هل تسمحين\ح أن يناديج\ك زميل العمل بهذه الطريقة؟

[موعدنا الجنة]

السلام عليكم

أثناء عملي سمعت أحد الموظفين ينادي زميلته بالعمل (فطوم)
هل ترضين بهذا الشي؟؟
و نفس الشي لك، هل ترضى أن تناديك زميله العمل ب (عبود) مثلا؟؟


تحياتي

[Dana’1]

لأ طبعا...!!

[عوآآآآشـي]

عليكم السلام ورحمة الله وبركاته

طبعا ماارضى الا اذا انا سمحت له يناديني بهالطريقة من البداية

[أبو~يوسف]

الاختلاط فتنة مستطيرة ، وأعظم شرره اضمحلال الحياء شيئا فشيئا .
وما يناقش الآن على أنه مسموح أو غير مسموح ، غدا سيكون من المسلمات ومن أريحية العمل ، ومقتضيات الزمالة.
وسيكون الكلام فيه من الرجعية السحيقة ... ولا حول ولا قوة إلا بالله .

[حمد 2002]

الحمد لله ماجربت هالشيء لأني بمكان غير مختلط :)

[بـــــدوي]

يابلفيت من الميانه الزايده ، بصراحه اشوفها حركات صبيانيه مالها داعي وحلاة الرجال يحشم عمره ويحشم بنات الناس

[القعقاع]

يدل على قله الاحترام وارفض بشدة على هذه التسمية فطوم او عبود

[نجدي قطري]

ما تخيّلت بيجي يوم وبينطرح مثل هالسؤال.
الله يستر علينّا من الجاي.

[حمد 2002]

بعض البنات الله يهداهم مطيحين الميانه مع الشباب ، كنه اخوها مب زميلها بالعمل

(( المحترمه تحترم وغير المحترمه لاتحترم ))

[موعدنا الجنة]

عليكم السلام ورحمة الله وبركاته

طبعا ماارضى الا اذا انا سمحت له يناديني بهالطريقة من البداية

كلام سليم، على قد ما يسمح الواحد يتجرأ الشخص الثاني و يتمادى أكثر، و كل ما كان في حدود كل ما انجبر الشخص على الاحترام

[موعدنا الجنة]

الاختلاط فتنة مستطيرة ، وأعظم شرره اضمحلال الحياء شيئا فشيئا .
وما يناقش الآن على أنه مسموح أو غير مسموح ، غدا سيكون من المسلمات ومن أريحية العمل ، ومقتضيات الزمالة.
وسيكون الكلام فيه من الرجعية السحيقة ... ولا حول ولا قوة إلا بالله .

عن نفسي، اتمنى ان لا نصل غدا إلى مثل هذه الاخلاقيات اللي تتنافى مع دينا أولا و أخيرا. صج زمن صعب

[موعدنا الجنة]

ما تخيّلت بيجي يوم وبينطرح مثل هالسؤال.
الله يستر علينّا من الجاي.

أنا صراحة انصدمت يوم سمعت هالشي وربي ما تخيلت أسمعه فيوم

[موعدنا الجنة]

بعض البنات الله يهداهم مطيحين الميانه مع الشباب ، كنه اخوها مب زميلها بالعمل

(( المحترمه تحترم وغير المحترمه لاتحترم ))

عامل كما تحب ان تعامل

[نوار قطر]

صبااح الخير ..لا طبعا ومستحيل هالشي يصير الا اذا الطرف الثاني هو الي سامح له يتعدى حدوده معاه...

[bos3eed]

الله يستر على بنات المسلمين, الاختلاط صعب واذا الواحد والوحده ما التزموا حدودهم طبيعي تصدر مثل ها التصرفات.

[ضوى]

عسى ماشر يناديني جذي ؟؟


لا طبعا ولا ممكن

[شبح الصمت]

لا طبعا تناديني باسمي وباحترام

وبناديها باسمها وقبلها بقدم عليها اختي

وين عايشين !!!

احترم لكي تُحتـرم

[راشد محمد]

عامل الناس باخلاقك لا باخلاقهم

[رفيق الصحراء]

بصراحه فيه ومرت علي من قبل
وسمعتها من احد الموظفات
بس مو دايم
مادري ايش ممكن نطلق عليها هل طايحه الميانه هل قلة احترام الله واعلم ماعرف في اي خانه ممكن اصنفها

وهو مو على الاسم يبين قلة الاحترام هي على التصرفات ممكن وحده تنادي واحد او العكس عبود او فطوم بس فيه احترام بينهم وفي ممكن يناديها فاطمه او تناديه عبدالله وهم نص كلامهم مافيه احترام لبعض

فمو بالاسم اتوقع يعني مادري بعد

[مسمس12]

مستحيل طبعااااااااا

[dm styal]

بو الفيت اصدقاء عمل أو فريق عمل يسمونه الحين اخبر قطر كانت الدولة الخليجية الي شبابها يستحون من مخالطة النساء في العمل مع التقدم الحين جدام عيني كنت مع زوجي في احدى الفنادق نفطر وشفت بنات مع شباب في مجال الشغل اعتقد دوره او محاضرة عندهم المهم قاعديين مع بعض ضحك وسوالف ماتبيه يقولها فطوم أو تقوله عبود لا خلاص بعد كلنا عيش وملح مع بعض باقي نطلع بعد العصر مع بعض .استغفر الله العظيم
الله يهديهم ان شاء الله إلى يعرف الله زيـــــــــــن بيعرف ان هذا من علامات الساعه الكبرى وبعد بتشوفون اكثر .

[الشاااهين]

اقول لو على عبود وفطوم السالفه تهون بكره مايندرى شيصير والطامه الكبرى الاخت متزوجه وام عيال بعد والزوج المسكين مايدري شسالفه .

المرأه الشريفه اللي تشرف دينها قبل وتحشم اهلها ولا بعض الرجال ماعليه شرهه اذا عطته وجه ومعظم النار من مستصغر الشرر.

الله يكفينا الشر ويستر على بناتنا وخواتنا

[R 7 A L]

مصخرة
وقلة ادب

[أم نواري1]

يخسى

أصلا اللي من هالطينة تقطعين تعاملج معاه نهائيا
حتى لو العمل يقتضي إنج تتعاملين معاه

تخلين التعامل كتابي مع مراسل أو غيره

[رمح الضعاين]

المفترض الموظفه تضع لها حدود وقيود بالعمل وتكون (رسميه ) مع جميع الرجال

هذا المفترض

بس للاسف بعض الموظفين والموظفات فاهمين علاقات العمل خطأ يضنون انها علاقه اسرية

هناك فرق بين مجال العمل وبيئه اسريه بالمنزل

اتمنى كلن يضع له حدود وقيود ورسميه بالتعامل

عيب اتنادي رشود ولا فطوم شهالكلام عمى بعينهم < لم يروق له تصغير الاسم
اخوكم

[أبوهيا]

شكثر ينادون بعض
لحد يقولي ماعمره سمع كيوتل البنوك الوزرات. ياما سمعنا
أنا مره بمدينه خليفه بالمرور داخل اسمع عسكري ينادي مريوم!!
هذا اعتبره 1 بالميه من ضريبه الانفتاح والاختلاط

[@north_star@]

اذا هي رضيت تشتغل بمكان مختلط فاكيد بتسمع وتشوف العجب

[نوار قطر]

اذا هي رضيت تشتغل بمكان مختلط فاكيد بتسمع وتشوف العجب

اشتغلنا في اماكن خلط ولا عمرنا شفنا هاللي تقولون عنه ... الي محترم نفسه بيفرض احترااامه على الكل....

[الناايفه]

لا اسمح

[موعدنا الجنة]

بو الفيت اصدقاء عمل أو فريق عمل يسمونه الحين اخبر قطر كانت الدولة الخليجية الي شبابها يستحون من مخالطة النساء في العمل مع التقدم الحين جدام عيني كنت مع زوجي في احدى الفنادق نفطر وشفت بنات مع شباب في مجال الشغل اعتقد دوره او محاضرة عندهم المهم قاعديين مع بعض ضحك وسوالف ماتبيه يقولها فطوم أو تقوله عبود لا خلاص بعد كلنا عيش وملح مع بعض باقي نطلع بعد العصر مع بعض .استغفر الله العظيم
الله يهديهم ان شاء الله إلى يعرف الله زيـــــــــــن بيعرف ان هذا من علامات الساعه الكبرى وبعد بتشوفون اكثر .

اي والله من علامات الساعه، الشخض اللي يفكر فاللي قاعد يصير راح يعرف هالنتيجة، بس المشكله مافي التزام بالدين، و تفكير الشباب و البنات الحين تغير، الله يهدي الجميع و يصلح اعيالنا يا رب

[موعدنا الجنة]

اقول لو على عبود وفطوم السالفه تهون بكره مايندرى شيصير والطامه الكبرى الاخت متزوجه وام عيال بعد والزوج المسكين مايدري شسالفه .

المرأه الشريفه اللي تشرف دينها قبل وتحشم اهلها ولا بعض الرجال ماعليه شرهه اذا عطته وجه ومعظم النار من مستصغر الشرر.

الله يكفينا الشر ويستر على بناتنا وخواتنا

حتا الرجال لازم المفروض يكون مقدر، أذكر موقف سمعت فيه أن وحده مديرها قاطعها بالاجتماع ليش قالت له أستاذ!! و قال لها ليش ما تناديني باسمي!!

الحين شنو المهم؟ موضوع الاجتماع و لا اشلون تناديه؟


الله كريم بس

[موعدنا الجنة]

المفترض الموظفه تضع لها حدود وقيود بالعمل وتكون (رسميه ) مع جميع الرجال

هذا المفترض

بس للاسف بعض الموظفين والموظفات فاهمين علاقات العمل خطأ يضنون انها علاقه اسرية

هناك فرق بين مجال العمل وبيئه اسريه بالمنزل

اتمنى كلن يضع له حدود وقيود ورسميه بالتعامل

عيب اتنادي رشود ولا فطوم شهالكلام عمى بعينهم < لم يروق له تصغير الاسم
اخوكم

صحيح، الحدود اهي اللي تحكم العلاقات فالعمل، و كلها لازم تكون تحت الالتزام بالدين و الاخلاق و الاحترام.

