المساعد الشخصي الرقمي

مشاهدة النسخة كاملة : موقفين بينهم يومين !


نور الحور
24-04-2013, 10:04 PM
السلام عليكم ورحمة الله وبركاته ..







صار لي موقفين من فترة قريبة وكان بينهم يومين ....





الموقف الأول في كتارا ..كنت رايحة مع أختي وعيالي ..
راحت أختي مع بنتي تشتري جباتي وكرك .. وقعدت انا مع اليهال على واحد من الكراسي الطويلة الخشبية .. وكانوا عيالي حوالي يلعبون بالسيكل وجنبي حاطه القاري حق ولدي لو تعب وحب ينام ..
وكنت حاطة شنطتي وشنطة أغراض ولدي على الكرسي ..
شوية إلا وحدة هندية أو باكستانية جت وقعدت على الكرسي من غير ما تستأذن .. وقعدت قريب نص الكرسي وخلت الطرف فاضي ..

انا سكت ما قلت لها شي مع إني أدري أختي بتتوهق لما تجي لأن المكان بيكون ضيق ..

المهم اللي صار إن بعد شوي لقيت زوجها جاي ومعاه أكل وقاعد على الطرف وقعدوا ياكلون ويشربون .. يعني طلع اختيارها للمكان اللي قعدت فيه على الكرسي مقصود .. صار شكلنا على هالترتيب .. زوجها على الطرف .. بعدين هي .. بعدين أختي وبعدين بنتي وبعدين أنا على الطرف .. وطبعا كان الشاي حار وما قدرنا حتى نشربه عدل .. ولدي الكبير تعب من اللعب يبي يقعد ما حصل مكان قعدته على القاري .. والأخت تطالعنا وتسولف عااااااااااااادي ..
لين ضاقت فيني ما قدرنا نتحرك في مكانا .. استأذنت منها وقلت لها المكان صار ضيق وكان ممكن تستأذنين قبل لا تقعدين وتعرفين لو كان معاي ناس ثانيين ولا لا .. ما همها أبداً ولا كان لها ردة فعل بس قالت لي بخلص أكلي وبقوم !
وتمت على أقل من مهلها تاكل لين قامت هي وريلها ..!!


الموقف الثاني حصل لي بعد يومين من هالموقف .. ومع إنه مختلف لكنه أثار تفكيري ..
كنت رايحة المجمع اشتري لي غرض على السريع فترة قبل المغرب .. وخلصت بدري ورحت المطعم اللي أحبه .. ولأن الوقت مو وقت وجبات رئيسية لقيت المطعم فااااااااااااااضي ولا أحد قاعد فيه إلا جلسات خارجية بس ..
خذت لي زاوية وطلبت لي عصير .. المهم إن المكان كان كله فاااااااضي .. شوي إلا جات وحدة وتخلي كل الأماكن وتقعد في الطاولة اللي بويههي .. وعينها مثبتتها علي !!!! قلت في خاطري قلت الأماكن !

المهم يمكن الموقفين عند البعض منكم ما فيهم أي شي لكن بالنسبة لي حسيت بشعور غريب من هذولا اللي قابلتهم خليط من الفضول وعدم الاحترام وقلة المبالاة !

وموضوعي هذا حبيت أسلط الضوء فيه على بعض السلوكيات والأخلاقيات العامة وطريقة التعامل معاها ..
سؤالي اللحين .. شنهو ممكن كان المفروض من وجهة نظركم تكون ردة الفعل المناسبة لكل من الموقفين؟ وشنهو تقييمكم للي صار ؟
وهل شفتوا أو تعرضتوا لمواقف مشابهة وشنهي كانت ردة فعلكم ؟

انتظر آراؤكم..
Qatar Angel
24-04-2013, 10:13 PM
وين المشكله اختي نور؟؟
المرافق العامة ملك للجميع والمره قعدت في مكان عام وماله داعي تستاذن
وعن نفسي ماراح اتضايق اشوفها حرية شخصية
فرهود
24-04-2013, 10:13 PM
هذي اماكن عامه من حق اي واحد يجلس في المكان الي يبيه بدون استأذان حتى ومحد يقدر يلومه او يحاسبه . الي مايقدر يتحمل الاخرين ويبي المكان له بروحه يطلع البر او يروح الحدايق يقعد على الحشيش او يجيب معاه كراسي بلاستك .
khaldoon
24-04-2013, 10:14 PM
تعرضت لنفس الموقف يوم كنت جالس على طاولة باللاندمارك مع بنتي و كانت تقريبا 4 سنوات..... وحده محجبة قعدت على طاولتي و الطاولة تتسع لاربع اشخاص و بدون استئذان و المكان كان زحمة .... شوي و الا يجي زوجها و اولادهم و اكتشف انهم هنود...... قلت له المفروض انك تستأذن قبل انك تقعد.... رد علي الطاولة تتسع لاربع اشخاص و انتوا اثنين..... خلصت الاكل اللي بيجي بسرعة و اخذت بنتي و غسلت يديي و رجعت على طول و اكلهم مفرود على طاولتهم و زحته و حطيت بنتي على الطاولة.... على طول زوجته قامت و هو قالي انت قليل ذوق.... و قام... رديت عليه بمسبة قذره جدا تتناسب مع هالاشكال القذره و تميت شوي لوحدي علشان اتأكد انه خسر الطاولة و بعديت قمت

بس الموقف للحين قاهرني
غزلان
24-04-2013, 10:16 PM
اعتقد صار لازم نتوقع كل شي مع خليط الجاليات
نور الحور
24-04-2013, 10:17 PM
قطر انجل وفرهود بليز ردوا اقروا تفاصيل الموقف وبعدين احكموا !
نور الحور
24-04-2013, 10:19 PM
خلدون الله يعينك ..صار لي موقف مشابه مرة.. قلت لها لو سمحتي الطاولة محجوزة وزوجي راح يجيب الأكل .. قامت .. !
على الأقل تسأل لو كان أحد بيجي مو تقعد وخلاص بدون استئذان !
قطريه22
24-04-2013, 10:21 PM
بخصوص اول موضوع انتي في مكان عام صعبه تقولين لوحده بتجي تقعد استأذني قبل لانها كانت تقدر ترد وتقول هالكراسي مش ملكج وبيكون كلامها صح يعني مايصير اروح مكان واقعد على الكرسي واحجزه مب عدله يعني اذا حد بيجي بيقعد من حقه مثل ماانا تعبت وابي ارتاح غيري نفس الشي بعد..

اما على الموقف الثاني بعد عادي

حبيبتي نور انتي لم تطلعين من البيت بتكونين طالعه لمكان عام يعني مش خاص مثل البيت صعبه انج تكلمينهم لاتقعدون في هالمكان او لاتطالعون وحتي لو صار وهي تهاوشت معاج على المكان بتجي الشرطه لو نفرض صارت مشكله وانتي بتطلعين غلطانه لانهم بيقولون لج الكرسي ملك عام مش خاص ياما بتشوفين اشيا وايد بس الواحد يطنش يعني لو مثلا وحده جات وتهاوشت او قالت كلام هنيه من حقج تردين عليها ..

ولاتحطين في بالج الموضوعين وطنشي لهم
نور الحور
24-04-2013, 10:21 PM
اعتقد صار لازم نتوقع كل شي مع خليط الجاليات



غزلان للأسف اقولها الجاليات الشرق آسيوية عموماً تفتقد غالبيتها للباقة والذوق.. واعتقد هالشي من بيئتهم الناتج عن الفقر وسوء أوضاع المعيشة ..
حتى في الحرم الله يهديهم ما سلمنا منهم :(
النهار
24-04-2013, 10:23 PM
الموقف الاول انا معاج مفروض لاستأذان
اما الموقف الثاني انها اتركت كل الطاولات وجلست على الطاوله الي جدامج
اشوفها عادي هي ماجلست على نفس الطاوله مو انتي تقولين المكان فاضي يمكن استوحشت
تجلس في مكان منزوي
نور الحور
24-04-2013, 10:24 PM
قطرية أنا ما قلت إن الكراسي ملكي لكن كان مبين انها محجوزة لأكثر من شخص .. المسألة مسألة ذوق وأخلاق مو حقي وحقك ..
حتى اللي خلت المكان كله وجات تقعد في ويههي انا ما كلمتها أصلاً بس تضايقت من فضولها .. حسيت إنها ناسية عينها في ويهيي!
قطريه22
24-04-2013, 10:24 PM
خلدون الله يعينك ..صار لي موقف مشابه مرة.. قلت لها لو سمحتي الطاولة محجوزة وزوجي راح يجيب الأكل .. قامت .. !
على الأقل تسأل لو كان أحد بيجي مو تقعد وخلاص بدون استئذان !



اذا على طاوله من حقج تقولين لها الطاوله محجوزه بس اذا كراسي في اماكن عامه مثل المجمعات او الحدايق هذي تكون عامه للجميع
نور الحور
24-04-2013, 10:26 PM
الموقف الاول انا معاج مفروض لاستأذان
اما الموقف الثاني انها اتركت كل الطاولات وجلست على الطاوله الي جدامج
اشوفها عادي هي ماجلست على نفس الطاوله مو انتي تقولين المكان فاضي يمكن استوحشت
تجلس في مكان منزوي


هههههههه انزين معليه بونسها بس مو تقزني .. مافي هالحركة ذوق ابداً .. خفت بصراحة !
قطريه22
24-04-2013, 10:27 PM
قطرية أنا ما قلت إن الكراسي ملكي لكن كان مبين انها محجوزة لأكثر من شخص .. المسألة مسألة ذوق وأخلاق مو حقي وحقك ..
حتى اللي خلت المكان كله وجات تقعد في ويههي انا ما كلمتها أصلاً بس تضايقت من فضولها .. حسيت إنها ناسية عينها في ويهيي!


اذا كنتي حاطه اغراضج عليها وهي جات واقعدت فهذي ماتستحي وكان لازم تستأذن بس اذا الكرسي فاضي من حقها تقعد

اما الي تطالع كنتي خزيتيها بنظره خليتيها تنزل عينها
بوطويشم
24-04-2013, 10:27 PM
السلام عليكم

معروف بالجالية الهندية حب التلصق و القافه

حتى قدام الدرج المتحرك وانت نازل تلقاهم قاعدين عند النزله يسالفون

قلة الأماكن !!!!
نور الحور
24-04-2013, 10:30 PM
اذا كنتي حاطه اغراضج عليها وهي جات واقعدت فهذي ماتستحي وكان لازم تستأذن بس اذا الكرسي فاضي من حقها تقعد

اما الي تطالع كنتي خزيتيها بنظره خليتيها تنزل عينها


ههههه .. لا أنا على هالخز بس على الصامت !
زين فهمتي الموقف عدل قطرية .. عيل كملي الواجب وجاوبي على باقي أسئلة الموضوع
نور الحور
24-04-2013, 10:32 PM
السلام عليكم

معروف بالجالية الهندية حب التلصق و القافه

حتى قدام الدرج المتحرك وانت نازل تلقاهم قاعدين عند النزله يسالفون

قلة الأماكن !!!!


الله يهديهم عليهم تصرفات حزات ما أعرف شسوي وياهم ..أقول اطباع صعب تتغير .. لكن إن زاد الموضوع عن حدة لازم نتكلم
Aaziz
24-04-2013, 10:33 PM
السلام عليكم

قريت المواقف كلها .

