... هل رجل المرور لا ذمى ولا ضمير .....؟

[البدوي]

... اطالب ان يكون من يحرر المخالفات ايكون قطري ,,,,, وهذا مراعات مصالح العامة
مع احترامي للاجنبي ....

لا تقول ليش .... لان المخالفات اكثرها علي السيارات القطريه والي يلبس الغترة والعقال وسيارتك كشخة انت مستهدف من الشرطي الغير قطري بسبب راتب القطري العالي


.... وقدام عيني مخالفات بالاف من الاجانب محد يخالفهم

لكن خل لقطري بغترة وعقال يخالف يطبق عليه القانون بحذافيرة ولا فيها سماح مهما كان ملفة نظيف من المخالفات ....... تعاقب

بندفع مخالفات دبل بس ايكون محرر المخالفة قطر
لكن اتيبون اجانب حاقدين اتسلمونهم دفتر المخالفات .......... لا ذمة ولا ضمير الا علي لقطري لانه عندة فلوس ...... ايش صاير يا أداره المرور ؟؟؟


اتقوا الله في القطري

[شموخ دائم]

,

,


مرحبا


كل الاحترام والتقدير لرجال الشرطه والمرور

بدون ماحد يزعل السائق ( القطري ) او ( الاجنبي ) يرتكبون مخالفات
اما المراهقين القطريين فهم اكثر مخالفات
من سرعه وتجاوز والوقوف في الممنوع وتسكير الشارع وهم يسولفون
كل هذه الحركات موجوده بكثره وكل يوم نشوفها ( ومايخافون من القانون )
ولايحترمون باقي السيارات او باقي الجنسيات
الله يصلحهم

اما رجال الشرطه فهم يقومون بواجبهم
واذا هناك بعض الحالات الفرديه الي ممكن تكون صادفتها
فليس كافي للحكم على جميع الاجانب

في شغله بسيطه اخوي الكريم
اذا الواحد واقف غلط وجاء رجل المرور ( فليس هناك نقاش ) في القانون
وليس مطلوب من رجل المرور الاستماع للمخالف
هو واقف ممنوع ياخذ مخالفه
مافيها والله كنت مستعجل او مافي موقف
كل هذه المبررات ليس لرجل المرور الاستماع لها
فقط يحرر المخالفه وينتهي الموضوع

اما نقعد نسترجي فيه ونحاول يشيلها هذا لايوجد في القانون
ولو رجل المرور شالها فهو يرتكب خطاء فادح في حق المرور وتعطيل حركه السير
والسماح للمخالف التمادي في هذا الفعل
:)

واذا شفت انه سامح اجنبي بنفس المكان الي خالفك فيه
من حقك تشتكي عليه بكل سهوله
وتاخذه محكمه لو حبيت
بس خذ رقم الدوريه والوقت والشارع


,

,


اخوك


شموخ دائم

[Mohammed2]

احاول اقرى الموضوع بس أخطاء املائيه كثيرة تلعوزت وانا اقراء موضوعك اخوي :rolleyes2:

لكن اللي فهمته ان الشرطي الأجنبي أكثر شي يخالف القطريين

بس السؤال

أحين شلون الشرطي الأجنبي يعرف صاحب السياره اذا كان قطري أو أجنبي اذا كان واقف غلط مثلا؟

اذا صاحب السيارة صاف غلط الشرطي بيجي وبيلصق المخالفه بدون مايدري اذا قطري أو لا

[qatari911]

الشرطي قطري كان او اجنبي يقوم بواجبه
لانه مش من المنطق تتسجل عليك مخالفة وانت ماخالفت
انا اتجاوز بعض المرات للاسباب ومرات اطيح بشرطي ياجنبي او قطري الاثنين فيهم الخير
بس وشرايك ان مره كنت على شارع الكورنيش وكنت ابي اسمع المسجل تخيل لما شغلتها كان من الاساس الصوت عالي وقصرت بسرعه وفيه دوريه في جنبي
الا يوقفني الي يسوق يتهدد علي والعبري الي معه يهديه
بالاخير وقفني على جنب وتم يتكلم وانا وانا ومادري ايش
المهم قلت له الله يجزاك خير انا مخالف صح قال لي صح قلتله عطني المخالفه وخلني اروح
الا يرد وقال انا بحجز السياره ((كل هذا لاني ماجلست ارد عليه واستفزه)
لو مو رفيقه الي كان يهدي فيه وعلشانه كان احجز سيارتي
وللعلم هذا وهو شرطي قطري
فأنا اقول كلهم سواسيه فيه الزين وفيه الشين
وجهة نظري
اتمنى تتقبلها بسعة صدر

[البدوي]

احاول اقرى الموضوع بس أخطاء املائيه كثيرة تلعوزت وانا اقراء موضوعك اخوي :rolleyes2:

لكن اللي فهمته ان الشرطي الأجنبي أكثر شي يخالف القطريين

بس السؤال

أحين شلون الشرطي الأجنبي يعرف صاحب السياره اذا كان قطري أو أجنبي اذا كان واقف غلط مثلا؟

اذا صاحب السيارة صاف غلط الشرطي بيجي وبيلصق المخالفه بدون مايدري اذا قطري أو لا

اهم شي انت تفهم .... وهذي اكبر نعمة .... وبعدين اتحاول تقرا الي بين السطور

كلامي واضح .....

