شارع شكسبير (( كتارا )) !!!!!!!!!!!!!!

[حمد 2002]

السلام عليكم ورحمه الله وبركاته


عنوان الموضوع يحمل العنوان التالي

(( شارع شكسبير - كتارا ))


وانت تمشي بهالشارع اتلاحظ كل 3 سيارات ايصفون مع بعض وايكون قدام هالمواتر مجموعه من الشباب واقفين قدام مواترهم بس شغلتهم ايجوفون السيارات الي تمشي على هالشارع ، وايغازلون وايتحرشون بالنساء وبالعوائل الي ايمرون ابمواترهم ؟!!

لين هالدرجه وصلنا بقطر ؟!!

وين لخويا ؟!! ،،، وين الفزعه ؟!! ،،، وين ووين ووين ووين

هل هاذي هي ضريبه الديمقراطيه ؟!!!!!

ومن نلقي الوم بهالجانب هل على النساء الي يستعرضون ويرقصون داخل مواترهم للشباب ؟!! ام انلوم الشباب نفسهم الي واقفين وماعندهم لاشغل ولا مشغله ؟!!! ام انلوم الأباء والأمهات الي ماعرفو ايربون اولادهم ؟

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

تحياتي للجمييع

[بـارود]

الله يكفينا شر الخِراف البشرية :)

[puree]

البلشتيه فهالشارع ياكثرهم

والشارع معروف كله شباب ومصخره و البنات اللي يروحون الشارع مالهم داعي كلش !

والصراحه فليل خصوصا اليوم الجمعه و الخميس بعد نفس الشي .. تصير مصخره ومغازل ورقص وبنات


المشكلة لا الامن الوقائي ولا لخويا ولا الفزعه يسون شي .. بس يخالفون العالم على اشياء تافهه .. اما المصخره والرقص والبنات ماشوف حد يوقفهم عند حدهم ..

[حمد 2002]

البلشتيه فهالشارع ياكثرهم

والشارع معروف كله شباب ومصخره و البنات اللي يروحون الشارع مالهم داعي كلش !

والصراحه فليل خصوصا اليوم الجمعه و الخميس بعد نفس الشي .. تصير مصخره ومغازل ورقص وبنات


المشكلة لا الامن الوقائي ولا لخويا ولا الفزعه يسون شي .. بس يخالفون العالم على اشياء تافهه .. اما المصخره والرقص والبنات ماشوف حد يوقفهم عند حدهم ..

هاي الي ايثير الدهشه فعلا !!! هل هم صج مايدرون عن هالمهازل الي اتصير ؟ ولا ماعندهم صلاحيات انهم ايسون شيء ؟

[حمد 2002]

الله يكفينا شر الخِراف البشرية :)

الله المستعااان ياخوووك ،،،

تحياتي لك ،،،

[غزلان]

اول مره اعرف ان فيه شارع اسمه شكسبير بكتارا

المفرض يشوفون حل سريع للقضاء على هالسلوك الغير حضاري اما بتوفير دوريه او كتابة تحذير على لوحه لكل مخالف

[حمد 2002]

اول مره اعرف ان فيه شارع اسمه شكسبير بكتارا

المفرض يشوفون حل سريع للقضاء على هالسلوك الغير حضاري اما بتوفير دوريه او كتابة تحذير على لوحه لكل مخالف

نعم فيه شارع بهالاسم ،، والمهازل الي فيييه لاتعد ولا تحصى :anger1: ،،،

مشكوووره على المرور الطيب غزلان ،،،

تحياتي لج

[عزووز قطر]

الصراحة الوضع في كتارا من صعب إلى أصعب
وألاحظ دوريات لخويا والفزعة يمرون وكأنهم مايدرون شسالفة !!!

المكان سياحي وفيه الكثير من العائلات القطرية والخليجية ،، ولكن للأسف انه تشوه بسبب بعض الحركات الغير أخلاقية من البنات والشباب..

توجد أكثر من إدارة أمنية لضبط المخالفين والمخالفات ؟؟؟
وين دورهم ؟؟ وأخص بالذكر (( إدارة الأمن الوقائي ))

أتمنى إني أشوف تواجد لدوريات الأمن الوقائي والشرطة النسائية واتخاذ الاجراءات الصارمة بمن يشوه سمعة شباب وبنات قطر ..

[الخزرجي قطر]

لاحول ولا قوة الا بالله العلي العظيم
المفروض الواحد يتجنب هذه الاماكن

[حمد 2002]

الصراحة الوضع في كتارا من صعب إلى أصعب
وألاحظ دوريات لخويا والفزعة يمرون وكأنهم مايدرون شسالفة !!!

المكان سياحي وفيه الكثير من العائلات القطرية والخليجية ،، ولكن للأسف انه تشوه بسبب بعض الحركات الغير أخلاقية من البنات والشباب..

توجد أكثر من إدارة أمنية لضبط المخالفين والمخالفات ؟؟؟
وين دورهم ؟؟ وأخص بالذكر (( إدارة الأمن الوقائي ))

أتمنى إني أشوف تواجد لدوريات الأمن الوقائي والشرطة النسائية واتخاذ الاجراءات الصارمة بمن يشوه سمعة شباب وبنات قطر ..