نور الحور بالنسبه للي صار معاج ذوقاً مش حلو ،،، لشخص عنده ذوق و يهمه شعور الاخرين ،، ولكن قانوناً الموقفين مافيهم خطا او تجاوز عليج انتي .

ولازم نعرف نقطه مهمه و هذي خلاصة تجارب شخصيا .. الهنود و الباكستانيين (وباقي الدول المشابهة) هم بيئتهم بهذي الطريقه ،، مزدحهمة و و العيب او العرف مايعرفونه كطباع تربو عليه ،، يعني مثل ماتقولين ناس عمليين يبون يمضونها و يعيشون ، فمثلا شوفي محطات القطار عندهم كيف النفس فوق النفس و بعضهم مايلقى مكان على الباص فا يركب فوق الباص . مثلا احنا في الاصنصير اذا ركبنا نعطي ظهورنا لجدران الاصنصير ،، الهنود لاء حتى لو الاصنصير فاظي و هو ركب معاك من دور اخر بيعطيك ظهره و هذا تصرف فيه قله ذوق و اهانه و ينرفزني ،، بس عندهم عادي
في مصر مثلا في الحدائق العامة و في المناسبات تلقين العالم فارشين على الارض بين كل عايله و الثانيه مايجي نص متر . هم عادي عندهم ... احنا ماينفع .

khaldoon انت موقفك سليم 100% و يمكن لو غيرك كان الموضوع تطور ،،، ماله اي حق يقعد على نفس الطاوله الي انت فيها و في كل الدول لو اجبرت الظروف شخص انه يشارك شخص ثاني بالطاوله لازم يستأذن صاحب الطاوله . و من شفته نوى يقعد على طاولتك المفروض ماتسمح له او تطلب الجرسون يتفاهم معاه .. بالضبط مثل الانتظار في الكيو (عند الكاشير) مايصير شخص يتعدى على الواقفين في السيد الا باستأذانهم جميعا اذا كان عنده ظرف .
khaldoon
24-04-2013, 10:35 PM
نفس الموقف لما تصفي سيارتك في موقف سيارات و كل المواقف خالية و يجي واحد تارك كل المواقف الخاليه و يصف جنبك و يخبط الباب او يضيق عليكي بالركوب
khaldoon
24-04-2013, 10:38 PM
khaldoon انت موقفك سليم 100% و يمكن لو غيرك كان الموضوع تطور ،،، ماله اي حق يقعد على نفس الطاوله الي انت فيها و في كل الدول لو اجبرت الظروف شخص انه يشارك شخص ثاني بالطاوله لازم يستأذن صاحب الطاوله . و من شفته نوى يقعد على طاولتك المفروض ماتسمح له او تطلب الجرسون يتفاهم معاه .. بالضبط مثل الانتظار في الكيو (عند الكاشير) مايصير شخص يتعدى على الواقفين في السيد الا باستأذانهم جميعا اذا كان عنده ظرف .

جزاك الله كل خير يا الغالي على التأييد... تعرف اللاندمارك ما فيه جرسون....و بعدين هالاشكال لازم تتعامل معهم على حسب فهمهم و اسلوبهم ....ما تطلب مساعدة خارجية
R 7 A L
24-04-2013, 10:40 PM
مواقف عادية اقرب كونها مذكرات مو مشكلة

اول شي هذي مرافق عامة مثل ماقالوا الي سبقوني
ثاني شي هذي ضريبة الاكل خارج البيت
يا انك تتحملين وضع الشارع والناس او تقعدين في بيتك
ناس تربوا على عدم اللامبالاه
بنربيهم احنا ؟



تحياتي لك اختي نور
نور الحور
24-04-2013, 10:40 PM
السلام عليكم

قريت المواقف كلها .

نور الحور بالنسبه للي صار معاج ذوقاً مش حلو ،،، لشخص عنده ذوق و يهمه شعور الاخرين ،، ولكن قانوناً الموقفين مافيهم خطا او تجاوز عليج انتي .

ولازم نعرف نقطه مهمه و هذي خلاصة تجارب شخصيا .. الهنود و الباكستانيين (وباقي الدول المشابهة) هم بيئتهم بهذي الطريقه ،، مزدحهمة و و العيب او العرف مايعرفونه كطباع تربو عليه ،، يعني مثل ماتقولين ناس عمليين يبون يمضونها و يعيشون ، فمثلا شوفي محطات القطار عندهم كيف النفس فوق النفس و بعضهم مايلقى مكان على الباص فا يركب فوق الباص . مثلا احنا في الاصنصير اذا ركبنا نعطي ظهورنا لجدران الاصنصير ،، الهنود لاء حتى لو الاصنصير فاظي و هو ركب معاك من دور اخر بيعطيك ظهره و هذا تصرف فيه قله ذوق و اهانه و ينرفزني ،، بس عندهم عادي
في مصر مثلا في الحدائق العامة و في المناسبات تلقين العالم فارشين على الارض بين كل عايله و الثانيه مايجي نص متر . هم عادي عندهم ... احنا ماينفع .

khaldoon انت موقفك سليم 100% و يمكن لو غيرك كان الموضوع تطور ،،، ماله اي حق يقعد على نفس الطاوله الي انت فيها و في كل الدول لو اجبرت الظروف شخص انه يشارك شخص ثاني بالطاوله لازم يستأذن صاحب الطاوله . و من شفته نوى يقعد على طاولتك المفروض ماتسمح له او تطلب الجرسون يتفاهم معاه .. بالضبط مثل الانتظار في الكيو (عند الكاشير) مايصير شخص يتعدى على الواقفين في السيد الا باستأذانهم جميعا اذا كان عنده ظرف .



عزيز .. انا من رايك .. أنا أقول ذوقيا مو حلو .. انا ما تكلمت عن حقوق .. لكن هالموقفين يعتبرون من قلة الذوق ..بالضبط مثل ما احيانا افتح شنطتي في مكان انتظار مواعيد مثلا أشوف اللي جنبي تقعد تطل في الشنطة !
ولا قاعدة في صالون مثلا تجي وحدة توقف على راسي تشوف التسريحة ولا الميكب ..
وبالفعل مثل ما ذكرت هذولا ناس بيئاتهم جذي بس لازم يحترمون الناس مو نخليهم على كيفهم !
نور الحور
24-04-2013, 10:42 PM
نفس الموقف لما تصفي سيارتك في موقف سيارات و كل المواقف خالية و يجي واحد تارك كل المواقف الخاليه و يصف جنبك و يخبط الباب او يضيق عليكي بالركوب


أو تجي ورا واحد يدش مكان قبلك ويصفق الباب ولا يمسكه لك .. اوووووف عقدتي هالمواقف :(
نور الحور
24-04-2013, 10:44 PM
مواقف عادية اقرب كونها مذكرات مو مشكلة

اول شي هذي مرافق عامة مثل ماقالوا الي سبقوني
ثاني شي هذي ضريبة الاكل خارج البيت
يا انك تتحملين وضع الشارع والناس او تقعدين في بيتك
ناس تربوا على عدم اللامبالاه
بنربيهم احنا ؟



تحياتي لك اختي نور


الله يحييك رحال .. الله يهديك أنا ما قلت مشكلة قلت موقفين .. وحبيت أخذ رايكم فيهم ..الله يسامحك عاد يعني ما نطلع ؟ ما نغير جو ؟ زعلتني يا رحال :weeping:
khaldoon
24-04-2013, 10:46 PM
أو تجي ورا واحد يدش مكان قبلك ويصفق الباب ولا يمسكه لك .. اوووووف عقدتي هالمواقف :(

القهر اني امسك الباب للي وراي و يدش و لا يتطلع فيني ولا يقول شكرا....تقولين اشتغل عنده :anger1:
نور الحور
24-04-2013, 10:53 PM
خلدون صح الواحد ما ينتظر شكر من احد لكنها في النهاية قلة ذوق ..

الذوق والآداب ما تنفرض كحق لكنها سلوكيات راقيه..

وكل ما ارتقت أمة من الأمم زادت الذوقيات عندها ..
شوف الأخلاق الإسلامية في آداب الطريق وآداب الاستئذان وآداب الأكل والشرب وهي كلها هدي نبوي لكنها ذوقيات وسلوكيات راقية .. الأجانب يسمونها اتيكيت واحنا نسميها هدي نبوي و مكارم أخلاق وحسن تأدب ..
Qatar Angel
24-04-2013, 10:56 PM
قطر انجل وفرهود بليز ردوا اقروا تفاصيل الموقف وبعدين احكموا !

لازم تتقبلين كل الآراء مهب تردين بهالطريقه
عالعموم شكرًا
نور الحور
24-04-2013, 10:59 PM
لازم تتقبلين كل الآراء مهب تردين بهالطريقه
عالعموم شكرًا

عفواً :eek5:
قطريه22
24-04-2013, 11:01 PM
لازم تتقبلين كل الآراء مهب تردين بهالطريقه
عالعموم شكرًا

:eek5:
روح الاطلس
24-04-2013, 11:03 PM
بعد قلبي نور وسعي خاطرج يا بشمهندستنا الجميله


بخصوص رايي في الموفقين الموقف الاول لو صار لي بصراحة مقدر اتكلم الي بسويه بقوم واخذ اهلي ونروح مكان ثاني مب حلوه يكون قاعد رجل غريب معانا انا واهلي
او كان من اول ماقعدت قلتي لها المكان لاهلي قبل لا يشرف زوجها المصون لان هم مايقصرون جربي تزاحمين هنديه بمكان او تقعدين في مكانها عادي ترفسج بالضربة الملتهبه مالت كابتن رابح عند المزاحم محد يغلبهم ياكلونج
الموقف الثاني صحيح ينرفز خاصة الي يخزون بس لاحظت وايد ناس عندها هالهوايه حتى لو عطيتها نظره تكاسرج وماتشيل عينها عنج ماعندهم شي بس تقدرين تقولين وحده من الهوايات عند البعض يحاولون يتدربون على مهاره الفراسه :)

ماتعب نفسي وياهم اتجاهلهم بالعاده

الاماكن العامة لا تخلو من الفضوليين و المتطفلين
موقفج ارحم من مواقفي مع الفضوليين اكثر ماتعرض له وخاصه من العربيات تخز بعدين تسأل انتي من اي قبيله؟!!! ههههه يقتلني ضحك هالسؤال واقول بخاطري اشعرفكم بقبايلنا! لو اذكر لها اسم قبيله منقرضة من الزولو قالت والنعم ^_^
قطريه22
24-04-2013, 11:07 PM
بعد قلبي نور وسعي خاطرج يا بشمهندستنا الجميله


بخصوص رايي في الموفقين الموقف الاول لو صار لي بصراحة مقدر اتكلم الي بسويه بقوم واخذ اهلي ونروح مكان ثاني مب حلوه يكون قاعد رجل غريب معانا انا واهلي
او كان من اول ماقعدت قلتي لها المكان لاهلي قبل لا يشرف زوجها المصون لان هم مايقصرون جربي تزاحمين هنديه بمكان او تقعدين في مكانها عادي ترفسج بالضربة الملتهبه مالت كابتن رابح عند المزاحم محد يغلبهم ياكلونج
الموقف الثاني صحيح ينرفز خاصة الي يخزون بس لاحظت وايد ناس عندها هالهوايه حتى لو عطيتها نظره تكاسرج وماتشيل عينها عنج ماعندهم شي بس تقدرين تقولين وحده من الهوايات عند البعض يحاولون يتدربون على مهاره الفراسه :)

ماتعب نفسي وياهم اتجاهلهم بالعاده

الاماكن العامة لا تخلو من الفضوليين و المتطفلين
موقفج ارحم من مواقفي مع الفضوليين اكثر ماتعرض له وخاصه من العربيات تخز بعدين تسأل انتي من اي قبيله؟!!! ههههه يقتلني ضحك هالسؤال واقول بخاطري اشعرفكم بقبايلنا! لو اذكر لها اسم قبيله منقرضة من الزولو قالت والنعم ^_^

ههههههههههههههههههههههههه اي والله ذكرتيني يسألون انتي من اي قبيله ماتدرين ليش بس ماعليج منهم يعرفون القبايل عدل لا وعقب يسالون اوه عندكم فلوس انتو وايد يااهل قطر :eek5:

انا ماعطيهم وجهه ولااحب اتكلم مع حد غريب واخذ واعطي معاه في الكلام
امـ حمد
24-04-2013, 11:12 PM
والله هذه المواقف عيب المفروض يستأذنون من صاحب الطاوله
لأنها طاولة عائله ليش يكون متطفل ويجلس على طاوله موب حقه قاعدين عليها رجل وأسرته
فراغ
24-04-2013, 11:18 PM
الموضوع هو موضوع ثقافة
ثقافة الأحترام
والكثير لا يوجد عندة ثقافة الأستأذان ومراعات شعور الأخرين
وبعضهم عنيد ويتلذذ بمضايقة الاخرين
فما على الاخرين غير الصبر أو الأنسحاب
khaldoon
24-04-2013, 11:21 PM
ابي اقول شي و الشهادة لله..... اكثر ناس يستأذنون بأخذ كرسي زايد ما احد يجلس عليه و باين انه مب لأحد او انهم يجلسون معاك لو ما في مكان هم القطريين و النعم فيهم دونا عن باقي الشعوب و الله يشهد على كلامي اني ما اجامل
نور الحور
24-04-2013, 11:28 PM
بعد قلبي نور وسعي خاطرج يا بشمهندستنا الجميله


بخصوص رايي في الموفقين الموقف الاول لو صار لي بصراحة مقدر اتكلم الي بسويه بقوم واخذ اهلي ونروح مكان ثاني مب حلوه يكون قاعد رجل غريب معانا انا واهلي
او كان من اول ماقعدت قلتي لها المكان لاهلي قبل لا يشرف زوجها المصون لان هم مايقصرون جربي تزاحمين هنديه بمكان او تقعدين في مكانها عادي ترفسج بالضربة الملتهبه مالت كابتن رابح عند المزاحم محد يغلبهم ياكلونج
الموقف الثاني صحيح ينرفز خاصة الي يخزون بس لاحظت وايد ناس عندها هالهوايه حتى لو عطيتها نظره تكاسرج وماتشيل عينها عنج ماعندهم شي بس تقدرين تقولين وحده من الهوايات عند البعض يحاولون يتدربون على مهاره الفراسه :)

ماتعب نفسي وياهم اتجاهلهم بالعاده

الاماكن العامة لا تخلو من الفضوليين و المتطفلين
موقفج ارحم من مواقفي مع الفضوليين اكثر ماتعرض له وخاصه من العربيات تخز بعدين تسأل انتي من اي قبيله؟!!! ههههه يقتلني ضحك هالسؤال واقول بخاطري اشعرفكم بقبايلنا! لو اذكر لها اسم قبيله منقرضة من الزولو قالت والنعم ^_^

ردج ذوق يا روح .. شوفي حتى الأعضاء في المنتدى تختلف أساليبهم مع إنهم يعبرون بالكتابة ..يعني عندهم وقت للتفكير قبل لا يكتبون .. بعض الأعضاء تشوفين مستحيل تطلع منه العيبة حتى لو أثاره الآخرون ..
انا أعتقد إن الهدي النبوي في الحياة والأخلاق مهم جداً وبه يتعايش الناس ..
شوفي اسلوبج شلون حلو وراقي .. قلتي اللي تبينه من غير مصادمات .. هل معنى هذا إن ما لج حق الاختلاف ؟ لا بالعكس لكن اسلوب الاختلاف والتعبير عنه هو اللي يحكم على مدى رقي الإنسان ..

أما الفضول فهو من أسوأ السلوكيات عندي هو والكذب .. لأنه سلوك فيه تعدي على الغير .. والله يعينج على خبيرات القبايل !


وصح اوافقج في الراي في الموقف اللي ذكرته.. كان من المفترض أقوم وأخلي المكان وكنت بالفعل على وشك إني أقوم لكن ما لقيت مكان فاضي وفي نفس الوقت أغراضنا كانت وايد وما عرفت إن زوجها بيجي إلا لما شفته قعد جنبها قبل لا توصل اختي بلحظات .. ههههه صارت رواية :shy:
نور الحور
24-04-2013, 11:41 PM
والله هذه المواقف عيب المفروض يستأذنون من صاحب الطاوله
لأنها طاولة عائله ليش يكون متطفل ويجلس على طاوله موب حقه قاعدين عليها رجل وأسرته


الله يهديهم بس !


الموضوع هو موضوع ثقافة
ثقافة الأحترام
والكثير لا يوجد عندة ثقافة الأستأذان ومراعات شعور الأخرين
وبعضهم عنيد ويتلذذ بمضايقة الاخرين
فما على الاخرين غير الصبر أو الأنسحاب

ما شاء الله عليك أوجزت اللي كنت أبي اوصله للأعضاء .. بالفعل ما على الأخرين إلا اصبرأو الانسحاب وأعتقد في تعبير قرآني جميل وهو (سلاما) .. شاكرة مرورك وردك الجميل



ابي اقول شي و الشهادة لله..... اكثر ناس يستأذنون بأخذ كرسي زايد ما احد يجلس عليه و باين انه مب لأحد او انهم يجلسون معاك لو ما في مكان هم القطريين و النعم فيهم دونا عن باقي الشعوب و الله يشهد على كلامي اني ما اجامل

جزاك الله خير يا خلدون .. الحمدلله أكثر الناس هنا يراعون الذوق والأخلاق ..
بالنسبة لي أعلم أولادي الكثير من الأخلاقيات واحرص عليها وأشدد عليهم في تطبيقها .. مثل الشكر للناس .. أقول لهم لو ما سمعكم اللي تشكرونه فما لشكركم أي فايدة .. أخليهم يرجعون ويشكرونه مرة ثانية بصوت عالي ..من لا يشكر الناس لا يشكر الله :victory:
بصمة قطرية
25-04-2013, 12:58 AM
بعد قلبي نور وسعي خاطرج يا بشمهندستنا الجميله


بخصوص رايي في الموفقين الموقف الاول لو صار لي بصراحة مقدر اتكلم الي بسويه بقوم واخذ اهلي ونروح مكان ثاني مب حلوه يكون قاعد رجل غريب معانا انا واهلي
او كان من اول ماقعدت قلتي لها المكان لاهلي قبل لا يشرف زوجها المصون لان هم مايقصرون جربي تزاحمين هنديه بمكان او تقعدين في مكانها عادي ترفسج بالضربة الملتهبه مالت كابتن رابح عند المزاحم محد يغلبهم ياكلونج
الموقف الثاني صحيح ينرفز خاصة الي يخزون بس لاحظت وايد ناس عندها هالهوايه حتى لو عطيتها نظره تكاسرج وماتشيل عينها عنج ماعندهم شي بس تقدرين تقولين وحده من الهوايات عند البعض يحاولون يتدربون على مهاره الفراسه :)

ماتعب نفسي وياهم اتجاهلهم بالعاده

الاماكن العامة لا تخلو من الفضوليين و المتطفلين
موقفج ارحم من مواقفي مع الفضوليين اكثر ماتعرض له وخاصه من العربيات تخز بعدين تسأل انتي من اي قبيله؟!!! ههههه يقتلني ضحك هالسؤال واقول بخاطري اشعرفكم بقبايلنا! لو اذكر لها اسم قبيله منقرضة من الزولو قالت والنعم ^_^

خخخخخخ
أما سالفة انتي من أي قبيلة
اش كثر تصير معاي بالذات في الصالونات :nice:
صج يضحكوني
آخر مرة كانت وحدة مغربية
قالت لي بجيب لج أدعية أقريها و شربي زوجج الماي
و توضي منه كل يوم :eek5::omg:

البعض فيه لقافة غير طبيعية
اللي يخزون ينرفزون
لو كنت مكانج بقول لها خير في شي ..!! :anger1:
أحس الواحد بيغص من عينهم :rolleyes2:

الموقف الأول ان المفروض تقولين لها
بكل ذوق لو سمحتي زحمي على الطرف
عشان تفهم ان في حد معاج
و ما تجيب زوجها وانتو حريم قاعدين ..!!!
Qatari1981
25-04-2013, 01:05 AM
ماعندج سالفه

يوم دشيت حسبت
موقفيين احد لاف عليج لا سمح الله
احد سارق شنطتج
احد تبلا عليج
احد شاتمج و و و و


بالاخير ذا موضوعج

اختي الدوحه ارتبط فيها الحابل بالنابل

وماكو خجل وحيا

بحكم اختلاط العادات والتقاليد


و الخصوصيه فقط في المنزل
CH Engineer
25-04-2013, 01:22 AM
رايي تصرفها سليم مكان عام واقعدت يمكن استحت منج وماحبت تكلمج
الغلط منج المفروض تكلمينها اول ماتقعد وتقولين لها المكان محجوز عشان تقوم من الاول
مب بنص الاكل وهي تاكل تقولين لها المكان ضاق علينا قوموا!!!!

والموقف الثاني سليم ويمكن حبت تقعد بمكان فيه حد عشان تحس بالامان واهم شي اقعدت بطاوله غير طاولتج
روح الاطلس
25-04-2013, 03:51 AM
ردج ذوق يا روح .. شوفي حتى الأعضاء في المنتدى تختلف أساليبهم مع إنهم يعبرون بالكتابة ..يعني عندهم وقت للتفكير قبل لا يكتبون .. بعض الأعضاء تشوفين مستحيل تطلع منه العيبة حتى لو أثاره الآخرون ..
انا أعتقد إن الهدي النبوي في الحياة والأخلاق مهم جداً وبه يتعايش الناس ..
شوفي اسلوبج شلون حلو وراقي .. قلتي اللي تبينه من غير مصادمات .. هل معنى هذا إن ما لج حق الاختلاف ؟ لا بالعكس لكن اسلوب الاختلاف والتعبير عنه هو اللي يحكم على مدى رقي الإنسان ..

أما الفضول فهو من أسوأ السلوكيات عندي هو والكذب .. لأنه سلوك فيه تعدي على الغير .. والله يعينج على خبيرات القبايل !


وصح اوافقج في الراي في الموقف اللي ذكرته.. كان من المفترض أقوم وأخلي المكان وكنت بالفعل على وشك إني أقوم لكن ما لقيت مكان فاضي وفي نفس الوقت أغراضنا كانت وايد وما عرفت إن زوجها بيجي إلا لما شفته قعد جنبها قبل لا توصل اختي بلحظات .. ههههه صارت رواية :shy:

انتي الذوق حبيبتي ومعاج حق احيانا مانعرف نتصرف في مواقف حسب الظروف خاصه لو معاج اغراض ويهال صعبه
ونظن ان الغير عنده اخلاقيات الاستئذان مثل الي تربيتي عليها لكن الناس وخاصه بعض الشعوب ما تعودت.



موضوعج وايد مهم واهم مافيه " مفهوم الذوق العام" اللي للاسف وايد يفتقدونه!
شيخ الديرة
25-04-2013, 06:43 AM
الموقفين حصلت نتيجة تساهل منك, المفروض أول ما يجلسوا تقوليلهم, ولا تنتظرين منهم الاستئذان

Sorry, this seat is taken

حتى لو الحقيقة عكس ذلك.

سوء الفهم هذا اصلا من خلط الثقافات. يعني ليس من الغريب جدا في ايطاليا مثلا اذا واحد يصعد باص وكان الباص فارغ, ما عدا راكب أخر قبله, يروح يقعد جنبه حتى يتحدثون, وبعكسه أحتمال يتضايق الراكب الأول ويقول, شفيني هذا أبتعد عني
شبح الصمت
25-04-2013, 07:33 AM
قلة ذوق وعدم احترام
شبح الصمت
25-04-2013, 07:41 AM
:secret:
/_____I I_____\
I I
I I
I I
_ _
hasss1969
25-04-2013, 07:44 AM
الحقيقة من الذوق والادب انك لما تحب تجلس في مكان فاضي وموجود فيه شخص غيرك انك تستأذن او تسأل في حد معاك ؟لكن واضح من تصرفات بعض الناس قلة الذوق والتعمد في استفزاز الغير..
هذا رأيي الشخصي...
نور الحور
25-04-2013, 07:56 AM
خخخخخخ
أما سالفة انتي من أي قبيلة
اش كثر تصير معاي بالذات في الصالونات :nice:
صج يضحكوني
آخر مرة كانت وحدة مغربية
قالت لي بجيب لج أدعية أقريها و شربي زوجج الماي
و توضي منه كل يوم :eek5::omg:

البعض فيه لقافة غير طبيعية
اللي يخزون ينرفزون
لو كنت مكانج بقول لها خير في شي ..!! :anger1:
أحس الواحد بيغص من عينهم :rolleyes2:

الموقف الأول ان المفروض تقولين لها
بكل ذوق لو سمحتي زحمي على الطرف
عشان تفهم ان في حد معاج
و ما تجيب زوجها وانتو حريم قاعدين ..!!!

والله إنج صاجة يا بصمة الغلط مني تساهلت المفروض أقول لها من البداية إن هالمكان محجوز .. أما الخز فأنا كنت على الصامت مستحيل اروح اكلمها .. الله يهديهم بس ينقصون على الواحد
نور الحور
25-04-2013, 07:57 AM
ماعندج سالفه

يوم دشيت حسبت
موقفيين احد لاف عليج لا سمح الله
احد سارق شنطتج
احد تبلا عليج
احد شاتمج و و و و


بالاخير ذا موضوعج

اختي الدوحه ارتبط فيها الحابل بالنابل

وماكو خجل وحيا

بحكم اختلاط العادات والتقاليد


و الخصوصيه فقط في المنزل


مشكور أخوي على المشاركة !
نور الحور
25-04-2013, 07:58 AM
رايي تصرفها سليم مكان عام واقعدت يمكن استحت منج وماحبت تكلمج
الغلط منج المفروض تكلمينها اول ماتقعد وتقولين لها المكان محجوز عشان تقوم من الاول
مب بنص الاكل وهي تاكل تقولين لها المكان ضاق علينا قوموا!!!!

والموقف الثاني سليم ويمكن حبت تقعد بمكان فيه حد عشان تحس بالامان واهم شي اقعدت بطاوله غير طاولتج


أشكر لك مشاركتك وبالفعل أنا غلطت يوم ما بينت إن المكان محجوز من الأول !
نور الحور
25-04-2013, 07:59 AM
انتي الذوق حبيبتي ومعاج حق احيانا مانعرف نتصرف في مواقف حسب الظروف خاصه لو معاج اغراض ويهال صعبه
ونظن ان الغير عنده اخلاقيات الاستئذان مثل الي تربيتي عليها لكن الناس وخاصه بعض الشعوب ما تعودت.



موضوعج وايد مهم واهم مافيه " مفهوم الذوق العام" اللي للاسف وايد يفتقدونه!


جزاج الله خير روح .. دايما رافعة معنوياتي:shy:
نور الحور
25-04-2013, 08:00 AM
الموقفين حصلت نتيجة تساهل منك, المفروض أول ما يجلسوا تقوليلهم, ولا تنتظرين منهم الاستئذان

sorry, this seat is taken

حتى لو الحقيقة عكس ذلك.

سوء الفهم هذا اصلا من خلط الثقافات. يعني ليس من الغريب جدا في ايطاليا مثلا اذا واحد يصعد باص وكان الباص فارغ, ما عدا راكب أخر قبله, يروح يقعد جنبه حتى يتحدثون, وبعكسه أحتمال يتضايق الراكب الأول ويقول, شفيني هذا أبتعد عني


أوافقك الراي .. الخطأ مني بالاول ..
نور الحور
25-04-2013, 08:01 AM
قلة ذوق وعدم احترام


:secret:
/_____i i_____\
i i
i i
i i
_ _



أشكر لك رايك شبح .. بس شنهو ذي؟
ضوى
25-04-2013, 08:01 AM
فيه ناس يانور عادي عندهم قلة الذوق اصلا حياتهم جذي خالية من اللباقة والذوق ، اتذكر مرة بسوق واقف تعبانة حيلي مهدود ومافي كراسي شفت حريم منقبات استاذنت منهم وقعدت اريح ولما جات اللي معاهم وتمت واقفة قمت من مكاني وقلت شكرا

الموقف الثاني ماشوف فيه شي عادي ، الناس الفضوليين في الاماكن العامة بكثرة والافضل تجاهلهم تماما حتى ماتاخذناا الافكار لبعيد

ثاني مرة يا نور حطي اغراضج على كامل الكرسي حتى الناس اللي ماعندها ذوق تفهم انه هذا محجوز
نور الحور
25-04-2013, 08:02 AM
الحقيقة من الذوق والادب انك لما تحب تجلس في مكان فاضي وموجود فيه شخص غيرك انك تستأذن او تسأل في حد معاك ؟لكن واضح من تصرفات بعض الناس قلة الذوق والتعمد في استفزاز الغير..
هذا رأيي الشخصي...


جزاك الله خير .. معاك في الراي.. وأنا هذا اللي قاعدة اقوله وحبيت أوضحه في الموضوع .. السالفة كلها ذوقيات عامة تختلف من إنسان للثاني ومن ثقافة لثقافة ..
شبح الصمت
25-04-2013, 08:03 AM
أشكر لك رايك شبح .. بس شنهو ذي؟




قاعد ادعي عليهم بالصامت
نور الحور
25-04-2013, 08:08 AM
فيه ناس يانور عادي عندهم قلة الذوق اصلا حياتهم جذي خالية من اللباقة والذوق ، اتذكر مرة بسوق واقف تعبانة حيلي مهدود ومافي كراسي شفت حريم منقبات استاذنت منهم وقعدت اريح ولما جات اللي معاهم وتمت واقفة قمت من مكاني وقلت شكرا

الموقف الثاني ماشوف فيه شي عادي ، الناس الفضوليين في الاماكن العامة بكثرة والافضل تجاهلهم تماما حتى ماتاخذناا الافكار لبعيد

ثاني مرة يا نور حطي اغراضج على كامل الكرسي حتى الناس اللي ماعندها ذوق تفهم انه هذا محجوز


صح كلامج .. بس كان مبين الكرسي محجوز .. جنبه قاري وعليه شنطتي وشنطة ولدي ..

والله يا ضوى أنا كنت قبل أمشي الأمور وأحط على نفسي .. لكن لازم الواحد يتجرأ شوي .. أنا مرة كنت في المستشفى واقفة في الصف بالدور أبي آخذ موعد .. وكنت ثاني وحدة .. اللي قبلي توها مخلصة إلا تجي وحدة مادري طلعت من وين وتدزني بقو وتدخل كرت مواعيدها قبلي !
قلت لها لو سمحتي أنا واقفة هني قبلج .. ولا تفتكر ولا ترد علي ..
كلمت الموظفة قلت لها هذا دوري وهي جاية من برا .. ما سوت شي بس كملت كرتها وسوت لها الموعد وبعدين خذت كرتي :weeping:
بونووف
25-04-2013, 08:09 AM
الموقف الاول المفروض حار بحار تقولين لها قومي اختي جايه ..والهنود معروفين ماعندهم احترام لحدود الغير ..

اما الموقف الثاني عادي يمكن البنت اقعدت صوبج وماتبي تقعد بروحها وتكون عرضه للتحرش .. ومن النوع اللي تسرح وايد ..

معاي هندي يحب التطفل حزات اجيب معاي بسكوت واكله واخلي القراطيس على الطاوله يومين ورى بعض يمر يشوفهم على الطاول .. الثالثه ماحطها في خاطره .. قالي شنو هاي كل يوم اشوفه على طاولتك ههه واليوم فرش اول مادخلت هو كان وراي الا يشوفني احط البسكوت في المخبى الا يسلم ويقولي شنو هاي شحطيت ...مادري يوعان الريال
نور الحور
25-04-2013, 08:09 AM
قاعد ادعي عليهم بالصامت

هههههههه .. ادعي لهم بالهداية أحسن .. والله حزات اتنرفز أقول الله يهديكم عاد خلاص << كأنها دعوة عليهم مو لهم من كثر ما أنا محتدة :shy:
نور الحور
25-04-2013, 08:11 AM
الموقف الاول المفروض حار بحار تقولين لها قومي اختي جايه ..والهنود معروفين ماعندهم احترام لحدود الغير ..

اما الموقف الثاني عادي يمكن البنت اقعدت صوبج وماتبي تقعد بروحها وتكون عرضه للتحرش .. ومن النوع اللي تسرح وايد ..

معاي هندي يحب التطفل حزات اجيب معاي بسكوت واكله واخلي القراطيس على الطاوله يومين ورى بعض يمر يشوفهم على الطاول .. الثالثه ماحطها في خاطره .. قالي شنو هاي كل يوم اشوفه على طاولتك ههه واليوم فرش اول مادخلت هو كان وراي الا يشوفني احط البسكوت في المخبى الا يسلم ويقولي شنو هاي شحطيت ...مادري يوعان الريال


صح كلامك الغلط مني ما تكلمت من قبل .. بس سالفة الفضول ذي عندي حساسية منها .. أحياناً أختبص وما أعرف أرد من كثر ما تكون الأسئلة مباشرة وما لها مفر !:rolleyes2:
ضوى
25-04-2013, 08:13 AM
صح كلامج .. بس كان مبين الكرسي محجوز .. جنبه قاري وعليه شنطتي وشنطة ولدي ..

