ثقافه سيئه بمجتمعاتنا عند بعض الرجال والذكور

[حمد 2002]

السلام عليكم ورحمه الله وبركاته


الموضوع يحمل العنوان التالي

(( ثقافه سيئه بمجتمعاتنا عند بعض الرجال والذكور ))

يستحي او يخجل يطلع مع اهله وخواته وامه وخاالاته وعماته للأسواق والمجمعات ، بحجه انه يخاف احد من ربعه يجوفه معاهم !!!!!!!!!!!!!!!!!!!!!!!!!!!!!!!!! :):)

والولد اول مايوصل عمره 16 سنه او اول مايروح 3 اعدادي ولا ثاني اعدادي مايطلع مع امه وابوه ومايطلع مع خواته ، لانه هالشيء عنده عييييب !!!!!!!!!!!!!!!!!!!!!!!!!!!!!!!!!!!!!! :):)


نتمنى أن تزول تلك الثقافه والمعتقدات عند بعض الرجال :)

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

تحياتي للجمييع

[قطريه22]

وعليكم السلام ورحمة الله وبركاته

يه يه يه أخيراً غيرت مواضيعك عن الحريم

ماشالله عليك عشان ماحسدك بعد :victory:


ارجع لموضوعك

اتوقع البعض يخجل من انه يطلع مع هله بسبب غيرته عليهم مايبي حد من ربعه يشوف شكل هله ، يخاف يقعدون يتكلمون شفنا اخت فلان او شفنا زوجة فلان..
:nice:

[ضوى]

الحمد لله هالثقافة مب موجودة عندنا في مجتمعنا اللي حوالي

الكل يطلع مع حريمه وبناته وخواته

واللي يسوي هالشي انسان ناقص

[شبح الصمت]

لا لا اسمح لي اخوي حمد مافي احد يستحي يطلع مع اهله

احنا نمل في بعض الاحيان من فرة الحريم لانهم ماشاء الله احس فالسوق لياقتها تكون دبل دبل عن الرجال ماشاء الله من محل لي محل والرجال فيها طبع لانه المرة ماشاء الله ما يعجبها شيء والا يدش مزاجها شيء الا الي تبيه .

اما انه احنا نتحرج من التفرفر معاهم هذولي شوافاتنا والي مافيه خير في اهله مافيه خير في أحداً ثاني ..

وبخصوص انه يستحي محدن يستحي من اهله الا اذا اهلها فيهم شيء .. واسمح لي على هالجملة

اسمعني اقلب الموجه ( فهمت ) :shy:

[قطريه22]

لا لا اسمح لي اخوي حمد مافي احد يستحي يطلع مع اهله

احنا نمل في بعض الاحيان من فرة الحريم لانهم ماشاء الله احس فالسوق لياقتها تكون دبل دبل عن الرجال ماشاء الله من محل لي محل والرجال فيها طبع لانه المرة ماشاء الله ما يعجبها شيء والا يدش مزاجها شيء الا الي تبيه .

اما انه احنا نتحرج من التفرفر معاهم هذولي شوافاتنا والي مافيه خير في اهله مافيه خير في أحداً ثاني ..

وبخصوص انه يستحي محدن يستحي من اهله الا اذا اهلها فيهم شيء .. واسمح لي على هالجملة

اسمعني اقلب الموجه ( فهمت ) :shy:




انا سمعتك اقلب الموجه هااااااااااااااااااااااا:anger1:

لا ياخوي حمد لاتقلب الموجه ولا شي خلك في هالموجه أحلى..

[فيروزه]

جزاك الله خير علاطرح

[Nojoom]

صباح النور والسرور

موضوع حلووو وواقعي فعلاً اخوي حمد


بقولك رايي في هذا الموضوع .

الناس الي تستحي تطلع مع اهلها في اماكن عامه هذا بتصوري الخاص غير راضي على شكل هله او مظهرهم فيخاف حد يشوفه

يعني لما تكون مرته متبرجه او لبسها وعبايتها بشكل يخالف عاداته وتقاليده تحصله يستحي ان يطلع معاها في اماكن عامه حتى ماينحرج مع ربعه لما يشفون هله بهذا المنظر

اما الي واثق في لبس اهله وحشمتهم فهذا ماتحصل عنده مشكله بالعكس بيفتخر في شكل اهله وحشمتهم

ومن المواقف الي صارت وحدثني عنها واحد من الاصدقاء

يقول لما تزوجت كانت زوجتي متعوده تلبس العبايات الي مزينه وملونه يقول ماحبيت امنعها بطريقه تعسفيه

قلت لها في وقت مناسب انا دوم انتقد في المجالس البنات الي يلبسون عبايات مثل هذا النوع

لو طلعت معاج مكان عام واحد شافني وش بيقول ؟ بيقول يتكلم ويقول واهو هله نفس الشي

وكمل كلامه يقول انا خاطري اطلع وروح معاج كل مكان مجمع جمعيه كاتارا اي مكان بس الي بيمنعني لبسج

ولي بيخليني استانس وبيرفع راسي هو لما امشي وانا متشرف وافتخر في زوجتي


يقول وفعلاً سمعت كلامه وقتنعت وصار لبسها بطريقه الي تريح زوجها وتزيل عنه شعور الاحراج او العيب

يقول والله مرات اتمنى حد من ربعي يشوفني وانا مع هلي


هذا بالنسبه للي يستحي يطلع مع هله .

[Nojoom]

لا لا اسمح لي اخوي حمد مافي احد يستحي يطلع مع اهله

احنا نمل في بعض الاحيان من فرة الحريم لانهم ماشاء الله احس فالسوق لياقتها تكون دبل دبل عن الرجال ماشاء الله من محل لي محل والرجال فيها طبع لانه المرة ماشاء الله ما يعجبها شيء والا يدش مزاجها شيء الا الي تبيه .

اما انه احنا نتحرج من التفرفر معاهم هذولي شوافاتنا والي مافيه خير في اهله مافيه خير في أحداً ثاني ..

وبخصوص انه يستحي محدن يستحي من اهله الا اذا اهلها فيهم شيء .. واسمح لي على هالجملة

اسمعني اقلب الموجه ( فهمت ) :shy:


:nice:

هذي زبده الموضوع

[حمد 2002]

وعليكم السلام ورحمة الله وبركاته

يه يه يه أخيراً غيرت مواضيعك عن الحريم

ماشالله عليك عشان ماحسدك بعد :victory:


ارجع لموضوعك

اتوقع البعض يخجل من انه يطلع مع هله بسبب غيرته عليهم مايبي حد من ربعه يشوف شكل هله ، يخاف يقعدون يتكلمون شفنا اخت فلان او شفنا زوجة فلان..:nice:

غيرت لانه اذا طرحت اليوم موضوع نفس امس اكيد بيتسكر خخخ ،، ،

يمكن الي ذكرتيه ايكون سبب من الأسباب التي تمنع الولد او الرجال انه مايطلع مع هله ،،،

تحياتي لج

[H H]

صباح النور والسرور

موضوع حلووو وواقعي فعلاً اخوي حمد


بقولك رايي في هذا الموضوع .

