري شهم

يساعدة

:)

[شبح الصمت]

هههههههههه ضحكتني يا شبح .. مو ملزوم بـ (فارهة) اكتب فخمة، كشخة، رزه ..الخ


انزين المهم .. ملاحظتك صحيحة في غالب الأحيان .. للأسف الناس يشوفون المظاهر ويتأثرون بها ..
بعطيك مثل ثاني .. سمعت وحدة تقول إنها ما تزور مدرسة بنتها إلا وهي كاشخة وفل ميكب، ولازم النظارة الشمسية والشنطة ماركة .. تقول حسيت فيهم رازيني ويعطوني ويه أكثر من لو رحت لهم بنقابي وقفازاتي !
الله يستر على الجميع لكن عور قلبي هاالريال كبير السن الله يفرج له :(




عور قلبك وانا شاقول حسيت انه مافيني خير والله قلت لو وقفت !! ببدل وياه وبمشي بس الاجتماع كان مهم مهم :( لو بررت حق المدير كان راح يقولي ليش اش لك خص !!

الحمد لله شفت في عيونه على اني خطفت خطفه سريعه نظرة احد يبي احد يوقف له .

الله يسامحني والله

:weeping:

[شبح الصمت]

السلام عليكم

مراح اتكلم بلغه المثاليه ولكن بااتحدث باللي راح اسويه

شدعوة اوقف حق بنت في الشارع !!

والله اني من الناس اللي ماتسويها وين قاعدين حلوة ولا

غيرة الموضوع تري مب بسيط في ناس تستحي وتنحرج

من هالشي ومستحيل تسويها في تلفون عندها اهل هالبنت

اجوفها بالنسبه لي مب عدله

ورجل كبير السن كان

يحتاج قطري شهم

يساعدة

:)



آخر كلمه ما تحتاج لي جنسية تحتاج لوقفة شهم نفس ما قلت ..

[رفيق الصحراء]

البنت ماراح تنتظر مساعده من حد راح تتصل باهلها وبيجونها
يعني وقف للرجال احسن لك صج هو ماراح يطلب المساعده لانه راح يتصل بحد بيجيه الا اذا ماعنده تليفون فهذا شي ثاني

[شبح الصمت]

البنت ماراح تنتظر مساعده من حد راح تتصل باهلها وبيجونها
يعني وقف للرجال احسن لك صج هو ماراح يطلب المساعده لانه راح يتصل بحد بيجيه الا اذا ماعنده تليفون فهذا شي ثاني




بعد يمكن اهي ما عندها احد اخوي !!

ويمكن الرجال يستطيع يعني الواحد يسوي الي عليه . !!!

[بريق الحق]

أنا أحاول أني أساعد أي واحد عندي الاستطاع أني أساعده لانه عندي يقين بالله أن اليوم الي راح اتعطل فيه راح احصل من يساعدني

[شبح الصمت]

أنا أحاول أني أساعد أي واحد عندي الاستطاع أني أساعده لانه عندي يقين بالله أن اليوم الي راح اتعطل فيه راح احصل من يساعدني




الله يجزاك خير وصدقت اليوم تساعد بكره يساعدونك وان ما تساعدت ان شاء الله ينكتب لك الاجر

[khaldoon]

الله يسامحك يا شبح الصمت..... يعني لو مش قدار توقف للرجال المسن اتصل علي وانا اجي على طول..... ضيعت علينا الاجر

[بنت الاجواد]

المسأله مو مسأله رجل ولا مراه لكن مسأله مبدا ونخوه واللي مافيه خير للمحتاج مامنه فائده لغيره

[شبح الصمت]

الله يسامحك يا شبح الصمت..... يعني لو مش قدار توقف للرجال المسن اتصل علي وانا اجي على طول..... ضيعت علينا الاجر


اسكت ياخي
رآح الاجر
:(



المسأله مو مسأله رجل ولا مراه لكن مسأله مبدا ونخوه واللي مافيه خير للمحتاج مامنه فائده لغيره




مبدأ صدقتي بس الانسان الي مستعجل اختي ويبي بس ظروف تحكمه شيسوي !!!

