Vxr 2013 أو نيسان باترول 2013

[أبو يووسف]

السلام عليكم ورحمة الله
ودي أستشيركم بخصوص سيارتين متردد بينهم، وأبي أخذ وحده منهم هل يومين
متردد بين الفي اكس ار 2013 أو نيسان 2013
الي عنده خبره بالنيسان يفيدنا الله يجزاه خير
لأنه أسمع إنه النيسان خراباته أكثر والسيرفس ماله أغلى من التيوتا
وش تنصحوني يا الربع

[وحيد-الشوق]

انتظر النيسان 2014 افضل فيه تغيير فيس لفت اكيد

وبالنسبة للافضل اكيد النيسان

[ضاحي]

وعليكم السلام ورحمة الله وبركاته

اخوي نصيحة اخذ لك الفي أكس آر وانت مغمض وقت البيع سعره فيه والقرار لك.

[لطيف الروح]

اذا انت من النوع الي يفكرفي بيع السيارة قبل ان يشتريها خذ التيوتا
اما اذا تبي سيارة حق الاستعمال و رزة و ما عليها كلام اخذ نيسان 400 حصان وذلك من واقع تجربة

[أبو يووسف]

أشكر تفاعلكم معي
ولن الحين متحير
أني مب بايع الموتر قبل ثلاث سنين انشاء الله
الي اسمعه انه النيسان مب نفس التيوتا يتحمل كرف وفيه مشاكل ترتفع حرارته دائما وو

بس طبعا النيسان فيه اوبشنات اكثر
اذا باخذ نيسان باخذ الي هو 320 حصان

[بوفهد@]

انا مجرب الفي اكس ار والنيسان
اذا انت راعي بر ومطامر اخذ تويوتا
اذا انت راعي سفر وخطوط اخذ نيسان وانت مغمض
بالنسبه لقطع الغيار انا من ناحيتي ما شوف فرق كبير
نصيحه اخذ 400
واذا فلوسك كاش اخذ من البريمي ارخص بوايد والضمان ساري بالدوحه

[آلصآحب آلجديد]

الفكسار افضل مقارنه مع ال se،،واذا بتاخذ نيسان 400 مافيه مقارنه مع الفكسار .بالتوفيق

[برشلوني قطر]

انا مجرب الفي اكس ار والنيسان
اذا انت راعي بر ومطامر اخذ تويوتا
اذا انت راعي سفر وخطوط اخذ نيسان وانت مغمض
بالنسبه لقطع الغيار انا من ناحيتي ما شوف فرق كبير
نصيحه اخذ 400
واذا فلوسك كاش اخذ من البريمي ارخص بوايد والضمان ساري بالدوحه

انت متأكد اخوي الضمان ماشي ؟؟

لاني من شهر تقريبا كنت فالشركه وقالي

الي من الوكالات يمشي مثل السعوديه

والامارات بس ف سيارات تجي من الاساس

بدون ضمان من الشركه قلت له والبريمي

قالي منهم علشان جذي رخيصه وتقدر تتأكد

وتقوله وين دفتر الضمان

والله اعلم

[جاسم القطري]

ما ضيعنا الا التفكير في بيع السياره قبل ما تشتريها

سوق السيارتين واللي ترتاح له اشتره وتوكل على الله

[م.قطري]

ما ضيعنا الا التفكير في بيع السياره قبل ما تشتريها

سوق السيارتين واللي ترتاح له اشتره وتوكل على الله


كلام سليم :nice::nice:

[ضوى]

انا مثلك كنت محتارة بين النيسان والكروزر واخرتها اخذنا برادو

[A-Alansari]

تبي مواصفات النيسان افضل لكن السيرفس تعبان في وكالتهم بتعاني معاهم

التيوتا مواصفات اقل لكن السيرفس اريح وارخص

ويفضل انك تسوق الموترين انا ماجربت النيسان لكن الكل يقول سواقته مريحه لكن الوكيل والسيرفس الي مخرب كل شي

[بونووف]

النيسان عندهم خدمة متنقله .. تتصله ويجيك في اي وقت تبغيه يسويلك سيرفس كاااامل للسياره .. لاتاخير ولا صناعيه ولا بطيخ .. والخدمه ابلاش ماعليها رسوم زياده

[qatari 111]

خذ نيسان وانت مغمض كتجربه .. لا خرابات ولا كلام فاضي .. والسيرفس يجونك لين حوش بيتكم وانت قاعد تتغدى . وامورك طيبه يعني ماراح تشم ريحة الصناعيه .. وراح يزيدون عددها لسد الخدمه المتنقله ويش تبي بعد غير هالدلع .

واسعار القطع عاديه وبنفس الوقت تدووم .. اسأل المجرب ولا تسأل اللي يطلع الف عله وهو ما امتلكها من الاساس .. او امتلكها كم من يوم وباعها ويقعد يذم فيه .

بدليك على نيسان للبيع في معرض اسمه اعتقد 525 فالعزيزيه ماشي 150 الف كم روح جربه من الامور الميكانيكيه والبدي واذا حصلت فيه شي تعال حاسبني

[غير عنهم]

النيسان400 مافيه مقارنه كاستخدام ولاكن البيع اتوقع الفي اكس ار افضل

[راعي ال VXR]

اسم عضويتي راعي ال vxr
لكن سيارتي نيسان

[asulaiti]

بالنسبة لي كنت مثلك محتار بين vxr 5.7 والنيسان le 400 ..
الموديل وقتها كان 2011 .. وبعد المقارانات بين المستوى والجودة والفخامة اخترت النيسان ..

ولم أندم على اختياري .. بل أفكر بالسيارة القادمة تكون نيسان كذلك ..

ونصيحتي خذ le 400 .. في البيعة أفضل ويمسك سعره شوي أفضل من se 320 ..

بالتوفيق ..

[تمون]

يارجال لاتقرب النيسان خصوصا ٤٠٠ حصان من واقع تجربه مريره معاه

اول شي حرارة السياره ترتفع وكل ما اودي السياره الوكاله قالوا لي خلاص حلينا المشكله وتفاجأء ان المشكله ما انحلت لدرجة ان مره من المرات تفشلت مع هلي في مركز البطحا السياره جديده وانا واقف فالزحمه و في الحر مطفي السياره و المكيف و حالتي لله قمة الفشيله و الاحراج

ثاني شي شاشة السياره تعلق تضربها ام العبيد و تشير لاتغير لاتطول لاتقصر ولا تسوي شي لازم توقف و تطفي السياره و تشغلها مره ثانيه عشان ترد تشتغل هاي سياره في ذمتك ؟

ثالث شي لين غسلت السياره خصوصا لين غسلتها جيك شيك على ربلات البيبان بتلاقيها طالعه من مكانها عادي عادي ركبها مره ثانيه

رابع شي الطبلون يقرقع يطلع اصوات نفس اصوات الفلين اصوات تنرفز الصراحه

لكن فيه بالمقابل مزايا حلوه لكن ماتستاهل هالمزايا ان الواحد يتشحطط عليها

خذ في اكس ار و انسى حراره قرقعه هالخرابيط مافيه مع التيوتا يمكن النيسان فيه شوية مزايا تفرق عن تيوتا بس ليش اشحطط نفسي عشان ثبت سرعه ذكي و مادري شنو

وانا يالغالي اكلمك من واقع تجربة شخصيه

[وحيد-الشوق]

انا مجرب الفي اكس ار والنيسان
اذا انت راعي بر ومطامر اخذ تويوتا
اذا انت راعي سفر وخطوط اخذ نيسان وانت مغمض
بالنسبه لقطع الغيار انا من ناحيتي ما شوف فرق كبير
نصيحه اخذ 400
واذا فلوسك كاش اخذ من البريمي ارخص بوايد والضمان ساري بالدوحه

البريمي بدون ضمان ومستحيل الشركة تفتح لك ضمان عالبريمي والمعارض وايد يقصون على خلق الله

ارجو منك التحري والدقة عشان محد يتوهق من الاخوان

[أبو يووسف]

بناء على رأي الأكثرية فقد قررت ان شاء الله أن أخذ نيسان باترول 320 حصان، وراح أوفر علي تقريباً 70 ألف ريال
وأشكركم جميعاً على ردودكم الطيبة

[وحيد-الشوق]

بالمبارك بس لو تتنظر موديل 2014 في تغييرات حلوة فيس لفت

[المجروح81]

انتظر موديل 2014 بيكون له فيس لفت

[بوخالد911]

نيسان 400 حصااااان


والله الموفق

[راعي ال VXR]

نيسان 400 حصااااان


والله الموفق

صحيح اخوي ونا بعد انصحك فيه قوة وعزم وقومته حلوه

[جنيه ذهب]

النيسان عندهم خدمة متنقله .. تتصله ويجيك في اي وقت تبغيه يسويلك سيرفس كاااامل للسياره .. لاتاخير ولا صناعيه ولا بطيخ .. والخدمه ابلاش ماعليها رسوم زياده

وين هالخدمة وكم رقمهم ولا تهون انا راعي نيسان باترول واول مره اسمع على هالخدمه :secret:

[بوخالد911]

النيسان عندهم خدمة متنقله .. تتصله ويجيك في اي وقت تبغيه يسويلك سيرفس كاااامل للسياره .. لاتاخير ولا صناعيه ولا بطيخ .. والخدمه ابلاش ماعليها رسوم زياده

ممكن تلفونهم:telephone::telephone::telephone:

ولا تهون