والله يا ضوى أنا كنت قبل أمشي الأمور وأحط على نفسي .. لكن لازم الواحد يتجرأ شوي .. أنا مرة كنت في المستشفى واقفة في الصف بالدور أبي آخذ موعد .. وكنت ثاني وحدة .. اللي قبلي توها مخلصة إلا تجي وحدة مادري طلعت من وين وتدزني بقو وتدخل كرت مواعيدها قبلي !
قلت لها لو سمحتي أنا واقفة هني قبلج .. ولا تفتكر ولا ترد علي ..
كلمت الموظفة قلت لها هذا دوري وهي جاية من برا .. ما سوت شي بس كملت كرتها وسوت لها الموعد وبعدين خذت كرتي :weeping:

سوتها فيني واحدة بنفس الطريقة ، قلت لها اختي انتي تشوفيني واقفة قبلج والا لا ؟ عطتني السين قلت بصوت مسموع لها ولغيرها صج مافي ذوق ولا سنع ، وقلت للموظفة اذا مشت قبلي ماراح اعديها على خير وخلصتني قبلها وانا مخلصة قلت لها ياليت تتعلمين معنى الذوق واللباقة انتي مب داشة سوق الجبرة وتفاصلين مع بايع ودبرت عنها
R 7 A L
25-04-2013, 08:17 AM
الله يحييك رحال .. الله يهديك أنا ما قلت مشكلة قلت موقفين .. وحبيت أخذ رايكم فيهم ..الله يسامحك عاد يعني ما نطلع ؟ ما نغير جو ؟ زعلتني يا رحال :weeping:

عليك بالصبر

،
ماقلت لا تطلعين
ولكن عليك بأختيار احد الأمرين
يا انك تطلعين وتشاركين الناس وترضين بماسوف يحل عليك
يا انك تقعدين في البيت ( مملكتك ) براحتك وعلى غناك

،

سوق واقف
اُجبرت ان أذهب اليه في الفترة الصباحية فقط
وذلك لوجود المعازف والروائح ( الشيشة ) خلال الفترة المسائية وكذلك الزحمة الشديدة بالمواقف

لذا علينا أن نختار أحد الأمرين السابقين

تحياتي
بونووف
25-04-2013, 08:20 AM
اللي يجوون قدامك ومايحترمون الطابور يقهروووني بشكل يمكن اقعد افكر فيهم يوم كامل هالموقف الوحيد اللي اتوهق فيه لانه دايما يصير لي مع حريم ...

اخر مره في وقود واقف فالسيد ووحده جات وقفت على جنب .. والمشكله مافي حد وراي ..وانا مستعيل ماخذ غرض وطالع .. شوي الا قطت الشنطه قدامي رفيق جيب 10 ريال كرت هلا وتطالع وشي بتقولي ارجع ورى وامسك دورك :swoon: وبعدها قالت عندك بطاقه مال بنك يعني كانت بتطول بس قمت قطيت الغرض عالطاوله وحس بغلطته الفلبيني انه مشاها
قطريه22
25-04-2013, 08:22 AM
الموقف الاول المفروض حار بحار تقولين لها قومي اختي جايه ..والهنود معروفين ماعندهم احترام لحدود الغير ..

اما الموقف الثاني عادي يمكن البنت اقعدت صوبج وماتبي تقعد بروحها وتكون عرضه للتحرش .. ومن النوع اللي تسرح وايد ..

معاي هندي يحب التطفل حزات اجيب معاي بسكوت واكله واخلي القراطيس على الطاوله يومين ورى بعض يمر يشوفهم على الطاول .. الثالثه ماحطها في خاطره .. قالي شنو هاي كل يوم اشوفه على طاولتك ههه واليوم فرش اول مادخلت هو كان وراي الا يشوفني احط البسكوت في المخبى الا يسلم ويقولي شنو هاي شحطيت ...مادري يوعان الريال


هههههههههههههههههههههههههههههههههههههههههههههههههه
وليش حاط البسكوت في مخباك بيتكسر
قطريه22
25-04-2013, 08:23 AM
قاعد ادعي عليهم بالصامت



حرام ليش تدعي :anger1:

ياشرير :(
رفيق الصحراء
25-04-2013, 08:26 AM
مواقف عاديه جدا . بس انتي حساسه اشوي ويمكن لانه بالموقف الاول كنتوا وايد وخفتي انه ولدج يتعب او حد من العيال ومايلقى مكان للجلوس ومعاج اختج وتبون تاخذون راحتكم بالكلام
والموقف الثاني استحيتي من وجودها جدامك وتطالعك فعادي جدا

انا صار لي موقف مضحك اشوي كنت بالسينما وماخد بوب كورن وبيبسي وانطر يبدا الفلم وكان بالسينما يهال يلعبون وجاني واحد فيهم قعد بالكرسي اللي جنبي وقعد ياكل من البوب كورن ويشرب البيبسي انا قاعد اطالع وادور وين الكاميرا احسب الكاميرا الخفيه وبعدين نادوه اهله وطلع
قطريه22
25-04-2013, 08:27 AM
صح كلامج .. بس كان مبين الكرسي محجوز .. جنبه قاري وعليه شنطتي وشنطة ولدي ..

والله يا ضوى أنا كنت قبل أمشي الأمور وأحط على نفسي .. لكن لازم الواحد يتجرأ شوي .. أنا مرة كنت في المستشفى واقفة في الصف بالدور أبي آخذ موعد .. وكنت ثاني وحدة .. اللي قبلي توها مخلصة إلا تجي وحدة مادري طلعت من وين وتدزني بقو وتدخل كرت مواعيدها قبلي !
قلت لها لو سمحتي أنا واقفة هني قبلج .. ولا تفتكر ولا ترد علي ..
كلمت الموظفة قلت لها هذا دوري وهي جاية من برا .. ما سوت شي بس كملت كرتها وسوت لها الموعد وبعدين خذت كرتي :weeping:



اوووووووووووووووووووووووه اذا على المواعيد والناس الي هناك الله لايراويج لااسلوب ولاذوق ولاادب نفس ماقلتي تجي وتدزج ولاكأنها سوت شي وتكلمينها وماترد

انا بصراحه ماتكلم كلش اسكت لو وحده جات قبلي واطنش لها ماحب اعور راسي مع حد بس اذا مصخوها ممكن اكلم الشخص المسؤول بس الشخص نفسه لا لان ماتدرين شنو تربية الشخص عادي يقل ادبه ..

واوقات وايد يوم اشوف حد يسوي هالشي ابتسم واقول الحمدلله والشكر واحمد ربي اني مب نفس اسلوبهم وطريقتهم..
قطريه22
25-04-2013, 08:28 AM
مواقف عاديه جدا . بس انتي حساسه اشوي ويمكن لانه بالموقف الاول كنتوا وايد وخفتي انه ولدج يتعب او حد من العيال ومايلقى مكان للجلوس ومعاج اختج وتبون تاخذون راحتكم بالكلام
والموقف الثاني استحيتي من وجودها جدامك وتطالعك فعادي جدا

انا صار لي موقف مضحك اشوي كنت بالسينما وماخد بوب كورن وبيبسي وانطر يبدا الفلم وكان بالسينما يهال يلعبون وجاني واحد فيهم قعد بالكرسي اللي جنبي وقعد ياكل من البوب كورن ويشرب البيبسي انا قاعد اطالع وادور وين الكاميرا احسب الكاميرا الخفيه وبعدين نادوه اهله وطلع

هههههههههههههههههههه يحليله اليهال الواحد مايتعتب عليهم مايدري شالسالفه على باله عادي الوضع..
أم نواري1
25-04-2013, 08:32 AM
عسى ماشر أنا أشوفها بالموقف الأول قلّة أدب
حتى لو مكان عام المفروض من الذوق والذرابة اللي تربينا عليها
قبل لا نقعد قريب من أحد نستأذن

اشدعوة ياحافظ من الأول بقولها المكان محجوز وشويات بيجون أختي واليهال
إذا بتريحين شوي حياج الله بس إذا جاو ماعليه أختي توكلي

اللي مايحترمني أفرض عليه احترامي بالكرباج
في ناس ماتستحي وجهها مغسول بمرق

أما الموقف الثاني ممكن أعديه خل تخز لين ماتطلع عينها دامها بعيده عني
أما لو كانت ذكر بيكون التصرف ثاني
شبح الصمت
25-04-2013, 08:34 AM
حرام ليش تدعي :anger1:

ياشرير :(




انزين انتم اشدراكم اني ادعي عليهم

يمكن ادعي الله يهديهم .. !!!

:rolleyes2:
قطريه22
25-04-2013, 08:38 AM
انزين انتم اشدراكم اني ادعي عليهم

يمكن ادعي الله يهديهم .. !!!

:rolleyes2:



:dance:danceيييييييييييييييييييييييييييس الحين انا باتفلسف

الاخ شبح يوجد فرق بين ادعي عليهم وادعي لهم

في الاولى يكون الدعاء عليهم بشيء سيء..
اما الثانيه فمعناها الدعاء لهم بشيء جيد ..


وشكراً لك :tease:

اشرايكم فيني ،، الحين بيخلوني مثال على استظراف الاعضاء في المواضيع:shy:
شبح الصمت
25-04-2013, 08:40 AM
:dance:danceيييييييييييييييييييييييييييس الحين انا باتفلسف

الاخ شبح يوجد فرق بين ادعي عليهم وادعي لهم

في الاولى يكون الدعاء عليهم بشيء سيء..
اما الثانيه فمعناها الدعاء لهم بشيء جيد ..


وشكراً لك :tease:

اشرايكم فيني ،، الحين بيخلوني مثال على استظراف الاعضاء في المواضيع




:secret:

الدعاء عليهم
الله يهديكم الله يهديكم بس بقهر بقهر

وخفي علينا يالاتجاه المعاكس

ههههههههههههههههههههههههههههاي

:shy:
قطريه22
25-04-2013, 08:43 AM
:secret:

الدعاء عليهم
الله يهديكم الله يهديكم بس بقهر بقهر

وخفي علينا يالاتجاه المعاكس

ههههههههههههههههههههههههههههاي

:shy:


هههههههههههههههههههههههههههههههههههههههههههههههههه هههه
اهم شيء بقهر ههههههههههههههههههههههههههههههه
بونووف
25-04-2013, 08:45 AM
هههههههههههههههههههههههههههههههههههههههههههههههههه
وليش حاط البسكوت في مخباك بيتكسر

عشان اسلم عليهم ..... والصج ريوقي وجايب على قدي مابي حد يدش عرض ويقول عطني .. لانه اللي عندي كلهم مفجوعين .. عالصبح ياكلون سبجي
حسن
25-04-2013, 08:53 AM
ماادري الصراحه ماشوف في شي يعني يستاهل الاهتمام
اهم اهل الدار واحنا الضيوف فااعادي يامره
وسعي صدرك
قطريه22
25-04-2013, 08:54 AM
عشان اسلم عليهم ..... والصج ريوقي وجايب على قدي مابي حد يدش عرض ويقول عطني .. لانه اللي عندي كلهم مفجوعين .. عالصبح ياكلون سبجي

:eek5:

ههههههههههههههه بخيل:secret:
بونووف
25-04-2013, 08:58 AM
:eek5:

ههههههههههههههه بخيل:secret:

لا والله هم يجون ومعاهم ريوقهم وتشمين المكتب ريحته حمسه وريحتهم فايحه بصل ولاحد يقولي تفضل بالهندي .. واجي انا الفقير المسكين بكم بسكوته يبون يشاركوني فيها :(
للصبر اخر
25-04-2013, 08:58 AM
من المواقف اللي ما انساها
كنت بالدوام اكل وجات وحده قعدت معاي
انا رن تلفوني واستاذنت قمت ارد ع المكالمه
رجعت لقيتها فاتحه الشنطه وتاكل من اكلي وعاادي كانه لهاا
ولا كان صار شي وتسولف طبيعي
حمد 2002
25-04-2013, 08:59 AM
موقفين بينهم يومين ،،،

