ارباح شركة الخليج الدوليه عن الربع الاول

[aboemad]

نتائج اعمال شركة الخليج للخدمات عن الربع الاول 2013:
أعلنت شركة الخليج للخدمات فى بيان خصت به مباشر اليوم عن نتائجها المالية للربع الأول من العام 2013 حيث بلغت ارباجها بنهاية الربع الأول 2013 نحو 135.78 مليون ريال مقارنة بـ 92.03 مليون ريال ارباح حققتها الشركة فى نفس الفترة من العام 2012 مسجلا نسبة ارتفاع بلغت 47.5% ، وارتفع العائد على السهم الى 0.91 درهم مقابل 0.62 درهم العام السابق

[رمــــــاح]

العائد لا يستحق مغامرة الشراء فوق الاربعين

هناك الافضل

والنمو سبقه ارتفاع السهم الى ارقام قياسيه

وبالتوفيق للملاك

[المسعف]

مبروك لملاك السهم هذه القفزة في الرباح

[ابن قطر]

بس الكلام ان في قفزه كبيره ويمكن زيادة راس المال بالاندماج مع شركة التامين اعتقد الدوليه امامها قفزه جديده والله اعلم وشكرا لناقل الموضوع الف شكر

[مكنتوش]

هل حسب العائد بعد زيادة راس المال ال20% ؟

[مساهم خطير]

ارباح قويه وواضح من تداولات السهم والتجميع المسبق ان هناك محفظه وطنيه تملك معلومات اكيده عن نسبة النمو المتوقعه للعام الحالي

[msz]

مبروك للملاك وان شاء الله منها للاحسن..

أنا عند كلامي الي ذكرته في الموضوع الثاني بان من المعيب ان يتم ذكر الأرقام قبل موعد الإفصاح وهذا يدل على انعدام الشفافيه والنظام في بورصتنا العالميه..

واستغرب اكثر من محاولة اخوي qews الدفاع عن إدارة البورصه والمسخره الي حاصله.. ولو لم تكن من هذا الموقف فالمواقف كثيره جداً والادله على انعدام الشفافيه والنظام لا تحصى..

الواضح من المقال ان الخليج الدوليه "خصت" موقع مباشر بالخبر! خبر حصري يعني ولا شالسالفه؟! حسسوني انه البوم غنائي مب ارباح شركه!!

هل نزل الخبر في موقع البورصه؟؟

[al_maystro]

نفس سيناريو صناعات اصبحت الاخبار الحصريه ملك لمواقع ماليه وليس لبورصه قطر

حلوة الحركه تعلن الصبح ان باجر الاعلان وبعد التداول ينزل الخبر لموقع حصري

ما شاء الله عندهم واسطه قويه موقع مباشر عند صناعات قطر والخليج الدوليه ؟؟!!

على اي حال ارباح قويه ونمو رائع وما زال للسهم صولات وجولات فوق الاربعين
الفترة القادمه

[qews]

يا msn و المايسترو
اخواني فكرو شوي انت ريال عاقل بالغ فكر شوي .. ممكن تقولي متى موقع مباشر نزل الخبر هل هو قبل جلسه تاريخ 28 ؟؟ اذا بنعم فهذا مشكله فعلا اما اذا بلا بشنو اثر الموضوع بموضوع الشفافيه اذا الخبر بكره بينزل في موقع البورصه الصبح ؟؟

هل مثلا عندك خطط تشتري السهم من شخص باتفاقيه خارج البورصه ؟؟ ومنها تكسب ؟

انا اخبر في السنين الي فاتو داخل مع واحد في سهم صناعات على ايام اسعار فوق 200 كل يوم نجوفه ينزل فطلب يبيع قالي لا رفضت وطلبت فلوسي بناء على سعر سووق ووافق ونزل السهم بعدها ..