[موعدنا الجنة]

اذا هي رضيت تشتغل بمكان مختلط فاكيد بتسمع وتشوف العجب

مب شرط هالكلام، و المشكله مش موجه للبنت بس، حتا الرجل أعتقد ما يرضاها لنفسه، المشكله فالالتزام مهما كان مكان و طبيعه العمل، المحترم محترم فكل مكان.

[Rider]

انا اسمح مادام المرأة رضت على نفسها ان تعمل وسط الرجال ماذا تتوقع تستاهل الي يجيها الي تبغي تحشم نفسها ياتشتغل في مكان كله نساء ولا تقعد في بيتها ابرك لها مازادت مشاكل النساء الي بعض ماطلعوا من بيوتهم

[بوالبيض]

الاختلاط مشكله لابد من فصل البنات حق الرجال

[maryam5]

اكيد مرفوض...

[dream~qa]

الشخص اللي يصل إلى هالمستوى معروفة أخلاقه من أي نوع سواء المنادي أو المنادى عليه .

( المحترم ) سواء الموظف أو الموظفة ما راح يتمادى على غيره ولا يخلي غيره يتمادى عليه .

[Al-Kuwari]

ههههههههههههههههههههههههههه شدعوه اناديها فطوم

تخيلت الموقف واني طرف فيه وبصراحة ماقدرت اوقف ضحك هههههههههههههههههه

[الأصيلة]

هذا من قلة أدب الإثنين
لو كانوا متربين على الإحترام والأدب كان ماتجرأوا على بعض
مهما طالت مدة العمل ووصلت الصداقة..
هذا فقط بين الأخ وأخته والزوج وزوجته والأقارب درجة أولى..

واعتقد هذا الموقف نادرا مايحدث ما أتصور فيه أكثر من 2 أو 3 بهذا المستوى...

[مبرمج QA]

يابلفيت من الميانه الزايده ، بصراحه اشوفها حركات صبيانيه مالها داعي وحلاة الرجال يحشم عمره ويحشم بنات الناس

[Q6000]

لا طبعا الا أذا كان زوج أو محرم و الأفضل ان لايكون في جهه العمل لأنه ليس من اللباقة. و بين الرجل و النساء الأجانب هذا الأسلوب ليس مرغوب فيه بتاتا من الناحيه الشرعية. بل وصانا ديننا الحنيف أن يكون التعامل مع مع الجنس الأخر (غير الأهل و الأقارب طبعا) بشكل رسمي و أسلوب الجديه سدا للفتنه.

[لولو2022]

اشتغلنا في اماكن خلط ولا عمرنا شفنا هاللي تقولون عنه ... الي محترم نفسه بيفرض احترااامه على الكل....


اسمحيلي يا نوار انا دايما احترم كتاباتج
بس هالجملة غلط ،، مثل الي ثوبه ابيض ودخلته امه في غرفه كلها طين وتقول له ياويلك ان وصخت اثيابك شلون ، مايقدر مهما حاول راح يتعب اول الايام بس بعدين خلاص راح يتعود على الطين
انا شفت الي يشتغلون مع رجال عادي ضحك وسوالف عن نفسهم
وبعدها تقول نفس اخوي

[بوحارب]

زين ما حثلها وناداها فطوم البقرة ههههههههههههههه

[الشامخ]

كثرة المسساس تفقد الاحساس ،،

، قلة دين وعقل = توقع اي شي

[UAE-SOUL]

شي موجود ومحد يقدر ينكره بس اكيد مب ضاهرة

[شبح الصمت]

زين ما حثلها وناداها فطوم البقرة ههههههههههههههه




هههههههههههههاي
ههههههههههههاي
هههههههههاي
ههههههاي
هههاي

أضحك الله سنك بوحارب

[ريتويت]

انا اعتبرها قله ادب

[نوار قطر]

اسمحيلي يا نوار انا دايما احترم كتاباتج
بس هالجملة غلط ،، مثل الي ثوبه ابيض ودخلته امه في غرفه كلها طين وتقول له ياويلك ان وصخت اثيابك شلون ، مايقدر مهما حاول راح يتعب اول الايام بس بعدين خلاص راح يتعود على الطين
انا شفت الي يشتغلون مع رجال عادي ضحك وسوالف عن نفسهم
وبعدها تقول نفس اخوي

تسلمين يالولو بس اسمحيلي انا اختلف معاج البنت المحترمه لو حطوها بين الف ريال مايهز فيها شعره ،،، ليش اتعب ،، شاللي يخليني اتعب اذا ماكلمت ريال ،، او ماكلمت موظف بمووت ؟ شيتعبني او شيتعب غيري من البنات،،، لا ذول الي اتكلمين عنهم نفوسهم ضعيفه ،،، انا من اشتغلت لين اليوم هذي سابع سنه لي وربي يشهد علي ان عمر ما حد من الموظفين تطاول علي او حاول انه يتمادى معاي ،، كل الي بينا شغل وبس ،،، اي نعم يكلمني ويعطيني شغل اسويه له ،،، وانا اكلمه لو ابي شي من شغله غير ذي ،، ماافي ،، ترى مب كل من اشتغل في مكان خلط قلتو عنه انه في بلى ،،،الزين والشين في كل مكان سواء كان المكان خلط او مخصص حق الحريم ،،،

[شبح الصمت]

تسلمين يالولو بس اسمحيلي انا اختلف معاج البنت المحترمه لو حطوها بين الف ريال مايهز فيها شعره ،،، ليش اتعب ،، شاللي يخليني اتعب اذا ماكلمت ريال ،، او ماكلمت موظف بمووت ؟ شيتعبني او شيتعب غيري من البنات،،، لا ذول الي اتكلمين عنهم نفوسهم ضعيفه ،،، انا من اشتغلت لين اليوم هذي سابع سنه لي وربي يشهد علي ان عمر ما حد من الموظفين تطاول علي او حاول انه يتمادى معاي ،، كل الي بينا شغل وبس ،،، اي نعم يكلمني ويعطيني شغل اسويه له ،،، وانا اكلمه لو ابي شي من شغله غير ذي ،، ماافي ،، ترى مب كل من اشتغل في مكان خلط قلتو عنه انه في بلى ،،،الزين والشين في كل مكان سواء كان المكان خلط او مخصص حق الحريم ،،،




آرحم الله والديج وانتي مثال بيض الله وجهك من امثلة كثيرة من الاخوات الي فيهم خير وماسكين ومحافظين على نفسهم واحترامهم ..

الله يبعد عنكم كل خطأ وشر ويحفظكم يآرب

[نوار قطر]

آرحم الله والديج وانتي مثال بيض الله وجهك من امثلة كثيرة من الاخوات الي فيهم خير ومساكين ومحافظين على نفسهم واحترامهم ..

الله يبعد عنكم كل خطأ وشر ويحفظكم يآرب

امين ياارب ،،، والدينا ووالديك ياخووي وتسلم على هالكلام الطيب ،

[R 7 A L]

تسلمين يالولو بس اسمحيلي انا اختلف معاج البنت المحترمه لو حطوها بين الف ريال مايهز فيها شعره ،،، ليش اتعب ،، شاللي يخليني اتعب اذا ماكلمت ريال ،، او ماكلمت موظف بمووت ؟ شيتعبني او شيتعب غيري من البنات،،، لا ذول الي اتكلمين عنهم نفوسهم ضعيفه ،،، انا من اشتغلت لين اليوم هذي سابع سنه لي وربي يشهد علي ان عمر ما حد من الموظفين تطاول علي او حاول انه يتمادى معاي ،، كل الي بينا شغل وبس ،،، اي نعم يكلمني ويعطيني شغل اسويه له ،،، وانا اكلمه لو ابي شي من شغله غير ذي ،، ماافي ،، ترى مب كل من اشتغل في مكان خلط قلتو عنه انه في بلى ،،،الزين والشين في كل مكان سواء كان المكان خلط او مخصص حق الحريم ،،،


بعد حاولي تخلصين من هالمكان
وابحثي عن عمل مافيه اختلاط

[نمـر]

لن ولن ولن ولن ولن ولن اسمح لشخص في العمل يناديني بهذا الاسلوب

[نوار قطر]

بعد حاولي تخلصين من هالمكان
وابحثي عن عمل مافيه اختلاط


ان شالله :rolleyes2:

[وطن]

البنت هي اللي تفرض احترامها في العمل ولا غيره
وطبعا ما اسمح له
اسمي يناديني فيه مثل ماهو موجود رسميا قدامه في الأوراق ولا الايميل ولا غيره

في بعض البنات والشباب الله يصلحهم فاهمين الزماله غلط
ويستعرضون اذا جاهم حد غريب الادارة
ان ترى الميانه طايحه بيننا وعادي وكول

اذا بليتم فاستتروا crazy


الله يهديهم و يهدينا ويستر ع الجميع

[ضوى]

اسمحيلي يا نوار انا دايما احترم كتاباتج
بس هالجملة غلط ،، مثل الي ثوبه ابيض ودخلته امه في غرفه كلها طين وتقول له ياويلك ان وصخت اثيابك شلون ، مايقدر مهما حاول راح يتعب اول الايام بس بعدين خلاص راح يتعود على الطين
انا شفت الي يشتغلون مع رجال عادي ضحك وسوالف عن نفسهم
وبعدها تقول نفس اخوي

صار لي 23اشتغل بمكان مختلط محد تجرأ يناديني باسمي حاف يروح يناديني بدلع ؟!!! يا ام فلان او استاذة فلانة اودكتورة فلانة ،اللي بيطيح الميانة كيفه مايمثل الا نفسه بس مب تعممون وتغلطون على اللي بمكان مختلط ، رايكم ونحترمه بس بعد ثمنوا الكلام قبل لا تقطونه

