تسجيل الدخول

مشاهدة النسخة كاملة : بناء منزل العمر خطوه بخطوه بالصور (متجدد)


الصفحات : 1 [2]
ابو جمال
23-11-2013, 12:50 PM
ما شاء الله تبارك الرحمن

أول نهاية إسبوع لي في أمريكا والحمد لله الأُمور متيسرة وتوني اليوم موصل النت وباتابع إن شاء الله معاكم .

ميزة بيتك بو جمال إنه ملموم .. يالله جدامك على حسابك 5 شهور واسبوع وعلى حسابي اللي يمكن يطلع غلط 11 شهر واسبوع .. الله يوفقك وتربح التحدي إن شاء الله

الحمد لله على صلامة الوصول معماري والله يوفقك

وعلى قولتي قبل الوعد جدام وان شاء الله يخلص على خير بدون مشاكل
ابو جمال
23-11-2013, 12:51 PM
يعطيك العافية يابوجماااال .. ومنزل مباااارك مقدما ان شاء الله

أسجل متابع ،،

الله يعافيك رحال وربي يبارك فيك ان شاء الله وتشرفني بمتابعتك
معماري قطري
28-11-2013, 05:48 AM
الحمد لله على صلامة الوصول معماري والله يوفقك

وعلى قولتي قبل الوعد جدام وان شاء الله يخلص على خير بدون مشاكل


الله يسلمك إخوي بو جمال .. إحلوت القعدة هنيه بس الجو ما يشجع برد وهواء قوي ومطر قوي

لا تستعيل يا اخوي خلك شوي شوي منها انا أفوز بالتحدي وانت تفوز ببنيان ممتاز
ابو جمال
30-11-2013, 10:28 AM
الله يسلمك إخوي بو جمال .. إحلوت القعدة هنيه بس الجو ما يشجع برد وهواء قوي ومطر قوي

لا تستعيل يا اخوي خلك شوي شوي منها انا أفوز بالتحدي وانت تفوز ببنيان ممتاز

ايييه يا معماري الحين لا تستعيل ها هههههههه .... مافي جهز الخرده انت بس

كلامك صحيح في نقطه اني ماستعجل بس النقطه الاولى لا مب معاك فيها هههههههه
معماري قطري
30-11-2013, 11:24 PM
الله يعينك وتفوز ويوفقك ببنيان مسكت

بس أشوف الفوز صعب يمكن لي ولك .. لأنك إحتمال تخلص بعد 5 شهور من ألحين وقبل 11 شهر فنكون إثنينا خسرانين للتحدي .. على العموم لو خسرت انا وين بتحصلني لو بقيت في فلوريدا فترة أطول :victory:
نور الحور
01-12-2013, 12:57 PM
ما شاء الله تبارك الرحمن ..موفق يارب والله يسهل عليك .. شد حيلك بوجمال عشان تكسب التحدي مع معماري :victory:
عوآآآآشـي
01-12-2013, 01:19 PM
ما شاء الله .. موفق يارب والله يسهل عليك
ابو جمال
01-12-2013, 08:55 PM
الله يعينك وتفوز ويوفقك ببنيان مسكت

بس أشوف الفوز صعب يمكن لي ولك .. لأنك إحتمال تخلص بعد 5 شهور من ألحين وقبل 11 شهر فنكون إثنينا خسرانين للتحدي .. على العموم لو خسرت انا وين بتحصلني لو بقيت في فلوريدا فترة أطول :victory:

تدري عاد والله انها فكره ... لو ربحت التحدى بيكون عليك تاخذ لي تذكره لين عندك اسلم عليك وارد <-- نحاسه هههههه
ابو جمال
01-12-2013, 08:57 PM
ما شاء الله تبارك الرحمن ..موفق يارب والله يسهل عليك .. شد حيلك بوجمال عشان تكسب التحدي مع معماري :victory:

هذا انا شاده على الاخر اكثر من جذي مافي عاد والمهم معماري مايشرد حزتها
معماري قطري
01-12-2013, 09:28 PM
خلاص بو جمال موافق بس لتقول لي تبي بزنس :tease:

ولك شهر عندي إقامة وترفيه بس وقت الدوام باكون بعيد عنك .. وبشرط قبل نهاية شهر 6 لأن بيجون هلي بإذن الله.