الناس الي تستحي تطلع مع اهلها في اماكن عامه هذا بتصوري الخاص غير راضي على شكل هله او مظهرهم فيخاف حد يشوفه

يعني لما تكون مرته متبرجه او لبسها وعبايتها بشكل يخالف عاداته وتقاليده تحصله يستحي ان يطلع معاها في اماكن عامه حتى ماينحرج مع ربعه لما يشفون هله بهذا المنظر

اما الي واثق في لبس اهله وحشمتهم فهذا ماتحصل عنده مشكله بالعكس بيفتخر في شكل اهله وحشمتهم

ومن المواقف الي صارت وحدثني عنها واحد من الاصدقاء

يقول لما تزوجت كانت زوجتي متعوده تلبس العبايات الي مزينه وملونه يقول ماحبيت امنعها بطريقه تعسفيه

قلت لها في وقت مناسب انا دوم انتقد في المجالس البنات الي يلبسون عبايات مثل هذا النوع

لو طلعت معاج مكان عام واحد شافني وش بيقول ؟ بيقول يتكلم ويقول واهو هله نفس الشي

وكمل كلامه يقول انا خاطري اطلع وروح معاج كل مكان مجمع جمعيه كاتارا اي مكان بس الي بيمنعني لبسج

ولي بيخليني استانس وبيرفع راسي هو لما امشي وانا متشرف وافتخر في زوجتي


يقول وفعلاً سمعت كلامه وقتنعت وصار لبسها بطريقه الي تريح زوجها وتزيل عنه شعور الاحراج او العيب

يقول والله مرات اتمنى حد من ربعي يشوفني وانا مع هلي


هذا بالنسبه للي يستحي يطلع مع هله .


ماشالله على زوجته
بس المشكله ان بعض الحريم لو زوجها ماعطاها كف بطعم الجبنه الفرنسية ماتتسنّع

[حمد 2002]

الحمد لله هالثقافة مب موجودة عندنا في مجتمعنا اللي حوالي

الكل يطلع مع حريمه وبناته وخواته

واللي يسوي هالشي انسان ناقص

الحمد لله على كل حال اختي ،،

بالفعل يعتبر أنسان ناقص :secret: ،،

تحياتي لج :victory:

[حمد 2002]

لا لا اسمح لي اخوي حمد مافي احد يستحي يطلع مع اهله

احنا نمل في بعض الاحيان من فرة الحريم لانهم ماشاء الله احس فالسوق لياقتها تكون دبل دبل عن الرجال ماشاء الله من محل لي محل والرجال فيها طبع لانه المرة ماشاء الله ما يعجبها شيء والا يدش مزاجها شيء الا الي تبيه .

اما انه احنا نتحرج من التفرفر معاهم هذولي شوافاتنا والي مافيه خير في اهله مافيه خير في أحداً ثاني ..

وبخصوص انه يستحي محدن يستحي من اهله الا اذا اهلها فيهم شيء .. واسمح لي على هالجملة

اسمعني اقلب الموجه ( فهمت ) :shy:

صدقت اخووي :secret: ،،،

تحيييييياتي لك :shy:

[دايموند]

اخ حمد احييك على الطرح

اخ نجوووم

لا اتفق معك ،،، مب شرط يكون مفتشل من لبس اهله وخواته ،، عادي يما شفت ناس يفتشلون حتى يطلعون مع امهم المنقبة !!


للاسف في ناس متخلفة (البعض) ينحرج لما يطلع مع اهله سواء زوجته والا امه او خواته حتى او كانوا محتشمات

اتمنى ان تزول هالعادة السلبية عند البعض

[حمد 2002]

صباح النور والسرور

موضوع حلووو وواقعي فعلاً اخوي حمد


بقولك رايي في هذا الموضوع .

الناس الي تستحي تطلع مع اهلها في اماكن عامه هذا بتصوري الخاص غير راضي على شكل هله او مظهرهم فيخاف حد يشوفه

يعني لما تكون مرته متبرجه او لبسها وعبايتها بشكل يخالف عاداته وتقاليده تحصله يستحي ان يطلع معاها في اماكن عامه حتى ماينحرج مع ربعه لما يشفون هله بهذا المنظر

اما الي واثق في لبس اهله وحشمتهم فهذا ماتحصل عنده مشكله بالعكس بيفتخر في شكل اهله وحشمتهم

ومن المواقف الي صارت وحدثني عنها واحد من الاصدقاء

يقول لما تزوجت كانت زوجتي متعوده تلبس العبايات الي مزينه وملونه يقول ماحبيت امنعها بطريقه تعسفيه

قلت لها في وقت مناسب انا دوم انتقد في المجالس البنات الي يلبسون عبايات مثل هذا النوع

لو طلعت معاج مكان عام واحد شافني وش بيقول ؟ بيقول يتكلم ويقول واهو هله نفس الشي

وكمل كلامه يقول انا خاطري اطلع وروح معاج كل مكان مجمع جمعيه كاتارا اي مكان بس الي بيمنعني لبسج

ولي بيخليني استانس وبيرفع راسي هو لما امشي وانا متشرف وافتخر في زوجتي


يقول وفعلاً سمعت كلامه وقتنعت وصار لبسها بطريقه الي تريح زوجها وتزيل عنه شعور الاحراج او العيب

يقول والله مرات اتمنى حد من ربعي يشوفني وانا مع هلي


هذا بالنسبه للي يستحي يطلع مع هله .


صااااااااااااج يانجوم :victory: ،،

تحياتي لك ،، :victory:

[قطريه22]

غيرت لانه اذا طرحت اليوم موضوع نفس امس اكيد بيتسكر خخخ ،، ،

يمكن الي ذكرتيه ايكون سبب من الأسباب التي تمنع الولد او الرجال انه مايطلع مع هله ،،،

تحياتي لج


ماتصكر الموضوع لين الحين يتناقشون بشده في السالفه

[بوفاطمه]

وعليكم السلام ورحمة الله وبركاته

يه يه يه أخيراً غيرت مواضيعك عن الحريم

ماشالله عليك عشان ماحسدك بعد :victory:


ارجع لموضوعك

اتوقع البعض يخجل من انه يطلع مع هله بسبب غيرته عليهم مايبي حد من ربعه يشوف شكل هله ، يخاف يقعدون يتكلمون شفنا اخت فلان او شفنا زوجة فلان..
:nice:
مب علشان كذا .
الواحد يستحي يطلع مع اهله مو علشان حد من ربيعانه يشوفه.
ما يريد يلتزم معاهم في الروحة والجية.
الواحد يتمنى يخدم امه وابوه واهله،اذا ما خدم اهله راح يخدم من ؟

[بوفاطمه]

شرف لي اذا اهلي يطلعون معاي وبكل سعة رحب.

[أم نواري1]

معقولة في ناس ماتطلع مع أهلها عشان هالسبب.؟!

عن نفسي ماعندنا هالشي ولا تربينا عليه .!

