عالج مشكله وسبب مشكله أكبر

[بومحمد المطاوعه]

السلام عليكم ورحمة الله وبركاتة ..

شخباركم يا اخواني واخواتي فالله

عنوان الموضوع ..

فرد من شرطه لخويا
عالج مشكله وسبب مشكله أكبر

اليوم في تاريخ 28/4/2013م في الساعه الـثامنه والنصف صباحآ

دخلو شرطه لخويا جزاهم الله خير باركنات الشحن الجوي

طبعآ الكل عارف ان الباركنات ضيقه وقليله ولا تكفي الموظفين بس للأسف من يفهم ومن يتفهم ...!
عندي شباب واقفين في باركنات صحيحه ولاكن عليها تخطيط ممنوع الوقوف

المخططه بلون الاصفر بس محد معرقل حركه السير في المواقف ولاكن القانون قانون

لا اعترض على شغلهم الله يعطيهم العافيه
الكل عارف ان المكان الممنوع وقوف يتخالف عليه اي شخص بدون اي احتجاج وهذا الشي من حق الداخليه ومن حق المرور ولخويا والفزعه

واشكرهم على جهودهم الطيب
ولاكن لازم نحصل سلبيات من بعض الجنود او اي شخص كان

لان احنا بشر وشي وارد نغلط ونحصل اخطاء ولاكن هل نعدل الغلط بالصح ام نستمر عليه ..؟

شفت منظر الصراحه يقش شعرجسمك لو شفته قدامك هذا الشي

فرد من افراد لخويا نازل يخالف وانظرو النتيجه ...!









http://im37.gulfup.com/5myxk.jpg (http://www.gulfup.com/?hnwjeN)

http://im41.gulfup.com/ivjW3.jpg (http://www.gulfup.com/?RrGcpO)

http://im33.gulfup.com/Si4IP.jpg (http://www.gulfup.com/?yW2eyU)

http://im41.gulfup.com/o3cLC.jpg (http://www.gulfup.com/?WDeQbx)

http://im41.gulfup.com/3PvSA.jpg (http://www.gulfup.com/?zdX6YN)

http://im41.gulfup.com/GWcf0.jpg (http://www.gulfup.com/?KuJzQi)


عرفتو وين المشكله ولا اوضح ...؟

خلوني اوضح احسن وادري بحصل انتقادات من البعض الي يبون يخربون الموضوع والي بالفيت يسوون نفسهم شوماخر

بس ان شاءالله هالموضوع يبين لهم فن تعامل الجمهور من بعض افراد الشرطه

خلوني اشرح لكم ليش طرحت هالموضوع .. ووين المشكله


المشكله والي مزعلني ان الشرطي اللطيف جزاه الله خير

خالف الشباب واهو على حق ومحد اعترض عليهم ولاكن الطامه الكبرى ان الشرطي

يوصخ المكان ليش ...؟

يعني الحين رجال شكبرك وحامل شعار الدوله تسوي سوايات اطفال وجهلاء ..؟

خالفت ماقصرت لاكن تقط ورقه المخالفه ف الأرض ليش .؟

وين الحفاظ على البيئه ؟

وين اتباع حديث الرسول عليه الصلاة والسلام ..

قول النبي صلى الله عليه وسلم:
الإيمان بضع وسبعون، أو بضع وستون شعبة، فأفضلها قول لا إله إلا الله، وأدناها إماطة الأذى عن الطريق.


والله مستغرب من شخص اثناء عمله ويوصخ الشارع

شذنب عامل النظافه يمشي من بعيد علشان يشيل وصاختك الي قطيتها ..؟


نسأل الله العفو والعافيه

واتمنى من الداخليه ان تشوف الموضوع بعين الاعتبار وتلزم الجنود من ابناء دولة قطر والدول العربيه بأنهم يحترمون النظافه بكل انواعها وفي اي مكان



عندي رقم المخالفه والوقت والتاريخ واليوم
الي بيسعي في هذا الموضوع لمسائله هذا الشرطي
يتفظل الخاص علشان اعطيه رقم المخالفه

لاني نسيت اسجل رقم الدوريه ومالحقت عليهم علشان ع الأقل انصحهم وانا ادري لو تكلمت معاهم يمكن تنقلب السالفه علي بكونه انه رجل عسكري وحامل شعار الدوله ولاكن للأسف مالحقت عليهم

الله يهديه هالشرطي الي كدرني على الصبح بسبب عدم احترامه للنظافه العامه والحق العام

