معماري قطر ممكن ولا يهنون الباقي

[jassim69]

هلا والله بالاستاذي معماري قطر

ممكن استشاره عندي غرفه طول11 متر والعرض 8 متر...ركزمعاي بدون سقف وبدون عواميد صب!!!! فقط طابوق + جسر علوي ...تحت الغرفه غرفه مسلح نفس المقاس يعني صاف الطبوق
على نفس جسر الغرفه التحتيه!!!! اجيك السؤال؟؟؟؟

افضل طريقه عمل سقف لها ...ومشكورين وتحيه للجميع :nice:

[Aigner]

قرميد

[القلم الصريح]

كيربي اللي في وسطه فلين

قرميط تحته بليوت خشب اسود

[jassim69]

الله يعطيكم العافية مابقي قرميط ولا كيربي في فكره ثانيه

[معماري قطري]

هلا فيك إخوي جاسم

تقدر تستفسر من قطر رديمكس لأن عندهم الخرسانة المجوفة الخفيفة، وممكن يفحص البنيان مهندس إنشائي من عندهم ولا مستقل ويساعدك في التفاصيل.

بس ما شاء الله عليك مسوي مغامرة هندسية صعب مهندسينا الإنشائيين يسوونها، والطابوق يتحمل أوزان ثقيلة لكن مهم حد يشوف البنيان ويكون فاهم في الحسابات الإنشائيه.

حل ثاني تسوي دعامات ستيل سترآكشر .. حديد وعليه تصب صبية خرسانه، لكن الأول أوفر وأسرع بالكرين يركبونها في ساعات وبعدين فوقها ينعمل سلوب وتصريف وعازل للماء.

بعد ممكن تضيف عمود وسطي حديد أو خرسانة وتسوي تدعيم للغرفة الأرضية والغرفة العلوية.

[jassim69]

اشكرك اخوي معماري يمكن ماوضحت صوره لك انا مابغي فوق اي ذرة سميت ابغي شي ثاني تغريبن نفس
لايت سكاي او اي شي قريب منه

[معماري قطري]

ممكن تسوي سكايلايت في الوسط أو في أي جزء أو سكايلايتين 2 هرميين بما إن المساحة عندك كبيرة، ولو سويتها كلها سكايلايت بيكون النور قوي اتوقع والحرارة كبيرة 8 في 11 تعطينا مساحة 88 متر مربع.

بما إنك ما تبي إسمنت ولا تبي حديد تقدر تسوي بالخشب بس الله يعينك تحصل حد يسوي لك شغل خشب جيد ويشوف لك مواد نظيفة ويركبها صح .. ممكن تسويه بسلوب معقول وقرميد فوق .. وممكن سيده بميلان خفيف وعزل زين وتخفي الجوانب بطابوق بحيث يبين من بعيد مثل بنيان خرساني عادي .. بس بعد بتحتاج عوارض حديد تغطي طول 8 أمتار اللي صعب بتحصل خشب يغطيه أو حد يسوي وصلات خشب تمسك السقف على هذا الطول.