رأيت شي أعجبني هل انت مع ام ضد

[بنت قطريههه]

السلا م عليكم ورحمه الله وبركاته. رأيت شي أعجبني في السعوديه اتمنى تطبيقه هنا رأيت اماكن مخصصه لبيع الملابس النسائيه الخاصة وتكون محاطه بالخشب ولها بوابه ولوحه كتب عليها ممنوع دخول الرجال ماهو رأيك سيدتي لو طبق هنا في قطر وانت اخي الرجل ملحوظه البائعات سعوديات وشكرا

[ضوى]

طبعا مع ومع ومع

الله يرزقناونشوف هالشي بقطر اميييين يااارب

[البحار00]

شئ طيب

أتمنى تطبيقه في قطر

مع ان والله اغلب هالقطر لا راحو مع حريمهم السوق

وجو هله يدخلون محل ملابس حريم يوقفون برة المحل مايدخلون

[أخت الكل]

يااااااليت ومن كل قلبي اتمنى تطبيقه في قطر

[بصمة قطرية]

نتمنى
سبق و طرح موضوع قريب من هالموضوع
و الكل كان مؤيد لفكرة إن المحلات النسائية
بالأخص اللي تختص بالملابس الخاصة
تكون البائعات نساء
و يمنع دخول الرجل ..
ما شفنا أي تاجر فكر يطبق هالفكرة ..!!!!
إلا يعرضون الملابس في الواجهة
الوحدة تنحرج تدخل ..!!

[Aaziz]

بدون نقاش الكل مؤيد ... ولكن مثل هذا القرار يحتاج تشريع و سن قانون من قبل البلديه او وزاره التجاره او الجهه المعنيه .

حاليا مافيه شي يجبر اصحاب المحلات على تعيين سيدات في هذا المجال ولا يوجد قانون يجبرهم على حجب الرؤيه و منح المتسوقين خصوصيه داخل المحل .

[أبوهيا]

الحين خلهم بالاول عندنا يمنعون الشاذين جنسيا ومن الرجال يبيعون بمحلات النسائيه
عقب خلنا نقول يسون سوق خاص بالنيساء

[امـ حمد]

صحيح انا رحت الرياض وشفت سوق مخصص للحريم لبيع الملابس الداخليه وجميع مستلزمات النساء
وممنوع دخول الرجال وأتمنى ان يطبق عندنا في قطر

[R 7 A L]

الأهم من كتابة ( ممنوع دخول الرجال)

ان تكون البائعة بدل بائع

[باراكودا]

ماينفع عندنا في ظل وجود العمالة الفلبينية واللبنانية والسورية في محلات بيع الملابس النسائية .

[مابدل العادات]

ماهو هاي الشيء كان مطبق في قطر من قبل

وكان مطبق على محل نعومي الي في الاند مارك والستي سنتر ولاكن شوي شوي افصخو الحيا ولا لقو احد يردعهم فاكملو على نفس المنهج

وأظن إذا ماخانتني الذاكره انه في محل داخل اسواق الغرافه الي جنب دسمان الجوزات الحمدلله انه للحين معتم ومكتوب عليه ممنوع دخول الرجال

واتمنى يرجع تطبيق هاي القانون من كل قلبي

[بونووف]

شالفايده بارتشن وو تدخل المره من غير ريلها واخر شي البايع رجل ..؟
وبعدين اغلب الازواج مايدخلون مع حريمهم هالمحلات اللي كلها حريم تلاقونهم ينتضرون برع

مع كشف المحلات اذا كان البائع ذكر
ومع تعتيم المحلات اذا العكس ومع منع دخول الرجل

[قطريه22]

للعلم فقط اغلبية الاماكن في السعوديه الي تبيع ملابس نسائيه رجال للاسف وتوهم من قريب يشغلون حريم

والمحلات معروفه وفي مجمعات بعد

[bos3eed]

مع وبقوة

[بنت قطريههه]

السلام عليكم ورحمه الله اشكر جميع الاخوان والأخوات الذين تجاوبوا مع الموضوع هذه الظاهرة جديده في السعوديه ولاقت نجاح كبير وزياده في المبيعات عند قسم النساء لان البائعات سعوديات فمنها ان البائعات سعوديات ومنها ان هناك مورد اخر لبنت البلد وشغل شريف واستفادت من الوقت اتمنى تفعيل هذا بالمطالبة من التجار تشغيل البنت العربيه لتعم الفاءده على الجميع

[باراكودا]

المكشوف أحسن من المستور
مشاكل المستور أكثر
والتجربة نجحت في السعودية بسبب عمل السعوديات
عندنا مافي امل مواطنة تشتغل في هذا المجال
أفضل حل تشغيل بائعات من مواليد قطر من شبه القارة الهندية وأيران والصومال .

[ام السعف]

طبعا مع ومع ومع

الله يرزقناونشوف هالشي بقطر اميييين يااارب

:nice:

[ام السعف]

المكشوف أحسن من المستور
مشاكل المستور أكثر
والتجربة نجحت في السعودية بسبب عمل السعوديات
عندنا مافي امل مواطنة تشتغل في هذا المجال
أفضل حل تشغيل بائعات من مواليد قطر من شبه القارة الهندية وأيران والصومال .

الحين المحلات اللي في المجمعات كلهم حريم اللي يبيعون

بس طريقة عرض الملابس والمنيكانات والصور هي اللي مقززة وفاقدة
للأدب والاحترام في الاماكن العامة ،،

فلو خلوا المداخل محترمة ومافيها عروض مكشوفة
يكون افضل من الوضع الحالي ،،

وفي سوق الجبر ياليت يوصل صوتنا للبائعين وقبلهم هناك المسؤولين
لطريقة
عرض البضاعة واللي تكون عليها صور مب عارفة
اشلون مسموح عرضها والكل يشوفها !!!

[بوحارب]

إحنا بلاد سياحية عيب نسوي هالحركات وش يقولون عنا الأجانب :)

الله المستعان

[ام السعف]

إحنا بلاد سياحية عيب نسوي هالحركات وش يقولون عنا الأجانب :)

الله المستعان

منور يا باشا،،
خلاص اللي يقول عليه بوحروب يمشي :shy: