مقاس الحمام تكرمون المناسب

[MAZEN37]

كم المقاس المثالي للحمام اجلكم الله في غرفة النوم وهل الوسيع وايد مفيد ام مضيعه للاستخدام والمساحه

[وبشرالصابرين]

أخوي مقاسات العادية 3x2

أما غرفه الماستر كبر احسن علشان الجكوزي والدش والمغاسل 2

احسن خذ مقاسات الجكوزي من الحين

وسلامتك

[الصقر المحلق]

اخوى الارقام المثالية والمريحة للحمام الماستر فى حدود 3*5
والحمام العادى 2*3 وممكن 3*3
وممكن اقل شئ بسيط
ولكن توزيع الحمام ونوع فرشة هو العامل المؤثر والمهم
لو تحتاج اي مساعدة فالفرش والتوزيع اقدر اساعدك

[ضوى]

شخصيا حماماتي كلها 2*3 واكتشفت انه طريقة التوزيع هي اللي تضيق الحمام او توسعه ، مثلا مع البانيو يصير الحمام ضيق وبدونه مع شاور يكون واسع المغاسل الحين اشكال والوان وتعطي جمالية للحمام اكسسوارت الحمام تعطي جمالية ووسع للحمام اذا كانت معلقة اهم شي التوزيع الصحيح من البداية

، وانا احب الحميمة في الحمام يعني كل شي قريب من بعض ماحب الفراغات الكثيرة حتى بالغرف فلما تدخل حمام الدش بصوب والمغسلة بصوب والمرحاض بصوب مدري احس كان ممكن استغلال الاماكن الفاضية هذي في اشياء اكثر منفعة في الغرف

[بومحمد86]

2 * 3 للحمامات العاديه بتجمع البانيو والمغسله والمرحاض عزكم الله ....
والماستر 3 * 4 نفس الي ذكرته + شور مع امكانيه تغيير البانيو بجاكوزي ويكون المكان واسع ومرتب واكيد على حسب التوزيع

[MAZEN37]

سويت 2 في 4 لكن حسيته طويل
لكن اغلب الردود تقول 2 في 3
خايف يكون رفيع مثل الممر
وعلى الواقع صحيح توزيع الاطقم هو المهم واشكر الجميع على ملاحظاتهم

[الصقر المحلق]

شخصيا حماماتي كلها 2*3 واكتشفت انه طريقة التوزيع هي اللي تضيق الحمام او توسعه ، مثلا مع البانيو يصير الحمام ضيق وبدونه مع شاور يكون واسع المغاسل الحين اشكال والوان وتعطي جمالية للحمام اكسسوارت الحمام تعطي جمالية ووسع للحمام اذا كانت معلقة اهم شي التوزيع الصحيح من البداية

، وانا احب الحميمة في الحمام يعني كل شي قريب من بعض ماحب الفراغات الكثيرة حتى بالغرف فلما تدخل حمام الدش بصوب والمغسلة بصوب والمرحاض بصوب مدري احس كان ممكن استغلال الاماكن الفاضية هذي في اشياء اكثر منفعة في الغرف
كلامك صحيح ولكن هناك قواعد يجب اتباعها عند التوزىع ومخالفتها تعطيك احساس بعدم الراحة دون معرفة السبب......
مثلا ما يصير ان تكون نسبة طول و عرض الحمام 2:1
ويجب ان لا يكون المرحاض فواجهة الباب

[ضوى]

كلامك صحيح ولكن هناك قواعد يجب اتباعها عند التوزىع ومخالفتها تعطيك احساس بعدم الراحة دون معرفة السبب......
مثلا ما يصير ان تكون نسبة طول و عرض الحمام 2:1
ويجب ان لا يكون المرحاض فواجهة الباب

لازلت اجهل الطريقة الصحيحة لتوزيع قطع الحمام ، ليش لازم المرحاض مايكون في ويه الباب ؟؟ ليش المغسلة لازم تكون يمين او يسار الباب ؟ ليش الشاور في الويه ، ليش مايمكن يكون الشاور عند الباب عاليمين او اليسار والمرحاض تحت الشباك والمغسلة يمين او شمال او العكس المرحاض مقابل الشاور يمين او يسار والمغسلة تحت الشباك؟؟ شنهي المقاييس المعتمدة لتوزيع قطع الحمام ؟

[ضوى]

مازن اعتذر عن كثرة الاسئلة وتحوير مسار الموضوع

[حمد 2002]

على حسب مساحه الأرض والفلوسسس الي عندك

اذا ارضك مساحتها 3000 متر ، وعندك فلوس كافيه ، اعمل حماماتك 4 في 4 واكثر اذا تبي ، بس اذا مساحه ارضك 1000 متر وماعندك فلوس كافيه ، بس قرض بنك التنميه ، سو بيتك على قد وكثر فلوسك ،،،

تحياتي لك

[الصقر المحلق]

مازن اعتذر عن كثرة الاسئلة وتحوير مسار الموضوع
هالموضوع يطول الشرح والكلام فيه لانه باساس علمي خاضع لابعاد الانسان من الحجم والحركة وله اسباب معمارية
لو بدك الاستفادة ممكن ارسلك صفحات خاصة بهالموضوع من كتب المقاييس المعمارية

[معماري قطري]

على حسب مساحه الأرض والفلوسسس الي عندك

اذا ارضك مساحتها 3000 متر ، وعندك فلوس كافيه ، اعمل حماماتك 4 في 4 واكثر اذا تبي ، بس اذا مساحه ارضك 1000 متر وماعندك فلوس كافيه ، بس قرض بنك التنميه ، سو بيتك على قد وكثر فلوسك ،،،

تحياتي لك

انا أرضي 1200 وسويت حمامات بمقاسات مختلفة .. منها الرئيسي 3.3 في 4.1 وحطيت فيه حايط فاصل بنص إرتفاع ومتدرج ثبتت عليه الكرسي والبديه، وفي زاوية جكوزي زاوية وفي زاوية مقابلة شاور مع بخار، وفي وجه الباب مغسلة بمراية خشب محفر كبيرة عرض 1.8 متر وسويت دريشة كبيرة بعرض 1.4 متر ونازلة مثل درايش الغرف ، وسويت روشنه حق تخزين الأغراض بإطار من الخشب، وحطيت صور له قبل في مواضيع ثانية، وما شاء الله طلع مريح ومنور من أول الصبح.

باقي الحمامات أغلبها 3 في 2، وسويت بعض اللي فيها 3 قطع .. مغسلة وشاور وكرسي 2 في 2 .

نصيحة للي يخططون يبنون يختارون تجهيز الحمام قبل، وبعدين يسوون مخطط التوزيع الأرضي وبعدها يسوون مخطط توزيع السقف والإنارة وبعدها يسوون مخطط تبليط الحوائط والإكسسوارات وأي كسرات.

الصيحة الجديدة في الحمامات السكايلايت، ولو واحد حب يتفنن يسوي بلكونة سقفية داخلية مغلقة بس مفتوحة للسما ومزروعة، ويفتح عليها باب زجاجي للحمام وممكن باب ثاني ينفتح على صالة أو غرفة.

في النهاية اللي يهم تجهيز الحمام وطريقة توزيعه، مب حمام كبير وما فيه الا ثلاث قطع.

[معماري قطري]

هالموضوع يطول الشرح والكلام فيه لانه باساس علمي خاضع لابعاد الانسان من الحجم والحركة وله اسباب معمارية
لو بدك الاستفادة ممكن ارسلك صفحات خاصة بهالموضوع من كتب المقاييس المعمارية

صادق أخ الصقر المحلق

فيه مقاسات بشرية وفيه أوقات ناس يخطئون ويبالغون في المساحة وتطلع النتيجة عكسية.

عجبتني حمامات مدمجة في بلجيكا أظن من الخارج كلها زجاج أسود ومن داخل فيها عمود ستانلس ستيل في أعلاه مغسلة صغيرة ومعلق فيه كرسي الحمام، واللي يدخل فيه يشوف الناس تمشي في الشارع والناس ما تشوفه، ومساحته كثير صغيره.

[بن غيث]

انا أرضي 1200 وسويت حمامات بمقاسات مختلفة .. منها الرئيسي 3.3 في 4.1 وحطيت فيه حايط فاصل بنص إرتفاع ومتدرج ثبتت عليه الكرسي والبديه، وفي زاوية جكوزي زاوية وفي زاوية مقابلة شاور مع بخار، وفي وجه الباب مغسلة بمراية خشب محفر كبيرة عرض 1.8 متر وسويت دريشة كبيرة بعرض 1.4 متر ونازلة مثل درايش الغرف ، وسويت روشنه حق تخزين الأغراض بإطار من الخشب، وحطيت صور له قبل في مواضيع ثانية، وما شاء الله طلع مريح ومنور من أول الصبح.

باقي الحمامات أغلبها 3 في 2، وسويت بعض اللي فيها 3 قطع .. مغسلة وشاور وكرسي 2 في 2 .

