(مُفاجأة) إلى كل شخص لم يستطع دخول جامعة قطر لأي سبب كان!!

[غالية قطر]

أخواتي اخواني اعضاء المنتدى .. السلام عليكم ورحمة الله وبركاته ..


اليوم سمعت خبر حلو حبيب أقوله لكم وخاصتا حق إللي ما قدر يكمل في جامعة قطر بسبب النسب أو الإنجليزي أو لأنه ما يقدر يدخل التخصص إللي يحلم فيه ..

شوفوا الله يسلمكم .. اليوم اتصلت بجامعة قطر وقتلهم انا ابي ادخل تخصص ثاني غير علمي لان علمي كله بالإنجليزي بس للأسف نسبتي ما تدخلني التخصصات اللي انا ابيها عندكم حل ؟

قالولي يصير بس بشرط تجيبين 24 من 36 في امتحان الرياضيات ACT واي تخصص ممكن تدخلين مهما تكون نسبة قبوله :)

قلت حلو .. يعني نفع النقد اللي نقدناه على هاي الجامعة :nice:

انا عن نفسي اقدر ادخل التخصصات العلمية لان نسبة القبول فيها 70 وما فوق وانا الحمد لله جبت فوق الـ70 .. ولكن حق اللي نسبته اقل من جذيه ويبي يدخل علمي لازم يجيب توفل ورياضيات ACT .. ودراسة كلها بالانجليزي :secret:

بس اعتقد لازم يكون تخصصة علمي في الثانوية ..

خلاصة الموضوع :

تقدر ترجع للجامعة وتكمل دراستك بالعربي وما يهم النسب ابد فقط عليك تشد حيلك في امتحان الرياضيات ACT .. وبدون تأسيسي ولا هم يحزنون :)

ـــــــــــــــــــــــــــــــــــــــــــــــــ

بس في شي قاهرني وباط جبدي دامكم رجعتوا الجامعة تنطق بالعربي ايشحقه مخلين امتحان الرياضيات بالانجليزي ؟! ليش ابي افهم ؟!

ما شردنا من الجامعة الا بسبت الانجليزي :anger1:

يا كرهي لهاي اللغة !!

[بصمة قطرية]

يعطيج العافية
الله يوفقكم ،،

يصير أرجع الجامعة أكمل :secret:
أبي إنجليزي :secret:
أكره الرياضيات :sneaky::sneaky::sneaky:

[فيروزه]

جزاك الله خير عالطرح يسلمووو

[نورالهدى]

هذا الحل موجود من زمان
البديل للنسبه
والبديل للشهاده الثانويه القديمه اللي صار لها 10 سنين وأكثر
بس ياترى
امتحان الرياضيات والانجليزي الواحد يقدر يجتازه
بالنسبة لي أشوف الشرط مب سهل
اعادة الثانويه أسهل

[همر]

تعلموا انجليزي ذبحتكم العيازه يهالوه يدشون الروضه في صف اول ابتدائي يرطنون انجليزي !!!! تعلموا بارك الله فيكم وفكونا من سوالف بوت ذس اند ذس بس ذس نو ذس يس ذس خلاص ذس !!!!

[LiL iNVe$ToR]

هذا الحل موجود من زمان
البديل للنسبه
والبديل للشهاده الثانويه القديمه اللي صار لها 10 سنين وأكثر
بس ياترى
امتحان الرياضيات والانجليزي الواحد يقدر يجتازه
بالنسبة لي أشوف الشرط مب سهل
اعادة الثانويه أسهل

ايه نعم, هالحل موجود من زمان ومذكور في موقعهم.

[نجدي قطري]

بوت ذس اند ذس بس ذس نو ذس يس ذس خلاص ذس !!!!



هذي حلوة، ما سمعتها من قبل. أخبر إنتصار الشراح آي آي آي آي آي آي ...

[monatee]

جربنا هالشي وماعندي اي مشكله في الانجليزي ،، ولكن امتحان الرياضيات كان تعجيزي بالنسبه لي

شهادتي الثانويه ادبي ،، وامتحان act رياضيات علمي بحت

وكنت ابي تخصص ماله اي دخل بالرياضيات لا من قريب ولا من بعيد

وفوق هاي صعوبه تنسيق اوقات المحاضرات مع دواماتنا ،،، يعني كله واحد لا زالت جامعه قطر حلم صعب المنال

[basma222]

هالكلام من زمان
من اكثر من 4او 5سنوات

اللى نسبته اقل من نسبه الجامعه يقدم امتحان انجليزي و رياضيات5 ونص النجاح في الانجليزي و24 النجاح في الرياضيات

[Aisha.1989]

للعلم ..

الدراسه باللغه العربيه والانجليزيه معا

مافي شي اسمه عربي بروحه لان كل الكتب عندنا بالانجليزي

وانا حاليا ادرس عالخطه الجديدة وادرس بالعربي والانجليزي

والرضيات والاحصاء كلهم لازم ناخذ بالانجليزي بالاضافه الى انجلش 1 و 2 و انجلش كميونكيشن 1 و 2

^^

[غالية قطر]

يا جماعة صلوا على النبي وافهموا الموضوع صح ..

ما يحتاج انجليزي (توفل ) حق التخصصات الادبية مثل عربي - تاريخ - علم نفس- علم اجتماع - جغرافيا - دراسات اسلامية - قانون - إدارة واقتصاد - اعلام ..

هذه التخصصات جميعا تدرس بالعربي بدون مواد انجليزي ما عدا إدارة وإقتصاد وإعلام تدخل في دراستها مواد بالانجليزي ...