[نوار قطر]

صار لي 23اشتغل بمكان مختلط محد تجرأ يناديني باسمي حاف يروح يناديني بدلع ؟!!! يا ام فلان او استاذة فلانة اودكتورة فلانة ،اللي بيطيح الميانة كيفه مايمثل الا نفسه بس مب تعممون وتغلطون على اللي بمكان مختلط ، رايكم ونحترمه بس بعد ثمنوا الكلام قبل لا تقطونه

بالضبط ياضوى هذي الي كنت اقصده ان مب كل اشتغل في مكان خلط خذو عنه فكره غلط ،،، قلتها من قبل وارجع اقولها ان البنت او الشاب الي محترم نفسه بيفرض احترامه على الكل ،،، لاتقولون والله مكان خلط يعني البنت فيها بلى ،،،الحين من الي ماعنده حد يشتغل في مكان خلط ،،، العيب مب في المكان ،، العيب في الشخص نفسه :victory:

[حمد 2002]

بالضبط ياضوى هذي الي كنت اقصده ان مب كل اشتغل في مكان خلط خذو عنه فكره غلط ،،، قلتها من قبل وارجع اقولها ان البنت او الشاب الي محترم نفسه بيفرض احترامه على الكل ،،، لاتقولون والله مكان خلط يعني البنت فيها بلى ،،،الحين من الي ماعنده حد يشتغل في مكان خلط ،،، العيب مب في المكان ،، العيب في الشخص نفسه :victory:


صاجه يانوار بس مممم بعد الواحد لازم يقصر الشر ويدرئ الفتنه ، ويبتعد عن الأمكان المختلطه ، الا اذا كانت ضروف الحرمه الماديه صعبه جدا جدا ومحتده على هالوضيفه ، يعني ماعندها خيار وبديل كلش الا هالمكان المختلط ،، وانا اكررها واعيدها للمره المليون والمليار محد ابميت من جوع في النهاية ،،،

على سبيل المثال انا عندي مبدأ بأني مستعد ماكل شيء واقصر على نفسي ولا احد من هلي يشتغل بمكان مختلط ،،، هذا والله أعلم

تحياتي لج واتمنى تقبل ردي بصدر رحب :victory:،،،

[Qatar Angel]

ما اعتقد في موظفه محترمه وعاقله ترضى اي موظف
يقل أدبه واحترامه عليها،،

[تغلبية]

يا يقول الاخت فلانه ... او ام فلان

غيره .. مستحيل .. ولا حتى يناديني باسمي حاف

[لولو2022]

تسلمين يالولو بس اسمحيلي انا اختلف معاج البنت المحترمه لو حطوها بين الف ريال مايهز فيها شعره ،،، ليش اتعب ،، شاللي يخليني اتعب اذا ماكلمت ريال ،، او ماكلمت موظف بمووت ؟ شيتعبني او شيتعب غيري من البنات،،، لا ذول الي اتكلمين عنهم نفوسهم ضعيفه ،،، انا من اشتغلت لين اليوم هذي سابع سنه لي وربي يشهد علي ان عمر ما حد من الموظفين تطاول علي او حاول انه يتمادى معاي ،، كل الي بينا شغل وبس ،،، اي نعم يكلمني ويعطيني شغل اسويه له ،،، وانا اكلمه لو ابي شي من شغله غير ذي ،، ماافي ،، ترى مب كل من اشتغل في مكان خلط قلتو عنه انه في بلى ،،،الزين والشين في كل مكان سواء كان المكان خلط او مخصص حق الحريم ،،،


والنعم فيج يانوار ..انتي واثقه من نفسج نعم ، بس هل هذا يعني ان نحلل الاختلاط
طيب خلينا نعرض حديث عن الرسول ( صلى الله عليه وسلم ) ونشوف معناه
( وفرقوا بينهم في المضاجع )اي بين البنين والبنات، وبين البنات بعضهن مع بعض، والبنين بعضهم مع بعض، يفرق بينهم في المضاجع؛ لأنه يخشى من الشر إذا بلغوا عشر سنوات.
طيب ليش هم اطفال ليش نفرق بينهم ، وهم اخوان
والله ان الاختلاط لفتنه عظيمه ، الان حتى الغرب عرفوا اخطار الاختلاط ويريدون الفصل بين الشباب والبنات ولكن للاسف فاتهم الكثير
فلا يجوز لنا ان نحلل الاختلاط ونحن امه الاسلام

[لولو2022]

صار لي 23اشتغل بمكان مختلط محد تجرأ يناديني باسمي حاف يروح يناديني بدلع ؟!!! يا ام فلان او استاذة فلانة اودكتورة فلانة ،اللي بيطيح الميانة كيفه مايمثل الا نفسه بس مب تعممون وتغلطون على اللي بمكان مختلط ، رايكم ونحترمه بس بعد ثمنوا الكلام قبل لا تقطونه


العمر كله ان شاء الله ، حبيبتي من غلط عليج
داخله عرض ياليت تقرين عن (أخطار الاختلاط )
وتعرفين الحكم الشرعي وراى الدين في الاختلاط وبعدين نتكلم بهدوء :secret:

[بصمة قطرية]

البنت اللي راح تسمح لشاب يناديها و يكلمها بهالطريق
جداً سخيفة ..
ما أحب العمل المختلط
و أرفضه بشدة ..
و ما أنتقد اللي يشتغلون في مكان مختلط
كل شخص و كيفه ما نقدر ننتقد و لا نقيم الناس ..
بس نقدر نتمنى لهم إنهم يبتعدون عن مجال الخلط
يجنبون نفسهم من أي شي ممكن يصير ..
لأن مرات يصير تعميم في هالأمور
و نقع في إشكاليات ..!!
الوحدة تريح بالها و تبتعد عن الخلط ..

[ضوى]

العمر كله ان شاء الله ، حبيبتي من غلط عليج
داخله عرض ياليت تقرين عن (أخطار الاختلاط )
وتعرفين الحكم الشرعي وراى الدين في الاختلاط وبعدين نتكلم بهدوء :secret:

اختي مادشيت عرض

خطار الاختلاط اعرفها عدل ، وطالما انا متمسكة بمبادئ محد يقدر يتجرا ويكسرها لي ، بس بعد الواحد يكون عنده ذوق ويقدر انه في ناس تشتغل بمكان مختلط مايجي ويغلط عاللي يشتغلون ويقول فيهم كيت وكيت واصلا مايستحون واصلا واصلا ، من عطى هالناس الحق في تقييم سلوكنا واخلاقنا ؟؟ ترانا بنات ناس مب بنات شارع الكل يجي وينهش ويغلط عشان بس نشتغل بمكان مختلط ، انقدوا ادعوا تمنوا بس لاتطلعون فينا عيوب وتشككون باخلاقنا

الكلام مب موجه لج يالولو ، موجه لكل من يعمم ويغلط ويقذف النساء العاملاات بمكان مختلط ، مب عارفين حاجات الناس للعمل حتى نشرط عليهم يشتغلون بمكان بعيد عن الاختلاط ،

[نوار قطر]

والنعم فيج يانوار ..انتي واثقه من نفسج نعم ، بس هل هذا يعني ان نحلل الاختلاط
طيب خلينا نعرض حديث عن الرسول ( صلى الله عليه وسلم ) ونشوف معناه
( وفرقوا بينهم في المضاجع )اي بين البنين والبنات، وبين البنات بعضهن مع بعض، والبنين بعضهم مع بعض، يفرق بينهم في المضاجع؛ لأنه يخشى من الشر إذا بلغوا عشر سنوات.
طيب ليش هم اطفال ليش نفرق بينهم ، وهم اخوان
والله ان الاختلاط لفتنه عظيمه ، الان حتى الغرب عرفوا اخطار الاختلاط ويريدون الفصل بين الشباب والبنات ولكن للاسف فاتهم الكثير
فلا يجوز لنا ان نحلل الاختلاط ونحن امه الاسلام

انا مااحلل الاختلاط ولا ادخل في فتاوى بس خل اتكلم عن نفسي وعن شغلي.. انا ماقعدت مع ريال في مكتب واحد .. ماحطييت طاولتي احذى طاولته ومااعتقد ان هالشي يصير اصلا ... ولا حطيت بارتشن بينا .. مكاتبنا مستقله كل موظف او مجموعة موظفين مع بعض وكل مجموعة موظفات مع بعض وباب مكتوب عليه يمنع دخول الرجال للنساء فقط .. حتى الي اشوفه في المكاتب الي حوالينا نفس الشي البنات بروحهم والشباب بروحهم ..

[حمد 2002]

انا مااحلل الاختلاط ولا ادخل في فتاوى بس خل اتكلم عن نفسي وعن شغلي.. انا ماقعدت مع ريال في مكتب واحد .. ماحطييت طاولتي احذى طاولته ومااعتقد ان هالشي يصير اصلا ... ولا حطيت بارتشن بينا .. مكاتبنا مستقله كل موظف او مجموعة موظفين مع بعض وكل مجموعة موظفات مع بعض وباب مكتوب عليه يمنع دخول الرجال للنساء فقط .. حتى الي اشوفه في المكاتب الي حوالينا نفس الشي البنات بروحهم والشباب بروحهم ..

