من يبادر في الأتصال ..الزوج ام الزوجه .الخطيب ام خطيبته

[بوغانم995]

انا عن نفسي ....كل ماحصل فضاوه في العمل أكلم الغاليه ......

واسئل عن احوالها ..وهي ماعندها ....وقت دائماً الأتصال .......يمكن اكون في اجتماع .....افتح الخط وأول ماتسمع مافيه رد تسكر على طول ....

والربع يتضايقون ...وخاصه في المكتب ..عندم ارد التحيه بأحسن منها ...... , هلا القمر هلا الشيخه ....

يأخواني هذه التي تنام وتصحى معك بين اربع جدران ..هذه التي تفتح عينك عليها كل يوم .....معك تشاطرك العيش .....

تمرض انته فتمرض هي ...تضحك انته وتفرح هي ......تحنو عليك .....وتساعدك .....اللهم اني اعوذ بك من شر حاسداً اذا حسد ومن شر النفاذاتي في العقد ...آآآمين

الا تستاهل الكلام الحلو ....الذي يليق بها وبسسسسسس

[بصمة قطرية]

الله يسعدكم أخوي
و لا يغير عليكم
حاسب من هالكلام
مب قدام أي حد
إنت ما تعرف اللي في القلوب ..
العين حق ..

[رهج السنابك]

على بالي تقصد امك

اول ماقريت الغاليه راح بالي ع الام

رجعت اطالع العنوان مره ثانيه


الله يسعدك اخوي و ان شاء الله تعامل امك نفس المعامله واكثر

[برشلوني قطر]

{قُلْ أَعُوذُ بِرَبِّ الْفَلَقِ * مِن شَرِّ مَا خَلَقَ * وَمِن شَرِّ غَاسِقٍ إِذَا وَقَبَ *
وَمِن شَرِّ النَّفَّـثَـتِ فِى الْعُقَدِ * وَمِن شَرِّ حَاسِدٍ إِذَا حَسَدَ


النفثت. وليس النفااذاتي

الله لا يغير عليكم

من وجهة نظري الترحيب والحب يكون بينك وبينها

مايحتاي يكون جدام الناس

[Locale]

ابو العيال كلمني ذاك اليوم جدام واحد من ربعه متزوج ثنتين
لما رجع البيت قلتله لاتكلمني جدامه جذي.. بيصكك عين وبيخليك تاخذ الثانيه
العين حق

[نيساني]

{قُلْ أَعُوذُ بِرَبِّ الْفَلَقِ * مِن شَرِّ مَا خَلَقَ * وَمِن شَرِّ غَاسِقٍ إِذَا وَقَبَ *
وَمِن شَرِّ النَّفَّـثَـتِ فِى الْعُقَدِ * وَمِن شَرِّ حَاسِدٍ إِذَا حَسَدَ


النفثت. وليس النفااذاتي

الله لا يغير عليكم

من وجهة نظري الترحيب والحب يكون بينك وبينها

مايحتاي يكون جدام الناس



سجل واحد مؤيد!!

[قطر70]

الله لا يغير عليكم

ذكرتني بواحد من ربعي

اذا اتصلت له زوجته يرد عليها

هلا ها شتبون اي اي زين خلاص بعدين بكلمكم يالله يالله باي

وكل مانصحته قال انا حر في تصرفاتي

[سان سيمون]

الله يسعدكم أخوي
و لا يغير عليكم
حاسب من هالكلام
مب قدام أي حد
إنت ما تعرف اللي في القلوب ..
العين حق ..