بالعكس اللي تربينا عليه مافي طلعه إلا مع أبوي أو حد من الشباب الله يحفظهم
ومازلنا للحين حتى بعد ماتزوجنا كلنا أحيان يلتزم فيني أخوي إذا زوجي مشغول

هي ثقافة يستمدها الأبناء من الوالدين

واللي يهمل أهله مايبي مسؤولية أو منحرج من لبسهم مثل ماذكروا الأعضاء

شي طيب منك التغيير أخ حمد
شرق وغرّب لا تتم فجهه وحده عشان لا ياخذون عنك فكرة مب حلوه معشر النساء

[R 7 A L]

طرحت المشكلة
وين الحلول ؟

ولا رد من الردود السابقة مع احترامي للجميع شفته جايب الحل لهذة المشكلة العوصيه

[مابدل العادات]

لا لا اسمح لي اخوي حمد مافي احد يستحي يطلع مع اهله

احنا نمل في بعض الاحيان من فرة الحريم لانهم ماشاء الله احس فالسوق لياقتها تكون دبل دبل عن الرجال ماشاء الله من محل لي محل والرجال فيها طبع لانه المرة ماشاء الله ما يعجبها شيء والا يدش مزاجها شيء الا الي تبيه .

اما انه احنا نتحرج من التفرفر معاهم هذولي شوافاتنا والي مافيه خير في اهله مافيه خير في أحداً ثاني ..

وبخصوص انه يستحي محدن يستحي من اهله الا اذا اهلها فيهم شيء .. واسمح لي على هالجملة

اسمعني اقلب الموجه ( فهمت ) :shy:
قلت الي باقوله والي في قلبي بس أسلوب ماشاء الله افضل مني

:nice::nice::nice::nice:

[شبح الصمت]

طرحت المشكلة
وين الحلول ؟

ولا رد من الردود السابقة مع احترامي للجميع شفته جايب الحل لهذة المشكلة العوصيه




ما يبيلها حل هذا واجب كل رجال فالبيت أنه يقوم بأهله وترى جزء بسيط هذا من واجباتنا حتى لو تمللنا بس أهم شيء من التفرفر بس ما عليك بتطلع ولياقتك فل البطه منتفخه :shy:

[شبح الصمت]

قلت الي باقوله والي في قلبي بس أسلوب ماشاء الله افضل مني

:nice::nice::nice::nice:




مابه قصور منك ياخوي ولو كتبت بتكتب احسن مني فديت خشمك

:victory:

[قطريه22]

طرحت المشكلة
وين الحلول ؟

ولا رد من الردود السابقة مع احترامي للجميع شفته جايب الحل لهذة المشكلة العوصيه


هالمشكله مالها حل اخوي رحال
في ناس ماتقدر تغير هالطبع فيهم

بصراحه انا اتوقع كل المشاكل الي تخص المجتمع وتنطرح في المنتديات مالها حل حتى لو توصلنا لحل بس ماراح يتطبق لأن الناس عقليات ومحد يقدر يغير عقليات البعض منهم..

المواضيع اغلبيتها تكون للحوار والمناقشه لمعرفة الأسباب والتعلم والمعرفه ..

[بونووف]

صحيح في شباب تكون عقليتهم نفس ماقلت اخوي حمد وهالعقليه للمراهقين بحكم انه يبي يطلع نفسه صيه وانه مايطلع مع الحريم وانا كله مع الشباب وهو ليحن ماخط شنبه .. بعض المراهقين مب الكل ...

والنقطه اللي تكلم عنها الاخ نجوم هي حقيقه بس للشباب مب للمراهقين .. يخاف حد من ربعه يشوفه وخصوصا اذا كان من النوع اللي يتكلم في اعراض خلق الله فالمجالس .. لانه يبتدي يخاف انه يدور اليوم ويتكلمون فيه عن هله وانهم غير محتشمات .. اللي بيته من زجاج لايرمي الناس بحجر

[R 7 A L]

ما يبيلها حل هذا واجب كل رجال فالبيت أنه يقوم بأهله وترى جزء بسيط هذا من واجباتنا حتى لو تمللنا بس أهم شيء من التفرفر بس ما عليك بتطلع ولياقتك فل البطه منتفخه :shy:





حلو
اعجبني ردك يا شبح
النصيحة شي طيب وراح تجيب نتائج

[Nojoom]

طرحت المشكلة
وين الحلول ؟

ولا رد من الردود السابقة مع احترامي للجميع شفته جايب الحل لهذة المشكلة العوصيه


الحل طال عمرك معرفة سبب الشعور باحساس الخجل من الظهور مع المحارم .

وهي بتكون تختلف من شخص الى اخر

*اذا كانت نفسياً فقط واعتقاد ومبدء انه عيب

يجب تصحيح هذا المفهوم وهذا الدور يعود لرب الاسره في المقام الاول انه يسال نفسه اذا كان من هالنوع ويغير هالمفهوم وثمه ينقله للباقين من افراد عالته .

*اما اذا كان مثل ماذكرت منظر اهله يحرجه .

هنا لمحارمه بعد دور في علاج هذي المشكله بانهم يطلعون بشكل الي يرضي الله قبل كل شي وثانياً يرضي ويشرف من راح يخرج معهم في مكان عام .

[R 7 A L]

هالمشكله مالها حل اخوي رحال
في ناس ماتقدر تغير هالطبع فيهم

بصراحه انا اتوقع كل المشاكل الي تخص المجتمع وتنطرح في المنتديات مالها حل حتى لو توصلنا لحل بس ماراح يتطبق لأن الناس عقليات ومحد يقدر يغير عقليات البعض منهم..

المواضيع اغلبيتها تكون للحوار والمناقشه لمعرفة الأسباب والتعلم والمعرفه ..



النصيحة كما ذكرت مسبقاً للأخ شبح
في اي مشكلة
لها نتائج إيجابية

[ضوى]

ماشاء الله على شباب عايلتنا ، يشوفوني صدفة يحبوني على راسي جدام زوجي في اي مكان ، الله يبارك لنا فيهم ويرزقنا برهم كلهم فديت قلبهم

[R 7 A L]

الحل طال عمرك معرفة سبب الشعور باحساس الخجل من الظهور مع المحارم .

وهي بتكون تختلف من شخص الى اخر

*اذا كانت نفسياً فقط واعتقاد ومبدء انه عيب

يجب تصحيح هذا المفهوم وهذا الدور يعود لرب الاسره في المقام الاول انه يسال نفسه اذا كان من هالنوع ويغير هالمفهوم وثمه ينقله للباقين من افراد عالته .

*اما اذا كان مثل ماذكرت منظر اهله يحرجه .

هنا لمحارمه بعد دور في علاج هذي المشكله بانهم يطلعون بشكل الي يرضي الله قبل كل شي وثانياً يرضي ويشرف من راح يخرج معهم في مكان عام .




تحيـاتي

[للصبر اخر]

لا لا اسمح لي اخوي حمد مافي احد يستحي يطلع مع اهله

احنا نمل في بعض الاحيان من فرة الحريم لانهم ماشاء الله احس فالسوق لياقتها تكون دبل دبل عن الرجال ماشاء الله من محل لي محل والرجال فيها طبع لانه المرة ماشاء الله ما يعجبها شيء والا يدش مزاجها شيء الا الي تبيه .

اما انه احنا نتحرج من التفرفر معاهم هذولي شوافاتنا والي مافيه خير في اهله مافيه خير في أحداً ثاني ..