[البدوي]

,

,


مرحبا


كل الاحترام والتقدير لرجال الشرطه والمرور

بدون ماحد يزعل السائق ( القطري ) او ( الاجنبي ) يرتكبون مخالفات
اما المراهقين القطريين فهم اكثر مخالفات
من سرعه وتجاوز والوقوف في الممنوع وتسكير الشارع وهم يسولفون
كل هذه الحركات موجوده بكثره وكل يوم نشوفها ( ومايخافون من القانون )
ولايحترمون باقي السيارات او باقي الجنسيات
الله يصلحهم

اما رجال الشرطه فهم يقومون بواجبهم
واذا هناك بعض الحالات الفرديه الي ممكن تكون صادفتها
فليس كافي للحكم على جميع الاجانب

في شغله بسيطه اخوي الكريم
اذا الواحد واقف غلط وجاء رجل المرور ( فليس هناك نقاش ) في القانون
وليس مطلوب من رجل المرور الاستماع للمخالف
هو واقف ممنوع ياخذ مخالفه
مافيها والله كنت مستعجل او مافي موقف
كل هذه المبررات ليس لرجل المرور الاستماع لها
فقط يحرر المخالفه وينتهي الموضوع

اما نقعد نسترجي فيه ونحاول يشيلها هذا لايوجد في القانون
ولو رجل المرور شالها فهو يرتكب خطاء فادح في حق المرور وتعطيل حركه السير
والسماح للمخالف التمادي في هذا الفعل
:)

واذا شفت انه سامح اجنبي بنفس المكان الي خالفك فيه
من حقك تشتكي عليه بكل سهوله
وتاخذه محكمه لو حبيت
بس خذ رقم الدوريه والوقت والشارع


,

,


اخوك


شموخ دائم


...... كلام سليم اخوى القطري لازم يدفع وابن القطري مخالف ,,,, وجيب القطري يستنزف .... بصراحة شوي واتقولي ,,, دورلك بلد غير قطر ... عشان نخليها لكم

[جنيه ذهب]

الله يعطيهم العافية رجال المرور وايد متساهلين ويا الشباب لو كل رجل مرور خالف وطبق القانون بحذافيره صدقوني معظم شبابنه بيفلس من اول الشهر .

قولوا الحمد الله ان شرطة المرور متساهلين ويانا والله شرطة اللخويا ما ينمزح وياهم ابسط مخالفة اصفط انزل الموتر على الحجز من غير نقاش

[بوليد]

صف النيا اخوي
ماتوقع مثل هالاشياء موجودة بقطر

[البدوي]

الشرطي قطري كان او اجنبي يقوم بواجبه
لانه مش من المنطق تتسجل عليك مخالفة وانت ماخالفت
انا اتجاوز بعض المرات للاسباب ومرات اطيح بشرطي ياجنبي او قطري الاثنين فيهم الخير
بس وشرايك ان مره كنت على شارع الكورنيش وكنت ابي اسمع المسجل تخيل لما شغلتها كان من الاساس الصوت عالي وقصرت بسرعه وفيه دوريه في جنبي
الا يوقفني الي يسوق يتهدد علي والعبري الي معه يهديه
بالاخير وقفني على جنب وتم يتكلم وانا وانا ومادري ايش
المهم قلت له الله يجزاك خير انا مخالف صح قال لي صح قلتله عطني المخالفه وخلني اروح
الا يرد وقال انا بحجز السياره ((كل هذا لاني ماجلست ارد عليه واستفزه)
لو مو رفيقه الي كان يهدي فيه وعلشانه كان احجز سيارتي
وللعلم هذا وهو شرطي قطري
فأنا اقول كلهم سواسيه فيه الزين وفيه الشين
وجهة نظري
اتمنى تتقبلها بسعة صدر
تخالفت ؟؟؟؟؟؟؟؟؟؟؟؟؟؟؟؟ ابي اعرف عطاك مخالفة ؟؟؟؟؟انت مخالف ولا عطاك مخالفه لان فيه شي اسمة رحمة .... وانا عارف 500 و1000 مب مبلغ ولا يأثر في ميزانيتي شي

بس احنا بخير وبلدنا بخير وعيال بلدنا فيهم الخير

[البدوي]

الله يعطيهم العافية رجال المرور وايد متساهلين ويا الشباب لو كل رجل مرور خالف وطبق القانون بحذافيره صدقوني معظم شبابنه بيفلس من اول الشهر .

قولوا الحمد الله ان شرطة المرور متساهلين ويانا والله شرطة اللخويا ما ينمزح وياهم ابسط مخالفة اصفط انزل الموتر على الحجز من غير نقاش

انا اقول فيهم الخير ....

[البدوي]

صف النيا اخوي
ماتوقع مثل هالاشياء موجودة بقطر


خل المرور ايسون احصائيات للمخالفات ..... كم نسبة المخالفات القطرين من دفاتر المخالفات الغير قطرين

[شيخ الديرة]

والله يستحقون كل الشكر والأحترام, بس وقفتهم تحت الشمس بهذا الحر تدعو السائق أن يحترم قوانينهم

[أم نواري1]

المثل يقول امش صح يحتار فيك عدوك
فمابالك لو شرطي ويقوم بواجبه
عليك من نفسك تشوف إنك خالفت إذن تستحق المخالفه
أما كونك تشكك في الشرطي الأجنبي وتقول إنه يخالف بس القطريين
أو نسبة مخالفته للقطريين أكثر فهذا اشتك عليه إذا عندك إثباتات وأدله
وبالأخير هذا شي راجع لضميره وبيتحاسب عليه
المهم أنت التزم بالقانون ولا تخالف وارتاح من عوار الراس.!

[اللوز]

نعم الشرطي الاجنبي
هو الذي يخالف

[khalid Qtr]

لا تخالف ولا تخاف ..!

بالنسبة لموضوعك اخوي العزيز ..

رجل الشرطة حسب علمي محلف وبالتالي يعمل بذمة وضمير ، وان خالف الأنظمة فحسابه عند الله
، أنا ما اقولك انهم ملائكة لا يخطئون ، ولكن عشان ما نحط في ذمتنا شي نقول انهم يعملون بذمة وضمير والخطأ غير مقصود ، ولا تنسى أن رجال الشرطة متسامحين في كثير من الامور ، اكثر من مرة امر من قدامهم مب رابط الحزام ما يخالفوني ولا يقولون شي ، بس احيانا يأشر لي اربط الحزام ، واذكر قبل فترة الله سترني كنت بدعم شرطي في الدوار ، الرجال وقفني على جنب لمدة دقيقة وعاتبني بكلام طيب ما فيه زعل او عصبية ، قلت له الصراحة انا غلطان ومن حقك تخالفني ، قالي تفضل ليسنك وتوكل على الله

انا بصراحة احيي رجال المرور واقدر عملهم اللي يقومون فيه ، مع احترامي الشديد لرأيك وان كنت اختلف معه

تحياتي لك ..

[BoFahed]

نعم الشرطي الاجنبي
هو الذي يخالف

متغرب ويبي يثبت نفسه بانه يشتغل علشان ما يطيرونه وهذا حال الاجانب عموما ولكن البعض يتمادا اذا امن العقوبة وفيه حالات عنصرية وحقد بس شاذه علا اصابع اليد ومن القطرييين بعد يشوف ليسنك وعلا حسب اسم العايلة يمشيك ولا يخالفك


واحد من الربع دعمه عربي سكران وجات الدورية وطلع في الدورية عربي بعد ولا حوله ل التحقيق لانه فيها جنايه ومحكمه وتسفير ولما كلمه رفيجي قاله الشرطي هو الغلطان وانته بتصلح سيارتك علا التامين شتبي بعد ؟ ؟؟؟؟

[البدوي]

متغرب ويبي يثبت نفسه بانه يشتغل علشان ما يطيرونه وهذا حال الاجانب عموما ولكن البعض يتمادا اذا امن العقوبة وفيه حالات عنصرية وحقد بس شاذه علا اصابع اليد ومن القطرييين بعد يشوف ليسنك وعلا حسب اسم العايلة يمشيك ولا يخالفك


واحد من الربع دعمه عربي سكران وجات الدورية وطلع في الدورية عربي بعد ولا حوله ل التحقيق لانه فيها جنايه ومحكمه وتسفير ولما كلمه رفيجي قاله الشرطي هو الغلطان وانته بتصلح سيارتك علا التامين شتبي بعد ؟ ؟؟؟؟

.... لو قطري الي داعم ... كان صار كلام ثاني

[qatari911]

تخالفت ؟؟؟؟؟؟؟؟؟؟؟؟؟؟؟؟ ابي اعرف عطاك مخالفة ؟؟؟؟؟انت مخالف ولا عطاك مخالفه لان فيه شي اسمة رحمة .... وانا عارف 500 و1000 مب مبلغ ولا يأثر في ميزانيتي شي

بس احنا بخير وبلدنا بخير وعيال بلدنا فيهم الخير

ايه خالفني :weeping:
وفعلا ما تأثر على ميزانيتي
بس المقصد
انه قطري يعني مش اجنبي
مع ذلك اصابع يدك ماهي سوى:victory:

[q1989]

انا عندي مداخله بسيطه يا اخوي بعض النظر عن جنسيه الشرطي بس في فرق واضح في التعامل مع القطريين و الاجانب

على سبيل المثال ستاندر شايل الشوته = الحجز سيده
اما فلبيني عنده هوندا و مركب فلتر و دبه عااااااادي محد يكلمه جنه فمانيلا


لييييييش !!!!؟

[البدوي]

ايه خالفني :weeping:
وفعلا ما تأثر على ميزانيتي
بس المقصد
انه قطري يعني مش اجنبي
مع ذلك اصابع يدك ماهي سوى:victory:

وايد الي يتكلمون باللهجة القطرية .ويلبسون مثل القطري....... ومشوهين سمعت القطري

[Class - Qtr]

السلام عليكم

الحمد الله نحاول قدر مانقدر الالتزام على الطريق لان هالشي مطلوب الموضوع

احترام الناس قبل احترام نفسنا وهذي ثقافه جيدة المفروض تصل للناس

بس انا مستغرب من مخالفتي عندي مخالفه وحدة فقط والحمد الله

رادار / سرعه الشارع 80 / انا كنت امشي 100 / المخالفه ليش 600 !!

