الفطور الصباحي لعيالنا قبل يروحون المدرسة...

[وبشرالصابرين]

بسم الله الرحمن الرحيم

والله ياجماعه نصدمه من كلام اخصائي اجتماعي انا اكثر الطلاب يجون المدرسه بدون فطرو ؟

معقول ياجماعه ؟

الحمد لله في كل بيت الثلاجات متروسه .. شلون الطالب بيركز في الصف ابي اعرف ؟




.

[تحداني]

مب قصه ثلاجه .. ولا فواكهه .. ولا روب ولبن
انا واخواني يوم كنه اصغار الوالده حاولت بكل الطرق معانه
لكن نأبى الفطور للاسف .. والى يومنا نتفطر قريب الغدى .. والفطور شبه وجبه معدومه
وهذا شئ خاطئ

فيمكن البعض تعود على عادات خاطئه



جملك الله برضاه

[ضوى]

من عيالي كبروا يازعم والفطور عندهم للاطفال فقط

بنتي فديتها وقت الامتحانات بس تتفطر وتشرب حليب اما ولدي فالاخ لا حليب ولا ريوق يشرب كلاص ماي وهو طالع محد يقدر يكلمه ريال بشوارب

الفطور وايد وجبة اساسية بس بعد وايد وهل مايكون لهم نفس انا اقول كلاص حليب والريقو يكون عالساعة تسع او وقت البريك الاول

[NINA RICCI]

صح بعض اليهال مايشتهون ياكلون اي شي ع الريج ..

بس على الاقل عصير برتقال او حليب عشان يقدرون يركزون ويصحصحون ..

[حمد 2002]

اذا الأم امعوده ابناءاها على الريوق بالبيت قبل الذهاب للمدرسه اكيد بيتعودون على هالشيء لين يكبرون ، لكن اذا الأم خبر خير وهمها وظيفتها وبس !!!!!!!!!!!!

[تحداني]

اذا الأم امعوده ابناءاها على الريوق بالبيت قبل الذهاب للمدرسه اكيد بيتعودون على هالشيء لين يكبرون ، لكن اذا الأم خبر خير وهمها وظيفتها وبس !!!!!!!!!!!!



امي عودتنا وايد وايد وايد يمكن لو شفت محاولاتها بتكسر خاطرك
بس طبعا مثالنا مب لازم يعمم لكن من باب الرد على كلامك
ان في ناس ما تشتهي والله .. بس ما اعرف نسبتهم اشكثر


جملك الله برضاه

[مستر بن]

مب قصه ثلاجه .. ولا فواكهه .. ولا روب ولبن
انا واخواني يوم كنه اصغار الوالده حاولت بكل الطرق معانه
لكن نأبى الفطور للاسف .. والى يومنا نتفطر قريب الغدى .. والفطور شبه وجبه معدومه
وهذا شئ خاطئ

فيمكن البعض تعود على عادات خاطئه



جملك الله برضاه

اي والله :(

[أم نواري1]

هي ثقافة يتعودون عليها من وصغار
ارقد بكير واصحى بكير لوجبة الريوق وشوف الصحة كيف بتصير

الله يقدرنا ونزغطهم زي البط كده الله يحفظهم

[الدوحة قطر]

لازم نعود عيالنا على التمر او الرطب

تمرة ولا 3 ولا 5 ولا 7

مع قلاص لبن اذا امكن

بكون فطور جيد لين وقت الفرصة او حتى وقت الغدة

[ام السعف]

مستحيل يطلعون وهم في عمر المدرسة من هم صغار للثانوية من غير ريوق

مرات اطلب من اخدامة تسوي لهم بلاليط على الصبح ......> يحبونها

ومرات اسوي لي بيض بطريقة خاصة واطلب لهم خبز فرش من المخبز

وغير مرات زعتر وزيت زيتون ومرة كورن فلكس ومع اللبن
ومرة مب عارفة وشو

ومستحيل الحليب يكون نفس الكرك ،، لازم يكون الشاي خفيف فيه
ومرات عصير برتقال فرش ،،

ومرات هيك ومرات هيك ،،

الحمدلله في موضوع الريوق مستحيل ما يتريقون الا لو هناك ظروف قاهرة

واتبعت اسلوب احرمهم من مصروفهم المدرسي لو ما كملوا اكلهم جدامي
فارتحت من مشكلة انهم ما يبون يتريقون ،،

بس اللي كبروا ودخلوا الجامعى ما عادوا يتريقون ومايبون يتريقون
:(

[جنيه ذهب]

شيء اكيد الياهل يرقد فليل متاخر ويقوم الصبح مقفل ومب شابع رقاد بذمتكم باي نفس تبونه يتريق

طبعا انا اتكلم عن نفسي وانا صغير ولين الحين ريوق الصبح ما اعرفه بس من تجي حزة الغداء نصيحه لحد يقعد حذاي اقعد اخمس بالصحن لو في تحريات بذي الحزه صدقوني مخالفات بتجي علي بالهبل :nice:

[دااانة قطر]

الفطور الاول في البيت
والعيال يروحون مدارسهم يفطرون في الفسحه
واحنا في الدوام

يعني مرتين

[Riku3]

ااايه ذيك الايام ننام 9 ونقوم مصحصحين .. وكلنا نتجمع على الارض وناكل مثل طريقة توزيع الوجبات الي قالتها ام سعف .. والا اليوم الي كانوا يسوون خبز وبيض اووووه ... كنت اكل لحد الشبع وانتفخ ههههه ..

حتى في الثانوية كنت انام 12 ما كان يأثر علي ويسد نفسي عن الاكل .. السالفة تعود من الاهل وتحبيب في هالوجبه .

الحمد لله لين الحين لازم اتريق قبل لا اروح الدوام والريوق ينحط عندنا مع صلاة الفجر .. ولو ما لحقت اكل شي لازم اوقف عند المعصرة اخذ شباتي حتى لو بتأخر عن الدوام شوي ههههه .

[وبشرالصابرين]

اذا الأم امعوده ابناءاها على الريوق بالبيت قبل الذهاب للمدرسه اكيد بيتعودون على هالشيء لين يكبرون ، لكن اذا الأم خبر خير وهمها وظيفتها وبس !!!!!!!!!!!!

أي والله بعض الحريم الله يصلحهم

[وبشرالصابرين]

مب قصه ثلاجه .. ولا فواكهه .. ولا روب ولبن
انا واخواني يوم كنه اصغار الوالده حاولت بكل الطرق معانه
لكن نأبى الفطور للاسف .. والى يومنا نتفطر قريب الغدى .. والفطور شبه وجبه معدومه
وهذا شئ خاطئ

فيمكن البعض تعود على عادات خاطئه


جملك الله برضاه

اي ولله عاده غير حميده الله يعين بس

[البحار00]

الريوق عندي وجبه رئيسيه حتى لو ماتغدى مايهم

[لمعة الالماس]

الحمد لله في بيتنا الريوق وجبة اساسية

كل شي يكون موجود على الطاولة

كورن فليكس - جبن - لبنة - جام - عسل - بيض - خبز وروتي - زعتر

والشاي او حليب

وكل واحد ياكل الشي اللي يشتهيه

وهذا غير الريوق الثاني في الدوام او المدرسة

والحمد لله تعودنا ما نطلع من البيت الا متريقين

[بصمة قطرية]

امي عودتنا وايد وايد وايد يمكن لو شفت محاولاتها بتكسر خاطرك
بس طبعا مثالنا مب لازم يعمم لكن من باب الرد على كلامك
ان في ناس ما تشتهي والله .. بس ما اعرف نسبتهم اشكثر


