& معانآت القطرييين المبتعثين للعلاج في لندن والغلاء الفاحش $

[QatarSafety]

بسم الله ابتدى وعلية الاتكال
وعسى الله لايريكم مكروها في الاهل ولا الاصدقاء
والمسلمين اجمعين .

اتكلم هنا في منتدانا الاول وعسى ان يلقى هذا الكلام طريقة الى سمو الامير اطال الله بعمرة ويحفظة لنا اجمعين .
آمين يارب العالمين .

نحن المبتعثون للندن للعلاج من هل قطر عافاهم الله جميعاً وطبعاً اكثرنا مرافق مع المرضى
والدوله جزاها الله كل خير تكفلت بالعلاج والراتب للمرافق والمريض الى هذا الحد تمام .

طبعاً الكل اغلبهم مرافق واحد يعني راتب واحد فقط وطبعاً الراتب في اليوم 120 باوند
والمريض 23 باوند فقط لأنه في المستشفى اذاً المجموع 1001 باوند فقط في الاسبوع

نحن نسكن في شقق سعرها الان 800 باوند في الاسبوع المتبتقي 201 باوند فقط
طبعاً لندن غالية في كل شي ....
خصوصاً انه لايوجد مواصلات من المكتب الطبي ايضاً .
تكلمنا مع مسوؤل المكتب الطبي وقال ( دبروا واسطة وكلموا المسوليين في قطر ) طيب
نحن ايضاً نتكلم مع مسوؤل رسمي بصفته الرسمية قادر ان يكتب كتاب رسمي بمعاناتنا هنا
في لندن خصوصا ان

( اعتباراً من 1-5-2013 قالوا لنا اصحاب الشقق المسيطرين على لندن سوف نرفع الايجارات
اعتباراً من هذا التاريخ .
علماً انه من تاريخ 1-6-2013 ايضا سوف ترتفع الايجارات .
فماذا سنفعل يا اهل قطر بعد ذلك في ضوء الغلاء .

مسوؤلين المكاتب الطبية الخليجية احسن من مسوؤل مكتبنا لأنهم حسوا بالمسوؤلية
تجاة مواطنيهم وسعوا لهم بالزيادة حتى زادوهم بنسبة 100% وممكن ان تتاكدوا من هالخبر في لندن مثال المكتب الكويتي يعطي المرافق
2400 باوند في الاسبوع والمريض حتى لو كان في المستشفى 2400 باوند ايضاً
والاطفال بعضهم طفله خمس شهور 2400 باوند ايضاً .
عسى الله يرزقهم ويزيدهم من فضلة ويزيدنا من خيرة امييييييين .

حنا شيوخنا فيهم خير بس للاسف محد يوصل لهم هالاشياء الكل ماهمة الى نفسه
الشاهد الله اني حبيت ان اوصل هالتقرير الى سمو الامير اطال الله في عمرة وحفظة لنا
وحبيت ان البي وصاة الشايب ابو خليل وغيرة وغيرة من هل قطر بالمعاناة هنا في لندن
وغلاء الاسعار الحالية واللي جاية هذا الشهر وعسى الله يكتب اللي فيه خير وصلاح

ملاحظة اتصلنا في اخينا العزيز فيصل المرزوقي ووعدنا يكلم المسوؤلين ولا نعرف ماحصل
حتى هاذهي اللحظة .

وجزاءكم الله كل خير .

[روح الاطلس]

ملاحظه اقل دوله في نفقات الابتعاث الطبي او العلمي او التدريبي قطر مقارنة باي دوله خليجيه اخرى ولا اعلم السبب!

[بصمة قطرية]

ما عليكم شر إن شاء الله
بالفعل أخوي ..
راتب المريض 800 باوند في الإسبوع
و المرافق 800 باوند في الإسبوع ..
و المريض إذا دخل المستشفى يقطعون الراتب
أو ياخذ شي بسيط جداً لا يذكر ..
أجار الشقة 900 باوند أو أكثر
و حالياً رفعوا الأجارات في لندن
على إعتبار إنه موسم
فصارت الأجارات دبل ..

لازم يعيدون النظر في المبلغ
لأنه ما يكفي بالفعل وسط الغلا الفاحش في لندن
اللي راح لندن يعرف شلون المعيشة غالية ..!!!!

باقي دول الخليج
تصرف دبل هالمبلغ للمريض والمرافق ..!!!

بخصوص المواصلات أخوي
إش المقصود لا توجد مواصلات ..
قصدك لمواعيد المستشفيات ..!!؟؟

[العملة النادرة]

اخوي لو تكرمت
اي مستشفى زين في لندن للجلطات الدماغيه وتبعث لها الدوله
شفى الله مريضكم وجميع مرضى المسلمين

[برشلوني قطر]

الله يشفي مريضكم. اول مره ادري مافي مافي مواصلات المفروض

هم يتكفلون بالمواصلات.