اعيد واكرر الواحد ياخذها بالمنطق اهم شي بعد جلسه 28 وخلال يوم 29 ( اي قبل او بعد جلسه 29)

وانا اجوفها مافيها شي انتو على خطا 100% وماعمركم مدحتو شي بالبورصه دائما نسمع هالكلام انعدام من الشفافيه وتسيبات وكلام الى اخره

ولكم جميع الاحترام والتقدير

[msz]

يا msn و المايسترو
اخواني فكرو شوي انت ريال عاقل بالغ فكر شوي .. ممكن تقولي متى موقع مباشر نزل الخبر هل هو قبل جلسه تاريخ 28 ؟؟ اذا بنعم فهذا مشكله فعلا اما اذا بلا بشنو اثر الموضوع بموضوع الشفافيه اذا الخبر بكره بينزل في موقع البورصه الصبح ؟؟

هل مثلا عندك خطط تشتري السهم من شخص باتفاقيه خارج البورصه ؟؟ ومنها تكسب ؟

انا اخبر في السنين الي فاتو داخل مع واحد في سهم صناعات على ايام اسعار فوق 200 كل يوم نجوفه ينزل فطلب يبيع قالي لا رفضت وطلبت فلوسي بناء على سعر سووق ووافق ونزل السهم بعدها ..

اعيد واكرر الواحد ياخذها بالمنطق اهم شي بعد جلسه 28 وخلال يوم 29 ( اي قبل او بعد جلسه 29)

وانا اجوفها مافيها شي انتو على خطا 100% وماعمركم مدحتو شي بالبورصه دائما نسمع هالكلام انعدام من الشفافيه وتسيبات وكلام الى اخره

ولكم جميع الاحترام والتقدير

يعطيك العافيه اخوي على الرد..

اسمحلي أقولك ان اسلوبك مجحف وسلبتنا حقنا في إبداء راينا يوم انك تقول كلامنا خطا 100%!!!

الصح صح والخطأ خطا وواضح.. لما تجي ألشركه والبورصه ويحددون موعد 29 ابريل للإفصاح معناته ان الاعلان لااااازم يكون 29 سواء قبل او بعد الجلسه.. لان هالشي يعطي فكره على الالتزام واحترام القوانين واللوائح.. الخبر اخوي نازل ومعروف لدى البعض قبل 28 ابريل حتى وببرهنلك الشي في ردي..

الي صار هو انهم عطوا بعض الاشخاص ما يسمى "unfair advantage" والخبر تسربلهم عقب نزلوه او ""خصوا"" بالخبر موقع مباشر (وهو موقع غير رسمي) وموقع البورصه اخر من يعلم (مع انه الموقع الرسمي الي ""المفروض"" نستقي منه اخبار سوقنا)؟؟؟؟!!! ياخي وييين المنطق و وين العقل والحياديه في هالافعال؟!

واساسا التداول على السهم من جلسة يوم الخميس وفي جلسة يوم الأحد يوضح ويبرهن ان الاخبار متسربه لان السهم ما كان يقدر يكسر مقاومة ال40 قبلها .. ليش كسرها في جلسة الخميس وعقب كمل الأحد؟؟!!! حدث العاقل بما يعقل وانا اخوك..

انت تقول الاعلان نزل بعد الجلسه؟! ليش تفاعل السهم مع الخبر اثناء الجلسه؟!!!!

اخوي اذا تبي تعيش في دنيا الوهم وان الامور طيبه وبخير وكل شي تمام والشفافية ممتازه فهذا الشي يرجعلك.. ولكن الحذر كل الحذر من انك تلزمنا وتملي علينا امور لا تمت للواقعيه او المنطق بشيء..

رايك احترمه وقد يكون القليل من جزئياته صحيحه.. ولكني اختلف وياك في المجمل.. بورصتنا بعيده كل البعد عن الشفافيه والصراحه.. والأخبار تتسرب كما هو واضح من التداول وليس من كلامي او من مخيلتي..

لك كل الشكر واكتفي بهذا القدر من النقاش في هذا الموضوع لان إحنا قاعدين نناقش مسلمات واشيا معروفه للكل.. ما ادري ليش هالدفاع المستميت عن البورصه وشفافيتها من طرفك اخوي في حين ان الموضوع واضح للكل وعدم الشفافيه معروف للكل؟!

كما ذكرت ولتجنب النقاشات العقيمة في امور مسلم بها اكتفي بهذا الرد واترك الباقي للأعضاء لإبداء آرائهم والتعليق على موضوع الشفافيه والرد على أخونا qews..

لكم كل الشكر والسموحه طلعها عن محور الموضوع..

*

[فرهود]

انتهت حفلة الخليج الدوليه .واليوم سيبداء السهم رحلة التراجع .

[أبو~يوسف]

لا شفافية ولامصداقية لا في هذه الشركة ، ولا في غيرها ، الأخبار تتسرب للكبار قبل بأسابيع ، خبر شركة الكوت تسرب ، وتم التجميع على السهم من يوم كان حول 26 ، ثم نزل خبر الكوت للتأمين .
وترقبوا الطبية السهم يرتفع والشركة خسرانة ، أكيد في خبر متسرب.
هذا ظلم للمساهمين يجب على إدارة البورصة منعه .
والسلام .