الحمد الله السنه الحاليه مخالفه وحدة رادار والعام مخالفه فقط حزام

يعني كل سنه مخالفه وحدة شي مقبول عندي

:)

[qatari911]

وايد الي يتكلمون باللهجة القطرية .ويلبسون مثل القطري....... ومشوهين سمعت القطري

مادري انت تقصد الشرطي والا انا:weeping:
مع ذلك اقولك الشرطي قبيلي
على العموم الله يسامحه وين ماكان
فلا نقعد نبرر اخطاء هم الي يرتكبونها
يعني قطري او غير قطري عند الله سواسيه

[Al-Kuwari]

امش عدل يحتار عدوك فيك


خلك متقيد بالنظام وحزتها لا قطري ولا اجنبي كفو يخالفك

[بومحمد المطاوعه]

بارك الله فيك ياخوي ع الموضوع الطيب

اخبر في شرطي من الجنسيات العربيه

دوم متواجد في سوق الجبر

ويخالف بصمت ولا يتكلم ولا كلمه وحده

الي مخالف يخالفه
والي مايربط الحزام يخالفه

واذا كنت غلطان وودك تتكلم وتقوله كنت احمل اغراض وانا مسبب عرقله سير

مايرد عليك بحرف واحد

يخالف ويمشي


الله اعلم شنو حالته النفسيه

يمكن فيه شي ولا شي

بس اذا ماخالفت وخالفني مب احسن له

اما اذا كنت مخالف انا استحق المخالفه واذا تغافل عني

فهذا جزاه الله خير

اما في الحق استاهل اذا كنت مخالف
اما اذا كنت غير مخالف محد يقدر يخالفني ومستعد اوصلها للمحاكم اذا مظلوم فيها


تحياتي لك ياخوي وبارك الله فيك

[Anas_G]

اخوي عاد انا اشوف العكس اشوف الشرطي القطري يتهاون مع القطرين اكثر من الاجانب ليش الحساسية يعني اذا انت مخالف خلاص ليش تدور يمين ويسار وما ادري من وربعه اذا انت تخالفت والاجنبي الي وراك تخالف بترتاح يعني ؟؟

ونقطة اخرى الشرطي الاجنبي صلاحياته محدودة ومايترقى يعني لو تم 20 سنة بتم شرطي ولاتنسى ان رواتبهم ضعيفة وحالتهم حالة يمكن يخاف يتساهل يمكن يخاف على رزقة وعنده اولاد .. ولاتنسى انهم محاسبين وانهم عسكرين يعني مايقدر يلعب على كيفه حتى مرة كان في شرطي قطري في سوق واقف ويبي يخالفني على مخالفة ممنوع الوقوف كلمته واعتذرت منه قالي يالغالي انا موظف انا مأمور ولو مر الضابط وشاف موترك وبعد شوي سالني اذا خالفته او لا راح اتوهق وفيها مسائله وراح اجيب الكلام والمشاكل لنفسي فتهمت وضعه وخذت المخالفة وانا ساكت .. والله يعطيهم العافية كلهم على مجهودهم وتعبهم ووقفتهم في الشمس ودوامهم المتعب والي مافيه راحة ولاتنسى ان يمر عليه يوميا الف مخالفة ما يقدر يمشي الكل ويتساهل مع الكل

[bos3eed]

الله يكفيك شر المخالفات سواء من شرطي قطري او اجنبي

[نيساني]

انا عندي مداخله بسيطه يا اخوي بعض النظر عن جنسيه الشرطي بس في فرق واضح في التعامل مع القطريين و الاجانب

على سبيل المثال ستاندر شايل الشوته = الحجز سيده
اما فلبيني عنده هوندا و مركب فلتر و دبه عااااااادي محد يكلمه جنه فمانيلا


لييييييش !!!!؟


الفلبيني ماراح يدوس الريس حده ويسوي ازعاج وووو مثلنا الصراحه زينه وانا خوك:shy:

حده تمشايه في الكورنيش ورابط الحزام بعد!!!

[MAZEN37]

موضوع فريد من نوعه صراحه
طيب انت شلون قدرت تطلع بهذا الاستنتاج الفذ
عندك احصائيه رسميه ؟؟ او وجهة نظر ؟؟
طيب ممكن اقول العكس انه الشرطي القطري هو الي يخالف الاجانب والسيارات التعبانه والعمال ويستقوي عليهم لانهم ضعفاء
شلون بيصير النقاش الحين ؟؟
وبقول مثلك بنهاية موضوعك
اتقوا الله في الاجنبي

[فرهود]

اخوي مافهمت المطلوب :

انت مثلا تبي تخالف ومحد يعطيك مخالفه؟

او تبي الشرطي الاجنبي مايطبق القانون على المخالفين؟

او تبي الشرطي لقطري يكون ملتزم ويأدي واجبه صح مثل الاجنبي بدون مجاملات ؟

او تبي الشرطي لقطري يصير مثل الاجنبي مايجامل حد ويخالف اي غلطان حتى لو كان اخوه ؟

او تبي السايق لقطري يكون قدوه لغيره ولو خالف يعترف بغلطته ويتقبل المخالفه بروح طيبه؟