جملك الله برضاه

أمي الله يرحمها عودتنا على الفطور
مع هاي لين يومج ذي مستحيل أفطر
إلا عقب ما أقعد بساعتين ثلاث ..
عيالي يكتفون بكوب الحليب
و ياخذون ريوقهم معاهم المدرسة
و مرات يشتهون يفطرون في البيت
نسوي لهم اللي في خاطرهم ..
أحياناً الواحد ما يشتهي ياكل الصبح ..
المسألة مش في عدم وجود الأكل
الحمدلله الخير موجود بس على نفسية الطفل ..
ما أقدر أجبر عيالي إذا م لهم نفس
حاولت كم مرة و عورواقلبي و هو يشوفوني بنظرات
أسى و هم يحاولون يبلعون اللقمة ..
فخليتهم على راحتهم ..
يحبون يتريقون في المدرسة وقت الفسحة مع ربعهم ..

[لبيبة]

وجبة الفطور من اهم وجبات افراد اسرتي يوميا، قد لا اتناول العشاء ولكن لا استطيع ان امضي بقية اليوم دون فطور. وهي في الواقع عادة مكتسبة من تربية الام لاطفالها وتعويدهم عليها وترغيبهم بها منذ الصغر.

[قطريه22]

اهم شي للطالب او لغير الطالب وجبة الافطار
لانها تساعد على التركيز

[وبشرالصابرين]

أمي الله يرحمها عودتنا على الفطور
مع هاي لين يومج ذي مستحيل أفطر
إلا عقب ما أقعد بساعتين ثلاث ..
عيالي يكتفون بكوب الحليب
و ياخذون ريوقهم معاهم المدرسة
و مرات يشتهون يفطرون في البيت
نسوي لهم اللي في خاطرهم ..
أحياناً الواحد ما يشتهي ياكل الصبح ..
المسألة مش في عدم وجود الأكل
الحمدلله الخير موجود بس على نفسية الطفل ..
ما أقدر أجبر عيالي إذا م لهم نفس
حاولت كم مرة و عورواقلبي و هو يشوفوني بنظرات
أسى و هم يحاولون يبلعون اللقمة ..
فخليتهم على راحتهم ..
يحبون يتريقون في المدرسة وقت الفسحة مع ربعهم ..

الله يعينك عليهم

انا ماضمن وجبه الفسحة مرات ينسون الفلوس أو ما يحصلون شئ عدل

حاولي معاهم بنواع الكورن فلكس أو حليب ألفروله وغيره

[وبشرالصابرين]

اهم شي للطالب او لغير الطالب وجبة الافطار
لانها تساعد على التركيز

صحيح خاصه مع زحمه الصف والحر والمناهج الصعبه

[مهره]

والله نسوي الريوق أشكال وألوان واخرتها علي الحليب وهالكورن فليكس

[الخزرجي قطر]

حسب التعود منذ الصغرواهم وجبه للصغاروالكبار هي الريوق

[وحيد-الشوق]

انا كنت مثلهم كانت فيني حاله غريبة وانا صغير اذا فطرت الصبح تصيدني لوعة وابي ارجع صارت لي كم مره وبعدها عقدني الوسواس وماكنت افطر في السنة يمكن 5 مرات بس <<< مب صاحي

حتى اخوي الصغير الي يروح المدرسة ما اشوفه يفطر كلش !!

بس الي كان يقهرني لما تجي الفرصه واكون ناسي مصروفي ههههههههه

[بصمة قطرية]

الله يعينك عليهم

انا ماضمن وجبه الفسحة مرات ينسون الفلوس أو ما يحصلون شئ عدل

حاولي معاهم بنواع الكورن فلكس أو حليب ألفروله وغيره

حليب الفراولة كله سكر ..!!
أحاول كثر ما أقدر يكون أكلهم صحي
بالذات وقت الفطور ما آحب يبدون الأكل بسكر ..!!
ياخذون فطور من البيت و في نفس الوقت ياخذون معاهم مصروف ..