بالفعل نتمنى ذلك اخووي ،،،:victory:

تحياتي لك على الاضافات الطيبه بالموضوع ،،، :nice:

[اللوز]

والله شكسبير محشوم من بعض المغازليه

[حمد 2002]

لاحول ولا قوة الا بالله العلي العظيم
المفروض الواحد يتجنب هذه الاماكن

صدقت اخووي ، بس اشذنب العوائل الي رايحه تستانس واترفه عن روحها ،،،

الدوله خسرت الملاييين على هالمرافق السياحيه ، ولاكن بالمقابل يجب ان تكون هناك اداره امنيه بهالاماكن لكي تردع هالفئه المستهتره من الشباب والبنات الي خربو المكان وسمعته بالفعل ،،، :)


تحياتي لك

[حمد 2002]

والله شكسبير محشوم من بعض المغازليه

صااااادق :nice:

تحياتي لك :victory:

[BoFahed]

ومنا الى القيادي الدكتور المحترم خالد السليطي رئيس مجلس إدارة كتارا ان شاالله يشوف حل للجنغل نبي العوائل والكل يستانسون

[blueZircon]

بعدين الشارع ليش اسمه شكسبير ؟ هل شكسبير عالم او اديب عربي اسلامي ؟ هل لايوجد عالم عربي مسلم يستحق ان يطلق عليه اسم شارع في كتارا ؟ ابن سينا وابن حيان والفرزدق والخوارزمي وين راحوا ؟

[اللوز]

ابن سينا وابن حيان والفرزدق والخوارزمي وين راحوا ؟

موجودين في دار الكتب القطرية ، للاسف !!

[اللوز]

صااااادق :nice:

تحياتي لك :victory:

شرفني مرورك للموضوع:victory:

[تغلبية]

حمد ...

أنت متأكد ان عندنا ديمقراطية ؟؟؟؟!!

[musel999]

بقولك شي بس لا تفهمني غلط طبعا المغازل والكلام الفاضي كلنا ضده
لكن شارع بآخر كتارا ومافيه الا مطعم شورما فاشل وكشك يبيع عصير والشباب يروحون هناك يفترون بعد
مافيه اي شي مهم اويستاهل البنات ليش يروحون هناك هاااه قولي ليش
طبعا هذا مو عذر للي يغازل بس كل ساقط له لاقط
وبعدين طبيعي الشباب يفترون بالكورنيش والمجمعات ويطلعون البر والبحر لانه شباب اللي مو طبيعي بعض البنات اللي هايته بالشارع لاحسيب ولارقيب لاحد يقولها وين رايحه وينه جايه
ومن هنا نشدد علي ان خروج المراه مع المحرم افضل واستر لها

وشكرا علي سعة صدرك

[معماري قطري]

حي ثقافي وهذي ثقافة الحاضر

الهز والوز والجمهور عايز كذا :secret:

[بوخالد911]

لا بد من وجود شرطة و لخويا

[mr_qtr]

الصراحة الواحد مايقدر يروح مع هله حق المطاعم اللي ورا.. اللي هو الكنافه واللي احذاه

والسبه هالشارع ... لأن البلشتيه اللي هناك واقفين بطووول الشارع واللي يتمشون على بالهم شارع ابوهم

والله صرت ماروح هالمكان والسبه البلشتيه اللي فيه... وان شاءالله يكون في رد من الامن الوقائي او لخويا او الفزعه

ويعطيكم العافيه

[storm..]

بصراحه انا مارحتله الا مرتين من اول مافتح عشان اخذلي عصير وشفت فيه العجايب

الغلط مب من الشباب الغلط من البنات نفسهم مب متسترات وفاصخات الحياء معظمهم مب كلهم
وترى على كلام شباب معظمهم اجانب مب قطريين
الواحد يستحي يروح اهناك مع اهله والله
وبخصوص الامن الوقائي موجودين اهناك بس مادري ليش مايتحركون

[ضوى]

بنتي حارقة قلبي ودها تشوف هالكتارا وانا بعد ودي من كثر مايقولون حلو ومطاعمه حلوة بس وايد بعيد عنا غير الزحمة اللي تخلينا نفكر الف مرة قبل لا نطلع
مدري احمد الله اني للحين مادخلته من المصخرة اللي تصير فيه والا اصر اني اروح واشوف بنفسي اللي الناس تمدحه وماتشوف اللي انتوا تشوفونه والله حيرتونا

[storm..]

