المساعد الشخصي الرقمي

مشاهدة النسخة كاملة : نماذج للاختبارات الوطنية !!



ام السعف
30-04-2013, 09:53 AM
http://img292.imageshack.us/img292/5473/1111111111jg4.jpg

بما ان الاختبارات الوطنية صارت على الأبواب ياليت نخصص هالموضوع
للاطلاع على نماذج للاختبارات هذه سواء من مدرسين او مدرسات
او من خلال اولياء الأمور او الطلبة حتى ،،

حتى تكون لدينا نحن اولياء الأمور واابناءنا الطلبة المعرفة الكافية
عن ماهية هذه الاختبارات وطرق التعامل معها ،،

ويمكن ايضا وضع طريقة الإسئلة لكل ولي امر اطلع على هذه النماذج

وسمعت ان موقع المجلس الأعلى للتعليم يعرض نماذج
لمثل هالاختبارات ،، ياليت اللي عنده خبرة عن دهاليز هالموقع
يفيدنا عن هالنماذج لكل المراحل ،،

ام السعف
30-04-2013, 10:14 AM
الرابط هذا يحتوي على نماذج لجميع المواد الداخلة في الاختبارات الوطنية

اتمنى نلقى فيه الفايدة ونساند عيالنا في التعرف عليها اقلها ساعة يوميا ،،

http://www.sec.gov.qa/Ar/SECInstitutes/EvaluationInstitute/EvaluationResults/Pages/q_sample_p1.aspx

فعند الضغط على الرابط راح تطلع لنا صفحة فيها المواد المذكورة
وبالضغط على المادة المختارة بنلقى نموذج للاسئلة
ونموذج للاجابات ،،

BIG-VEGA
30-04-2013, 10:31 AM
وناسه وانا احاول احل:)

ذكرتيني بالأيام الخوالي :shy:

تسلمين

ضوى
30-04-2013, 10:49 AM
طبعتها لعيالي العام ولا استفادوا منها قالوا لي يمه غير ومختلف عن اللي جانا

ام السعف
30-04-2013, 11:10 AM
وناسه وانا احاول احل:)

ذكرتيني بالأيام الخوالي :shy:

تسلمين

الله يسلمك :nice:


طبعتها لعيالي العام ولا استفادوا منها قالوا لي يمه غير ومختلف عن اللي جانا

ضوى ،،

هذي نماذج لطريقة الإسئلة ومب شرط الإسئلة اتيي بنفس الطريقة ذاتها ،،

حل الاسئلة فيها مهارة في التفكير + بيان الاستفادة من المنهج
اللي ادرسه الطالب طول السنة والمعايير اللي حققها من منهجه ،،

لازم الطالب يفهم انه عليه انه يفكر في السؤال قبل ما يجاوب
ترى الاسئلة سهلة بس يبي لها تفكير من الطالب ،،

مافيها شي لو طالب الاعدادية بدأ يحل النماذج من الصف الرابع ،،

هو لما يطور مهارة تفكيره بما يتوافق مع عقل طالب في الصف الرابع
راح يوصل لمرحلة انه يقدر يفكر قبل ما يحل اسئلته اللي تتطلب منه
مهارة في التفكير ،،

خلونا نطلب من عيالنا يحلون هالنماذج للمستويات الانزل من مستواهم
الدراسي .....> خطوة اذا ما ربحنا منها شي ما اعتقد بنخسر شي

متفقين معاي ؟

ام السعف
30-04-2013, 11:59 AM
نموذج لسؤال في العلوم باللغة الانجليزية للصف الرابع الابتدائي

This animal lives in Arctic area . What is the natural character. of this animal, which helps him to adapt with temperature ?

http://t0.gstatic.com/images?q=tbn:ANd9GcS4KDjsq5IBT7poRioE-erMlmUxL_zGxKCe77NerVRQXGbSGUqd

Thick fur
A
Heavy tail
B
Small eyes
C
Small ears
D

لو فرضنا الطفل ما فهم السؤال اشلون ممكن يختار الإجابة ؟

ام السعف
30-04-2013, 12:09 PM
نسخة من نفس السؤال باللغة العربية في مادة العلوم للصف الرابع الابتدائي ،،

هذا الحيوان يعيش في المناطق الباردة
ما الصفة الطبيعية لهذا الحيوان والتي تساعده على التكيف مع درجة الحرارة ؟

أ - الغطاء السميك للفراء

ب- الذيل الكثيف

ج - العيون الصغيرة

د- الأذان الصغيرة

ومرفقين صورة كاملة للحيوان تظهر ملامحه الخارجية بكل وضوح ،،

تحداني
30-04-2013, 12:10 PM
ابي أطلع من هالمود ارجوج .. جاتني ضيقه الله يسامحج
مب اكفايه عمور امفرفط قلبي وكل يوم عندي وياه مشكله جديده
تعبني نفسيا وجسديا وفكريا