بالنسبه لفيصل المرزوقي قريت له كتابات ف تويتر

عن العلاج فالخارج والغلاء

فعلا كلشي يزيد الا راتب الشؤون ومصروف المرضى:rolleyes2:

[بصمة قطرية]

الله يشفي مريضكم. اول مره ادري مافي مافي مواصلات المفروض

هم يتكفلون بالمواصلات.

بالنسبه لفيصل المرزوقي قريت له كتابات ف تويتر

عن العلاج فالخارج والغلاء

فعلا كلشي يزيد الا راتب الشؤون ومصروف المرضى:rolleyes2:

في مواصلات
المكتب الطبي يتكفل بالمواصلات من و إلى
عندنا شخصين يتعالجون في لندن لهم شهور
و المكتب الطبي تكفل و ما زال يتكفل بالمواصلات
للمواعيد ..
و المترجمة ترافق المريض في كل المواعيد ..
حتى لو راح الشخص يتعالج في لندن على حسابه
المكتب الطبي ما يقصر
يرتب للشخص المواعيد
و ترسل السيارة و المترجمة
هالكلام أقوله و أنا متأكدة منه
لأني كنت أرافق المريضة للمواعيد ..

[Right]

الله يعينكم ويشفي مريضكم إن شاء الله




ويشفي كل مريض إن شاء الله

[QatarSafety]

ملاحظه اقل دوله في نفقات الابتعاث الطبي او العلمي او التدريبي قطر مقارنة باي دوله خليجيه اخرى ولا اعلم السبب!



اخي الكريم اعتقد السبب والله اعلم وهذا اكيد شي خطأ في المفهموم
هو خوف المسوؤل على منصبة وهنا تلقى كل واحد ماهمة الى نفسة
وفي بالهم شي اسمه التوفير في المصروف وعلى حسب تفكيرهم الصغير
انه اذا وفر فسيكون هو الاحسن والاصلح طبعاً انا مع التوفير ولكن في الشي المعقول
ولكن انا اعتبر المواطنين هم الثروة الحقيقية وطبعاً اعتقد ان هذا الشي لايرضى احد من
اهل البلد مايحصل ان المواطنين يقصر عليهم شي في الغربة لله الحمد قطر غنية ولكن مقارنه
بالمكاتب الخليجيه في فرق شاسع ولو لاحظنا ان السبب بعض المسوؤلين في مكاتب الغربة
نفسي نفسي مادمت عايش فالباقيين !
اشكر مرورك اخي الكريم.

[cartier]

بكل صراحه الراتب ما يسوي شي

[نيساني]

الله يعينكم ويشافي مريضكم ومرضى المسلمين

اللهم آمين

[QatarSafety]

ما عليكم شر إن شاء الله
بالفعل أخوي ..
راتب المريض 800 باوند في الإسبوع
و المرافق 800 باوند في الإسبوع ..
و المريض إذا دخل المستشفى يقطعون الراتب
أو ياخذ شي بسيط جداً لا يذكر ..
أجار الشقة 900 باوند أو أكثر
و حالياً رفعوا الأجارات في لندن
على إعتبار إنه موسم
فصارت الأجارات دبل ..

لازم يعيدون النظر في المبلغ
لأنه ما يكفي بالفعل وسط الغلا الفاحش في لندن
اللي راح لندن يعرف شلون المعيشة غالية ..!!!!

باقي دول الخليج
تصرف دبل هالمبلغ للمريض والمرافق ..!!!

بخصوص المواصلات أخوي
إش المقصود لا توجد مواصلات ..
قصدك لمواعيد المستشفيات ..!!؟؟


انا اقصد بالمواصلاتت ان المكتب الطبي مايوصل من المستشفى الى السكن والعكس
كذلك ولكن يوجد حسب ظني للمواعيييييد فقط .
انا احياناً استعمل الاند قراوند طبعاً 35 باوند اسبوعياً
ومشكورة على مروورك .

[برشلوني قطر]

في مواصلات
المكتب الطبي يتكفل بالمواصلات من و إلى
عندنا شخصين يتعالجون في لندن لهم شهور
و المكتب الطبي تكفل و ما زال يتكفل بالمواصلات
للمواعيد ..
و المترجمة ترافق المريض في كل المواعيد ..
حتى لو راح الشخص يتعالج في لندن على حسابه
المكتب الطبي ما يقصر
يرتب للشخص المواعيد
و ترسل السيارة و المترجمة
هالكلام أقوله و أنا متأكدة منه
لأني كنت أرافق المريضة للمواعيد ..


