استفسار عن ايراااان .. للعلاج

[قطريه جدا]

السلام عليكم ورحمة الله وبركاتة

حبيت استفسر عن الاوضاع للسفر لايران .. انا ناوية اسافر لغرض جراحة الانف بعد مالعبو فيني دكاترة قطر وخساير بال 30 الف على الفاضي..

حبيت اسئل شلون الاوضاع اهناك هل هي اماان او لا

للعلم الدكتور في منطقه مشهد .. وايضا انا ماعرف حد من ايران

فاليت تنصحوني شسوي؟؟؟

علما( ان العمليه حلال لان بسبب اخطاء طبيه حسبي الله عليهم )

[السلولي]

السلام عليكم ورحمة الله وبركاتة

حبيت استفسر عن الاوضاع للسفر لايران .. انا ناوية اسافر لغرض جراحة الانف بعد مالعبو فيني دكاترة قطر وخساير بال 30 الف على الفاضي..

حبيت اسئل شلون الاوضاع اهناك هل هي اماان او لا

للعلم الدكتور في منطقه مشهد .. وايضا انا ماعرف حد من ايران

فاليت تنصحوني شسوي؟؟؟

علما( ان العمليه حلال لان بسبب اخطاء طبيه حسبي الله عليهم )





مدام الدكتور في مشهد انا اشهد انها بتكون حلال100%:victory:
ماعندي خبر عن ايران الاعضاء الي لهم تجارب مع هذه البلد بيفيدونج .

[شموخ دائم]

,


,


مرحبا


دوله تعيسه متخلفه ومستشفياتها عفا عليها الزمن
حتى الماي يجيبونه لك وصخ للشرب
:)
رخيصه ووصخه والخيار لك

عندك

تايلند
وعندك
الهند
وعندك
مصر


على فكره لي قريب توفا هناك بسبب زراعه اسنان
الله يرحمه من 6 سنوات
ولين اليوم محد يعرف السبب
ومافي اي رد او توضيح
منهم

وفي ناس عملوا اسنانهم هناك ورجعوا سالمين

لكن الاجهزه عندهم متخلفه والفنادق تعيسه
والحياه كئيبه

:)

,

,


اخوك


شموخ دائم

[قطريه جدا]

شكرا السلولي

شموخ
ادري ان البلد كل شي متاخر والفنادق والنظافه وكل شي لكن مع ذلك ايران الاولى في عمليات التجميل دوليا

والشي الثاني انا متخوفه لانهم مايحبون العرب فاخاف يلعبون فيني .. مع وايد ناس يروحون على حسب ماسمعت
لكن افضل اروح واكون اعرف احد هناك

[روز باريس]

الدولة مانعة القطرين يرحون ايران

[قطريه جدا]

من متى هالكلام ؟؟؟؟

اخبره قديم .,؟ لكن ماسمعت حاليا بمنع

[الخيالة]

بالعكس في مستشفيات راقيه وعلي مستوي عالي في طهران والمدن الكبيرة الثانية نفس مشهد وشيراز بس مادري اذا تقدرين تسافرين اهناك او لا في مستشفيات اي كلام وفي اللي اول ماتدشين جنج داشه فندق مب مستشفي إحنا ودينا ولد اختي كان عمره قريب سنة وسووا له عملية في الرأس عملية خطيره بس غالي والمستشفي كان وايد اوك ونظيف واكثر الاطباء من اللي يداومون ست شهور في ايران وست شهور في امريكا لان عليهم إقبال و بعد رفيجتي ودت ولدها علاج طبيعي في عيادة خاصه والمكان راقي ونظيف وأحسن الدكاترة والحمد الله الياهل الحين يقدر يمشي مع ان قبل ما كان يقدر يوقف او يحرك ريوله مادري عن باقي الناس بس أمانه اللي إحنا رحنا واللي رفيجتي راحت وايد اوك وبالنسبة لاخوي شموخ صح كلامه في مستشفيات اي كلام اللي الناس الفقارا من باقي القري والمدن يجون ومايهتمون لأنهم فقارا بس اللي عنده فلوس يقدر يتعالج في احسن المستشفيات عندهم

[Qatar Angel]

اختي الافضل تروحين لبنان جراحة التجميل عندهم على مستوى

[العقل الحر]

بلد حالته الامنيه خطره

ويكره العرب بشكل كبير

واما من ناحيه الافضل للتجميل على مستوى العالم هي تايلاند

[الخزرجي قطر]

ماانصح حاليا السفر الى ايران وكذلك لبنان رغم انها تشتهر في عمليات التجميل
للأنف ولكن اهل الخليج حاليا تحولوا الى اسطنبول لزراعة شعر الراس وعمليات
التجميل للانف عندهم مستشفيات راقيه جدا ودكاتره على مستوى وبلد امن وكل
الي يحتاجه المسافر للسياحه او العلاج .بالتوفيق ان شاءالله

[قطريه جدا]

عيل شكلي بغير وجهتي بروح كوريا ...

انجل ,, انا ماتكلم على شطاره دكاتره لان في دكاتره بعد في لبنان يهولون في البنات ويبالغون في حت الخشم وانا مابي اغير شكلي
لكن الى الان بعض الوضع الامني خطر ..

ملكه الزهور .. شسم المستشفى بسوي بحث عنه

العقل الحر .. مابي اغامر واروح تايلند .. كوريا الاولى من ناحية التجميل في اسيا

[بوخالد911]

الله يوفق
جربوا بالاردن
تايلند
الهند

[قطرية مثقفة]

جربي الأردن لأني جفت معلمة مسويه تجميل حق انف بنتها وكان الشغل تمام @@ بس لا تسأليني وين لانها كانت معاي العام الماضي وانه غيرت مدرستي@@ سالي اللي عندهم خبرة بالأردن

[مرحوم قطر]

كيفج اختي بس انا ما انصحج تروحين

لان غير ان ينخاف عليج اهناك

ينخاف عليج لين تردين

ترى فيها مشاكل

[قطريه جدا]

خلاص شكلي بصرف النظر عن هالموضوع

وبروح كوريا الجنوبية

والله الموفق
وشكرا على الردود