[khaldoon]

بس بجد اتردد اني اوقف لوحده واقفة بسيارتها و مشغلة الغمازات.... يعني تكون تنتظر احد من اهلها مثلا لو تبي مساعدة .... معقول يعني اوقف بسيارتي و انزل منها و اروح لسيارتها مشي و اروح اقولها تبين شي... ؟؟َ!!.....احس نفسي ملقوف

[الـراسي]

هذي الدنيا ما شية بالعكس المحتاج ما يحصل شي

واللي مو محتاج كل شي يحصله قدامه جاهز

الناس تاخذ بالمظاهر وهذي المشكله

لو انت رجال على قد حالك وعندك مشكلة او مخالفة

بتدفعها غصب

ولو انت رجال عندك خير ومو محتاج بيدفعون عنك

كله يصب في موضوع المظاهر الناس تحترمك وتقدرك لشكلك مو لنفسك

[مخطط قطري]

وانت وينك! عساك وقفت للشيبه وساعدته وحتيش ياالاجتماع بساعده وباخذ اجر ولاحق على الاجتماع يعني مب واقفه على

[أم محمد 90]

مكسين كسر خاطري الرجال :(

امحق سيارة (فارهة) لو فارهة جان ماختربت هئ

[شبح الصمت]

بس بجد اتردد اني اوقف لوحده واقفة بسيارتها و مشغلة الغمازات.... يعني تكون تنتظر احد من اهلها مثلا لو تبي مساعدة .... معقول يعني اوقف بسيارتي و انزل منها و اروح لسيارتها مشي و اروح اقولها تبين شي... ؟؟َ!!.....احس نفسي ملقوف

وقف جمبها اسالها بكل احترام اختي اقدر اساعدك قالت اي حاول قالت لا خلاص يعني احد جاي لها .. في اخوات ترى محتاجين مالهم احد بس الواحد ونيته وحط عليها مليون خط



هذي الدنيا ما شية بالعكس المحتاج ما يحصل شي

واللي مو محتاج كل شي يحصله قدامه جاهز

الناس تاخذ بالمظاهر وهذي المشكله

لو انت رجال على قد حالك وعندك مشكلة او مخالفة

بتدفعها غصب

ولو انت رجال عندك خير ومو محتاج بيدفعون عنك

كله يصب في موضوع المظاهر الناس تحترمك وتقدرك لشكلك مو لنفسك



الله كريم ياخوي


وانت وينك! عساك وقفت للشيبه وساعدته وحتيش ياالاجتماع بساعده وباخذ اجر ولاحق على الاجتماع يعني مب واقفه على




تراني منقهر وطرحت الموضوع وصدقني يالمخطط من داخلي آحس بتأنيب ضمير وترى ما كان اجتماع عادي وحضوري كان لا بد منه قبل الاجتماع بـ ساعة بس انا كنت متآخر
:(

[السلولي]

مره شفت خديجه بن قنه عند اشارات رمادا متعطله سيارتها والصراحه ما وقفت لها خفت :(
ومن ثلاثه ايام بعد كانت وحده بالشارع الساعه 8 يالليل بس هذي بدون سياره وماوقفت لها خفت ايضا :weeping:

[شبح الصمت]

مره شفت خديجه بن قنه عند اشارات رمادا متعطله سيارتها والصراحه ما وقفت لها خفت :(
ومن ثلاثه ايام بعد كانت وحده بالشارع الساعه 8 يالليل بس هذي بدون سياره وماوقفت لها خفت ايضا :weeping:




شوف وحده بسيارتها مهب مشكلة بس وحده على رجولها صراحة وتوقف اي واحد مار ذي لا توقف عندها ..

تحمل ما تدري شلي صاير لو تبي مساعدة تتصل على 999

[بونووف]

ماقدر اوقف للبنت مهما صار لانه اكيد عندها اخوانها ولا ابوها بتكلمه وبيجي يساعدها..
وبالنسبه للشباب ولا شياب اذا كانوا متعطلين راح اوقف لهم .. لانه كذا موقف صار لي ومحد قصر معاي ..

