[ هل تتغاضى عن أخطاء من تحب ؟ ]

[الزعفراني]

http://38.121.76.242/memoadmin/media//version4_028523_340_309_.jpg


كثير من العلاقات الإنسانية التي تربطنا بالآخرين تكون مغلفة بالحب والاحترام لهم ، سواء صداقة او أخوة أو زمالة عمل ( من نفس الجنس عشان محد يقول ماعندنا هالسوالف ويساء فهم الموضوع ) .. او حتى بين الزوج وزوجته !


عندما يكون لدي صديق أحبه ويجمعني به كل الود والاحترام والثقة المتبادلة ..

أو عندما تكون هناك زوجة يمارس عليها زوجها الكثير من الأخطاء المتمثلة بسوء التعامل معها أحيانا ، او التجريح بالكلام أو حتى في عدم الاستماع لها وتقبل آرائها ..

أو عندما تكون هناك فتاة تشعر بالقرب من إحدى قريبات زوجها وتحبها وترتاح لها ..

أو

أو

أو

... إلخ


مثل هذه العلاقات يحدث فيها المد والجزر ، وقد تحدث فيها أخطاء من أحد الطرفين ، بحيث تؤثر فينا ، يعني ليست اخطاء عادية ، يضطر البعض إلى تحمل هذه الأخطاء والتغاضي عنها لا لشيء ولكن بسبب الخوف من فقدان الطرف الآخر !!! ..

فهم يتغاضون عن أخطائهم حتى لا يفقدونهم فقط ليس إلا ..

بينما البعض الآخر يرى أن هذا التصرف غير مقبول، ويبدأون بطرح الأسئلة المنطقية بنظرهم ، وماذا يعني فقدان من نحب ؟
ولماذا لا يتم مواجهتهم بهذه الأخطاء ؟
ولماذا علينا تحمل تصرفاتهم وأخطائهم .

هل فقط لأننا نحبهم ؟


ماذا عنك أنت ..

هل تتغاضى عن أخطاء من تحب ؟ ولماذا ؟


تحياتي لكم

[المهاجر]

العشره ماتهون يالزعفراني وخصوصا اذا كانت قد جمعت الصديقين او الزوجين او او او
على الود والحب والاحترام وخوف كل طرف على الآخر

لذلك يكون التغاضي عن الأخطاء شي تحتمه تلك العشره وتلك الرابطه

ولكن مثل مايقولون كثرة الدق يفج اللحام

يعني بخطىء مره ومرتين وثلاث باعطيه العذر وبادور له عن سبب اعذره من أجله

ولكن اذا شفته يستغلني ودائماً يخطىء دون ان يراعي علاقتي فيه ويحسسني انه

يستغلني لكوني متمسك فيه

هني خلاص بابتعد عنه وباقوله خلاص عافك الخاطر

والمشكله ان بعض الاشخاص تلقاه يغلط ويخطىء بحقك واذا شافك زعلت منه

يقعد يستفزك ويتصرف تصرفات يبي يقولك فيها انك مش مهم عنده ويسوي اللي يحلو له

واذا عاتبته يقولك بس ابي احرك من معزتي لك ويوعدك انه ما يكرر هالشي مره ثانيه

ويعترف ان تصرفه غلط في غلط وانه بهذا التصرف يهين نفسه قبل ما يهينك انت

وبعد ماتسامحه يرجع لنفس التصرف

اعتقد هذا نقوله روح انت بطريج وانا بطريج والبعد عنه اريح وافضل

[بصمة قطرية]

إذا كنا فعلاً لا نرغب بخسارتهم
فلابد أن نتغاظى عن أخطائهم
لتستمر العلاقة ..
لربما حين نحاسبهم على أخطائهم نخسرهم ..!!
و حسب نوع الخطأ ..
هناك أخطاء بسيطة بإختصار لا تستحق
و هناك أخطاء كبيرة لا نستطيع التغاضي عنها ..

[شبح الصمت]

طبعا كل شخص وله مكانه في قلبي

وعلى حسب وحجم الشيء الي رآح يكون

اي انسان صدقني يسامح ولكن مسامح عن مسامح يختلف

في ناس تسامح لاجل تبري ذمتها

وفي ناس تسامح لانه للشخص الي في قلوبهم له معزه خاصه وينسوون

يبقى الاختيار بين قلوبنا ..

تسلم يالزعفراني بس من مزعلك قولي !!

[الرويـس]

هذا بلا ابوك ياعقاب

[بوغانم995]

هل تتغاضى عن أخطاء من تحب ؟؟؟؟؟؟؟؟ .................الف مره نعم .