اخوكم : بومحمد المطاوعه

[جنيه ذهب]

كلامك 100% صحيح

بس صدقني محد بيخالفه ولا حد بيحاسبه

المفروض نفس ما يتخالف صاحب المركبه على خطاءه يتحاسب ايضا شرطي المرور على خطاءه ان وجد خطأ عليه وهذا بالنهاية يرجع للمصلحة العامة 0

موضوعك جدا مهم وتشكر عليه 0

تقبل تحياتي ،،،

[السكين]

ملاحظة دقيقة

والحق ما يزعّل طالما ملاحظتك للتوجيه وللفت النظر لسلوكيات ربما تكون عن غير قصد أو سهواً وتتعدل بعد موضوعك.

تحياتي بومحمد

[شموخ دائم]

,


,


مرحبا


لم يقشعر بدني للاسف

:)

فكرت بشوف شي شنيع

طبعا رجال الامن من المفترض انهم قدوه للناس في التزامهم بالقوانين

ولكن هذا تصرف شخصي

وملاحظه طيبه وكان الاحسن

لو قلت له ( لو سمحت شيل الاوراق )

:)

تسلم على الملاحظه

,

,



اخوك


شموخ دائم

[حقيقه]

وليش مانبهته ؟

[ALHAJAJI]

كلامك صحيح

والمفروض يتخالف هو بدفع عشرة الاف ريال للبلدية او البيئة

وسهل يعرفون من هو من خلال تاريخ ووقت المخالفة

تحياتي

[طير]

لاحول ولا قوة الا بالله

[بومحمد المطاوعه]

بارك الله فيكم وان شاءالله برد ع الجميع

بخصوص ان الي يقول ليش ماكلمته

للأسف ماشفته الا وانا بعيد وبعد ماوصلت للمكان

ماحصلته متواجد في نفس المكان وماقدرت اوصل له بالعربي

لو وصلت له كنت سجلت رقم الدوريه قبل كل شي ولاكن للأسف

[ابن الجزيرة]

سلوك غير حضاري

لابد من تنبيهه او انذاره

اعتقد ان الداخلية لن تتهاون في الامر

كل ما ينشر او يذاع ياخذه المسؤلين بعين الاعتبار

[الجوكر90]

السلام عليكم
الشيخ في قسم الشكاوي فموقع الداخليه تقدر اطرش لهم ةهم راح يتخذون الاجراء معاه
ادري في واسطات بس هم في ناس مايرضون بهل التصرف ﻻن هو قدوه للمواطن الصغير قبل الكبير
وحتى لو واحد توسط له ماراح يعيدها مره ثانيه
وبالتوفيق

[q6ri_vip]

يعطيك العافيه أخوي ع الموضوع
ومنا إلى الجهات المعنية لأتخاذ الأجراء الازم في حق هالموظف

وبنتم متابعين الموضوع وراح أنشوف وين بيوصل في هالتصرف الغير حضاري

[بومحمد المطاوعه]

للرفع بارك الله فيكم

[بومحمد المطاوعه]

كلامك 100% صحيح

بس صدقني محد بيخالفه ولا حد بيحاسبه

المفروض نفس ما يتخالف صاحب المركبه على خطاءه يتحاسب ايضا شرطي المرور على خطاءه ان وجد خطأ عليه وهذا بالنهاية يرجع للمصلحة العامة 0

موضوعك جدا مهم وتشكر عليه 0

تقبل تحياتي ،،،


الشكر لله تعالى

بارك الله فيك وصادق في كلامك

رحم الله والديك

[حمد 2002]

السلام عليكم
الشيخ في قسم الشكاوي فموقع الداخليه تقدر اطرش لهم ةهم راح يتخذون الاجراء معاه
ادري في واسطات بس هم في ناس مايرضون بهل التصرف ﻻن هو قدوه للمواطن الصغير قبل الكبير
وحتى لو واحد توسط له ماراح يعيدها مره ثانيه
وبالتوفيق

قطع الأرزاق أشد من قطع الأعناق ، يمكن ايكون هالشرطي مسكين اتحصله عسكري قطري برتبه بسيطه ولا اتحصله غير قطري هندي ولا باكستاني ولا صومالي ولا ولا ولا ، واذا اشتكى عليييه يمكن ايفنشونه ولا ايسونله شيء كمحاكمه عسكريه مثلا ،،،

