لماذا لاتوجد هناك معاير للمواقف

[اجرام]

السلام عليكم ورحمة الله وبركاته

الحمد الله حمدا كثير

كلنا يعاني من اذى او ازعاج عندما يصف سيارته بالمواقف المخصصه سوى كان سوق او مكان حكومي

اقصد بالاذى لما اتوقف سيارتك وتجي بعدين تبي تطلع اتحصل سيارتك مضروبه من باب السياره الي جنبك

واقصد بالازعاج لما اتوقف بموقف وتجي تبي تنزل ماتقدر من ضيق الموقف او الي جنبك مو واقف عدل فتجلس اتضايق نفسك عشان تنزل او تركب

لما نتكلم عن هذا الموضوع نجد كل الاتهامات تتوجه نحو السائق الي يقولك انه السائق ما يوقف عدل

لكن للاسف لاحظة ان في مواقف بالاساس تخطيطها ضيق خاصه الي تكون عندها سياره حجم كبير اكيد انه راح يضيق الي جنبه ويسبب ازعاج

المواقف الي لاحظة انها ضيقه مواقف سوق واقف ولولو الغرافه بعكس مواقف الاند مارك الي يشوف يعرف الفرق الكبير

ليش ما اتكون هناك معاير من جهى حكوميه سوء المرور او البلديه اي مركز تجاري او حكومي لما يبي يفتح لازم المواقف الي تكون فيه اتكون له مقاس خاص بحيث يحدد مقاس معين ان كان الموقف اقل من هالمقاس لايتم الموافقه على المنشاء الا بعد ما يتم الالتزام بالمقاس المحدد

مثل على ما اعتقد ان المرور بالنسبه للمطبات حطت لها قوانين من حيث ارتفاعها او مكانها

فما رايكم

[بصمة قطرية]

المفروض المواقف ما تكون ضيقة
تكون ملائمة لكل أحجام السيارات ..

[جاسم الدوحة]

كل 3 مواقف في سوق واقف
تصلح لوقوف سيارتين فقط .
لاحظت في مواقف الطوابق البينية
لمبنى البريد العام مثــًلا
إن بين كل عمود (سنطوانة) والثاني
تتوقف سيارتان براحة تامة
رغم إن الخطوط الأرضية مرسومة
لاستيعاب 3 سيارات ، لكن محد ملتزم
والكل مرتاح في نفس الوقت .

[اجرام]

صحيح كلامك اخوي للاسف المواقف الضيقه اتسبب ازعاج

[alrasee]

حد يشوف المواقف اللي تحت الارض حق مستشفى عيادة الدوحة ،ضيقة من قلب حتي كامري ما اتقدر اتصف فيه يالله يالله كورولا

ابي اعرف اللي صمم هالمواقف اش كان يفكر فيه ولا زيادة عدد وبس

[R 7 A L]

هم خلاص توهقوا بالمواقف الموجودة وتعديلها صعب اذا ماكان مستحيل
خصوصاً منطقة الابراج


لو يخصصون براحة كبيرة جداً تستوعب 5000 سيارة حتى لو كانت تبعد عن منطقة الابراج 10 كيلو ويخصصون باصات تنقل الناس من هذة المساحة الى الابراج وقلب الدوحة سوق واقف والي حوالية رايح جاي يكون أفضل

[جنيه ذهب]

هم خلاص توهقوا بالمواقف الموجودة وتعديلها صعب اذا ماكان مستحيل
خصوصاً منطقة الابراج


لو يخصصون براحة كبيرة جداً تستوعب 5000 سيارة حتى لو كانت تبعد عن منطقة الابراج 10 كيلو ويخصصون باصات تنقل الناس من هذة المساحة الى الابراج وقلب الدوحة سوق واقف والي حوالية رايح جاي يكون أفضل

عجبني اقتراحك واايد :victory:

[+abc]

لان الي سوا المواقف تاجر مش مهندس .. اغلب المواقف الموجوده غير مطابقه للمواصفات ومنها نوع القار والمساحات في المواقف وفي الالتفاف للصعود او النزول وبعد ياجرونها منهم

وين المواصفات والمقاييس ووين دورهم لما تم تسليم هالمواقف وكيف عطوهم الرخصه

[R 7 A L]

عجبني اقتراحك واايد :victory:



نبي كروة الراعي الرسمي لهذا الاقتراح :nice:
بدل دواره سواقينهم وسياراتهم في الصناعية بدون فايدة

لازم شركة وطنية تكون مساهمة في خدمة الوطن والمواطنيين
ولاشرايكم ؟

[R 7 A L]

لان الي سوا المواقف تاجر مش مهندس .. اغلب المواقف الموجوده غير مطابقه للمواصفات ومنها نوع القار والمساحات في المواقف وفي الالتفاف للصعود او النزول وبعد ياجرونها منهم