؟ ولماذا ؟ لأني احب ......من كل قلبي وجوارحي و وعقلي : أجمل شىء في الحياة هي الغاليه الله يخليها لعيالها ولي ..........وبسسسسسسس

[00soma00]

سؤالك عن التغاضى وليس المسامحة او عذر من تحب

انا مااتغاضى عن اخطاء من احب بل انى اخبره بخطأه عشان قلبى مايتحامل عليه

و بعد مايبرر لى الخطاء اكيييييييييييد اعذره واسامحه

[برشلوني قطر]

سؤالك عن التغاضى وليس المسامحة او عذر من تحب

انا مااتغاضى عن اخطاء من احب بل انى اخبره بخطأه عشان قلبى مايتحامل عليه

و بعد مايبرر لى الخطاء اكيييييييييييد اعذره واسامحه


اتفق معاج 100%

اذا كان الموضوع اسامح. نعم اسامح لاكن

اذا اخطأ اول من اخبره بخطأه انااااا وماتغاضا

عنه حتى لا يستمر بالخطأ

[خليفـة]

موضوعك مب خطير وبس
الا مولع
هههههههه
لي عودة ان شاء الله
:nice:

[UAE-SOUL]

والي دائماً يتغاضى عن الآخر بس الآخر ما يتغاضى عنه ممكن ندخلة في في النقاش بعد

[نيساني]

عن ما احب اكيد بتغاضى مايبيلها تفكير !!!

لكن اذا الكلام عن ما اكره راح يصير كلام كبير !!!

هههههههه

وعساك عالقوه يالغالي

[نور الحور]

ما شاء الله موضوعك وايد مميز يالزعفراني وطرحك في الصميم.. بالنسبة لي عكس لي جوانب أخرى من تفكيرك ..أشكرك على حسن الاختيار :victory:



امممممم .. التغاضي أو (التغافل) .. وقد قيل : تسعة أعشار الخلق في التغافل ..
لكن إن كثر تغافلي عن سلوك أو تصرف معين صدر ممن أحب .. وتقينت انه مستمر فلا بد من وقفة مصارحة و (مناصحة) .. قد أقرر بعدها أن (أسامح) وأن (أغفر) .. أو أن أعيد حساباتي مرة أخرى !

[خليفـة]

عدنا
بالنسبة لي .. انا أسامح مرة ومرتين وثلاث
ؤلكن بشرط واحد
أن يناقشني الطرف إلي أمامي في موضوع الخلاف
وأتعهد له قبل النقاش أن ينتهي حواري معه بالتصالح

أما إلي يتجاهل النقاش معي في موضوع الخلاف
فاعتبره إنسان بارد دم ، عديم المشاعر
واعتبره ما عنده إحساس

إنا من طبعي ما أشيل في قلبي
ؤلا أحقد لله الحمد
وفي كل الأحوال .. يعتمد على درجة قيمة الشخص
عندي ، فان كان مجرد صديق عادي ما اهتم
وان كان شخص قريب مني أحاول أن لا اخسرة
قدر الإمكان

خليفة

[غايه الطواش]

ليتهم يقرون موضوعك بس؟

[نوار قطر]

اذا الشخص شاري الطرف الثاني ترى غصبا عنه يتغاضى عن اخطائه عن مايخسره ،،،، وعشان تستمر العلاقه لازم طرف منهم يتنازل ،، بس المشكله الي صايره والي اغلب الاشخاص طاحو فيها ،،، ترى الشخص اذا تنازل مره بيتنازل الف مره وغير ذي الطرف الثاني في اغلب الاوقات (وعند البعض ) مايقدر بيتماااااادى بأخطائه لانه يدري ان في شخص بيسامحه وبيغفر له زلاته ،،، بيستمر في اخطائه وفي المقابل ترى كثر الدق يفج اللحام ،،،

[تغلبية]

فيه مثل عند الاخوان المصريين يقول:

حبيبك يبلع لك الزلط .. وعدوك يتمنى لك الغلط

بابلع زلط وبطول بالي ع الاخر .. بس اذا شفت التمادي وصل الى حد التجاهل واللامبالاة والاهانة ..

راح يكون العتاب وبعدها الانسحاب

[جاسم الدوحة]

(تسعة أعشار الرزق في التجارة)
و(تسعة أعشار الخـُـلق في التغافل)
نعم أتغافل وأتغاضى وأسامح ..
مع كل حبيب وعزيز ..
وأكون حذرًا قليــًلا بعدها .

[R 7 A L]

أذا كان ضرب الحبيب يُشبه بأكل الزبيب
كما قيل قديماً

اكيد رح نتغاضى ونتجاهل
ولكن بالمرة الأولى فقط
وعند التكرار سيكون هناك لفتة نظر

[قطريه22]

صباح الخير للجميع

إذا الشخص له مكانه بقلبي وأعزه وأحبه وأحترمه فأكيد بتقاضي عن أخطائه مره ومرتين وبانبهه انه هالشي غلط وزعلني او ضايقني وان تكرر مافي غير حل واحد وهو قطع العلاقه فإذا هالشخص غلط للمره الثالثه أتوقع كل الاحترام والحب والمعزه بتنمحي وبتصير ماضي بالنسبه لي..

وفي الاول والاخير عزة نفسي وكرامتي ماتسمح لي استمر مع شخص مهما كان وهو على غلط ومايتعلم من غلطه..

ومثل ما يقولون للصبـــــــــر أخر


وتحياتي لـــــــــــــــــك :victory:

[شبح الصمت]

صباح الخير للجميع

إذا الشخص له مكانه بقلبي وأعزه وأحبه وأحترمه فأكيد بتقاضي عن أخطائه مره ومرتين وبانبهه انه هالشي غلط وزعلني او ضايقني وان تكرر مافي غير حل واحد وهو قطع العلاقه فإذا هالشخص غلط للمره الثالثه أتوقع كل الاحترام والحب والمعزه بتنمحي وبتصير ماضي بالنسبه لي..