[بوجبر]

العائد,91درهم والسهم في 40ريال مايسوى

[(المهندس)]

توزيعاته شحيحة لايستحق السعر الحالي

[كبير المتداولين]

نمو جيد بالرغم انه في الربع الرابع من السنه المنتهيه في الماضيه 146 مليون تقريبا ولاكن بشكل عام السعر السيوقي كعاده كل شركات بورصه قطر تسبق الخبر

[$...المبارك...$]

إذا كان هناك تسرب في الخبر فهذا يعني أن الخبر تسرب منذ تاريخ 19/02/2013 حينما هبط السهم من سعر 35 إلى سعر 32 و حدث تجميع من المحافظ على هذا السعر وخلال 7 جلسات تداول أغلق الفجوة عند سعر 34.75 وبعدها حدث جني أرباح

السهم فنياً : أعطى إشارة دخول في جلسة 21 مارس كان سعر الإغلاق 32.75 وحقق إرتفاع في 12 جلسة عند سعر 40.10

وبعدها حدث جني أرباح ونزل لسعر 36.20

وفي تاريخ 23 ابريل أعطى إشارة دخول حتى تاريخ يوم أمس 28/4/2013 حقق إرتفاع عند 42.30وأعتقد اليوم سوف يحدث جني أرباح


http://up.arab-x.com/May12/ELc17006.png

http://up.arab-x.com/May12/mva14699.png

بالتوفيق لملاك السهم

[msz]

التداول يشهد وتداول اليوم اكبر دليل على التسريب والمسخره الي صارت .. الحمدلله على كل حال وهذا الشي تعودنا عليه ولكن الجديد هو ان نجد من يدافع عن إدارة البورصه ومجالس الاداره ويحلل الحرام الي يسوونه......

عيل السهم ارباحه مرتفعه 50% ومب قادر يشيل نفسه؟!

اتمنى تكون اقتنعت اخوي qwes

[al_maystro]

يا msn و المايسترو
اخواني فكرو شوي انت ريال عاقل بالغ فكر شوي .. ممكن تقولي متى موقع مباشر نزل الخبر هل هو قبل جلسه تاريخ 28 ؟؟ اذا بنعم فهذا مشكله فعلا اما اذا بلا بشنو اثر الموضوع بموضوع الشفافيه اذا الخبر بكره بينزل في موقع البورصه الصبح ؟؟

هل مثلا عندك خطط تشتري السهم من شخص باتفاقيه خارج البورصه ؟؟ ومنها تكسب ؟

انا اخبر في السنين الي فاتو داخل مع واحد في سهم صناعات على ايام اسعار فوق 200 كل يوم نجوفه ينزل فطلب يبيع قالي لا رفضت وطلبت فلوسي بناء على سعر سووق ووافق ونزل السهم بعدها ..

اعيد واكرر الواحد ياخذها بالمنطق اهم شي بعد جلسه 28 وخلال يوم 29 ( اي قبل او بعد جلسه 29)

وانا اجوفها مافيها شي انتو على خطا 100% وماعمركم مدحتو شي بالبورصه دائما نسمع هالكلام انعدام من الشفافيه وتسيبات وكلام الى اخره

ولكم جميع الاحترام والتقدير

ولك الاحترام وياريت تخفف من اسلوبك وناقش من اجل الفائده
ما ادري عن اي شفافيه تتكلم وشركه تعلن اليوم انه بكره اعلانها ؟؟؟؟!
ما ظهرت يوم اعلن البنك التجاري فجاه وبدون اعلان ؟؟
وصناعات نفس سيناريو الخليج الدوليه
في السوق مطلعين تقدر تقولي ليش سموهم مطلعين ؟؟
من ناحيه المدح بالعكس اشيد دائما باي دور ايجابي يدعم الشفافيه بالسوق ولي
مشاركات سابقه فرجاءا لا تجزم بغير كذلك وتؤكد عليه

ولك الاحترام والتقدير ايضا

[برق لمع عالي]

السهم بيروح فوق ال 60 وسبب الارتفاع ليس بسبب اعلان الارباح الربعيه

وانما لان قطر للبترول حولت كل عمليات الحفر الخاصه بها من الشركات الاجنبيه الى الخليج الدوليه وهذ بيدبل الارباح او اكثر من ثلاث اضعافها كل سنه

[qews]

يعطيك العافيه اخوي على الرد..