[نور الحور]

حليب الفراولة كله سكر ..!!
أحاول كثر ما أقدر يكون أكلهم صحي
بالذات وقت الفطور ما آحب يبدون الأكل بسكر ..!!
ياخذون فطور من البيت و في نفس الوقت ياخذون معاهم مصروف ..


بالعكس بصمة السكر يناسب أول الصبح لأنه يعطي طاقة بس يكون باعتدال أحسن من إنه يشربه في نص النهار ..


بالنسبة لي أنا متعودة من كنت صغيرة على الفطور مع هلي .. وأبوي يشدد على وجودنا كلنا على إن ناكل ولو شي بسيط .. ونادر ما أطلع للمدرسة من غير ريوق ..
لكن من تزوجت صار الريوق بح .. ما أشتهي أبداً .. وعيالي أريقهم بس ما احب أنا ما أتريق إلا بعد 8 ونص يعني في الدوام ...
وأحاول يكون ريوق متنوع بس عاد هم وشهيتهم الله يهديهم مرات رشفة حليب ومرات كورن فلكس وحليب ومرات فواكه ومرات يتريقون زين حسب شهيتهم ..

أحاول أعطيهم عسل لأنه مفيد ولن السكر اللي فيه طبيعي ويمد الجسم بالطاقة لكن أحيانا يعاندون ..
ولدي الصغير فديته من يشوف قفشة العسل في يدي يصيح ويقول ما بي (أثل) .. مرة غصبته وتحسفت وعقبها من أشوفه متخرع أطمنه وأقول له لا تخاف مو لك هههههههه يقعد يضحك مستانس ..

الغريب إني لما أكون ببيت هلي أتريق عادي وأشتهي آكل .. يمكن لأني مرتبطة بالوضع هناك وحزات أقول لأني يمكن احس إني مسؤولة في بيتي فمن جذي ما أشتهي أما في بيت هلي للحين أحس إني بنتهم وهم اللي مسؤولين عني ههههههههههه والله الشهية للأكل أمر غريب عجيب سبحان الله

[R 7 A L]

في وقتنا ما فيه احد له نفس يأكل الصبح وهو بيروح للمدرسة الي ما يفضل يروح لها

الحين الوضع تغير والامكانيات تغير
وللاسف بعض الامهات ولا تدري هو اكل ولا طلع بدون اكل

[وبشرالصابرين]

في وقتنا ما فيه احد له نفس يأكل الصبح وهو بيروح للمدرسة الي ما يفضل يروح لها

الحين الوضع تغير والامكانيات تغير
وللاسف بعض الامهات ولا تدري هو اكل ولا طلع بدون اكل

وللاسف بعض الامهات ولا تدري هو اكل ولا طلع بدون اكل

البعض اكيد مش الكل علشان الحريم مايزعلون

[العقل المدمر]

بالنسبه لي ماتعودت افطر فالبيت ولا كنت اشوف حد يفطر في بيتنا اصلا
ايام الابتدائي اخذ اكلي معاي المدرسه
وايام اعدادي ماكل لا في البيت ولا في المدرسه اتغدى مره وحده لما ارجع
كانت تصيدني لوعه من الاكل الصبح :(
وايام الثنوي عالمزاج مرات افطر وعشره لا وفي المدرسه اكل كافي بعد مب فطور ولا غدا :nice:
بس الحين صار عندي احلى وجبه هي الريوق خصوصا لو كنت في اجازه اقوم الصبح بس عشان اتريق :shy:

[بصمة قطرية]

شيء اكيد الياهل يرقد فليل متاخر ويقوم الصبح مقفل ومب شابع رقاد بذمتكم باي نفس تبونه يتريق

طبعا انا اتكلم عن نفسي وانا صغير ولين الحين ريوق الصبح ما اعرفه بس من تجي حزة الغداء نصيحه لحد يقعد حذاي اقعد اخمس بالصحن لو في تحريات بذي الحزه صدقوني مخالفات بتجي علي بالهبل :nice:

:secret:

[shadad]

مب قصه ثلاجه .. ولا فواكهه .. ولا روب ولبن
انا واخواني يوم كنه اصغار الوالده حاولت بكل الطرق معانه
لكن نأبى الفطور للاسف .. والى يومنا نتفطر قريب الغدى .. والفطور شبه وجبه معدومه
وهذا شئ خاطئ

فيمكن البعض تعود على عادات خاطئه



جملك الله برضاه

سبحان الله نفسي يوم كنت بالمدرسه .. بالرغم من ان الاهل يغصبوني ويترجوني اكل. بس ما اعرف ... . النفسيه ترفض بالاضافه الى ان الافطار نفسه نفسه .

النتيجه ...طلعت عصقول هزيل !! وتحسفت يوم جيت العب رياضه لاني بديت من الصفر. غلطه وتعلمت منها.
عيالنا غصب طيب بياكلون الافطار ! :anger1:

[تحداني]

أمي الله يرحمها عودتنا على الفطور
مع هاي لين يومج ذي مستحيل أفطر
إلا عقب ما أقعد بساعتين ثلاث ..
عيالي يكتفون بكوب الحليب
و ياخذون ريوقهم معاهم المدرسة
و مرات يشتهون يفطرون في البيت
نسوي لهم اللي في خاطرهم ..
أحياناً الواحد ما يشتهي ياكل الصبح ..
المسألة مش في عدم وجود الأكل
الحمدلله الخير موجود بس على نفسية الطفل ..
ما أقدر أجبر عيالي إذا م لهم نفس
حاولت كم مرة و عورواقلبي و هو يشوفوني بنظرات
أسى و هم يحاولون يبلعون اللقمة ..
فخليتهم على راحتهم ..
يحبون يتريقون في المدرسة وقت الفسحة مع ربعهم ..




مساء الخير على الجميع

هذا هو يا بصمه .. ما نقدر نجبر نفسنا على شي ما نحبه
والفطور دايما متأخر ساعات الواحد من نفسه يعود روحه على ي الاهل مالهم ذنب فيه


سبحان الله نفسي يوم كنت بالمدرسه .. بالرغم من ان الاهل يغصبوني ويترجوني اكل. بس ما اعرف ... . النفسيه ترفض بالاضافه الى ان الافطار نفسه نفسه .

النتيجه ...طلعت عصقول هزيل !! وتحسفت يوم جيت العب رياضه لاني بديت من الصفر. غلطه وتعلمت منها.
عيالنا غصب طيب بياكلون الافطار ! :anger1:




معاك حق يا اخوي لان الفطور ما يخلي الواحد عصقول
بالعكس يفتح شهيته على باقي الوجبات ويخليك دبدوب :)

وحرمان الجسم من هالوجبه لها تبعات مضره منها اختزال الطاقه
وايوم لما تلعب رياضه محتاج تبني جسمك من جديد
والرياضه يبيلها اكل خاصه عند الرجال


جملكم الله برضاه

[حسن]

الحمدلله الخير وايد

مايقومون العيال الا الريوق جاهز ذاك الخبز شغل بيت والاجبان والزعتر وكل خير الله يتريقون العيال وعقب المره تسوي لهم
وجبه ويحطونها في الشنطه
واحياننا نسوي ريوق حق عيال غيرنا على طلب العيال والحمدلله

[بصمة قطرية]

سبحان الله نفسي يوم كنت بالمدرسه .. بالرغم من ان الاهل يغصبوني ويترجوني اكل. بس ما اعرف ... . النفسيه ترفض بالاضافه الى ان الافطار نفسه نفسه .

