لندن آآآآآآآآآآآآآآآيه على لندن

[$بنت شيوخ$]

السلام عليكم ورحمه الله وبركاته حبيت اتكلم عن موضوع لندن مافي حد مايتمنى يروح لندن وكنها الامنيه او الحلم لكل شخص يعني حتى على سبيل المزح في البيبي من المسجات الي تتدوال هو ان احزم حقائبي واسافر لندن بس ياريت حد يقولي ايش الوناسه فيها واقسم بالله مامزح يعني ابي اعرف شنو الي يخليكم تتمنون لندن عشان اذا رحت احس بوناسه :app:

[المليونير الفقير]

الجو الرائع والحدائق فقط

[jassim_9]

بنسبه لي الجو بس ولا عاديه ما فيها شئ مميز

[.Qa6ar]

أتمنى ان الله يحقق أمنيتك ولكن لا يستدعي هذا ان يكتب موضوع في الحوار العام !!!!!

[$بنت شيوخ$]

أتمنى ان الله يحقق أمنيتك ولكن لا يستدعي هذا ان يكتب موضوع في الحوار العام !!!!!

هاذي مش امنيه انا ماحب لندن بس ابي اعرف تفكير الناس شلون وليش هالامنيه

[مستثمر رشيد]

لندن فقط كانت حلوة ايام الثمانينات والتسعينات .....

اما الان فهي اصبحت لاتطاق ولا تسوى بيزة خاصة مع هالناس الـ............
الي تروح هناك عشان شوفني واشوفك

[خليفـة]

لندن الحين مو لندن اول
الحين كلهم عرب واسيويين في لندن
بس بشكل عام احلى مافي لندن الجوا الحلو
والخضار في كل مكان
رحتها عدة مرات .. والحين ما صرت اهتم للروحه لها
احلى شي .. الواحد يطلع برع لندن
ويكون احسن لو كانت قرية بعيدة عن ازعاج المدن
وايد احسن
بالتوفيق ان شاء الله

خليفــة

[Qatar Angel]

لندن ما فيها شي غير الزبو والمفوشر بالمواتر الكشخة والمغازل
وما اعتبرها جهة سياحية أبدا

[$بنت شيوخ$]

لندن ما فيها شي غير الزبو والمفوشر بالمواتر الكشخة والمغازل
وما اعتبرها جهة سياحية أبدا

ايوه هالكلام الي ابيه يطلع :nice:

[$بنت شيوخ$]

لندن فقط كانت حلوة ايام الثمانينات والتسعينات .....

اما الان فهي اصبحت لاتطاق ولا تسوى بيزة خاصة مع هالناس الـ............
الي تروح هناك عشان شوفني واشوفك

انت ميه ميه :nice:

[$بنت شيوخ$]

لندن الحين مو لندن اول
الحين كلهم عرب واسيويين في لندن
بس بشكل عام احلى مافي لندن الجوا الحلو
والخضار في كل مكان
رحتها عدة مرات .. والحين ما صرت اهتم للروحه لها
احلى شي .. الواحد يطلع برع لندن
ويكون احسن لو كانت قرية بعيدة عن ازعاج المدن
وايد احسن
بالتوفيق ان شاء الله

خليفــة

بس القريه مافيها طالعني واطالعك كان بيشاهدون البقر هههههههههههه انت فاهم قصدي :d

[خليفـة]

بس القريه مافيها طالعني واطالعك كان بيشاهدون البقر هههههههههههه انت فاهم قصدي :d

هههههههه
فاهم
للامانة انا ما حطيت ببالي سالفة المغازل والفشخرة
او سالفة شوفوني
الحثالة الي يبحثون عن هالأمور
موجودين بكل مكان
الله يصلحهم
الواحد يروح يستانس ويغير جوا
يستمتع بالطبيعة الخلابة والخضار والمطر
مب يتعنى للكلام الفاضي وسواد الوجه

خليفــة

[الدوحه1]