وين المواصفات والمقاييس ووين دورهم لما تم تسليم هالمواقف وكيف عطوهم الرخصه

لجنة المواصفات والمقاييس وحماية المستهلك
مشغولين هاليومين مع قضية الكورن فلكس
مانبي نزعجهم :secret:

[شيخ الديرة]

لو يخصصون براحة كبيرة جداً تستوعب 5000 سيارة حتى لو كانت تبعد عن منطقة الابراج 10 كيلو ويخصصون باصات تنقل الناس من هذة المساحة الى الابراج وقلب الدوحة سوق واقف والي حوالية رايح جاي يكون أفضل

وتحصل الناس جالسة في سياراتهم ينتظرون الباص لأن الجو حار والشمس قوية.

باص المطار بين الطيارة والبناية والكل يتشكى منه

[khaldoon]

اخوي العزيز كل شي بالدنيا يتم تنفيذه له معايير مسبقة و مواصفات لادق التفاصيل بس اللي يصير انه المالك يطلب اشياء معينة منها تصغير المواقف و تضييق الممرات من اجل زيادة عدد السيارة اللي تستفيد من المكان.... البلدية ترفض و تطلب كتاب من المالك فقط و المالك على طول يسويه لهم و المتضرر هو مستخدم المواقف.....الموقف لازم يكون بعرض 3م و بطول 6م و المسافة بين صفين المواقف من اجل الرجوع للخلف 8م ..... بينما تلاقيها في بعض الاماكن العامة يا دوب 6م او اقل .... فهمت اشلون

[حمد 2002]

وبعضهم اذا جي ايصف موتره ياخذله موقفين وثلاثه ههههه كانه صاف في بيتهم !!!!

[جراسا]

مواقف السنتر بوينت في السد...ضيقة جدا جدا

[اجرام]

مانقدر انحط اللوم الى يصف بموقفين اذا كانت سيارته كبيره وهو انسان ضخم لازم يفتح الباب على اخر شي كيف تبيه يصف لا م يخلي وسع عشان يقدر ينزل

[لمعة الالماس]

المواقف الحين تكفي سيارات كورلا وكامري والسيارات الصغيرة

والا سياير اهل قطر الكروزر والجموس للاسف ضيقة المواقف عليها

والمواقف الضيقة هي مواقف الستي سنتر وسوق واقف وسنتربوينت السد مآساة ومواقف اللاجونا فوق ضيقة ومواقف زون سنتر مادري منو اللي مصمم المواقف وواضح انه اهم شي عندهم كثرة عدد المواقف وليس توفير مواقف مناسبة

اما احلى مواقف هي مواقف ايكيا ومواقف اللاند مارك تحت ومواقف الحياة بلازا*

[هجمة مرتدة]

زيادة المواقف على حساب السعة الإستيعابية للمركبات يندرج في إطار مادّي بحت لزيادة معدّل الدخل . .
وكأن الدولة محتاجة لهذه الرسوم الرمزية . .
لا مانع لدينا إطلاقاً من دفع رسوم مقابل مواقف عملية وتستوعب أحجام المركبات الموجودة في الشارع . !
ولكن المطلّع يرى أن الواقع مختلف كثيراً عمّا نتمنى . .

[أسد الجزيرة]

ميتين زبون يحصلون مواقف افضل من مية زبون يحصلون مواقف و القوة الشرائية تتضاعف

[لاجل QT]

صحيح كلامك انا اعاني من مشكلة ضيق المواقف اللى مسوينها تناسب البطابط

اتم مدة لين احصل موقف مناسب ..عيالي يقولون لى يمة في موقف اقولهم مايصلح ضيق بيرضخون في سيارتنا

سبق وقلت عن مواقف مجمع ايكيا تخطيط مدروس صح .. فنان اللى خطط المواقف بهذا الشكل

[شيخ الديرة]

اخوي العزيز كل شي بالدنيا يتم تنفيذه له معايير مسبقة و مواصفات لادق التفاصيل بس اللي يصير انه المالك يطلب اشياء معينة منها تصغير المواقف و تضييق الممرات من اجل زيادة عدد السيارة اللي تستفيد من المكان.... البلدية ترفض و تطلب كتاب من المالك فقط و المالك على طول يسويه لهم و المتضرر هو مستخدم المواقف.....الموقف لازم يكون بعرض 3م و بطول 6م و المسافة بين صفين المواقف من اجل الرجوع للخلف 8م ..... بينما تلاقيها في بعض الاماكن العامة يا دوب 6م او اقل .... فهمت اشلون

أقترح تشكيل لجنة للقيام بتقييم كل المواقف وأبعادها, وأعادة رسمها وتغريم المؤسسات التي لا توفر العدد المطلوب من المواقف حسب المواصفات.