وبخصوص انه يستحي محدن يستحي من اهله الا اذا اهلها فيهم شيء .. واسمح لي على هالجملة

اسمعني اقلب الموجه ( فهمت ) :shy:

اسمح لي اخوي اختلف معاك
هالشي موجود وواعاني منه
اخوي الله يحفظه مايحب يطلع معانا
وان طلع بامر من الوالد يكون مغصوب
ومايمشي معانا بعيد كانه مانعرفه
واذا صادف وهو اللي يسوق حتى تلفونه سايلنت عشان لين دقو عليه مايرد
هالعلقليات موجوده
حاولو الاهل معاه بس مافي فايده
بس ليش انتشرت هالضاهره بسرعه
من السبب في هالشي
؟؟؟؟؟؟

[شبح الصمت]

حلو
اعجبني ردك يا شبح
النصيحة شي طيب وراح تجيب نتائج




الله يحلي أيامك ياخوي ويوفقك ويوفق كل ربعنا ..

:nice:

[بونووف]

طرحت المشكلة
وين الحلول ؟

ولا رد من الردود السابقة مع احترامي للجميع شفته جايب الحل لهذة المشكلة العوصيه

الحل بالنسبه للمراهقين اشوف الافضل هو تعليمهم من البدايه انه مب عيب .. لكن مب عن طريق الكلام بس يعني يوم الاخر الكبير يطلع هو وخواته والاخ المراهق يعلمه مره مرتين لين يشوف يقول الموضوع عادي اذا الكبير طلع انا لييش عامل نفسي فتوه وانه عيب . .. والموضوع كله من البدايه .. الياهل يتشكل على يد ابوه وامه واخوانه واذا كان في اهمال منهم راح يتشكل على ربعه وعلى البيئه اللي يختلط معاها اكثر شي

[Nojoom]

اخ حمد احييك على الطرح

اخ نجوووم

لا اتفق معك ،،، مب شرط يكون مفتشل من لبس اهله وخواته ،، عادي يما شفت ناس يفتشلون حتى يطلعون مع امهم المنقبة !!


للاسف في ناس متخلفة (البعض) ينحرج لما يطلع مع اهله سواء زوجته والا امه او خواته حتى او كانوا محتشمات

اتمنى ان تزول هالعادة السلبية عند البعض


ردي السابق على الاخ رحال نفسه اقوله لج

هذا دام هله محتشمين يعني ان المشكله فيه اهو وفي علقه الباطني ان عيب ولو تسالينه شنهو السبب ماعده رد .

هذا الشخص يحتاج الى اعادة توجيه حول هذي النقطه

وزرع المفاهيم الاجابيه حول الترابط الاسري والاعتزاز بالاهل ...الخ

مره مرتين بيغير تفكيره

[حسن]

صباح الخير ياحمد

عندي لك موضوع يولع باقولك بعدين

مالاحظت هذه الظاهره على الجيل الحالي الا
ماندر يمكن ولا تستحق انها تكون ظاهره
الامور عاديه مافيها اي شي ولا مستحا الوضع تغير الجيل الحالي غير والقديم غير
فانا اشوفهه ليست ظاهره الى مع الجديد يمكن

[R 7 A L]

الحل بالنسبه للمراهقين اشوف الافضل هو تعليمهم من البدايه انه مب عيب .. لكن مب عن طريق الكلام بس يعني يوم الاخر الكبير يطلع هو وخواته والاخ المراهق يعلمه مره مرتين لين يشوف يقول الموضوع عادي اذا الكبير طلع انا لييش عامل نفسي فتوه وانه عيب . .. والموضوع كله من البدايه .. الياهل يتشكل على يد ابوه وامه واخوانه واذا كان في اهمال منهم راح يتشكل على ربعه وعلى البيئه اللي يختلط معاها اكثر شي



حل عملي أشكرك علية

[شبح الصمت]

اسمح لي اخوي اختلف معاك
هالشي موجود وواعاني منه
اخوي الله يحفظه مايحب يطلع معانا
وان طلع بامر من الوالد يكون مغصوب
ومايمشي معانا بعيد كانه مانعرفه
واذا صادف وهو اللي يسوق حتى تلفونه سايلنت عشان لين دقو عليه مايرد
هالعلقليات موجوده
حاولو الاهل معاه بس مافي فايده
بس ليش انتشرت هالضاهره بسرعه
من السبب في هالشي
؟؟؟؟؟؟




اذا اخوك صغير ميوله ميول الطلعات وما يحب يطلع لانه ما تعلم على هالشيء لو تعلم عليه صدقيني رآح يطلع معاكم ..

انتم لازم تقولون لها ترانا احنا نمهد لك لحياتك الزوجية يعني ان الله ارزقك ببنت الحلال لازم اطلعها وتجيبها وتسوي لها يعني لازم تعايش الوضع الي انت فيه الحين ..

اما انه يخليكم مدري صراحة اخوك اشلون تفكيره يمكن ما يحب يتفرفر لاني قلت الحريم بطبعهم ماشاء الله يحبون يفترون لانه مب كل شيء يحصلونه في مكان واحد ..

الله يهديه يارب ويخليه لكم ويحنن قلبه وقلب كل شبابنا وانا اولهم يآرب

[قطريه22]

صباح الخير ياحمد

عندي لك موضوع يولع باقولك بعدين
مالاحظت هذه الظاهره على الجيل الحالي الا
ماندر يمكن ولا تستحق انها تكون ظاهره
الامور عاديه مافيها اي شي ولا مستحا الوضع تغير الجيل الحالي غير والقديم غير
فانا اشوفهه ليست ظاهره الى مع الجديد يمكن

:anger1:

[رفيق الصحراء]

هذا كان ممكن بالفترة السابقه ايام السبعينات تكون هالحاله موجوده
اما الحين لا عادي شوفوا الاسواق كل واحد مع زوجته وخواته واهله يطلعون ويقعدون بمطاعم ويروحون سينما ويتمشون وعادي

الحين مو بس الرجال يمشي مع هله حتى مع رفيجته تلقاه يمشي وجدا م الناس وماسك يدها وبعد ممكن مو قطريه تلقاها من جنسيه عربيه

الحين كل شي تغير

[حسن]

ردي السابق على الاخ رحال نفسه اقوله لج

هذا دام هله محتشمين يعني ان المشكله فيه اهو وفي علقه الباطني ان عيب ولو تسالينه شنهو السبب ماعده رد .

هذا الشخص يحتاج الى اعادة توجيه حول هذي النقطه

وزرع المفاهيم الاجابيه حول الترابط الاسري والاعتزاز بالاهل ...الخ

مره مرتين بيغير تفكيره

اتفق مع كلامك يانجوم فيما ذكرته
قد يكون احد الاسباب بس لي بظاهره
ويمكن تكون في مناطق ومناطق غير في الدوله

[حسن]

الحل بالنسبه للمراهقين اشوف الافضل هو تعليمهم من البدايه انه مب عيب .. لكن مب عن طريق الكلام بس يعني يوم الاخر الكبير يطلع هو وخواته والاخ المراهق يعلمه مره مرتين لين يشوف يقول الموضوع عادي اذا الكبير طلع انا لييش عامل نفسي فتوه وانه عيب . .. والموضوع كله من البدايه .. الياهل يتشكل على يد ابوه وامه واخوانه واذا كان في اهمال منهم راح يتشكل على ربعه وعلى البيئه اللي يختلط معاها اكثر شي

يارجال اذا من خلقوا يدرسونهم نسوان
بعد يبيله تغير ثقافته هذا يبيله عكاشه
:victory:

[للصبر اخر]

اذا اخوك صغير ميوله ميول الطلعات وما يحب يطلع لانه ما تعلم على هالشيء لو تعلم عليه صدقيني رآح يطلع معاكم ..