بنتي حارقة قلبي ودها تشوف هالكتارا وانا بعد ودي من كثر مايقولون حلو ومطاعمه حلوة بس وايد بعيد عنا غير الزحمة اللي تخلينا نفكر الف مرة قبل لا نطلع
مدري احمد الله اني للحين مادخلته من المصخرة اللي تصير فيه والا اصر اني اروح واشوف بنفسي اللي الناس تمدحه وماتشوف اللي انتوا تشوفونه والله حيرتونا

روحي واستانسي مع بنتج كتارا مافيها الا مطاعم بتعشين وبتطلعين وماراح تشوفين هاي شارع الان شارع من الجهه الثانيه من المدخل

انصحج في الايام العاديه مب الويكند

[امـ حمد]

نلوم الأب والأم اخوي
والمفرض نتجنب هذه الأماكن
الله المستعان

[روح الاطلس]

اول مره اسمع بشارع شكسبير ! شنو بعد الاسامي الي هناك نورونا

كتارا رحتها مرتين ولا شفت شي من الي ينقال بالعكس المكان حلو وعائلي والمطاعم حلوه و استمتعت بمعارض الفنانيين التشكيليين شي راقي يكون في قطر اهتمام بالفن مع تحفظي ع الي نسمعه من اقامة حفلات غنائيه

لكن يدور ببالي سؤال بما انه حي ثقافي فإين الكتاب من هذا الحي؟ ليش مافي مكتبات او اركان لمكتبات مفتوحة ؟

[في سبيل الله]

بصراحه انا مارحتله الا مرتين من اول مافتح عشان اخذلي عصير وشفت فيه العجايب

الغلط مب من الشباب الغلط من البنات نفسهم مب متسترات وفاصخات الحياء معظمهم مب كلهم
وترى على كلام شباب معظمهم اجانب مب قطريين
الواحد يستحي يروح اهناك مع اهله والله
وبخصوص الامن الوقائي موجودين اهناك بس مادري ليش مايتحركون

لأنهم ديكور

[لاجل QT]

هالظاهرة عيزنا واحنا نتكلم في حل لها ..الظاهر مالها حل

قطيع اغنام رايح جاي ..منظرهم يفشل

الا ليش سموة شارع شكسبير..اشمعنى..؟؟ في ادباء عرب ليش ماسمو عليهم

بك حتى شوارعنا محتلة؟؟

[armani**]

بقولك شي بس لا تفهمني غلط طبعا المغازل والكلام الفاضي كلنا ضده
لكن شارع بآخر كتارا ومافيه الا مطعم شورما فاشل وكشك يبيع عصير والشباب يروحون هناك يفترون بعد
مافيه اي شي مهم اويستاهل البنات ليش يروحون هناك هاااه قولي ليش
طبعا هذا مو عذر للي يغازل بس كل ساقط له لاقط
وبعدين طبيعي الشباب يفترون بالكورنيش والمجمعات ويطلعون البر والبحر لانه شباب اللي مو طبيعي بعض البنات اللي هايته بالشارع لاحسيب ولارقيب لاحد يقولها وين رايحه وينه جايه
ومن هنا نشدد علي ان خروج المراه مع المحرم افضل واستر لها

وشكرا علي سعة صدرك


جوف كتارا معروف في قطر و الخليج و حتى للأجانب اللي في قطر انه مكان للعائلات يستانسون و يوسعون صدورهم فيه , و انا لاحظت من سنين اي مكان يخص العائلات راحوا الشباب ( الاغلبيه منهم متزوجين ) يطامرون فيه و يفضحون في بنات خلق الله و قعدوا مع ربعهم و حش في المكان اللي هو بنفسه خر ب سمعته عن طريق النت و البي بي و اكبر دليل عندكم سوق واقف الحين قمة المصخره و هو مكان مخصص للعائلات .

بالعــــــربي :
يعني كتارا مـــــــــــكـــــان مخصص للعائلات غصب بتخلونه للشباب فـــــقـــــط :no2:

و انا اطالب الامن الوقائي ان يشوفون حل مع الشواذ في شارع شكسبير اللي يقولون ( أحنا شباب و ما نعرف وين نروح ) انا اقول رح عالج نفسك و اتركوا بنات خلق الله .:whistling:

((الرجــال)) مستحيل يطلع راسه من الجاما و يرقم وحده و بنفس الوقت يهينها .
و انا اشوف لازم يوقفون الشباب عند حدهم كل ما شوهتوا مكان قلتوا بسبة البنات انا اقول أنشغل في نفسك ودور لك على شي يشغلك و فك الناس من شرك .:whistling:

[أخت الكل]

والله الشباب ما ينشرة عليهم ابد الشرهة على البنات المهملين

وين اهلهم عنهم وليش الحرية المطلقة اللي صرنا نشوف البنات بالشارع في كل الأوقات

وبدون محارم ولا أم وباعمار صغيرة بعد

الشباب اذا تحرشوا في البنات او قطو عليهم كلمه فناظر البنت شوف

وش مسويه بعمرها وش حاطه ولا وش لابسه ولا وين رايحه

هذي نتيجة ويقين أنا توصلت له من خلال ملاحظتي للكثير من المواقف اللي صارت قدامي

[محمد سعيد]

شنو الغاية من كتارا؟

[R 7 A L]

الوضع معجبهم

[Dexter]