لكن اعتقد ربما يكون في مادة انجليزي بسيطة جدا لكل هاي التخصصات .. واعتقد يسمونها انجليزي 1 وانجليزي 2 مثل عربي 1 وعربي 2 ..


اما التخصصات العلمية هي اللي تحتاج توفل لأن دراستهم كلها تعتمد على الانجليزي من الاساس ..

فشروط قبول التخصصات الأدبية فقط رياضيات بدون انجليزي ..

وشروط قبول التخصصات العلمية توفل (انجليزي) + رياضيات ..

ــــــــــــــــــــــــــــــــــ

أنا الصراحة سألتها قتلها هالموضوع والقبول الإسثنائي من زمان عندكم ؟

قالتلي : لا..... قرار جديد !!

ـــــــــــــــــــــــــــــــــ

اعتقد هذا القرار أُنشئ بعد تحويل الجامعة بالعربي .. يعني من 2011 .. من سنتين !!

وعلى فكرة احنا عندنا في مبنى البنات أزمة كبيرة وهي( اللعانة ) من زمان واحنا نعاني من هاي الأزمة .. لأن الموظفات ما يتعاونون مع الطالبات أبدا واسلوبهم استغفر الله .. وأخبر رحت من سنة الجامعة أسأل عن وضعي هل أقدر أغير تخصصي ولا لا .. قالولي: لا ....... يا تدرسين المتاح أو تعيدين الثانوية!!

وما قالولي عن الوضع الإستثنائي .. فحبيت أقوله لكم عشان تعم الفائدة ..

ــــــــــــــــــــــــــــــــــ

وبالنسبة لموقع الجامعة ... أنا أكثر وحدة تدخل هاي الموقع وما لقيت فيه هاي الكلام .. يجوز مكتوب بالإنجليزي ... مادري ..

ــــــــــــــــــــــــــــــــــ

اسمحلي اخوي همر ..

مافي كثري درس الإنجليزي لكن مافي فايدة كأنك تنفخ في قربة مقطوعة !!

على فكرة أنا في المواد العلمية جدا متميزة وذاكرتي تمام حتى مع المواد الحفظية.. وحتى قواعد اللغة الإنجليزية أسهل شي عندي لأنها فهم مثل الرياضيات (احفظ القاعدة وحل على اساسها ما يهم المتغير ) مع أن اللي حولي يشتكي من القواعد !!

أما اللغة فتحاج ممارسة + سماع أكثر ... وأنا لا أمارسها ولا أحب أشوف الأفلام كلش (ما أطيقها) ..

كل شي بالعربي أقدر أحفظه وأفهمه إلا الإنجليزي مستحيل بعد كل تجارب الفشل ارجع وادرس هاي المادة ..

تحياتي للجميع نورتونا :)

[ريومه87]

حبيبتي هالحل من زززمان مو توه :)
بس شكلج ماكنتي تدرين او محد قالج

وترى امتحان القبول act لاتظنين انه سهل
صعب ويبله ممارسه قبلها وتدريب

الله يوفقج يارب

[ريومه87]

لاني أنا نسبتي ضعيفه وبغيت ادخل اداره واقتصاد بس للأسف ماجبت الدرجه المطلوبه في امتحان الرياضيات بالانجلش act اللي هي 24 ف ماجتزت هالامتحان
كان صعب

[khalid Qtr]

هذا النظام موجود منذ إلغاء التأسيسي بداية 2012 ..

بالتوفيق للجميع

[راشد محمد]

يعطيج العافية

[MS.TOMA]

ايضا عندك تدرس في كليه المجمتع تاهلك الدراسه في جامعه قطر ..

[غالية قطر]

حبيبتي هالحل من زززمان مو توه :)
بس شكلج ماكنتي تدرين او محد قالج

وترى امتحان القبول act لاتظنين انه سهل
صعب ويبله ممارسه قبلها وتدريب

الله يوفقج يارب


لا والله محد قالي مع اني دايما اسأل ..

والموظفة تقول قرار جديد !!

صعوبة الـact لأنه بالإنجليزي فقط .. بالنسبة لي طبعا ..

أما الرياضيات هي أحلى وأسهل مادة درستها في حياتي :)

شرفني مرورج

[غالية قطر]

لاني أنا نسبتي ضعيفه وبغيت ادخل اداره واقتصاد بس للأسف ماجبت الدرجه المطلوبه في امتحان الرياضيات بالانجلش act اللي هي 24 ف ماجتزت هالامتحان
كان صعب


اها .. إن شاءالله بتتوفقين في المرة الثانية .. وايد ناس عادوا هاي الإمتحان أكثر من مرة عشان يجيبون النتيجة المطلوبة ..

انصحج بكتاب :

The Real ACT Prep Guide

يمدحونه .. وفالج التوفيق يارب ..

[غالية قطر]

ايضا عندك تدرس في كليه المجمتع تاهلك الدراسه في جامعه قطر ..


:):):):):):):):):):)

دراستها كلها بالإنجليزي وهاي عقدي :secret:

شكرا على مرورك الطيب ..

تحياتي للجميع

[um.7moody]

واللي أنطرد من الجامعة من حوالي 8 سنين يقدر يقدم هالامتحان ويدخل الجامعة ؟

[غالية قطر]

واللي أنطرد من الجامعة من حوالي 8 سنين يقدر يقدم هالامتحان ويدخل الجامعة ؟


هلا اختي ..

والله مادري انتي سئلي وان شاءالله خير ..