لاتحاتي شبابنا فيهم الخير بس يمكن مانتبهوو عليه او عندهم ضروف نفس وضعك كان عندك اجتماع وماقدرت توقف له

[الفا برافو]

انا سيارتي بنشرت على خط الشمال.. والسبير طلع منسم الهوا
شهادة لله اكثر من راعي كروز وقف لي.. كلهم بيض الله وجيهم شباب ماعرفهم
وواحد فك سبير سيارته وعطاني اياه جزاه الله خير ورجعته له عقب ماصلحت البنشر..
ديرة الطيبين ماتخلى من الطيبين ...

[غزلان]

بالنسبه لرأي البنت اكيد متوقعه هالمواقف ولازم متفقه مع اهلها او ولي امر شلون تتصرف لو صادفت مثل هالموقف وبما انها جالسه في السياره فمعناها تنتظر حد ولو بغت مساعده خارجيه هي بتقرر ,,مب كل وحده بسياره فارهه تعطلت سيارتها معناها سهل الكل يساعدها تقدر ترفض بلباقه ولو انا مكانها بقفل السياره ومب راده على حد حتى يعرفون ان مب محتاجه وانها تتنتظر شخص من اهلها او معارفها

[khaldoon]

بالنسبه لرأي البنت اكيد متوقعه هالمواقف ولازم متفقه مع اهلها او ولي امر شلون تتصرف لو صادفت مثل هالموقف وبما انها جالسه في السياره فمعناها تنتظر حد ولو بغت مساعده خارجيه هي بتقرر ,,مب كل وحده بسياره فارهه تعطلت سيارتها معناها سهل الكل يساعدها تقدر ترفض بلباقه ولو انا مكانها بقفل السياره ومب راده على حد حتى يعرفون ان مب محتاجه وانها تتنتظر شخص من اهلها او معارفها



لهذا السبب لو شفت وحده بسيارتها يمكن تكون متاجه مساعدة مستحيل اساعدها و اولهم غزلان

[لاجل QT]

وراه يوم بنشر التاير محد وقفلي :omen2:

قاعدة في الحر والسكيك

وينهم هذيلا الفداوية بس نسسمع عنهم ولانشوفهم

[فرهود]

وراه يوم بنشر التاير محد وقفلي :omen2:

قاعدة في الحر والسكيك

وينهم هذيلا الفداوية بس نسسمع عنهم ولانشوفهم

يمكن شكلج مايشجع

escape

[لاجل QT]

يمكن شكلج مايشجع

escape

فرضا يعنى هو كذالك:nice:

وين النخوة :weeping:

اطلطع في الشمس والحر:weeping:

[ام السعف]

عــادي تصير

طبيعة التجاذب والتعاطف والرحمة والشفقة ما بين الرجل وغير محارمه
تفرض عليه غصب عنه انه يتوقف لأي سيدة تعطلت او فشت تواير سيارتها في الشارع
حتى لو كانت عندها بوني مب سيارة فارهة ،،،
في الوقت اللي هله ما عندهم حد يوقف لهم ويوصلهم السوق ،،
فاشلون تبيهم يوقفون حق شيبة في الشارع ؟!!

[عليه العوض]

عن نفسي ما اوقف للحرمه ولا اهتم فيها لكن الرجل العجوز اوقف واشوف ايش عنده واقدم له المساعده بكل ثقه لكن حرمه ما يسير يمكن تنظر احد او تتصل باحد اهلها يساعدها

[النهار]

انا لوماعندي مشوار مهم اوقف لاي واحد مهما كان جنسه رجل امراءه قطري اجنبي مش مهم
سؤال ياشيخ لو انت متوهق في شارع هل تتوقع اي امراءه توقف لك
انا مره شفت منظر غريب وفي نفس الشارع
رجل سيارته مبنشره وسيارته كروزر مرت عليه دوريه وقفوا عنده وحركوا
مع العلم الرجال متعابل مع البراغي مش قادر عليهم رجعت للرجال غيرنا التاير
وفي نفس الشارع سياره ثانيه امراءه بعد سيارتها مبنشره على طول نزلوا من الدوريه
وعلى طول بدلوا لها التاير مع العلم وقوف الاثنين مايشكل اي خطر على حركة السير