انا اجوف لو بومحمد نبهه ولا كلمه بشكل مباشر وشخصي كان افضل ، واذا مافاد معاه الكلام ولا طنش ، هنا اتفق معاك المفروض كان يشتكي علييييه عند اكبر شخص وراس بوزاره الداخلييه لكي يأخذ اشد العقاب ،،،

تحياتي لك اخووي بومحمد على الموضوع المميز والتعوب عليييه :victory::victory:

[khaldoon]

من كم يوم اصدقاء لي قالوا انه الشرطه توقفت عن وضع هذه الملصقات على زجاج السيارات و فكرت انه كلامهم صحيح لاني ما عدت اشوفها من فترة طويلة الصراحه و انه الشرطه تستخدم كاميرات الحين

الحين انت اعدت لي الثقه بموضوع الملصقات و انه الواحد ما راح يتخالف من غير انه يحس بالموضوع

بخصوص النظافة.....معاك حق 100%...لازم يكون معاهم شي يحطون فيه الاوراق لو تعذر وجود سلات قمامة و انتوا بكرامة في المكان

[وطن]

اللي نظيف في بيته
نظيف في الشارع
نظيف في بلاده

من الآخر

:)

[$بنت شيوخ$]

المفروض انهم قدوه انتم القدووووووووووه يارجال الامن

[النهار]

بومحمد كلامك ماعليه غبار
معروف رمي المخلفات يعاقب عليه القانون
ايش تقول شرطي دوريه يدخن ويرمي السيجاره في الشارع العام وبعد مايكرك يرمي الغلاص
وبقايا الاكل في الشارع وهو ماشي خله يصيدك يوقفك على جنب او يأخذ نمرة السياره
ويعطيك مخالفه

[R 7 A L]

نتمنى ان تصل الشكوى للمسئولين بوزارة الداخلية
حتى لا تتكرر

[الخزرجي قطر]

المفروض انه يكون قدوه لغيره وخاصة بالزي الرسمي
بس الظاهرهمهم الاول والاخير المخالفات وبس يبي يخلص الدفتر

[جاسم الدوحة]

اللي نظيف في بيته
نظيف في الشارع
نظيف في بلاده
:)


أتفـق معك تمامـًا
ورجل الشرطة قدوة
شئنــا أم أبيـْـنــا

[همر]

زين لخويا ليش ماخذين شغل المرور ؟!! ماعندهم شغل ؟!!

[بومحمد المطاوعه]

ملاحظة دقيقة

والحق ما يزعّل طالما ملاحظتك للتوجيه وللفت النظر لسلوكيات ربما تكون عن غير قصد أو سهواً وتتعدل بعد موضوعك.

تحياتي بومحمد


بارك الله فيك ياخوي :)

صحيح الله اعلم بالحال ولكن المفروض عليه يفكر اشوي نفس مافكر في وضع المخالفه

وان شاءالله مانشوف هذا الشي يتكرر

[بومحمد المطاوعه]

,


,


مرحبا


لم يقشعر بدني للاسف

:)

فكرت بشوف شي شنيع

طبعا رجال الامن من المفترض انهم قدوه للناس في التزامهم بالقوانين

ولكن هذا تصرف شخصي

وملاحظه طيبه وكان الاحسن

لو قلت له ( لو سمحت شيل الاوراق )

:)

تسلم على الملاحظه

,

,



اخوك


شموخ دائم


الله يسلمك يالغالي

للأسف ماحصلته واقف ومالحقت عليهم ولا والله مايردني شي ومستعد اكلمه

تحياتي لك

[راشد محمد]

الله يهديه..مفروض كان نبهته

[بومحمد المطاوعه]

وليش مانبهته ؟


مالحقت عليهم الا واهم طالعين

لو شفتهم بكلمهم ولا عندي اي مشكله

[بومحمد المطاوعه]

الله يهديه..مفروض كان نبهته


ياخوي ماشفته جدامي ولا لحقت عليهم

[بومحمد المطاوعه]

اتمنى من اي عضو يبي يكتب رد

يقرأ الموضوع عدل

لأني ماواجهتم جدامي ولا لحقت عليهم الا واهم طالعين

ولا ماعندي اي مشكله اقوله ممكن تشيل الارواق ماعليك امر


تحياتي لكم

[عاشق الشهادة]

اخ ما صاده واحد من موظفين حمايه البيئة :(
جزاك الله كل خير اخوي بومحمد

[باراكودا]

المفروض يعلق غلاف الاستيكر على مساحات السيارات المخالفة
زيادة في التأديب .

