هل مشاكل العمل تزعجك خارج العمل ؟؟

[برشلوني قطر]

سؤال واتمنى الاجابه عليه وفي نفس الوقت

نبي حلول عمليه

هل اذا صادفتك مشكله ف شغلك وانتهى الدوام

هل تأثر ع نفسيتك خارج الدوام ؟؟

والعكس لو صادفتك خارج الدوام تأثر عليك ف عملك ؟؟

بعض الاصدقاء يقولون لي من نطلع من الشغل

نحذف كلشي ورانا

بالنسبه لي احاول كثير اطبق ذي الشي لاكن

للاسف مااااقدر. تصيدني مشكله فالدوام

يتعكر مزاااجي جدا ومارتاح الا اذا حليت المشكله


الحل ياجماااعة الخير. ارآكم تهمني

[حمد 2002]

انا نفسك تماما ،،

مممم لانه طبيعه الانسان تختلف من فرد لأخر ، في ناس حساسين من ابسط الامور وفيه ناس غير مبالييين وماعندهم مشاعر وفي ناس طبعهم قاسي وفيه وفيه وفيه ،،، لانهم في النهايه بشرررر وطبعه مختلف ،،،

تحياتي لك

[الخيالة]

انا لا ما اقدر شايله هم الدوام ٢٤ ساعه غصبن عني لان اكره المكان وغصب قاعده اشتغل :(

[khaldoon]

انا مثلك تماما ...ما اقدر افصل مثل الكمبيوتر....احنا مب الة او ماكينة و بكبست زر تسكر او تلغي الملفات

[نتفـه]

ماقدر افصل مشاكل الدوام عن حياتي بعد الدوام ..

[روح الاطلس]

اعتقد مشكلات العمل الفنية المرتبطة بالعمل نفسه او بعض الصعوبات ذي لابد ان تتركها خلفك وانت خارج المكتب وثاني يوم ابدأ في حلها واستكملها

اما الامور الجانبيه مثل بعض الزملاء ذوي النفوس المريضة والذين لا ينفكون الا بأذيتك وتحطيمك فالمشكلات من هذا النوع ستلازمك حتى وانت في خارج عملك لانها تمسك كشخص اكثر من مساسها فيك كموظف

[khalid525]

كنت مثلك اخوي ما اقدر انسى مشاكل العمل بعد الدوام واتم افكر فيها طول اليوم ، لين قررت اني انا مب بس خالد الموظف ، انا موظف وزوج ورب اسرة وعندي اصدقاء وهوايات ،
ليش احصر مشاعري في الوظيفة وانسى باقي ادواري المهمة ، في البداية راح يكون الموضوع صعب لكن يوم ورا يوم راح تنجح وتفصل بين مشاكل الدوام وباقي يومك ،

ومن الاشياء اللي ما راح تخليك تقدر تفصل بين مشاكل الدوام وحياتك ، ان ربعك اللي تقضي معاهم فترات بعد الدوام هم زملائك في العمل ، هالشي غلط وحاول تتعرف على اصدقاء من خارج العمل .

[تغلبية]

كلم نفسك من الداخل انك لازم تفصل الدوام عن حياتك الشخصية ... كلمها باستمرار
وبرمج نفسك ان من تطلع من الشغل خلاص لك حياة ثانية هلك عيالك ربعك هواياتك

المشكلة لها حل .. واكيد الحل ماراح يجي من زود التفكير او تعكير المزاج،
انا شفت مشاكل وايد في الشغل .. وكنت اتأثر لين بدا يستوي عندي ارتجاع في المريء من زود التفكير
هنيه خذت وقفة مع نفسي .. وقلت إلا الصحة .. إن راحت ماعاد ترجع .. وفلوس الدنيا كلها ما تردها ... لذلك وقت الشدة أكون كووووول ..