او تبي الشرطي الاجنبي يهمل ويخالف القسم وواجباته ويطنش للمخالفين ويخليهم على راحتهم ؟

؟؟؟؟؟؟؟؟؟؟؟؟؟؟؟؟

[النهار]

الموضوع من الاساس ماله داعي
القطري او غير القطري طالما لبس للبس العسكري هو يمثل الدوله وشعارها
امأن الاجنبي يخالف لوشاف قطري بدون سبب هذالكلام مردود لك
بدل مانت قاعد تشوه صورت رجل الشرطه امام الناس وعلانيه
ممكن تروح مكتب المرور وتسجل بلاغ في الشخص الي انت شاكك فيه والحاله الفرديه لاتعمم على الجميع

[نورهان88]

بعض القطريين يصف سيارته فوق الرصيف
وينزل يتمخطر ولا هامة ،،، أو يوقف في البارك غلط نصف السيارة
بالبارك والنصف الأخر على الشارع وين أنت صاف شارع أبوك
أنت صاف غلط مش مدحة منك تخالف القانون
للزوم تكون قدوة للأخرين الغرباء في البلد ،،، والله شفت هذه المناظر أمام
عيني ,,
مره قطري وقف في الشارع في السد وترك السيارة شغالة ونزل للمصرف للبريطاني
سابقاً وشوي إلا جاءت شرطية وصفت ونزلت تبغي تلزق المخالفة صرخ عليها
وهددها لو تنزل المخالفة في المرور ما يحصل لج طيب وركبت السيارة والله أعلم
بعد ذلك ،، حدث أمام عيني أنا والوالدة ،،،

مأ دري القانون على ناس وناس ولا إيه

على كل فرد أي أن كان احترام القانون والطريق




:nice:
دمتتتتتتتتتتتتتتتتم بود

[البدوي]

موضوع فريد من نوعه صراحه
طيب انت شلون قدرت تطلع بهذا الاستنتاج الفذ
عندك احصائيه رسميه ؟؟ او وجهة نظر ؟؟
طيب ممكن اقول العكس انه الشرطي القطري هو الي يخالف الاجانب والسيارات التعبانه والعمال ويستقوي عليهم لانهم ضعفاء
شلون بيصير النقاش الحين ؟؟
وبقول مثلك بنهاية موضوعك
اتقوا الله في الاجنبي

مازن الكلام للي يفهون.... وخلك انت فريد من نوعك ....... الظاهر انت الفئة الي اتكلم عنهم

[البدوي]

بعض القطريين يصف سيارته فوق الرصيف
وينزل يتمخطر ولا هامة ،،، أو يوقف في البارك غلط نصف السيارة
بالبارك والنصف الأخر على الشارع وين أنت صاف شارع أبوك
أنت صاف غلط مش مدحة منك تخالف القانون
للزوم تكون قدوة للأخرين الغرباء في البلد ،،، والله شفت هذه المناظر أمام
عيني ,,
مره قطري وقف في الشارع في السد وترك السيارة شغالة ونزل للمصرف للبريطاني
سابقاً وشوي إلا جاءت شرطية وصفت ونزلت تبغي تلزق المخالفة صرخ عليها
وهددها لو تنزل المخالفة في المرور ما يحصل لج طيب وركبت السيارة والله أعلم
بعد ذلك ،، حدث أمام عيني أنا والوالدة ،،،

مأ دري القانون على ناس وناس ولا إيه

على كل فرد أي أن كان احترام القانون والطريق




:nice:
دمتتتتتتتتتتتتتتتتم بود

ولا اية ..........

[قطريه22]

طيب الي يخالف يستاهل مخالفه
القوانين واضحه للجميع معقوله بيتسبب ويتبلى ؟؟

اذا هالشي موجود فالله يعينكم

[MAZEN37]

مازن الكلام للي يفهون.... وخلك انت فريد من نوعك ....... الظاهر انت الفئة الي اتكلم عنهم
في معهد يعطي دورات بالكتابه لليفهون مثلك وانا حبيت اوضح العنصريه الي انت فيها وانت قاعد تشكك بمصداقية رجال الدوله علانيه

[أم محمد 90]

باختصار وبكل صراحة


رجل المروري القطري ان شاف اجنبي او شاف قطري راكب موتر كششششخة يوقف ويخالف ويطلع سالفة غصب ..


رجل المرور الاجنبي حاط عينه ع القطري سواء كاشخ او غيره



بصراحة رجال المرور اللي فالسد والنصر وقحين بدرجة لا تنوصف صراحة


اخبر مرة كنت واقفة عند محل عبايات جاني شرطي المرور وقفني يقول المخفي ثقيل

قلت له نعم؟ هاي عازل مب مخفي وفالليل يبين ثقيل لان تلبيسة سيارتي غامقة
قال لا والله يبين ثقيل انا ولا يبين اذا الي يسوق رجال ولا مرة

قلت له هاي المطلوب انا مابي حد يدري ان اللي تسوق السيارة حرمة
وبعدين انا حرمة حتى لو مخفيي ثقيل استر لي

قام خذ ليسني واستمارتي وتم يطالللع فيهم عقب طل ف سيارتي داخل شاف قطاوتي

قام عطاني نظرة حقيرة وخاااايسة مع ضحكة استهزائية
وقال المرة الجاية ان شفتج بنفس العازل بحجز السيارة

قلت له هههههه ان شاء الله يصير خير ممكن امشي قال تفضلي


والله مو محترمين نهااااااااائيا

[رذاذ]

لا تبوق ولا تخاف ..

