شركة وقود : اعتقد ان المسألة مصخت!

[سعادة الوزير]

السلام عليكم ورحمة الله

قبل شهر تقريبا ، قررت اني اشتري سلندر غاز جديد (شفاف) للمطبخ الداخلي بعد ماكنت استخدم فرن كهرباء ، المهم رحت لمحطة وقود القريبة مني الا اتفاجأ بعدم توفر السلندرات ، قلت مب مشكلة هذا نصيبي ، رحت لمحطة ثانية نفس الشي ، المحطة الثالثة قال لي الفلبيني ان فيه أوامر بعدم بيع السلندرات!! ، قلت له ليش قال مادري ، وبعد الحاح وبالقوة عطاني رقم احد المسؤولين ، لما كلمته قال لي فعلا احنا صار لنا شهر موقفين البيع ، ولما قلت له ان الموضوع ضروري وهام بالنسبة لجميع البيوت ، قال لي عطني الفلبيني اكلمة وببيع لك ، طبعا انا رفضت لان الموضوع مب شخصي ، وقلت له ان هذا شي مضحك ان دولتي عندها اكبر احتياطي غاز في العالم وانا مواطن فيها ومب قادر احصل سلندر غاز واحد نطبخ فيه!!! ، المهم انه ثاني يوم حاولت اتواصل مع شركة وقود ، وطبعا ولا قطري واحد قدرت اني اكلمه ، آخر شي قالوا لي الموضوع عند مدير التوزيع شخص اوروبي وهالشخص للاسف مايرد على الاتصالات. المهم اني قلت لا حول ولا قوة الا بالله ، بعد كم يوم رحت ابي ابدل السلندر الفاضي ، الا يقولون لي ماعندنا سلندرات مليانه! ، المحطة الي بعدها نفس الشي! ، بتوفيق من الله لقيت في المحطة الثالثة!

يعني زاد سعر التعبأه من 10 الى 15 ماقلنا شي.
منعتوا اكثر الدكاكين انها تبيع الغاز قلنا اوكي مافي مشكلة.
بس انها توصل ان البلد كلها مافيها سلندرات للناس ، وان التعبأه تكون بعد وجع راس ، عاد هاذي قوية!! ، ياريتنا نرجع للنظام القديم ، والمازدات الي يطوفون الفرجان ويكرخون على السلندرات ويزعجونا وقت المقيال!

بشكل عام ، خدمات شركة وقود تحتاج الى اعادة النظر والتطوير بشكل عاجل ، فليس من المعقول ان خدمات الفحص الفني مثلا لا توجد الا في ثلاث مواقع فقط بعد اكثر من 10 سنوات من بدأ الفحص الالزامي!! ، محطة الفحص الجديدة في الدحيل خالصة من 6 شهور ولحد الآن لم يتم الافتتاح!!

بعد فشل الادارة السابقة ، وذهاب الملايين ادراج الرياح (او ادراج المكاتب بمعنى اصح!!) ، وبعد ما افتكينا من "الوجوه الاعلامية"!! ، كلنا استبشرنا خيراً بأن هذه الشركة ستعود لخدمة المواطنين ، ولكن الظاهر انه لا حياة لمن تنادي!

[بصمة قطرية]

الحمدلله للحين في فريجنا المازدة تطوف و تغير الإسطوانات الفارغة ..
الله يعينكم
الغاز جداً ضروري

[بونووف]

السلام عليكم ورحمة الله

قبل شهر تقريبا ، قررت اني اشتري سلندر غاز جديد (شفاف) للمطبخ الداخلي بعد ماكنت استخدم فرن كهرباء ، المهم رحت لمحطة وقود القريبة مني الا اتفاجأ بعدم توفر السلندرات ، قلت مب مشكلة هذا نصيبي ، رحت لمحطة ثانية نفس الشي ، المحطة الثالثة قال لي الفلبيني ان فيه أوامر بعدم بيع السلندرات!! ، قلت له ليش قال مادري ، وبعد الحاح وبالقوة عطاني رقم احد المسؤولين ، لما كلمته قال لي فعلا احنا صار لنا شهر موقفين البيع ، ولما قلت له ان الموضوع ضروري وهام بالنسبة لجميع البيوت ، قال لي عطني الفلبيني اكلمة وببيع لك ، طبعا انا رفضت لان الموضوع مب شخصي ، وقلت له ان هذا شي مضحك ان دولتي عندها اكبر احتياطي غاز في العالم وانا مواطن فيها ومب قادر احصل سلندر غاز واحد نطبخ فيه!!! ، المهم انه ثاني يوم حاولت اتواصل مع شركة وقود ، وطبعا ولا قطري واحد قدرت اني اكلمه ، آخر شي قالوا لي الموضوع عند مدير التوزيع شخص اوروبي وهالشخص للاسف مايرد على الاتصالات. المهم اني قلت لا حول ولا قوة الا بالله ، بعد كم يوم رحت ابي ابدل السلندر الفاضي ، الا يقولون لي ماعندنا سلندرات مليانه! ، المحطة الي بعدها نفس الشي! ، بتوفيق من الله لقيت في المحطة الثالثة!

يعني زاد سعر التعبأه من 10 الى 15 ماقلنا شي.
منعتوا اكثر الدكاكين انها تبيع الغاز قلنا اوكي مافي مشكلة.
بس انها توصل ان البلد كلها مافيها سلندرات للناس ، وان التعبأه تكون بعد وجع راس ، عاد هاذي قوية!! ، ياريتنا نرجع للنظام القديم ، والمازدات الي يطوفون الفرجان ويكرخون على السلندرات ويزعجونا وقت المقيال!

بشكل عام ، خدمات شركة وقود تحتاج الى اعادة النظر والتطوير بشكل عاجل ، فليس من المعقول ان خدمات الفحص الفني مثلا لا توجد الا في ثلاث مواقع فقط بعد اكثر من 10 سنوات من بدأ الفحص الالزامي!! ، محطة الفحص الجديدة في الدحيل خالصة من 6 شهور ولحد الآن لم يتم الافتتاح!!

بعد فشل الادارة السابقة ، وذهاب الملايين ادراج الرياح (او ادراج المكاتب بمعنى اصح!!) ، وبعد ما افتكينا من "الوجوه الاعلامية"!! ، كلنا استبشرنا خيراً بأن هذه الشركة ستعود لخدمة المواطنين ، ولكن الظاهر انه لا حياة لمن تنادي!

امرهم غريب .. حول على سلندرات الغاز بلا شفاف بلا بطيخ ...

اما بخصوص فاحص اللي ف دحيل كلمت وقود قالوا لي انه الفرنسيين سوو سوفتير وسافروا وبعدها بكم يوم طلع السوفتوير معطب .. وقالوا ننطرهم يرجعون ..... طبعا هالكلام اخر شهر 3 وعلى كلام الريال قال انه بيجون خلال 10 ايام يعني الموضوع مر عليه الحين تقريبا 3 اسابيع ولا صار شي .. الله يعينك عليهم

[قــطــريــه]

اخوي وغير جذيه لو نبي نشتري الهوز الخاص بشفاف ما يبيعونه بروحه.. لازم نشتري الساعه معاه وسعره ماذكر كم بس على ما اظن فوق 80 ريال.. واحنا بس نبي هوز متر واحد.. وتميت احاول فيهم وكلمت مدير المحطة في دحيل وما رضى يقول مانعينا.. وحاولت في مدير وقود الريان وما رضى ونفس الكلام ويقول في السستم مافيه هوز ومايقدرون يبيعون شي مب موجود في السستم ولازم اشتري الساعة وبيجي الهوز مجانا مع الساعه..

مب بخل ولكن الهوز بروحه ما بيكلف غير 5 ريال ليش اللف والدوران واللعب على الذقون؟ لو ابي الساعة بشتريها ولو ابي الهوز بشتريها

اسلوب لف ودوران لتصريف بضاعتهم

[سعادة الوزير]

http://img266.imageshack.us/img266/5400/20121204213812.jpg

لا و البلدية مخالفينهم بعد!!

[فراغ]

سبحان الله
قبل كان الغاز متوفر عندما كان النظام القديم
ونفس الشيئ ينطبق على التكسيات قبل كانت التاكسيات متوفرة اليوم ما تلقاها
السؤال
هل التنظيم الجديد مفيد أم أصبح عائق

[الخزرجي قطر]

الحمد لله مابدلت سلندر الغاز مازلنا نستخدم القديم
وكل يوم راعي المازدا يطوف على الفريج للتبديل
بدون منة حد (قديمك نديمك لو الجديد اغناك )

[al_maystro]

http://www.alarab.qa/upload_ar/articles/images/large_1352260288.jpg


ان شاء الله ما تنقرض مثل التاكسي البرتقالي

[بصمة قطرية]

سبحان الله
قبل كان الغاز متوفر عندما كان النظام القديم
ونفس الشيئ ينطبق على التكسيات قبل كانت التاكسيات متوفرة اليوم ما تلقاها
السؤال
هل التنظيم الجديد مفيد أم أصبح عائق

عائق بلاشك ..
في السابق متوفر في كل مكان
و مافي داعي الواحد يتعنى..

[الوليد1]

والله يالربع مأخذناه إلا لأنهم قالوا انه أامن

لكن الحمد لله ماصار معاي اني ماحصلت في المحطة

مرة وحدة فقط ماحصلت من الدكان

[سعادة الوزير]

سبحان الله
قبل كان الغاز متوفر عندما كان النظام القديم
ونفس الشيئ ينطبق على التكسيات قبل كانت التاكسيات متوفرة اليوم ما تلقاها
السؤال
هل التنظيم الجديد مفيد أم أصبح عائق

لا والله الا عائق في اغلب الاحيان!! ، قبل كان الغاز يوصل لين عندنا ، ويشيل لك الجديد ويركبه محل القديم وكل هذا ب 10 ريالات ، الحين انت الي تشيل وتحط وتركب والمنه عليك ، لا وفوق هذا بعد مايعطونك!!

الفحص الفني قبل تخلصة في 5 دقايق ، الحين يبيلك تفرغ نفسك يوم كامل ، واذا كنت محظوظ تنجح سيارتك ، ولا يبيلك جولة ثانية وثالثة ورابعة!

وقيس على ذلك ، التعليم ، الصحة ، الشوارع!

يا ريال كفاية انك قبل تروح تغسل سيارتك في الغرافة بدون لا زحمة ولا عوار راس ربع ساعة الا انت خالص ، والحين بعد ماسكروا المغاسل صرت لازم تروح وقود وتصف في طابور طويل عريض ويقولك تعال بعد 4 ساعات!!

ياريت تجينا مكرمة اميرية بالغاء وقود والفحص الفني والرجوع الى الانظمة القديمة!

[نيساني]

اخوي توني من شوي قدام محطة وقود اللي في ام صلال محمد واشوف دباب الغاز اشكثر

تذكرت موضوعك !!!

عساك عالقوه والله يعينك

[طرفه]

الكلام كله صحيح والخافي أعظم
طالما السبيعي موجود عمر هذه الشركة ما راح تتطور
إنسان متغطرس وعنيد وتطور الشركة في خبر كان
ومن سيئ إلى أسوء

اسألوا فرعون أيش فرعنك يا فرعون قال ما حصلت حد يردني !!!
وفي الأخير راح يأخذ ملايين عضوية مجلس الإدارة والمدير العام

[التيما]

أنا بعد قالوا لي في الدكان ان السيارة ما مرتهم بس هاي اول مره تصير معاي رغم اني مع غاز وقود من زمان .. ما جات من مره وحده تصير في أحسن الأماكن

[سعادة الوزير]

انا الي قاهرني انه يوم الادارة السابقة صالت وجالت و طلعت ملايين من شركة الفحص الفني ، جات شركة وقود ويابلفيت هم الي بيحلون مشاكل الشركة ، ولكن للاسف مافي فايدة!!! ، العقول المتحجرة مثل ماهي وين مارحت ، وفعلا رئيس مجلس الادارة يتحمل الوزر الاكبر من هذا التخبط!!