كنت اذا قفلت خلاص .. اقعد اشوف على اليوتيوب الكاميرا الخفية الكندية gugges او مسرحية لطارق العلي يخليك غصب تضحك.. ترا الضحك يخليك تتوصل لحلول ببساطة .. وتحريك عضلات الوجه والقلب والتنفس .. لها دور كبير في الاستقرار العقلي والنفسي ..
وبعدها بتقول .. أنا شعليه حارق قلبي ؟!

افضل حل انا اشوفه بالاضافة الى الضحك .. انك تمارس الرياضة .. وما تترك الجم او المشي ابداً
منها تشغل نفسك .. اتجدد طاقتك وحيويتك .. يزيد معدل هرمون الانبساط .. ويكون عندك توازن طول اليوم

وتذكر .. أهم شي صحتك .. :victory:

[Bo jassim 33]

لااااااا اتا ما تزعجني عادي سهالات

[Aaziz]

مرتبطه مع بعض ،،، من الاخر سلطه ،، هذا ياثر على هذا و العكس صحيح .

برشلوني لاتحاتي ،، انت انسان طبيعي :nice:

[ضوى]

وايد افكر بمشكلات العمل لانها مرتبطة بصحة الناس ، اتابع وايد هالمشكلات خارج اوقات الدوام الرسمي بس هالشي مايأثر على علاقاتي الاجتماعية او الاسرية

[sweet qatar]

هل مشاكل العمل تزعجك خارج العمل ؟؟

هذاااااك أاأاأووول..


قبل كنت داخلة الشغل بكل عواطفي.. واذا واجهتني مشكلة أحاول أحلها حتى وانا خارج الدوام..


لين الله هداني.. وصرت من ينتهي وقت الدوام الرسمي أرفع القلم.. خلاااااص..


عادي الحين يكون في أكشن في الشغل وحماس.. وعقب اطلع من الدوام ولا اتذكر شاللي صار..


الموضوع مب صعب وايد.. مسألة تعود.. خذها يوم بيوم لين تصير عادة..

[بـــــدوي]

شي طبيعي لوانزعجت من شغله فالبيت واثرت علي في الشغل او العكس بس تأكد انها اذا بتأثر فالشغل بيكون على آدائي ومااخليها تأثر بأي شكل من الاشكال على المراجعين او الموظفين ابعد الله عنا وعنكم المشاكل:victory:

[تحداني]

كل مشكله اتمر علي في اي مكان كان واتمس جوانب كثيره من مشاعري وخاطري
اتأثر علي وما اقدر افصل مزاجي عنها .. آخذها معاي كل مكان ..
وصاروا اقرب الناس لي يعرفون لي .. ينتقدوني وايد عليها .. واحيانا يهاوشوني
لكن مافي فايده .. ولا يتوقع اي شخص ان الي مثلك او مثلي او مثل اي حد يحمل هالشي مرتاح
الا متضايق من نفسه وما وده يضيع اي لحظه حلوه عشان اشيا ضايقته وراحت
وغيره يسرح ويمرح



جملك الله برضاه

[قطريه22]

تحياتي لك على هالموضوع الحلو

أنا عن نفسي وايد محيط العمل يأثر على نفسيتي إذا صار شيء لي أو لأحد من صديقاتي في الشغل ويضايق أتم متضايقه وأفكر وماقدر أنام وأوقات أصيح

[راشد محمد]

انا مثلك تماما

[نوار قطر]

لا مااقدر... شلون بتصيدني مشكله في الدوام وبتضايق منهم ولمجرد اني اطلع من دوامي انسى لا مااقدر وحتى لو كنت مستضيقه فالبيت المشكله تأثر على نفسيتي في شغلي .. مااقدر افصل بينهم الا اذا كان شي بسيط ومايسوى

[راعي ال VXR]

المشكله اذا اول الصبح جا مديرك او مسؤولك المباشر وهو مبرطم ومكشر في وجهك جايب معاه مشاكله العائليه اويعاني من مشكله شخصيه مع احد افراد اسرته طيب وش ذنبي انا لما يقابلني واعيونه كأنه اندرتيكر..طبعا بحاتي وتشتغل الوسوسه