امريكا احلى وارخص..
بس المشكله في طول الرحله(حوالي 15 ساعه)

[حسن]

الصراحه عمري مارحت ولا يشرفني اروحه ولا اتمنى
حصاه ملحه من برنا تسوها

الله على لندني ولا اروع

[$بنت شيوخ$]

امريكا احلى وارخص..
بس المشكله في طول الرحله(حوالي 15 ساعه)

:nice:صح صح صح صح

[نورهان88]

لندن حلوه وروعهههههههههههه

[الكواري 1972]

كلام فاضي

فشخره ع الفاضي

مثل ماقالو الربع شوفني وشوفك

[Mohammed2]

اللي يميز لندن الاغراض اللي تنباع هناك
كل شي جديد ومايوصل الخليج
وطبعا الجو حلو ومن ناحية مطاعم في مطاعم عربيه كثيره وفي كل مكان
المواصلات سهله
الفنادق مريحه
الحدايق من اروع مايكون
بس طبعا غاليه

اللي بيروح وحاط في باله انه يتمشى ويستانس اكيد بيستانس

[storm..]

انا صارلي سنتين ادرس في لندن
لندن فيها جو بعد مب لين اهناك تقدرين تروحين مكان احسن من لندن بوووووايد وارخص مثل زيلامسي وفرنسا واماكن كثيره
وفيها الماركات والبضائع الي تكون موجوده في لندن قبل ماتكون موجوده في الخليج بفتره وفي اشياء ماتنباع الا في لندن
وفيها صيع العالم كلهم
وفيها المغازل والخراب
وفيها المفوشر و الزبو
ومافيها امان بعد ساعه ١٠
ومافيها فنادق عدله تستاهل السعر غالي على الفاضي
ومافيها ناس محترمه الا قليلين منهم

هاي الي شفته انا

تقبلي تحياتي

[بصمة قطرية]

في إجازة الربيع كنت في لندن تقريباً قعدت شهر
إستمتعت و عشت أيام حلوة
ما كان ودي أرجع لولا المدارس كان ما رجعت ..
بصراحة قبل ما كنت متشوقة للندن
و ما كنت متوقعة إني راح أحبها
لكن يوم رحت تغير هالشي اللي في بالي
إستمتعت و عشت أحلى شتا الخرارة تحت الصفر
و ثلج و مطر ..
الحياة حلوة مشي طول الوقت
هالشي اللي نفتقده و نحتاجه
مطاعم حلوة
تسوق ما في أروع منه ..
السياحة في لندن حلوة
للأسف الأغلبية يروحون بس تمشي
و يقولون لندن مب حلوة و ما فيها شي ..!!
متحف الشمع
لندن آي
المتاحف
الأكواريوم
البيكاديللي محلات حلوة
و فيه متحف
اشياء كثيرة في لندن ..
حبيتها و أتمنى أروحها مرة ثانية ..
إحتمال أروحها أول الصيف :victory:

[آنــه]

والله تبين الصراحه يا بنت الشيوخ

كل واحد وهدفه من روحته للندن يقيس نظرته

يعني انا درست في لندن و لي ذكريات حلوه فيها
احب الجو واحب السوق واحب التمشي في شوارعها
لكن ما احب الزحمه والهلاقه اللي صايره حاليا فيها
وللاسف محد خربها الا الخليجيين بحركاتهم الماصخه
من اسبوعين كنت هناك بـ غرض التسوق وتغيير الجو
لكن كرهت هالروحه لاني شفت اشكال اللهم يا كافي
والسوق كن مار عليه جراد و ما فيه شي كاني رايحه في الصيف

المهم ارد واقول لج كل واحد وهدفه من روحته لـ البلد و ايضا كلمته لما يقول ايه على البلد لـ شيء يشوفه حلو بنظره فيها

[dm styal]

بس حق المفوشر انها يعني اوصلت القمر قصدي راحت لندن ,أنا رحت لها والبلد عادية جدا جوها مااقدر اقول عنه شي بس وبعدين مافي شي غير الهايد بارك واعتقد الي ملوع جبدنا بكلمة أااايـــــــــــــه على لندن إلي ماسافر من قبل وفجأة لقى نفسه في لندن ماصدق نفسه . انا وحده ما أحبذ اروحها مره ثانيه تملل الصراحة دول آســـــــــــــيا احلى بوايد

[بونووف]

ك سياحه ماحبيتها كلش .. ك تسوق اوكي لكن افضل ايطاليا للتسوق .. رحت لها كذا مره وكل مره احاول اشوف فيها شي حلو وابلعها لكن للاسف ماتنبلع . الخليجين تارسين المكان كانك رايح دوله خليجيه وكلهم شوفني و اشوفك بكشختهم وب مواترهم ونظراتهم اللي تشق الواحد شق كانه داخلين فريجهم نتفسح مفوشر وزبو .. ولا الانجليز شعب متكبر وماعنده اسلوب فالمعامله واسلوبه جاااف جدا

وفي بدائل كثيرا في اوروبا واحلى وامتع للكبار والصغار ك سياحه وشوبينق وفنادق وشعب

[ضوى]

عجبتني كتسوق فقط لا غير

والا الجو فيه دول اوروبية جوها احلى من لندن بوايد


ماحبيتها ولا افكر اكرر الزيارة الرابعة لها

[UAE-SOUL]

لندن حلوة لليعرف وين يروح مب الي يروح اجور رود واكسفورد والهايدبارك ويقول هاي لندن ومافيها شي
اغلب الي يروحون لندن لهم ذكريات حلوه فيها
وخارج لندن في مناطق حلو وايد

[قطريه ماركه]

حلووة

كفاية انها في اوروبا

[شموخ-qtr]

أحبهااااااااااااااااااااا

احنا كله برع نستقل القطار ونروح المناطق الخارجيه تجنن بكل حالاتها وكلاً له وجهه نظر ..

[MS.TOMA]

انا امنيتي اروح لندن . .. وبروح لها ان شاء الله ..
لو اسبوع ارد ..
بس اروح لها اهم شي اني اغير جووو اسم اسفره لندن اوربا يعني لندن

[AL-MAYSTRO]

لندن فقط شوفني واشوفك شوف كشختي واشوف كشختك :nice:

مافيها الا كوفيات ومانحصل مكان حتى :rolleyes2:

بالنسبه للمدن في اوروبا افضل مدن وايد عليها مثل
( باريس / ميونخ / سويسرا بطبيعتها / فأسبانيا برشلونه والجنوب ماربيا وملقا .. الخ
بتعب لو اعد الدول اللي افضلها على لندن فأوروبا ..

وللعلم افضل مانشستر على لندن

رأيي شخصي هذا :nice: يعني واستغرب شاللي في لندن .. يعني عشان الهارودز اشتروه حكومه قطر :secret: او شالسبب

[بصمة قطرية]

لندن فقط شوفني واشوفك شوف كشختي واشوف كشختك :nice:

مافيها الا كوفيات ومانحصل مكان حتى :rolleyes2:

بالنسبه للمدن في اوروبا افضل مدن وايد عليها مثل
( باريس / ميونخ / سويسرا بطبيعتها / فأسبانيا برشلونه والجنوب ماربيا وملقا .. الخ
بتعب لو اعد الدول اللي افضلها على لندن فأوروبا ..

وللعلم افضل مانشستر على لندن

رأيي شخصي هذا :nice: يعني واستغرب شاللي في لندن .. يعني عشان الهارودز اشتروه حكومه قطر :secret: او شالسبب

هارودز المكان الوحيد اللي ما عجبني
ما حبيته :secret:
رحته مرة وحدة بس و لا فكرت أروحه مرة ثانية :rolleyes2:

[rawda]

انا درست فيها سنتين وكانت اتعس ايام حياتي مب بسبب الدراسه لا الحمدلله كنت متوفق .. ولكن المدينه كسياحه يومين ولا 3 حلوه لكن معيشه تبن ولاتسوى ابيزه

مافيها الى الحدايق والقهاوي والمطاعم والمحلات وبس

[فرهود]

فديت لندن وهوا لندن .