حلو مر يوم من الخمس شهور .. بس تعال لتكون تشتغل سكاتي ولا شفنا صور ولا نعرف شصاير هشكل بتحطني تحت الضغط صج.
ابو جمال
02-12-2013, 02:35 PM
خلاص بو جمال موافق بس لتقول لي تبي بزنس :tease:

ولك شهر عندي إقامة وترفيه بس وقت الدوام باكون بعيد عنك .. وبشرط قبل نهاية شهر 6 لأن بيجون هلي بإذن الله.

حلو مر يوم من الخمس شهور .. بس تعال لتكون تشتغل سكاتي ولا شفنا صور ولا نعرف شصاير هشكل بتحطني تحت الضغط صج.

:victory:

اليوم صبينا سقف البنتهاوس والبلاستر شغال وقريب استلم البيت للتشطيب :rolleyes2:

انت تدري معماري شغلي مايخليني افرط لو اجازة كم يوم عارف الضغط الي عندي بالمكتب وربك كريم جايتني مهمه شهر وشي خلني ارتاح شوي من الشغل
معماري قطري
02-12-2013, 08:23 PM
:victory:

اليوم صبينا سقف البنتهاوس والبلاستر شغال وقريب استلم البيت للتشطيب :rolleyes2:

انت تدري معماري شغلي مايخليني افرط لو اجازة كم يوم عارف الضغط الي عندي بالمكتب وربك كريم جايتني مهمه شهر وشي خلني ارتاح شوي من الشغل

الله يوفقك .. عيل ما دام للحين ما بديت التشطيب انا باكون متطمن أكسب التحدي أو حتى نص التحدي .. لاحظ يومين مروا من الخمس شهور الباقية لك .. زين بعد بديت تتعذر بزيادة الشغل .. والمهمة بتأخرك شهر وشوي ومستحيل تحصل ناس يخلصونك بسرعة إسئل مجرب ولا تسئل طبيب خصوصاً إذا من مستشفيات قطر.

وين مهمتك لو قريب صوبنا باتلاقى وياك .. حلوه ثرى مع الكرسمس الأجواء إحتفالية في العالم.
ابو جمال
02-12-2013, 08:25 PM
الله يوفقك .. عيل ما دام للحين ما بديت التشطيب انا باكون متطمن أكسب التحدي أو حتى نص التحدي .. لاحظ يومين مروا من الخمس شهور الباقية لك .. زين بعد بديت تتعذر بزيادة الشغل .. والمهمة بتأخرك شهر وشوي ومستحيل تحصل ناس يخلصونك بسرعة إسئل مجرب ولا تسئل طبيب خصوصاً إذا من مستشفيات قطر.

وين مهمتك لو قريب صوبنا باتلاقى وياك .. حلوه ثرى مع الكرسمس الأجواء إحتفالية في العالم.

لا مب حولك معماري بروح صوب آسيا جان زين صوبك كان شغل عدل
mohammedkhal
02-12-2013, 08:39 PM
ماشاء الله عليك الله يوفقك
معماري قطري
03-12-2013, 02:58 AM
لا مب حولك معماري بروح صوب آسيا جان زين صوبك كان شغل عدل

بالتوفيق لك وإن شاء الله تحصل وقت تشتري مواد تشطيب
Almaddad
03-12-2013, 06:33 AM
جعله منزل مبارك ان شاء الله
almaf1a
03-12-2013, 08:09 AM
لله يوفقك وجعله منزل مبارك
سؤال دام انك في مرحلة البلاستر
http://im32.gulfup.com/7iw1x.jpg
بتضرب الطابوق الهوردي الي في السقف بلاستر او لا؟؟
معماري قطري
03-12-2013, 09:02 AM
معليش إسمح لي أرد على سؤال الأخ المافيا 1

لو بيحط أي سقف مستعار مثل جبس أو سيلوتكس أو غيره ما فيه داعي للبلاستر .. لو بيخليه مكشوف ممكن أو في بعض الدول يستخدمون صبغ خاص ينرش بمكينة ويخلي السقف مستوي.