صحيح انا ف امريكا موفرين المواصلات

فأستغربت وقلت يمكن بعد ف لندن غير

ومن قبل رحت المانيا ع حسابي الخاص بعد

تكفلو بالمواصلات والمترجم

من فتره سمعت انهم بيزيدون لجميع المرضى

بس الي زادهم اعتقد الي ف تايلاند

الله يعينكم

[QatarSafety]

اخوي لو تكرمت
اي مستشفى زين في لندن للجلطات الدماغيه وتبعث لها الدوله
شفى الله مريضكم وجميع مرضى المسلمين


أختي الكريمة
عسى الله يشافي مرضى المسلمين اجمعين
اعتقد
مستشفى
London Bridge Hospital
هو الافضل
لأنه الان المستشفى رقم واحد في لندن حسب التقييم الشهري
وطبعاً هذا المستشفى الي اخوي فيه
ودعواتكم لأخوي بالشفاء ياجماعة الخير
وجزاءكم الله كل خير.

[QatarSafety]

في مواصلات
المكتب الطبي يتكفل بالمواصلات من و إلى
عندنا شخصين يتعالجون في لندن لهم شهور
و المكتب الطبي تكفل و ما زال يتكفل بالمواصلات
للمواعيد ..
و المترجمة ترافق المريض في كل المواعيد ..
حتى لو راح الشخص يتعالج في لندن على حسابه
المكتب الطبي ما يقصر
يرتب للشخص المواعيد
و ترسل السيارة و المترجمة
هالكلام أقوله و أنا متأكدة منه
لأني كنت أرافق المريضة للمواعيد ..


اختي ومن قالك مافي مواصلات للموااااااااعيد
في مواصلات للمواعيد فقط
اما
كزيارة يومية للمريض الي في العناية المركزة
او المريض العادي الساكن هناك فمافي
مواصلات كلش كلش من المكتب الطبي.

[QatarSafety]

اشكركم جميعاً
وعلى ردودكم واتمنى التفاعل مع الموضوع
وذلك لصالح الناس الموجودة هنا
واعتذر من الردود الخاصه لكل شخص لن الوقت مايسمح لي
واتمنى تعذروني وتقديراً لظروفي
والان بروح لزيارة المرضى القطريين هنا عسى الله يفرج عنهم
ويشافيهم الله رب العالمين .

[ابوعلي]

صحيح انا ف امريكا موفرين المواصلات

فأستغربت وقلت يمكن بعد ف لندن غير

ومن قبل رحت المانيا ع حسابي الخاص بعد

تكفلو بالمواصلات والمترجم

من فتره سمعت انهم بيزيدون لجميع المرضى

بس الي زادهم اعتقد الي ف تايلاند

الله يعينكم

لا ياخوي حتى في تايلند زادونا لمدة اسبوعين ووقفوا الزيادة بسبب ان تايلند تقع في جنوب شرق اسيا

والقرار للدول الي تقع في شرق اسيا

شي مضحك بصراحة وبسبب كلمة يتم ايقاف الزيادة ولكن الحمدلله على كل حال


وان شاء الله تتم الزيادة للجميع

[بصمة قطرية]

اختي ومن قالك مافي مواصلات للموااااااااعيد
في مواصلات للمواعيد فقط
اما
كزيارة يومية للمريض الي في العناية المركزة
او المريض العادي الساكن هناك فمافي
مواصلات كلش كلش من المكتب الطبي.

أخوي
إنت تقصد المرافق
المرافق ما له مواصلات
و هالشي في كل المكاتب
يتكفلون بالمريض و مواعيده كلها ..

[برشلوني قطر]

لا ياخوي حتى في تايلند زادونا لمدة اسبوعين ووقفوا الزيادة بسبب ان تايلند تقع في جنوب شرق اسيا

والقرار للدول الي تقع في شرق اسيا

شي مضحك بصراحة وبسبب كلمة يتم ايقاف الزيادة ولكن الحمدلله على كل حال


وان شاء الله تتم الزيادة للجميع


:eek5::eek5::eek5:

والله شي يضحك. الناس ف حال وهم كل تفكيرهم

ان الناس رايحين سياحه

الله يعينكم ولا يحوجكم

[بصمة قطرية]

الله يشفي مرضاكم و مرضانا و مرضى المسلمين
و يخفف عليهم يااااارب ..
محتاجين زيادة الراتب الإسبوعي
لندن غالية جداً
و الراتب ما يكفي ..

[ابوعلي]

الله يشفي مرضاكم و مرضانا و مرضى المسلمين
و يخفف عليهم يااااارب ..
محتاجين زيادة الراتب الإسبوعي
لندن غالية جداً
و الراتب ما يكفي ..