الدين النصيحة اختي نوار ، والشباب نصحووج ماقصرو ، وكلن ذنبه على جنبه ويعرف خلاااصه ،، وكل انسان عنده مخ ايفكر وكل انسان مخير وليس مسير

تحياتي لج

[نوار قطر]

صاجه يانوار بس مممم بعد الواحد لازم يقصر الشر ويدرئ الفتنه ، ويبتعد عن الأمكان المختلطه ، الا اذا كانت ضروف الحرمه الماديه صعبه جدا جدا ومحتده على هالوضيفه ، يعني ماعندها خيار وبديل كلش الا هالمكان المختلط ،، وانا اكررها واعيدها للمره المليون والمليار محد ابميت من جوع في النهاية ،،،

على سبيل المثال انا عندي مبدأ بأني مستعد ماكل شيء واقصر على نفسي ولا احد من هلي يشتغل بمكان مختلط ،،، هذا والله أعلم

تحياتي لج واتمنى تقبل ردي بصدر رحب :victory:،،،

اي فتنه ياحمد... اذكرو ربكم سويتو الشغل فتنه...لما البنت تكون لابسه عبايه واسعه ومافيها الوان ولا ملفته... ولافه شيلتها عدل او متنقبه وين المشكله... لما تكون البنت تروح دوامها بدون مكياج وين المشكله.. لما البنت تكون في مكتبها او مع البنات ومحد يدخل عليهم من الرياييل وين المشكله .. اصلا وين الفتنه ..

[نوار قطر]

الدين النصيحة اختي نوار ، والشباب نصحووج ماقصرو ، وكلن ذنبه على جنبه ويعرف خلاااصه ،، وكل انسان عنده مخ ايفكر وكل انسان مخير وليس مسير

تحياتي لج

حسستني اني طايحه في منكر ومسويه شي لايغتفرر اي صح عندي مخي واعرف افكر واعرف الخير من الشر .. واعرف طريقي عدل :victory:

[ضوى]

انا مااحلل الاختلاط ولا ادخل في فتاوى بس خل اتكلم عن نفسي وعن شغلي.. انا ماقعدت مع ريال في مكتب واحد .. ماحطييت طاولتي احذى طاولته ومااعتقد ان هالشي يصير اصلا ... ولا حطيت بارتشن بينا .. مكاتبنا مستقله كل موظف او مجموعة موظفين مع بعض وكل مجموعة موظفات مع بعض وباب مكتوب عليه يمنع دخول الرجال للنساء فقط .. حتى الي اشوفه في المكاتب الي حوالينا نفس الشي البنات بروحهم والشباب بروحهم ..

اصلا ولا عمري بحياتي شفت مكتب فيه بنت وجنبها ريال مستحيل ، الاختلاط اللي اقصده انه يدخل عليك البوي يدخل عليك مراجع اما اللي يقصدونه البنت اللي لازقة في الريال وتتريق معاها وتتضحك معاه اسمحوا لي هذا مب مكان شغل هذا مكان مسخرة وقلة حيا وادب

[نوار قطر]

اصلا ولا عمري بحياتي شفت مكتب فيه بنت وجنبها ريال مستحيل ، الاختلاط اللي اقصده انه يدخل عليك البوي يدخل عليك مراجع اما اللي يقصدونه البنت اللي لازقة في الريال وتتريق معاها وتتضحك معاه اسمحوا لي هذا مب مكان شغل هذا مكان مسخرة وقلة حيا وادب

ماادري شنو نوع الاختلاط الي يتكلمون عنه الناس.. بالنسبه لنا انا قلت شلون وانتي وياضوى نفس الشي اما الاشياء الثانيه احنا مالنا خص فيها

[تحداني]

بنات .. لا اتعورون راسكم .. مفيش فايده

:) انجوي فيما انتم مقتنعين به


جملكم الله برضاه

[نوار قطر]

بنات .. لا اتعورون راسكم .. مفيش فايده

:) انجوي فيما انتم مقتنعين به


جملكم الله برضاه

ثانكيو ماي دير.. يو تو :shy:

[الشاااهين]

بنات .. لا اتعورون راسكم .. مفيش فايده

:) انجوي فيما انتم مقتنعين به


جملكم الله برضاه


:eek5::eek5::eek5:

:omg::omg::omg:

:secret::secret::secret:

:(:(:(

[لولو2022]

اختي مادشيت عرض

خطار الاختلاط اعرفها عدل ، وطالما انا متمسكة بمبادئ محد يقدر يتجرا ويكسرها لي ، بس بعد الواحد يكون عنده ذوق ويقدر انه في ناس تشتغل بمكان مختلط مايجي ويغلط عاللي يشتغلون ويقول فيهم كيت وكيت واصلا مايستحون واصلا واصلا ، من عطى هالناس الحق في تقييم سلوكنا واخلاقنا ؟؟ ترانا بنات ناس مب بنات شارع الكل يجي وينهش ويغلط عشان بس نشتغل بمكان مختلط ، انقدوا ادعوا تمنوا بس لاتطلعون فينا عيوب وتشككون باخلاقنا

الكلام مب موجه لج يالولو ، موجه لكل من يعمم ويغلط ويقذف النساء العاملاات بمكان مختلط ، مب عارفين حاجات الناس للعمل حتى نشرط عليهم يشتغلون بمكان بعيد عن الاختلاط ،


اسمحلي يا أستاذة ضوى ماكنت اعرف ان انتي في مكان مختلط لو اعرف كان ما تكلمت
المفروض انا نقول الحق ننصح بعضنا ، مش اجاملج وتجامليني
وبعدين لازم يكون عندي ذوق واحترم اللي يشتغلون في اماكن الاختلاط
ليش مايكون اللي في اماكن الاختلاط عندهم ذوق ويعرفون يردون ويعبرون بطريقه راقيه
ليش ماقلتي انا مافي حد معاي في المكتب من الرجال وتعاملي من بعيد ،انتي دافعتي عن اماكن الاختلاط كلهم بدون اي توضيح ، والاختلاط محرم شرعا
وبعدين يا عمري الي نشوفه في مجتمعنا من سلوكيات لازم احنا نقيمها
مانجي حق الشخص ونقول له قيم نفسك ،لان تقيمه لنفسه لابد ويكون ناقص
ويعطيج العافيه

[تحداني]

:eek5::eek5::eek5:

:omg::omg::omg:

:secret::secret::secret:

:(:(:(




:weeping:
:weeping:

:(

[نوار قطر]

اسمحلي يا أستاذة ضوى ماكنت اعرف ان انتي في مكان مختلط لو اعرف كان ما تكلمت
المفروض انا نقول الحق ننصح بعضنا ، مش اجاملج وتجامليني
وبعدين لازم يكون عندي ذوق واحترم اللي يشتغلون في اماكن الاختلاط
ليش مايكون اللي في اماكن الاختلاط عندهم ذوق ويعرفون يردون ويعبرون بطريقه راقيه
ليش ماقلتي انا مافي حد معاي في المكتب من الرجال وتعاملي من بعيد ،انتي دافعتي عن اماكن الاختلاط كلهم بدون اي توضيح ، والاختلاط محرم شرعا
وبعدين يا عمري الي نشوفه في مجتمعنا من سلوكيات لازم احنا نقيمها
مانجي حق الشخص ونقول له قيم نفسك ،لان تقيمه لنفسه لابد ويكون ناقص
ويعطيج العافيه

لولو مشاركتج تطلع خزعبلات ورموز :weeping: الا اذا سووينا اقتباس حق مشاركتج اهني يبين الكلام

[مساهمة بسFresh]

المفروض انا نقول الحق ننصح بعضنا ، مش اجاملج وتجامليني
وبعدين لازم يكون عندي ذوق واحترم اللي يشتغلون في اماكن الاختلاط
ليش مايكون اللي في اماكن الاختلاط عندهم ذوق ويعرفون يردون ويعبرون بطريقه راقيه
ليش ماقلتي انا مافي حد معاي في المكتب من الرجال وتعاملي من بعيد ،انتي دافعتي عن اماكن الاختلاط كلهم بدون اي توضيح ، والاختلاط محرم شرعا
وبعدين يا عمري الي نشوفه في مجتمعنا من سلوكيات لازم احنا نقيمها
مانجي حق الشخص ونقول له قيم نفسك ،لان تقيمه لنفسه لابد ويكون ناقص
ويعطيج العافيه

:nice:

[ضوى]

اسمحلي يا أستاذة ضوى ماكنت اعرف ان انتي في مكان مختلط لو اعرف كان ما تكلمت
المفروض انا نقول الحق ننصح بعضنا ، مش اجاملج وتجامليني
وبعدين لازم يكون عندي ذوق واحترم اللي يشتغلون في اماكن الاختلاط
ليش مايكون اللي في اماكن الاختلاط عندهم ذوق ويعرفون يردون ويعبرون بطريقه راقيه
ليش ماقلتي انا مافي حد معاي في المكتب من الرجال وتعاملي من بعيد ،انتي دافعتي عن اماكن الاختلاط كلهم بدون اي توضيح ، والاختلاط محرم شرعا
وبعدين يا عمري الي نشوفه في مجتمعنا من سلوكيات لازم احنا نقيمها
مانجي حق الشخص ونقول له قيم نفسك ،لان تقيمه لنفسه لابد ويكون ناقص
ويعطيج العافيه


ماظن طريقتي فيها غلط عليج ، واردد مانتظر احد يقيمني ، قلتي اللي عندج خلاص انتهى ماله داعي تعيدين وتزيدين ، حافظي على نفسج وابعدي نفسج عن الاختلاط والله يوفقج

انتهى

[ام السعف]

لولو مشاركتج تطلع خزعبلات ورموز :weeping: الا اذا سووينا اقتباس حق مشاركتج اهني يبين الكلام

المشكلة في نوع الخط اللي تستخدمه

نفسج تطلع لي خزعبلات ،،

[لولو2022]

هههههههههههههههه استغفر الله العظيم

[rashid_qatar]

هناك ملائكه تعمل في اماكان الاختلاط لا احد يتجراء عليها ولا تحتاج اي نصيحه .

[لولو2022]

المشكلة في نوع الخط اللي تستخدمه

نفسج تطلع لي خزعبلات ،،


هههههههههههههههه واللون اسود بعد

[وطن]

هناك ملائكه تعمل في اماكان الاختلاط لا احد يتجراء عليها ولا تحتاج اي نصيحه .