[alsoq]

ما قصرت دولتنا الفزعه تقوم بالواجب بارك الله فيهم وفي داخليه
العض يقف بقصد نيه خبيثه ويا كثرهم

يمكنها تتصل باهلها او بالفزعه اذا لم يكن لها احد بالبيت يساعدها

[Aaziz]

اسمحلي اخوي شبح اغرد خارج السرب <<< كلش مش في محلها :nice:

اخبر يوم سقنا و خذنا سيارات كنا نوقف نوصل الي ياشرون في الشارع عمال ولا اي حر .
الحين كلش مانسويها الا اذا قطري و نادر جدا

[فرهود]

فرضا يعنى هو كذالك:nice:

وين النخوة :weeping:

اطلطع في الشمس والحر:weeping:

ماهو الموضوع يتكلم عن انعدام النخوه فالشاب يوقف للبنت الجميله (وحطي 15 خط تحت الجميله) ويسفه الشيبه .

[بوحارب]

يا لبى قلبه الشيبه ليتني شفته أنا

[MAZEN37]

هههههههههههههههههههههههههههههه عاد بعض الشباب مايصدقون يشوفون وحده لابسه عبايه ويوقفون لها حتي لو مايبين منها شي المهم لابسه شي لونه اسود ويدرون انها وحده

فما بالك بوحده كاشخه اشبيسوون ؟؟

يمكن يتضاربون عشان الي يفوز ويصلح سيارتها،، وعقب يسولف معاها حاط أمل بياخذ رقمها..
هذا الكلام عند الناس ال ،،،،،،
لكن في رجال يقدرون المواقف

[عزووز قطر]

شباب قطر فيهم خير ياأخوي شبح الصمت سواء كان المتعطل شاب أو شايب أو بنت أو عجوز

بس لاتنسى أن الموقف اللي صار قدامك في الفترة الصباحية ونادر ماتحصل شباب في هالوقت ،، أغلبهم في الدوام

شبابنا فيهم الخير والبركة والحمدالله هذا الشي يتوارثونه الأجيال

[نورهان88]

شبح الصمت ،،،

مادام أنت رجال مهم وجودك في الاجتماع ومديرك فاهمك أكيد بيقبل

عذرك ،،، تعدي الرجال ولا توقف وتساعده وإلا وين الشهامة

وبعدين تنزل الموضوع بالمنتدى وتقول قلبك يعورك هههههههههههههه

ولا تبي تبين للأعضاء أنك مهم وعندك اجتماع ،،،

الحين موضة الاجتماع ما تتصل على أحد يقولك عنده اجتماع


والله لو أنا شفته لوقف وساعده ،،، يا لبا قلب الشيبه أفا والله ذا العلم ما يفرح

:anger1:

[الخزرجي قطر]

الدنيا بخير ولله الحمد في ناس تحب فعل الخير والاجر مهما كان نوع وجنسية السائق
اذا كنت مع عايلتك مااشوف فيها شي لمساعدة اي وحده سيارتها متعطله .

[بصمة قطرية]

أخوي شبح
إنت ذكرت إنك ما قدرت توقف للشيبه
لأنك مشغول و مستعجل ..!!
إنت تعرف اللي مروا في الشارع في نفس الوقت
شنهي ظروفهم ..!!
يمكن بعد حد شافك وتحلطم عليك إنك ما وقفت له
إش عرفه إنك مستعجل و عندك إجتماع ..!!
و إنت مريت بالسيارة يعني مرورك لو كثر
ما راح ياخذ أكثر من دقيقتين نقول خمس دقايق
لو زحمة ..!!
يعني ما تدري من اللي وقف له ..
الحمدلله الناس فيها خير
و مستحيل تترك شيبه في الشارع
لكن البنت كثيرين بيتجنبون يساعدونها
و أنا أشوف هالشي عادي
لأني لو أسوق ما راح أطلب المساعدة من حد
و لا راح أنتظرها من حد
بكل سهولة بتصل في حد يجيني
لا تقول ما لها حد ما في حد مقطوع من شجرة ..
لا تزعل من كلامي
إنت تكلمت عن الموضوع في أثناء وجودك
في الدقايق اللي كنت موجود فيها بس ...!!!