النتيجه ...طلعت عصقول هزيل !! وتحسفت يوم جيت العب رياضه لاني بديت من الصفر. غلطه وتعلمت منها.
عيالنا غصب طيب بياكلون الافطار ! :anger1:

خخخخخخ
يعني وجبة الإفطار كانت بتمتنك :secret:

[تحداني]

خخخخخخ
يعني وجبة الإفطار كانت بتمتنك :secret:




بصمه حبيبتي الفطور يساعد على فتح الشهيه وينظم معدل حرق الطاقه
والبعض يستفيد من هالوجبه في بناء الجسم بطريقه مثاليه

جملك الله برضاه

[مدار قطر]

عيالي ما يرضون ياكلون
سويت لهم مغريات و كيك و فواكه

ما في فايده

[shadad]

خخخخخخ
يعني وجبة الإفطار كانت بتمتنك :secret:

انا ما اقصد المتن يا بصمة :). اقل شي تخلي جسم الطالب نشيط وصحي. الافطار هام والحين عرفت تاثيره في الرياضه اللي العبها. للاسف الى الان الناس شابت وكبرت على شاي حليب او كرك واحنا بطريقنا للدوام. بالنسبة للطالب تلقينه يصدع ويحاول الهروب من الطابور, مطيح بالدكان ويكره اول حصه..يدور رد بول .. الخ .
وناس تقول اوكي نضرب على الغدا. ازين شالفايده وانتي Already كرفتي الجسم كرف. هني تبدا مسببات السمنه. ليش لان ربعنا ما يوزعون الوجبات صح. يصوم الصبح ويضرب بقو على الغدا والنتيجه سمنه اخر المطاف . خبرك الغدا دسم !

شنو التاثيرات بدون افطار ؟ اول شي طال عمرك بتبوزين حدك, نفسيه تعبانه, تقرفين من اول الدوام, اي سالفه بالطريق تنفرزك . غير انه لو بدعتي بالدوام بتصدعين بطريقه غريبه.

وشاكر لك التعقيب الطيب .

[وبشرالصابرين]

انا ما اقصد المتن يا بصمة :). اقل شي تخلي جسم الطالب نشيط وصحي. الافطار هام والحين عرفت تاثيره في الرياضه اللي العبها. للاسف الى الان الناس شابت وكبرت على شاي حليب او كرك واحنا بطريقنا للدوام. بالنسبة للطالب تلقينه يصدع ويحاول الهروب من الطابور, مطيح بالدكان ويكره اول حصه..يدور رد بول .. الخ .
وناس تقول اوكي نضرب على الغدا. ازين شالفايده وانتي already كرفتي الجسم كرف. هني تبدا مسببات السمنه. ليش لان ربعنا ما يوزعون الوجبات صح. يصوم الصبح ويضرب بقو على الغدا والنتيجه سمنه اخر المطاف . خبرك الغدا دسم !

شنو التاثيرات بدون افطار ؟ اول شي طال عمرك بتبوزين حدك, نفسيه تعبانه, تقرفين من اول الدوام, اي سالفه بالطريق تنفرزك . غير انه لو بدعتي بالدوام بتصدعين بطريقه غريبه.

وشاكر لك التعقيب الطيب .

الله يفيد الناس بكلامك جزاك الله خير اسئل مجرب ولا تسئل طيبب

[وبشرالصابرين]

عيالي ما يرضون ياكلون
سويت لهم مغريات و كيك و فواكه

ما في فايده

الله يجزك خير على لاقل تحاولين كل يوم .. في بيوت الله بالخير خذ شنطتك واركب السياره

[وبشرالصابرين]

الحمدلله الخير وايد

مايقومون العيال الا الريوق جاهز ذاك الخبز شغل بيت والاجبان والزعتر وكل خير الله يتريقون العيال وعقب المره تسوي لهم
وجبه ويحطونها في الشنطه
واحياننا نسوي ريوق حق عيال غيرنا على طلب العيال والحمدلله

الله يجعله بيت عامر .. والله يجزاكم خير ويجعل عيالكم يبرون فيكم في الكبر

هذا حق العيال علينا