والله الشباب ما ينشرة عليهم ابد الشرهة على البنات المهملين

وين اهلهم عنهم وليش الحرية المطلقة اللي صرنا نشوف البنات بالشارع في كل الأوقات

وبدون محارم ولا أم وباعمار صغيرة بعد

الشباب اذا تحرشوا في البنات او قطو عليهم كلمه فناظر البنت شوف

وش مسويه بعمرها وش حاطه ولا وش لابسه ولا وين رايحه

هذي نتيجة ويقين أنا توصلت له من خلال ملاحظتي للكثير من المواقف اللي صارت قدامي

يعني الغلط من جهة البنات فقط؟ الشباب إلي يسونه عادي مادام البنت هي الي تتمشى هناك؟

يعني لو لقيت بنت مب متحجبة وقطيت كلمة يكون تصرفي عادي وماينشره علي لأن البنت إلي سمحت لنفسها ؟

ياخي عيب عليك هالكلام إلي تقوله :rolleyes2:

[puree]

جوف كتارا معروف في قطر و الخليج و حتى للأجانب اللي في قطر انه مكان للعائلات يستانسون و يوسعون صدورهم فيه , و انا لاحظت من سنين اي مكان يخص العائلات راحوا الشباب ( الاغلبيه منهم متزوجين ) يطامرون فيه و يفضحون في بنات خلق الله و قعدوا مع ربعهم و حش في المكان اللي هو بنفسه خر ب سمعته عن طريق النت و البي بي و اكبر دليل عندكم سوق واقف الحين قمة المصخره و هو مكان مخصص للعائلات .

بالعــــــربي :
يعني كتارا مـــــــــــكـــــان مخصص للعائلات غصب بتخلونه للشباب فـــــقـــــط :no2:

و انا اطالب الامن الوقائي ان يشوفون حل مع الشواذ في شارع شكسبير اللي يقولون ( أحنا شباب و ما نعرف وين نروح ) انا اقول رح عالج نفسك و اتركوا بنات خلق الله .:whistling:

((الرجــال)) مستحيل يطلع راسه من الجاما و يرقم وحده و بنفس الوقت يهينها .
و انا اشوف لازم يوقفون الشباب عند حدهم كل ما شوهتوا مكان قلتوا بسبة البنات انا اقول أنشغل في نفسك ودور لك على شي يشغلك و فك الناس من شرك .:whistling:

ياخوي الغلط من الاثنين الشباب والبنات

انا بعيني شفت بنات يتحرشون بشباب !

والوضع طبيعي وعادي ترى مب شي جديد .. والبنات اللي يروحون هالشارع .. هم يدرون انه كله شباب ومصخره


يعني الحين سيارة كلها بنات وفوسط الشباب وفاتحين الدرايش ومشغلين اغاني

هاي شتسميهم

[أخت الكل]

يعني الغلط من جهة البنات فقط؟ الشباب إلي يسونه عادي مادام البنت هي الي تتمشى هناك؟

يعني لو لقيت بنت مب متحجبة وقطيت كلمة يكون تصرفي عادي وماينشره علي لأن البنت إلي سمحت لنفسها ؟

ياخي عيب عليك هالكلام إلي تقوله :rolleyes2:

أخوي هذا رأي بالموضوع وأنا حره فيه

والشباب تصرفهم خطأ لكن أنا ما أحملهم كامل الخطأ والخطأ في مثل هالموقف اللي إنطرح هو خطأ البنت اللي طالعة لكتارا بدون ولي أمرها وطالعه بشكل ملفت

لأن كل فعل له ردت فعل فإذا الشاب تحرش في بنت قبل لا تتسرع وتنتقد الشاب طالع البنت وشكل البنت لان البنت الحشيم نادر تتعرض لمثل هالمواقف بالعكس الشباب يحترمونها

لكن إذا كنت تقصد تحرش الشباب بالعوايل بكتارا فأنا معك وفعلهم فعل مافيه رجوله



أتمنى وضحت لك الفكرة بشكل أفضل من السابق

[Dexter]

أخوي هذا رأي بالموضوع وأنا حره فيه

والشباب تصرفهم خطأ لكن أنا ما أحملهم كامل الخطأ والخطأ في مثل هالموقف اللي إنطرح هو خطأ البنت اللي طالعة لكتارا بدون ولي أمرها وطالعه بشكل ملفت

لأن كل فعل له ردت فعل فإذا الشاب تحرش في بنت قبل لا تتسرع وتنتقد الشاب طالع البنت وشكل البنت لان البنت الحشيم نادر تتعرض لمثل هالمواقف بالعكس الشباب يحترمونها

لكن إذا كنت تقصد تحرش الشباب بالعوايل بكتارا فأنا معك وفعلهم فعل مافيه رجوله



أتمنى وضحت لك الفكرة بشكل أفضل من السابق

أنتي في البداية قلتي ما عليهم شره أبد والحين تقولين احملهم جزء من الخطأ؟ :secret:

المهم هذا هو إلي كنت ابي اوصله

اما العوايل سالفة ثانية، بالعكس اغلب الشباب مايقربون العوايل لكن إلي يتحرش فيهم هذي فئة نادرة وتحتاج تأديب :rolleyes2:..

