شالحل مع اللي يوقف جنب سيارتك ويفتح بابه ويدمر سيارتك !!

[S.T.Y.L.E]

السلام عليكم

والله كاتب هالموضوع من القهر
اكثر من مره تصير لي

يجيك حد ويصف جنبك ، ويدري ان المسافه ماتكفي ، ويفتح باب سيارتـه ويدمر لك سيارتك
اما بطعج او بزلغ يطير لك الصبغ
والمشكله لا يحط لك رقم ولا شي ، يحرك ولا كانه في شي

زين سيارتي !!

والله لازم يشوفون حل حق هالموضوع ، كل سيارات بيتنا صاير فيها نفس الشي بعد
حسبيالله ونعم الوكيل

[النــادر]

وعليكم السلام

صعب تنحل المشكله لان الامر يعتمد على سواقه الشخص نفسه ولا يعتمد على المساحه تجد البعض ياخذ موقف لمساحه سيارتين او البعض يحب الضيق ...

الحل المتوفر يكون هناك مخالفه لكل شخص يتعدى الخط المخصص له بغرامه ماليه هناك ممكن تنحل المشكله فقط

والله يهديهم

[رجل الجزيرة]

والمشكلة إن البعض يسكّر على باب سيارتك ما يخليك تفتح باب سيارتك.

[MAZEN37]

مشكله ضيق الباركنج
المشكله يوم يصفط جنب الباب وما يخليك تركب شتسوي
هنا قلة الادب والذوق

[جنيه ذهب]

اي والله :anger1: جبتها على الجرح ...

في هالمواقف ما تدري شتسوي لما ترجع سيارتك وتشوف واحد لاصق بموترك حده وما تقدر تفتح الباب خير شر والله صارت لي في سوق العلي نزلت السوق ويوم رجعت حصلت واحد لاصق كلش مب معطيني مجال حتى امر بين السيارتين طيب ليش هالنذاله لهدرجه الي حواليك ما يهمونك ولا تراعيهم وجلست انتظر قلت الحين بيوصل ما في فايده يالربع جلست فوق النص ساعه ولا وصل والمشكله السياره بوسط السوق يعني شكلي حلو يوم اني كاشخ وانقز من الباب العبري لاجل اشغل السياره :weeping: بس وحياتكم ما خليتها في خاطري من القهر الي فيني اكثر من ساعه ما وصل وخلاني انقز من باب العبري رجعت ريوس بالموتر وخليت صدام موتري يحك بموتره من صدامه الي قدام لين ورى كامل زلغت له الموتر قلت مب مشكله انا صدام بصبغه بس هو خله يترقع بجنب كامل لا بارك الله فيه والقهر موتر شباب جي مطيح وقلاعه ...


وشكرا لراعي الموضوع على الطرح الي خلاني ابرد حرتي بالكتابة 0

[moonبنتnight]

من ضيق المواقف 00
لاحظ في كل مجمع تجاري 00
والحمدالله على كل حال عيل ايش بتسوي اذا دعموها وتسجلت فب المرور ضد مجهول 00

[جنيه ذهب]

من ضيق المواقف 00
لاحظ في كل مجمع تجاري 00
والحمدالله على كل حال عيل ايش بتسوي اذا دعموها وتسجلت فب المرور ضد مجهول 00

اوكي ما اختلفنه ان المواقف ضيقة بس هذا ما يمنع اني اضايق الي حواليني والله يوم اني احصل موقف بس احس اني بضايق الي حوالي والله ما اصف فيه لو كان هالموقف الوحيد الي فاضي ..ز

اخلاقي ما تسمح لي اني ابهدل الغير ما تعرفون من هذا راعي السياره الي جنبي يمكن تكون مره مستعجله او شايب كبير في السن ابهدله وياي والله مب شيء كلش في حقه

[الـخـالـدي]

هذا ودك ترجع له برمانة موترك تعطيه بوسه مظبوطه وان كان موترك سبورت الله يخلي المفتاح عشان يطيب خاطرك بس الواحد يخاف الله

بس العقل يقول اكتبله فورقه الله فخاطرك تبي تدعي تبي تنصحه انت وضميرك هههه

تقبل مروري

[راعي ال VXR]

عن أبي حمزة أنس بن مالك رضي الله عنه –خادم رسول اله صلى الله عليه وسلم قال " لا يؤمن أحدكم حتى يحب لأخيه ما يحب لنفسه " رواه البخاري ومسلم .

[بونووف]

مره كنت واقف عند الاند انتضر اخوي يدفع فاتورته ويرجع لي وشفت مموقف صار قدامي جا واحد عنده لكزس وجا يبي يصف وخذ موقفين .. يعني ماصف عدل .. وفي واحد ثاني جا يبي يصف حذاه تم يهرن له عشان يصف عدل ويناديه.. وهذاك افتر عليه وطقع له كأنه مايشوفه .. عقبها حرك الريال مانتبهت عليه الا اشوفه رجع على ريوله رايح صوب اللكزس وانا اشوفه قلت اكيد بيخربها الريال ...ههههه والا يقوم يسوي حركة الموج بالمفتاح من صدام لين صدام

[eXpert*]

يا أخي أحنا في بلد أكثر من 80% من الناس تركب فورويل ..

ومواقفنا تصميمها أوروبي (بريطاني) يالله توقف فيه (بيتل) ولا (بولو)..

عندك سوق واقف واللؤلؤة و بعض مواقف الأبراج في القبو ..

يا أخي المشهندس يا أما توسع جميع المواقف الله يوسع لك في قبرك .. أو يتم تخصيص مواقف أكبر مساحة قليلاً للسيارات الدفع الرباعي و العائلية .

[قطريه22]

ياكثرهم

في ناس ماعندهم اي احترام لاملاك الغير
مايرضونها على نفسهم بس يرضونها لغيرهم

حط كاميرات مراقبه بسيارتك وهذا أفضل حل

[qatari 111]

:anger1::anger1::anger1:

انا ما الوم اللي يصف سيارته حق موقفين والسبب الاشكال اللي تفتح باب السياره على اللي جنبه وتطيرله الصبغه ..

[عضو نشيط]

وقف في السعه الوسيعه بعيد وريح ضميرك ،،،،

والمولات وقف برا المول أحسن لك من المواقف الضيقه والحك والمشاكل ووجع الراس ،،،

عطها مشي شوي رياضه ،،،،

[البيانكونيري]

مشكلة عانيت منها كثيرا واخرها من شهر تقريبا

[حمد 2002]

الموضوع مكرر

[تحداني]

انا امعلميني في المواقف الضيقه آخذ باركنج ونص
سامحوني هاذي الحقيقه .. عشان جي سيارتي 100% وامورها طيبه
:)

جربوها يمكن تنفع في بعض المواقف الضيقه
واذا عاتبوك انت عندك عذر


جملكم الله برضاه

[تحداني]

الموضوع مكرر



من اشوي تقول في موضوع الاستظراف ان البعض يطالب بإغلاق الموضوع وينكت
والحين تقول لصاحب الموضوع " موضوعك مكرر" ليش تكسر ابخاطره وعليه :(

[جنيه ذهب]

الموضوع مكرر

ياخي وخير يعني اذا كان مكرر انت بنفسك ما ترضى احد يقولك موضوعك مكرر او يرجى حذف الموضوع فشلون ترضاها للغير ارتقوا شوي الله يجزاكم خير 0

[رمح الضعاين]

التكرار يعلم الشطار

تعلموا ولا تشمخون سيايير العالم


اخوكم

[طبيب قطري]

المشكله لما تلاقي خدامه تفتح الباب بكل قوتها حتي تنزل الياهل من السياره وتدعم بابك وتقعد تطالعك بكل غباء استغفر الله العظيم ! صارتلي مره والمشكله انها بعد مانزلت اليهال من السياره ونزلوا المحل وشروا اغراض جات مره ثانيه وافتحت الباب وادعمت باب سيارتي !! يعني انا اول مره ماكلمتها ليش تستهبل ثاني مره بس ونزلت وبهدلتها وبهدلت السايق الي معاها لان كان لاصق فيني ..

[العنيده]

عندي سياره والله لو بيدي الحين صورتها لكم مب ضربه ولا شمخ عادي يمكن عديت ال7 ضربات فيها من فاعل خير الله يسامحه >>> مابي اقول شي ثاني اخر شي فكرت اخليها في الباركانت يتسلون فيها لان في مكان بعد

سياره 2013 ثاني فيها ضربة باب منها خلاص اصلا اوقف سيارتي واقول اللهم استودعتك سيارتي فاحفظها لي


الله يصلحهم والله ..

