رايكم يا أهل الخبرة

[أم نواري1]

بسم الله الرحمن الرحيم

السلام عليكم ورحمة الله بوركاته

بما أن الخبراء بالمنتدى كثار وكبار وخبرة قلت خل اخذ رايهم قبل ابلش

عندي أسئلة وياليت تفيدوني بشغل عدل وأسعار تنافسية

1- عمال جبس لعمل الأقواس، وهل لو حبيت اعمل المجلس تراثي واستايل قديم وابي اسوي السقف حركة الخشب اللي مثل الجذوع هل الافضل تكون خشب او جبس وعند من وكم الاسعار.؟

2- هل لازالت موضة الجبس المطعم بالمرايا.؟

3- محلات لتنفيذ الجلسات المغربية او بيعها بأسعار معقولة مع عمل ديكور من الفسيفساء على الجدران

4- صباغين محترفين وشنو الصبغ الدارج هاليومين.؟

5- لوعندي باب خشب وحبيت احوله لباب عتيج بتغيير لونه واضافة مسامير مذهبه عند من.؟

6- تفصيل قعدات السدو الشعبيه وين وباسعار طيبه

7- ستاير بقماش مطرز توحي بانها مغربيه ولو هندية بتمشي تكون شفافه ومطرزه

وجزاه الله خير اللي بيفيدني وجعله ووالديه الفردوس الأعلى

[أم نواري1]

انتظركم جزاكم الله خير

[أم نواري1]

:( :weeping: :(

[Aozomblue]

السلام عليكم الله يكون بعونك يا بو نوره
ان شاء الله ما يقصرون معاك الاعضاء ممكن افيدك بخصوص الصباغين لو بغيت صباغين فلبينين محترفين و الصبغ الدارج هل الايام الكدارو و الفلفيت و في انواع بعد بس لا تحضرني الان

منزل مبارك باذن الله

[dream~qa]

بالنسبة للسقف فالأفضل الجبس أخف من الخشب والمرايا ممكن تدخل عليها الزجاج المعشق كمربعات صغيرة متوزعة بين الجذوع مع الاضاءة على كامل السقف .

ديكور الفسيفساء :عند فن الفخار ولكنه غالي أما الجلسات المغربية فابحث عنه في الشرقية أفضل

الصبغ : بما أنه مجلس تراثي فالأفضل الصبغ الستوكو

بالنسبة للستاير : أشوفها دايما في المعرض التجاري عند الصينيين أما تنتظر المعرض القادم أو تشوف في زون سنتر .

[أم نواري1]

جزاكم الله خير وارحم الله والديكم

ماقصرتوا

[أم نواري1]

خلاص قررت أسوي مغربي لقيت شغل وأسعار طيبه
للجلسات المتر من 1800 - 2800
وباقي الجبس والسيراميك للحين ماعرفت أسعارهم
هاليومين بيجي المهندس ياخذ المقاسات وبشوف معاه الجبس بكم بيسويه لي

بس وين ألاقي حد يعتق لي باب خشب .؟!

[K.A]

وعليكم السلام ورحمة الله بركاته

قبل كل شي في بعض الاشياء مرت علي من واقع خبره والبعض من واقع العقل والتفكير

فاتمنى اقدر افيدك اخوي
والاخوان ما يقصرون وان شاء الله يعدلون لي لو في شي يحتاج التعديل او التعليق
1- عمال جبس لعمل الأقواس، وهل لو حبيت اعمل المجلس تراثي واستايل قديم وابي اسوي السقف حركة الخشب اللي مثل الجذوع هل الافضل تكون خشب او جبس وعند من وكم الاسعار.؟

هذا ديزاين بس لا افضله لانه ياخذ مساحه من الجنب ويصغر ارتفاع السقف
http://t2.gstatic.com/images?q=tbn:ANd9GcQdC10gQxKO4y4t30VviVdJMNqGo2IbO 5bs-2DNUhjIbMrkb697

افضل بهذا الشكل
http://www.italplaster.co.uk/arches/archpic.jpg


2- هل لازالت موضة الجبس المطعم بالمرايا.؟

انا عن نفسي عملته في المجلس بغض النظر موضه او لا لكن الفكره انا حابها
وبالديكور اللي انت تفضله
http://t0.gstatic.com/images?q=tbn:ANd9GcQj4kDNFZ5sXbZc1bl61PqQtVCjzw8r6 Jhc2HgLAFu_v5axMgSc



3- محلات لتنفيذ الجلسات المغربية او بيعها بأسعار معقولة مع عمل ديكور من الفسيفساء على الجدران

الفسيفساء اقل شي المتر 1200 تقريباً
يعني لو الجدار 5 جهه وحده في ارتفاع 3.5 رايح يطلع الحساب فقط 21000 فسيفساء
والجلسات المغربيه غاليه في قطر وفي الاحساء راح توفر مبلغ حلو وكبير وعندك خيارات كثيره في الديزاين


4- صباغين محترفين وشنو الصبغ الدارج هاليومين.؟
انا عن نفسي فضلت البيت كله ورق جدران بس الصبغ يتراوح مابين 15 الى 75 ريال
للمتر وطبعاً 75 صبغ كمبيوتر وحلو ومقارب للورق


5- لوعندي باب خشب وحبيت احوله لباب عتيج بتغيير لونه واضافة مسامير مذهبه عند من.؟
اغلب المناجر وشوف افضل 3 منجرات للخشب وقارب بالاسعار


6- تفصيل قعدات السدو الشعبيه وين وباسعار طيبه
اعتقد افضل مكان خلف نجاده في اكثر من محل لسدو وفي اكثر من 4 انواع


7- ستاير بقماش مطرز توحي بانها مغربيه ولو هندية بتمشي تكون شفافه ومطرزه
نابينا ولكن حط في بالك السعر ابتداء من 3000 ولكن اكيد بتحصل برع لو في واحد شاطر راح يضبط لك اللي تبيه


وجزاه الله خير اللي بيفيدني وجعله ووالديه الفردوس الأعلى
الله يرحم والديك اخوي

واتمنى قدرت افيدك

[أم نواري1]

جزاااااااك الله خير
بخصوص القوس الثاني هو الأقرب لي
لأن عندي الأعمدة غصب بياخذون مكان فمابضيق المكان زيادة بأعمدة أخرى
وراح أعتمد المرايا

وبدال الفسيفساء قد أعتمد البلاط السيراميك اللي كأنه فسيفساء بنقشه

بإذن الله