على فكرة سقف الهوردي قوي وايد وممكن تبني فوقه حائط طابوق كامل .. ومره شفت مبنى عمره حول 40 سنه وطايحه منه طابوقه وكاسره سيلوتكس حديد بس السبب كان إن السقف يسرب ماي بسبب انتهاء صلاحية العازل وسبب تكسر الخرسانة حول الطابوق .. والمبنى تم تصليحه من حول 15 سنة وعايش للحين.
almaf1a
03-12-2013, 09:28 AM
معليش إسمح لي أرد على سؤال الأخ المافيا 1

لو بيحط أي سقف مستعار مثل جبس أو سيلوتكس أو غيره ما فيه داعي للبلاستر .. لو بيخليه مكشوف ممكن أو في بعض الدول يستخدمون صبغ خاص ينرش بمكينة ويخلي السقف مستوي.

على فكرة سقف الهوردي قوي وايد وممكن تبني فوقه حائط طابوق كامل .. ومره شفت مبنى عمره حول 40 سنه وطايحه منه طابوقه وكاسره سيلوتكس حديد بس السبب كان إن السقف يسرب ماي بسبب انتهاء صلاحية العازل وسبب تكسر الخرسانة حول الطابوق .. والمبنى تم تصليحه من حول 15 سنة وعايش للحين.

المشكله ياخوي معماري ان المقاول الله يهديه حاطلي طابوق هوردي احمر
ومن اللحين اشوفه متكسر في بعض الاماكن وخايف ان بكره يتكسر فوق الجبس ويخرب الدنيا علي
ابو جمال
07-12-2013, 12:40 PM
ماشاء الله عليك الله يوفقك

جزاك الله خير .... و يوفق الجميع ان شاء الله
ابو جمال
07-12-2013, 12:41 PM
بالتوفيق لك وإن شاء الله تحصل وقت تشتري مواد تشطيب

ربي يسلمك معماري وانت تخبر البلاط وشريته وجاي بالطريق والباقي عندي مهندس صديق بيكمل الموضوع عقبي اذا سافرت وهو عارف انا شنو ابي اسوي
ابو جمال
07-12-2013, 12:50 PM
مساكم الله بالخير جميع

اليوم ومع كم صوره لاخر الاعمال الي تمت والحمد لله ... انتهيت من صب سقف البينتهاوس والوارش فوق وصراحه طلع شكل الوارش ماعليه كلام لايبيله بلاستر ولاشي صبغ واخلص :nice:

مع بعض ومع كم صوره جديده للي تم عمله

هنا وصول سيارة ضخ الكونكريت لسقف البينتهاوس

http://im40.gulfup.com/VIYNb.jpg (http://www.gulfup.com/?f0Ih3S)

http://im40.gulfup.com/8jdg5.jpg (http://www.gulfup.com/?DwdrEx)

والحمد لله تم صب الخرسانه وكل شي على مايرام ... هنا نشوف غرفه المصعد فوق والخرسانه

http://im40.gulfup.com/L3xEE.jpg (http://www.gulfup.com/?S6zQy7)

صوره من اعلى البينتهاوس

http://im40.gulfup.com/wH300.jpg (http://www.gulfup.com/?0vfNrY)

هنا بعد ازالة الخشب من الاجناب للسقف فقط ورفع الطابوق للأعلى

http://im40.gulfup.com/c93HE.jpg (http://www.gulfup.com/?b7qX7I)

وهنا ازالة خشب الوارش

http://im40.gulfup.com/rb3Jt.jpg (http://www.gulfup.com/?JOR7Nf)

http://im40.gulfup.com/0w7ty.jpg (http://www.gulfup.com/?rLMJDd)

http://im40.gulfup.com/0poZS.jpg (http://www.gulfup.com/?BJmSeE)

صوره مقربه ( زووم ) :victory:

http://im40.gulfup.com/71KLP.jpg (http://www.gulfup.com/?FjHF35)

http://im40.gulfup.com/8fM0i.jpg (http://www.gulfup.com/?q59UBc)