[Dana’1]

مرات تكون بالغلط..وهذا بدر مني شخصيا بس ما كنت متعمدة حتى إني قلت أوو بالذات إن السيارة كانت لكزس فورويل.. وجلست أنا أشيك عليها! الحمدلله ماتضررت لانها جات على الخط النيكل وماكانت قوووية ولله الحمد والمنه
وإلي صار إني فتحت الباب بس رد بيضرب فيني رديت فتحتة وراح نفلت عالسيارة الي جنبي
والحمدلله كانت صاحبتها موجودة بالسيارة..عصبت مالومها أنا أنفعلت وهي مو سيارتي وقلت لها أسفة ما أقصد وهي معصبة ..! المهم ماكان في مشكلة بينا ورحت أخلص أغراضي

[خوي الدرب]

بسيطة إسحب العجراء من جنب القير وفسّحها على علباه

[بومحمد المطاوعه]

بارك الله فيك ياخوي ع الموضوع الطيب

الصراحه بعض الناس اخلاقهم رديه

وماعندهم احترام ولا ضمير



مره من المرات
وقف شخص جنبي من الجنسيات العربيه

مب ذاكر شنو جنسيته علشان ما اسبب حساسيه

المهم

ولده الي قاعد ف الكرسي الخلفي بطل الباب بأقوى شي عنده والاب يشوفه وانا قاعد ف السياره

ضرب موتري بالقو

ولا تكلم الأب

ركب موتره وربط الحزام

يبي يمشي

انزين وانا شنو جدامك يعني ....!

نزلت له بسرعه واقوله والله انك محترم

قال عفو قلت لك انت انسان محترم واتعرف الاخلاق

قال ليش هالكلام

قلت له ليش هالكلام

شوف الباب

والله ياجماعه عفسه خفيفه

قلت له شنو هذا

قالي انا شلي خص

قلت له ياسلام

شلي خص ها

رحت جدام سيارته وسجلت الرقم

قلت له الوعد ف المرور بقدم عليك شكوى

قال لالا خلاص هذا رقمي وعطني رقمك ولين بكره اذا مارديت عليك اشتك علي

اتصلي ثاني يوم وخلصنا الموضوع فالمرور


يعني شفتو لين وين وصلنا

وقااااحه والله من بعض الناس

على باله قاعدين فالغابه


الله يهديهم مواترنا كلها ضربات والسبه بعض البلشيته الي لهم هالسوالف



تحياتي ..

[ولد شرق]

بسيطة إسحب العجراء من جنب القير وفسّحها على علباه

ههههههههههههه اعجبتني العجراء


انا اشوف اللي يسوي هالشي عمدا ويشمخ سيارات الناس... تطبق عليه اقصى العقوبات
ولو اجنبي يتسفر علشان يحترم عادات وتقاليد البلاد
ياكل من كدك ويسب جدك

اما اللي مايصف صح تكفيه دعاوي الناس عليه...

[Rider]

عيل انا مره واقف عند مطعم وقاعد في السيارة الي وحده مع اخوها زوجها والله مادري المهم وقفوا جنبي الا المره فاتح الباب بكل قوة وضاربه باب سيارتي وسيارتي جديدة وفتح الجامه من القهر اشوف شلي صار في موتري الا هي تضحك كانها ماسوت شي

[ka2ka2]

اي والله :anger1: جبتها على الجرح ...

في هالمواقف ما تدري شتسوي لما ترجع سيارتك وتشوف واحد لاصق بموترك حده وما تقدر تفتح الباب خير شر والله صارت لي في سوق العلي نزلت السوق ويوم رجعت حصلت واحد لاصق كلش مب معطيني مجال حتى امر بين السيارتين طيب ليش هالنذاله لهدرجه الي حواليك ما يهمونك ولا تراعيهم وجلست انتظر قلت الحين بيوصل ما في فايده يالربع جلست فوق النص ساعه ولا وصل والمشكله السياره بوسط السوق يعني شكلي حلو يوم اني كاشخ وانقز من الباب العبري لاجل اشغل السياره :weeping: بس وحياتكم ما خليتها في خاطري من القهر الي فيني اكثر من ساعه ما وصل وخلاني انقز من باب العبري رجعت ريوس بالموتر وخليت صدام موتري يحك بموتره من صدامه الي قدام لين ورى كامل زلغت له الموتر قلت مب مشكله انا صدام بصبغه بس هو خله يترقع بجنب كامل لا بارك الله فيه والقهر موتر شباب جي مطيح وقلاعه ...


