دكتور او معالج شعبي للكي او عرق النسا للرجال

[خشوف]

ارجو عدم نقله لقسم الاستفسارات على الاقل اليوم لانه كل ماتنقلون المواضيع هناك ما استفيد شي :(


ندور لابوي طبيب شعبي او الي متخصصين بالكي بس يجي في البيت

حالة ابوي طاح وهو يركب السياره من يومها مايقدر يمشي عدل يحس انه رجل بتلف وبيطح راح اكثر من دكتور قطر الهند تايلند مافي فايده يقول مافيها شي وهو صار يعرج مايقدر يوقف طبيعي بسببها:( قالوا لنا شوفوا دكتور شعبي متخصص او كي لانه احتمال يكون عرق النسا نبي معلوماتكم وارقام المختصين

[حمد 2002]

الله يشفي الوالد ان شاء الله

[أسد الجزيرة]

قريتوا عليه

[شبح الصمت]

الله يشفيه ويعافيه يآرب ويقوم بالسلامة

وتقر عيونكم بشوفته بخير

[حمد 2002]

خله يجرب العلاج الطبيعي

[حسن]

الله يشفيه
والله اعرف وحده تكوي من اسبوعين اشوف واحد من الربع وهويصلي جنبي الا خط بارليف مار على رجله
قلت له اكيد عرق النساء قال اي قلت له اكيد فلانه قال مافي غيرها
شوفي اذا هو عرق النساء اكيد باحاول اكلم واشوف لكم المره
بس مااتقد انها تجيكم لانها بعيده وهي ماتطلع من منطقتها
بارد عليك خبر
والله يشفي مريضكم

[بن غيث]

خطاه الشر وأن شاء الله يقوم لكم بالسلامه ..

[خشوف]

الله يجزاكم خير بانتظار الأرقام والي يعرف مطوع زين لايبخل علينا

[أم نواري1]

الله يشفيه ويرجع لسابق عهده بإذن واحد أحد
وطمنينا عنه

[نيساني]

اجر وعافيه ان شاء الله

[أخت الكل]

أختي الله يشفي الوالد ويرفع عنه

اول شي جربي الرقية الشرعية وانصحك بالشيخ هشام الكدش

واذا تبين احد وفعلا علاجه أكيد مليون في المئة هو الشيخ صالح الصمعاني بالرياض

وادخلي اليوتيوب واكتبي العنوان التالي (( كي عرق النسا )) واللي راح يطلع لك هو الشيخ صالح

http://www.you tube.com/watch?v=y3-OM4CEmTw

[نورهان88]

الله يشفيه ويعافيه يأرب ،،

أختي زيت الزيتون مقرئي فيه بالليل أعملوا له مساج لمدة

أربعين يوم وأن شاء الله بيتعافى وبيقوم مثل لحصان

تقول جدتي زيت الزيتون يطري العروق ويقوي العصب

وما يشوف شر ،،


دمتم بود

[خشوف]

ماتعرفون حد بالدوحه