سواء قطري وغير قطر القانون واحد ومطبق ورجل المرور قطري او غير قطري محلف ومسائل يوم القيامة ..

وبالعكس انا كثير من الاجانب ويلبسون غتر وعقل ولا يخالفون ومواترهم كروزرات ونياسين وسبورت ..


الى يخالف لا يشتكي عن مخالفات سواها بنفسه سواء خالفك قطري او غيره

[تحداني]

صباح الخير على الجميع

في كل قطاع عمل الا في ناس ما عندهم ذمه وضمير
لكن الانسان كيف يكون شاطر في كشف ذممهم الوسيعه .. وان طاح في فخ ضميرهم الميت
ما يملك الا يقول حسبي الله ونعم الوكيل " هاذي تهز جبال الرحمن "


حلو الانسان يكون ابداخله يقين ان حقه ضاع في الدنيا
في حسابات رب العالمين محفوظ

جملكم الله برضاه

[$ طلال $]

قطري اجنبي كله واحد التزم بقوانين المرور محد يخالفك لا تبوق ولا تخاف

[خليفـة]

بختصر ردي بجملتين :

هناك قطريين لا ذمة ولا ضمير .. وهناك من هو راعي ذمة .
وهناك أجانب لا ذمة ولا ضمير .. وهناك من هو راعي ذمة .

انتهى

خليفــة

[Anas_G]

باختصار وبكل صراحة


رجل المروري القطري ان شاف اجنبي او شاف قطري راكب موتر كششششخة يوقف ويخالف ويطلع سالفة غصب ..


رجل المرور الاجنبي حاط عينه ع القطري سواء كاشخ او غيره



بصراحة رجال المرور اللي فالسد والنصر وقحين بدرجة لا تنوصف صراحة


اخبر مرة كنت واقفة عند محل عبايات جاني شرطي المرور وقفني يقول المخفي ثقيل

قلت له نعم؟ هاي عازل مب مخفي وفالليل يبين ثقيل لان تلبيسة سيارتي غامقة
قال لا والله يبين ثقيل انا ولا يبين اذا الي يسوق رجال ولا مرة

قلت له هاي المطلوب انا مابي حد يدري ان اللي تسوق السيارة حرمة
وبعدين انا حرمة حتى لو مخفيي ثقيل استر لي

قام خذ ليسني واستمارتي وتم يطالللع فيهم عقب طل ف سيارتي داخل شاف قطاوتي

قام عطاني نظرة حقيرة وخاااايسة مع ضحكة استهزائية
وقال المرة الجاية ان شفتج بنفس العازل بحجز السيارة

قلت له هههههه ان شاء الله يصير خير ممكن امشي قال تفضلي


والله مو محترمين نهااااااااائيا


يعني كل هالكلام وفالاخر الشرطي مشى الموضوع وما اعطاج مخالفة !!

يعني لو سحب الموتر نفس وايد ناس تسحبت مواترها على العازل ايش بكون ردج ؟

[.. الكاش ..]

اذا كل واحد فينا التزم بالقانون مارح نشوف مخالفين وراح نشتكي لانه احترمنا قانون البلاد فرجال المرور يقومون بواجباتهم لحمايه البلد من المستهترين واذا احنا غلطنا انقول المرور ظالمينا في المخالفات

[أبو~يوسف]

التهمة عنصرية والموضوع سخيف
أطالب المشرفين بحذفه أو إغلاقه .

[تحداني]

انا احترم " عمي الشرطي "
احس وظيفه تفرض نفسها في التقدير .. واخطائهم احاول القى لها مبررات
ما اعرف ليش يمكن لاني اخاف منهم من صغري وكانوا يخرعونه فيهم
للحين اخاف منهم اشوي


لا تاخذون ابخاطركم منهم
هم يحاولون ينشرون ثقافه احترام الطريق والمرور


جملك الله برضاه

[حسن]

والله الصراحه انا اشوفهم حلوين وطيبين
وكم مره اكلمهم بالزين وعادي يسامح

الكلمه الطيبه تجيب نتيجه

[al_maystro]

ليش الاداره تاركه الموضوع السخيف هذا لو الموضوع تكلم عن الشرطي القطري كانت علوم غير
حذف الموضوع وكاتبه

[معماري قطري]

اخوي مافهمت المطلوب :

انت مثلا تبي تخالف ومحد يعطيك مخالفه؟

او تبي الشرطي الاجنبي مايطبق القانون على المخالفين؟

او تبي الشرطي لقطري يكون ملتزم ويأدي واجبه صح مثل الاجنبي بدون مجاملات ؟

او تبي الشرطي لقطري يصير مثل الاجنبي مايجامل حد ويخالف اي غلطان حتى لو كان اخوه ؟

او تبي السايق لقطري يكون قدوه لغيره ولو خالف يعترف بغلطته ويتقبل المخالفه بروح طيبه؟

او تبي الشرطي الاجنبي يهمل ويخالف القسم وواجباته ويطنش للمخالفين ويخليهم على راحتهم ؟

؟؟؟؟؟؟؟؟؟؟؟؟؟؟؟؟

آضم صوتي لصوتك أخ فرهود في هذي التساؤلات

وأزيد عليها اليوم في طريقي للدوام شفت 3 قطريين مخالفين وكلهم دخول أول السيد من اليمين، والغريب إن في تقاطع سالمين السويدي وفي الإتجاه اللي رايح جنوب وكنت رايح شرق في إتجاه تقاطع السد كانت سيارة موقفة ومسكره المسار أقصى اليمين وكان ممكن تتحرك شوي جدام، وللأسف دققت في السائق طلع حرمه منقبه.