[musel999]

جوف كتارا معروف في قطر و الخليج و حتى للأجانب اللي في قطر انه مكان للعائلات يستانسون و يوسعون صدورهم فيه , و انا لاحظت من سنين اي مكان يخص العائلات راحوا الشباب ( الاغلبيه منهم متزوجين ) يطامرون فيه و يفضحون في بنات خلق الله و قعدوا مع ربعهم و حش في المكان اللي هو بنفسه خر ب سمعته عن طريق النت و البي بي و اكبر دليل عندكم سوق واقف الحين قمة المصخره و هو مكان مخصص للعائلات .

بالعــــــربي :
يعني كتارا مـــــــــــكـــــان مخصص للعائلات غصب بتخلونه للشباب فـــــقـــــط :no2:

و انا اطالب الامن الوقائي ان يشوفون حل مع الشواذ في شارع شكسبير اللي يقولون ( أحنا شباب و ما نعرف وين نروح ) انا اقول رح عالج نفسك و اتركوا بنات خلق الله .:whistling:

((الرجــال)) مستحيل يطلع راسه من الجاما و يرقم وحده و بنفس الوقت يهينها .
و انا اشوف لازم يوقفون الشباب عند حدهم كل ما شوهتوا مكان قلتوا بسبة البنات انا اقول أنشغل في نفسك ودور لك على شي يشغلك و فك الناس من شرك .:whistling:

صح كلامك الرجال مايطلع راسه من الجامه علشان يرقم
واضيف البنت المحترمه ماتقعد تفتر عند الشباب رايحه جايه وتعرفين كل ساقط له لاقط
والبنت المحترمه ماتطلع قذلتها ومعليه صوت الاغاني وتفتر هناك وتقولي عوايل
بعض البنات هداهم الله ماخلو شي تروح الكورنيش المجمعات كتارا اللاند تروح تكرك وحتي سيلين يوم الجمعه عند زحمة الناس تروح الصناعيه مابقى الا تحصلهم بحوش بيتك ولا اي مكان تلاقها هناك بمكياجه بكشختها تقول بعرس وبعدين تقولك الشباب مو انتي اللي رخصتي نفسك انتي الي سويتي بنفسك
لو طالعه مع محرم محد كفو يقط كلمه
علي العموم قطر فيها خير وهالبنات فئه قليله جدا لكن اكلم الشخص اللي مرخي الحبل لبعض البنات اقول خلك رجال وجود جماعتك ولا تصير ديو.........


ياجماعه متى نفهم هذمجتمعنا الرجال غير البنت لحد يقول لا ما اقبل وووو هذا اللي صاير بغض النظر صح ولا غلط الرجال مايعيبه شي

[الحاقول]

شكسبير رجل كافر يجب ان لا نسمي شوارعنا باسمه
وشئ طبيعي ان تتواجد شياطين الانس فيه لانه شارع شكسبير ذلك الاديب الكافر

[Qatar Angel]

الحركات ذي موجوده في كل مكان عام فما يصير أحرم نفسي
من الطلعة والوناسة عشان تواجدهم وما عندي حل غير انه
ادعيلهم بالهداية لأنهم في الأخير مسلمين

[بصمة قطرية]

الواحد يريح نفسه و يبتعد عن هالأماكن أبرك له
اللي بيروح يتحمل هالمناظر
كتارا معروف

[بيانو]

الله يهديهم

شباب وإمكنيات ووقت فراغ - هذه اهم الاسباب

[بيانو]

بنتي حارقة قلبي ودها تشوف هالكتارا وانا بعد ودي من كثر مايقولون حلو ومطاعمه حلوة بس وايد بعيد عنا غير الزحمة اللي تخلينا نفكر الف مرة قبل لا نطلع
مدري احمد الله اني للحين مادخلته من المصخرة اللي تصير فيه والا اصر اني اروح واشوف بنفسي اللي الناس تمدحه وماتشوف اللي انتوا تشوفونه والله حيرتونا


روحي اختى وتمشي مع الاولاد وأهلك - روحي صوب سدره وصوب مطعم السمك صوب المسرح

وانصحك تروحين يوم الجمعه بعد الصلاه يعنى ساعة العصاري كده لحد 5 - 6 وبعدها توكلى على الله اخرجي

المكان اللى قولتلك عنه كله عوايل وكله رايح عشان اليهال يستأنسون وخلك من شارع شكسيبير هذا لانه فعلا كله ( طالعنى وطالعك )

[قطريه22]

شكسبير شخصيه عالميه مشهوره

ماسمو هالشارع الا باسمه خربو سمعت هالشكسبير

كانو سموه شارع الخربوطه احسن

اخوي حمد اتوقع الشرطه مايقدرون يسوون لهم شي لازم حد يشتكي
بيقولون حرية شخصيه

خبرك البلد في تطور عادي تشوف سكران يسوق ومحد يقدر يكلمه فمابالك بالمغازل بيقولون عادي حريه

[واحد قطري]

تبون هالشي ينتهي لوماكانوا فيه هالنوعيه من البنات اللي تفشل مالقيتوا هالشباب متجمعين

وين اول تجمعات الشباب كلها ضحك وسعة خاطر ومافيها اي مصخره بس الحين وبعد مصاروا البنات