ماشاء الله العنوان على نفس القافيه ،،،
بونووف
25-04-2013, 09:00 AM
من المواقف اللي ما انساها
كنت بالدوام اكل وجات وحده قعدت معاي
انا رن تلفوني واستاذنت قمت ارد ع المكالمه
رجعت لقيتها فاتحه الشنطه وتاكل من اكلي وعاادي كانه لهاا
ولا كان صار شي وتسولف طبيعي

:eek5:
حسن
25-04-2013, 09:02 AM
موقفين بينهم يومين ،،،

ماشاء الله العنوان على نفس القافيه ،،،

:funny:


نرشحها لبرنامج شاعر المليون

:secret:

المسامحه لفك الخناق لااكثر

:victory:
أم نواري1
25-04-2013, 09:03 AM
من المواقف اللي ما انساها
كنت بالدوام اكل وجات وحده قعدت معاي
انا رن تلفوني واستاذنت قمت ارد ع المكالمه
رجعت لقيتها فاتحه الشنطه وتاكل من اكلي وعاادي كانه لهاا
ولا كان صار شي وتسولف طبيعي

:eek5:

غيري بدلي .!
قطريه22
25-04-2013, 09:06 AM
من المواقف اللي ما انساها
كنت بالدوام اكل وجات وحده قعدت معاي
انا رن تلفوني واستاذنت قمت ارد ع المكالمه
رجعت لقيتها فاتحه الشنطه وتاكل من اكلي وعاادي كانه لهاا
ولا كان صار شي وتسولف طبيعي

:omg::eek5:

طيب واشسويتي؟؟
ضوى
25-04-2013, 09:06 AM
من المواقف اللي ما انساها
كنت بالدوام اكل وجات وحده قعدت معاي
انا رن تلفوني واستاذنت قمت ارد ع المكالمه
رجعت لقيتها فاتحه الشنطه وتاكل من اكلي وعاادي كانه لهاا
ولا كان صار شي وتسولف طبيعي

شكانت ردة فعلج معاها ؟؟
رايق البال x
25-04-2013, 09:07 AM
اهم شي ما يقعدون على طاولتي لاني بقولهم بكل أدب بامكانكم تختارون طاولة ثانية هذي خاصة لي انا وعائلتي .. قلة ادر انه يجي ويقعد على نفس طاولتي بصراحة
قطريه22
25-04-2013, 09:08 AM
لا والله هم يجون ومعاهم ريوقهم وتشمين المكتب ريحته حمسه وريحتهم فايحه بصل ولاحد يقولي تفضل بالهندي .. واجي انا الفقير المسكين بكم بسكوته يبون يشاركوني فيها :(


اهاااااااااااااااااااااااااااااااااااااااااااااااا اااااااا انت شكلك مع هنود قاعد لان استغربت يوم قلت يجيبون اكلهم معاهم..

دام السالفه جي عيل ياخوي حط البسكوت في المخبا وماعليك منهم

وعندي لك طريقه حق البسكوت اذا كان مالح خذ جبن سايل وحطه في البسكوت واكله يااااااااااااااااااااااااااااااااااسلام احلى وجبه دوم اسويها وانا في الدوام عاد الجبن تصرف خشه تحت الطاوله والا في البرنتر :tease:
للصبر اخر
25-04-2013, 09:10 AM
شكانت ردة فعلج معاها ؟؟

ههههههههه
ماسويت شي
عادي خليتها
اللي صار انه هاليوم تلفوني ما سكت كل شوي اهد الاكل واقوم كان ضغط شغل
قريب الساعه انا بعيد عن المكت وهي قاعده تنطرني
ماكلت انا لنها كلت السندويشتين
وانا كلت نص
بس تميت اسبوعين ما ايب اكل لين هي صارت ماتجي عندي
قطريه22
25-04-2013, 09:11 AM
:eek5:


:eek5:

غيري بدلي .!


:omg::eek5:

طيب واشسويتي؟؟




شكانت ردة فعلج معاها ؟؟



كلنـــــــــــــــــــــــــا ننتظر بقية السالفه شوفي شكلنا :eek5:
للصبر اخر
25-04-2013, 09:12 AM
كلنـــــــــــــــــــــــــا ننتظر بقية السالفه شوفي شكلنا :eek5:

ورديت اناا ع السالفه
أم نواري1
25-04-2013, 09:12 AM
ههههههههه
ماسويت شي
عادي خليتها
اللي صار انه هاليوم تلفوني ما سكت كل شوي اهد الاكل واقوم كان ضغط شغل
قريب الساعه انا بعيد عن المكت وهي قاعده تنطرني
ماكلت انا لنها كلت السندويشتين
وانا كلت نص
بس تميت اسبوعين ما ايب اكل لين هي صارت ماتجي عندي

بعد تمت أسبوعين :eek5:

هدوني عليها :anger1:
نور الحور
25-04-2013, 09:13 AM
عليك بالصبر

،
ماقلت لا تطلعين
ولكن عليك بأختيار احد الأمرين
يا انك تطلعين وتشاركين الناس وترضين بماسوف يحل عليك
يا انك تقعدين في البيت ( مملكتك ) براحتك وعلى غناك

،

سوق واقف
اُجبرت ان أذهب اليه في الفترة الصباحية فقط
وذلك لوجود المعازف والروائح ( الشيشة ) خلال الفترة المسائية وكذلك الزحمة الشديدة بالمواقف

لذا علينا أن نختار أحد الأمرين السابقين

تحياتي


إي والله يعينا على الصبر ..
بس يارحال أنا طارحة الموضوع لمناقشة الذوقيات العامة ..
يعني صحيح انا بصبر أو بالأصح بتصبر على أذى بعض الناس أو قلة ذوقهم لكن مو معنى هذا اتنازل عن حقي ..
شوف مثلا المثل اللي ذكرته أنا وضوى عن أخذ المواعيد .. المكان مستشفى .. يعني مو مكان ترفيهي مثلا .. لازم بتصير لي مواقف بأي مكان لكن ما يلزموني على قعدة البيت بس عشان أتجنبهم .. الصبر على أذى الناس فيه أجر وكظم الغيظ ورد الإساءة بالإحسان كلها أخلاق قرآنية وهدي نبوي ..
جزاك الله على الإضافة
شبح الصمت
25-04-2013, 09:13 AM
صدقوني البنات يفلون اخوانهم فل مساكين اذا قاموا بواجباتهم تجاهم يعني لو طلع ووداهم وجابهم يكونون مستانسين انه في رجال معاهم ..

ريوق
غداء
عشاء
تلفونات
كروت تعبئة
يمكن بعد اطلع له سيارة

مساكين البنات صدقوني مستعد تمص راتبها وتضحك تقول حلاله اخوي


تفكير مادي صح

هههههههههههههههههههههههههههههههههههههههههههههاي

:shy:
الزعفراني
25-04-2013, 09:13 AM
الموقف الأول كان بالإمكان اول ما تقعد تكلميهاا بكل أدب وذوق وتقولين لها ان المكان محجوز بس راحوا يجيبون شغله وراجعين ..
بونووف
25-04-2013, 09:13 AM
اهاااااااااااااااااااااااااااااااااااااااااااااااا اااااااا انت شكلك مع هنود قاعد لان استغربت يوم قلت يجيبون اكلهم معاهم..

دام السالفه جي عيل ياخوي حط البسكوت في المخبا وماعليك منهم

وعندي لك طريقه حق البسكوت اذا كان مالح خذ جبن سايل وحطه في البسكوت واكله يااااااااااااااااااااااااااااااااااسلام احلى وجبه دوم اسويها وانا في الدوام عاد الجبن تصرف خشه تحت الطاوله والا في البرنتر :tease:

هههههه حسيتي فيني طحت على دوام ومكتب مافيه الا هنود ...

كان عندي بسكوت بالكراميل لقيته فالبيت .. سألت المره تقولي من سوق واقف لذيذ مع شاي حمر .. بس حرمة الجبن مش بطاله بجربها والجبن ماعليج عندي ثلاجه فالمكتب:nice:
بونووف
25-04-2013, 09:16 AM
صدقوني البنات يفلون اخوانهم فل مساكين اذا قاموا بواجباتهم تجاهم يعني لو طلع ووداهم وجابهم يكونون مستانسين انه في رجال معاهم ..

ريوق
غداء
عشاء
تلفونات
كروت تعبئة
يمكن بعد اطلع له سيارة

مساكين البنات صدقوني مستعد تمص راتبها وتضحك تقول حلاله اخوي


تفكير مادي صح

هههههههههههههههههههههههههههههههههههههههههههههاي

:shy:

لااااا شبح شكلك ضيعت المفروض هناك مب هني :secret:
للصبر اخر
25-04-2013, 09:16 AM
صدقوني البنات يفلون اخوانهم فل مساكين اذا قاموا بواجباتهم تجاهم يعني لو طلع ووداهم وجابهم يكونون مستانسين انه في رجال معاهم ..

ريوق
غداء
عشاء
تلفونات
كروت تعبئة
يمكن بعد اطلع له سيارة

مساكين البنات صدقوني مستعد تمص راتبها وتضحك تقول حلاله اخوي


تفكير مادي صح

هههههههههههههههههههههههههههههههههههههههههههههاي

:shy:

هذا هناك مو هني ملخبط انت :telephone:
شبح الصمت
25-04-2013, 09:17 AM
هذا هناك مو هني ملخبط انت :telephone:




ثاني مره اكتب في هالموضوع شنو سحر ادش عليه .. !!!!


متأكد اني راد اهناك ..

مازا حصل

:eek5:
شبح الصمت
25-04-2013, 09:22 AM
الي يقدر يشل ردي ويحطه اهناك يسوي فيني خير حاولت كوبي بيست مافي معصلقها معاي الكمبيوتر ..
نور الحور
25-04-2013, 09:25 AM
مواقف عاديه جدا . بس انتي حساسه اشوي ويمكن لانه بالموقف الاول كنتوا وايد وخفتي انه ولدج يتعب او حد من العيال ومايلقى مكان للجلوس ومعاج اختج وتبون تاخذون راحتكم بالكلام
والموقف الثاني استحيتي من وجودها جدامك وتطالعك فعادي جدا

انا صار لي موقف مضحك اشوي كنت بالسينما وماخد بوب كورن وبيبسي وانطر يبدا الفلم وكان بالسينما يهال يلعبون وجاني واحد فيهم قعد بالكرسي اللي جنبي وقعد ياكل من البوب كورن ويشرب البيبسي انا قاعد اطالع وادور وين الكاميرا احسب الكاميرا الخفيه وبعدين نادوه اهله وطلع


هههههههههه موقفك عجيب ..
يمكن أنا حساسة لكن أشوف إن الأخلاق والأدب والذوق أمور أساسية في الحياة ولها أولوية بالنسبة لي ..