اسمحلي أقولك ان اسلوبك مجحف وسلبتنا حقنا في إبداء راينا يوم انك تقول كلامنا خطا 100%!!!

الصح صح والخطأ خطا وواضح.. لما تجي ألشركه والبورصه ويحددون موعد 29 ابريل للإفصاح معناته ان الاعلان لااااازم يكون 29 سواء قبل او بعد الجلسه.. لان هالشي يعطي فكره على الالتزام واحترام القوانين واللوائح.. الخبر اخوي نازل ومعروف لدى البعض قبل 28 ابريل حتى وببرهنلك الشي في ردي..

الي صار هو انهم عطوا بعض الاشخاص ما يسمى "unfair advantage" والخبر تسربلهم عقب نزلوه او ""خصوا"" بالخبر موقع مباشر (وهو موقع غير رسمي) وموقع البورصه اخر من يعلم (مع انه الموقع الرسمي الي ""المفروض"" نستقي منه اخبار سوقنا)؟؟؟؟!!! ياخي وييين المنطق و وين العقل والحياديه في هالافعال؟!

واساسا التداول على السهم من جلسة يوم الخميس وفي جلسة يوم الأحد يوضح ويبرهن ان الاخبار متسربه لان السهم ما كان يقدر يكسر مقاومة ال40 قبلها .. ليش كسرها في جلسة الخميس وعقب كمل الأحد؟؟!!! حدث العاقل بما يعقل وانا اخوك..

انت تقول الاعلان نزل بعد الجلسه؟! ليش تفاعل السهم مع الخبر اثناء الجلسه؟!!!!

اخوي اذا تبي تعيش في دنيا الوهم وان الامور طيبه وبخير وكل شي تمام والشفافية ممتازه فهذا الشي يرجعلك.. ولكن الحذر كل الحذر من انك تلزمنا وتملي علينا امور لا تمت للواقعيه او المنطق بشيء..

رايك احترمه وقد يكون القليل من جزئياته صحيحه.. ولكني اختلف وياك في المجمل.. بورصتنا بعيده كل البعد عن الشفافيه والصراحه.. والأخبار تتسرب كما هو واضح من التداول وليس من كلامي او من مخيلتي..

لك كل الشكر واكتفي بهذا القدر من النقاش في هذا الموضوع لان إحنا قاعدين نناقش مسلمات واشيا معروفه للكل.. ما ادري ليش هالدفاع المستميت عن البورصه وشفافيتها من طرفك اخوي في حين ان الموضوع واضح للكل وعدم الشفافيه معروف للكل؟!

كما ذكرت ولتجنب النقاشات العقيمة في امور مسلم بها اكتفي بهذا الرد واترك الباقي للأعضاء لإبداء آرائهم والتعليق على موضوع الشفافيه والرد على أخونا qews..

لكم كل الشكر والسموحه طلعها عن محور الموضوع..

*

اولا اسمحلي على تاخيري في الرد لان كمبيوتر الشغل مايفتح منتديات
اخوي انا تكلمت عن نزول الخبر الرسمي والحصري على موقع بورصه قطر وتكلم على نزلوه خلني اقول مثال افضل
لنفترض 29 الافصاح لابد ان يكون قبل او بعد الجلسه صح ؟ اتوقع موافق عليها
الي صار ان الخبر نزل بعد جلسه بتاريخ 28 واتوقع من مصادر اخرى وحتى لو مصدر بورصه قطر بعد ماجوف فيها شي لان الخدمات الدوليه ارسلت اخبارها للبورصه والمفروض تنزله الصبح بتاريخ 29 والي صار نزلته بتاريخ 28 بعد الجلسه لاعطاء المستثمرين التفكير والدراسه في السهم

اما في حاله نزول الخبر في 28 قبل جلسه فهذي خطا وانا معاك

هذا توضيح لمقصدي

بس لاحظت ردك يردك في تسرب اخبار بين المستثمرين ( الشفافيه معدومه ) هذي شي طبيعي يعني تتوقع الي شرا صناعات 150 قبل ارباحها مايدري شسالفه ؟ ولي ياخذ الخدمات 38 مايدري شسالفه !! والى اخره من شركات اسهم واكبرهم بروه العقاريه

هاذي امور خارجه عن السيطره لان لازم الكنترول من الشركه نفسه لنفترض المدير العام يمسك الارباح واتباعه يخبر جماعته والعزيزين عليه وغير هاذا حسابات بنت بنته حاط فلوسها كلها ويلعب بتقوله شي البورصه وبتتعب لما تدور صدقني اعرف اشياء ماتنقال بالمنتديات

[qews]

التداول يشهد وتداول اليوم اكبر دليل على التسريب والمسخره الي صارت .. الحمدلله على كل حال وهذا الشي تعودنا عليه ولكن الجديد هو ان نجد من يدافع عن إدارة البورصه ومجالس الاداره ويحلل الحرام الي يسوونه......

عيل السهم ارباحه مرتفعه 50% ومب قادر يشيل نفسه؟!

اتمنى تكون اقتنعت اخوي qwes

التداول اليوم متوقع ومن زمان في مقوله يقالها ( بيع على الخبر )

[qews]

ولك الاحترام وياريت تخفف من اسلوبك وناقش من اجل الفائده
ما ادري عن اي شفافيه تتكلم وشركه تعلن اليوم انه بكره اعلانها ؟؟؟؟!
ما ظهرت يوم اعلن البنك التجاري فجاه وبدون اعلان ؟؟
وصناعات نفس سيناريو الخليج الدوليه
في السوق مطلعين تقدر تقولي ليش سموهم مطلعين ؟؟
من ناحيه المدح بالعكس اشيد دائما باي دور ايجابي يدعم الشفافيه بالسوق ولي
مشاركات سابقه فرجاءا لا تجزم بغير كذلك وتؤكد عليه

ولك الاحترام والتقدير ايضا

اخوي اقرى ردي السابق لاتستفيد اكثر ..
اما بنسبه للبنك التجاري ماعندي فكره
وبنسبه للمطلعين هم اعضاء مجلس الاداره واتباعهم حتى ( مادري اي درجه) بس السوال الميره واللاسهم الي قفزت اتحداك اعضائهم ماشرو شي كلهم مسكرين النسب بس مب غباء ان الواحد يشتري بحسابه ويبين للناس مستثمرين الميره يشترون با200 الف ويسكرون النسب بيصير تدافع
غالبا يفتحون حسابات لاحد من جماعتهم ( الهدف مب استثمار) انما فقط نزول الخبر المفجر والمكسب بلحضه ومع السلامه هذا هو الواقع

لاتلوم السوق في كل شي لوم الادارات الشركات ثم لوم البورصه

وتقبل تحياتي

[al_maystro]

اخوي اقرى ردي السابق لاتستفيد اكثر ..
اما بنسبه للبنك التجاري ماعندي فكره
وبنسبه للمطلعين هم اعضاء مجلس الاداره واتباعهم حتى ( مادري اي درجه) بس السوال الميره واللاسهم الي قفزت اتحداك اعضائهم ماشرو شي كلهم مسكرين النسب بس مب غباء ان الواحد يشتري بحسابه ويبين للناس مستثمرين الميره يشترون با200 الف ويسكرون النسب بيصير تدافع
غالبا يفتحون حسابات لاحد من جماعتهم ( الهدف مب استثمار) انما فقط نزول الخبر المفجر والمكسب بلحضه ومع السلامه هذا هو الواقع

لاتلوم السوق في كل شي لوم الادارات الشركات ثم لوم البورصه

وتقبل تحياتي
ما عليه ما عندك فكره عرفنا اليس هذا انعدام شفافيه وتقصير واضح
شركه اعلنت بدون موعد وفجأه نسميه مثلا قمه الشفافيه .
ما ادري انت شلون تفكر ادعوك لتفكر بهدوء قبل ما تدعو غيرك
بوضح لك السوؤال مرة اخرى ما العلاقه بين المطلعين وبين موعد اعلان ارباح الشركات؟؟؟!

[qews]

ما عليه ما عندك فكره عرفنا اليس هذا انعدام شفافيه وتقصير واضح
شركه اعلنت بدون موعد وفجأه نسميه مثلا قمه الشفافيه .
ما ادري انت شلون تفكر ادعوك لتفكر بهدوء قبل ما تدعو غيرك
بوضح لك السوؤال مرة اخرى ما العلاقه بين المطلعين وبين موعد اعلان ارباح الشركات؟؟؟!




15 يوم وقف تداول الموسسين قبل الافصاح مب متاكد بضبط