[برشلوني قطر]

انا نفسك تماما ،،

مممم لانه طبيعه الانسان تختلف من فرد لأخر ، في ناس حساسين من ابسط الامور وفيه ناس غير مبالييين وماعندهم مشاعر وفي ناس طبعهم قاسي وفيه وفيه وفيه ،،، لانهم في النهايه بشرررر وطبعه مختلف ،،،

تحياتي لك

كلامك منطقي بأختلاف البشر ف طبايعهم

ياليت تكون ف حلول


انا لا ما اقدر شايله هم الدوام 24 ساعه غصبن عني لان اكره المكان وغصب قاعده اشتغل :(

اعتقد والله اعلم حتى لو غيرتي شغلج

ماعتقد ف عمل يخلا من المشاكل


انا مثلك تماما ...ما اقدر افصل مثل الكمبيوتر....احنا مب الة او ماكينة و بكبست زر تسكر او تلغي الملفات

اخوي خلدون اشرايك من يومين كنت مع صديق

يقولي من اطلع من الشغل انسى كل مايخص

العمل والصديق الآخر انا فقط اذا رحت مكه

انسى كلشي


ماقدر افصل مشاكل الدوام عن حياتي بعد الدوام ..

الى متى ؟؟؟ هل معقول مافي حلول للتخلص

من هذا التفكير الي من الممكن يسبب للانسان

امراض

[برشلوني قطر]

اعتقد مشكلات العمل الفنية المرتبطة بالعمل نفسه او بعض الصعوبات ذي لابد ان تتركها خلفك وانت خارج المكتب وثاني يوم ابدأ في حلها واستكملها

اما الامور الجانبيه مثل بعض الزملاء ذوي النفوس المريضة والذين لا ينفكون الا بأذيتك وتحطيمك فالمشكلات من هذا النوع ستلازمك حتى وانت في خارج عملك لانها تمسك كشخص اكثر من مساسها فيك كموظف

تفصيلج للموضوع حلوو جداا

اوقات افكر بيني وبين نفسي واقول هل

في عمل مثاالي وخالي من المشاااكل سواء

من اشخاص او عمل فني ؟؟ طبعا يكون الرد لااا

فكيف ابعد نفسي بالتفكير فالاجواء المثاليه


كنت مثلك اخوي ما اقدر انسى مشاكل العمل بعد الدوام واتم افكر فيها طول اليوم ، لين قررت اني انا مب بس خالد الموظف ، انا موظف وزوج ورب اسرة وعندي اصدقاء وهوايات ،
ليش احصر مشاعري في الوظيفة وانسى باقي ادواري المهمة ، في البداية راح يكون الموضوع صعب لكن يوم ورا يوم راح تنجح وتفصل بين مشاكل الدوام وباقي يومك ،

ومن الاشياء اللي ما راح تخليك تقدر تفصل بين مشاكل الدوام وحياتك ، ان ربعك اللي تقضي معاهم فترات بعد الدوام هم زملائك في العمل ، هالشي غلط وحاول تتعرف على اصدقاء من خارج العمل .

قليل من ربعي الي فالدوام يكونون خارج الدوام

لاكن كثير من الربع اعتقد نفس الوضع هههههه

مايساعدون ولا عندهم حلوول

[MAZEN37]

انت انسان عصبي نوعا ما واعصابك مشدوده وان تميت على تفكيرك المتصل بالعمل صدقني بتتعب وبتمرض لا قدر الله
ولمعلوماتك يمكن المسؤل عنك ولا هامه واعصابه بثلاجه ولا يحاتي مثلك

[برشلوني قطر]

لااااااا اتا ما تزعجني عادي سهالات

محتاجين الخلطه:nice:


مرتبطه مع بعض ،،، من الاخر سلطه ،، هذا ياثر على هذا و العكس صحيح .

