مال حكومه عااااااااااااااادي ماهمني !!!!

[حمد 2002]

السلام عليكم ورحمه الله وبركاته

الموضوع يحمل العنوان التالي

(( مال حكومه عااااااااااااااادي ماهمني !!!! ))

بعض الموظفين من اخوانا المقيمين اثناء قيامهم بالوضوء للصلاه ، يتكلمون وايخلوون الماي امفتح !!!!!!!! ليش هالشيء ، لو في بيتك بتعمل هالشيء ؟!! :):)

وبعضهم ياخذ من الفاين = الكلينكس الموجود بالحمامات = ونتو بكرامه ، كميه كبيره جدا اذا خلص من الوضوء لو في بيتك بتعمل هالشيء !!!!!
الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

[خليفـة]

استفسار صغير أخوي حمد
ماذا عن المواطنين .. هل هم مقتصدين في الماء
أثناء الوضوء عكس الأجانب ! وفي بيوتهم بشكل عام !
وهل يأخذون ورقة منديل واحده بعد الوضوء !

خليفة

[حمد 2002]

استفسار صغير أخوي حمد
ماذا عن المواطنين .. هل هم مقتصدين في الماء
أثناء الوضوء عكس الأجانب ! وفي بيوتهم بشكل عام !
وهل يأخذون ورقة منديل واحده بعد الوضوء !

خليفة

من خلال وظيفتي ودوامنا نعم المقيمين هم فقط الي يسرفون بهالامور المذكوره بالموضوع وغيرها من الامور االخرى ،،،

تحياتي لك

[شبح الصمت]

صحيح اخوي

الاقتصاد ثقافة لازم يكون في توعيه عن كيفية صرف الماء ايا كان مواطن وإلا مقيم

شفت بعيني وفكرت قلت ليش ما يكون في حنفيات لها حد معين في نزول الماء بالذات الي حقت الوضوء وبس يكونون اقتصدوا في السرف منه وداخل الحمام ( تكرمون ) عادي مفتوح ..

اتمنى اعادة النظر واتمنى الفاين يكنسلونه ويحطون مكاين تنشيف الهواء واصلا ليش تنشف خل الماي ينزل بينشف من نفسه ..

:)

[نوار قطر]

من راقب الناس مات هما مب هذي مقولتك الي دوم تقولها...وبعدين ليش مانصحتهم ( من رأي منكم منكرا فاليغيره...)

[khalid Qtr]

لو علم الناس حرمة المال العام لما كان هذا الحال ..

سواء مواطنين أو مقيمين ..

[ابوعلي]

المفترض اخوي ماتخص المقيميين بالموضوع

لأن مثل هالتصرفات للأسف تخص المواطنيين والمقيميين

واحنا لاحظ هالتصرفات من الطرفين

ودورنا ننصحهم ونوعيهم اخوي وقت الحدث

[Rider]

والله ياخوي حمد انا احس انه تكتب مرات مواضيع لمجرد الكتابه فقط ياخي الاسراف في استخدام الماء او الفاين مب مقتصر على جنسية محددة الكل يسرف انت تقول الي اشوفه في مقر عملي يمكن عملك كله من الاخوان الغير قطريين علشان كذا تشوفهم على الاقل الاخوان يصلون اخاف بعض القطريين قاعدين في المكاتب صلاه ولا هم يحزنون للعلم ترى انا قطري علشان لاتقول شي

[Locale]

منو قالك ان من شروط التسجيل ف المنتدى كل يوم تنزل موضوع
قال المقيمين

[حمد 2002]

صحيح اخوي

الاقتصاد ثقافة لازم يكون في توعيه عن كيفية صرف الماء ايا كان مواطن وإلا مقيم

شفت بعيني وفكرت قلت ليش ما يكون في حنفيات لها حد معين في نزول الماء بالذات الي حقت الوضوء وبس يكونون اقتصدوا في السرف منه وداخل الحمام ( تكرمون ) عادي مفتوح ..

اتمنى اعادة النظر واتمنى الفاين يكنسلونه ويحطون مكاين تنشيف الهواء واصلا ليش تنشف خل الماي ينزل بينشف من نفسه ..
:)

ماشاء الله عليييك ، بالفعل الحلول التي وضعتها بالموضوع حلول مفيييده جدا ،

تحياتي لك على الاضافات المميزه بالموضوع :nice:

[حمد 2002]

من راقب الناس مات هما مب هذي مقولتك الي دوم تقولها...وبعدين ليش مانصحتهم ( من رأي منكم منكرا فاليغيره...)