وفي الاول والاخير عزة نفسي وكرامتي ماتسمح لي استمر مع شخص مهما كان وهو على غلط ومايتعلم من غلطه..

ومثل ما يقولون للصبـــــــــر أخر


وتحياتي لـــــــــــــــــك :victory:





ليش كلنا نحط تحمل لين 3 مرات !!

ذكرتيني بالمصارعة الحره ون تو ثري وعقب يربح الثاني وذاك يطلع خسران !!!

:app:

عطو مجال اشوي لين عشره كله ثلاثه ثلاثه من متى واحنا نشوف بس لين ثلاثه


هههههههههههههههههههههههههههههاي

[قطريه22]

ليش كلنا نحط تحمل لين 3 مرات !!

ذكرتيني بالمصارعة الحره ون تو ثري وعقب يربح الثاني وذاك يطلع خسران !!!

:app:

عطو مجال اشوي لين عشره كله ثلاثه ثلاثه من متى واحنا نشوف بس لين ثلاثه

هههههههههههههههههههههههههههههاي




هههههههههههههههههههههه تدري وانا اكتب الرد اقول في نفسي مادري ليش التنبيه لين 3 مرات؟؟

اتوقع لأن الغلط الاول بيكون صاعقه + صدمه+ انهيار
والغلط الثاني بيكون صدمه+صاعقه+انهيار+تفهي
والغلط الثالث بيكون موت المشاعر والاحاسيس

[STAR]

امممم غالبا نعم خاصة اذا كان الشخص قريب مني جدا ساضطر بمسامحته حتى لا اخسره... اكره لوعة الفراق...لكن مب كل اشوي يغلط ويمصخها هههه

[شبح الصمت]

هههههههههههههههههههههه تدري وانا اكتب الرد اقول في نفسي مادري ليش التنبيه لين 3 مرات؟؟

اتوقع لأن الغلط الاول بيكون صاعقه
والغلط الثاني بيكون صدمه + صاعقه
والغلط الثالث بيكون موت المشاعر والاحاسيس




لا لا لازم نحط اسباب صدقيني محدن يتغير الا في سبب وسبب قوي يا مني او منه !!!

لازم ارآجع نفسي وان كان مني اعدله وان كان منه احاول اشوف شلي فيه شلي خلاه يتغير ..

ان كان تغير لاجل شيء تفاه الله يسامحه ويمكن اني تماديت في اعطائه شيء ما حصله من احد من قبل

في بعض البشر اختي يكون فاقد لشيء واجي وعطيه شيء كان فاقده فعنده خيارين الخيار الاول طبعا مهب مال السلطه انه يشلني فوق راسه او الخيار الثاني انه يشلني وعقب يحذفني ..

الزعفراني وينك ياخوي حطيت رجلك من امس تعال ياخوي

تسلم على الموضوع فتحت عيوني وخليتني اعرف اني اتغاضى لابعد حد ..

نصيحة مني دائماً شوف الجانب الايجابي للشخص الي امامك لانه في لحظة غضبك تشوف الجانب السلبي وتتذكر الاشياء الايجابيه ويزين لك الشياطين يزين لك انك سويت وسويت ومن ثم يحوله لانتقام ..

الله يبعد عنكم هالانتقام احساس ضعف لاشخاص مبتلين ومصدومين ..

[نوار قطر]

اذا الشخص شاري الطرف الثاني ترى غصبا عنه يتغاضى عن اخطائه عن مايخسره ،،،، وعشان تستمر العلاقه لازم طرف منهم يتنازل ،، بس المشكله الي صايره والي اغلب الاشخاص طاحو فيها ،،، ترى الشخص اذا تنازل مره بيتنازل الف مره وغير ذي الطرف الثاني في اغلب الاوقات (وعند البعض ) مايقدر بيتماااااادى بأخطائه لانه يدري ان في شخص بيسامحه وبيغفر له زلاته ،،، بيستمر في اخطائه وفي المقابل ترى كثر الدق يفج اللحام ،،،

توني منتبهه اني مخبصه في الكلام :shy: ان شالله فهمتووو الي اقصده :secret:

[شبح الصمت]

امممم غالبا نعم خاصة اذا كان الشخص قريب مني جدا ساضطر بمسامحته حتى لا اخسره... اكره لوعة الفراق...لكن مب كل اشوي يغلط ويمصخها هههه




ستار

:eek5:

:eek5:

حمدلله عالسلامة !!

:nice:

[نوار قطر]

هههههههههههههههههههههه تدري وانا اكتب الرد اقول في نفسي مادري ليش التنبيه لين 3 مرات؟؟

اتوقع لأن الغلط الاول بيكون صاعقه + صدمه+ انهيار
والغلط الثاني بيكون صدمه+صاعقه+انهيار+تفهي
والغلط الثالث بيكون موت المشاعر والاحاسيس

شمعنى ثلاث مرات ترى الي يحب وبيستحمل بدال المره والمرتين والثلاث الف مره .. لانه شاريه يبيه .. بس غلط احط لي رقم... والله انت غلطت مره بقت لك مرتين حاسب لا تغلط لانك بتخلص محاولاتك واذا يات المره الثالثه توكل كلن يروح في حال سبيله..