برشلوني لاتحاتي ،، انت انسان طبيعي :nice:

بشرك الله بالخير. اتهقى ماجتاج لطبيب نفسي:rolleyes2:

[برشلوني قطر]

وايد افكر بمشكلات العمل لانها مرتبطة بصحة الناس ، اتابع وايد هالمشكلات خارج اوقات الدوام الرسمي بس هالشي مايأثر على علاقاتي الاجتماعية او الاسرية

شي طيب وحلو انج اتابعين امور الناس

بس الاهم ماتشغلج عن نفسج ويصير بالنسبه لج هم

هل مشاكل العمل تزعجك خارج العمل ؟؟

هذاااااك أاأاأووول..


قبل كنت داخلة الشغل بكل عواطفي.. واذا واجهتني مشكلة أحاول أحلها حتى وانا خارج الدوام..


لين الله هداني.. وصرت من ينتهي وقت الدوام الرسمي أرفع القلم.. خلاااااص..


عادي الحين يكون في أكشن في الشغل وحماس.. وعقب اطلع من الدوام ولا اتذكر شاللي صار..


الموضوع مب صعب وايد.. مسألة تعود.. خذها يوم بيوم لين تصير عادة..

امبين انج شايله وااايد ع الشغل.

واتمنى انج فعلا قدرتي تنسين ذي المشاكل




شي طبيعي لوانزعجت من شغله فالبيت واثرت علي في الشغل او العكس بس تأكد انها اذا بتأثر فالشغل بيكون على آدائي ومااخليها تأثر بأي شكل من الاشكال على المراجعين او الموظفين ابعد الله عنا وعنكم المشاكل:victory:

آمييين يارب. صحيح كلامك



كل مشكله اتمر علي في اي مكان كان واتمس جوانب كثيره من مشاعري وخاطري
اتأثر علي وما اقدر افصل مزاجي عنها .. آخذها معاي كل مكان ..
وصاروا اقرب الناس لي يعرفون لي .. ينتقدوني وايد عليها .. واحيانا يهاوشوني
لكن مافي فايده .. ولا يتوقع اي شخص ان الي مثلك او مثلي او مثل اي حد يحمل هالشي مرتاح
الا متضايق من نفسه وما وده يضيع اي لحظه حلوه عشان اشيا ضايقته وراحت
وغيره يسرح ويمرح



جملك الله برضاه

اي والله. هل تعتقدين يا تحداني شي عادي

وموجوود عند كل الناس التفكير فالمشاكل

ف كل زمان ووقت ؟؟ مثل ماقال احد الاعضاء

ممكن تصيدك مشكله وتأثر ع شغلك ف دقته




تحياتي لك على هالموضوع الحلو

أنا عن نفسي وايد محيط العمل يأثر على نفسيتي إذا صار شيء لي أو لأحد من صديقاتي في الشغل ويضايق أتم متضايقه وأفكر وماقدر أنام وأوقات أصيح

لا حول ولا قوة الا بالله. انتي وضعج صعب

مافكرتي ف حلول تنهين ذي المشاكل


انا مثلك تماما

الله المستعان


لا مااقدر... شلون بتصيدني مشكله في الدوام وبتضايق منهم ولمجرد اني اطلع من دوامي انسى لا مااقدر وحتى لو كنت مستضيقه فالبيت المشكله تأثر على نفسيتي في شغلي .. مااقدر افصل بينهم الا اذا كان شي بسيط ومايسوى

طلعتوو كلكم تعانون مااحتاج طبيب نفسي:nice:


المشكله اذا اول الصبح جا مديرك او مسؤولك المباشر وهو مبرطم ومكشر في وجهك جايب معاه مشاكله العائليه اويعاني من مشكله شخصيه مع احد افراد اسرته طيب وش ذنبي انا لما يقابلني واعيونه كأنه اندرتيكر..طبعا بحاتي وتشتغل الوسوسه