صادق

الله يحفظهم ويستر عليها

[ضوى]

هناك ملائكه تعمل في اماكان الاختلاط لا احد يتجراء عليها ولا تحتاج اي نصيحه .

كلنا بدون استثناء صغار وكبار بنات وصبيان نحتاج نصيحة ، اسمها انصحني ولا تفضحني ، فيه فرق بين النصيحة والفضيحة ، احنا بشر مو ملايكة ،
ومايلفظ من قول الا لديه رقيب عتيد

[ام السعف]

هههههههههههههههه واللون اسود بعد

اهنيه المشكلة :nice:

[نوار قطر]

المشكلة في نوع الخط اللي تستخدمه

نفسج تطلع لي خزعبلات ،،

سابقا ولا حاليا :omg: لان من قبل قالو لي وغيرت الخط ،، لاتقولين للحين :weeping:

[ام السعف]

سابقا ولا حاليا :omg: لان من قبل قالو لي وغيرت الخط ،، لاتقولين للحين :weeping:

انتي براءة الكلام كان موجه حق لولو 2022

[لولو2022]

هههههههههههههههههه لا ماقدر

[نوار قطر]

انتي براءة الكلام كان موجه حق لولو 2022

خافيت وماتيت :shy: خرعتيني :weeping:

[ام السعف]

هههههههههههههههههه لا ماقدر

خلاص بسكت مب قايلة شي :(

****

نوار بسم الله عليج من الخرعة والخوف

[لولو2022]

خافيت وماتيت :shy: خرعتيني :weeping:


خافيت وماتيت هههههههههههههه

[العقل المدمر]

خلاص بسكم سوالف :shy:

بالنسبه حق الموضوع
مستغربه يعني لا انا ارضى ولا اشوف حد يرضى بهالشي
ان شاء الله انها نسبه بسيطه وشاذه
وترى لا تحسبون الاماكن اللي كلها نساء مافيها مشاكل
هذانا نسمع عن المدارس تجي المدرسه خربانه اكثر من البنات
والا مدرسه بويه وتحب مدرسه والا تبي تشبك ويا طالبتها والا هالخرابيط
الحاول كثر مايقدر يحاول يحصن نفسه ويكون محترم ويحافظ على اخلاقه
والاختلاط اللي اذكروه الخوات انا اشوفه عادي لان شبه مفصولين اصلا
والله يهدينا للطريق الصح

[Khaled Qatar]

يعني موضوعك ابد ماله هدف

اكيد محد يرضى ولا 1%

أحيان تجيبون مواضيع مادري من وين وايش الغايه منها بالضبط

[موعدنا الجنة]

يعني موضوعك ابد ماله هدف

اكيد محد يرضى ولا 1%

أحيان تجيبون مواضيع مادري من وين وايش الغايه منها بالضبط


اشلون أكيد محد يرضى؟ اذا انا بنفسي سمعت هالشي، ولا عمري تخيلت فيوم ممكن اطرح مثل هالطرح، و الهدف نبي نشارككم اللي صار و نسمع منكم و الملاحظ تفاوتت الآراء مثل ماشفت، ومثل هالطرح ممكن ينبه ناس لأمور و خصوصا هذولا اللي يسمحون لمثل هالامور، و حتا لو أهي اقليه الحين، ممكن مع الوقت اتصير ظاهره و أمر عادي في بيئة العمل.

[المناير]

صلوا على النبي ياجماعة الانسانة المحترمة تفرض احترامها في مكان العمل وصعبة كل الاناث اللي في الدولة يشتغلون في اماكن مخصصة للنساء فقط مش معقولة هالاماكن بتستوعب كل هالاعداد وكل هالتخصصات ولاتقسمون المجتمع الى ذكور واناث افترضوا حسن النية قسموهم الى اخوان واخوات يعملون جنبا الى جنب كلنا نسعى للرزق الحلال وكلها ساعات محدودة وكلن يرجع لاهله ولبيته واعتقد ان الكل يسعى للحفاظ على سمعته لان البنت ماتمثل نفسها فقط تمثل اهلها اللي حاملة اسمهم وتمثل زوجها اللي تصون كرامته بين الرجال ترى الدوحة صغيرة وكلن يعرف الثاني . خلوا البنات يكسبون الرزق الحلال

[حسن]

القادم ادهى وامر الوضع اختلف ياشيخ كل شوي وتصير الامور عادي
ماعاد في غيره الكل يركض يوضف مختلط مكس كلو ماش المهم الفلوس

[قهوة الضحى]

حسستوني البنات اللي يشتغلون باماكن مب خلط ملائكة وملتزمات بدينهم ههههههههههههه


خلوني ساكتة احسن ولا اجيب لكم اصناف وانواع تشيب لها الراس خاصة من بعض المدرسات

[لولو2022]

القادم ادهى وامر الوضع اختلف ياشيخ كل شوي وتصير الامور عادي
ماعاد في غيره الكل يركض يوضف مختلط مكس كلو ماش المهم الفلوس


أحسنت يا حسن والله توقعتك أتجامل نفس البقية
الواحد يقول كلمة الحق ، ومثل ماقلت الي جاي ادهى وامر
مدام في فلوس كل شي حلال
الله يعطيك العافية

[ابوعلي]

القادم ادهى وامر الوضع اختلف ياشيخ كل شوي وتصير الامور عادي
ماعاد في غيره الكل يركض يوضف مختلط مكس كلو ماش المهم الفلوس

صدقت اخوي والبعض ينكر وفيه القصور ولكن يبين ان كامل ومافيه قصور والبعض الامر عادي عنده

وكمثال في شغلي وان كانت متنقبه ولكن مبلتعه وما تسكت واذا كانت كاشفه فمكياجها وغير جراءتها في الكلام ولا نقول الكل ولكن نقول كلما تكون المرأة في مكان مختلط كلما يقل حياءها وهذا من الواقع الي نشوفه

واذكر موظفه عندنا كنت ابي اطلب منها المعاملة فقلت لها ام فلان فقالت لو تكرمت نادني باسمي وماحب حد يقولي ام فلان

وكمثال خارج عن اماكن العمل ذكر لي واحد من الوافدين وله اكثر من ثلاثين سنه في قطر ان قبل كنت اشوف الوحدة تمشي في الشارع ولازقه في الطوفه من حياءها ولكن الحين تواجهك

[نوار قطر]

ياجماعة الخير ممكن اعرف شنهو مفهوم الاختلاط عندكم ،، هل هو نفس الي انا قلت عنه ان الاداره مختلطه بس مكاتب الموظفين مفصوله فصلا تاما عن مكاتب الموظفات او شنو بالضبط ،،، ؟؟؟؟

[لولو2022]

صدقت اخوي والبعض ينكر وفيه القصور ولكن يبين ان كامل ومافيه قصور والبعض الامر عادي عنده

وكمثال في شغلي وان كانت متنقبه ولكن مبلتعه وما تسكت واذا كانت كاشفه فمكياجها وغير جراءتها في الكلام ولا نقول الكل ولكن نقول كلما تكون المرأة في مكان مختلط كلما يقل حياءها وهذا من الواقع الي نشوفه

وكمثال خارج عن اماكن العمل ذكر لي واحد من الوافدين وله اكثر من ثلاثين سنه في قطر ان قبل كنت اشوف الوحدة تمشي في الشارع ولازقه في الطوفه من حياءها ولكن الحين تواجهك


تسلم يابو علي وينك من الصبح
يريدون ان يثبتوا للناس بان الامور طبيعيه ولايوجد اي شي من ذالك
والله اني شفتهم في اماكن عدة اذا دخلت ماتحس بوجودي من كثر ماهي مندمجة مع زميلها في الكلام التافهة
فعلا الاختلاط يقضي على الحياء
وقريبا سنصبح نحن الشاذين من بينهم ، سيصبحون هم على حق ونحن على باطل :victory:

[نوار قطر]

تسلم يابو علي وينك من الصبح
يريدون ان يثبتوا للناس بان الامور طبيعيه ولايوجد اي شي من ذالك
والله اني شفتهم في اماكن عدة اذا دخلت ماتحس بوجودي من كثر ماهي مندمجة مع زميلها في الكلام التافهة
فعلا الاختلاط يقضي على الحياء
وقريبا سنصبح نحن الشاذين من بينهم ، سيصبحون هم على حق ونحن على باطل :victory:

والله يا لولو نحن لا نريد ان نثبت الا الي نشوفه احنا ،، ووضعنا احنا ،،، واذا في بنات منحطين ويدخلون في كلام تافهه مع زملائهم فالشي راجع لهم ويقلل من قيمتهم وتربيتهم هم ،، مب قيمتنا وتربيتنا ،،، والشمس طالعه والكل يشوفها ،، ومثل الاماكن المختلطه فيها بلاوي ترى بعد اماكن النساء فيها الادهى والامر ،،، يالله دخلو بينهم وغيروو من تصرفاتهم ومن اخلاقهم ،،

[لولو2022]

ياجماعة الخير ممكن اعرف شنهو مفهوم الاختلاط عندكم ،، هل هو نفس الي انا قلت عنه ان الاداره مختلطه بس مكاتب الموظفين مفصوله فصلا تاما عن مكاتب الموظفات او شنو بالضبط ،،، ؟؟؟؟


حلو الواحد يخاف ويسال مايكابر
اسألي الدكتور الحمادي والله بيوفقج ان شاء الله
مرة أسالوا المطرب تامر حسني ماذا تتمنى ؟ فرد .. اتمنى ماموت وانا على هذه المهنه
ماجامل جمهورة الي يحبونه
الواحد يشوف رضى ربه علشان الله يبارك له
وصدقيني يانوار الدنيا تمر بسرعه خل نلحق على عمل يرضي ربنا

[نوار قطر]

حلو الواحد يخاف ويسال مايكابر
اسألي الدكتور الحمادي والله بيوفقج ان شاء الله
مرة أسالوا المطرب تامر حسني ماذا تتمنى ؟ فرد .. اتمنى ماموت وانا على هذه المهنه
ماجامل جمهورة الي يحبونه
الواحد يشوف رضى ربه علشان الله يبارك له
وصدقيني يانوار الدنيا تمر بسرعه خل نلحق على عمل يرضي ربنا