وهنا النتيجة الناهية للوارش :nice:

http://im40.gulfup.com/UdW0F.jpg (http://www.gulfup.com/?dxZM85)

http://im40.gulfup.com/upOxe.jpg (http://www.gulfup.com/?P4HSUM)

http://im40.gulfup.com/8qCbL.jpg (http://www.gulfup.com/?VHqUxn)



انتهينا اليوم ونلتقي مع صوره جديده قريبا ان شاء الله
معماري قطري
07-12-2013, 09:03 PM
ما شاء الله البنيان نظيف خصوصاً الخرسانات

اللي يخوفني بس هو طريقة البناء بالتحميل على الطابوق وضغط الخرسانة عليه .. الخوف من شلوخ مستقبلية بسبب هذي الضغوطات .

الشكل طلع بعد حلو بس كان بيطلع أحلى لو كانت دكتات التصريف داخلية أو البايبات في الحائط.

الله يوفقك أذكر كنت متردد عن المصعد وزين جهزت له ولو تركبه أول بأول بيكون أحسن لك بكثير وأحسن لي بعد انا باضمن شوية تأخير :)
معماري قطري
07-12-2013, 09:07 PM
ربي يسلمك معماري وانت تخبر البلاط وشريته وجاي بالطريق والباقي عندي مهندس صديق بيكمل الموضوع عقبي اذا سافرت وهو عارف انا شنو ابي اسوي

هشكل تحطني تحت الضغط .. انا قلت زين بيسافر وباكسب شهر :anger1:
ابو جمال
07-12-2013, 09:46 PM
هشكل تحطني تحت الضغط .. انا قلت زين بيسافر وباكسب شهر :anger1:

ههههه لا شكلك قمت تحاتي من قلب يارجال المهم اخلص واسكن انا او انت ترى ماراحت بعيد
رآعي موآجيب
13-12-2013, 04:34 PM
الشكل طلع بعد حلو بس كان بيطلع أحلى لو كانت دكتات التصريف داخلية أو البايبات في الحائط.


مساك الله بالخير يامهندسنا القدير
توجيهاتك لأخواني وأخواتي الأعضاء ماتمر علي مرور الكرام ، وجزاك الله عنا كل خير

ممكن تشرح لي الفقره اللي اقتبستها فوق ولا عليك أمر
لأن اللي اعرفه لو كانت الدكتات داخليه راح تبين من داخل البيت وراح يكون شكلها أسوء من الخارجي ، نفس بعض الفنادق على سبيل المثل
الشي الثاني شلون البايبات في الحائط ؟ هالبايبات أحجامها كبيره ، والحائط كل اللي فيه 20 سم ومانقدر ناخذ إلا 10 سم
وضح لنا وجهة نظرك طال عمرك
معماري قطري
13-12-2013, 09:15 PM
مساك الله بالخير يامهندسنا القدير
توجيهاتك لأخواني وأخواتي الأعضاء ماتمر علي مرور الكرام ، وجزاك الله عنا كل خير

ممكن تشرح لي الفقره اللي اقتبستها فوق ولا عليك أمر
لأن اللي اعرفه لو كانت الدكتات داخليه راح تبين من داخل البيت وراح يكون شكلها أسوء من الخارجي ، نفس بعض الفنادق على سبيل المثل
الشي الثاني شلون البايبات في الحائط ؟ هالبايبات أحجامها كبيره ، والحائط كل اللي فيه 20 سم ومانقدر ناخذ إلا 10 سم
وضح لنا وجهة نظرك طال عمرك

الله يديم مساك وصباحك بالنور والسرور إخوي راعي مواجيب

المقاولين يا اخوي أسهل لهم وايد يمددون البايبات وبعدين اللي تحتاج عزل مثل بايبات الماي النحاسية يعزلونها قبل .. وبايبات البي بي آر ما تحتاج عزل وتكون محمية أكثر داخل الحائط وكذلك بايبات الصرف البلاستيكية .. وهذي بلاستيك مخلوط بطمي اللي هو الطين صغير الحبات وتؤثر فيها الشمس تأثير بسيط جداً ولو كانت مخفية في الحائط ما عليها مشكلة الا من الإنسداد.

