(( طفل - ذكر - بعرس نسائي !!!!!!!!!!! ))

[حمد 2002]

السلام عليكم ورحمه الله وبركاته

العنوان يحمل الموضوع التالي

(( طفل - ذكر - بعرس نسائي !!!!!!!!!!! ))

احيننا واثناء مروري بالصدفه بجانب او امام قاعات الافراح المختلفه بالدوله ، الاحظ بأن بعض النساء يصطحبون اولادهم الذكور من عمر 12 سنه وتحت الى قاعات الأفراح بالدوله !!!! ،،،

هل هالشيء صحيح ؟!!!! بأن الولد ايجوف النساء وهم يرقصون ، ايضافه إلى ملابسهم الغير محتشمه بالعرس ؟!!!!

وليش بالأساس امه او اخته او او او او او او او او او او او او توديـــــه معاها بالعرس ؟!!!

من المسؤل عن هالشيء هل هو الأب ام الأم ام ام ام ؟!!!!

الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموظوع



تحياتي للجميع

[أسد الجزيرة]

اصلاً جميع اعراس الحريم مذكور في الكرت ممنوع أصطحاب الاطفال

الا اذا كانوا من اهل العرس

[ضوى]

ولا عمري وبحياتي سمعت او شفت هالشي

[حمد 2002]

اصلاً جميع اعراس الحريم مذكور في الكرت ممنوع أصطحاب الاطفال

الا اذا كانوا من اهل العرس

حتى لو من اهل المعرس ولا العروس اخووي ، بس هل هالشيء صح ولا غلط ، بأن ولد يدخل عرس نسائي ؟!

[حمد 2002]

ولا عمري وبحياتي سمعت او شفت هالشي

:secret: يمكن ماتروحين عروس

[قطريه ماركه]

ما عمري شفت ولدعمره 12 بعرس النساااااء !!

أصلا اللي عمره 12 يستحي يروح عرس نسوان ...

[زمان]

الولد بو 12 سنه في أيامنا هذي مثل أبو 20 سنه أيام الطيبين

الجيل الحالي ما شاء الله عليه يعرف كل شئ :eek5:

فخطر جداً عليه وعلى المجتمع انه يتعرض لهذه المناظر من الصغر

ولو أن في العمر هذا ممكن يكون بالغ

المفروض لحد بو خمس سنوات فقط أو ما يدخلونها من اصله بارك

شاكر لك طرح هذا الموضوع المهم

[حمد 2002]

ما عمري شفت ولدعمره 12 بعرس النساااااء !!

أصلا اللي عمره 12 يستحي يروح عرس نسوان ...

اختي حتى لو عمره اصغر من 12 سنه ، بس غلط الفكره من الأساس بأن ولد يدخل عرس نسائي حتى لو عمره 6 سنين :)

[محمد 93]

انت متأكد اثناء مرورك:tease: لا وبالصدفه بجانب امام قاعه الافراح ان العرس في ذيك اللحظه عرس قطريين :omen2: يمكن عرس بتان :(

[ضوى]

:secret: يمكن ماتروحين عروس

اشلون مارحت

اذا عروس قبل مافيها الحين اللي كل شي محسوب وتنبيه وتحذير وخرابيط

[حمد 2002]

الولد بو 12 سنه في أيامنا هذي مثل أبو 20 سنه أيام الطيبين

الجيل الحالي ما شاء الله عليه يعرف كل شئ :eek5:

فخطر جداً عليه وعلى المجتمع انه يتعرض لهذه المناظر من الصغر

ولو أن في العمر هذا ممكن يكون بالغ

المفروض لحد بو خمس سنوات فقط أو ما يدخلونها من اصله بارك

شاكر لك طرح هذا الموضوع المهم

صادق اخوي ، انا اجوف ان المفروض من الاساس يمنعون الاولاد انهم يدخلون العروس النسائيه حتى لو عمرهم 4 سنين :victory:

تحياتي لك

[شبح الصمت]

ياخوي اشكره ذولي اخوان العروس يجلسون عند الباب لاجل محدن يدخل وين يدخلون اشدعوة .. !!!!