لولو صلي على نبيج :) اعتقد احنا نشتغل في مكان محترم مكان رسمي في الدوله ،، مااشتغلنا شغلة تامر حسني وربعه ،،، وراايج واحترمه بس ماتفرضينه علي واذا في انا غلطانه في حق نفسي وسويت شي غلط ربي فوق وهو الي بيحاسبني ،، اكتفي بهذا الرد :)

[لولو2022]

لولو صلي على نبيج :) اعتقد احنا نشتغل في مكان محترم مكان رسمي في الدوله ،، مااشتغلنا شغلة تامر حسني وربعه ،،، وراايج واحترمه بس ماتفرضينه علي واذا في انا غلطانه في حق نفسي وسويت شي غلط ربي فوق وهو الي بيحاسبني ،، اكتفي بهذا الرد :)


عليه الصلاة والسلام
نوار انا ماتهمتج افا عليج ، بالعكس والله
انا عطتج مثال المطرب انه متواضع ، وانتي انسانه متواضعه
اتمنى لج التوفيق

[ابوعلي]

والله يا لولو نحن لا نريد ان نثبت الا الي نشوفه احنا ،، ووضعنا احنا ،،، واذا في بنات منحطين ويدخلون في كلام تافهه مع زملائهم فالشي راجع لهم ويقلل من قيمتهم وتربيتهم هم ،، مب قيمتنا وتربيتنا ،،، والشمس طالعه والكل يشوفها ،، ومثل الاماكن المختلطه فيها بلاوي ترى بعد اماكن النساء فيها الادهى والامر ،،، يالله دخلو بينهم وغيروو من تصرفاتهم ومن اخلاقهم ،،

اختي نوار

احنا ماعممنا ولا نقدر ننكر ان في فئة ومازالت ولله الحمد محافظة

ولكن عتبنا على الفئة الغير محافظة والي البعض منهم وان يرتكبون الاخطاء ولكن يبينون انهم محافظين والواقع عكس ذالك ونسوا انهم يخدعون انفسم بهالطريقة والدنيا زايله

[سان سيمون]

صراحة جزاه الله خير مديرنا الي قص رجل اي واحد له شنب يدخل علينا ولا ايام المدير السابق الا احد نازل الا احد طالع صيانه كبيوتر الا تشييك على السيرفر وهلوما جرا ومن جاء سبحان الله ما اخترب شيء ولا عد احد تحجج بالاجهزه :)

[نوار قطر]

لولو الشيخه بسألج ممكن اعرف ليش تدخلين المنتدى مع العلم انه مختلط وانتي تكلمين فيه اعضاء من الرجال واتناقشين معاهم في المواضيع ؟

[لولو2022]

لولو الشيخه بسألج ممكن اعرف ليش تدخلين المنتدى مع العلم انه مختلط وانتي تكلمين فيه اعضاء من الرجال واتناقشين معاهم في المواضيع ؟


هههههههههههههههه بدينا نخلط الامور
ادخل المنتدى اشوف الاخبار واكتب رايي في المواضيع
ليش الرجاجيل الي تقولين عنهم ليكون يشوفوني ويسمعون صوتي وهمسي
عيب والله عيب

[لولو2022]

بصراحه أحنا نفس الي قاعد على كرسي هزاز يهتز بس مايوصلنا اي مكان
نفس الحوار في هذا الموضوع

[نوار قطر]

شنو الي عيب ... انت ماغلطت في كلامي وانتي قلتيها محد بعرفج اهني ... بس انا او احنا الكل يعرفنا في اشغالنا ويعرفاحنا بنات من يعني مانتناقش من وراء ستار ... وحد قال لج الشيخه ان احنا نهمس واذا على الصوت تراه عوره في كل مكان عيل لا اتكلمين مع حد

[نوار قطر]

انتي مقتنعه بوجهة نظرج وانا مقتنعه بوجهة نظري واختلاف الراي لايفسد للود قضيه بالنهايه هو موضوع للنقاش ...تصبحين على خير

[بوخالد911]

مستحيل

[حمد 2002]

مستحيل

:secret: شنو الي مستحيل

[نور الحور]

:eek5:
لا حول ولا قوة إلا بالله .. لهدرجة وصلنا ؟
هذي آخرتها ؟ فطوم وعبود ؟

انا في البيت ومع خواتي وإخواني ما أرضى ينادوني بهالطريقة ..
الله يستر علينا من تبعات الاختلاط .. موضوع زعلني بصراحة :(

[نور الحور]

:secret: شنو الي مستحيل


حمد الله يهديك .. اقرا عنوان الموضوع بتلقى إن هذا جوابه

[حمد 2002]

:eek5:
لا حول ولا قوة إلا بالله .. لهدرجة وصلنا ؟
هذي آخرتها ؟ فطوم وعبود ؟

انا في البيت ومع خواتي وإخواني ما أرضى ينادوني بهالطريقة ..
الله يستر علينا من تبعات الاختلاط .. موضوع زعلني بصراحة :(

اشدخل :eek5: ،، انا اجوفها بين الأخوان عادي مع احترامي لوجهه نظرج :nice:

[نور الحور]

اشدخل :eek5: ،، انا اجوفها بين الأخوان عادي مع احترامي لوجهه نظرج :nice:



هههههه .. أنا جذي ..ما أحب يناديني أحد بهالطريقة .. ممكن اسم مصغر أو اسم دلع .. لكن فطوم ونورو وشيخوه وحصوه ومريوم .. وهلم جرا.. عندي مستحيل :secret:

[OREO]

شخصياً ادعي ربي يوميا و بكل لحضة بأني خذت انسانة تؤمن بآيات كتاب الله ،،

ربي يحفظكم ..

[ام السعف]

اشدخل :eek5: ،، انا اجوفها بين الأخوان عادي مع احترامي لوجهه نظرج :nice:

نفسك احس بنكهة الطفولة لو نادوني سعفوه في البيت
والصغار ينادوني سعوفة :shy:.....> اتكلم عن اسمي بلسان ام السعف

[Khaled Qatar]

اشلون أكيد محد يرضى؟ اذا انا بنفسي سمعت هالشي، ولا عمري تخيلت فيوم ممكن اطرح مثل هالطرح، و الهدف نبي نشارككم اللي صار و نسمع منكم و الملاحظ تفاوتت الآراء مثل ماشفت، ومثل هالطرح ممكن ينبه ناس لأمور و خصوصا هذولا اللي يسمحون لمثل هالامور، و حتا لو أهي اقليه الحين، ممكن مع الوقت اتصير ظاهره و أمر عادي في بيئة العمل.

حتى اللي يرضون ماراح يتكلمون ويقولون نرضى

انا اسمع نفس اللي انتي تقولينه عندي ف الشغل ، بس طرح الموضوع في المنتديات مابيحل الموضوع

هذي تعتمد على تربيه الشخص وفهمه لزميل العمل بمعني اخر

[ام السعف]

هههههههههههههههه بدينا نخلط الامور
ادخل المنتدى اشوف الاخبار واكتب رايي في المواضيع
ليش الرجاجيل الي تقولين عنهم ليكون يشوفوني ويسمعون صوتي وهمسي
عيب والله عيب

كلام نوار مب اختلاط للامور ،،

تدرين على عمري المديد في المنتديات

مرت علي مرات كثيرة ان
البنت لما تكتب هههههههههههههه تكون تميعت في الحديث جدام الرجال في المنتدى !!

حتى في المنتدى في مقاييس عند البعض راح يعتبرون هالتعبير ( :shy: )
عيب تحطه الوحدة وانها تضحك في ردودها تكون خضعت بالقول ،،

[لولو2022]

كلام نوار مب اختلاط للامور ،،

تدرين على عمري المديد في المنتديات

مرت علي مرات كثيرة ان
البنت لما تكتب هههههههههههههه تكون تميعت في الحديث جدام الرجال في المنتدى !!

حتى في المنتدى في مقاييس عند البعض راح يعتبرون هالتعبير ( :shy: )
عيب تحطه الوحدة وانها تضحك في ردودها تكون خضعت بالقول ،،


هذه فتوي ام السعف ولا مجرد تجربه
حركات الفزعه واضحه
ابي اقول لج شي .. انا ترى قريت لج انج كنتي تكتبين في المنتدى 12 سنه على انتي واحد
يعني ممكن اكون انا واحد
ومدام عندج هالتجارب وعارفه مشاعر الرجل معناها عمرج ماحطيتي ههههههههههههه
بصراحه تعلمت اشياء من هالمنتدى
هذا كله علشان الدافعين ، وترضين غيرج
قسم بالله لاعت كبدي :(

[دااانة قطر]

المفترض الموظفه تضع لها حدود وقيود بالعمل وتكون (رسميه ) مع جميع الرجال

هذا المفترض

بس للاسف بعض الموظفين والموظفات فاهمين علاقات العمل خطأ يضنون انها علاقه اسرية

هناك فرق بين مجال العمل وبيئه اسريه بالمنزل

اتمنى كلن يضع له حدود وقيود ورسميه بالتعامل

عيب اتنادي رشود ولا فطوم شهالكلام عمى بعينهم < لم يروق له تصغير الاسم
اخوكم


:nice::nice::nice:

[العنيده]

اكيد لا لان حتى صديقاتي البنات ماينادوني في الدوام جذيه .. الاحترام والحدود اهم شي في نطاق العمل

قال فطوم قال:anger1:

[بريق الحق]

شسالفه يالربع ؟

[kuwari]

ناقصهم حب شمسي ويقبونها مجلس

[Locale]