انتم لازم تقولون لها ترانا احنا نمهد لك لحياتك الزوجية يعني ان الله ارزقك ببنت الحلال لازم اطلعها وتجيبها وتسوي لها يعني لازم تعايش الوضع الي انت فيه الحين ..

اما انه يخليكم مدري صراحة اخوك اشلون تفكيره يمكن ما يحب يتفرفر لاني قلت الحريم بطبعهم ماشاء الله يحبون يفترون لانه مب كل شيء يحصلونه في مكان واحد ..

الله يهديه يارب ويخليه لكم ويحنن قلبه وقلب كل شبابنا وانا اولهم يآرب

مره تناقشت معاه بهالشي
قلت له لين عرست شبتسوي بتحبسها بالبيت
قال لا بطلع معاها مرتي غير
دار بينا نقاش بعتباري اكبر وحده
حتى اخوي الكبير حاول معاه بس ماقدرنا نغيره
هاي عقليته
الله يهدي الجميع

[شبح الصمت]

مره تناقشت معاه بهالشي
قلت له لين عرست شبتسوي بتحبسها بالبيت
قال لا بطلع معاها مرتي غير
دار بينا نقاش بعتباري اكبر وحده
حتى اخوي الكبير حاول معاه بس ماقدرنا نغيره
هاي عقليته
الله يهدي الجميع




الله يهديه توه صغير وان شاء الله مع الايام راح يعرف ..

[بونووف]

يارجال اذا من خلقوا يدرسونهم نسوان
بعد يبيله تغير ثقافته هذا يبيله عكاشه
:victory:

ههههه اذا تسلمت اموره لعكاشه .. تلاقيهم هم يقولون للحريم يالله بنطلعكم ..

[شبح الصمت]

صراحة يعجنبي البزر الي عمره ما بين 10 لين 11 ويكون كاشخ ذيج الغتره والعقال على جمب ويمشي مع اهله وياهم وياهم وشايل اغراضهم وتحس والله انه ماشاء الله خايف على اهله هالشيء شفته بعيني والله خاطري اجي واحبه على رآسه

[أم نواري1]

الحل يارحال قلنا في التربية
لأن اللي يتعود على التملص عن المسؤولية صعب تغيره إذا ماتعود على هالشي

الحل إنقال أخ رحال ابحث بين السطور

والأخ أو رب الأسرة اللي مايطلع مع أهله يمكن معاقبته بحرمانه من أمور يتوقع من أهله يسوونها له بالمقابل
الحياة أخذ وعطى تبي تعيش بهالطريقة حياك الله وبياك
ماتبي ماراح تلقى طلباتك مجابه

مثل ماتحب ترفه عن نفسك هم هذيلن أوادم ويضيقون ويبون يغيرون جو معاك أنت يا الرجل

[بونووف]

مره تناقشت معاه بهالشي
قلت له لين عرست شبتسوي بتحبسها بالبيت
قال لا بطلع معاها مرتي غير
دار بينا نقاش بعتباري اكبر وحده
حتى اخوي الكبير حاول معاه بس ماقدرنا نغيره
هاي عقليته
الله يهدي الجميع

اوكي .. بس ماقال لكم شالسبب..؟

لانه عندي اخوي الصغير مايحب يطلع لانه من كثر الدواره لانه هو بروحه طمبحله مايقدر يمشي .. قبل لا يطلع يسألهم بتتعشون برع ولا لا .. اذا السالفه فيها عشى طلع معاهم :telephone:

[للصبر اخر]

اوكي .. بس ماقال لكم شالسبب..؟

لانه عندي اخوي الصغير مايحب يطلع لانه من كثر الدواره لانه هو بروحه طمبحله مايقدر يمشي .. قبل لا يطلع يسألهم بتتعشون برع ولا لا .. اذا السالفه فيها عشى طلع معاهم :telephone:

انا سالته قلت له خالاتك كانو قاعدين ليش ماسلمت عليهم
قال استحي بناتهم قاعديين
والمشكله انه يقول خطبولي :rolleyes2:
شنخطب وهو معقد
:tease:

[بونووف]

انا سالته قلت له خالاتك كانو قاعدين ليش ماسلمت عليهم
قال استحي بناتهم قاعديين
والمشكله انه يقول خطبولي :rolleyes2:
شنخطب وهو معقد
:tease:

هههه لا ماعليج منه .. تلاقينه لوتي بعد الزواج .. زوجوه زوجوه

[ضوى]

مره تناقشت معاه بهالشي
قلت له لين عرست شبتسوي بتحبسها بالبيت
قال لا بطلع معاها مرتي غير
دار بينا نقاش بعتباري اكبر وحده
حتى اخوي الكبير حاول معاه بس ماقدرنا نغيره
هاي عقليته
الله يهدي الجميع

ايييه يا عزيزتي ذكرتيني بعايلة بالكويت بناتهم صحبة معاي ، اخوهم العود حاكرالغير المتزوجات حكرة مب طبيعية لا طلعة ولا لبس ولا اي شي تشوفينهم تقولين عمرهم الف سنة لا ماكياج ولا لبس يناسب سنهم وعباية راس ، يطلعون بروحهم مافي لازم محرم واخر حد لهم الساعة 8 ، واحدة تاخرت قريب التسع والله كسر عظامها وتنومت في المستشفى ولا رضت تقول اخوها اللي سوا فيها جذي عشان امها لا تزعل ، لحد هنا نقول الله يكمله بعقله ويسار عليهم اكثر واكثر

لكن واااه من كلمة لكن



بناته ثنيتن الله يستر عليهم وعلينا يااارب وزوجته مش محجبات هذا اولا ، لبس قصير اتكلم قصير يعني ماكسي حتى لا تفهمون غلط ، طبعا ماكياج كامل وطلعات وحفلات ومناسبات توصل احيانا للساعة 2 ومب هو اللي يوديهم هم يسوقون ومحرم السواقة على خواته ، هو يقعد بالبيت وحريمه يتفررون في الاسواق والمجمعات والاعراس وخواته يخدمونه بعيونهم / لانه ساكن معاهم ، انه واحدة من خواته تبطل حلجها وتتكلم ابدا

رجل بهالصفات شنقول عنه ؟؟؟؟

[بونووف]

ايييه يا عزيزتي ذكرتيني بعايلة بالكويت بناتهم صحبة معاي ، اخوهم العود حاكر المتزوجات حكرة مب طبيعية لا طلعة ولا لبس ولا اي شي تشوفينهم تقولين عمرهم الف سنة لا ماكياج ولا لبس يناسب سنهم وعباية راس ، يطلعون بروحهم مافي لازم محرم واخر حد لهم الساعة 8 ، واحدة تاخرت قريب التسع والله كسر عظامها وتنومت في المستشفى ولا رضت تقول اخوها اللي سوا فيها جذي عشان امها لا تزعل ، لحد هنا نقول الله يكمله بعقله ويسار عليهم اكثر واكثر