وشكرا لراعي الموضوع على الطرح الي خلاني ابرد حرتي بالكتابة 0
ما يجوز تحلفين بحياة !! .. الله يهديك بس

[ka2ka2]

حتى لو ضيقني ما توصل اني اخرب سيارته ... صراحه اشوفها حركة نذاله

[شيزكيك]

سيارتي يديده واشمخوها شمخ يعور القلب ولحين اتحسب عليهم كل ماشفت الخفس الي طير لي صبغ السياره اتحسب وادعي عليهم من القهر

[لاجل QT]

هذا اسمة قله ادب وذوق وانعدام الاخلاق

داما اوصي عيالي اذا بيفتحون باب السيارة يفتحونة بحذر حتى لاتاثر سيارتي او السيارة الملاصقة بجانبنا

ومع وجود هالفئة منعدمة الاخلاق

نقترح الاتي:

نتمنى عمل الباركنغ...نفس طريقة باركنغ مجمع ايكيا..اكثر شي عجبنى في المجمع طريقة تنظيم الباركنغ شغل احترافي بصراحة..مسافة بين كل سيارة
تنزل من السيارة بامان....قلبك مرتاح ان السيارة في امان ماراح حد يفتح باب سيارتة على سيارتك

[روح الاطلس]

بسبة ضيق المواقف وايد الدريول يدخلني بين سيارات ولا يفكر شلون بطلع من الباب كأنه يقول تصرفي
احرص وانا افتح الباب باقل اقل اقل من الهدوء لانه بيصك الي جنبي واتسحب واطلع عمري
لان الدفاشه في فتح الباب وفي موقف ضيق معروفه نتيجته
والحمدلله لحرصي على الاخرين وبالرغم من رعونه سواقنا ما عمره انخدش بابنا
قدم خير تلقى خير :)

[Qatar Angel]

مرات تصير بدون قصد خصوصا اذا الواحد بالعافيه لقى موقف ويبي يخلص شغله عالسريع
والافضل في مثل هالمواقف نلتمس العذر لغيرنا ونعفو عنهم لانه خلق نبوي

[أم محمد 90]

اي والله :anger1: جبتها على الجرح ...

في هالمواقف ما تدري شتسوي لما ترجع سيارتك وتشوف واحد لاصق بموترك حده وما تقدر تفتح الباب خير شر والله صارت لي في سوق العلي نزلت السوق ويوم رجعت حصلت واحد لاصق كلش مب معطيني مجال حتى امر بين السيارتين طيب ليش هالنذاله لهدرجه الي حواليك ما يهمونك ولا تراعيهم وجلست انتظر قلت الحين بيوصل ما في فايده يالربع جلست فوق النص ساعه ولا وصل والمشكله السياره بوسط السوق يعني شكلي حلو يوم اني كاشخ وانقز من الباب العبري لاجل اشغل السياره :weeping: بس وحياتكم ما خليتها في خاطري من القهر الي فيني اكثر من ساعه ما وصل وخلاني انقز من باب العبري رجعت ريوس بالموتر وخليت صدام موتري يحك بموتره من صدامه الي قدام لين ورى كامل زلغت له الموتر قلت مب مشكله انا صدام بصبغه بس هو خله يترقع بجنب كامل لا بارك الله فيه والقهر موتر شباب جي مطيح وقلاعه ...


وشكرا لراعي الموضوع على الطرح الي خلاني ابرد حرتي بالكتابة 0

كفــــووووووو :nice:

[R 7 A L]

حاول تبتعد عن المواقف الضيقة وتبحث عن المواقف الواسعة
حتى لو كانت بعيدة

[أم محمد 90]

انا توني اليوم كنت بنزل هالموضوع ..

لان هالحركة صارت اربع مرات مع امس

مواقف دوامنا بالضبط كانها مواقف الستي سنتر ويمكن اضيق شوي
اصف عدل اقعد يمكن 8 دقايق اضبط السيارة بالريوس عشان اطلع بسهولة ولما ارجع

الاقي الطاااااااااااااامة الكبرى اللي جنبي لازق بموتري لا وبطريقة عوية !!
يعني موترة صاف عوووووي مب سيدة ومصكر على بابي والله العظيم ان ملف مايمر في هالضيق ؟
قعدت اسئل شلووووون نزل ابي افهمممم ! ماقدرت افهم ؟ رحت الاحظ صوب بابي الا محكوك ومطعوج شوي

خلاص انا هني فقدت اعصابي سوري اسففففة جدا انسان نفس هذا ماقدر اسكت عنه وفوق هذا بعباااايتي بيخليني اركب من باب العبري

يعني خلووو الريال بثوبه ينط من باب العبري تنبلع بس مرررة ؟

طبعا قلت ف نفسي هاي رابع مرة بركب بعباتي :) ماقدر اسكت
والمشكلة 3 مرات من هالاربع مرات نفس السيارة تصك علي بس امس كان بشكل فظييييع يعني صاف عوووي ليش

قمت بخاتمي الضخم الكبير المدبب وقعت على سيارته وانا ماشية ومايهمني منو يقول عيب وغلط وقلة احترام هو اللي ما احترم نفسه بهالطريقة اللي صف فيها ارض الله وساعة وثلاث ادوار مواقف غصب تدخل فالبارك اللي جنبي ؟؟؟؟؟؟؟؟؟؟

وركبت من صوب العبري وتكسرت عباتي :) بس بردت حرتي والله

[بونووف]

انا توني اليوم كنت بنزل هالموضوع ..

لان هالحركة صارت اربع مرات مع امس

مواقف دوامنا بالضبط كانها مواقف الستي سنتر ويمكن اضيق شوي
اصف عدل اقعد يمكن 8 دقايق اضبط السيارة بالريوس عشان اطلع بسهولة ولما ارجع

الاقي الطاااااااااااااامة الكبرى اللي جنبي لازق بموتري لا وبطريقة عوية !!
يعني موترة صاف عوووووي مب سيدة ومصكر على بابي والله العظيم ان ملف مايمر في هالضيق ؟
قعدت اسئل شلووووون نزل ابي افهمممم ! ماقدرت افهم ؟ رحت الاحظ صوب بابي الا محكوك ومطعوج شوي

خلاص انا هني فقدت اعصابي سوري اسففففة جدا انسان نفس هذا ماقدر اسكت عنه وفوق هذا بعباااايتي بيخليني اركب من باب العبري

يعني خلووو الريال بثوبه ينط من باب العبري تنبلع بس مرررة ؟

طبعا قلت ف نفسي هاي رابع مرة بركب بعباتي :) ماقدر اسكت
والمشكلة 3 مرات من هالاربع مرات نفس السيارة تصك علي بس امس كان بشكل فظييييع يعني صاف عوووي ليش

قمت بخاتمي الضخم الكبير المدبب وقعت على سيارته وانا ماشية ومايهمني منو يقول عيب وغلط وقلة احترام هو اللي ما احترم نفسه بهالطريقة اللي صف فيها ارض الله وساعة وثلاث ادوار مواقف غصب تدخل فالبارك اللي جنبي ؟؟؟؟؟؟؟؟؟؟

وركبت من صوب العبري وتكسرت عباتي :) بس بردت حرتي والله

زين سويتي بس اهم شي خاتمج الضخم ماصاده شي ..؟

[bos3eed]

ترى في اغلب الاحيان الشخص اللي يضيق على الناس في المواقف ولا يلتزم بالخطوط الارضيه يكون مب مهتم في سيارته واذا كان اجنبي ممكن تكون سيارة الشركة او اجار وعليها تامين شامل او سيارته مستعمله وقديمه او تكون مضروبه ومشمخه الريدي فمايهمه اذا تشمخت زياده. والبعض بطران حده ومايهمه اذا انزلغ موتره ولا اندعم حتى لو توه طالع من الوكاله. انا شخصيا انظر للسياره على انها كتله من الحديد مهما غلى سعرها وماتسوى اني احط لحد حق في ذمتي او اني اضر مسلم على شانها

[شيخ القبيلة]

بارك الله فيك ياخوي ع الموضوع الطيب

الصراحه بعض الناس اخلاقهم رديه

وماعندهم احترام ولا ضمير



مره من المرات
وقف شخص جنبي من الجنسيات العربيه

مب ذاكر شنو جنسيته علشان ما اسبب حساسيه

المهم

ولده الي قاعد ف الكرسي الخلفي بطل الباب بأقوى شي عنده والاب يشوفه وانا قاعد ف السياره

ضرب موتري بالقو

ولا تكلم الأب

ركب موتره وربط الحزام

يبي يمشي

انزين وانا شنو جدامك يعني ....!

نزلت له بسرعه واقوله والله انك محترم

قال عفو قلت لك انت انسان محترم واتعرف الاخلاق

قال ليش هالكلام

قلت له ليش هالكلام

شوف الباب

والله ياجماعه عفسه خفيفه

قلت له شنو هذا

قالي انا شلي خص

قلت له ياسلام

شلي خص ها

رحت جدام سيارته وسجلت الرقم

قلت له الوعد ف المرور بقدم عليك شكوى

قال لالا خلاص هذا رقمي وعطني رقمك ولين بكره اذا مارديت عليك اشتك علي

اتصلي ثاني يوم وخلصنا الموضوع فالمرور


يعني شفتو لين وين وصلنا

وقااااحه والله من بعض الناس

على باله قاعدين فالغابه


الله يهديهم مواترنا كلها ضربات والسبه بعض البلشيته الي لهم هالسوالف



تحياتي ..

كلامك صح يابومحمد بس الافضل تجنبا لهذ المشاكل احسن شي الواحد يسوي حماية حق كااامل موتره يمكن غالي شوي بس على الاقل تحمي من الخدوش والضربات البسيطة
انا اشوف هذا افضل حل خصوصا حق المواتر الغالية .

[الزعفراني]

الحل انك تتقبل الأمر وتفوض أمرك لله ..

[shadad]

ه ...اللي عنده موتر جديد والا سبورت والا حتى محافظ عليه يبعد عن اماكن تجمع المحلات. وخصوصا العاديه. انا اصف اخر العالم عند الماكدونالد او بعيد عن مكان تمريني والقى لازم واحد يملغ ويصف جنبي بطريقه ملاصقه. يا دوب تفتح بابك.
صارت معاي وانا راجع من الصاله. ركبت السياره اريح شوي من عناء التمرين والقى واحد مخلي كل الباركنات وملزق فيني. ما يخالف نمشيها ...قعدت بالسيارة الا يجيك مصري مع ولده وطاخ يفتح الباب علي من قلب !!! والله لو تشوفونه تقول سارق حلاله ..المهم انا كنت حاط حق الشمس قدام ويوم ركب تلفت يمين ويشوفني قاعد اطالعه بالوجه و ... : اسف يا بيه ...ميش قصدي ...وووو ...

طبعا انا .. " والكاضمين الغيظ والعافين عن الناس ...والله يحب المحسنين :) . والله يا الربع ايش اقولكم فتح الباب من قلب من قلب من قلب. الله المستعان وانا بعدها عرفت وقتها اللي عنده موتر يحب يحافظ عليه , اسبورت , غالي ...او حتى موتر عادي يبعد عن مثل هاي اماكن.

سوق العلي ؟؟ هههه اخبر صفيت عند الخياط وتجيني وحده ومعاها عيالها بالكروزر مفخرة الارض. وملزقه حاشره عمرها بين الموستنج حقي وموتر ثاني . وولدها يفت الباب مرة ومرتين وغصب طيب الا يطلع من اليمين ..ورفرف سيارتي طاخ وطاخ ... وانا عيوني تدمع عند الخياط ابي اطلع ..بس دوري بيروح !! :( ..يا حبيبي تكفه كفخت ابو الرفرف اطلع من الصوب الثاني ,,الا مصر يطلع من ذاك الصوب ,,, اه يالقهر .

حل ؟ لا مافي حل الا نحط برامج توعيه بالتلفزيون.. هاي عقول الناس يبالها اعادة تهيئة Formate . واللي جاي من برع من جنغل عاد الله يعينك. نفس العمال اللي يجونك يبون يقطعون عند لفة الدوار !!! زين شنو ضمنك اعد يدش اللفه الحين ؟؟؟ ياخي روح 15 متر قدام واقطع ... وتكع بريك والا وراك يصفقك من ورا .. والا العائلة اللي تبي تقطع الشارع من عند لفة الدوار ومو اي دوار دوار شارع رأيسي!! هذه حلها لازم الدوله تحط سياج ابو متر حوالين الدوار من الجهات الاربع من 10 قريب الدوار عشان محد يفكر يقطع هناك.

تسلم لي يالغالي على الموضوع الطيب .