ههههههههههههههههههههههه مافي الا

تنقلب جون سينا وترقد به هههههههههه

الله يقطع ابليسك


انت انسان عصبي نوعا ما واعصابك مشدوده وان تميت على تفكيرك المتصل بالعمل صدقني بتتعب وبتمرض لا قدر الله
ولمعلوماتك يمكن المسؤل عنك ولا هامه واعصابه بثلاجه ولا يحاتي مثلك

اشكر فنك

فعلا ممكن اشوي عصبي وفعلا قاعد احس

اني قاعد امرض الله يبعد عنا وعنكم الامراض

الربع القريبين مني ينصحوني بعدم التفكير

لان محد بينفعك لي مرضت

من كم يوم رحت المستشفى عندي انتفاخ يقولي

دكتور لا تفكر :eek5::rolleyes2:

[king fish]

انا شغلي اثر علي وعلى نفسيتي الا ان هداني الله اتقن يومك بالتقرب الى الله ترتاح لانه مافي في هذه الحياه
افضل من صلاتك وعبادتك لله لاتحزن اتقن عمل يومك

[العربية نت]

نعم بيئة العمل لها تأثير على حياة الموظف والعكس صحيح كذلك :(

فالموظف يمكن يكون عنده في العمل مدير غير طبيعي وبطبعه نكدي :rolleyes2:
والبيت عنده مره كله تحن وتصيح ههههه :eek5::eek5: escape

فهذي كلها عوامل تاثر على الانسان وتضعفة مع الوقت :omg:

[king fish]

للرفع موضوع جميل لمن ينل كفايته من الحوار

[khaldoon]

يا جماعة الخير انا استغرب من اللي يقول انه من يطلع من شغله ينسى كل شي و لا كأنه كان من نص ساعة كان بالدوام....و انه يفصل الحياة العملية عن الحياة الخاصه.....اسمحولي اقول انه هذا اصلا فاصل على طول

[بنت شرق]

قو قلبك ولا تقعدون تركزون وايد وخذلك ريدبول بعد الفطوروالشغل مع ناس داقة مضيعة
للوقت وللجهد ولو مش الحاجة والتعفف والدين ما كنت كملت بمكان عملي
ولذا الفصل واجب وحتمي فتقضية وقت مع ناس تعبانه مايجيب للواحد الا الغثا

[آلصآحب آلجديد]

الصراحه هالمشكله موجوده تقريبا في الكل ..احسن حل اذا واجهتك مشكله او حد عيب عليك مافيه الا انك تحاول تطلع بأقل الاضرار اما تحاول حل المشكله وتنتهي او انك ترد على الشخص عشان لو فكرت في الموضوع ترد على نفسك انك سويت اللي عليك . وبالتوفيق للجميع

[king fish]

انا مؤمن ما في حد مرتاح في عمله وما في عمل من غير مشاكل

[بوخالد911]

نعم نبي حل ووننسى هموم ومشاكل العمل للأبد

[ita(10)lia]

انا مشكلتي اكبر
انا اتخيل مشاكل ممكن تصير لي في الشغل واعيشها في البيت

حالتي صعبة للاسف

[رهج السنابك]

انا وحده للاسف كنت عايشه في الوهم

في شغلي القديم كرهت كل مافيه بسبب علة الله يسامحها رغم اني مكان عملي الكل يحسدني عليه بس نفسيتي تعبت واثرت علي حتى برا الدوام

فقلت اشتري راحتي واروح مكان ثاني يمكن ما القى فيه خبثاء والقى ناس طيبه لاني حطيت براسي مافي اشر ولا اخبث من زميلتي السابقه

غيرت وظيفتي ومكاني بامتيازات اقل وخسرت امتيازات بس شريت راحة بالي من هالمجرمة الظالمه
وقررت بعد اني اتعلم درس