[قطريه22]

لا لا لازم نحط اسباب صدقيني محدن يتغير الا في سبب وسبب قوي يا مني او منه !!!

لازم ارآجع نفسي وان كان مني اعدله وان كان منه احاول اشوف شلي فيه شلي خلاه يتغير ..

ان كان تغير لاجل شيء تفاه الله يسامحه ويمكن اني تماديت في اعطائه شيء ما حصله من احد من قبل

في بعض البشر اختي يكون فاقد لشيء واجي وعطيه شيء كان فاقده فعنده خيارين الخيار الاول طبعا مهب مال السلطه انه يشلني فوق راسه او الخيار الثاني انه يشلني وعقب يحذفني ..

الزعفراني وينك ياخوي حطيت رجلك من امس تعال ياخوي

تسلم على الموضوع فتحت عيوني وخليتني اعرف اني اتغاضى لابعد حد ..

نصيحة مني دائماً شوف الجانب الايجابي للشخص الي امامك لانه في لحظة غضبك تشوف الجانب السلبي وتتذكر الاشياء الايجابيه ويزين لك الشياطين يزين لك انك سويت وسويت ومن ثم يحوله لانتقام ..

الله يبعد عنكم هالانتقام احساس ضعف لاشخاص مبتلين ومصدومين ..




ولين متى الواحد يسامح؟؟

ترى في هالزمن الي يسامح وايد يقولون عليه مكرمين (( غبي))
واذا سامحت مره بيتمادون بالغلط بيقولون اي عادي هو يسامح والمره الجايه باقص عليه وبيسامحني..

[R 7 A L]

اذا الشخص شاري الطرف الثاني ترى غصبا عنه يتغاضى عن اخطائه عن مايخسره ،،،، وعشان تستمر العلاقه لازم طرف منهم يتنازل ،، بس المشكله الي صايره والي اغلب الاشخاص طاحو فيها ،،، ترى الشخص اذا تنازل مره بيتنازل الف مره وغير ذي الطرف الثاني في اغلب الاوقات (وعند البعض ) مايقدر بيتماااااادى بأخطائه لانه يدري ان في شخص بيسامحه وبيغفر له زلاته ،،، بيستمر في اخطائه وفي المقابل ترى كثر الدق يفج اللحام ،،،




توني منتبهه اني مخبصه في الكلام :shy: ان شالله فهمتووو الي اقصده :secret:



بطتنا بطة بطتكم
:eek2: <<< ( فيس اخونا العلم الله يذكرة بالخير :weeping: )

صراحة
مافهمنا :rolleyes2:

[قطريه22]

شمعنى ثلاث مرات ترى الي يحب وبيستحمل بدال المره والمرتين والثلاث الف مره .. لانه شاريه يبيه .. بس غلط احط لي رقم... والله انت غلطت مره بقت لك مرتين حاسب لا تغلط لانك بتخلص محاولاتك واذا يات المره الثالثه توكل كلن يروح في حال سبيله..




مب غلط احدد
وفي نفس الوقت تهديد للشخص الي يغلط

لان بعض الناس ماينفع معاهم الطيب ولازم تقولين لهم باقي لك مره ان غلطت خلاص انتهي كل شيء..

كل شيء له حدود حتي الحب واصل الحب كرامه
مب لاني احب شخص بتم اسامحه
الشخص الي يحب يشتري الي يحبه ومايبيعه ويتم يغلط
لانه يبيه ويبي يحافظ على الي بينهم مها كان..

[شبح الصمت]

ولين متى الواحد يسامح؟؟

ترى في هالزمن الي يسامح وايد يقولون عليه مكرمين (( غبي))
واذا سامحت مره بيتمادون بالغلط بيقولون اي عادي هو يسامح والمره الجايه باقص عليه وبيسامحني..




امس هالكلمة سمعتها من شخص يآس والله مشكلة يوم الواحد يجلس مع ناس فيه يآس وعدم ثقة في الناس وما يبون يتغاضون ن

قالي انا احس نفسي غبي .. ليش تحس نفسك غبي غبي عندهم بس عند رب العالمين افضل منهم بوايد لانك تسامح وتغاضى !!!

اختلف معاج اختي :)

ربنا غفور رحيم

واحنا نكون شديدين العقاب !!

[نوار قطر]

بطتنا بطة بطتكم
:eek2: <<< ( فيس اخونا العلم الله يذكرة بالخير :weeping: )

صراحة
مافهمنا :rolleyes2:

الله يذكره بالخير ويفك عوقه..

معليه رحاال :shy: طوفوها لي ...ذي من تأثير الشسمه علي :rolleyes2:

[قطريه22]

امس هالكلمة سمعتها من شخص يآس والله مشكلة يوم الواحد يجلس مع ناس فيه يآس وعدم ثقة في الناس وما يبون يتغاضون ن

قالي انا احس نفسي غبي .. ليش تحس نفسك غبي غبي عندهم بس عند رب العالمين افضل منهم بوايد لانك تسامح وتغاضى !!!

اختلف معاج اختي :)

ربنا غفور رحيم

واحنا نكون شديدين العقاب !!





صحيح كلامك
بس ترى الانسان له طاقه تحمل
اذا الشخص انجرح مره ومرتين وثلاث خلاص مايقدر يتحمل اكثر
الواحد يدور راحة البال مب التعب والشقى
اذا انت كنت تعز شخص وتحبه وتغليه ومعاك عشرة عمر وتكلم عنك بالشينه مره ومرتين وثلاث وانت كلمته وواجهته وفي كل مره يوعدك ويتأسف منك ومافي فايده تكتشف انه رد يعيد نفس الشي، بتسامحه؟؟

ترى في ناس يحلفون بالله انهم مايردون ويسوون الغلط وللاسف يسوون ادمر منه..

اذا الله سبحانه حلف فيه كذب تتوقع هالانسان يكون يستاهل انك تسامحه؟؟

لا والله ماسامح ولاانسى واندم على كل لحظه وثانيه قضيتها مع هالانسان..

[R 7 A L]

الله يذكره بالخير ويفك عوقه..

معليه رحاال :shy: طوفوها لي ...ذي من تأثير الشسمه علي :rolleyes2:


يالله بنطوفها
بس لاتكتبون شي مره ثانية مانفهمة
ترا فهمنا على قدنا :anger1:

[ضوى]

هل تتغاضى عن أخطاء من تحب ؟ ولماذا ؟


لا ، يمكن اطوفها بس تتم في قلبي وافتحها دايما بمناسبة وبدون مناسبة ، وتتراكم لين يصير شي صغير يكون هو القشة التي قصمت ظهر البعير طبعي جذي ماقدر اتغاضى

[نوار قطر]

مب غلط احدد
وفي نفس الوقت تهديد للشخص الي يغلط

لان بعض الناس ماينفع معاهم الطيب ولازم تقولين لهم باقي لك مره ان غلطت خلاص انتهي كل شيء..

كل شيء له حدود حتي الحب واصل الحب كرامه
مب لاني احب شخص بتم اسامحه
الشخص الي يحب يشتري الي يحبه ومايبيعه ويتم يغلط
لانه يبيه ويبي يحافظ على الي بينهم مها كان..

زين بس ياقطريه اذا يات المره الاخيره الي انتي حددتيها له وغلط وتمادى ( ريلج بوعيالج؛؛ خطيبج) ... وانتي تبينه تحبينه في شي يربطكم مع بعض بس غلطاته وهفواته هي الي مخربه بينكم بتكونين عند كلمتج وبتخلينه ..؟ بتتركينه..؟ صدقيني ماتقدرين ...واهني بتزيدين الطين بله .. انج قلتي له لو غلطت ذي اخر شي بينا وانتي ماقدرتي حزتها بيعرف ان الي قلتيه له وتهديدج مجرد كلام..

[نوار قطر]

يالله بنطوفها
بس لاتكتبون شي مره ثانية مانفهمة
ترا فهمنا على قدنا :anger1:

زين بس لا تهاوش بروحي ميهووده:(

[قطريه22]

زين بس ياقطريه اذا يات المره الاخيره الي انتي حددتيها له وغلط وتمادى ( ريلج بوعيالج؛؛ خطيبج) ... وانتي تبينه تحبينه في شي يربطكم مع بعض بس غلطاته وهفواته هي الي مخربه بينكم بتكونين عند كلمتج وبتخلينه ..؟ بتتركينه..؟ صدقيني ماتقدرين ...واهني بتزيدين الطين بله .. انج قلتي له لو غلطت ذي اخر شي بينا وانتي ماقدرتي حزتها بيعرف ان الي قلتيه له وتهديدج مجرد كلام..



اي بتركه لانه عندي كرامتي وماراح انزل نفسي لانسان حتى لو كان زوجي وتم يغلط اكثر من مره ويحلف انه مايعيدها ويعيدها الدنيا ماراح توقف عنده وحتى لو عندي عيال انا باربيهم بروحي بدون تدخله وهو خله يغلط بكيفه..

انا ماشتري انسان بايع العشره

[نوار قطر]

اي بتركه لانه عندي كرامتي وماراح انزل نفسي لانسان حتى لو كان زوجي وتم يغلط اكثر من مره ويحلف انه مايعيدها ويعيدها الدنيا ماراح توقف عنده وحتى لو عندي عيال انا باربيهم بروحي بدون تدخله وهو خله يغلط بكيفه..

انا ماشتري انسان بايع العشره

اي انا معاج بتركه ,, بس مب بسهوله بتمسك فيه وبحاول اعدل من تصرفاته بحاول اغيره بعطيه بدال الفرصه عشر .. بس مااتخلى عنه بسهوله اهني بعد باكون انا بايعه العشره وماصبرت عليه..وبضيع بيتي وحياتي..بس اذا صار اوفر وطّلع عيني معاه ومع تصرفاته لا والله درب السلامه وماعلى مثله حسووف ... بسس ارجع واقول مااتخلى عنه بسهوله...

[sweet qatar]

على حسب درجة الحب.. مو بس أتغاضى.. إلا أحب أخطاءه معاه..
شي أكيد بحاول أتكلم في الموضوع وأنبهه عشان ما يتكرر.. بس يمكن حتى الكلام يضايقه فأسكت وأنسى..


قطرية22..

الي تتكلمين عنها علاقة استغلال.. مب حب..
يعني الشخص اذا ما يهتم ويحاول يحافظ على مكانته بقلبج.. هذا مايسمونه حبيب..


نوار قطر..

واحد يغلط ويتمادى.. وتحبينه وتبينه معاج ليش..؟ ممكن تطولين بالج معاه لكن الى حد معين..



انا خذت الموضوع على أساس الأخطاء تكون غير مقصودة من الشخص الآخر..
وانتوا تكلمون عن جرح وكرامة وعشرة..:rolleyes2: ..!!

[قطريه22]

على حسب درجة الحب.. مو بس أتغاضى.. إلا أحب أخطاءه معاه.. شي أكيد بحاول أتكلم في الموضوع وأنبهه عشان ما يتكرر.. بس يمكن حتى الكلام يضايقه فأسكت وأنسى..


قطرية22..

الي تتكلمين عنها علاقة استغلال.. مب حب..
يعني الشخص اذا ما يهتم ويحاول يحافظ على مكانته بقلبج.. هذا مايسمونه حبيب..


نوار قطر..

واحد يغلط ويتمادى.. وتحبينه وتبينه معاج ليش..؟ ممكن تطولين بالج معاه لكن الى حد معين..



انا خذت الموضوع على أساس الأخطاء تكون غير مقصودة من الشخص الآخر..
وانتوا تكلمون عن جرح وكرامة وعشرة..:rolleyes2: ..!!




انشالله مايصير لج هالشي

مثلاً اذا زوجج خانج بتحبين خيانته لج؟؟
الغلط ماينحب مهما كان لأنه غلط
وفعلاً كلامج الي كتبتيه هذا الي اقصده ان الشخص الي يشتري شخص ويحبه ويعزه ويبيه بيحافظ عليه وماراح يغلط وهو يعرف انه غلط
لان الغلط واضح والصح واضح مافي شيء اسمه غلط مب متعمد..

[نوار قطر]

على حسب درجة الحب.. مو بس أتغاضى.. إلا أحب أخطاءه معاه..
شي أكيد بحاول أتكلم في الموضوع وأنبهه عشان ما يتكرر.. بس يمكن حتى الكلام يضايقه فأسكت وأنسى..


قطرية22..

الي تتكلمين عنها علاقة استغلال.. مب حب..
يعني الشخص اذا ما يهتم ويحاول يحافظ على مكانته بقلبج.. هذا مايسمونه حبيب..


نوار قطر..

واحد يغلط ويتمادى.. وتحبينه وتبينه معاج ليش..؟ ممكن تطولين بالج معاه لكن الى حد معين..انا خذت الموضوع على أساس الأخطاء تكون غير مقصودة من الشخص الآخر..
وانتوا تكلمون عن جرح وكرامة وعشرة..:rolleyes2: ..!!

حبيبتي سويت انا قلت اني باستحمل هفواته وبستحمل تصرفاته وخياانته.. عشان بيتي عشان العشره ..والوحده مب كل يوم عند ريل . بس الى حد معين وبعدها ستوووب لاحظي ردي الاخير قلت اذا تمادى وصار اوفر وماعنده استعداد انه يتغير عشان بيته وكل مايلغط بيي وبيتعذر وانا غلطت وانا اسف ومب قصدي وبيرجع مثل ماكان لا بالله ماعلى مثله حسووف..والله بهده ولا افتكر ( من وااااقع تجربه :) ) وقلتها من قبل في نفس الموضوع كثر الدق يفج اللحام

[نوار قطر]

على حسب درجة الحب.. مو بس أتغاضى.. إلا أحب أخطاءه معاه..
شي أكيد بحاول أتكلم في الموضوع وأنبهه عشان ما يتكرر.. بس يمكن حتى الكلام يضايقه فأسكت وأنسى..


قطرية22..

الي تتكلمين عنها علاقة استغلال.. مب حب..
يعني الشخص اذا ما يهتم ويحاول يحافظ على مكانته بقلبج.. هذا مايسمونه حبيب..


نوار قطر..

واحد يغلط ويتمادى.. وتحبينه وتبينه معاج ليش..؟ ممكن تطولين بالج معاه لكن الى حد معين..



انا خذت الموضوع على أساس الأخطاء تكون غير مقصودة من الشخص الآخر..
وانتوا تكلمون عن جرح وكرامة وعشرة..:rolleyes2: ..!!

وشاللي يخلي الواحد يستحمل غير العشره.....

[sweet qatar]

قطرية 22.. نوار قطر..


أنا أتكلم من واقعي.. حب بيني وبين اخواني وخواتي.. او بيني وبين صديقاتي..
أما بين الزوجين.. فأترك المايك لكم.. :)

[نوار قطر]

قطرية 22.. نوار قطر..


أنا أتكلم من واقعي.. حب بيني وبين اخواني وخواتي.. او بيني وبين صديقاتي..
أما بين الزوجين.. فأترك المايك لكم.. :)

حب بينج وبين خواتج شي طبيعي وغصبا عن الواحد بيسكت وبيتغاضى اخوان وخوات مالكم بد من بعض ... حتى الصديقات المفروض يلتزمون مع صديقاتهم ومايستغلون صداقتهم في اشياء وبعدين صديقتي على عيني وراسي شاللي يحدني اقعد استحمل تصرفااتها الي مالها معنى اهني عاد بطوف مره مرتين وعقب مب مجبوره استحملها ..

[أم نواري1]

نعم ممكن أتغاضى لكن أتناقش بالموضوع
لكي لا يعاد نفس الغلط والهفوة

هذا لو الشي مب مقصود

[نور الحور]

لا لا لازم نحط اسباب صدقيني محدن يتغير الا في سبب وسبب قوي يا مني او منه !!!

لازم ارآجع نفسي وان كان مني اعدله وان كان منه احاول اشوف شلي فيه شلي خلاه يتغير ..

ان كان تغير لاجل شيء تفاه الله يسامحه ويمكن اني تماديت في اعطائه شيء ما حصله من احد من قبل

في بعض البشر اختي يكون فاقد لشيء واجي وعطيه شيء كان فاقده فعنده خيارين الخيار الاول طبعا مهب مال السلطه انه يشلني فوق راسه او الخيار الثاني انه يشلني وعقب يحذفني ..

الزعفراني وينك ياخوي حطيت رجلك من امس تعال ياخوي

تسلم على الموضوع فتحت عيوني وخليتني اعرف اني اتغاضى لابعد حد ..

نصيحة مني دائماً شوف الجانب الايجابي للشخص الي امامك لانه في لحظة غضبك تشوف الجانب السلبي وتتذكر الاشياء الايجابيه ويزين لك الشياطين يزين لك انك سويت وسويت ومن ثم يحوله لانتقام ..الله يبعد عنكم هالانتقام احساس ضعف لاشخاص مبتلين ومصدومين ..



امس هالكلمة سمعتها من شخص يآس والله مشكلة يوم الواحد يجلس مع ناس فيه يآس وعدم ثقة في الناس وما يبون يتغاضون ن

قالي انا احس نفسي غبي .. ليش تحس نفسك غبي غبي عندهم بس عند رب العالمين افضل منهم بوايد لانك تسامح وتغاضى !!!

اختلف معاج اختي :)

ربنا غفور رحيم

واحنا نكون شديدين العقاب !!




كلام من ذهب .. شبح صرت من حكماء المنتدى بصراحة بهالردين :victory:

[ابوعلي]

العشرة ما تهون اخوي والانسان الي يشيل على ادناة شي او يحط بخاطره ويشيل للزمن هذا ماعرف صدق المحبة والحقد مالي قلبه

ولكن للصبر والتحمل حدود ومهما كانت المحبة اذا اساء الطرف الأخر والاساءة تكررت فوضع حد افضل وبالرغم من وضع الحد الا ان المحبة بتم بالقلب


بس وينك شردت عن الموضوع يمكن حد خرعك

[Bo jassim 33]

عالعوووق

[بصمة قطرية]

ليش كلنا نحط تحمل لين 3 مرات !!

ذكرتيني بالمصارعة الحره ون تو ثري وعقب يربح الثاني وذاك يطلع خسران !!!

:app:

عطو مجال اشوي لين عشره كله ثلاثه ثلاثه من متى واحنا نشوف بس لين ثلاثه


هههههههههههههههههههههههههههههاي

لأن الثالثة ثابتة ..!!!!!

[شبح الصمت]

كلام من ذهب .. شبح صرت من حكماء المنتدى بصراحة بهالردين :victory:


ههههههههههههههههههههههههاي
اشكرك صراحة حكماء عيل :shy:
:secret:


لأن الثالثة ثابتة ..!!!!!




يا ها الثالثة الي سببت لي عقده يعني مسكين الاولى انذر والثانية انذار نهائي الثالث كرت احمر وطرد
ههههههههههههههههههههههههههههههههههههههاي

لعلمك في ناس لا عندهم اولا ولا ثانية والا ثالثة من اولى والحبيب حاط رجله

:telephone:

[قطريه22]

قطرية 22.. نوار قطر..


أنا أتكلم من واقعي.. حب بيني وبين اخواني وخواتي.. او بيني وبين صديقاتي..
أما بين الزوجين.. فأترك المايك لكم.. :)

حب الخوات والاخوان والاهل مختلف عن حب الزوج والزوجه او الصداقات

[الزعفراني]

منورين .. أجمعين .. :rolleyes2:

السموحة نسيت اني كتبت الموضوع :rolleyes2:

:weeping:

راجع لكم كلن على حده

ويامرحبا بكم جميع

[ام السعف]

لازم نتغاضى علشان يتغاضون هم بعد

[قطريه22]

منورين .. أجمعين .. :rolleyes2:

السموحة نسيت اني كتبت الموضوع :rolleyes2:

:weeping:

راجع لكم كلن على حده

ويامرحبا بكم جميع

:anger1:

[رمح الضعاين]

على حسب حجم الخطأ

لان في اخطاء كبيره اذا تغاضيت عنها معناته انا طول اليوم بقول امباااااع امبااااع

خلونا اشوي من المشاعر الجياشه ولنتكلم بمزيد من العقل وخلو الحب على جنب الشخص الي يحب بيحافظ على من يحب (بتقويم اخطاءه مهب السكوت عنها )


هل كل خطأ ستغفر له ؟؟؟؟؟؟؟؟؟؟؟؟ او ممكن تصرف النظر عنه ؟؟؟

اخوكم

[نوار قطر]

على حسب حجم الخطأ

لان في اخطاء كبيره اذا تغاضيت عنها معناته انا طول اليوم بقول امباااااع امبااااع

خلونا اشوي من المشاعر الجياشه ولنتكلم بمزيد من العقل

هل كل خطأ ستغفر له ؟؟؟؟؟؟؟؟؟؟؟؟ او ممكن تصرف النظر عنه ؟؟؟

اخوكم

على فكره رمح ترى المره ممكن اتغاضى عن اشياااء وااايد بس في المقابل ومنطقيا وعرفيا الريال مستحيل يتنازل ويتغاضى عنها .والهشي انا متفقه معاك فيه مليون فالميه . بس اشياء عاديه وعادي ان الريال يطوفها ..

[بـــــدوي]

ممكن اني اتغاضى بس مب معناها تتكرر نفس الاخطاء اللي تغاضيت عنها فهذا معناه عدم اهتمام او مب معبرني

وعلى ماقال بدر بن عبدالمحسن :

لا يابعد كل القرايب والاحباب / ضاع العدل فالناس ، لو تظلموني

[intesar]

يعتمد على نوع الخطأ كيف هو.. ومداه..
إذا كان صغيرا.. نتغاضى حتى تستمر الحياة..
أما الأخطاء الكبيرة فلابد من التنويه والتنبيه .. لكن بالحسنى واللين..

[بحر شرق]

:nono::nono[/B]ono:أتقاضى إلا الكرامه خط احمر

[الرها]

من يحب بيتغاضى بدون مايشعر

[الزعفراني]

العشره ماتهون يالزعفراني وخصوصا اذا كانت قد جمعت الصديقين او الزوجين او او او
على الود والحب والاحترام وخوف كل طرف على الآخر

لذلك يكون التغاضي عن الأخطاء شي تحتمه تلك العشره وتلك الرابطه

ولكن مثل مايقولون كثرة الدق يفج اللحام

يعني بخطىء مره ومرتين وثلاث باعطيه العذر وبادور له عن سبب اعذره من أجله

ولكن اذا شفته يستغلني ودائماً يخطىء دون ان يراعي علاقتي فيه ويحسسني انه

يستغلني لكوني متمسك فيه

هني خلاص بابتعد عنه وباقوله خلاص عافك الخاطر

والمشكله ان بعض الاشخاص تلقاه يغلط ويخطىء بحقك واذا شافك زعلت منه

يقعد يستفزك ويتصرف تصرفات يبي يقولك فيها انك مش مهم عنده ويسوي اللي يحلو له

واذا عاتبته يقولك بس ابي احرك من معزتي لك ويوعدك انه ما يكرر هالشي مره ثانيه

ويعترف ان تصرفه غلط في غلط وانه بهذا التصرف يهين نفسه قبل ما يهينك انت

وبعد ماتسامحه يرجع لنفس التصرف

اعتقد هذا نقوله روح انت بطريج وانا بطريج والبعد عنه اريح وافضل

كلام سليم

[الزعفراني]

إذا كنا فعلاً لا نرغب بخسارتهم
فلابد أن نتغاظى عن أخطائهم
لتستمر العلاقة ..
لربما حين نحاسبهم على أخطائهم نخسرهم ..!!
و حسب نوع الخطأ ..
هناك أخطاء بسيطة بإختصار لا تستحق
و هناك أخطاء كبيرة لا نستطيع التغاضي عنها ..

أنا قصدت الأخطاء الغير عادية اللي ممكن تأثر فينا وفي علاقتنا معاهم .

[الزعفراني]

طبعا كل شخص وله مكانه في قلبي

وعلى حسب وحجم الشيء الي رآح يكون

اي انسان صدقني يسامح ولكن مسامح عن مسامح يختلف

في ناس تسامح لاجل تبري ذمتها

وفي ناس تسامح لانه للشخص الي في قلوبهم له معزه خاصه وينسوون

يبقى الاختيار بين قلوبنا ..

تسلم يالزعفراني بس من مزعلك قولي !!


امممم نقطة مهمة استوقفتني ان الاختيار يبقى بين قلوبنا .. الموضوع فيه حيرة بالنسبة للبعض وصعب اتخاذ القرار هذا قصدك ؟؟

واللي مزعلني المراقب أبوعلي :(

[الزعفراني]

هذا بلا ابوك ياعقاب

:weeping:

[العلم]

اي والله بتغاضى ..:shy:

[الزعفراني]

هل تتغاضى عن أخطاء من تحب ؟؟؟؟؟؟؟؟ .................الف مره نعم .

؟ ولماذا ؟ لأني احب ......من كل قلبي وجوارحي و وعقلي : أجمل شىء في الحياة هي الغاليه الله يخليها لعيالها ولي ..........وبسسسسسسس

:shy: انت انسان متطرف في الحب ماشاء الله عليك .. والله يحفظ لك الغالية ويحفظ لك عيالك