[شبح الصمت]

الله يجزاكم خير ,,

وكلن رآح يقول لو أنا وقفت وانا وانا .. كنت ادري في هالردود

بس حطوا نفسكم مكاني وبكل أمانة لو الموقفين صآروا قدامكم باستثناء حالاتكم النفسية او لديكم مواعيد .. !!

للعلم الفزعة والخويا ما يقصرون لو لقوا احد متعطل ويساعدونه شوف العين ..

والله يتقبل منا إن شاء الله

[رجل الجزيرة]

أفا يا شبح الصمت،
والله ثم والله وثم والله إني مكانك ما أخلي الشيبة لأقف له لين ما أخلص منه تدري ليه يا الغالي؟
لعلي أكون مكان الشيبة في يوم من الأيام ولا أحد يوقف لي وربي يعوض لي الإجتماع ولو لحقت عليه وإعتذرت منهم لأعذروني.

على العموم الله يسامحك.

على قولة نهاش بن جبل: يو أر فل داون فورم ماي أيز.

[شبح الصمت]

أفا يا شبح الصمت،
والله ثم والله وثم والله إني مكانك ما أخلي الشيبة لأقف له لين ما أخلص منه تدري ليه يا الغالي؟
لعلي أكون مكان الشيبة في يوم من الأيام ولا أحد يوقف لي وربي يعوض لي الإجتماع ولو لحقت عليه وإعتذرت منهم لأعذروني.

على العموم الله يسامحك.

على قولة نهاش بن جبل: يو أر فل داون فورم ماي أيز.




تقولون كلكم تقولون اجتماع ما رآح ينعاد مره ثانية وتواجدي ضروري مش لاني ابي ابين لكم اني مهم على قولت بعض الناس هههههههههههههههههههههاي

بس الله يسامحني ومن مكاني هذا اقول لكم لا تسوون مثلي صدق والي يقدر يساعد يساعد لعل وعسى يوم دعوة هالانسان تفرج عنك كربه او تعينك على قضاء حاجة ..

:weeping:

[جنيه ذهب]

والله شبابنا فيهم الخير وقله جدا الي يفرق بين الرجل والمراة ...

[الزعفراني]

انا اشوف مساعدة البنت أولى من مساعدة الشيبة .. لذلك لا تلوم اللي وقفوا للبنت حتى لو كانت سيارتها فارهه على قولتك

[رمح الضعاين]

عندها اهل وبتتصل لهم ليش تفزعون ماتطلع فزعتكم إلا على الحريم
واذا ما عندها اهل (الشرطه في خدمة الشعب )

اخوكم

[sweet qatar]

مثل ما لقيت لنفسك عذر لعدم الوقوف في الحالتين..

أحسن الظن والتمس الخير في المارين.. يمكن حالهم من حالك أو أسوأ..



يعطيك العافية أخوي..

[بومحمد المطاوعه]

عن نفسي لو كنت صايع واصيع واحد فالدوحه

مب واقف حق بنت واساعدها

بوقف للشايب

لانه رجال

اما اوقف اساعد بنت ف الشارع وغريبه

يمكن الأمر ينقلب ضدي

سبحان الله لا اعلم في حال هذي البنت

والقانون لايحمل المغفلين

بتسوي خير بتقلى شر بغض النظر

بس الاحسن اني ماوقف للبنت

اكيد عندها اهل

واذا صكت السالفه تتصل 999 وتبلغ بالموضوع


ويعطيك العافيه ياخوي شبح

الدنيا ماشيه جذي عند البعض

يصير خارووف جدام النسواان

اذا كانت السياره فيها عائله نعم بوقف وبساعد

اما اذا كانت بنت بروحها

مب موقف لأن احنا في دوله الدوريات مب مقصرين فيها

تتصل للشرطه واقرب دوريه فزعه بتوقف عندها

ولحد يقول والله اذا الدوريه واقفه جنب بنت

سمعتها ومادري شنو

اذا الواحد بيسمع كلام الناس
بيموت من القهر


الله المستعان

[رجل الجزيرة]