[S.T.Y.L.E]

شكرا لكم جميعا على التفاعل
والموضوع باين ان الكل يعاني منه

لكن المرور ما سوو حل لهالموضوع !
عالاقل عالاقل يحطون مبلغ وقدرة مخالفة للي يضرب باب سيارة جنبه
وهالمبلغ يكون لصاحب الموتر المتضرر ، ويكون مبلغ كبير لمجرد ان الشخص الثاني ينتبه قبل لا ينزل

الله المستعان

[تويوتا تيربو]

اخبر مره كنت توني صابغ رفرفي مامر اسبوع وله اشوف طعجه في الرفرف قلت اوك ماتبين

ومره كنت صاف عند باركنات المرخيه ألي صوب باسكن روبنز عاد هذي الباركنات ألي ترفع الضغط

ضيقه وله يجيك مووودير يصف جنبي وكانت في وحده ورا وشوي تفتح بابها على نفس الرفرف المطعوج

قلت ان شاءالله بسيطه خليتها تروح عقب شفت الرفرف وله الصبغ طار قلت الله يغربلها

[حسن]

من اشوي تقول في موضوع الاستظراف ان البعض يطالب بإغلاق الموضوع وينكت
والحين تقول لصاحب الموضوع " موضوعك مكرر" ليش تكسر ابخاطره وعليه :(

صادته

بالنسبه للموضوع ياخوك وقف بعيد وتعال سالم
والمشكله زاد العدد ومن جنسيات السرق والقتل عندهم مثل شب الماي والديانه الله بالخير

فوسع صدر عادي ياخوك عادي

:victory:

[تحداني]

صادته



:victory:



لا والله مب قصه صدته .. بس وعليه كسر ابخاطر الي فاتح الموضوع اهناك
فحبيت اقول له قد تكون انت في نفس الموقف احيانا


جملك الله برضاه

[خليفـة]

اي والله
شي يبط الجبد ويقهر
عموما .. انا عادةً بهالمواقف اكتم غضبي
واعد من واحد لعشرة
واذا كان حجم الضرر كبير
اضرب بوليش للموتر بخده .. حتى يعرف غلطته
ً
:nice:

خليفــة

[rayyani4ever]

بااااااااااااااااال شكثر صارت لي


لدرجة اني استغرب اذا نزلت و رديت و ما شفت زلغ ع البيبان.... معجزه!!!



الحل؟؟


صف بعييييييييييييييييد بروحك و ريح مخك :)

[khaldoon]

اي موقف سيارات يكون عرضه اقل من 3 متر يعتبر غير صحيح و يسبب هالمشاكل .... المشكلة انه بعض ملاك المولات او المسؤولين عن مواقف المؤسسات و الاماكن العامة هم اللي يسمحون لمكاتب التصميم انها تسوي هالشي و البلدية تكتفي بموافقة المالك

[MAZEN37]

سبحان الله ما تصيدك هالمواقف الا اذا كنت شاري سياره جديده ومحافظ عليها
كنت فرحان على سيارتي ووقفتها بمواقف حمد بعيد ونزلت امشي الا حرمه وقفت سيارتها جنب سيارتي المهم نزلت ومشيت الا ثواني طاااخ وتناديني واخوي اسفه مدري شنو ساعتها حسيت انه حظي اغبر

[alrheeb2020]

الحل بسيط جدا ,, يحطون كيمرات مراقبة وبتنحل المشكله

[الخزرجي قطر]

طرحت مشكله يعاني منها معظم اصحاب السيارات
مالها حل ياخوك بين فتره وفتره اشوف شموخ وطعجات
على باب السياره زين ان التامين شامل اسوي تقريرضد مجهول

[بوخالد911]

قلة أدب
وقلة ذوووووووووووق

وقلة تررررررررررربية

وكملوا من عندكم .....................

[ameeer3]

يدمر مره وحده اشدعوه قنبله صافه احذاي ولا سياره هههههههههههه

[qatari911]

صارت معي يوم الخميس في فيلاجو
انا واقف صح
والاخ لو كلف على نفسه شوي كان صف عدل
بس صاف في جنب سيارتي وضيق علي الله يضيق عليه
واحلى ضربه على بابه وبينت الطعجه
وكتبت له ورقه ضيق الله عليك
اسف على الضربه
بس صف عدل علشان تحافظ على سيارتك
ادري اني غلطان
بس قهرني الله يقهره