اللهم اميييين

[$بنت شيوخ$]

والله مش انتو بس انا كنت مرافق مع مريض خسرت الي قدامي والي وراي المشكله في ناس تروح علاج على اسباب تافهه والله واحد ودوه سبه حارج هههههههههه نصيحه لكم ارجعو الدوحه او خذو سلفه على الراتب هاذا الي انا سويته

[بوفهيد]

مع الأسف الراتب اللي ياخذه المريض ويا المرافق ماياخذه عامل نظافة في هارودز ؟
الله يشفي مريضكم من كل شر .

[أحاول]

جزا الله راعي الموضوع على الطرح كل خيرانا مرافقه لي مده في لندن وفعلا غلاء فاحش لو ينحسب متوسط الايجار للشقق المتوسطة هو مابين 1200باوند الى 1800 الي ممكن تنسكن وليس الشقق الهاي او الفخمه احيانا تأجر ب ثمان مائه وبعد شهر يقولك رفعنا الايجار وكلما كانت قريبه من المستشفى كانت اغلى
غير المواصلات والمريض الي بالعناية المركزة يحتاج عدة زيارات في اليوم عن الشباب ممكن يروحون اندر قراوند اما كبار السن يحتاجون سيارة خاصة أرى ان المريض او مرافق المريض يحتاج بدل مواصلات
ايضا بعض المرضى معهم مرافقين وبعضهم مرافق حسب وضع حالة المريض ومثل ما قال الاخ أذا كان المرافق واحد والمريض بالعناية المركزة يجد المرافق صعوبة في دفع الايجار وخاصة انه أسبوعيا مع الغلاء الفاحش عندهم وذا كان مع المريض عدة مرافقين وذهب المرافقين يتم خصم البدل فلماذايتم خصم البدل ما دام تمت الموافقه علية من قطرأرى أن المريض الذي له رقم طبي يمكن صرف بدل سكن وبدل مواصلات بالاضافة لبدل المرافق كما ان المرافق بحاجة للعلاج لايتم علاج المرافق الا للضرورة والطوارىء احيان يحتاج فحص دوري وددت لو اني عملت بطاقة تأمين صحي من قطر لاني أصرف كثيرا على العلاج الخاص وعلاجهم غالي كل أحترامي لكل العاملين بالمكتب الطبي في لندن كلهم متعاونين
حفظ الله صاحب السمو الشيخ حمد بن خليفة على ما يقدم من رفعة للوطن والمواطن

[بوحارب]

الله المستعان لندن توني راد منها قبل اسبوع والأسعار غاااالية وراتب المكتب الطبي مايكفي كللش لازم الواحد يصرف من جيبه

ياريت يرفعون رواتب المرضى والمرافقين وعدم خصم راتب المريض اذا ترقد في المستشفى

الواحد رايح علاج ومتعني مب ناقص بعد يتبهدل

والله يهون على مريض يارب

[حمد 2002]

بسم الله ابتدى وعلية الاتكال
وعسى الله لايريكم مكروها في الاهل ولا الاصدقاء
والمسلمين اجمعين .

اتكلم هنا في منتدانا الاول وعسى ان يلقى هذا الكلام طريقة الى سمو الامير اطال الله بعمرة ويحفظة لنا اجمعين .
آمين يارب العالمين .

نحن المبتعثون للندن للعلاج من هل قطر عافاهم الله جميعاً وطبعاً اكثرنا مرافق مع المرضى
والدوله جزاها الله كل خير تكفلت بالعلاج والراتب للمرافق والمريض الى هذا الحد تمام .

طبعاً الكل اغلبهم مرافق واحد يعني راتب واحد فقط وطبعاً الراتب في اليوم 120 باوند
والمريض 23 باوند فقط لأنه في المستشفى اذاً المجموع 1001 باوند فقط في الاسبوع

نحن نسكن في شقق سعرها الان 800 باوند في الاسبوع المتبتقي 201 باوند فقط
طبعاً لندن غالية في كل شي ....
خصوصاً انه لايوجد مواصلات من المكتب الطبي ايضاً .
تكلمنا مع مسوؤل المكتب الطبي وقال ( دبروا واسطة وكلموا المسوليين في قطر ) طيب
نحن ايضاً نتكلم مع مسوؤل رسمي بصفته الرسمية قادر ان يكتب كتاب رسمي بمعاناتنا هنا
في لندن خصوصا ان

( اعتباراً من 1-5-2013 قالوا لنا اصحاب الشقق المسيطرين على لندن سوف نرفع الايجارات
اعتباراً من هذا التاريخ .
علماً انه من تاريخ 1-6-2013 ايضا سوف ترتفع الايجارات .
فماذا سنفعل يا اهل قطر بعد ذلك في ضوء الغلاء .

مسوؤلين المكاتب الطبية الخليجية احسن من مسوؤل مكتبنا لأنهم حسوا بالمسوؤلية
تجاة مواطنيهم وسعوا لهم بالزيادة حتى زادوهم بنسبة 100% وممكن ان تتاكدوا من هالخبر في لندن مثال المكتب الكويتي يعطي المرافق
2400 باوند في الاسبوع والمريض حتى لو كان في المستشفى 2400 باوند ايضاً
والاطفال بعضهم طفله خمس شهور 2400 باوند ايضاً .
عسى الله يرزقهم ويزيدهم من فضلة ويزيدنا من خيرة امييييييين .

حنا شيوخنا فيهم خير بس للاسف محد يوصل لهم هالاشياء الكل ماهمة الى نفسه
الشاهد الله اني حبيت ان اوصل هالتقرير الى سمو الامير اطال الله في عمرة وحفظة لنا
وحبيت ان البي وصاة الشايب ابو خليل وغيرة وغيرة من هل قطر بالمعاناة هنا في لندن
وغلاء الاسعار الحالية واللي جاية هذا الشهر وعسى الله يكتب اللي فيه خير وصلاح

ملاحظة اتصلنا في اخينا العزيز فيصل المرزوقي ووعدنا يكلم المسوؤلين ولا نعرف ماحصل
حتى هاذهي اللحظة .

وجزاءكم الله كل خير .

كم 800 باوند تطلع بالقطري ؟

[وحيد-الشوق]

العلاج في الخارج لين تطلع لك الموافقة تحسه هم وانزاح عن قلبك لكن لما تروح هناك تتمنى انك ماجيت مكتب تعبان يعاملك برود وظغط نفسي واعصاب هذا وانت مرافق عيل المريض المسكين شيسوي

اخخ يامكتب بون بدعي عليكم ليل نهار :(

الله يعينكم فعلا مستحقات لندن قليلة مقارنة بالغلا الفاحش الي هناك

[تغلبية]

الله يشافي مريضكم ويعافيه ..

وان شاءالله تلقون استجابة لمطالبكم .. فعلا لندن غالية نار .. والمريض مافيه شدة يشيل هم فلوس ومصاريف

[حمد 2002]

الحل الوحيد والي ماله رجعه بأن الدوله اتسويلنا مستشفيات عالميه ، وانتعالج ببلادنا بدل السفر والتعب والخساير ، وان ايكون توجه الدوله بالأهتمام بالعلاج والمستشفيات وتقليل الاهتمام بالرياضه الي ماجفنها فيها أي انجاز على المستوى الاقليمي ولا العالمي للحين ،،،

[مضاربه]

المكتب الطبي تعبان في لندن بجميع افراده مع الاسف

[UAE-SOUL]

لندن المشكلة فيها السكن. وللأسف ان الي يأخذون شقق فيها ياجرونها من العرب الي في أجور رود أسعارها غالية وايد وغير قانونية ولا في عقود رسمية

[بصمة قطرية]

كم 800 باوند تطلع بالقطري ؟

تقريباً 4800 ريال قطري ..
إذا كان الباوند يساوي 6 ريال ..
هالمبلغ يندفع في إجار إسبوعي للشقه
و أكثر من هالمبلغ ،،

[بصمة قطرية]

المكتب الطبي تعبان في لندن بجميع افراده مع الاسف

بالعكس
المكتب الطبي في لندن مو مقصرين
الظليمة شينه
مدير المكتب الطبي الأخ عبدالله الأنصاري
رجال كفوووو
ما يقصر مع أي شخص ..

[رفيق الصحراء]

الله يشفي مريضكم وكل مريض مسلم
الله يعينكم ان شاءالله

[بوحارب]

انا اقصد بالمواصلاتت ان المكتب الطبي مايوصل من المستشفى الى السكن والعكس
كذلك ولكن يوجد حسب ظني للمواعيييييد فقط .
انا احياناً استعمل الاند قراوند طبعاً 35 باوند اسبوعياً
ومشكورة على مروورك .

المواصلات الى المواعيد والصيدلية
والبنك لأستلام الراتب يوفرها المكتب الطبي

أنا توني راد وما قصروا أبدا وعبدالله الأنصاري مايقصر مع اي قطري جزاه الله خير

وخذلك بطاقة الاندرقراوند الشهرية ابرك واذا مشاويرك قليلة خلها يومية

[واحد قطري]

ملاحظه اقل دوله في نفقات الابتعاث الطبي او العلمي او التدريبي قطر مقارنة باي دوله خليجيه اخرى ولا اعلم السبب!

السلام عليكم

بالنسبه لاخوي اللي كاتب هالكلام ياريت لاتتكلم باشياء من عندك احنا مب اقل شي بالروتب
لللي يتعالجون برى وخصوصا لندن وكمثال على كلامي اعرف واحد عماني جاي علاج مع اهله العام وكانوا يعطونهم 420 باوند للمرافق والمريض واذا المريض نايم بالمستشفى ماله اي راتب وغير انه السكن عليهم هذا بالنسبه لكلامك انا احنا اقل دوله بالخليج
وتكلمت اخوي بعد الرواتب للموظفين واللي جايين يدرسون احب اعلمك انه اعلى رواتب خليجين في الدراسة والشغل بلندن هم القطريين والامراتيين ومافي مقارنه مع الباقي بالارقام وكلامي متاكد منه لاني مخالط الشعب الخليجي بلندن وعشان اكون صريح اكثر التساوي بينا وبينهم فقط للي مبتعثين من المجلس الاعلى للتعليم بس عموما هو نادر يرسل لطلبه للندن للدراسة عشان الغلاء والجامعات اللي مش معترف فيها او مستوها نازل مقارنه بمناطق ثانية ببريطانيا و ماحب ازيد بهالنقطه ونرجع للنقطه الاهم

ثانيا بالنسبه لصاحب الموضوع الله يشفي مريضكم ويرجعه سالم غانم للبلاد انا اتفق معاج انه الاجارات غالية بلندن ومعروف هالشي وانا اتكلم من واقع اعيشه بالنسبه لمعيشتي بهالبلد بس بكون وياك صريح وواقعي حتى لو الكويت يعطونهم مبلغ 2400 باوند بالاسبوع انت تعرف انه من غير هالمبلغ الكويتي مايقدر يدبر روحه ولا له مصدر ثاني يعني مو من قوة رواتبهم بالكويت عشان يقدر يزيد هالمبلغ من جيبه الخاص بعكس القطري اللي مدخوله اقوى مدخول مقارنه بالخليج بس مومعنات هالكلام انه اللي يقدم للمعالجين بلندن انه كافي لا بس القصد انه الشخص اللي مع المريض يسحب من راتبه نتفه ويمشي حاله مويتكل 100% على الدوله وايضا بالنسبه لنقطة المواصلات للمرافق يقدر يركب اندرجراوند اوباص ويوصل اي مكان يبي ب 120 ريال بالاسبوع ويجدد هالاشتراك ببطاقه بدل عن التكاسي اللي الشوار الواحد ياخذ منك هال 120 ريال وبتكون بهالطريقه حل مشكلته مع المواصلات



انا عندي اقتراح ويمكن يحل هالمساله تضل رواتب اللي جايين علاج نفس ماهي بس يوفر السكن واضن 1000 باوند بالاسبوع جدا كاااااااافية اذا توفر السكن من الملحق الطبي او الدولة واقترح لو الدولة شرت عمارتين تسكن فيها عيال البلد اللي جايين علاج وانا كلمت مسؤل عن هالشي ورد علي برد مقنع هو انه العمارات بلندن شرائهم يكون بمبلغ خيالي شوي اذا الشقه تنباع مو اقل من مليون باوند وهذا واقع فمابالك بعماره بس انشالله دولتنا مب عيزانه عن هالشي لخدمة المواطنين

والله يرد كل مريض سالم معافى لبلاده

[واحد قطري]

[quote=واحد قطري;8860913]السلام عليكم

بالنسبه لاخوي اللي كاتب هالكلام ياريت لاتتكلم باشياء من عندك احنا مب اقل شي بالروتب
لللي يتعالجون برى وخصوصا لندن وكمثال على كلامي اعرف واحد عماني جاي علاج مع اهله العام وكانوا يعطونهم 420 باوند للمرافق والمريض واذا المريض نايم بالمستشفى ماله اي راتب وغير انه السكن عليهم هذا بالنسبه لكلامك انا احنا اقل دوله بالخليج
وتكلمت اخوي بعد الرواتب للموظفين واللي جايين يدرسون احب اعلمك انه اعلى رواتب خليجين في الدراسة والشغل بلندن هم القطريين والامراتيين ومافي مقارنه مع الباقي بالارقام وكلامي متاكد منه لاني مخالط الشعب الخليجي بلندن وعشان اكون صريح اكثر التساوي بينا وبينهم فقط للي مبتعثين من المجلس الاعلى للتعليم بس عموما هو نادر يرسل لطلبه للندن للدراسة عشان الغلاء والجامعات اللي مش معترف فيها او مستوها نازل مقارنه بمناطق ثانية ببريطانيا و ماحب ازيد بهالنقطه ونرجع للنقطه الاهم

ثانيا بالنسبه لصاحب الموضوع الله يشفي مريضكم ويرجعه سالم غانم للبلاد انا اتفق معاج انه الاجارات غالية بلندن ومعروف هالشي وانا اتكلم من واقع اعيشه بالنسبه لمعيشتي بهالبلد بس بكون وياك صريح وواقعي حتى لو الكويت يعطونهم مبلغ 2400 باوند بالاسبوع انت تعرف انه من غير هالمبلغ الكويتي مايقدر يدبر روحه ولا له مصدر ثاني يعني مو من قوة رواتبهم بالكويت عشان يقدر يزيد هالمبلغ من جيبه الخاص بعكس القطري اللي مدخوله اقوى مدخول مقارنه بالخليج بس مومعنات هالكلام انه اللي يقدم للمعالجين بلندن انه كافي لا بس القصد انه الشخص اللي مع المريض يسحب من راتبه نتفه ويمشي حاله مويتكل 100% على الدوله وايضا بالنسبه لنقطة المواصلات للمرافق يقدر يركب اندرجراوند اوباص ويوصل اي مكان يبي ب 120 ريال بالاسبوع ويجدد هالاشتراك ببطاقه بدل عن التكاسي اللي الشوار الواحد ياخذ منك هال 120 ريال وبتكون بهالطريقه حل مشكلته مع المواصلات

انا عندي اقتراح ويمكن يحل هالمساله تضل رواتب اللي جايين علاج نفس ماهي بس يوفر السكن واضن 1000 باوند بالاسبوع جدا كاااااااافية اذا توفر السكن من الملحق الطبي او الدولة واقترح لو الدولة شرت عمارتين تسكن فيها عيال البلد اللي جايين علاج وانا كلمت مسؤل عن هالشي ورد علي برد مقنع هو انه العمارات بلندن شرائهم يكون بمبلغ خيالي شوي اذا الشقه تنباع مو اقل من مليون باوند وهذا واقع فمابالك بعماره بس انشالله دولتنا مب عيزانه عن هالشي لخدمة المواطنين

والله يرد كل مريض سالم معافى لبلاده

[QatarSafety]

السلام عليكم

بالنسبه لاخوي اللي كاتب هالكلام ياريت لاتتكلم باشياء من عندك احنا مب اقل شي بالروتب
لللي يتعالجون برى وخصوصا لندن وكمثال على كلامي اعرف واحد عماني جاي علاج مع اهله العام وكانوا يعطونهم 420 باوند للمرافق والمريض واذا المريض نايم بالمستشفى ماله اي راتب وغير انه السكن عليهم هذا بالنسبه لكلامك انا احنا اقل دوله بالخليج
وتكلمت اخوي بعد الرواتب للموظفين واللي جايين يدرسون احب اعلمك انه اعلى رواتب خليجين في الدراسة والشغل بلندن هم القطريين والامراتيين ومافي مقارنه مع الباقي بالارقام وكلامي متاكد منه لاني مخالط الشعب الخليجي بلندن وعشان اكون صريح اكثر التساوي بينا وبينهم فقط للي مبتعثين من المجلس الاعلى للتعليم بس عموما هو نادر يرسل لطلبه للندن للدراسة عشان الغلاء والجامعات اللي مش معترف فيها او مستوها نازل مقارنه بمناطق ثانية ببريطانيا و ماحب ازيد بهالنقطه ونرجع للنقطه الاهم



ثانيا بالنسبه لصاحب الموضوع الله يشفي مريضكم ويرجعه سالم غانم للبلاد انا اتفق معاج انه الاجارات غالية بلندن ومعروف هالشي وانا اتكلم من واقع اعيشه بالنسبه لمعيشتي بهالبلد بس بكون وياك صريح وواقعي حتى لو الكويت يعطونهم مبلغ 2400 باوند بالاسبوع انت تعرف انه من غير هالمبلغ الكويتي مايقدر يدبر روحه ولا له مصدر ثاني يعني مو من قوة رواتبهم بالكويت عشان يقدر يزيد هالمبلغ من جيبه الخاص بعكس القطري اللي مدخوله اقوى مدخول مقارنه بالخليج بس مومعنات هالكلام انه اللي يقدم للمعالجين بلندن انه كافي لا بس القصد انه الشخص اللي مع المريض يسحب من راتبه نتفه ويمشي حاله مويتكل 100% على الدوله وايضا بالنسبه لنقطة المواصلات للمرافق يقدر يركب اندرجراوند اوباص ويوصل اي مكان يبي ب 120 ريال بالاسبوع ويجدد هالاشتراك ببطاقه بدل عن التكاسي اللي الشوار الواحد ياخذ منك هال 120 ريال وبتكون بهالطريقه حل مشكلته مع المواصلات



انا عندي اقتراح ويمكن يحل هالمساله تضل رواتب اللي جايين علاج نفس ماهي بس يوفر السكن واضن 1000 باوند بالاسبوع جدا كاااااااافية اذا توفر السكن من الملحق الطبي او الدولة واقترح لو الدولة شرت عمارتين تسكن فيها عيال البلد اللي جايين علاج وانا كلمت مسؤل عن هالشي ورد علي برد مقنع هو انه العمارات بلندن شرائهم يكون بمبلغ خيالي شوي اذا الشقه تنباع مو اقل من مليون باوند وهذا واقع فمابالك بعماره بس انشالله دولتنا مب عيزانه عن هالشي لخدمة المواطنين

والله يرد كل مريض سالم معافى لبلاده


والله اقتراحك حلو وفوق الحلو
على قولتك لو يوفرون السكن وزيادة الف باوند حلو مانبي اكثر من هالشي
بس لعلمك الحين احنا ب 800 باوند
الراتب الاسبوعي وفيها كل شي ولا مكفيه يعني نصرف من جيوبنا
بس في ناس ماتقدر تصرف من جيوبها وكل واحد وقدرته
وشكراً للكل على المرور .

[المحقق كونان]

والله اقتراحك حلو وفوق الحلو
على قولتك لو يوفرون السكن وزيادة الف باوند حلو مانبي اكثر من هالشي
بس لعلمك الحين احنا ب 800 باوند
الراتب الاسبوعي وفيها كل شي ولا مكفيه يعني نصرف من جيوبنا
بس في ناس ماتقدر تصرف من جيوبها وكل واحد وقدرته
وشكراً للكل على المرور .

800 باوند اسبوعيا ضرب 4 = 3200 باوند شهريا أي بالريال تقريبا 19 ألف ريال شهريا

إحنا الطلاب المبتعثين نستلم بس 1400 باوند شهريا

الحمد لله على كل حال

[حفيد الأنصار]

الله يشفي كل مريض ياااااارب ..

[مساهم فنان]

في مواصلات
المكتب الطبي يتكفل بالمواصلات من و إلى
عندنا شخصين يتعالجون في لندن لهم شهور
و المكتب الطبي تكفل و ما زال يتكفل بالمواصلات
للمواعيد ..
و المترجمة ترافق المريض في كل المواعيد ..
حتى لو راح الشخص يتعالج في لندن على حسابه
المكتب الطبي ما يقصر
يرتب للشخص المواعيد
و ترسل السيارة و المترجمة
هالكلام أقوله و أنا متأكدة منه
لأني كنت أرافق المريضة للمواعيد ..

فعلاً المكتب الطبي ما يقصر بالنسبة لتوصيل المريض للمواعيد والعودة من المكتب مع وجود مترجم وحتى لو كان الشخص قد أتى للعلاج على حسابه الخاص فتوفر له السيارة والمترجم .
أما بالنسبة للمبلغ للشخص ومرافقه فقليل ، وحسب علمي الإمارات تعطي مرضاها نفس المبلغ الذي تعطيه قطر ولكن الفرق بيننا وبينهم هو أن المريض حتى لو كان في المستشفى يأخذ المبلغ كاملاً...
أما الحياة في لندن لا تطاق بسبب الغلاء وسبحان الله فلوسهم لا بركة فيها ...

[ريم المدينة]

يمدحون شقق كرومويل رود وايرلز كورت

[بصمة قطرية]

يمدحون شقق كرومويل رود وايرلز كورت

WARREN HOUSE :victory:
أكثر من رائعة
نظيفة وواسعة و آمنه

[hamad almohd]

المواصلات الى المواعيد والصيدلية
والبنك لأستلام الراتب يوفرها المكتب الطبي

أنا توني راد وما قصروا أبدا وعبدالله الأنصاري مايقصر مع اي قطري جزاه الله خير

وخذلك بطاقة الاندرقراوند الشهرية ابرك واذا مشاويرك قليلة خلها يومية

والله انك صادق ياخوي جزاه الله خير مايقصر من كل النواحي وانا الحين فلندن علاج معا الوالد صارلنا شهر ونص ويصرف الراتب كل اسبوع والحمدلله حكومتنا مو مقصره وجزاها الله خير على العلاج لأنه بالفعل العلاج مكلف بطريقه كبيرة وبالنسبه للمواصلات كرت شهري للأندرقراوند وريح نفسك وبالنسبه للسكن اخذ ارخص شقه وتكون بعيده عن اماكن العرب لأنه السعر بيكون اقل بوايد والي يبي سكن افضل واريح يدفع الزياده من جيبه
والحمدلله الف مرا على هالحكومة الي مو مقصره معا المواطن الله يديمها لنا