ولو حبيت تسوي مثلاً الحائط 40 سم حق تمرر هذي البايبات تقدر تسوي الجزء اللي صوب الحمام والباقي تخليه 20 .. ولو كنت مفضل الدكت وتفضل تكون تنفتح للصيانة أو التغيير أو الكشف تقدر تسوي الدكت داخلية من فوق لتحت والأماكن اللي تبيها تنفتح تغطيها بمارين بلايوود وعليه تركب بلاط بس تحتاج زوايا ألمنيوم تثبت عليها براغي بعد تكون ستانلس ستيل ما تصدي .. وبالعكس الدكت الداخلية حتى تقدر تسويها بعرض البانيو أو تسوي جنبها أرفف وما تبين بشكل سلبي مثل برا تكون كأنها إضافة عشوائية على حائط سيدة نظيف .. ويبقى عندك الحل الأخير تخلي البايبات خارجية بالكامل بدون دكت مكشوفة وتنصبغ بصبغ البيت ومن رأيي شكلها يكون مقبول أكثر من الشكل المضاف أو الجي آر سي اللي تعشش داخله الطيور.

انا عندي سويت الدكتات الداخلية حق كم مبنى وسويت البايبات في جزء حائط 15 سم بس تم صب خرسانة حولها وصارت جزء من الحائط ولو بيكون فيه حاجة للتغيير بيتم عمل البايبات خارجية .. جزء الحائط ال 15 سم هو طابوق طيني خارجي ويجي عازل حراري 5 سم وبعده طابوق عادي 20 سم بس حتى بدون العازل وبدون الطابوق الداخلي يصير تمديد هذي البايبات في 15 سم.
رآعي موآجيب
14-12-2013, 02:22 PM
الله يديم مساك وصباحك بالنور والسرور إخوي راعي مواجيب

المقاولين يا اخوي أسهل لهم وايد يمددون البايبات وبعدين اللي تحتاج عزل مثل بايبات الماي النحاسية يعزلونها قبل .. وبايبات البي بي آر ما تحتاج عزل وتكون محمية أكثر داخل الحائط وكذلك بايبات الصرف البلاستيكية .. وهذي بلاستيك مخلوط بطمي اللي هو الطين صغير الحبات وتؤثر فيها الشمس تأثير بسيط جداً ولو كانت مخفية في الحائط ما عليها مشكلة الا من الإنسداد.

ولو حبيت تسوي مثلاً الحائط 40 سم حق تمرر هذي البايبات تقدر تسوي الجزء اللي صوب الحمام والباقي تخليه 20 .. ولو كنت مفضل الدكت وتفضل تكون تنفتح للصيانة أو التغيير أو الكشف تقدر تسوي الدكت داخلية من فوق لتحت والأماكن اللي تبيها تنفتح تغطيها بمارين بلايوود وعليه تركب بلاط بس تحتاج زوايا ألمنيوم تثبت عليها براغي بعد تكون ستانلس ستيل ما تصدي .. وبالعكس الدكت الداخلية حتى تقدر تسويها بعرض البانيو أو تسوي جنبها أرفف وما تبين بشكل سلبي مثل برا تكون كأنها إضافة عشوائية على حائط سيدة نظيف .. ويبقى عندك الحل الأخير تخلي البايبات خارجية بالكامل بدون دكت مكشوفة وتنصبغ بصبغ البيت ومن رأيي شكلها يكون مقبول أكثر من الشكل المضاف أو الجي آر سي اللي تعشش داخله الطيور.

انا عندي سويت الدكتات الداخلية حق كم مبنى وسويت البايبات في جزء حائط 15 سم بس تم صب خرسانة حولها وصارت جزء من الحائط ولو بيكون فيه حاجة للتغيير بيتم عمل البايبات خارجية .. جزء الحائط ال 15 سم هو طابوق طيني خارجي ويجي عازل حراري 5 سم وبعده طابوق عادي 20 سم بس حتى بدون العازل وبدون الطابوق الداخلي يصير تمديد هذي البايبات في 15 سم.