و انا من رايك

[سان سيمون]

بو غانم داري على شمعتك تضيء اتوقع والله العالم ان ام غانم من تكون كتومه وما تذكر مميزاتك علشان ما تكون مستهدف من الي حوليها لانه صار حال حريمنا هالشكل يا تذم يا تسكت على خيره خوفا من العين الحاسدة او الزايغة

[نوار قطر]

اول شي الله يتمم عليكم ان شالله ويهنيكم والله لا يفرقكم عن بعض،،

والله ياخوي على حسب طبيعة علاقتهم مع بعض ،،، بس في الملجه الريال هو الي يبادر ويتصل حق مرته بحكم انهم توهم ومستانس بها ،،، بس عقب اتوقع ان المره هي الي تبادر وتتصل اكثر من الريال ،، ترى المره تحتاج ان ريلها يبادر هو ويتصل لها تسمع منه كلمه حلووه لان هالحركه وااايد تغير في نفسية وحياة المره ،،

[وطن]

الله لا يغير عليكم

والله يحفظكم من عين الحساد

[غزلان]

الله يديم عليكم السعاده طول العمر

ويكفيكم شر الحساد

اعوذ بالله من الحسد ماعاد حد يذكر الله ويحب الخير للناس اما يحسدون او يتشمتون

[m.m.76]

على بالي تقصد امك

اول ماقريت الغاليه راح بالي ع الام

رجعت اطالع العنوان مره ثانيه


الله يسعدك اخوي و ان شاء الله تعامل امك نفس المعامله واكثر

باال مستكثرين على الزوجة كلمة الغاليه لحووووووووووووووول شدخل الام بالسالفه الحين ههههه يعني اللي يعز مرته ويحبها ويغليها لازم يقصر بحق امه ..زين لو اتصل الزوج وردت عليه هلا الغالي...ياترى بينط لنا واحد بيقول ياليت تعامل ابوها نفس ريلها......... استغفر الله

[تغلبية]

أكيد تستاهل الكلام الحلو والمعاملة الطيبة الشيخة الغالية أم الزين .. والله يتم عليكم نعمته ... ولايغير عليكم الا بالاحسن

بس الكتمااان الكتمااان وانا أختك.. الحريم الحين مايصدقون وحدة زوجها يتصل عليها ويتطمن عليها الا اشتغلت قلوبهم غيرة وحقد وحسد والعياذ بالله

أنا شاهدة على بلابل كانوا كل يوم الساعة 10 الصبح يتطمنون على بعض .. الحين صاروا في فرقة لايعلم بها إلا الله ..

[الخزرجي قطر]

الله يهنيكم ويسعدكم يارب ويبعد عنا وعنكم العين والحسد

[بونووف]

الموضوع العنوان ولا اللي كتبته..؟

عالعموم اشوف انه الرجل هو اللي يبتدي بالاتصال اول مره لانه البنت بطبعها حيويه ماراح تتصل.

اما عنك انت افضل انك تكلمها بهالاسلوبب اذا كنت بروحك بما انه ربعك يتضايقون ..!! بالنسبه لي ماحب حد يسمعني اكلم زوجتي واقولها كلمه حلوه لانها حياتي الخاصه
وثاني شي عن الحسد

والله يستر عليكم

[رفيق الصحراء]

الله يهنيكم ويسعدكم ويسعد كل متزوج وخاطب
والله انا اللي دوم اتصل بالمره

[راشد محمد]

الله يهنيكم ,ولا يغير عليكم ويبعد عنكم الحساد

[قطريه22]

الله لايغير عليكم

بس الكلام الحلو والغزل مايكون قدام حد

مب لازم الكل يدري انك تحب زوجتك والا خطيبتك

[مسمس12]

الله لايغير عليكم وشي حلو بس بدون مبالغه قدام الناس لان العين حق




اذا اتصلت له زوجته يرد عليها

هلا ها شتبون اي اي زين خلاص بعدين بكلمكم يالله يالله باي

وكل مانصحته قال انا حر في تصرفاتي


:secret::secret::eek5::eek5: سيم سيم حاله مال انا :nice:

[sweet qatar]

من يبادر في الأتصال ..الزوج ام الزوجه .الخطيب ام خطيبته

الرجل دائما يكون صاحب المبادرة..


التصريح جدام الناس حرية شخصية، لكن الأفضل استخدام الكلمات العادية المتداولة.. والحفاظ على خصوصية وحميمية باقي الكلمات..


الله يبارك لكم اخوي بوغانم ويسعدكم دوم..

[ضوى]

دايما انا اللي اتصل :(

[أخت الكل]

أسلوبك هذا معها ينجح أي علاقة زوجية ويعالج أي مشكلة بطريقة غير مباشرة

ويخليها يوم عن يوم تكون من أحسن إلى أحسن ومن أسعد إلى أسعد لانك ببساطه

اشبعت حاجة بنفس كل زوجة وهي حاجتها للتقدير

وحتى بنتك أو لدك اذا سمع منك المدح والتقدير والثناء حتى لو على شغلات بسيطة

اظمن إن شاء الله أنه ماراح يدخل في علاقات غير سوية

[ام السعف]

وجهة نظري تقول

اللحظات الحميمة و الكلمات الجميلة العذبة والمدح والثناء
واللهفة على الطرف الآخر ،، ما يكون في حضور الناس ،،


يعني مب لازم اللي احذاي تسمعني اكلم بو العيال واقول له هلا حبيبي
هلا بعمري هلا بحشاشة يوفي ،،

لأن الهدف من هالكلام لما ينقال اني احسسه بقدره عندي
مب احسس العالم بقدره عندي ،،

وعليه :

انصحك لو بتكلم ام عيالك خذ لك ركن وقول اللي تبيه
اما تتكلم بكل ما يختلج قلبك من مشاعر حلوة ما انصحك
بالشي ،،

[ام السعف]

دايما انا اللي اتصل :(

هاهاها
وليش زعلانة ؟

مب شرط من اللي يتصل كثر ما يكون شرط ان الاتصال يكون بفايدة

[بوحارب]

أنا ما يجيب راسي الأتصال غير ما كحل عيني بعينها ولا بلاش:tease:


أنفع اكون رومنسي صح:)

[ام السعف]

أنا ما يجيب راسي الأتصال غير ما كحل عيني بعينها ولا بلاش:tease:


أنفع اكون رومنسي صح:)

ابدا :(

[بوحارب]

افااااااا حق ليش زين

شاسوي بعد

[ام السعف]

افااااااا حق ليش زين

شاسوي بعد

ارضى بنفسك وبكل مافيك

ترى القناعة زينة
ولا تسوي شي وخلك مثل ما انت :shy:

[بوحارب]

ارضى بنفسك وبكل مافيك

ترى القناعة زينة
ولا تسوي شي وخلك مثل ما انت :shy:

هذي قناعتي وبدون اي تصنع او تكليف ^_*

[الأصيلة]

أنا ما يجيب راسي الأتصال غير ما كحل عيني بعينها ولا بلاش:tease:


أنفع اكون رومنسي صح:)

إن شاء الله قول وفعل يابوحارب...:telephone:

[ام السعف]

هذي قناعتي وبدون اي تصنع او تكليف ^_*

الله يبارك لك فيها * ^ *

[بوحارب]

يسلمو الأصيلة

امين يامدير ام السعف @-@

[Al-Kuwari]

وجهة نظري تقول

اللحظات الحميمة و الكلمات الجميلة العذبة والمدح والثناء
واللهفة على الطرف الآخر ،، ما يكون في حضور الناس ،،


يعني مب لازم اللي احذاي تسمعني اكلم بو العيال واقول له هلا حبيبي
هلا بعمري هلا بحشاشة يوفي ،،

لأن الهدف من هالكلام لما ينقال اني احسسه بقدره عندي
مب احسس العالم بقدره عندي ،،

وعليه :

انصحك لو بتكلم ام عيالك خذ لك ركن وقول اللي تبيه
اما تتكلم بكل ما يختلج قلبك من مشاعر حلوة ما انصحك
بالشي ،،

اتفق معاج 100%

[روح الاطلس]

بخصوص ان زملائك يتضايقون يفترض ذوقياً تراعيهم وتكون رسمي في اتصالك معاها او اذا تبي تتكلم براحتك صد بعيد عن زملائك وتكلم بما يحلو لك *_*