المشكله اغلب الي يرحونها مايعرفون غير مكانين او ثلاثه اوكسفورد ستريت هايدبارك هارودز . لندن فيها اكثر من 20 مكان سياحي يرد الروح حد جرب البورتو بيلو يوم السبت حد جرب سوق كامدن يوم الاحد حد زار المتحف البريطاني كم واحد تمشى في حديقة جرين بارك او ميدان ترفلغار او لندن اي .حد خذ قطار 45دقيقه لبرايتون الساحليه كم واحد طلع على كاردف او بلاك بول . البلد هذي الي يعرف معنى السياحه ماراح يملها . انا زرت لندن اكثر من 10مرات خلال 15سنه ورحت غيرها من الدول في اوروبا او اسيا لكن مارتحت ولا شميت هوا نظيف او حسيت بالوناسه الا في لندن على وجه الخصوص وبريطانيا بشكل عام.



نغزه: على فكره الي راح لندن علاج غير الي راحها سياحه:) .

[ضوى]

فديت لندن وهوا لندن .

المشكله اغلب الي يرحونها مايعرفون غير مكانين او ثلاثه اوكسفورد ستريت هايدبارك هارودز . لندن فيها اكثر من 20 مكان سياحي يرد الروح حد جرب البورتو بيلو يوم السبت حد جرب سوق كامدن يوم الاحد حد زار المتحف البريطاني كم واحد تمشى في حديقة جرين بارك او ميدان ترفلغار او لندن اي .حد خذ قطار 45دقيقه لبرايتون الساحليه كم واحد طلع على كاردف او بلاك بول . البلد هذي الي يعرف معنى السياحه ماراح يملها . انا زرت لندن اكثر من 10مرات خلال 15سنه ورحت غيرها من الدول في اوروبا او اسيا لكن مارتحت ولا شميت هوا نظيف او حسيت بالوناسه الا في لندن على وجه الخصوص وبريطانيا بشكل عام.



نغزه: على فكره الي راح لندن علاج غير الي راحها سياحه:) .

والله يا اني رحت هالاماكن اللي قلت عنها ماحسيت بشي غير عادي ، يمكن برايتون الوحيدة اللي حسيت بتغيير فيها ، سكوتلندا ودي اروحها وايرلندا هذولي احسهم صج غير

[فرهود]

والله يا اني رحت هالاماكن اللي قلت عنها ماحسيت بشي غير عادي ، يمكن برايتون الوحيدة اللي حسيت بتغيير فيها ، سكوتلندا ودي اروحها وايرلندا هذولي احسهم صج غير

عطيني فكره عن بورتوبيلو

[ضوى]

عطيني فكره عن بورتوبيلو


هاي اللي تقول عنه سوق سبت بس متخصص اكثر في الانتيكات والخرابيط هذي مايستهويني مهما كانت شهرة هالشارع ، سوق السبت في ليفربول وايد احلى منه عالاقل بالنسبة لي وشبربوش احلى واحلى ، بس عالعموم نتوتينج هل حلوة مش بطالة

[عضو نشيط]

لندن غيييير

كل شئ فيها حلو

وأنا من روادها وأعتبرها أفضل جهه سياحيه لي ،،، من بد جميع البلدان ،،،

الجو ، النظام ، الشوارع ، الحدائق ، الأصدقاء ،

مدينة الضباب

[قطري !]

لندن غير للي يعرف لها

[بوفهيد]

فديتها لندن والله !

[فرهود]

لا يا أخي العزيز الموضوع يبدوا سطحي لكن ترى فيه عمق..

الناس و مع الأسف أصحاب العقليات السطحية (وأن كانت تحمل ما تحمل من الشهادات) تعتقد أن لندن (كشخه) و بلد راقي. ( أنا رحت مرافق بس)

طبعا هذا الأعتقاد يعود لسبب انه منذ حوالي قرن من الزمان أو أكثر كانت بريطانيا هي الدولع العظمى في العالم.

لندن اكثر مكان فيه كأبه و تعاسه. و البريطانيين هناك (أغلبهم) تعاملهم فيه طابع العنصرية - طبعا لازم تكون شويه ذكي عشان تلاحظ - لأن في ناس و خاصة اللي مايفهم لغتهم و غيرة ماراح يلاحظ.

حتى الفاظ التخلف مع الأسف تفوح من بعض ردود الأخوة اللي مايعجبه أنه يشوف أسيوي ولا عربي في لندن!!! - اسأل الله أن يهدينا و يهديهم. (والله في بالي رد شديد و جارح لكني كتمته)

بالعكس......أنا للي حبيته في لندن أنه فيها مسلمين من باكستان و الهند و عرب كثير.

لأنهم كما غزوا معظم دول العالم...تجد بالمقابل أن معظم دول العالم غزتهم و يستاهلون و ان شاء الله راح يمكن للأسلام في أرضهم. و أن وعد الله لأت.

معاملت الحكومه البريطانيه للمسلمين افضل من معاملت بعض بلاد الاسلام لهم حرية دين مساجد عباده تظاهرات محد يكلمهم . الشعب البريطاني في لندن لاعت جبده من الاجانب الي حتلوا البلد تقريبا ومع هذا يعاملونك بحترام تاخذ حقك بالملي محد كفو يظلمك وفي نفس الوقت اطلع برا لندن وشوف تعامل الانجليز الرائع مع السياح والاجانب بشكل عام .

[وطن]

ذكرياتي و ربعي

:)

[الكنترول]

يا زينها لندن ويحلاها ،،، نعم بلد الضباب بلد الرقي

[AL-MAYSTRO]

هارودز المكان الوحيد اللي ما عجبني
ما حبيته :secret:
رحته مرة وحدة بس و لا فكرت أروحه مرة ثانية :rolleyes2:

والعالم مأذينا بالهارودز وماتم حد ماحط صورته دي بي الهارودز

مجمع السلام اللي عندنا احلى منه :nice:

[وحيد-الشوق]

انا مارحتها بس اتوقع مافيها زود عن فرنسا والمانيا وغيرها من الدول الاوروبية والمشكلة كلها خليجين ومفوشر وزبو وانا مع احترامي ما احب اسافر واشوف الخليجين هناك اتضايق واكره البلاد هههههههههه عشان جذي استانس لين سافرت في الشتاء وشهور ماتكون فيها عطل واجازات

انا زرت بعض دول اوروبا مثل اسبانيا والمانيا وفرنسا وهولندا وبلجيكا بس عجبتني المانيا وخصوصا دوسلدورف المانيا مرتبة وحلوة وجوها عجييب بس يعيبها الشعب البايخ

[ولد ازغوى]

والله تبي الصج اللي يروح امريكا يسفط دول اوروبا كلها على جنب
صحيح اوروبا حلوه بس شعب ناشف وجاف

[hamad almohd]

لندن فقط كانت حلوة ايام الثمانينات والتسعينات .....

اما الان فهي اصبحت لاتطاق ولا تسوى بيزة خاصة مع هالناس الـ............
الي تروح هناك عشان شوفني واشوفك

اوافقك الراي والله انك جبتها فالصميم الواحد صار يكره لندن ويكره قعدات القهاوي بسبب شوفني واشوفك وتحس لما يطالعونك كنك تشحت منهم او جاي على حسابهم ماقول غير الله يرحم ايام الثمانينات والتسعينات

[aspirin]

من اجمل دول اروبا بس مثل ما ذكروا الاخوان برع لندن