شنو الي عيب ... انت ماغلطت في كلامي وانتي قلتيها محد بعرفج اهني ... بس انا او احنا الكل يعرفنا في اشغالنا ويعرفاحنا بنات من يعني مانتناقش من وراء ستار ... وحد قال لج الشيخه ان احنا نهمس واذا على الصوت تراه عوره في كل مكان عيل لا اتكلمين مع حد
للعلم
صوت المرأة عوره
((ليس بحديث ولاصحة له ))

[نوار قطر]

للعلم
صوت المرأة عوره
((ليس بحديث ولاصحة له ))

بغض النظر اذا كان صوتها عوره او لا ،،، بس وين الحديث الي انا حطيته او تكلمت عنه :)

[قطريه22]

انتو لين الحين تتهاوشون

[بنـ الدحيل ـت]

استغفر الله العظيم

أين الاحترام ...؟؟؟

لا انادي باي اسم كان

[Locale]

شنو الي عيب ... انت ماغلطت في كلامي وانتي قلتيها محد بعرفج اهني ... بس انا او احنا الكل يعرفنا في اشغالنا ويعرفاحنا بنات من يعني مانتناقش من وراء ستار ... وحد قال لج الشيخه ان احنا نهمس واذا على الصوت تراه عوره في كل مكان عيل لا اتكلمين مع حد




بغض النظر اذا كان صوتها عوره او لا ،،، بس وين الحديث الي انا حطيته او تكلمت عنه :)

دايما كنا انقول صوت المره عوره
اذا اهو مب حديث ولا آيه عيل ليش انقولها ؟؟
صوت المرأه مب عوره
وانتي ذكرتي ان دام ان صوت المرأه عوره لاتكلمين حد
بغيت اصحح لج معلومه كنت انا بنفسي اجهلها
وبس :)

[نوار قطر]

دايما كنا انقول صوت المره عوره
اذا اهو مب حديث ولا آيه عيل ليش انقولها ؟؟
صوت المرأه مب عوره
وانتي ذكرتي ان دام ان صوت المرأه عوره لاتكلمين حد
بغيت اصحح لج معلومه كنت انا بنفسي اجهلها
وبس :)

اوووكي على بالي تقصدين اني استندت بدليل من القران او السنه بدليل ،،، معليه اسمحي لي انا اليوم مفهيه :(
تسلمين حبيبتي وماقصرتي يزاج الله خير

[Locale]

اوووكي على بالي تقصدين اني استندت بدليل من القران او السنه بدليل ،،، معليه اسمحي لي انا اليوم مفهيه :(
تسلمين حبيبتي وماقصرتي يزاج الله خير

مسموحه خيتي ماصار الا الخير

[تاسيتوس]

السلام عليكم

أثناء عملي سمعت أحد الموظفين ينادي زميلته بالعمل (فطوم)
هل ترضين بهذا الشي؟؟
و نفس الشي لك، هل ترضى أن تناديك زميله العمل ب (عبود) مثلا؟؟


تحياتي

ممكن نعرف مكان عملك ؟

[شاهين قطر]

أنا لله وأنا اليه راجعون

[رحال]

اشتغلنا في اماكن خلط ولا عمرنا شفنا هاللي تقولون عنه ... الي محترم نفسه بيفرض احترااامه على الكل....

هناك ود واحترام متبادل ..

[مكنتوش]

ممكن نعرف مكان عملك ؟

ليش انت فضولي:anger1:

[ام السعف]

هذه فتوي ام السعف ولا مجرد تجربه
حركات الفزعه واضحه
ابي اقول لج شي .. انا ترى قريت لج انج كنتي تكتبين في المنتدى 12 سنه على انتي واحد
يعني ممكن اكون انا واحد
ومدام عندج هالتجارب وعارفه مشاعر الرجل معناها عمرج ماحطيتي ههههههههههههه
بصراحه تعلمت اشياء من هالمنتدى
هذا كله علشان الدافعين ، وترضين غيرج
قسم بالله لاعت كبدي :(

عذرا يا لولو ،، انتي فسرتي مشاركتي على كيفج ،،

كلامي كان دعم لنوار ان مافي اختلاط في الأمور ،
كل حسب فكره راح يفهم الكلام ويفسره ،، وبينت لج ان البعض
من الرجال ممكن ينظر للضحكة هذه هههههههههه انها مياعة
ومرت علي مواضيع كانوا مركزين على نوعية ضحك البنت ونوعية
التعابير اللي تحطها ،،

فكلامي ما كان ضدج كثر ما كان توضيح ان الرجال لهم مقاييس خاصة فيهم
وعلى حسب تطور او تدهور فكره راح ينظر للي تكتبينه ،،


بالنسبة لي احط هاهاها او هيهيهي وهيهيهيه ممكن تكون اردأ من هههههه
واحط الفيس اللي يوافق الموقف واكتب الكلام اللي يعبر عني ،،
لأني في الأخير ما علي من اللي بيتكلم في المنتدى ولا خارج المنتدى
دام اني عارفة نفسي واعرف حدودها ،،

فمن جذيه لا تشلين في خاطرج ولا تزعلين ولا تلوع جبدج،، فالموضوع
ما كان فيه فزعة ،، بس انتي فهمتيه غلط ،،

[ام السعف]

شسالفه يالربع ؟

ترضى الموظفة في الشغل تناديك بو عابد ؟
:rolleyes2:

وشنهو اللي يفرق لو كنت بو عابد او عبود ؟

[رفيق الصحراء]

بالشغل عندنا انا انادي البنت اللي معاي شيخوه وتقول للي معاها بروك

يعني عادي ماراح تضر لا بتنقص من رجولة الشخص ولا بتنقص من هيبة البنت ومكانتها

مجرد اسامي تنقال يعني لاتودي ولاتجيب

بس المشكله لو في ميوعه ودلع بالكلام و بالحركات اهني بنقول خطا وعيب

[ضوى]

بالشغل عندنا انا انادي البنت اللي معاي شيخوه وتقول للي معاها بروك

يعني عادي ماراح تضر لا بتنقص من رجولة الشخص ولا بتنقص من هيبة البنت ومكانتها

مجرد اسامي تنقال يعني لاتودي ولاتجيب

بس المشكله لو في ميوعه ودلع بالكلام و بالحركات اهني بنقول خطا وعيب

الله يوفقك اذا الاسماء ماتأثر بالرجولة

[رمح الضعاين]

اتصدقون انا من صغرتي لي كبرت ماعمر حد صغر اسمي:shy:

تخيلوا تجي وحده بالدوام اتصغره هذا الي ناقص

بلا خرابيط يالله مجتمع جاهل يعتقد ان تصغير الاسم دلع او علاقات اخويه او شيئ عادي في (مجال العمل )

ارتقوا بعماملاتكم مع الاخرين حتى الذرابه انعدمت والسبه هالتصرفات الجاهله

اخوكم

[ضوى]

انا زوجي وهو زوجي ومعاه من من 25 سنة ماناديته الا باسمه الصريح عمري ماصغرت اسمه حتى بيني وبينه ولا هو الصراحة ماصغر اسمي ابد ، يجي احد بالدوام يناديني بتصغير اسمي ليش عسى ماشر وين راح الاحترام والادب

[تاسيتوس]

ليش انت فضولي:anger1:

علشان نعرف هالمكان البطال :eek5:

[تاسيتوس]

بالشغل عندنا انا انادي البنت اللي معاي شيخوه وتقول للي معاها بروك

يعني عادي ماراح تضر لا بتنقص من رجولة الشخص ولا بتنقص من هيبة البنت ومكانتها

مجرد اسامي تنقال يعني لاتودي ولاتجيب

بس المشكله لو في ميوعه ودلع بالكلام و بالحركات اهني بنقول خطا وعيب

في اكثر من برررروك دلع وميوعه:eek5:

[ضوى]

في اكثر من برررروك دلع وميوعه:eek5:

مب قادرة اتخيل ريال طول بعرض وبشنب بينة بالدوام تناديه بروك ؟؟؟ هذي مب رجولته بس تنتقص هذا حتى كرامته وكبريائه انكسر جدام اللي يسوى واللي مايسوى

[رمح الضعاين]

حتى في المنتديات

عيب تصغير الاسم


انا ارفض مبدأ التصغير (لأي علاقات خارج اطار الاسره) بين الرجل والمرأه

كثير الاحظ بنات في المنتديات تجي اتصغر اسم عضو ليش هل اهو اخوك زوجك ؟؟؟ولدك؟؟

اتمنى يرتقي المجتمع اشوي بطريقه خطاباته مع الاخرين (الذوق بالكلام جميل :))


اخوكم

[رفيق الصحراء]

مب قادرة اتخيل ريال طول بعرض وبشنب بينة بالدوام تناديه بروك ؟؟؟ هذي مب رجولته بس تنتقص هذا حتى كرامته وكبريائه انكسر جدام اللي يسوى واللي مايسوى


يمكن هو راضي
واذا هي راضيه خلاص وهو راضي خلاص

الرجوله تنقص بامور ثانيه مو باسم ينادونك فيه

[رفيق الصحراء]

في اكثر من برررروك دلع وميوعه:eek5:

على حسب اشلون انقالت
والميوعه بالحركات وبالطريقه اللي يتم الكلام فيها

[رفيق الصحراء]

الله يوفقك اذا الاسماء ماتأثر بالرجولة


ويوفق الجميع
:)

[نوار قطر]

بالشغل عندنا انا انادي البنت اللي معاي شيخوه وتقول للي معاها بروك

يعني عادي ماراح تضر لا بتنقص من رجولة الشخص ولا بتنقص من هيبة البنت ومكانتها

مجرد اسامي تنقال يعني لاتودي ولاتجيب

بس المشكله لو في ميوعه ودلع بالكلام و بالحركات اهني بنقول خطا وعيب

اسمح لي الشيخ انت على اي اساس تناديها شيخوه ،، وهي علي اي اساس تناديك او تنادي غيرك برووك،،، لا تقول مثل اختي واحنا اخوان ،،، لا في امور لازم الواحد يحط تحتها الف خط احمر ،،،وانت ماناديتها بشيخوه الا لانها قاطه الميانه معاك ،،لان لو كان فيه حاجز بينكم كان عمرك مافكرت تناديها بهالاسم ،ولا بتجرأ،، عيل موظف معاي يصغر اسمي خير ان شالله ،،، انا بتكلم عن نفسي والله رياييل كل واحد شكبره واكبر مني في السن بس ماينادوني الا يا ام فلانه ،، لان في احترام متبادل بينا ،، انا محترمه نفسي ومحترمه قيمتي بين الموظف ف هم شي طبيعي بيحترموني ،،،سووري على المداخله واتمنى اتقبل هالملاحظه بروح رياضيه :)