الله يديم سرورك طال عمرك

كلامك ممتاز ولا عليه غبار

بس تدري ، دايما اللي يبني يبحث عن الحلول اللي مافيها تعقيد ويكون ملم بها

عساك ذخر وبيض الله وجهك
معماري قطري
14-12-2013, 09:17 PM
الله يديم سرورك طال عمرك

كلامك ممتاز ولا عليه غبار

بس تدري ، دايما اللي يبني يبحث عن الحلول اللي مافيها تعقيد ويكون ملم بها

عساك ذخر وبيض الله وجهك

تبي الصراحة الحل الأسهل كلها خارجية وتنصبغ وشكلها يكون مقبول أكثر من الدكت الخارجي

البيوت هنيه في أمريكا حتى بايب مياه المطر حديد مربع وواصل للأرض ومصبوغ بني وشكله متناسب مع خطوط البناء .. باصور إن شاء الله لو ما نسيت وحصلت فرصة.
الدبلوماسي
20-01-2014, 12:23 AM
بوجمال وين وصل بيتك ؟
ابو جمال
22-01-2014, 09:53 PM
بوجمال وين وصل بيتك ؟

قريب انزل كم صوره لاخر المستجدات
QP Engineer
26-01-2014, 10:55 PM
السلام عليكم ورحمة الله وبركاته

حي الله ابو جمال الله يوفقك وماشاء الله تبارك الله

متابعك وإن شاء الله نشوف البيت للآخر

انا وقفت بيتي وحاليا في الإمارات للعمل وإن شاء الله لما أرجع قطر

راح أباشر البنيان :victory:

سلامي لكل الإخوان والأخوات الكرام

وتحيه خاصه لأخوي معماري:nice:
نور الحور
27-01-2014, 12:39 AM
السلام عليكم ورحمة الله وبركاته

حي الله ابو جمال الله يوفقك وماشاء الله تبارك الله

متابعك وإن شاء الله نشوف البيت للآخر

انا وقفت بيتي وحاليا في الإمارات للعمل وإن شاء الله لما أرجع قطر

راح أباشر البنيان :victory:

سلامي لكل الإخوان والأخوات الكرام

وتحيه خاصه لأخوي معماري:nice:



الله يسهل لك البنيان على خير يارب أنت وبوجمال وكل من يبني ..

ونسكن جميعاً بيوتنا بخير وصحة وسلامة ...

وجزى الله خير الخبراء في هالقسم ما قصروا معانا بصراحة .. بيض الله وجوههم ..

وجزاهم عنا كل خير أفادونا وأفادوا غيرنا بمداخلاتهم وتعليقاتهم وإجاباتهم على الاستفسارات الفنية الدقيقة ..

عساهم على القوة إن شاء الله والله لا يحرمنا من سداد رأيهم :victory:
معماري قطري
27-01-2014, 04:51 PM
السلام عليكم ورحمة الله وبركاته

حي الله ابو جمال الله يوفقك وماشاء الله تبارك الله

متابعك وإن شاء الله نشوف البيت للآخر

انا وقفت بيتي وحاليا في الإمارات للعمل وإن شاء الله لما أرجع قطر

راح أباشر البنيان :victory:

سلامي لكل الإخوان والأخوات الكرام

وتحيه خاصه لأخوي معماري:nice:

حي الله إخوي مهندس كيو بي .. الله يوفقك وين ما تكون صج لنا فترة من موضوعك .. يحيك في الإمارات على الأقل ويك اند تسافر قطر ولا شيء والبلاد وحده .. إحنا هنيه في تامبا قطريين واماراتيين صراحة شعب واحد ولا يهونون باقي الخليجيين نتلاقى وايد ونجتمع معاهم.
MBE
05-02-2014, 02:01 AM
الله يبارك لك فيه ،، وعقبال ما تستلم مفتاحه

موفق اخوي
السندان
09-02-2014, 02:26 AM
الله يوفقك ويهنيك وبيت عامر بأهله ان شاء الله

راجع الخاص
إعلامي قطر
11-06-2014, 11:43 PM
..

بوجمال وينك عن الموضوع
ودنا تكمل والله يتمم لك على خير..

..