نصيحة للي يخططون يبنون يختارون تجهيز الحمام قبل، وبعدين يسوون مخطط التوزيع الأرضي وبعدها يسوون مخطط توزيع السقف والإنارة وبعدها يسوون مخطط تبليط الحوائط والإكسسوارات وأي كسرات.

الصيحة الجديدة في الحمامات السكايلايت، ولو واحد حب يتفنن يسوي بلكونة سقفية داخلية مغلقة بس مفتوحة للسما ومزروعة، ويفتح عليها باب زجاجي للحمام وممكن باب ثاني ينفتح على صالة أو غرفة.

في النهاية اللي يهم تجهيز الحمام وطريقة توزيعه، مب حمام كبير وما فيه الا ثلاث قطع.

... معماري .. يبيلك سفره لــــروما ..

[الصقر المحلق]

صادق أخ الصقر المحلق

فيه مقاسات بشرية وفيه أوقات ناس يخطئون ويبالغون في المساحة وتطلع النتيجة عكسية.

عجبتني حمامات مدمجة في بلجيكا أظن من الخارج كلها زجاج أسود ومن داخل فيها عمود ستانلس ستيل في أعلاه مغسلة صغيرة ومعلق فيه كرسي الحمام، واللي يدخل فيه يشوف الناس تمشي في الشارع والناس ما تشوفه، ومساحته كثير صغيره.
بعد هالكلام لابد من زيارة لبلجيكا وبعدها زيارة لروما:nice:

[معماري قطري]

... معماري .. يبيلك سفره لــــروما ..

ما شاء الله عليك تقرأ أفكاري كنت أفكر في هالدول إيطاليا وأسبانيا .. بس لسوء الحظ الإسبوع الياي كل سفراتي لدخان وإحتمال اللي بعده واللي بعد بعده.

حطيت صور للحمام اللي أقصده في موضوع الحمامات والمطابخ المثبت.

[رشدان]

3-2 انسب والماستر اكبر اشوي وتكون الخدمات فيه متقاربه من بعض لسهولة الوصول وتجنب ألأنزلاقات
لكثرة التنقل عندما تكون متباعده عن بعض.
ان امكن يستحب يكون المرحاض باتجاه الشمال او الجنوب حتى لايكون مستقبل او مستدبر القبله.

[معماري قطري]

بعد هالكلام لابد من زيارة لبلجيكا وبعدها زيارة لروما:nice:

ما شاء الله إنتشرت حتى وصلت أمريكا ألحين بس عندنا لو ركبوها بيكسرونها بسرعه.

[نور الحور]

بالنسبة لي ما أحب الحمام الضيق ..
الحمامات العادية 2*3 مناسب جدا والتوزيع هو اللي بيرتب شكل الحمام وسهولة استخدامه ..
اما الماستر فأحبه كبير .. حمامنا الماستر إن شاء الله المخططين له سويناه 5 * 5.5 .. وفيه دريشة كبيرة طويلة و حطينا سكاي لايت سويناه بعدين بناء على نصيحة معماري جزاه الله خير .. وطلع روعه والحمدلله ..
لو كان بيدي أعدل كان خليته 6*6 أحلى واوسع :victory:

[A.L.I]

3*3 او 3*2

[معماري قطري]

على طاري المساحات مره كنت في عيادة طبيب أسنان وألاحظ مساحة العيادة تقريباً 3.5 في 3.5 والكرسي في الوسط بطريقة لافة 45 درجة، والطبيب كان يشتغل في أسنان ولدي وانا أفكر ليش هشكل المكان ملموم، وسئلت الطبيب وكان زعلان يتمنى تكون العيادة أكبر، فقلت له لو أكبر ما كنت تقدر تتحرك بسهولة بالكرسي اللي بتواير وتاخذ عدة العلاج وتسوي تصوير، فكل شيء مدروس صح في العيادة.

نفس الشيء ينطبق على المخازن المنزلية وغرف الملابس المغلقة، فالمفروض للمخازن تكون بعرض مدروس بحيث أرفف التخزين تكون 60 سم أو ممكن تكون بعرض 70 سم على الكثير وعرض 70 سم غير إقتصادي نظراً لأن الألواح عرضها 1.22 فتنقص من النص وبدون فاقد، ويحتاج الإنسان لممر وسطي في حدود 80 سم فيكون العرض المثالي 60+60+80 وهو مترين، والطول حسب الحاجة.

غرف الملابس تختلف في إنها ممكن تكون أوسع لو إحتجنا نحط طاولة وسطية أو خزانتين في ظهر بعض، ونفس الشيء ممكن للمخزن بحيث يكون يتكون من ممرين بصفين أرفف أو خزائن وحسب الحاجة، لكن واحد يسوي مخزن بعرض 4 أمتار وبطول معين والتخزين كله يكون على الحوائط والوسط فاضي غلط.

[MAZEN37]

مازن اعتذر عن كثرة الاسئلة وتحوير مسار الموضوع

بالعكس اسئله مهمه وهي نفس تسائلاتي الي على اساسها يتحدد راحة الحركه
اعتقد مكان الشباك له دورر مهم
الوالد الله يحفظه مسوي حمام الماستر 4 في 5
وصراحه ما عجبني تحس نفسك تتمشى كانه غرفه وكل قطعه بعيده عن الثانيه ونفسيا متضايق مادري كيف
واشكر الجميع فعلاعلى التفاعل والمعلومات المفيده والمتبادله
:)

[captin]

مرحبا اخوي ,,

ما أحب أزيد على ما ذكروا الإخوان لكن

ودي انك تشوف حمامات الفنادق اللي في الغالب مساحتها
ما تزيد على 2*2 او 2*2.5 لكن التوزيع هو اللي يلعب الدور المهم
كلنا ننبهر لما نسافر وندخل حمامات الفنادق رغم صغر مساحتها
السر في التوزيع والديكور والإضاءة.

انصحك أولا تصمم وتوزع القطع وبعدين تحدد المساحات
وإذا المساحات عندك محسومة وقدك بنيت شوف لك مصمم
يصمم لك الحمامات بنظام فندقي .


موفق إن شاء الله

[معماري قطري]

مرحبا اخوي ,,

ما أحب أزيد على ما ذكروا الإخوان لكن

ودي انك تشوف حمامات الفنادق اللي في الغالب مساحتها
ما تزيد على 2*2 او 2*2.5 لكن التوزيع هو اللي يلعب الدور المهم
كلنا ننبهر لما نسافر وندخل حمامات الفنادق رغم صغر مساحتها
السر في التوزيع والديكور والإضاءة.

انصحك أولا تصمم وتوزع القطع وبعدين تحدد المساحات
وإذا المساحات عندك محسومة وقدك بنيت شوف لك مصمم
يصمم لك الحمامات بنظام فندقي .


موفق إن شاء الله

نصيحة مهمة

بس في حال الإتفاق مع مصمم لازم يطلب من المصمم أول شيء عرض كتلوجات وعينات للمواد المستخدمة بعدين توضيح التوزيع ورسم توزيع الجدران وتوضيح مقاس ومكان كل قطعة بالضبط، والأهم ضمان وجود القطع في الدوحة ويكون موردها موجود.

ممكن حتى ياخذ الخرايط ويشوف مسؤولين المبيعات في الشركات الكبرى مثل شبيب وعلي العطية وتدمر ونابينا بعضهم يسون تصميم مقترح مع تسعير مجاناً.

[MAZEN37]

نصيحة مهمة

بس في حال الإتفاق مع مصمم لازم يطلب من المصمم أول شيء عرض كتلوجات وعينات للمواد المستخدمة بعدين توضيح التوزيع ورسم توزيع الجدران وتوضيح مقاس ومكان كل قطعة بالضبط، والأهم ضمان وجود القطع في الدوحة ويكون موردها موجود.

ممكن حتى ياخذ الخرايط ويشوف مسؤولين المبيعات في الشركات الكبرى مثل شبيب وعلي العطية وتدمر ونابينا بعضهم يسون تصميم مقترح مع تسعير مجاناً.
صحيح كلام اخونا معماري
بس من وين الوقت :rolleyes2:

[معماري قطري]

صحيح كلام اخونا معماري
بس من وين الوقت :rolleyes2:

صح لازم الواحد يسابق الوقت

وأفضل له يختار كل شيء أول بأول ويبدأ يشتري بدفعات .. ما يجي وقت التركيب الا مخلص اللي عليه ومتفادي تقلب الأسعار.

فيه ناس يتجهون لتأخير الشراء على أساس إن ممكن تنزل موديلات جديدة .. بس أفضل الشراء من النماذج القديمة والناجحة والمجربة فترة طويلة سواءً من أطقم الحمامات لتوفرها الدائم أو البلاط أو باقي الإكسسوارات، ومجال التغيير بيكون موجود قبل الإستلام.

ولهذي العملية يتطلب الشراء من ماركات معروفة مثل ايديل ستاندرد، وجكوزي، وبختال، فاليري أند بوخ، وتوايوفورد، وجاكوب دوليفان، وغيرهم منتجين عريقين ومتوفرين كثير.