يسوقون شفنا هالمصخره والانحطاط برايي وراي بعيد وصعب تحقيقه لاكن المفروض ينحط سن اكبر للبنات

انهم يسوقون اويحصلون على رخصه اقلها 30 سنه يكون عمر البنت للحصول عليها لانه بوقتها بتكون

يامتزوجه او هالينون والنقص اللي فيها انتهى

نقطه ثانية للبنات لاتتوقعين يوم انج تختارين اغلى سياره تمشي بهالشارع وتكلمين صاحبها انه بيجي بيوم بيخطبج اللي يضحك

انها تتوقع انه ممكن يلتفت لوحده رخيصه له ولغيره واقع لازم يصحون له هالبنات

[راشد محمد]

كتارا صاير ماساه

[العقل المدمر]

جوف كتارا معروف في قطر و الخليج و حتى للأجانب اللي في قطر انه مكان للعائلات يستانسون و يوسعون صدورهم فيه , و انا لاحظت من سنين اي مكان يخص العائلات راحوا الشباب ( الاغلبيه منهم متزوجين ) يطامرون فيه و يفضحون في بنات خلق الله و قعدوا مع ربعهم و حش في المكان اللي هو بنفسه خر ب سمعته عن طريق النت و البي بي و اكبر دليل عندكم سوق واقف الحين قمة المصخره و هو مكان مخصص للعائلات .

بالعــــــربي :
يعني كتارا مـــــــــــكـــــان مخصص للعائلات غصب بتخلونه للشباب فـــــقـــــط :no2:

و انا اطالب الامن الوقائي ان يشوفون حل مع الشواذ في شارع شكسبير اللي يقولون ( أحنا شباب و ما نعرف وين نروح ) انا اقول رح عالج نفسك و اتركوا بنات خلق الله .:whistling:

((الرجــال)) مستحيل يطلع راسه من الجاما و يرقم وحده و بنفس الوقت يهينها .
و انا اشوف لازم يوقفون الشباب عند حدهم كل ما شوهتوا مكان قلتوا بسبة البنات انا اقول أنشغل في نفسك ودور لك على شي يشغلك و فك الناس من شرك .:whistling:


رد يبرد الخاطر :shy:

[العقل المدمر]

أخوي هذا رأي بالموضوع وأنا حره فيه

والشباب تصرفهم خطأ لكن أنا ما أحملهم كامل الخطأ والخطأ في مثل هالموقف اللي إنطرح هو خطأ البنت اللي طالعة لكتارا بدون ولي أمرها وطالعه بشكل ملفت

لأن كل فعل له ردت فعل فإذا الشاب تحرش في بنت قبل لا تتسرع وتنتقد الشاب طالع البنت وشكل البنت لان البنت الحشيم نادر تتعرض لمثل هالمواقف بالعكس الشباب يحترمونها

لكن إذا كنت تقصد تحرش الشباب بالعوايل بكتارا فأنا معك وفعلهم فعل مافيه رجوله



أتمنى وضحت لك الفكرة بشكل أفضل من السابق


من قال ان هاي عذر للشاب ولازم مانلومه لان البنت فيها وفيها
يعني خلاص عشان البنت فيها صار حلال عليه ؟!
ومن قال ان اللي محتشمه مايطالعونها ويحترمونها
هذول اصلا خرفان مايفرقون بين المحتشمه والمتبرجه من يشوفون بنت ركضوا وراها وكل واحد ياشر عالثاني ان جاوا بنات الحقهم

[في سبيل الله]

من قال ان هاي عذر للشاب ولازم مانلومه لان البنت فيها وفيها
يعني خلاص عشان البنت فيها صار حلال عليه ؟!
ومن قال ان اللي محتشمه مايطالعونها ويحترمونها
هذول اصلا خرفان مايفرقون بين المحتشمه والمتبرجه من يشوفون بنت ركضوا وراها وكل واحد ياشر عالثاني ان جاوا بنات الحقهم

مثل ما في شباب خرفان ,, في بنات خرفان بعد !

[حمد 2002]

مشكورين على الرد على الموضوع جميعا تحياتي لكم

[Qtel-Qat]

السلام عليكم ورحمه الله وبركاته

شدني هالموضوع وحبيت اشارك فيه معاكم واتمنى افيد واستفيد منكم

ليش الكل يلوم الشباب ومن الدرجه الاولى ... اللي يقول الشباب ويغازلون البنات ويتحرشون فيهم

طيب وين اهالي هالبنات اللي كل وحده كاشخه بسيارتها وفل ميك اب ومطوله على المسجل والاغاني الصاخبه

وتهز وتغمز للي رايح وجاي شلون ماتبي الريال يلحقها ... حدث العاقل بما يعقل بنت بتطلع شعرها وتاشر

بالجوال وبن كود وتلحق راعي دراجه شلون تبي الشاب يستحي على دمه اذا البنت ماستحت ...