تقولون كلكم تقولون اجتماع ما رآح ينعاد مره ثانية وتواجدي ضروري مش لاني ابي ابين لكم اني مهم على قولت بعض الناس هههههههههههههههههههههاي

بس الله يسامحني ومن مكاني هذا اقول لكم لا تسوون مثلي صدق والي يقدر يساعد يساعد لعل وعسى يوم دعوة هالانسان تفرج عنك كربه او تعينك على قضاء حاجة ..

:weeping:

اللهم آمين.

:)

[أم نواري1]

مع اللي قالوا البنت لها أهل
ومفروض يساعدون الشايب

[تحداني]

والله شبابنا فيهم الخير وقله جدا الي يفرق بين الرجل والمراة ...



صادق .. انا اسوق من سنوات طويله في الدوحه وخارج الدوحه
عمري ما شفت مواقف فيها خير ومرجله ومساعده سواء للقطريه او غيرها كثر مواقف شباب الدوحه وكل من عاش فيها
شهادتي فيهم مجروحه .. اترك للي راح مليون عذر
وعلى نياتكم ترزقون



جملك الله برضاه

[حمد 2002]

’’ السلام عليكم ورحمة الله وبركاته ,,


المنظر الأول أمامي ( الصبح الساعة 7 ) أمراة تقود سيارة فآرهه ( يا ها الكلمة ما احبها بس شاسوي ) وتعطلت عليها السيارة وريت في عيون الذين حولي يتسابقون لمن يقف لها ... صراحة كنت بوقف لها بس قلت في قلبي انا ذوق واقدر واحترم بس ادري رآح يوقفون لها او متصله لأهلها فقلت خلها اشوي الا موتر يبي يوقف وتردد وياخذ لفه سريعه لأجل يوصل لها ..


المنظر الثاني ( الساعة 9:30 صباحاً ) رجل كبير فالسن متعطل وسيارته قديمه مبنشره والكل يمر عليه وإلا يقف له حتى انا ما قدرت اوقف لأني كنت متآخر على اجتماع والله اني اشوفه وفيني حسره بس الاجتماع لم يبقى عليه الا ربع ساعة لين اوصل وادخل ( حسيت بتأنيب ضمير ) وقلت لو انا مكانه !!!



علامة استفهام فوق رآسي هل وصل بنا الحال إلا نساعد إلا من نراه يستحق المساعدة أو نترك الامر والاختيار لما تعلمنا عليه من أخلاق ومساعدة الآخرين

وأترك المنظرين لكم ...

’’

’’

أخوكم/ شبح الصمت

:):):)

[مستر بن]

الله المسستعان ^^

[لاجل QT]

ماهو الموضوع يتكلم عن انعدام النخوه فالشاب يوقف للبنت الجميله (وحطي 15 خط تحت الجميله) ويسفه الشيبه .


الاخلاق والادب ودينا وعاداتنا يفرضون علينا مساعدة من هم يحتاجون للمساعدة سواء رجل او امراءة او طفل ومن اي جنسية
من فرج كربة مسلم فرج الله كربتة يوم القيامة

بالنسبة لمساعدة المراءة ..نشوف البعض يتخوف من ذالك مثل مايقولون خيرا تعمل شرا تلقى

في حل جميل

ان الشخص اذا شاف امراءة او بنت متوهقين ..هو يتصل بلخويا..من غير ماتعلم البنت

وبذالك خذ الاجر، وماراح يأنبه ضميرة:)