لكن واااه من كلمة لكن



بناته ثنيتن الله يستر عليهم وعلينا يااارب وزوجته مش محجبات هذا اولا ، لبس قصير اتكلم قصير يعني ماكسي حتى لا تفهمون غلط ، طبعا ماكياج كامل وطلعات وحفلات ومناسبات توصل احيانا للساعة 2 ومب هو اللي يوديهم هم يسوقون ومحرم السواقة على خواته ، هو يقعد بالبيت وحريمه يتفررون في الاسواق والمجمعات والاعراس وخواته يخدمونه بعيونهم / لانه ساكن معاهم ، انه واحدة من خواته تبطل حلجها وتتكلم ابدا

رجل بهالصفات شنقول عنه ؟؟؟؟

هاي شنو مسلسل رمضان السنه :eek5:

[ضوى]

هاي شنو مسلسل رمضان السنه :eek5:

والله حقيقة ولا زالت مستمرة

[ضوى]

عفوا حاكر الغير متزوجات

[أم نواري1]

ايييه يا عزيزتي ذكرتيني بعايلة بالكويت بناتهم صحبة معاي ، اخوهم العود حاكر المتزوجات حكرة مب طبيعية لا طلعة ولا لبس ولا اي شي تشوفينهم تقولين عمرهم الف سنة لا ماكياج ولا لبس يناسب سنهم وعباية راس ، يطلعون بروحهم مافي لازم محرم واخر حد لهم الساعة 8 ، واحدة تاخرت قريب التسع والله كسر عظامها وتنومت في المستشفى ولا رضت تقول اخوها اللي سوا فيها جذي عشان امها لا تزعل ، لحد هنا نقول الله يكمله بعقله ويسار عليهم اكثر واكثر

لكن واااه من كلمة لكن



بناته ثنيتن الله يستر عليهم وعلينا يااارب وزوجته مش محجبات هذا اولا ، لبس قصير اتكلم قصير يعني ماكسي حتى لا تفهمون غلط ، طبعا ماكياج كامل وطلعات وحفلات ومناسبات توصل احيانا للساعة 2 ومب هو اللي يوديهم هم يسوقون ومحرم السواقة على خواته ، هو يقعد بالبيت وحريمه يتفررون في الاسواق والمجمعات والاعراس وخواته يخدمونه بعيونهم / لانه ساكن معاهم ، انه واحدة من خواته تبطل حلجها وتتكلم ابدا

رجل بهالصفات شنقول عنه ؟؟؟؟

ربج يمهل ولا يهمل

مفروض يسوون عليه انقلاب بو وجهين هذا
أمحق شهالشخصيه :rolleyes2:

[رايق البال x]

ما تعودوا يطلعون مع اهلم من الصغر ، عشان جذي رافضينها ...

[شبح الصمت]

ايييه يا عزيزتي ذكرتيني بعايلة بالكويت بناتهم صحبة معاي ، اخوهم العود حاكر المتزوجات حكرة مب طبيعية لا طلعة ولا لبس ولا اي شي تشوفينهم تقولين عمرهم الف سنة لا ماكياج ولا لبس يناسب سنهم وعباية راس ، يطلعون بروحهم مافي لازم محرم واخر حد لهم الساعة 8 ، واحدة تاخرت قريب التسع والله كسر عظامها وتنومت في المستشفى ولا رضت تقول اخوها اللي سوا فيها جذي عشان امها لا تزعل ، لحد هنا نقول الله يكمله بعقله ويسار عليهم اكثر واكثر

لكن واااه من كلمة لكن



بناته ثنيتن الله يستر عليهم وعلينا يااارب وزوجته مش محجبات هذا اولا ، لبس قصير اتكلم قصير يعني ماكسي حتى لا تفهمون غلط ، طبعا ماكياج كامل وطلعات وحفلات ومناسبات توصل احيانا للساعة 2 ومب هو اللي يوديهم هم يسوقون ومحرم السواقة على خواته ، هو يقعد بالبيت وحريمه يتفررون في الاسواق والمجمعات والاعراس وخواته يخدمونه بعيونهم / لانه ساكن معاهم ، انه واحدة من خواته تبطل حلجها وتتكلم ابدا

رجل بهالصفات شنقول عنه ؟؟؟؟




مهب رجال مب عشان انه محكر لأهله لانه صدق صدق مهب رجال مرخي الخيط حق زوجته وبناته يعني يحسب انه بيتاحسب على خواته وما راح يتحاسب على زوجته وبناته ..


هالانسان فيه مرض انفصام فالشخصية فقد شخصيته امام زوجته ومطلعه امام عائلته
الله يهديه يآرب

[بونووف]

والله حقيقة ولا زالت مستمرة

ماتوقعته يصير الا فالمسلسلات ..لكن هاي امره موطبيعي وزوجته تلاقينها كاسره شوكته ولا ميوده عليه شي :rolleyes2:

[في سبيل الله]

مب شرط يستحي من اهله ،، يمكن الشخص ما يحب الأسواق ويتملل بسرعه

ويمكن يكون السبب تقليد للغير يعني الولد يشوف رفيجه ما يطلع مع هله وهو يقوم يقلده

المسألة غير محصوره في سبب معين ،،

وشكراً

[طبيب قطري]

الرجال والذكور ؟!!! الاثنين واحد ياحمد ههههه

وأحييك على استلامك اخييييرا ابتعدت عن انتقاد الحريم !

[أم نواري1]

لا مش واحد فرق كبير بين الرجل والذكر
الأولى تحتوي الصفتين
فليس كل ذكر رجل
بينما كل رجل ذكر

[للصبر اخر]

صدقوني البنات يفلون اخوانهم فل مساكين اذا قاموا بواجباتهم تجاهم يعني لو طلع ووداهم وجابهم يكونون مستانسين انه في رجال معاهم ..

ريوق
غداء
عشاء
تلفونات
كروت تعبئة
يمكن بعد اطلع له سيارة

مساكين البنات صدقوني مستعد تمص راتبها وتضحك تقول حلاله اخوي


تفكير مادي صح

هههههههههههههههههههههههههههههههههههههههههههههاي

:shy:

شبح شرايييك صار

[شبح الصمت]

شبح شرايييك صار




تسلمين اختي جعل يدينك تحرم عن النار والحاضرين بس اش رايك في رآيي !!

صح والا مبالغ فيه !!

:omen2:

[UAE-SOUL]

وأكيد الي يستحي يطلع وياهم أكيد بعد مايحب يكون وياه حد من هلة وهو رايح المدرسة لو كان طالب او ما ينزل عند باب المدرسة يقول حق الريول يوقف بعيد. شي غيرب الصراحة

[Hamada-Sama]

وعليكم السلام ورحمة الله وبركاته

يه يه يه أخيراً غيرت مواضيعك عن الحريم

ماشالله عليك عشان ماحسدك بعد :victory:


ارجع لموضوعك

اتوقع البعض يخجل من انه يطلع مع هله بسبب غيرته عليهم مايبي حد من ربعه يشوف شكل هله ، يخاف يقعدون يتكلمون شفنا اخت فلان او شفنا زوجة فلان..
:nice:

غيرته عليهم بأنه يقولهم إلبسو غشوه ... مهب سبب أنه يخليه ما يودي أهله علشان يخلصون أمورهم وأغراضهم خصوصاً إذا ماعندهم ادريول أو أنه هالدريول مسافر

[bos3eed]

اسمح لي اخوي اختلف معاك
هالشي موجود وواعاني منه
اخوي الله يحفظه مايحب يطلع معانا
وان طلع بامر من الوالد يكون مغصوب
ومايمشي معانا بعيد كانه مانعرفه
واذا صادف وهو اللي يسوق حتى تلفونه سايلنت عشان لين دقو عليه مايرد
هالعلقليات موجوده
حاولو الاهل معاه بس مافي فايده
بس ليش انتشرت هالضاهره بسرعه
من السبب في هالشي
؟؟؟؟؟؟

ها الرجال شديد الغيره, مايرد على ربعه يخاف انهم يسمعون حسكم

[bos3eed]

هاي شنو مسلسل رمضان السنه :eek5:

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههه

[ولد شرق]

غيرت لانه اذا طرحت اليوم موضوع نفس امس اكيد بيتسكر خخخ ،، ،

يمكن الي ذكرتيه ايكون سبب من الأسباب التي تمنع الولد او الرجال انه مايطلع مع هله ،،،

تحياتي لج

اخوي اسمحلي مواضيعك يا انك ساحبها كوبي بسيد او هي عباره عن حشو في الكلام هدفه زياده عدد المواضيع (واضح من ردك غيرت لانه اذا طرحت اليوم موضوع نفس امس اكيد بيتسكر خخخ)
مواضيعك اغلبها لاتمت إلى الواقع بصلة
واتمنى تقبل انتقادي

الموضوع مفتوح لك للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

تحياتي لك

[حمد 2002]

اخوي اسمحلي مواضيعك يا انك ساحبها كوبي بسيد او هي عباره عن حشو في الكلام هدفه زياده عدد المواضيع (واضح من ردك غيرت لانه اذا طرحت اليوم موضوع نفس امس اكيد بيتسكر خخخ)مواضيعك اغلبها لاتمت إلى الواقع بصلة
واتمنى تقبل انتقادي

الموضوع مفتوح لك للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

تحياتي لك

بالمنتدى الاف المشتركيين ، وكذلك بالعالم مليارات البشر ، لذلك من الصعب ارضائهم جميعا ،،

ولو كانو جميع الناس على رأي واحد لما رأيت الحروب والخلافات مابين الناس ،،،

(( أرضاء الناس غايه لاتدرك ))

تحياتي لك :shy:

[أم نواري1]

ها الرجال شديد الغيره, مايرد على ربعه يخاف انهم يسمعون حسكم

يقدر يقول إصمتن يا نسوان سأرد على مكالمتي قليلا من الوقت فقط ثم انطلقن

ليست معضله ترى :omg:

[ضوى]

يقدر يقول إصمتن يا نسوان سأرد على مكالمتي قليلا من الوقت فقط ثم انطلقن

ليست معضله ترى :omg:

ههههه
سيبويه يام نورة طلع المستخبي:)

[أم محمد 90]

هيه الله كريم شنقول

انا اخواني كل واحد مطلع سيارة سبورت اكشخ من الثانية وكشف وحركات
وقلبي يتقطع خاطري اركب وياهم ويودوني اخذ شاي او عصير


يقولون (عيب والسيارة معروفة ) شدخل انا اختكم :( اهئ اهئ :weeping::weeping: حتى لو فالفريج راضية

[ضوى]

هيه الله كريم شنقول

انا اخواني كل واحد مطلع سيارة سبورت اكشخ من الثانية وكشف وحركات
وقلبي يتقطع خاطري اركب وياهم ويودوني اخذ شاي او عصير


يقولون (عيب والسيارة معروفة ) شدخل انا اختكم :( اهئ اهئ :weeping::weeping: حتى لو فالفريج راضية

لا حول ولا قوة الا بالله

فديت اخواني رحمة الله عليهم :(

[أم نواري1]

ههههه
سيبويه يام نورة طلع المستخبي:)

:shy:

[أم نواري1]

لا حول ولا قوة الا بالله

فديت اخواني رحمة الله عليهم :(

إي والله

واحد من أخواني يقولي اشرايج آخذ لفة فيج بسيارتي السبورت
أقوله من الخرعه شكرا :rolleyes2:
لأنه مجنون وهو يسوق الفورويل شلون بالسبورت يبي يصرقعني :(

[تحداني]

بعض الرجال على فكره يتصرفون تصرفات غصباً عنهم
والسبب الطريقه الي تربوا عليها .. او من خلال سلوك صداقاتهم فينحرج منهم
او بسبب فكر في باله ومقتنع فيه


لكن مع الايام راح يتغيرون .. الاهم ان ما اناحسهم ولا انحسسهم انهم غلط
لكن نبدي رغبتنا الدايمه ابوجودهم

انا عندي صبر المحاوله مع الاشياء الي احبها
حتى لو حاولت 60 مره


جملكم الله برضاه

[عبدالعزيز الهتمي]

موضوع جميل اخوي حمد وفقت فالطرح والاجمل منها ردود الاعضاء القيمه ..
بمناسبة طرح الاخوان لموضوع المتغشيه والكاشفه والمتنقبه..
اتمنى ماتقوم حرب داعس والغبراء بين الاخوات والاخوان وهاذي تسوي هالشي عشان هالشي ونرتقي بالردود القيمه وسعت البال فالحوار ولا ندخل فالذمم ونستمتع بالحوار القيم بين الاخوان ..
متابع للموضوع الجميل

[خليفـة]

قواك الله اخوي حمد
ما اعتقد ان شباب كثير يفكرون بنفس هالطريقة
انا ما اشوف اي احراج او أي عيب لما اخرج مع أي
حد من اهلي .. بالعكس .. اشعر بالرضا عن نفسي
لان هذا واجبي اني اكون معاهم كمحرم لهم في السوق
او اي مكان عام .. والواجب لا شكر عليه طبعاً .

اما الي يحس بالفشيلة والاحراج ويرفض يخرج مع
اهله سواء زوجته او اخته او أي حد من محارمة
فهذا أقرب ما يكون في نظر كل رجل : ديوث
انسان ما عنده غيره على أهله .. ويرضى انهم
يطلعون لحالهم .. وبدون وجود محرم .. تحت عذر :
استحي او فضيحة !

يعني مثل هالشخص يقبل ان تكون اخته او زوجته
مع الهندي الغريب .. والكل يشوفها وممكن يتحرش
فيها ويضايقها كونها لحالها .. وعادي عنده !!
مال لهذي الشخصية الا تفسير واحد :
ديوث .. نسأل الله له الهداية

خليفــة

[ام السعف]

لكل مجتمع ثقافته ،،في محيطي مالقيت الأخ اللي يستحي من اخته او ما يوديها مكان
بالعكس ولله الحمد والمنة يفتخرون فينا ويتشرفون فينا ،، الا هم اللي يعزموننا ،،
وما عندهم مشاكل لو طلعوا ويانا ورحنا المجمعات نتسوق ،،

لكن عند ناس ثانين نلقى بعض الثقافات اللي مسيطرة على عقول بعض الرجال
لدرجة انه يستحي يصطحب اخته او امه او بنته علشان عيب يمر فيها
في مكان ممكن يتواجدون فيه ربعه ،،

فالمشكلة مرات مب في الرجل نفسه كثر ما هو في ربعه اللي يسمع منهم
تعليقات تسد النفس ،،

وفي المقابل ما نبي نشطح زيادة عن اللزوم

اليوم لما نسمع من بنت تبي تركب سيارة كوبيه وهي كاشفة ويهها او مغطيته وتبي تروح
توقف عند الكرك او المعصرة اشوفها مب راكبة على العادات والتقاليد اللي تربينا عليها،،

اصلا وجود بنت تسوق سيارة مكشوفة بحجابها شكلها غلط وخاصة
ان البنت ساقت سيارتها للضرورة ، ومب من الضرورة انها تركب كوبيه
علشان تقضي ضرورتها هذي بحكم احترامها لحجابها وحركة الهوى اللي بتجبرها
تمسك شيلتها بدل السكان ،،الا لو ما همها حجابها ،،

فاشلون تبي البنت اخوها يدور فيها في سيارة كشف ؟

اذا انا وحدة احسها مب عدلة فاشلون الشاب ؟!!

[أم نواري1]

السبورت هي السيارات الرياضيه المزودة
ماقصدت الكوبيه المكشوفه

لا تشطحون بأفكاركم بعيد = )

[ام السعف]

السبورت هي السيارات الرياضيه المزودة
ماقصدت الكوبيه المكشوفه

لا تشطحون بأفكاركم بعيد = )

عدل مدل كلامج السبورت مب شرط تكون كشف

فلحد يشطح :secret:

[bos3eed]

يقدر يقول إصمتن يا نسوان سأرد على مكالمتي قليلا من الوقت فقط ثم انطلقن

ليست معضله ترى :omg:

ويحكِ

[لاجل QT]

تناقض

بعض اللى يفتشلون من اصطحاب زوجتهم معهم

نجدهم في السفر معطيها الحرية في اللبس

وعادي ربعة اللى يخاف انهم يشوفون هلة في الوطن عادي يشوفونهم برة الوطن

طيب نفس الشي انت وش سويت الحين

شهالعيارة وليش؟؟

[نورهان88]

السلام عليكم ورحمه الله وبركاته


الموضوع يحمل العنوان التالي

(( ثقافه سيئه بمجتمعاتنا عند بعض الرجال والذكور ))

يستحي او يخجل يطلع مع اهله وخواته وامه وخاالاته وعماته للأسواق والمجمعات ، بحجه انه يخاف احد من ربعه يجوفه معاهم !!!!!!!!!!!!!!!!!!!!!!!!!!!!!!!!! :):)

والولد اول مايوصل عمره 16 سنه او اول مايروح 3 اعدادي ولا ثاني اعدادي مايطلع مع امه وابوه ومايطلع مع خواته ، لانه هالشيء عنده عييييب !!!!!!!!!!!!!!!!!!!!!!!!!!!!!!!!!!!!!! :):)


نتمنى أن تزول تلك الثقافه والمعتقدات عند بعض الرجال :)

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

تحياتي للجمييع




ما الفرق بينهم ،،، ههههههههههاكخ

[أم نواري1]

ويحكِ

ام السعف
قوليلي وحلليلي توعده بالويل.؟

[تحداني]

عندي واحد في البيت ما يطلعني الا اذا ردينه البيت ومعانه شي يرضي غروره
لانه غالي وايد ويدري عن غلاته يطلب اشيا ابنفس القيمه
عطر .. ولا مسباح .. واذا رفضت يقول لي اختي ارتاحي في البيت اهم شي صحتج وراحتج
وانسي اخوج وخليه في حاله

وعندي الاصغيرون هو محتاج اني اطلعه :)
ما ادري لما يكبر شنو بتكون عقليته الله يستر


جملكم الله برضاه

[النهار]

لا لا اسمح لي اخوي حمد مافي احد يستحي يطلع مع اهله

احنا نمل في بعض الاحيان من فرة الحريم لانهم ماشاء الله احس فالسوق لياقتها تكون دبل دبل عن الرجال ماشاء الله من محل لي محل والرجال فيها طبع لانه المرة ماشاء الله ما يعجبها شيء والا يدش مزاجها شيء الا الي تبيه .

اما انه احنا نتحرج من التفرفر معاهم هذولي شوافاتنا والي مافيه خير في اهله مافيه خير في أحداً ثاني ..

وبخصوص انه يستحي محدن يستحي من اهله الا اذا اهلها فيهم شيء .. واسمح لي على هالجملة

اسمعني اقلب الموجه ( فهمت ) :shy:

لا وانا خوك موجوده الاخ حمد مايقصد الكبار في العمر بل هو يقصد فئه عمريه معينه
من الشباب هو قال 16 انا اقوله له من 14 وانت رايح
يطلعون في سياره وحده وبنزلون مع بعض ولكن فجأه يأخذون مسار اخر هم صوب.
وبقية الاهل بصوب حتى لما يجتمعون في المطعم لتناول الغداء اوالعشاء تجدهم لايجلسون على نفس الطاوله بل طاوله قريبه لهم يخشي من صديق له يكون في نفس المكان
ويقول له شفتك مع اهلك في المكان المعين
في اماكن كثيره فئه عمريه معينه تجدها ولاتجدها تجدها بمعنى في نفس المكان ولاتجدها بمعنى مع الاهل الذين حضر معاهم

[ام السعف]

ام السعف
قوليلي وحلليلي توعده بالويل.؟

سامحيه والمسامح كريم:shy:

[ام السعف]

عندي واحد في البيت ما يطلعني الا اذا ردينه البيت ومعانه شي يرضي غروره
لانه غالي وايد ويدري عن غلاته يطلب اشيا ابنفس القيمه
عطر .. ولا مسباح .. واذا رفضت يقول لي اختي ارتاحي في البيت اهم شي صحتج وراحتج
وانسي اخوج وخليه في حاله

وعندي الاصغيرون هو محتاج اني اطلعه :)
ما ادري لما يكبر شنو بتكون عقليته الله يستر


جملكم الله برضاه

تبا للاستغلال :(

[كحيلآن]

حلولها سهله ..
بالنسبة لي .. اهلي ما يطلعون الا معي ..
أولاً على شآن ما يجسرون الشباب ويشوفونهم حريم لحالهم ويقعد يستخف دمه < اكثر من مره اشوف شباب يتحرشون بـ حريم يمشون بروحهم .
ثانياً: ما اطلع مع أهلي لأماكن يكثر فيها التجمع خصوصاً في الويكند .. يعني الستي واللاند وفيلآجيو ما نروح الا بـ ايام الدوام وفوقت ما يكون فيه زحمه مثل الويكند