بس موقفك بنقول معليه ياهل .. أنا لو قل ذوقه علي طفل لازم أوجهه .. ومو مشكلة بعدين أتنازل عن حقي في الشيء ..
مرة شفت ولد يبي ياخذ سيكل ولدي بالقو .. قلت له حبيبي هذا السيكل حق ولدي لو تبي تستخدمه استأذن منه قبل وشوف إن كان بيسمح لك أو لا .. وبالفعل استأذن واستخدمه شوي ورجعه .. قلت له شالمفروض نقول في هالحالة ؟ قال : شكراً .. قلت له بارك الله فيك
للصبر اخر
25-04-2013, 09:25 AM
تم اخوي حولنااه هناك
شبح الصمت
25-04-2013, 09:26 AM
لااااا شبح شكلك ضيعت المفروض هناك مب هني :secret:




اسكت ياخي شالسالفه ..

:eek5:
نور الحور
25-04-2013, 09:28 AM
عسى ماشر أنا أشوفها بالموقف الأول قلّة أدب
حتى لو مكان عام المفروض من الذوق والذرابة اللي تربينا عليها
قبل لا نقعد قريب من أحد نستأذن

اشدعوة ياحافظ من الأول بقولها المكان محجوز وشويات بيجون أختي واليهال
إذا بتريحين شوي حياج الله بس إذا جاو ماعليه أختي توكلي

اللي مايحترمني أفرض عليه احترامي بالكرباج
في ناس ماتستحي وجهها مغسول بمرق

أما الموقف الثاني ممكن أعديه خل تخز لين ماتطلع عينها دامها بعيده عني
أما لو كانت ذكر بيكون التصرف ثاني



أما بالكرباج هههههه ماسوينا شي عيل !
نور الحور
25-04-2013, 09:29 AM
ماادري الصراحه ماشوف في شي يعني يستاهل الاهتمام
اهم اهل الدار واحنا الضيوف فااعادي يامره
وسعي صدرك


إن شاء الله يا حسن .. الله يوسع صدورنا ويلهمنا الصبر والإحسان في التعامل
شبح الصمت
25-04-2013, 09:29 AM
أعتذر اختي نور شاركت بموضوعك بالغلط وصارت تعليقات خارجه عن آراداتي
bos3eed
25-04-2013, 09:29 AM
مواقف عاديه جدا . بس انتي حساسه اشوي ويمكن لانه بالموقف الاول كنتوا وايد وخفتي انه ولدج يتعب او حد من العيال ومايلقى مكان للجلوس ومعاج اختج وتبون تاخذون راحتكم بالكلام
والموقف الثاني استحيتي من وجودها جدامك وتطالعك فعادي جدا

انا صار لي موقف مضحك اشوي كنت بالسينما وماخد بوب كورن وبيبسي وانطر يبدا الفلم وكان بالسينما يهال يلعبون وجاني واحد فيهم قعد بالكرسي اللي جنبي وقعد ياكل من البوب كورن ويشرب البيبسي انا قاعد اطالع وادور وين الكاميرا احسب الكاميرا الخفيه وبعدين نادوه اهله وطلع

هههههههههههههههههههههههههههههههههههههههههههههههههه هههههههههههههههههه لالالالالا مستحييييييييييييييييييييييييييييييييييييييييييييل

قمة البراءه على باله كل شي حلال ابوه ههههههههههههههههههههههههههههههههه
قطريه22
25-04-2013, 09:30 AM
صدقوني البنات يفلون اخوانهم فل مساكين اذا قاموا بواجباتهم تجاهم يعني لو طلع ووداهم وجابهم يكونون مستانسين انه في رجال معاهم ..

ريوق
غداء
عشاء
تلفونات
كروت تعبئة
يمكن بعد اطلع له سيارة

مساكين البنات صدقوني مستعد تمص راتبها وتضحك تقول حلاله اخوي


تفكير مادي صح

هههههههههههههههههههههههههههههههههههههههههههههاي

:shy:

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههه ان عيوني غرقت بدموع الضحك عليك ههههههههههههههههههههههههههههههههههههههههههههههههه
نور الحور
25-04-2013, 09:31 AM
من المواقف اللي ما انساها
كنت بالدوام اكل وجات وحده قعدت معاي
انا رن تلفوني واستاذنت قمت ارد ع المكالمه
رجعت لقيتها فاتحه الشنطه وتاكل من اكلي وعاادي كانه لهاا
ولا كان صار شي وتسولف طبيعي


أقووووووووووووى شي :eek5:

لو أنا عادي بقولها ممكن لو سمحتي تعطيني شوي :nice:
بونووف
25-04-2013, 09:32 AM
اسكت ياخي شالسالفه ..

:eek5:

شكلك فاتح الصفحتين تقرى من هني و هني:tease:
نور الحور
25-04-2013, 09:32 AM
موقفين بينهم يومين ،،،

ماشاء الله العنوان على نفس القافيه ،،،


متعمده يا حمد :nice:
شبح الصمت
25-04-2013, 09:33 AM
شكلك فاتح الصفحتين تقرى من هني و هني:tease:



اشدعوة حياسه !

:secret:
نور الحور
25-04-2013, 09:33 AM
:funny:


نرشحها لبرنامج شاعر المليون

:secret:

المسامحه لفك الخناق لااكثر

:victory:


هههههه ..شاعرة لو سمحت :shy:
شبح الصمت
25-04-2013, 09:35 AM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههه ان عيوني غرقت بدموع الضحك عليك ههههههههههههههههههههههههههههههههههههههههههههههههه


:secret:
نور الحور
25-04-2013, 09:36 AM
اهم شي ما يقعدون على طاولتي لاني بقولهم بكل أدب بامكانكم تختارون طاولة ثانية هذي خاصة لي انا وعائلتي .. قلة ادر انه يجي ويقعد على نفس طاولتي بصراحة

صارت لي عادي ناس غريبة تجي وتقعد !
بس احتسب الأجر لأن الصبر عليهم من الإحسان .. عاد الله يذكرني ذيك الحزة احياناً الواحد ينسى نفسه ويرد بحدة أو ويعصب :shy:
نور الحور
25-04-2013, 09:36 AM
اهاااااااااااااااااااااااااااااااااااااااااااااااا اااااااا انت شكلك مع هنود قاعد لان استغربت يوم قلت يجيبون اكلهم معاهم..

دام السالفه جي عيل ياخوي حط البسكوت في المخبا وماعليك منهم

وعندي لك طريقه حق البسكوت اذا كان مالح خذ جبن سايل وحطه في البسكوت واكله يااااااااااااااااااااااااااااااااااسلام احلى وجبه دوم اسويها وانا في الدوام عاد الجبن تصرف خشه تحت الطاوله والا في البرنتر :tease:


ههههههههه .. ملح ملح مو زين
sweet qatar
25-04-2013, 09:37 AM
حبيبتي نور..

ياليتج من بداية الموضوع كتبتي انج تبين تناقشين الذوق العام وسلوكياته..
واستغرب من الي يقول عادي..
قلة الذوق عمرها ماتصير شي عادي.. والمفروض الي يجي قطر يتكيف مع اسلوب اهلها مب العكس..!!
علينا احنا نعلمهم على الاستئذان.. لأن الذوق بدا يختفي حتى في تصرفات بعض القطريين..



على طاري الهنود.. مرة واحنا في المطار واقفين في طابور البوردنج وكانوا مجموعة منهم قاعدين على الكراسي..
عقب قاموا يبون يدخلون وسط الطابور..
كلنا تضايقنا.. وصرنا نقولهم في طابور وروحوا ورا وهم يسون نفسهم مايسمعون..
شفت الأجنبية الي جدام بعد تضايقت وتحندى.. وجات عينها بعيني..
سبحان الله تفاهمنا بالنظرات..
صارت هي تروح تسحب كل واحد وتقوله يرجع ورا الطابور..
وأنا ماسكة مكانها وأشر لهم يروحون آخر الطابور..

رجعوا كلهم لما دروا ان محد بيسكت عنهم..
عقب رجعت هي مكانها.. وطالعنا بعض وابتسمنا ابتسامة النصر هههههه..
نور الحور
25-04-2013, 09:37 AM
ههههههههه
ماسويت شي
عادي خليتها
اللي صار انه هاليوم تلفوني ما سكت كل شوي اهد الاكل واقوم كان ضغط شغل
قريب الساعه انا بعيد عن المكت وهي قاعده تنطرني
ماكلت انا لنها كلت السندويشتين
وانا كلت نص
بس تميت اسبوعين ما ايب اكل لين هي صارت ماتجي عندي


هههههههه على البارد تعاملتي معاها .. أكيد كان الأكل اللي تجيبينه عاجبها
نور الحور
25-04-2013, 09:38 AM
الموقف الأول كان بالإمكان اول ما تقعد تكلميهاا بكل أدب وذوق وتقولين لها ان المكان محجوز بس راحوا يجيبون شغله وراجعين ..


والله صح بس مادري شلون استحيت وسكت :weeping:
نور الحور
25-04-2013, 09:40 AM
ثاني مره اكتب في هالموضوع شنو سحر ادش عليه .. !!!!


متأكد اني راد اهناك ..

مازا حصل

:eek5:


مع نور الحور مش حتقدر تغمض عينيك ..
شكرا شكرا شبح .. يالله توكل على الله لو سمحت وخذ ردودك ذاك الصوب :tease:
شبح الصمت
25-04-2013, 09:40 AM
حبيبتي نور..

ياليتج من بداية الموضوع كتبتي انج تبين تناقشين الذوق العام وسلوكياته..
واستغرب من الي يقول عادي..
قلة الذوق عمرها ماتصير شي عادي.. والمفروض الي يجي قطر يتكيف مع اسلوب اهلها مب العكس..!!
علينا احنا نعلمهم على الاستئذان.. لأن الذوق بدا يختفي حتى في تصرفات بعض القطريين..



على طاري الهنود.. مرة واحنا في المطار واقفين في طابور البوردنج وكانوا مجموعة منهم قاعدين على الكراسي..
عقب قاموا يبون يدخلون وسط الطابور..
كلنا تضايقنا.. وصرنا نقولهم في طابور وروحوا ورا وهم يسون نفسهم مايسمعون..
شفت الأجنبية الي جدام بعد تضايقت وتحندى.. وجات عينها بعيني..
سبحان الله تفاهمنا بالنظرات..
صارت هي تروح تسحب كل واحد وتقوله يرجع ورا الطابور..
وأنا ماسكة مكانها وأشر لهم يروحون آخر الطابور..

رجعوا كلهم لما دروا ان محد بيسكت عنهم..
عقب رجعت هي مكانها.. وطالعنا بعض وابتسمنا ابتسامة النصر هههههه..




مب سهلين يالحريم بالنظرات مستعدين تسووون مصيبه

اهم شيء في النهاية ارفعوا الحاجبين علامة النصر

:victory:

ههههههههههههههههههههههههههههههههههاي
نور الحور
25-04-2013, 09:41 AM
أعتذر اختي نور شاركت بموضوعك بالغلط وصارت تعليقات خارجه عن آراداتي

أهم شي كل (إراداتك ) بخير .. فرداً فرداً؟:shy:
شبح الصمت
25-04-2013, 09:43 AM
أهم شي كل (إراداتك ) بخير .. فرداً فرداً؟:shy:




مشكله الي يطب مع ناس يدققون لغويا رآح ملح مسكين
:fight:
نور الحور
25-04-2013, 09:44 AM
حبيبتي نور..

ياليتج من بداية الموضوع كتبتي انج تبين تناقشين الذوق العام وسلوكياته..
واستغرب من الي يقول عادي..
قلة الذوق عمرها ماتصير شي عادي.. والمفروض الي يجي قطر يتكيف مع اسلوب اهلها مب العكس..!!
علينا احنا نعلمهم على الاستئذان.. لأن الذوق بدا يختفي حتى في تصرفات بعض القطريين..



على طاري الهنود.. مرة واحنا في المطار واقفين في طابور البوردنج وكانوا مجموعة منهم قاعدين على الكراسي..
عقب قاموا يبون يدخلون وسط الطابور..
كلنا تضايقنا.. وصرنا نقولهم في طابور وروحوا ورا وهم يسون نفسهم مايسمعون..
شفت الأجنبية الي جدام بعد تضايقت وتحندى.. وجات عينها بعيني..
سبحان الله تفاهمنا بالنظرات..
صارت هي تروح تسحب كل واحد وتقوله يرجع ورا الطابور..
وأنا ماسكة مكانها وأشر لهم يروحون آخر الطابور..

رجعوا كلهم لما دروا ان محد بيسكت عنهم..
عقب رجعت هي مكانها.. وطالعنا بعض وابتسمنا ابتسامة النصر هههههه..


والله صاجة لو بدل هالقصص اللي كتبتها كاتبة عموما عن الذوق العام كان أحسن ..

أما موقفج عجيب بصراحة .. خذي هذي لج مني :victory:
نور الحور
25-04-2013, 09:45 AM
مشكله الي يطب مع ناس يدققون لغويا رآح ملح مسكين
:fight:


معليه شبح آسفة تحملني بس غصب عني تضحكني حرقاتك !:shy:
بسرعة قبل لا أمسكها عليك روح صحح ردك على سويت شوف شكاتب :secret:
خليفـة
25-04-2013, 01:01 PM
الاخت نور الحور الفاضلة
بالنسبة للموقف الأول .. انا مو مستغرب منه
لأن اغلب الاسيويين بشكل عام .. يفتقدون للذوق واللباقة
سواء في التعامل .. او حتى في كثير من الامور
الي تتعلق بالاتيكيت .
فلا تحطين ببالج وايد .. واعتبري كأن شيء لم يكن
لو انج من البداية قلتي لها هالمكان محجوز لخواتي
وهم جايين الحين في الطريق .. سوري
كان شافت لها مكان ثاني وارتحتوا بقعدتكم
ولكن .. قدر الله وماشاء فعل

الموقف الثاني .. احتمال تكون الي قعدت جدامج
اختارت ان تكون قريبه منج لما شافت المكان فاضي
ممكن تكون حست بالتوتر او الخوف من خلوا المكان
وممكن تكون حبت تتعرف عليج بس بطريقة غير
مباشرة .. وممكن تكون مجرد صدفة افتقدت فيها
للذوق وانها تخليج تاخذين راحتج وتترك لج خصوصية المكان لج بحرية .

يمكن لأنج تتمتعين بحس عالي من الذوق اختي نور
فكان تركيزج اعلى على الموقفين الي ذكرتيهم
ولكن وبشكل عام .. ان شاء الله مافيه الا كل خير .

خليفــة
ام السعف
25-04-2013, 05:47 PM
الموقف الأول اتفق مع الأخوان اللي قال انهم متعودين في بلادهم بسبة الزحمة
وعادي عندهم انهم يسوونها اهنيه ،،

ما اتخيل نفسي في نفس الموقف ،، ولا مريت بنفس الموضوع
وغالبا يستئذنون لو بيقعدون ،،

وعندنا تعتبر قلة ذوق عندهم ما ادري شنهو مقياسه هالتصرف ،،

الموقف الثاني : هو بشكل عام اتخيل نفسي في مكانج
بصراحة بنبسط لو لقيت وحدة قعدت مقابل طاولتي
تونس وحدتي وتشاركنا الابتسامة :shy:
معماري قطري
25-04-2013, 11:50 PM
تعرضت لنفس الموقف يوم كنت جالس على طاولة باللاندمارك مع بنتي و كانت تقريبا 4 سنوات..... وحده محجبة قعدت على طاولتي و الطاولة تتسع لاربع اشخاص و بدون استئذان و المكان كان زحمة .... شوي و الا يجي زوجها و اولادهم و اكتشف انهم هنود...... قلت له المفروض انك تستأذن قبل انك تقعد.... رد علي الطاولة تتسع لاربع اشخاص و انتوا اثنين..... خلصت الاكل اللي بيجي بسرعة و اخذت بنتي و غسلت يديي و رجعت على طول و اكلهم مفرود على طاولتهم و زحته و حطيت بنتي على الطاولة.... على طول زوجته قامت و هو قالي انت قليل ذوق.... و قام... رديت عليه بمسبة قذره جدا تتناسب مع هالاشكال القذره و تميت شوي لوحدي علشان اتأكد انه خسر الطاولة و بعديت قمت

بس الموقف للحين قاهرني

زين سويت أخ خلدون بعضهم وقحين للغاية

صراحة يقهروني لدرجة إني بديت أتصرف تصرف أهوج اللي يمشون وينطرونك تفتح لهم الطريق ومن كل الجنسيات حتى شباب وعيال قطريين ما يحترمون فارق السن بينهم وبين اللي مقابلهم .. لا وأوقات يكونون حاجزين الطريق كله بالعرض.

أما الجنسية الهندية فتحصله يمشي مركز على خط سيده ما يوقف ولا يلف عنه .. يعني بيتقاطع معاك في نقطة يمر جدامك بكم سم وهذيلا أضطر إني أدفعهم بيدي للإبتعاد أو أوقف وأقول تفضلوا الطريق لكم.
معماري قطري
26-04-2013, 12:00 AM
قطر انجل وفرهود بليز ردوا اقروا تفاصيل الموقف وبعدين احكموا !

صادقه والله إخت نور هي سوتها بخبث حتى يجي زوجها، ولو بروحها طبيعي بتتقبلينها على إنها حرمه، وإللي عنده ذوق ما يسوي هالشيء .. ممكن يوقف بعيد ويخلي زوجته تجلس بس ما يجي يجلس الا لين فضى المكان.
نور الحور
28-04-2013, 05:47 PM
الاخت نور الحور الفاضلة
بالنسبة للموقف الأول .. انا مو مستغرب منه
لأن اغلب الاسيويين بشكل عام .. يفتقدون للذوق واللباقة
سواء في التعامل .. او حتى في كثير من الامور
الي تتعلق بالاتيكيت .
فلا تحطين ببالج وايد .. واعتبري كأن شيء لم يكن
لو انج من البداية قلتي لها هالمكان محجوز لخواتي
وهم جايين الحين في الطريق .. سوري
كان شافت لها مكان ثاني وارتحتوا بقعدتكم
ولكن .. قدر الله وماشاء فعل

الموقف الثاني .. احتمال تكون الي قعدت جدامج
اختارت ان تكون قريبه منج لما شافت المكان فاضي
ممكن تكون حست بالتوتر او الخوف من خلوا المكان
وممكن تكون حبت تتعرف عليج بس بطريقة غير
مباشرة .. وممكن تكون مجرد صدفة افتقدت فيها
للذوق وانها تخليج تاخذين راحتج وتترك لج خصوصية المكان لج بحرية .

يمكن لأنج تتمتعين بحس عالي من الذوق اختي نور
فكان تركيزج اعلى على الموقفين الي ذكرتيهم
ولكن وبشكل عام .. ان شاء الله مافيه الا كل خير .

خليفــة


امممممم .. شقول لك أخوي خليفة ؟ والله ردك قمة في الذوق بالفعل خلاني أحس إن بالفعل ما فيه إلا كل خير ...
هو قلة الذوق عند بعض الناس لو يجي على أنفسهم كان هانت .. لكن للأسف تمتد لغيرهم .. بالنسبة لي عانيت وايد من مشكلة الاستئذان مع كثير مع الناس .. الاستئذان قبل دخول بيتي أو الاستئذان قبل أخذ غرض من أغراضي .. وهي تصرفات تضايق جداً خاصة لو ما بدر من الشخص هذا أي سوء أدب او قلة ذوق معاه .. بالمختصر المفيد تكون بعض التصرفات صادمة :weeping:
نور الحور
28-04-2013, 05:50 PM
الموقف الأول اتفق مع الأخوان اللي قال انهم متعودين في بلادهم بسبة الزحمة
وعادي عندهم انهم يسوونها اهنيه ،،

ما اتخيل نفسي في نفس الموقف ،، ولا مريت بنفس الموضوع
وغالبا يستئذنون لو بيقعدون ،،

وعندنا تعتبر قلة ذوق عندهم ما ادري شنهو مقياسه هالتصرف ،،

الموقف الثاني : هو بشكل عام اتخيل نفسي في مكانج
بصراحة بنبسط لو لقيت وحدة قعدت مقابل طاولتي
تونس وحدتي وتشاركنا الابتسامة :shy:


ياريت ابتسامة .. إلا فضول ما أعرف شلون أقدر أشرد من نظراتها ! أعتقد لو تصير فيج أم السعف بتختفي ابتسامتج :secret:
نور الحور
28-04-2013, 05:52 PM
صادقه والله إخت نور هي سوتها بخبث حتى يجي زوجها، ولو بروحها طبيعي بتتقبلينها على إنها حرمه، وإللي عنده ذوق ما يسوي هالشيء .. ممكن يوقف بعيد ويخلي زوجته تجلس بس ما يجي يجلس الا لين فضى المكان.

إي والله لو كانت هي اللي قاعدة بس كانت هانت المسألة .. ما أقول خبث لكن قلة ذوق للأسف.. لكن تفاجات إنها حاجزة لزوجها .. تخيل عاد المنظر صاير شلون :(
ام السعف
29-04-2013, 02:41 PM
ياريت ابتسامة .. إلا فضول ما أعرف شلون أقدر أشرد من نظراتها ! أعتقد لو تصير فيج أم السعف بتختفي ابتسامتج :secret:

ما ادري شنهو نوع الفضول

بس لو صادفتج هالنظرات مرة ثانية غيري طاولتج
بترتاحين منها وبتاخذين راحتج في قعدتج ،
Locale
29-04-2013, 02:55 PM
عاد انا كنت في حياة بلازا وزحمه
قعدت على طاوله كبيره وزوجي وولدي راحوا يشترون عصير
جات عيله قطريه قعدوا حذا طاولتي
وخلوا شغالتهم تقعد في طاولتي اللي انا قاعده فيها وعطوها اكلها
لما جا زوجي استغرب قلت له خلها تاكل واحنا بس نشرب العصير بنقوم
وشوي الا عطوا الشغاله بنتهم الصغيره تأكلها شغالتهم
صرنا انا وزوجي وولدي وشغالتهم وبنتهم هههه
نور الحور
29-04-2013, 08:21 PM
عاد انا كنت في حياة بلازا وزحمه
قعدت على طاوله كبيره وزوجي وولدي راحوا يشترون عصير
جات عيله قطريه قعدوا حذا طاولتي
وخلوا شغالتهم تقعد في طاولتي اللي انا قاعده فيها وعطوها اكلها
لما جا زوجي استغرب قلت له خلها تاكل واحنا بس نشرب العصير بنقوم
وشوي الا عطوا الشغاله بنتهم الصغيره تأكلها شغالتهم
صرنا انا وزوجي وولدي وشغالتهم وبنتهم هههه


:omg::eek5::omg::eek5: