الخور الإعدادية للبنات وهالمصيبة لو صج يا المجلس الأعلى

[التيما]

اليوم قلت بروح اللولو اللي في الخور وقلت بمر على وحده من هلي وانا عندها قاعدين عالتويتر الا اشوف هالتغريده اللي صار لها أسبوع تقريبا لفتت انتباهي !! لا وعن المجلس بعد !! يا زينها جات عالعوق :anger1:

http://www14.0zz0.com/2013/04/29/13/213586639.jpg (http://www.0zz0.com)

وقلت يمكن عادي عيارة بنات .. المهم مالكم بالطويلة رفيجتي مدرسة هناك من سنة وطبعا سألتها عن الموضوع ؟ قالت ما تدري قلت لها شيكي الموضوع وبما أنها فاجة جدا وما لها بهالسوالف شراتي !! سالت بنت في المدرسة عن هالكلام !!
قالت البنت صج في طالبة خذت لاب توب المدرسة ونسخت الاختبارات للصف السابع والتاسع وشافت الامتحان وطبعا قالت للبنات ..

نرجع لرفيجتي .. اللي أنا عرفته ان الامتحان المدرسة تسويه بس الصف التاسع لازم يمر عالمجلس الأعلى ليش مادري !! عاد جات لين عندي أنا سالت خبير معايير في المجلس عن ورقة الامتحان للتاسع !! تصدقون طلع نفس الامتحان اللي متسرب !!!:secret:

شمعناته !! شهالفوضى !! يعني امتحان متسرب ماقدر أغيره مثلا !! مدرسة تعطي بنت جهازها وينسحب الامتحانيين وما يتغيرون ؟؟ قمة الاستهتار والمصخرة .. ولو مؤ واثقين ان مافي حساب ولا عقاب ماتجرأؤ على هالحركة !!! وين أيام الوزارة !! لو مدرسة روت الامتحان لمدرسة لنفس المادة يتغير الحين طالبة شافته وخلوه !!!

والمصيبة التغريده مكتوبة من أسبوع !!!!! اعنبوا مافي رد فعل من المجلس الاعلى للتعليم !! وسالت رفيجتي تقول مافي شي الوضع مستتب عندهم لا وشاكرين المدرسات عالتصحيح هههههههه اهم شي في رسوب !!!

صحيح من أمن العقوبة أساء الأدب .. هاي المدارس وسوالفها .. كلن يلعب محد يدري عنه .. وبالخش اللي يصير شي واللي يتوثق شي ثاني ..

على عيالنا السلام دام هذي النماذج اللي في المدارس .. لاحول ولا قوة إلا بالله ..

يا ريت نشوف رد المجلس الأعمى شبيقول على هالمصيبة !!! ولا تهقون عادي !!

[Mohammed2]

وتستمر المصخرة والتخبط في المجلس الأعلى للتعليم :)

[بوطويشم]

السلام عليكم

أخوي في ثالث ثانوي

وتكون الأسئله عنده قبل الأمتحان بيوم !!!!

[وحيد-الشوق]

السلام عليكم

أخوي في ثالث ثانوي

وتكون الأسئله عنده قبل الأمتحان بيوم !!!!

عطنا رقم اخوك ههههههههههههههه

للعلم ترى مب شيء جديد امتحانات كثيرة تتسرب ومن ايام الوزارة سابقا :secret:

[لاجل QT]

ماله علاقة المجلس الاعلى

هو اهمال من المعلمة...الله يعينها على اللى بيجيها

[الكواري]

مهما صار ... نقول الحمدلله
ماحصل الا الخير
وعلى المعلمة وإدارة المدرسة الانتباة لعدم تكرار ذلك مستقبلا
وان تكون الية إعداد الاختبارات سرية اكثر .

تحياتي ...

[storm..]

السلام عليكم

أخوي في ثالث ثانوي

وتكون الأسئله عنده قبل الأمتحان بيوم !!!!


غريبه مع ان حاولنا من سنتين بمبالغ ولا فاد وياهم لان الامتحان مب عند منسقين المدرسه لازم من مسؤل في وهاي بنسبه الامتحان النهائي (المجلس الاعلى)
اما امتحانات التقارير كانت تكون عندنا قبل الامتحان ب 3 ايام

[ضوى]

غريبه مع ان حاولنا من سنتين بمبالغ ولا فاد وياهم لان الامتحان مب عند منسقين المدرسه لازم من مسؤل في وهاي بنسبه الامتحان النهائي (المجلس الاعلى)
اما امتحانات التقارير كانت تكون عندنا قبل الامتحان ب 3 ايام

استغفر الله العظيم
تحاولون الغش وبفلوس ؟؟؟؟
رحمتك ياربي

[التيما]

وتستمر المصخرة والتخبط في المجلس الأعلى للتعليم :)

الله المستعان

[التيما]

السلام عليكم

أخوي في ثالث ثانوي

وتكون الأسئله عنده قبل الأمتحان بيوم !!!!

راحت هيبة الامتحانات

[التيما]

ماله علاقة المجلس الاعلى

هو اهمال من المعلمة...الله يعينها على اللى بيجيها

من قال ماله علاقه المجلس الأعلى !! أقولك الإدارة عندها علم عن تسرب الامتحان من قبل الامتحان باسبوع وسألوا المدرسة ليش ما غيروا الامتحان !!
سؤالي ليش ما غيروا الامتحان !!! هني لازم يجئ موقف المجلس الأعلى !! أنا ما أحاسب المجلس إلا لمن أتأكد انه عنده علم وما سوو شي !!

[التيما]

مهما صار ... نقول الحمدلله
ماحصل الا الخير
وعلى المعلمة وإدارة المدرسة الانتباة لعدم تكرار ذلك مستقبلا
وان تكون الية إعداد الاختبارات سرية اكثر .

تحياتي ...

حصل خير !!!!!! استغرب هالكلام !!! يا جماعة إحنا تربويين وشو حصل خير !!
حصل خير صح لمن يدرون عن تسرب الامتحان ويتغير هني بنقول والنعم خوش إدارة .. لكن يدرون عن التسرب ويخلون الامتحان نفسه ليش !!! هني القمنده !!!! هني مب حصل خير اسمحلي

[التيما]

غريبه مع ان حاولنا من سنتين بمبالغ ولا فاد وياهم لان الامتحان مب عند منسقين المدرسه لازم من مسؤل في وهاي بنسبه الامتحان النهائي (المجلس الاعلى)
اما امتحانات التقارير كانت تكون عندنا قبل الامتحان ب 3 ايام

يا ويلي وش هاي !! مرحباً بكم انتم في المجلس الأعلى !!

[التيما]

استغفر الله العظيم
تحاولون الغش وبفلوس ؟؟؟؟
رحمتك ياربي

يعني بالذمة يا ضوى الكل يدري عن هالشي ويبون يقنعوني ان المجلس الأعلى ما يدري !! مب حرام يتساوى اللي يدرس واللي يجيه الامتحان عالجاهز !! ونلوم المجلس !!! دام الناس تنجح بالغش والرشوة نلوم المجلس !!! والله مالومه .. للأسف الخطأ من الناس مب من المجلس

[نمـر]

ان رسبو قلتو الامتحانات صعبه وحسبي الله على المجلس الاعلى وان انجحو قلتو الامتحانات متسربه وووين المجلس الاعلى وانتي شاده حيلج تبحثين عن الموضوع واتصالات ليش طالبه باقت الابتوب وينكم يا امه محمد عنبوه المجلس الاعلى شبيلحق شبيخلي وتسريبات الامتحانات من سنه يدي اذكرها

[شيخ الديرة]

ما أفهم ليش يوزعوها على المدارس قبل الساعة السادسة صباح يوم الامتحان!!

تنطبع في مطابع المجلس حسب عدد الطلاب وثم توزع صباح يوم الامتحان، يعني هاي قطر مو الصين، كلها ساعة للخور

بس المعلمات والمديرة وحتى المجلس عاجبتهم الطبخة حتى يقولون ماشاءالله نسبة النجاح عالية والكل ياكل كيك

[ضوى]

يعني بالذمة يا ضوى الكل يدري عن هالشي ويبون يقنعوني ان المجلس الأعلى ما يدري !! مب حرام يتساوى اللي يدرس واللي يجيه الامتحان عالجاهز !! ونلوم المجلس !!! دام الناس تنجح بالغش والرشوة نلوم المجلس !!! والله مالومه .. للأسف الخطأ من الناس مب من المجلس

بجد مصدومة

[قطرية مثقفة]

قبل سنوات كنت منسقة في اخر دفعات الحكومي @@ المهم المعلمة المسؤولة عن وضع الاختبار سربته لزميلاتها في القسم @@ فالإجراءات اللي اتخذته واجهتها ورحت بلغت الوكيلة @@ تعرفون شنو كان ردها وانه في قمة الغضب @@ ردت علي انتي ليش معصبة ومكبره الموضوع هذي الشي عادي وانتي غلطتي على زميلتج ولازم تتأسفين منها !!!!! @@@ المشكلة اللي ماسكين المناصب ماعندهم ضمير فسلموا على اللي تحتهم ...

[قطرية مثقفة]

ما أفهم ليش يوزعوها على المدارس قبل الساعة السادسة صباح يوم الامتحان!!

تنطبع في مطابع المجلس حسب عدد الطلاب وثم توزع صباح يوم الامتحان، يعني هاي قطر مو الصين، كلها ساعة للخور

بس المعلمات والمديرة وحتى المجلس عاجبتهم الطبخة حتى يقولون ماشاءالله نسبة النجاح عالية والكل ياكل كيك

صدقت المديرة عاجبها اهم شي عندها تقييمها ماينزل لان مرتبط بنسبة نجاح الطلاب في المدرسة @@

[شيخ الديرة]

ما أفهم ليش يوزعوها على المدارس قبل الساعة السادسة صباح يوم الامتحان!!

تنطبع في مطابع المجلس حسب عدد الطلاب وثم توزع صباح يوم الامتحان، يعني هاي قطر مو الصين، كلها ساعة للخور

بس المعلمات والمديرة وحتى المجلس عاجبتهم الطبخة حتى يقولون ماشاءالله نسبة النجاح عالية والكل ياكل كيك

نسيت أقول يعني مقعولة مئات الألاف من الجرايد تتوزع يومية وتوصل قبل الساعة السادسة للخور, بس المجلس الأعلى يوزع الأسئلة الكترونيا على المعلمات حتى يستنسخوها في مدارسهم؟ عجبي

[شيخ الديرة]

وبعد نسيت شي, هل هناك أحد بعده يتسائل ليش صعب الدخول الى جامعات المدينة التعليمية؟ لأن النجاح مضمون ولكن بدون مادة علمية تكفي لعبور الأمتحانات الدولية

[vip-30003]

الموضوع في شي مب فاهمه !!!!

هل يعقل ادارة مدرسة من صاحبة ترخيص والنائبة والمنسقة والمدرسه

يعرفوا ويسكتون ؟؟

احتمال صاحبة الترخيص ماتدري والباقي غطوا على الموضوع

اما التويتر وغيره مب كل شي انتابعه 1

احتمال مقلب صاير وهالمعلمة مظلومه مالها ذنب 2

المفروض يتغيير الاختبار بس هم احتمال خافوا عن الفضايح والكلام

بس من كان يعرف ؟؟؟ اللي يعرف يتحاسب انه ما تكلم

المفروض ينعاد الاختبار للكل وتابعوا موضوع البنت اللي سربت الاختبار ينحط

لها صفر

،،،،،،،،

بس موضوع نشر الغسيل ما احبه استروا يا جماعة الخير

اللي كتبت بالتويتر مب طالبه من الاسلوب موظفه اكيد واحتمال بنفس هالمدرسه

النيه مب صافيه استغفر الله الناس صارت اتحب تتشمت واتصيد خبث والله

الله لا يبلينا

[Bo jassim 33]

الاحظ اغلب مواضيعكم عن المجلس هي مواضيع كيديه
الحين خليتوا اللي سربت الامتحان
واللي وزعته
والطالبات اللي نشروه
وما حاسبتوهم
وطالبين بمحاسبة المجلس ؟؟


عجبي

[التيما]

ان رسبو قلتو الامتحانات صعبه وحسبي الله على المجلس الاعلى وان انجحو قلتو الامتحانات متسربه وووين المجلس الاعلى وانتي شاده حيلج تبحثين عن الموضوع واتصالات ليش طالبه باقت الابتوب وينكم يا امه محمد عنبوه المجلس الاعلى شبيلحق شبيخلي وتسريبات الامتحانات من سنه يدي اذكرها

لا ربي يسلمك ما ينجحون بهالطريقة اسمح لي .. وطبعا أنا أي شي يثبت فشل المدارس المستغلة لازم اشد حيلي ونص لانها فاشلة وهاي رأيي ومن زمان معروف ..

[التيما]

قبل سنوات كنت منسقة في اخر دفعات الحكومي @@ المهم المعلمة المسؤولة عن وضع الاختبار سربته لزميلاتها في القسم @@ فالإجراءات اللي اتخذته واجهتها ورحت بلغت الوكيلة @@ تعرفون شنو كان ردها وانه في قمة الغضب @@ ردت علي انتي ليش معصبة ومكبره الموضوع هذي الشي عادي وانتي غلطتي على زميلتج ولازم تتأسفين منها !!!!! @@@ المشكلة اللي ماسكين المناصب ماعندهم ضمير فسلموا على اللي تحتهم ...

حسب الذمة والضمير اختي .. أنا كنت حكومي من سبع سنوات وكانت الامتحانات ما يطلعون عليها زميلاتنا ..

[التيما]

صدقت المديرة عاجبها اهم شي عندها تقييمها ماينزل لان مرتبط بنسبة نجاح الطلاب في المدرسة @@

أنا لا اتهم احد .. أنا استغرب تسرب الامتحان وعدم تغييره فقط !!

[التيما]

وبعد نسيت شي, هل هناك أحد بعده يتسائل ليش صعب الدخول الى جامعات المدينة التعليمية؟ لأن النجاح مضمون ولكن بدون مادة علمية تكفي لعبور الأمتحانات الدولية

ويقولون مافي مضمون !!

[التيما]

الموضوع في شي مب فاهمه !!!!

هل يعقل ادارة مدرسة من صاحبة ترخيص والنائبة والمنسقة والمدرسه

يعرفوا ويسكتون ؟؟

احتمال صاحبة الترخيص ماتدري والباقي غطوا على الموضوع

اما التويتر وغيره مب كل شي انتابعه 1

احتمال مقلب صاير وهالمعلمة مظلومه مالها ذنب 2

المفروض يتغيير الاختبار بس هم احتمال خافوا عن الفضايح والكلام

بس من كان يعرف ؟؟؟ اللي يعرف يتحاسب انه ما تكلم

المفروض ينعاد الاختبار للكل وتابعوا موضوع البنت اللي سربت الاختبار ينحط

لها صفر

،،،،،،،،

بس موضوع نشر الغسيل ما احبه استروا يا جماعة الخير

اللي كتبت بالتويتر مب طالبه من الاسلوب موظفه اكيد واحتمال بنفس هالمدرسه

النيه مب صافيه استغفر الله الناس صارت اتحب تتشمت واتصيد خبث والله

الله لا يبلينا

للعلم لا يعلم بالموضوع ومن يدري ومن ما يدري إلا الله .. أنا مجرد ملاحظه لشي غلط وعلقت عليه .. موضوع انه كيد مؤ كيد مب تخصصي .. المهم ما ينعاد هالشي ويتحاسب المسؤول .. أما الطالبه مادري عنها لانها في الأخير تعتبر ياهل.. ما تنلام إذا اللي في الثانوية يقولك يشتري الامتحان ! وبخصوص نشر الغسيل تبيني اكتب مثلا مدرسة في الشمال !!! صار الإعلان عن الخطأ لتصحيح الخطأ شي كيدي !!
وموضوع الشماتة والخباثه الحمد لله ماهو طبعي .. بس الغلط بقول عنه غلط ..

[التيما]

الاحظ اغلب مواضيعكم عن المجلس هي مواضيع كيديه
الحين خليتوا اللي سربت الامتحان
واللي وزعته
والطالبات اللي نشروه
وما حاسبتوهم
وطالبين بمحاسبة المجلس ؟؟


عجبي
أنا ما قلت أحاسب المجلس .. أنا أتكلم لان الموضوع صار له أسبوع ولم يتخذ إجراء تجاه المخطئ وهي المدرسة وليس المجلس ..

[الخزرجي قطر]

لاحول ولا قوة الا بالله
وماخفي عنكم كان اعظم

[راشد محمد]

الله المستعان

[عوآآآآشـي]

طيب صغروا الصورة اشوي :d

حسبي الله ونعم الوكيل

[qatarman8008]

اصلا بدون تسريب امتحانات.. الطلاب ينجحون بامتياز وهو ولا يدري شي عن المادة.. ما ادري اشلون..!!
عيالي يجيبون في التسعينات.. واذا مسكت اكتاب وسالته.. ما يعرف يجاوب شي..!!
ما يحتاج تسريب ولا تعب..

[قطريه22]

الصوره وايد كبيره

اذا ممكن تصغرها اخوي

[sendarala]

عادي عندهم سواء المجلس ولا المدارس كلهم سواء

اما بالنسبة للامتحانات فكل مدرسة مادة تعطي طالباتها ورقة مراجعة قبل الامتحان ( كل سؤال بجوابه ) وتقول لهم احفظوه لان هذا المهم

الله يرحم ايامنا اللي كانت تجي الموجهة وتسأل المدرسة عن الاختبار وواوراق المراجعة حتى تتأكد من الاسئلة

[ام السعف]

التيما ،،

الخطأ خطأ المدرسة اولا ،،

والمدرسة ثانيا اذا وصلها الخبر وما تحركت
والمجلس الاعلى سيد المخطئين اذا الأمر وصله وما حرك ساكن ،،