:eek5:
اول مره تصير !!

وان صار يمكن حالات بسيطه ان صارت وانا ادري ما سمعنا ولا قد شفنا

[حمد 2002]

انت متأكد اثناء مرورك:tease: لا وبالصدفه بجانب امام قاعه الافراح ان العرس في ذيك اللحظه عرس قطريين :omen2: يمكن عرس بتان :(

:shy: هههه

[حمد 2002]

ياخوي اشكره ذولي اخوان العروس يجلسون عند الباب لاجل محدن يدخل وين يدخلون اشدعوة .. !!!!

:eek5:
اول مره تصير !!

وان صار يمكن حالات بسيطه ان صارت وانا ادري ما سمعنا ولا قد شفنا

وشلون بتجووف :secret:

تحياتي لك :tease:

[حمد 2002]

اشلون مارحت

اذا عروس قبل مافيها الحين اللي كل شي محسوب وتنبيه وتحذير وخرابيط

وهل كل الناس تلتزم بالتحذير :telephone:

[بونووف]

لاا شدعوه اخوي بالغت يوم قلت 12 سنه ... يمكن اطفال بعمر 3 او 4 سنين ممكن توديه لكن اكبر من هالعمر ماعتقد ...

[حمد 2002]

لاا شدعوه اخوي بالغت يوم قلت 12 سنه ... يمكن اطفال بعمر 3 او 4 سنين ممكن توديه لكن اكبر من هالعمر ماعتقد ...

:telephone: بس اخوي المفروض يمنعون من الأساس الاولاد انهم يدخلوون العرس ؟! حتى لو عمره 4 سنين ؟!! لأن الأطفال حساسين وأذكياء ، وايعرفون كل شيء

تحيااااااااتي لك

[بونووف]

:telephone: بس اخوي المفروض يمنعون من الأساس الاولاد انهم يدخلوون العرس ؟! حتى لو عمره 4 سنين ؟!! لأن الأطفال حساسين وأذكياء ، وايعرفون كل شيء

تحيااااااااتي لك

صح كلامك .. بس مسكينه الام متوهقه فيه يمكن ... او موديته يزط

[قطريه22]

ولا عرس رحته فيه اصبيان كبار اغلبيتهم تحت 5 سنوات

[حمد 2002]

ولا عرس رحته فيه اصبيان كبار اغلبيتهم تحت 5 سنوات

الحكمه مب بالعمر اختي قطريه 222 ممممم ، الحكمه بالمبدأ ، انهم المفروض يمنعون الاطفال الذكور من حظور الافراح النسائيه ،،،

تحياتي لج

[ضوى]

وهل كل الناس تلتزم بالتحذير :telephone:

بنتي فديتها وهي بنتي وانا من اهل العرس ونسيت بطاقتها وقفوني عند الباب ، لحد ماكلمت حماتي وجاتني لعند الباب تدخلني ، الناس ماتحب الاحراج او انها تتفشل جدام اللي يسوى واللي مايسوى وعشان شنو ؟

[حمد 2002]

بنتي فديتها وهي بنتي وانا من اهل العرس ونسيت بطاقتها وقفوني عند الباب ، لحد ماكلمت حماتي وجاتني لعند الباب تدخلني ، الناس ماتحب الاحراج او انها تتفشل جدام اللي يسوى واللي مايسوى وعشان شنو ؟

صااجه بس مب كل الناس نفس الشيء ،،،

تحياتي لج :victory:

[النجلا]

مستحيل مستحيل مستحيل اودي ولدي عرس حريم عسى ماشر !!!!

حتى لو كان عرس حد قريب مني مثل عرس اختي وكان صغير حزتها لكن مستحيل اوديه ..

العرس الوحيد اللي دخله كان عرس عمه دخل مع المعرس شوي وعقب طلع وكان عمره 4 سنين !! شلون لو 12 سنة ..؟ !! ارفض هالشي وبقووة

[قطريه22]

الحكمه مب بالعمر اختي قطريه 222 ممممم ، الحكمه بالمبدأ ، انهم المفروض يمنعون الاطفال الذكور من حظور الافراح النسائيه ،،،

تحياتي لج



في اعراس يمنعون اليهال من الدخول الا الي من اهلهم

بس صعبه الوحده تخلي ولدها في البيت وهو صغير خصوصا اذا كان عرس احد يقربلها

[dm styal]

اغلب إجابات الاعضاء مستغربين من الموضوع بالعكس اغلب الاعراس إلي اروحها يكون موجود واحد أو اثنين اتقولون صغير لكن اتفاجأ انه في سادس أو أول اعدادي والمشكله ان شكل المعازيم ماينساهم الولد في هذا السن صارت مره في وحده تقرب لنا انه احلفت انه ماتحضر العرس الا وحفيدها جدامها انقولها كبير عيب حرام قالت والله مايي العرس .؟؟

[دااانة قطر]

اختي حتى لو عمره اصغر من 12 سنه ، بس غلط الفكره من الأساس بأن ولد يدخل عرس نسائي حتى لو عمره 6 سنين :)



شفنا وسمعنا
في نااس تتسااهل بالموضوع
ومن نااحية اللبس
في حريم الله يهدااهم في بيوتهم مايعرفون ضوابط اللباس حتى مع عياالهم او اخواانهم

[Rider]

ماشفنا من هذا الكلام شي ولا سمعنا 12 سنة

[غزلان]

99% من بطاقات العرس مكتوب فيها ممنوع اصطحاب الأطفال والخدم

ومافي عرس شفنا اولاد بالعمر الى تقوله واذا حضروا مع المعرس شوي ويطلعون ولازم ينبهون بالمكرفون قبل مايدخلون فالكل يلبس عبايته

حمد لسى الدنيا بخير

[Dana’1]

ماشفت ولد بهذا العمر يحضر عرس النسوان
إذا حضر أطفال فيكونون بعمر الروضة كلش كلش تحسة بأول أبتدائي

لكن ممكن نشوفة إذا دخل المعرس وكانوا أخوانه وعيالهم معه..وما يجلسون بعدها يطلعون معهم!

[للصبر اخر]

اخوي مو الكل يجيبون اولادهم انا قبل كنت اشوف الحين الوضع خف
والغلط من الاب كيف يسمح يخلي ولده مع الحريييم

[روح الاطلس]

١٢ سنه ماشفت بصراحه


بس بو سبع وثمان وايد اشوف

ومره في احد الاعراس هالبوسبع وثمان كان معاهم جوالات وقعدوا يصورون الحريم وصارت مشكله

مشكلة هالجيل جيل الكيك واليوتيوب شغلتهم صور ونزل

تعبنا نقول لا تعطون اليهال جوالات اذا انتم مب كفو تربونهم وتعلمونهم الصح من الغلط

[العقل المدمر]

انا بعد الحمدلله ما صادفني هالشي
بس الحين المعرس بكبره يجي ويبسط في عرس الحريم
وبعض الحريم لا حيا ولا مستحى تقط الشيله والعبايه بلفيت ان المعرس مابيشوف غير عروسته
هالعادات كلها غلط المفروض لا اطفال ولا معرس ولا اهله شيوديهم عرس الحريم
صار عرس اختلاط عيل

[العقل المدمر]

١٢ سنه ماشفت بصراحه


بس بو سبع وثمان وايد اشوف

ومره في احد الاعراس هالبوسبع وثمان كان معاهم جوالات وقعدوا يصورون الحريم وصارت مشكله

مشكلة هالجيل جيل الكيك واليوتيوب شغلتهم صور ونزل

تعبنا نقول لا تعطون اليهال جوالات اذا انتم مب كفو تربونهم وتعلمونهم الصح من الغلط


:eek5:شهالمصيبه !!

[نوار قطر]

عمر 12 صغير وكونه صبي يتواجد في الاعراسمب صغير واصلا مافي ناس يدخلون صبيان بهالعمر ،،، صح في ناس من اهل العروس او المعرس يدخلون عيالهم بس وااايد اصغر من هالسن ،، واصلا الصبيان يكونون في عرس الرياييل ،، الا اذا انت شفته طالع من القاعه عقب مادخل المعرس ،، ذي شي ثاني

[فتى الجود]

السلام عليكم

12 سنة كبير واجد !! !!! !!!! !!!!!

ما أعتقد ان في مرأه عاقلة تودي أصبي عمره 12 سنة معاها


يعنى حتى لو كان عمره 12

يقدر لحالة يقعد في البيت

او تنومة من وقت

او يكون بصحبة ابوه

او عدم حضورها للعرس

في حلول كثيره تحول عن حضوره للعرس


انا اعرف عوائل في تنسيق بين الزوج وزوجتة في حالة ان في عرس " طبعاً مب أى عرس - عرس حد يستاهل او يكون من الأهل "

في تنسيق ان الأب يكون بصحبة ابنائة

وما فيها شي

[bu-3bdulla]

ياخوي وين 12 سنة يدش عرس ؟؟؟؟؟ ما قد سمعت صراحة الحين اطفال رضع ما يدخلونهم تقول 12 سنة ؟؟؟؟ مب موجود هالشي بأعراسنا .
لكن ممكن في مقيمين يسمحون بالهشي كلاً له عاداته .

[مسمس12]

المفروض من عمر 4 او 5 سنوات يروح مع ابوه

[ام السعف]

ما قط شفت طفل عمره 13 سنة في العرس

الحين حتى اللي على 4 سنين ما اييبونهم ،،

بس بعض العضوات يقولون يصير وشافوا !!

[بصمة قطرية]

الرجاء عدم إصطحاب الأطفال والخدم ..
هالعبارة موجودة في كل بطاقة عرس
حتى البنات الصغار لازم لهم بطاقة خاصه
يمكن في السابق كنا نشوف أولاد
بس بعمر صغير 4 _ 5 سنين
لكن الحين نادر ما أشوف ولد في العرس ..
العيال يكونون مع أبوهم في العرس
مالهم حاجة يكونون مع أمهم في عرس الحريم ..!!

[امـ حمد]

12 سنه موب طفل عيب يروح عرس حريم
المفروض امه او أخته لاتأخذه اعراس حريم

[الصغيره]

ما قد صادف شفت ذكر بعرس بعض الشباب يدخلون مع العريس يكونون اخوان العروس يصورون معها تكون كل الحريم متغطيات من قبل لان ينوه المعرس بيدخل وخوان العروس تغطوا يتغطون يصور مع اخته والمعرس ويطلعووون اما يسفط ويشوف النسوان هذا مش صح

[R 7 A L]

يمكن في المسلسلات والافلام العربية

[طرف محايد]

لي تعليقين


الاول أن الاخ يقول انه شاف وهو مار


يعني مار من برا مو داخل القاعة


شلون حكمت ان هالطفل بو 12 سنة كان في القاعة؟؟!!!





الثاني


كل الاخوات يقولون ما شافوا طفل بهالعمر في اي عرس


وانت مصر ع كلامك


اعتقد أني بقدم كلام الاخوات ع كلامك


لانهم هم الي يروحون الاعراس

[عبدالعزيز11]

لي تعليقين


الاول أن الاخ يقول انه شاف وهو مار


يعني مار من برا مو داخل القاعة


شلون حكمت ان هالطفل بو 12 سنة كان في القاعة؟؟!!!





الثاني


كل الاخوات يقولون ما شافوا طفل بهالعمر في اي عرس


وانت مصر ع كلامك


اعتقد أني بقدم كلام الاخوات ع كلامك


لانهم هم الي يروحون الاعراس



اتفق مع اخوي طرف محايد :nice:

[fahd]

12 سنه ماشفت بصراحه


بس بو سبع وثمان وايد اشوف

ومره في احد الاعراس هالبوسبع وثمان كان معاهم جوالات وقعدوا يصورون الحريم وصارت مشكله

مشكلة هالجيل جيل الكيك واليوتيوب شغلتهم صور ونزل

تعبنا نقول لا تعطون اليهال جوالات اذا انتم مب كفو تربونهم وتعلمونهم الصح من الغلط

التصوير أخطر شي بالاعراس وسمعت في بعض الأعراس يوجد مغني رجل

[ام محمد2012]

الحمدالله رب العالمين ولامرة حضرت عرس شفت ولد فوق 5 سنوات حاضر يمكن اخوي هالولد جاي ياخذ اهله من العرس ونزل من السيارة مستحيل يكون حاضر العرس

[أم نواري1]

12 .!

وين صار هذا.؟!

الحين بو 4 و 5 يقول أنا ريال عيب


لو بتشره اشره على اللي ماخذه راحتها باللبس في البيت قدام أخوانها الشباب

[نوار قطر]

12 .!

وين صار هذا.؟!

الحين بو 4 و 5 يقول أنا ريال عيب


لو بتشره اشره على اللي ماخذه راحتها باللبس في البيت قدام أخوانها الشباب

ليش :weeping: بيكون موضوعه الياي :secret:

[تحداني]

يمكن في المسلسلات والافلام العربية




هاذي عاد تلقى فيها بو70 سنه بعد
ما ادري اعراس الي صوبنا حتى اعيال اعيالهم ما يعطونهم اكروت
يبلفيت بيخربون العرس والبرستيج وبيركضون على استيج العروس امحق

انا في عرسي بجيب نطاطيه .. وبخلي اليهال يطلعون حرتهم
والحريم يموتون قهر


جملك الله برضاه

[ام السعف]

التصوير أخطر شي بالاعراس وسمعت في بعض الأعراس يوجد مغني رجل

المغني يكون خلف الستار

بس اللي يصير يطلب من الحريم يغنون معاه ،،

عاد تعال شوف المخابيل من البنات وبعض الحريم العيايز

يصرخون ويغنون ويصفقون ويردون وراه

:shy:

[ام السعف]

هاذي عاد تلقى فيها بو70 سنه بعد
ما ادري اعراس الي صوبنا حتى اعيال اعيالهم ما يعطونهم اكروت
يبلفيت بيخربون العرس والبرستيج وبيركضون على استيج العروس امحق

انا في عرسي بجيب نطاطيه .. وبخلي اليهال يطلعون حرتهم
والحريم يموتون قهر


جملك الله برضاه

:secret:

حلو باييب خوسيه ينط بكرشته عليها هاهاها

[نوار قطر]

المغني يكون خلف الستار

بس اللي يصير يطلب من الحريم يغنون معاه ،،

عاد تعال شوف المخابيل من البنات وبعض الحريم العيايز

يصرخون ويغنون ويصفقون ويردون وراه

:shy:

هههههههههاااااي :taunt:

[ام السعف]

هههههههههاااااي :taunt:

سكتي تراني امسك نفسي مرات كثيرة ولا تحصليني داشة عرض
واصرخ وياهم ...............> تبا للزار :shy:

[تحداني]

:secret:

حلو باييب خوسيه ينط بكرشته عليها هاهاها



مب بس خوسيه الا اعيال اختج واخوانج وجيرانكم وحتى اعيال كل حد
الحريم يادوب يدلعون الا فستاني .. الا شكلي .. الا ضحكتي الا طقمي
على الاقل اوسع خاطري باليهال

:shy:

[ام السعف]

مب بس خوسيه الا اعيال اختج واخوانج وجيرانكم وحتى اعيال كل حد
الحريم يادوب يدلعون الا فستاني .. الا شكلي .. الا ضحكتي الا طقمي
على الاقل اوسع خاطري باليهال

:shy:

والله يا حلو العرس والحبايب حولج يضحكون لج ويشاركونج
فرحتج وهم حاطين ريل على ريل :shy:

زين خلاص بأجر لج عيال البتان والله بيسوون لج هوليلة

:shy:

[نوار قطر]

سكتي تراني امسك نفسي مرات كثيرة ولا تحصليني داشة عرض
واصرخ وياهم ...............> تبا للزار :shy:

لااا ارجوج اختي برستيجج تحملي ههههههههه

[ام السعف]

لااا ارجوج اختي برستيجج تحملي ههههههههه

تـــم
:shy:

[تحداني]

والله يا حلو العرس والحبايب حولج يضحكون لج ويشاركونج
فرحتج وهم حاطين ريل على ريل :shy:

زين خلاص بأجر لج عيال البتان والله بيسوون لج هوليلة

:shy:



ما ابي الي يحط ريل على ريل
ابي الي يضحك ويوسع خاطره ويفرح ويروح ويجي ويستانس
مب قاعدين لي ويتأملون كأنهم في سبات عميق اسملى عليهم كنهم في عزى

اجري .. موش مشكله انا البيت راح يكون تحت امرهم
وبطلب لهم وجبات من ماكدونالدز وكنتاكي
اهم شي اليهال عندي

[ام السعف]

ما ابي الي يحط ريل على ريل
ابي الي يضحك ويوسع خاطره ويفرح ويروح ويجي ويستانس
مب قاعدين لي ويتأملون كأنهم في سبات عميق اسملى عليهم كنهم في عزى


اي والله صدقتي في هذي ،،، متعنية وعازمتهم تحصلينهم امبلمين
وبوزهم شبرين ...........> مع اني ما شفت هالشي ذاك اليوم الكل كان
مبسوط وشاق الحلج ،،






اجري .. موش مشكله انا البيت راح يكون تحت امرهم
وبطلب لهم وجبات من ماكدونالدز وكنتاكي
اهم شي اليهال عندي

تـــــــــــــم
:shy:

[تحداني]

اي والله صدقتي في هذي ،،، متعنية وعازمتهم تحصلينهم امبلمين
وبوزهم شبرين ...........> مع اني ما شفت هالشي ذاك اليوم الكل كان
مبسوط وشاق الحلج ،،



لا والله انا شفت .. شفتي الطاوله الي كنت قاعده عليها
في وحده معانه كانت امبوزه حدها .. وما صدقت تمر ربع ساعه ما ادري نص ساعه
وراحت .. جات عشان اتصك احلوج بعض الناس
كان خاطري اهديها الباقه الي امزينه الطاوله
بس استحيت منج هههههههه


تـــــــــــــم
:shy:




شكرا بحجم السماء :)

[أم نواري1]

ليش :weeping: بيكون موضوعه الياي :secret:

:shy: :nice:

[ام السعف]

لا والله انا شفت .. شفتي الطاوله الي كنت قاعده عليها
في وحده معانه كانت امبوزه حدها .. وما صدقت تمر ربع ساعه ما ادري نص ساعه
وراحت .. جات عشان اتصك احلوج بعض الناس
كان خاطري اهديها الباقه الي امزينه الطاوله
بس استحيت منج هههههههه




الاهم انها ما بلمت في ويهي ولا بوزت شقت الحلج في ويهي :shy:
المهم انها تعنت ويات ،، :shy:



شكرا بحجم السماء :)



عفوا كبر هالدنيا وما تحمل من مشاعر حلوة
يا تحداني الطيبة الحبوبة العسل ،،