اختي انا دعيت لهم ان الله يهديهم بقلبي واضن هذا اضعف الأيمان ،، تحياتي لج على مداخلتج القيمه ،،،

وبالنسبه للموضوع الآخرر راح ارد عليييج فيه بعد شوي بإذن الله

تحياتي لج

[king fish]

منو قالك ان من شروط التسجيل ف المنتدى كل يوم تنزل موضوع
قال المقيمين



هو ماعنده غير موضوعين الاجانب والبنات

[حمد 2002]

لو علم الناس حرمة المال العام لما كان هذا الحال ..

سواء مواطنين أو مقيمين ..

بالفعل صدقت اخووي ،،،

تحياتي لك ،،،

[وحيد-الشوق]

كلامك مبالغ فيه اخوي حمد ترى حتى القطريين مسرفين في امور وايد :)

[حمد 2002]

المفترض اخوي ماتخص المقيميين بالموضوع

لأن مثل هالتصرفات للأسف تخص المواطنيين والمقيميين

واحنا لاحظ هالتصرفات من الطرفين

ودورنا ننصحهم ونوعيهم اخوي وقت الحدث

هلا هلا بوعلي ،،،

انا خصيت المقيمين لأن انا بالدوام عندنا لاحظت ان المقيمين ايسون هالشيء ، ويمكن في اماكن ثانيه المواطنين ايقومون بهالشيء ،،، الله اعلم ماعندي خبره ،،،

تحياتي لك ،،،

[حمد 2002]

ياأخوان انا طرحت هالموضوع وذكرت و خصيت المقيمين لأني شاهدتهم بأنهم هم من يقوم بهالشيء بالعمل ، ومالاحظت المواطنين ،،،

تحياتي للجميييع ، اتمنى وضحت الصوره لكم ،،،

[حمد 2002]

عذرا ياأخوان لن ارد على بعض الردود هنا ،، لاأننا بالنهايه لن نتوصل لنتيجه بالنهايه ،،

تحياتي للجميع والمووضع موضوعكم والصوت صوتكم ،،،

[Rider]

لا المفروض ترد على الكل مادام حطيت الموضوع للنقاش ترى مب شرط يكون كل الي تكتب اخوي حمد صح

[ام السعف]

لو علم الناس حرمة المال العام لما كان هذا الحال ..

سواء مواطنين أو مقيمين ..

:nice:

[أسد الجزيرة]

المفروض المكيفات يسكرونها على الاجانب لانه الكهربة للقطريين بلاش و الاجانب بفلوس

[أخت الكل]

الامور هذي يمكن يشوفها البعض تافهه وما تستاهل نوقف عندها لكن بالحقيقة هي

مقياس لدين وأخلاق البني آدم بغض النظر عن جنسيته

[ام السعف]

المفروض المكيفات يسكرونها على الاجانب لانه الكهربة للقطريين بلاش و الاجانب بفلوس




هو كلام حمد في جزئية منه صحيحة ،،

القطري ما نقول يحق له يسرف في الماي والكهربة

بس الأجنبي المقيم لأنه يدفع فلوس على الكهربة والماي
تلقاه في بيته عايش على لمبة لكنه في المقابل ما عنده مانع
يهدر الماي ويشغل الاماكان علشان يتمتع بالجو البارد ،،

هل كل الأجانب جذيه ؟ نقول لا

بس حمد يسلط الضوء على هالنوعية من الاجانب ،،

فهو معاه حق ،،

الحين شنهي الحلول ؟

الحل ان اي انسان شاف انسان ثاني يهدر في الماي ويسرف فيه
انه يحاول ينصحه ويكلمه ،، او يقدم اقتراح لجهات العمل
انهم يخلون انهدار الماي وخروجه من الصنبور ضعيف
بحيث يكفي للوضوء وغسل اليدين ،، بدل ما ينترك الماي يهدر
وكل يسولف مع ربعه ،، وهالشي نشوفه في الحمامات العمومية
في المجمعات تكرمون سواء من قطريات او مقيمات ،،

[Q6000]

السلام عليكم أخوي حمد... أولا و أخيرا جزاك الله خبر على الموضوع.

لكن موضوع "مال الحكومه عاااااادي" ترى هي و الله أعمق و أدهى - مع الأسف - من شويه ماي و فاين.

ترى السالفه فيها ملايين تروح هدر و غير الأموال اللي تروح مني و مناك خبري خبرك. زائد موضوع الأجانب اللي جايين من الغرب و موضوع تلاعبهم بالأموال و و و و ...

أنا اللقي اللوم الأول و الأخير على المواطن. لو المواطن (من كبيرهم لين صغيرهم ) يأخذ بهذه المبادىء لا يسرف و لا يهدر فلوس الحكومه و لا يخرب و يحترم القانون غصبا عن المقيم راح يعيش وفك هذا النظام.

و بأختصار يا أخوي حمد ...(و يمكن تستغرب شوي و تقول : "أيش دخل؟!") بدون مبادىء أسلاميه...أنسى و ريح راسك من محاوله الأصلاح...صلاح هذه الأمه - لم و لن - يكون لا بالدين.

و صلى الله وبارك على نبينا محمد و على اله وصحبه أجمعين

[فراغ]

(( مال حكومه عااااااااااااااادي ماهمني !!!! ))
السؤال
هل الحكومة مالها ما يهمها

[المستعينه بالله]

ياخي انت عناوينك في المنتدي وايد استفزازيه

يا ريت تحسن اختيار عنوانيك

[امـ حمد]

الإسراف في الماء محرم في الوضوء ، وفي غيره ولكن في الوضوء أشد لأن الوضوء عبادة والعبادة لا يجوز فيها الإسراف وإنما تكون على الوجه المشروع، وأصل الحديث أن النبي صلى الله عليه وسلم رأى سعد ابن أبي وقاص يكثر من صب الماء فنهاه صلى الله عليه وسلم، عن ذلك في الوضوء فقال سعد رضي الله عنه أفي الماء إسراف يا رسول الله قال، نعم وإن كنت على نهر جارٍ فالحاصل أن الإسراف محرم قال الله جل وعلا( وكلوا واشربوا ولا تسرفوا إنه لا يحب المسرفين )) وإذا كان الإسراف في العبادة فهو أشد لأنه تزيد في العبادة.

[@north_star@]

السلام عليكم ورحمه الله وبركاته

الموضوع يحمل العنوان التالي

(( مال حكومه عااااااااااااااادي ماهمني !!!! ))

بعض الموظفين من اخوانا المقيمين اثناء قيامهم بالوضوء للصلاه ، يتكلمون وايخلوون الماي امفتح !!!!!!!! ليش هالشيء ، لو في بيتك بتعمل هالشيء ؟!! :):)

وبعضهم ياخذ من الفاين = الكلينكس الموجود بالحمامات = ونتو بكرامه ، كميه كبيره جدا اذا خلص من الوضوء لو في بيتك بتعمل هالشيء !!!!!
الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع

شمعنى المقيمين اخوي وحتى هذي صار فيها مواطن ومقيم !!!!

[ريتويت]

المفترض اخوي ماتخص المقيميين بالموضوع

لأن مثل هالتصرفات للأسف تخص المواطنيين والمقيميين

واحنا لاحظ هالتصرفات من الطرفين

ودورنا ننصحهم ونوعيهم اخوي وقت الحدث

صح لسانك اخوي

[qatara]

لحديث ابن عمر
{ أن النبي صلى الله عليه وسلم مر على سعد وهو يتوضأ فقال :
ما هذا السرف ؟ فقال : أفي الوضوء إسراف ؟ قال : نعم وإن كنت على نهر جار }
رواه ابن ماجه .

[نوار قطر]

وليش ياحمد اخترت اضعف الايمان وانك تدعي له بالهدايه ،،، على الاقل كان في امكانك انك تنصحه بطريقه حلوه ،، بطريقه تخليه يستحي من فعلته ،،،

[حمد 2002]

لا المفروض ترد على الكل مادام حطيت الموضوع للنقاش ترى مب شرط يكون كل الي تكتب اخوي حمد صح

صادق أخوي ريدر ، بس هنالك نقد بناء وننقد هدام لايضيف أي شيء للموضوع ، وانا لاألتفت للنقد الهدام والسلبي نهائيا ،،،

تحياتي لك الشيخ :victory:

[حمد 2002]

:nice:

:nice::nice:

[حمد 2002]

الامور هذي يمكن يشوفها البعض تافهه وما تستاهل نوقف عندها لكن بالحقيقة هي

مقياس لدين وأخلاق البني آدم بغض النظر عن جنسيته

صاااجه أختي ،،،

تحياتي لج ،،، :victory:

[حمد 2002]

هو كلام حمد في جزئية منه صحيحة ،،

القطري ما نقول يحق له يسرف في الماي والكهربة

بس الأجنبي المقيم لأنه يدفع فلوس على الكهربة والماي
تلقاه في بيته عايش على لمبة لكنه في المقابل ما عنده مانع
يهدر الماي ويشغل الاماكان علشان يتمتع بالجو البارد ،،

هل كل الأجانب جذيه ؟ نقول لا

بس حمد يسلط الضوء على هالنوعية من الاجانب ،،

فهو معاه حق ،،

الحين شنهي الحلول ؟

الحل ان اي انسان شاف انسان ثاني يهدر في الماي ويسرف فيه
انه يحاول ينصحه ويكلمه ،، او يقدم اقتراح لجهات العمل
انهم يخلون انهدار الماي وخروجه من الصنبور ضعيف
بحيث يكفي للوضوء وغسل اليدين ،، بدل ما ينترك الماي يهدر
وكل يسولف مع ربعه ،، وهالشي نشوفه في الحمامات العمومية
في المجمعات تكرمون سواء من قطريات او مقيمات ،،

صاااااجه اختي أم السعف ،،،\


تحياتي لج ،، :nice:

[حمد 2002]

الإسراف في الماء محرم في الوضوء ، وفي غيره ولكن في الوضوء أشد لأن الوضوء عبادة والعبادة لا يجوز فيها الإسراف وإنما تكون على الوجه المشروع، وأصل الحديث أن النبي صلى الله عليه وسلم رأى سعد ابن أبي وقاص يكثر من صب الماء فنهاه صلى الله عليه وسلم، عن ذلك في الوضوء فقال سعد رضي الله عنه أفي الماء إسراف يا رسول الله قال، نعم وإن كنت على نهر جارٍ فالحاصل أن الإسراف محرم قال الله جل وعلا( وكلوا واشربوا ولا تسرفوا إنه لا يحب المسرفين )) وإذا كان الإسراف في العبادة فهو أشد لأنه تزيد في العبادة.

كلامج جمييل وواقعي ياأم احمد ،،

تحياتي لج ،، :nice:

[حمد 2002]

شمعنى المقيمين اخوي وحتى هذي صار فيها مواطن ومقيم !!!!

سبق ذكر السبب من خلال الردود السابقه بالموضوع ،،،


تحياتي لك ،،، :nice:

[حمد 2002]

لحديث ابن عمر
{ أن النبي صلى الله عليه وسلم مر على سعد وهو يتوضأ فقال :
ما هذا السرف ؟ فقال : أفي الوضوء إسراف ؟ قال : نعم وإن كنت على نهر جار }
رواه ابن ماجه .

اهنيك على ذكر الحديث بالموضوع لكي تعم الفائده ،،

تحياتي لك :victory::victory:

[حمد 2002]

وليش ياحمد اخترت اضعف الايمان وانك تدعي له بالهدايه ،،، على الاقل كان في امكانك انك تنصحه بطريقه حلوه ،، بطريقه تخليه يستحي من فعلته ،،،

ليش لاء اختي بالعكس اذا جيه المجال والوقت المناسب اني انصحهم وجها لوجه بنصحهم ،،،


تحياتي لج ،،، :victory:

[ضوى]

ثقافة الترشيد لازم نعلمها الصغير قبل الكبير المواطن قبل المقيم ، وبالنهاية هي سلوك يدل على تربية الشخص نفسه بغض النظر عن جنسية او عمر ، لو تعمقنا بايات الاسراف بالقران الكريم وبحديث النبي عليه صلوات ربي وسلامه كان تاكدنا انه المال العام هدره مصيبة وذنب كبير

[تغلبية]

احنا لو نتبع سنة الرسول صل الله عليه وسلم في الوضوء .. مثل ماتبعناها في الصلاة كان ماشفنا مثل هذا الاسراف

لتر ماي او اقل تكفي لوضوء سابغ سابغ

[بصمة قطرية]

إنصحهم أخوي
ما فيها شي
لو حصلت مجال
تكون خطيت خطوة مهمة
و وعيتهم للي يسوونه ..
تصدق من صغرتنا الوالد الله يحفظه
كان يعلمنا هالشغلة
لا تسرفون في إستخدام الماي
حتى لو كان ببلاش
الحمدلله علمت عيالي و خداماتي ..


ذكرتني بالمثل
( مال بلاش كثر منه ) ..

[Algargoor]

يا أخى المواطن قضيتك هذه تدعو الى ترشيد استهلاك الطاقة و هى ثقافة يعيشها المقيم
و تنعكس على سلوكة سواء فى بيته أو عمله لأنها أصبحت عادة يمارسها أينما نزل ،
و عليه لا يجوز أن تعمم الأمر إلا من قليل لتباين الثقافات حتى بين أفراد المجتمع ،
و كان يتعين عليك أن تلفت نظر هؤلاء بلسانك و ليس قلبك ،
أزيدك من الشعر بيت فأقول أن بعض الأخوة القطريين لا يحلوا لهم الشاى و السوالف
إلا وقت الصلاة ، ما رأيك إذن ؟
تقبل تحياتى

[النهار]

هلا هلا بوعلي ،،،

انا خصيت المقيمين لأن انا بالدوام عندنا لاحظت ان المقيمين ايسون هالشيء ، ويمكن في اماكن ثانيه المواطنين ايقومون بهالشيء ،،، الله اعلم ماعندي خبره ،،،

تحياتي لك ،،،


ياخوي بارك الله فيك ليش عممت طالما انت غير ملم بباقي الاماكن عندنا في الشغل العكس
نسيت شلالات المياه الي تطلع من البيوت في غسيل الحوش نسيت الهوز الممدود في زرع البيت
في ذمتك كم مره في الدوام الواحد يتوضاء بالكثير مره او مرتين
وبعدين لوشفت شي غلط تكلم انصح والدين نصيحه

[نوار قطر]

ليش لاء اختي بالعكس اذا جيه المجال والوقت المناسب اني انصحهم وجها لوجه بنصحهم ،،،


تحياتي لج ،،، :victory:

اول مره ما تعارضني وتقول كلامج غلط:omg:

[حمد 2002]

اول مره ما تعارضني وتقول كلامج غلط:omg:

يالله صباح خير هههههه :tease:

[حمد 2002]

ياخوي بارك الله فيك ليش عممت طالما انت غير ملم بباقي الاماكن عندنا في الشغل العكس
نسيت شلالات المياه الي تطلع من البيوت في غسيل الحوش نسيت الهوز الممدود في زرع البيت
في ذمتك كم مره في الدوام الواحد يتوضاء بالكثير مره او مرتين
وبعدين لوشفت شي غلط تكلم انصح والدين نصيحه

صادق البيوت ايهدرون الماي من خلال غسيل الحوش والسيارات ، بس انا ماتطرقت لجميع الاماكن انا تطرقت للدوام ، من خلال واقع جدامي

تحياتي لك ،،،

[حمد 2002]

يا أخى المواطن قضيتك هذه تدعو الى ترشيد استهلاك الطاقة و هى ثقافة يعيشها المقيم
و تنعكس على سلوكة سواء فى بيته أو عمله لأنها أصبحت عادة يمارسها أينما نزل ،
و عليه لا يجوز أن تعمم الأمر إلا من قليل لتباين الثقافات حتى بين أفراد المجتمع ،
و كان يتعين عليك أن تلفت نظر هؤلاء بلسانك و ليس قلبك ،
أزيدك من الشعر بيت فأقول أن بعض الأخوة القطريين لا يحلوا لهم الشاى و السوالف
إلا وقت الصلاة ، ما رأيك إذن ؟ تقبل تحياتى

اخوي انا ماتطرقت للصلاه ولا للجاي والقهوى ، انا تطرقت لقضيه رأيتها جدام عيوني ؟
تحياتي لك ،،

[حمد 2002]

إنصحهم أخوي
ما فيها شي
لو حصلت مجال
تكون خطيت خطوة مهمة
و وعيتهم للي يسوونه ..تصدق من صغرتنا الوالد الله يحفظه
كان يعلمنا هالشغلة
لا تسرفون في إستخدام الماي
حتى لو كان ببلاش
الحمدلله علمت عيالي و خداماتي ..


ذكرتني بالمثل
( مال بلاش كثر منه ) ..

بالعكس كلامج جميل اختي ،،
اذا حصلت لي فرصه مناسبه بنصحهم ليش لاء ،،،

تحياتي لج ،،

[حمد 2002]

احنا لو نتبع سنة الرسول صل الله عليه وسلم في الوضوء .. مثل ماتبعناها في الصلاة كان ماشفنا مثل هذا الاسراف

لتر ماي او اقل تكفي لوضوء سابغ سابغ

صااااااجه اختي تغلبيه ،،،

تحياتي لج ،،،

[ام عبدالعزيز]

الله المستعان
تكلم من او من..

[R 7 A L]

انا اقترح يشيلون الكلنكس ويحطون لهم فوط معلقة يشتركون فيها بالتنشيف

[Locale]

انا اقترح يشيلون الكلنكس ويحطون لهم فوط معلقة يشتركون فيها بالتنشيف
وصاااخه:(

[R 7 A L]

وصاااخه:(

على شان مايكون فيه تبذير
ولعب في حلال الحكومة :nice:

[ضوى]

انا اقترح يشيلون الكلنكس ويحطون لهم فوط معلقة يشتركون فيها بالتنشيف

ايه عادي اصلا الرياييل عادي يتشاركون بكل شي مو مشكلة بتاتاً

[ام علي1981]

المقيييييييييييييميييييييين

[R 7 A L]

ايه عادي اصلا الرياييل عادي يتشاركون بكل شي مو مشكلة بتاتاً


:omg:

بكل شي بكل شي؟

:rolleyes2:

[اليحصبي]

الحمد لله يصلون

[ضوى]

:omg:

بكل شي بكل شي؟

:rolleyes2:

ارد عليك يارحال

عيل وين صارت يتشاركون فوط للتنشيف ؟؟

اذا الريال وهو ريال ورايح حلاق ياخذ عدته كاملة بيتشارك ويا واحد فوطة للتنشيف ؟

[R 7 A L]

ارد عليك يارحال

عيل وين صارت يتشاركون فوط للتنشيف ؟؟

اذا الريال وهو ريال ورايح حلاق ياخذ عدته كاملة بيتشارك ويا واحد فوطة للتنشيف ؟


رد ساخر
مع احترامي للاخ حمد
ولا شيبينا نسوي نقعد نراقب كل مكان وضوء نشوف من الي يأخذ اكثر من عشر حبات كلينكس ومن الي يطول في الوضوء والماي يصب
!!!

[ضوى]

رد ساخر
مع احترامي للاخ حمد
ولا شيبينا نسوي نقعد نراقب كل مكان وضوء نشوف من الي يأخذ اكثر من عشر حبات كلينكس ومن الي يطول في الوضوء والماي يصب
!!!

:victory::victory::victory:

اذا جذي سماح :)واعتذر بشدة اذا ردي كان سخيف اسفة جدا جدا

[حمد 2002]

رد ساخر
مع احترامي للاخ حمد
ولا شيبينا نسوي نقعد نراقب كل مكان وضوء نشوف من الي يأخذ اكثر من عشر حبات كلينكس ومن الي يطول في الوضوء والماي يصب !!!

اذا قلنا معلينا من هذا وماعلينا من ذاك وطنشنا يااخوي رحال بيضيع المجتمع وبتصير فوضى ، فلازم نضع النقاط على الحروف :victory:

تحياتي لك ،، :nice:

[تحداني]

اليوم شفت في مكينه التصوير واللاهي ملزمه كيميا ههههههه
قلت شنو هالبلاوي .. لقيت موظف امصورها حق ولده ما ادري بنته .. ما ادري والله يمكن يعطي بعد دروس خصوصيه

واخر اورقه كانت صوره جواز الخدامه .. ومعاها شي يتعلق بالبصمه ما اعرف خروجيه



مافي لاذمه ولا ضمير

[chillis]

لا المفروض ترد على الكل مادام حطيت الموضوع للنقاش ترى مب شرط يكون كل الي تكتب اخوي حمد صح

:nice:

[ام السعف]

اليوم شفت في مكينه التصوير واللاهي ملزمه كيميا ههههههه
قلت شنو هالبلاوي .. لقيت موظف امصورها حق ولده ما ادري بنته .. ما ادري والله يمكن يعطي بعد دروس خصوصيه

واخر اورقه كانت صوره جواز الخدامه .. ومعاها شي يتعلق بالبصمه ما اعرف خروجيه



مافي لاذمه ولا ضمير

مال الحكومة وما يهمك :(

[تحداني]

مال الحكومة وما يهمك :(


ذاك اليوم في قناه الوطن يسأل احد المتصلين الشيخ ويقول له
عادي اشحن جوالي من كهربا الدوام

شوفي الذمم.. تأملي

[حسن]

المحاسبه مطلوبه من قبل النفس
واللي مايخاف الله تتوقع منه اي شي
وبعدين هذا يرجع لتعليم الشخص وثقافته
والله ياحمد مهب عند المقيمين بس حتى ربعنا تشوف يسحب اوراق الفاين اكثر من المطلوب وحتا صرف الماي
انا لما اشوف الطباخ مايلتزم بصر الماي جبتله راس يتركب في الخلاط تعذب يوم ركبته
اذا بيسوي شاي يبيله 5 دقايق لين يعبي الغوري
قالى ارجوك بابا مايبي قلت خل اسنعكم يالمي مبراضيين تتعلمون انتو يالخدم سببتو ارتفاع في منسوب المياه الجوفيه في المناطق اعمال النسوان ودانه في ستين داهيه

الله المستعان

[ام السعف]

ذاك اليوم في قناه الوطن يسأل احد المتصلين الشيخ ويقول له
عادي اشحن جوالي من كهربا الدوام

شوفي الذمم.. تأملي

جزاه الله كل خير ،، اهنيه الذمم مب بعض الناس اللي يكتب على طوفة
المدرسة ويقول طوفة سبيل :(

شكرا لك تحداها الزمن على هالمشاركة :(

[تحداني]

جزاه الله كل خير ،، اهنيه الذمم مب بعض الناس اللي يكتب على طوفة
المدرسة ويقول طوفة سبيل :(

شكرا لك تحداها الزمن على هالمشاركة :(




باااال .. ما اعتقد في حد يكتب الحين على طوف المدرسه
هذاك اول سعفوه .. الحين ياخذون كوارتين الحليب من الدوامات
والماي الي قرب وينتهي صلاحيته

وايد طيبه انتي
وايد

نسيت اكتب " البعض "

[ام السعف]

باااال .. ما اعتقد في حد يكتب الحين على طوف المدرسه
هذاك اول سعفوه .. الحين ياخذون كوارتين الحليب من الدوامات
والماي الي قرب وينتهي صلاحيته

وايد طيبه انتي
وايد

نسيت اكتب " البعض "

امبلى شفت الكتابة على طوفة المدرسة :(

مسكين صاحب الترخيص توه مجدد الصبغ ،،

الا الاخوان او العيال او البزارين كاتبين تحيا مصر
:(
والثاني كاتب عاش عرباوي :shy:

[شبح الصمت]

محد يحس بنعمة رب العالمين الا الي فاقدها أيا كانت وأيا كان الموضوع المتطرقين له ويكون عن الاقتصاد في كل ما هو ليس لنا .. !!

اللهم لك الحمد والشكر على النعمة التي نحن فيها من فضلك
وشكراً سيدي صاحب السمو الشيخ حمد بن خليفة آل ثاني على كرمك لنا وجعل من جابك الجنه يآرب

[CH Engineer]

صحيح اخوي

الاقتصاد ثقافة لازم يكون في توعيه عن كيفية صرف الماء ايا كان مواطن وإلا مقيم

شفت بعيني وفكرت قلت ليش ما يكون في حنفيات لها حد معين في نزول الماء بالذات الي حقت الوضوء وبس يكونون اقتصدوا في السرف منه وداخل الحمام ( تكرمون ) عادي مفتوح ..

اتمنى اعادة النظر واتمنى الفاين يكنسلونه ويحطون مكاين تنشيف الهواء واصلا ليش تنشف خل الماي ينزل بينشف من نفسه ..

:)

مكاين التنشيف تصرف كهرباء المفروض يحطون فتحه بالطوفه على برع اطلع يدك من الطوفه وتنشف من الحر :tease:


نفس الشي عندنا بالدوام الاجانب غير العرب من الجنسية الاسيويه بالذات الهنود يصرفون كمية كبيرة من الفاين واذا فتح الماي يفتحه على اخر شي مب مصدق انه ابلاش
والفاين يتغير باليوم فوق ال5 مرات
بس قيمة الفاين بالجمله مايوصل 3 ريال يعني 15 ريال حتى لو 100 ريال شبتسوي لشركة بهالحجم