[ابوعلي]

بالشغل عندنا انا انادي البنت اللي معاي شيخوه وتقول للي معاها بروك

يعني عادي ماراح تضر لا بتنقص من رجولة الشخص ولا بتنقص من هيبة البنت ومكانتها

مجرد اسامي تنقال يعني لاتودي ولاتجيب

بس المشكله لو في ميوعه ودلع بالكلام و بالحركات اهني بنقول خطا وعيب

استفسار اخوي

لو حد غريب ينادي حد من هلك بهالطريقة الي انت تفتخر فيها بترضى

[The Watcher]

ماخفي كان أعظم

[رفيق الصحراء]

اللي يسأل على أأي أساس انك تناديها وهي تناديك. الميانه طائحه . وأنا مانظر لها نظره غير محترمه إذا أنتوا عقولكم مأخذتها على أساس أنه بينه شيء مو زين هدي مو مشكلتي هذي مشكلتكم ؤمشكلة. تفكيركم . هي لو مو حابه. وعادي عندها وأنا عادي أ كان منادينا بعض. بهالشكل . وبالنسبه لهلي. احنا مانطن بالناس إلا الخير بس اللي نظرته ؤمخه يظن السوء فبيعتقد كل الناس. موزينين وكلا على تربيته .

[بريق الحق]

اللي يسأل على أأي أساس انك تناديها وهي تناديك. الميانه طائحه . وأنا مانظر لها نظره غير محترمه إذا أنتوا عقولكم مأخذتها على أساس أنه بينه شيء مو زين هدي مو مشكلتي هذي مشكلتكم ؤمشكلة. تفكيركم . هي لو مو حابه. وعادي عندها وأنا عادي أ كان منادينا بعض. بهالشكل . وبالنسبه لهلي. احنا مانطن بالناس إلا الخير بس اللي نظرته ؤمخه يظن السوء فبيعتقد كل الناس. موزينين وكلا على تربيته .

الرجال يسءلك مجرد سوال

[رفيق الصحراء]

الرجال يسءلك مجرد سوال

وأنا جاوبته . مصر بفتره الثلاثينات لما طلع. أحد الأخوه اللي ينادون بتحرير المره ؤانها لازم تعمل وتطلع وتروح وتجر الناس كلهم قاموا عليه وواحد من عامة الشعب راح للشخص هذا البيت وقاله خلنئ أقعد مع زوجتك غيل قاله لو تفكيرك مو شيء كان خليتك تقعد معاها بس لأنك مو جائ إلا لغرض مو سليم .

[صدى الرعد]

السلام عليكم

أثناء عملي سمعت أحد الموظفين ينادي زميلته بالعمل (فطوم)
هل ترضين بهذا الشي؟؟
و نفس الشي لك، هل ترضى أن تناديك زميله العمل ب (عبود) مثلا؟؟


تحياتي
شمعنا كتبتي عبود مثلا وماكتبتي صلوح مثلا وماكتبتي عند فطوم مثلا بخصوص اسمها
المهم ان السالفه صارت شي عادي وماخفي اعظم والله يستر علي وعلى جميع المسلمين
مش معنا تعليقي اني موافق

[نور الحور]

حتى في المنتديات

عيب تصغير الاسم


انا ارفض مبدأ التصغير (لأي علاقات خارج اطار الاسره) بين الرجل والمرأه

كثير الاحظ بنات في المنتديات تجي اتصغر اسم عضو ليش هل اهو اخوك زوجك ؟؟؟ولدك؟؟

اتمنى يرتقي المجتمع اشوي بطريقه خطاباته مع الاخرين (الذوق بالكلام جميل :))


اخوكم



وياليت يكون هذا تصغير ..
يعني لما اقول فطوم ولا شيخوه هذا تصغير؟
أحس شوي وبتهاوش معاها ..

التصغير هو ذكر الاسم باسم محبب مثل فطومة شيوخه نواري مريومة ..الخ
وهذا شي حلو مثل ما النبي صلى الله عليه وسلم صغر اسم الصبي وناداه (عمير) .. وقال له : (يا عمير مافعل النقير) ..
وهناك اسماء الدلع التي تضفي جو من المحبة والرومانسية وخاصة بين الزوجين ..
أما هالأسماء بالنسبة لي غير مقبولة ولا أرضى أن أقولها لأحد ولا أحد يقولها لي ..

[ابوعلي]

اللي يسأل على أأي أساس انك تناديها وهي تناديك. الميانه طائحه . وأنا مانظر لها نظره غير محترمه إذا أنتوا عقولكم مأخذتها على أساس أنه بينه شيء مو زين هدي مو مشكلتي هذي مشكلتكم ؤمشكلة. تفكيركم . هي لو مو حابه. وعادي عندها وأنا عادي أ كان منادينا بعض. بهالشكل . وبالنسبه لهلي. احنا مانطن بالناس إلا الخير بس اللي نظرته ؤمخه يظن السوء فبيعتقد كل الناس. موزينين وكلا على تربيته .

ياخي ما ظنينا ظن السوء ولكن خلك صريح لو انت كنت مع هلك في مكان وشخص ناداها بنفس الاسلوب الي انت تنادي زميلة العمل هل ترضى ونتمنى الاجابة تكون صريحه

[المهاجر]

بوووه هي جات على تصغير الاسامي

الا اشياء واشياء اكبر من جذيه تصير

اللي تخون زوجها وهو غافل وتسوي نفسها الطاهره العفيفه وتدعي المثاليه وان هي قمة الاحترام

وفي اللي تودي هدايا حق زميلها وتكتب له بيت شعر على كرت وردي وعليها ورده حمرا

وفي اللي تقعد تسولف معاه بالمكتب بروحهم

وفي وفي وفي

الله يهديهم ويصلح حالهم قبل لا يجي أجلهم وهم في هالحاله

اللي مثلهم نقول فوقوا عاد وانتبهوا من هالغفله اللي انتوا فيها

تنافقون البشر وتسون نفسكم الشريفات وانتوا مفضوحين ياقوة عينكم

ماتخافون من حساب ربكم اللي يعلم الغيب ويشوفكم

انتوا قاعدين تحاربون الله فاتقوا غضب الله عليكم

وبالمقابل في الشريفه العفيفه الطاهر اللي ماتسمع صوتها بالشغل

وماتسمح حد يكلمها كلمه

هذي والله انها تاج تنحط فوق الراس وودك تروح حق ابوها وتحب خشمه وتقوله انشهد

انك ربيت وعندك بنت ذهب تسوى كل البنات

طلعتوا الواحد عن طوره

[بريق الحق]

وأنا جاوبته . مصر بفتره الثلاثينات لما طلع. أحد الأخوه اللي ينادون بتحرير المره ؤانها لازم تعمل وتطلع وتروح وتجر الناس كلهم قاموا عليه وواحد من عامة الشعب راح للشخص هذا البيت وقاله خلنئ أقعد مع زوجتك غيل قاله لو تفكيرك مو شيء كان خليتك تقعد معاها بس لأنك مو جائ إلا لغرض مو سليم .

اقول استريح بس .. قال بخليها تقعد معااها

[Locale]

اقول استريح بس .. قال بخليها تقعد معااها

والله انا مافهمت شكاتب
مادري شلون فهمت

[بريق الحق]

والله انا مافهمت شكاتب
مادري شلون فهمت

الاخ يقول اذا جاي ومب عشان غرض سلمي كان المصري خل الرجال يقعد مع مرته الاخ شكله عايش وياهم

[ضوى]

ارتفع ضغطي من بعض الردود

[تغلبية]

بوووه هي جات على تصغير الاسامي

الا اشياء واشياء اكبر من جذيه تصير

اللي تخون زوجها وهو غافل وتسوي نفسها الطاهره العفيفه وتدعي المثاليه وان هي قمة الاحترام

وفي اللي تودي هدايا حق زميلها وتكتب له بيت شعر على كرت وردي وعليها ورده حمرا

وفي اللي تقعد تسولف معاه بالمكتب بروحهم

وفي وفي وفي

الله يهديهم ويصلح حالهم قبل لا يجي أجلهم وهم في هالحاله

اللي مثلهم نقول فوقوا عاد وانتبهوا من هالغفله اللي انتوا فيها

تنافقون البشر وتسون نفسكم الشريفات وانتوا مفضوحين ياقوة عينكم

ماتخافون من حساب ربكم اللي يعلم الغيب ويشوفكم

انتوا قاعدين تحاربون الله فاتقوا غضب الله عليكم

وبالمقابل في الشريفه العفيفه الطاهر اللي ماتسمع صوتها بالشغل

وماتسمح حد يكلمها كلمه

هذي والله انها تاج تنحط فوق الراس وودك تروح حق ابوها وتحب خشمه وتقوله انشهد

انك ربيت وعندك بنت ذهب تسوى كل البنات

طلعتوا الواحد عن طوره




صــــادق ..

المفتاح المهاجر الله يعافيك .... الموضوع قتل نقاشاً ... وبدا يتخذ مسار ثاني

[ام السعف]

صــــادق ..

المفتاح المهاجر الله يعافيك .... الموضوع قتل نقاشاً ... وبدا يتخذ مسار ثاني

تقصدين القفل :shy:

[ROSE]

تم الاغلاق ،، لاستيفاء النقاش