شارع مظلم كله شباب وبنات ورقص وغناوي شنو تتوقعون بيكون فيه ... انا عن نفسي اروح كتارا بين فتره وفتره اتمشى واوسع صدري وماعلي لا من حد كل ساقط وله لاقط اللي يبي الزين يدل دربه واللي يبي الشين يدل دربه

[شبح الصمت]

صباح الخير اخوي حمد ..

شكلك شفت حلقة الدكتور حمود يوم حك الشباب في شارع كتارا !!

:secret:

[رفيق الصحراء]

انا الاحظ هالشي وايد وخصوصا يوم الخميس لما نروح نتعشى هناك السيارات صافه على الجنب وواقفين سوالف ويشوفوان الناس الرايحه والجايه والسيارات بلا شغل ولا مشغله رايحه وراده

يجب وضع قانون من ادارة كتارا ممنوع التمشي بالسياره من غير لزمه لانه اللي يصير مصخره وماعتقد مايدرون باللي يصير او انهم عاجبتهم المسخره اللي تصير ويطالبون اكثر فيها ووودهم لو يصير رقص بنات ومغازل وزنا لو يفتحون مكان للي يغازل ويخلص ويبي يزني يكو ن احسن بدل مايروحون فندق والا على البحر
يعني بصراحه مسخره ووقاحه بمعنى الكلمه
لازم اللي ماعنده شغل يطلع من المكان اما يصف وينزل يروح مطعم يتمشى داخل لانه هذي مواقف مو مكان تمشي بالسيارات
اشلون تبون الله يوفقكم ويجيكم مطر وماتجيكم زلازل

[بونووف]

المفروض يسون ابااده للبلشتيه اللي يوقفون هناك ويقفون ويطالعون اللي رايح واللي جاي ويطالعون بنظرات ولا اللي يجونك مكسرين مادري صج ريول مجبسه ولا على عكاز يعني يكسر الخاطر دامك متكسر اقعد في بيتكم شاللي حادك تطلع ..

مافي الا حل واحد للي يصفون على جنب ... يخالفونهم مخالفة تجمهر وفيها حجز وبعدها بتخف الزحمه اللي هناك واللي يدور رايح راد يخالفونه او يخلونه يطلع من المخرج اللي اخر الشارع

[شبح الصمت]

يالربع صدقوني كلكم ادليتم بدلوكم للشباب وللبنات ..

ترى ذولي شباب المستقبل صدقوني شباب المستقبل الي ينحط فيهم الأمل ..

يعني اجلسوا في مكان قلتم حكروا حق خلق الله استعراض قلتم وفيات !!!

الحلول بيد مسئولي كتارا !!!


1- يمنعون تجمهور الشباب والوقوف على الجانبين !!
2- الي بيوقف يدخل المواقف يوقف وينزلون ..
3- زيادة عدد رجال الأمن الي موجودين في المكان لتنظيم مسار السير والالتزام بأداب الطريق ..
4- اي شخص يرفع صوت المسجل او يترقص داخل السيارة يتسحب للمركز ايا كان ( شاب وإلا بنت )
5- تخصيص يومين للعائلات او حسب ما تراه الادارة

والباقي بيد الآدارة ما نبي نقول مخالفات ماديه لانه ملينا .. في ناس ما تهمنا والا مفتكره ..



والله يستر على الجميع

[ضوى]

خلاص ان شاء الله ناوية اروح دام الجو لازال حلو ، ان شاء الله يخلصون العيال امتحانات ونروح نتونس في المكان المخصص لنا

[شبح الصمت]

خلاص ان شاء الله ناوية اروح دام الجو لازال حلو ، ان شاء الله يخلصون العيال امتحانات ونروح نتونس في المكان المخصص لنا




أختي ضوى روحي ما عليج من العالم المكان حلو وروعه وصوب البحر احلى واحلى خليهم يستانسون والي محترم نفسه محترم نفسه وين ما كان ..

احنا بس تحفظنا صوب البحر على الملابس والا من ناحية جلسه وتمشايه ومطاعم فما عليك ..

وإذا خلاص انصحك تودينهم صوب حديقة برزان الي في ام صلال علي روعه ومكانها حلو وهادي والعابهم خفيفه .. صج مافي مقارنه بس من بين الحدائق ارى هالحديقة رووووعه من ناحية التنظيم ومن ناحية النظافة والترتيب وجلستها .. :nice:

[قطريه22]

يالربع صدقوني كلكم ادليتم بدلوكم للشباب وللبنات ..

ترى ذولي شباب المستقبل صدقوني شباب المستقبل الي ينحط فيهم الأمل ..

يعني اجلسوا في مكان قلتم حكروا حق خلق الله استعراض قلتم وفيات !!!

الحلول بيد مسئولي كتارا !!!


1- يمنعون تجمهور الشباب والوقوف على الجانبين !!
2- الي بيوقف يدخل المواقف يوقف وينزلون ..
3- زيادة عدد رجال الأمن الي موجودين في المكان لتنظيم مسار السير والالتزام بأداب الطريق ..
4- اي شخص يرفع صوت المسجل او يترقص داخل السيارة يتسحب للمركز ايا كان ( شاب وإلا بنت )
5- تخصيص يومين للعائلات او حسب ما تراه الادارة

والباقي بيد الآدارة ما نبي نقول مخالفات ماديه لانه ملينا .. في ناس ما تهمنا والا مفتكره ..