ناقص نسمع البعض يطالب بعدم منح القطريين مخالفات لأن يحق لهم يخالفون!

[معماري قطري]

في معهد يعطي دورات بالكتابه لليفهون مثلك وانا حبيت اوضح العنصريه الي انت فيها وانت قاعد تشكك بمصداقية رجال الدوله علانيه

:nice:

[معماري قطري]

باختصار وبكل صراحة


رجل المروري القطري ان شاف اجنبي او شاف قطري راكب موتر كششششخة يوقف ويخالف ويطلع سالفة غصب ..


رجل المرور الاجنبي حاط عينه ع القطري سواء كاشخ او غيره



بصراحة رجال المرور اللي فالسد والنصر وقحين بدرجة لا تنوصف صراحة


اخبر مرة كنت واقفة عند محل عبايات جاني شرطي المرور وقفني يقول المخفي ثقيل

قلت له نعم؟ هاي عازل مب مخفي وفالليل يبين ثقيل لان تلبيسة سيارتي غامقة
قال لا والله يبين ثقيل انا ولا يبين اذا الي يسوق رجال ولا مرة

قلت له هاي المطلوب انا مابي حد يدري ان اللي تسوق السيارة حرمة
وبعدين انا حرمة حتى لو مخفيي ثقيل استر لي

قام خذ ليسني واستمارتي وتم يطالللع فيهم عقب طل ف سيارتي داخل شاف قطاوتي

قام عطاني نظرة حقيرة وخاااايسة مع ضحكة استهزائية
وقال المرة الجاية ان شفتج بنفس العازل بحجز السيارة

قلت له هههههه ان شاء الله يصير خير ممكن امشي قال تفضلي


والله مو محترمين نهااااااااائيا

وإنتي مربيه قطاوه في سيارتج؟

انا من اطلع احصل كم قطو في الحوش أدوس منهم 2 أو 3 ويتكاثرون بعد.

[Aaziz]

الشرطي ان خالف فهو ادى واجبه بدون شك .

و ان كان هذا الاتهام صحيح فهو يعتبر تقصير من قبل رجل الشرطه و سهل جدا يكتشفون ادارة المرور صحة هذا الادعاء بعمل جرد على المخالفات المحرره من قبل رجل المرور و فرزها حسب جنسية الشخص الذي وجهت له المخالفه .

[R 7 A L]

اتمنى يتطبق قانون مرور امريكا علينا بس شهر
على شأن نشوف هالمستهترين وش بيسوون


اذا كان فيه انتقاد على المرور عندنا
هو على تساهلهم


نتمنى نشوف قانون حازم
مافيه لا استثناء ولا معرفه

[Aaziz]

اتمنى يتطبق قانون مرور امريكا علينا بس شهر
على شأن نشوف هالمستهترين وش بيسوون
اذا كان فيه انتقاد على المرور عندنا
هو على تساهلهم
نتمنى نشوف قانون حازم
مافيه لا استثناء ولا معرفه

اخوي رحال ،، عشان نكون اكثر دقه و ايصال للمعنى
القانون في امريكا نفس القانون في قطر (لكل دوله قانونها المتناسب معها) المطلوب هو اليه تطبيق القانون في امريكا ليست موجوده عندنا وهذا هو بيت القصيد .

رجل المرور في امريكا له هيبة شكلا و شخصية و تعامل ،، رجل المرور عندنا يا انه شخص مكروه من السائقين يا انه (و اسمحولي على هذا التعبير) يا انه شخص متلطش .

عندنا رجل المرور لا يتعامل مع وظيفته بجدية (مصدر رزق) لو رجل المرور ملو هدومة كان غير كثير في الشارع و في طريقه قيادتنا لسياراتنا و التزامنا بلوائح القانون .
ابدا ابدا المخالفات ليست هي الحل الوحيد بل هي من وجهة نظري لا تشكل على افضل تقدير اكثر من 30% كرادع .

بذكر قصة وليست هي خلاصه ما اعنيه في مشاركتي بل هي جزء منها .

في مدينتي في امريكا يوجد شارع مزدحم وقت بدايه و نهاية الدوامات .
قامت سيده بركوب الرصيف المخصص للمشاه بعض ان غضبت من الازدحام على الاشارات ،، صدفه كانت الشرطه موجوده و اوقفت هذه السيده وهي مخالفه كبيره حسب القانون و غرامتها كبيره . بالصدفه ايضا و اثناء مخالفه هذه السيده مر باص طلبه مدرسة ،، نزلو من الباص للشرطي و قالو له ان هذه السيده ليست هي المره الاولى التي ترتكب فيها هذي المخالفه بشهادتهم جميعا و سائق الباص .
الشرطي قرر تحويل السيده للقضاء و النتيجه حكم عليها بحمل لوحه مكتوب عليها انا سائقه سيئة لمده 3 ايام في وقت خروج الموظفين من دواماتهم وكانت هذه الحادثه خبر في نشره اخبار القناه المحلية.

سؤال بريء : ماهو اثر هذه المخالفه على هذه السيده و ماهي رده فهل كل سائق يشاهد هذه السائقة وهي تحمل اللوحه عند اشاره المرور ؟
سؤال غير بريء: لو تطرح هذه الفكره على المسؤولين الكبار في المرور ماهي ردة فعلهم ؟
الجواب حسب توقعي : طالع ! وين عايش انت !

[معماري قطري]

لو عندنا يا عزيز ما همهم سواقين كثيرين عندنا يتشرفون بحمل هذي اللافتة ولا بمهتمين.

في أمريكا نظام وقانون ونظام إجتماعي بيخلي هذي السيدة نكته وبيخليها محرجة للغاية وبيخليها تتأدب من هذي العملية، وفي بعض المدن والولايات مؤكد كانت بتتكلبش وبتنحط في السياره ورا وبتروح في قضية.

[R 7 A L]

اخوي رحال ،، عشان نكون اكثر دقه و ايصال للمعنى
القانون في امريكا نفس القانون في قطر (لكل دوله قانونها المتناسب معها) المطلوب هو اليه تطبيق القانون في امريكا ليست موجوده عندنا وهذا هو بيت القصيد .

رجل المرور في امريكا له هيبة شكلا و شخصية و تعامل ،، رجل المرور عندنا يا انه شخص مكروه من السائقين يا انه (و اسمحولي على هذا التعبير) يا انه شخص متلطش .

عندنا رجل المرور لا يتعامل مع وظيفته بجدية (مصدر رزق) لو رجل المرور ملو هدومة كان غير كثير في الشارع و في طريقه قيادتنا لسياراتنا و التزامنا بلوائح القانون .
ابدا ابدا المخالفات ليست هي الحل الوحيد بل هي من وجهة نظري لا تشكل على افضل تقدير اكثر من 30% كرادع .

بذكر قصة وليست هي خلاصه ما اعنيه في مشاركتي بل هي جزء منها .

في مدينتي في امريكا يوجد شارع مزدحم وقت بدايه و نهاية الدوامات .
قامت سيده بركوب الرصيف المخصص للمشاه بعض ان غضبت من الازدحام على الاشارات ،، صدفه كانت الشرطه موجوده و اوقفت هذه السيده وهي مخالفه كبيره حسب القانون و غرامتها كبيره . بالصدفه ايضا و اثناء مخالفه هذه السيده مر باص طلبه مدرسة ،، نزلو من الباص للشرطي و قالو له ان هذه السيده ليست هي المره الاولى التي ترتكب فيها هذي المخالفه بشهادتهم جميعا و سائق الباص .
الشرطي قرر تحويل السيده للقضاء و النتيجه حكم عليها بحمل لوحه مكتوب عليها انا سائقه سيئة لمده 3 ايام في وقت خروج الموظفين من دواماتهم وكانت هذه الحادثه خبر في نشره اخبار القناه المحلية.

سؤال بريء : ماهو اثر هذه المخالفه على هذه السيده و ماهي رده فهل كل سائق يشاهد هذه السائقة وهي تحمل اللوحه عند اشاره المرور ؟
سؤال غير بريء: لو تطرح هذه الفكره على المسؤولين الكبار في المرور ماهي ردة فعلهم ؟
الجواب حسب توقعي : طالع ! وين عايش انت !


لو ربع مايُطبق في امريكا عندنا
كان الناس احشمت انفسها من الاستهتار

[السحابة]

والله في ناس بدون ضمير وعن تجربه زوجي سهران في بيت الاهل من الساعه العاشره الي الساعه والواحده ونصف صباحا في الدفنه واثناء السير وقفت السياره مابين دوار الدفنه لدوار نادي قطر اتصل علي السايق وصف السياره علي اليمين وفي الصباح كان يوم جمعه أخذو السياره للجراج وعقب يومين جاء من مطراش رساله مخالفه وقوف السياره الساعه الحاديه عشر وزوجي طلب تحويلها للمحكمه للحلفان وفي بيت اهله كميرات في الحوش بس اهو مومحتاج انه يثبت بالكاميرا يكفي انه يحلف ان السياره ماكانت متواجده في هذا الوقت والشرطي بيحلف والغرامه موكتير يمكن 500 بس ليش الافتراء اين الضمير

[hasss1969]

احترت في تحليل موضوعك،،هل هو تنفيس عن غضبك من الأجانب،أم انت كثير المخالفة لذلك كتبته،ومن ثم أخي العزيز عندما تريد أن تكتب أي شيء سوف يقرأه الناس يجب أن تكون متمكن من اللغة والإملاء حتى يعرف من يقرأ مشاركتك انك إنسان متعلم وواعي ،،،
أرجو تقبل رأيي بصدر رحب،،،

[ريتويت]

موضوعك شوي غريب ..