امور الشغل توقف عند بوابه الخروج وماتروح معاي للبيت

كفايه الي خسرته حرام الواحد يخسر ويخسر على امور ومشاكل اصلا موجوده بكل مكان بس انا توهمت اني الوحيده الي اعاني منها
والحين لي ثلاث سنين ارتحت صح لكن مو بس عشان غيرت مكاني عشان غيرت نفسيتي


فانت لازم تتغير من الداخل قبل ماتفكر تغير عملك او اي حل فيه هروب

[مشاكل]

.................................................. . جداً

[خليفـة]

والله ياخوي احنا بشر
واي شي يؤثر على استقرار الانسان في اي مكان
سيظل حاملاً لذلك الهم اينما كان

نعم .. مشاكل العمل تؤثر احياناً كثيرة على نفسيتي
خارج العمل .. ومرات عديدة احاول ان اترك مشاكل
العمل داخل العمل ولكن دون جدوى

الراحة النفسية نعمة كبيرة لا يعرف قيمتها
الا من فقدها

الآن .. الحمدلله
الوضع بالنسبة لي اصبح افضل بكثير عن السابق
استقرار بشكل عام
ومن حسن الى أحسن لله الحمد

وكلها اسابيع معدودة ان شاء الله .. وادخل مرحلة عمل جديدة
ستغير كل شي في حياتي العملية

الله يكتب للجميع مافيه الخير والصلاح

خليفــة

[برشلوني قطر]

انا مؤمن ما في حد مرتاح في عمله وما في عمل من غير مشاكل


ممكن كلامك صحيح..

ومثل ماقالت الاخت الارستقراطيه تغيير العمل مب حل للمشكله...ولازم بينك

وبين نفسك تكون متغلب ع مشاكلك...وتحط لها حد ..وتكون ف مجال العمل فقط

[برشلوني قطر]

والله ياخوي احنا بشر
واي شي يؤثر على استقرار الانسان في اي مكان
سيظل حاملاً لذلك الهم اينما كان

نعم .. مشاكل العمل تؤثر احياناً كثيرة على نفسيتي
خارج العمل .. ومرات عديدة احاول ان اترك مشاكل
العمل داخل العمل ولكن دون جدوى

الراحة النفسية نعمة كبيرة لا يعرف قيمتها
الا من فقدها
الآن .. الحمدلله
الوضع بالنسبة لي اصبح افضل بكثير عن السابق
استقرار بشكل عام
ومن حسن الى أحسن لله الحمد

وكلها اسابيع معدودة ان شاء الله .. وادخل مرحلة عمل جديدة
ستغير كل شي في حياتي العملية

الله يكتب للجميع مافيه الخير والصلاح

خليفــة


الله يسهل امورك اخوي ويوفقك فالمرحله الجديده اخوي خليفه..تستاهل كل خير..

فعلا الراحه النفسيه نعمه الكثير يتمناها..


الي فهمته من اكثر المشاركات اذا مب كلهاااا ..ان مشاكل العمل تأثر وبشكل وااااضح..

يعني حاله شااذه الواحد الي يقول انا ورى ظهري اي مشكله تخص العمل او ما ينتهي الدوام..

مع اني شفتهم فالواقع

[طلعة الروح]

غالبا مشاكلي في العمل ليست مع العمل نفسه ولكن مع الاشخاص وطريقة عملهم والاخطاء اللي اضطر اتحملها بسبب القرارات الإدارية غير المدروسة نفس ما حصلي مؤخرا بحيث جاني ضغط وقررت اطلع اجازة وواجهت مشكلات ثانية والله يعلم وين بوصل معاهم ، الحل هو ان الموظف لايترك المشكلة بل يواجه مسؤولينه في العمل ويطلعهم على الحقائق كما هي ، السكوت لا يفيد أبد لأن يطلعونك مخطيء في النهاية

استغفر الله واتوب اليه

[alsoq]

الخلاصة
من عمل منكم عملا فليتقنه
اذا قمت بعملك فلان يزعجك شي لانك راح تكون راضي عن ما عملت