والله يستر على الجميع



بيض الله وجهك على كلامك

أنا معاك مأيده :nice:

[ضوى]

أختي ضوى روحي ما عليج من العالم المكان حلو وروعه وصوب البحر احلى واحلى خليهم يستانسون والي محترم نفسه محترم نفسه وين ما كان ..

احنا بس تحفظنا صوب البحر على الملابس والا من ناحية جلسه وتمشايه ومطاعم فما عليك ..

وإذا خلاص انصحك تودينهم صوب حديقة برزان الي في ام صلال علي روعه ومكانها حلو وهادي والعابهم خفيفه .. صج مافي مقارنه بس من بين الحدائق ارى هالحديقة رووووعه من ناحية التنظيم ومن ناحية النظافة والترتيب وجلستها .. :nice:

ووول عليك يا شبح

انا كتارا ومستثقلة الروحة هذا مب انا اللي باسوق ، تبي اروح ام صلال ؟؟

خل اجرب كتارا اطلع من قوقعتنا

[شبح الصمت]

بيض الله وجهك على كلامك

أنا معاك مأيده :nice:




ووجهك أختي قطرية

[شبح الصمت]

ووول عليك يا شبح

انا كتارا ومستثقلة الروحة هذا مب انا اللي باسوق ، تبي اروح ام صلال ؟؟

خل اجرب كتارا اطلع من قوقعتنا




صدقيني مش حتندمي ..

فيها /-
الدخول بـ 5 ريال لكل شخص
فيها نافورة عجيبه ملونه وتشتغل واليهال مستانسين عليها يجلسون تحتها وترشهم .. :shy:
في القطار العجيب ياخذ فيهم فره بـ 5 ريال ..
في سيكال بعد حلوه ياخذون فرتين بـ 5 ريال
في باسكن روبنز
في مطاعم
مرفقات .
تنظيم مرتب

اش تبين بعد قاعد ازين لك

زورنا مش حتنسونا ..

:nice:

[حمد 2002]

صدقيني مش حتندمي ..

فيها /-
الدخول بـ 5 ريال لكل شخص
فيها نافورة عجيبه ملونه وتشتغل واليهال مستانسين عليها يجلسون تحتها وترشهم .. :shy:
في القطار العجيب ياخذ فيهم فره بـ 5 ريال ..
في سيكال بعد حلوه ياخذون فرتين بـ 5 ريال
في باسكن روبنز
في مطاعم
مرفقات .
تنظيم مرتب

اش تبين بعد قاعد ازين لك

زورنا مش حتنسونا ..

:nice:

دعااايه ، ممنووع :shy::secret:

[شبح الصمت]

دعااايه ، ممنووع :shy::secret:




ان شاء الله خالي

:shy:

[Rider]

شبغي في كتارا

[رفيق الصحراء]

المكان حلو بس اللي مخربينه هالهيلقيه اللي يصفون على جنب واللي يتمشون بالسياره رايح جاي لا وبعضهم يجيك بجبلابيه دام فيك نوم يابني ادم روح نام شاللي جايبك اهني

المفروض يكون لاداة كتارا تصرف حقيقي لانه هذا يشوه الصوره للسياح اللي يجون ويشوفون هالخمه من الشعب اللي يبيلهم قص راس وتركيب راس قدو

[قطريه22]

المكان حلو بس اللي مخربينه هالهيلقيه اللي يصفون على جنب واللي يتمشون بالسياره رايح جاي لا وبعضهم يجيك بجبلابيه دام فيك نوم يابني ادم روح نام شاللي جايبك اهني

المفروض يكون لاداة كتارا تصرف حقيقي لانه هذا يشوه الصوره للسياح اللي يجون ويشوفون هالخمه من الشعب اللي يبيلهم قص راس وتركيب راس قدو


:eek5::eek5:
اف مره وحده جلابيه هههههههههههههههه يمكن الاخ يمشي وهو نايم
ماعتقد بيسوون لهم شي الا اذا حد اشتكي

بيقولون حريه شخصيه

[vur]

شكسبيـر :eek5:

[العقل المدمر]

مثل ما في شباب خرفان ,, في بنات خرفان بعد !


لا اعتراض على ذلك :shy:

[رفيق الصحراء]

والله لو يدري شكسبير انه هالشارع مسميينه باسمه وفيه هالسوالف كان طلع من القبر ولعن اليوم اللي قام يكتب فيه
اسمه الحي الثقافي لازم يكون معلم حضاري معلم ثقافي مو معلم قلة حيا وقلة ذوق

[طير]

خرفان مواقف الاند انتقلوا لمقرهم الجديد وهو شارع شكسبير شوفني واشوفك

[مبرمج QA]

الله يكفينا شر الخِراف البشرية

نطالب الجهات المختصه بحل فوري لهذه المهزله والمصخره ..

وين شباب قطر اللي كان يضرب فيهم المثل بالاحترام والأدب .. وانهم افضل شباب الخليج ووو