[بومحمد المطاوعه]

راجع لكم ان شاءالله

[بومحمد المطاوعه]

سلوك غير حضاري

لابد من تنبيهه او انذاره

اعتقد ان الداخلية لن تتهاون في الامر

كل ما ينشر او يذاع ياخذه المسؤلين بعين الاعتبار


بارك الله فيك
اكيد مابتتهاون

ان شاءالله نشوف حل

[بومحمد المطاوعه]

السلام عليكم
الشيخ في قسم الشكاوي فموقع الداخليه تقدر اطرش لهم ةهم راح يتخذون الاجراء معاه
ادري في واسطات بس هم في ناس مايرضون بهل التصرف ﻻن هو قدوه للمواطن الصغير قبل الكبير
وحتى لو واحد توسط له ماراح يعيدها مره ثانيه
وبالتوفيق

بارك الله فيك ياخوي

وان شاءالله بطرش بس ماحصلت وين مكان الشكاوي

ياليت لو تفيدني

[بومحمد المطاوعه]

يعطيك العافيه أخوي ع الموضوع
ومنا إلى الجهات المعنية لأتخاذ الأجراء الازم في حق هالموظف

وبنتم متابعين الموضوع وراح أنشوف وين بيوصل في هالتصرف الغير حضاري

الله يعافيك اخوي

ان شاءالله نشوف رد منهم

تحياتي لك

[بومحمد المطاوعه]

قطع الأرزاق أشد من قطع الأعناق ، يمكن ايكون هالشرطي مسكين اتحصله عسكري قطري برتبه بسيطه ولا اتحصله غير قطري هندي ولا باكستاني ولا صومالي ولا ولا ولا ، واذا اشتكى عليييه يمكن ايفنشونه ولا ايسونله شيء كمحاكمه عسكريه مثلا ،،،

انا اجوف لو بومحمد نبهه ولا كلمه بشكل مباشر وشخصي كان افضل ، واذا مافاد معاه الكلام ولا طنش ، هنا اتفق معاك المفروض كان يشتكي علييييه عند اكبر شخص وراس بوزاره الداخلييه لكي يأخذ اشد العقاب ،،،

تحياتي لك اخووي بومحمد على الموضوع المميز والتعوب عليييه :victory::victory:


ولك افضل التحيه

المشكله ياخوي مالحقت عليهم ولا شفته جدامي

راحو ولا قدرت اوصل له

بس ماعتقد يتفنش على هذي الحركه ولاكن بيعاقبونه

ويستاهل العقاب



بارك الله فيك ياخوي

[ام السعف]

رجل المرور او لخويا بشر مثله مثل اللي يتخالف

فافتقاد ثقافة معينة في ذهنه ما تعني انه ما يحق له ما يطبق ثقافة ثانية ،،

ولا يعني انه طبق ثقافة احترام قوانين المرور انه يحق له يخترق
ثقافة المحافظة على البيئة ،،

لذلك هذي رسالة جميلة منك لتوعيتهم وان شاءالله المسؤولين
ينبهونهم للنقطة هذي ،،

وتشكر على الموضوع

[بومحمد المطاوعه]

من كم يوم اصدقاء لي قالوا انه الشرطه توقفت عن وضع هذه الملصقات على زجاج السيارات و فكرت انه كلامهم صحيح لاني ما عدت اشوفها من فترة طويلة الصراحه و انه الشرطه تستخدم كاميرات الحين

الحين انت اعدت لي الثقه بموضوع الملصقات و انه الواحد ما راح يتخالف من غير انه يحس بالموضوع

بخصوص النظافة.....معاك حق 100%...لازم يكون معاهم شي يحطون فيه الاوراق لو تعذر وجود سلات قمامة و انتوا بكرامة في المكان

بارك الله فيك اخوي

وللحين موضوع الملصقات موجوده

بس للأسف نشوف منظر سلبي من بعض الشرطه

الله يصلح حالهم

[بومحمد المطاوعه]

اللي نظيف في بيته
نظيف في الشارع
نظيف في بلاده

من الآخر

:)


اي والله صدقتي اختي

الله يهديهم

[بومحمد المطاوعه]

المفروض انهم قدوه انتم القدووووووووووه يارجال الامن


المفروض ولاكن البعض مايعرف هالكلام

[بومحمد المطاوعه]

بومحمد كلامك ماعليه غبار
معروف رمي المخلفات يعاقب عليه القانون
ايش تقول شرطي دوريه يدخن ويرمي السيجاره في الشارع العام وبعد مايكرك يرمي الغلاص
وبقايا الاكل في الشارع وهو ماشي خله يصيدك يوقفك على جنب او يأخذ نمرة السياره
ويعطيك مخالفه

لاحول ولاقوه الا بالله

والله ياخوي هذي تدل على الاخلاق

سواء كان شرطي او شخص عادي

[بومحمد المطاوعه]

نتمنى ان تصل الشكوى للمسئولين بوزارة الداخلية
حتى لا تتكرر

ان شاءالله تصل الشكوى

[بومحمد المطاوعه]

المفروض انه يكون قدوه لغيره وخاصة بالزي الرسمي
بس الظاهرهمهم الاول والاخير المخالفات وبس يبي يخلص الدفتر

صحيح المفروض قدوه ولكن صار غير ذالك

[حسن]

اتمني الشكوى تصل الى البلديه وتتم مخالفه هذا الفاعل
ودفع الغرامه
ويطلب من وزاره الداخليه بتزويدهم المعلومات المطلوبه

لاجراء المخالفه

[بومحمد المطاوعه]

للرفع ...

[الفا برافو]

الشرطي كان متحمس الظاهر ويبي يخالف اكثر مايقدر باسرع وقت قبل لا الناس تحرك مواترهاا
:)

[أم محمد 90]

قطع الأرزاق أشد من قطع الأعناق ، يمكن ايكون هالشرطي مسكين اتحصله عسكري قطري برتبه بسيطه ولا اتحصله غير قطري هندي ولا باكستاني ولا صومالي ولا ولا ولا ، واذا اشتكى عليييه يمكن ايفنشونه ولا ايسونله شيء كمحاكمه عسكريه مثلا ،،،

انا اجوف لو بومحمد نبهه ولا كلمه بشكل مباشر وشخصي كان افضل ، واذا مافاد معاه الكلام ولا طنش ، هنا اتفق معاك المفروض كان يشتكي علييييه عند اكبر شخص وراس بوزاره الداخلييه لكي يأخذ اشد العقاب ،،،

تحياتي لك اخووي بومحمد على الموضوع المميز والتعوب عليييه :victory::victory:

انا حسيت بهالشعور لما صادني موقف وياهم

كنت صافة عند مطعم انتظر الطلب مالي ومافي باركات كللللش وكل ماوقف ع جنب يجون يطقون لي هرن عشان امشي ف دخلت ف بارك المعاقين انتظر طلبي وكان في رجال في سيارة جنبي يطالعني طوووول الوقت ويبتسم انا مافهمت شسالفة قلت ف بالي ماعنده سالفة وسخيف

شفته حرك من البارك ماله ! وصف وراي @.@ ابي اطلع اطق له هرن مايمشي
لين جات الدورية ونزل لي طلب ليسني واستمارتي وخالفني ! طلع الرجال الي يطالعني رفيجه ! اتصل له وقال له تعال خالف

صج صج صج انقهرت يعني ماطولت فالبارك انا واصلا ف السيارة
والله هلي عصبو كانوا يبوني اسوي لهم سالفة

بس انا انسانة مب متفرغة وماحبيت اسوي له مشاكل صراحة لان سوداني من قطري الي خالفني ...

[بومحمد المطاوعه]

اتمني الشكوى تصل الى البلديه وتتم مخالفه هذا الفاعل
ودفع الغرامه
ويطلب من وزاره الداخليه بتزويدهم المعلومات المطلوبه

لاجراء المخالفه

ان شاءالله يشوفون حل

[بومحمد المطاوعه]

الشرطي كان متحمس الظاهر ويبي يخالف اكثر مايقدر باسرع وقت قبل لا الناس تحرك مواترهاا
:)

الله يهديه

[بومحمد المطاوعه]

انا حسيت بهالشعور لما صادني موقف وياهم

كنت صافة عند مطعم انتظر الطلب مالي ومافي باركات كللللش وكل ماوقف ع جنب يجون يطقون لي هرن عشان امشي ف دخلت ف بارك المعاقين انتظر طلبي وكان في رجال في سيارة جنبي يطالعني طوووول الوقت ويبتسم انا مافهمت شسالفة قلت ف بالي ماعنده سالفة وسخيف

شفته حرك من البارك ماله ! وصف وراي @.@ ابي اطلع اطق له هرن مايمشي
لين جات الدورية ونزل لي طلب ليسني واستمارتي وخالفني ! طلع الرجال الي يطالعني رفيجه ! اتصل له وقال له تعال خالف

صج صج صج انقهرت يعني ماطولت فالبارك انا واصلا ف السيارة
والله هلي عصبو كانوا يبوني اسوي لهم سالفة

بس انا انسانة مب متفرغة وماحبيت اسوي له مشاكل صراحة لان سوداني من قطري الي خالفني ...

الله المستعان

ومب من حق اي مواطن يسكر على اي شخص كان

لو خذتي رقم سيارته واشتكيتي عليه كان افضل

[Bozizoo]

اخوي انت سويتها قضيه عشان عطاك مخالفه
وانت غلطان
انا اشوف نرتقي و نحل مشاكلنا الكبيره و بعدين ننزل للمشاكل الصغيره
يعني انت خليت كل شي غلط وحملت الشرطي هذا مشاكل الشرق الاوسط
انا معاك انه غلط بس ماتستدعي كل هذي الضجه

[بومحمد المطاوعه]

اخوي انت سويتها قضيه عشان عطاك مخالفه
وانت غلطان
انا اشوف نرتقي و نحل مشاكلنا الكبيره و بعدين ننزل للمشاكل الصغيره
يعني انت خليت كل شي غلط وحملت الشرطي هذا مشاكل الشرق الاوسط
انا معاك انه غلط بس ماتستدعي كل هذي الضجه


اول شي انا ماتخالفت


اتمنى تقرأ الموضوع عدل اخوي


ثاني شي

مب من حق الشرطه التدخل في مواقف خاصه تابعه للمطار ومواقف موظفين وليس مراجعين ..! الا في حاله شكوى


ثالث شي


هالأمر مب صغير لأن في المقيم والاجنبي والخليجي يشوف الوضع الي يصير

يوصخ البيئه ليش .؟؟

[Bozizoo]

بس سوال لو سمحت هل رحت وشلت الاورقه من الارض و رميتها في سلة المهملات
هنا يكون كلامك ايجابي و تعدل الصوره السلبيه الي تركها الشرطي عند
المقيم و الاجنبي و الخليجي
ويقولون هذا كذا رجااال قطر مب مثل الشرطي

[بومحمد المطاوعه]

بس سوال لو سمحت هل رحت وشلت الاورقه من الارض و رميتها في سلة المهملات
هنا يكون كلامك ايجابي و تعدل الصوره السلبيه الي تركها الشرطي عند
المقيم و الاجنبي و الخليجي
ويقولون هذا كذا رجااال قطر مب مثل الشرطي

لا انا ماشليتهم

بس في عامل نظافه وكلمته وشل الاوراق لان للحين ماوصل للتنظيف في هذي المنطقه

لو مافي عامل كنت بشيل ولا عندي اي مشكله والحمدلله

متربي عدل واعرف النظافه على اصولها ولله الحمد

[Bozizoo]

جزاك الله خير
ترى محد قال عنك انك مو متربي اخوي ولا احد قال انك ماتعرف النظافه
انا قلت عشان تغيرت نظرة الناس الاجانب الي على بالهم ان القطريين كذا
وممكن ياخذون فكره غلط
وتحياتي لك
بس انت اليوم مولع في كل شي تكتب
يعطيك الصحه والعافيه

[كتكوت الوحش]

لأحول ولا قوه إلا بالله

[معماري قطري]

ما شاء الله عليك زين صدته

يبي له عقاب ومحاسبة وتعميم على الكل ليغلطون مثل غلطته

أتمنى يخلونه ينظف الشوارع لمدة أُسبوع :(

[بومحمد المطاوعه]

جزاك الله خير
ترى محد قال عنك انك مو متربي اخوي ولا احد قال انك ماتعرف النظافه
انا قلت عشان تغيرت نظرة الناس الاجانب الي على بالهم ان القطريين كذا
وممكن ياخذون فكره غلط
وتحياتي لك
بس انت اليوم مولع في كل شي تكتب
يعطيك الصحه والعافيه

ويجزاك كل خير يالغالي

صح ياخوي المفروض علي اني اخلي نظره الاجنبي نظره ايجابيه :)

الله يعافيك ياخوي والله يمكن امس كنت متضايق ياخوي

سامحني وانا اسف

حقك علي :)

[بومحمد المطاوعه]

ما شاء الله عليك زين صدته

يبي له عقاب ومحاسبة وتعميم على الكل ليغلطون مثل غلطته

أتمنى يخلونه ينظف الشوارع لمدة أُسبوع :(


ان شاءالله يتخذون القرار اللازم معاه