لا ويقولها بمنتهى السذاجه .. ارجوج اختي استوعبيني
ارجوج اختي تفهمي نفسيتي

ما خلى فيها لا نفسيه ولا ام خماس ولا ام فطوم
تخيلي ينادونج فطوم ههههههه

حمد 2002
30-04-2013, 12:16 PM
نموذج لسؤال في العلوم باللغة الانجليزية للصف الرابع الابتدائي

this animal lives in arctic area . What is the natural character. Of this animal, which helps him to adapt with temperature ?

http://t0.gstatic.com/images?q=tbn:and9gcs4kdjsq5ibt7porioe-ermlmuxl_zgxkce77nervrqxgbsguqd

thick fur
a
heavy tail
b
small eyes
c
small ears
d

لو فرضنا الطفل ما فهم السؤال اشلون ممكن يختار الإجابة ؟


اخبر في امتحانات الانجليزي ايام قبل ،كنا انجاوب على الاسئله كلها حتى لو مب فاهميين ولا كلمه ههههههه ، اهم شيء المصحح الي ايصحح الامتحان ، ايجوف كل شيء امجاوب عليييه ،، والباقي على الله ،،، والله انه هالاستراتيجيه كانت ممتاااازه للغايه :)

ام السعف
30-04-2013, 12:20 PM
ابي أطلع من هالمود ارجوج .. جاتني ضيقه الله يسامحج
مب اكفايه عمور امفرفط قلبي وكل يوم عندي وياه مشكله جديده
تعبني نفسيا وجسديا وفكريا



لا ويقولها بمنتهى السذاجه .. ارجوج اختي استوعبيني
ارجوج اختي تفهمي نفسيتي

ما خلى فيها لا نفسيه ولا ام خماس ولا ام فطوم
تخيلي ينادونج فطوم ههههههه

منهي فطوم هذي ؟ :eek5:

والله يا عزيزتي الغالية تحداها الزمن

وابد نسمع عن شكاوي من اولياء الأمور بخصوص الاختبارات الوطنية

قلت في نفسي يا بنت ( دشت راسي كلمة بنت هذي )

افتحي موضوع نطرح فيه نماذج وطرق للاختبارات هذي
من خلالها نفهم احنا اولياء الأمور اسس هالاختبارات ونكتسب مهارة
في التعامل معاها وكيفية حلها ،،

بالنسبة لي خوسيه صج في الصف الرابع هالسنة لكنه مايقدم هالامتحانات
لأنه في مدرسة اجنبية
ناوية ان شاءالله اطبع له النماذج باللغتين العربية والانجليزية

واشوف مدى مهارته في حل الاسئلة هذي ،،

وان شاءالله في الوقت نفسه راح اطبع نسخة ثاني حق بنتي اللي في
الثاني ثانوي وفي مدرسة مستقلة ،،
كل النماذج من الصف الرابع لين الثالث الثانوي
وبشوف مدى مهارتها في حل الاسئلة ،،

مؤمنة ان الطالب على ما تعوده راح يتعود ،،
واتمنى من خلال هالموضوع نصحح مفاهيم الشكاوي والتذمر ونتحرك
لصالح عيالنا ونوقف معاهم علشان يقدرون اهمية العلم بكل انواعه ،،
وشكرا لكم

ام السعف
30-04-2013, 12:21 PM
اخبر في امتحانات الانجليزي ايام قبل ،كنا انجاوب على الاسئله كلها حتى لو مب فاهميين ولا كلمه ههههههه ، اهم شيء المصحح الي ايصحح الامتحان ، ايجوف كل شيء امجاوب عليييه ،، والباقي على الله ،،، والله انه هالاستراتيجيه كانت ممتاااازه للغايه :)

كنت احسن منك عيل

ضميري كان حي الشي اللي ما اعرفه ما اتعب نفسي كلش ولا احله
ويوم بصير شاطرة واني فهمت السؤال اشوف الكلمة الموجودة
في السؤال واروح ادور عليها في ورقة الامتحان ومن غير تردد
ان لقيتها نسخت الجملة بكبرها تحت السؤال :shy:

تحداني
30-04-2013, 12:26 PM
منهي فطوم هذي ؟ :eek5:

والله يا عزيزتي الغالية تحداها الزمن

وابد نسمع عن شكاوي من اولياء الأمور بخصوص الاختبارات الوطنية

قلت في نفسي يا بنت ( دشت راسي كلمة بنت هذي )

افتحي موضوع نطرح فيه نماذج وطرق للاختبارات هذي
من خلالها نفهم احنا اولياء الأمور اسس هالاختبارات ونكتسب مهارة
في التعامل معاها وكيفية حلها ،،

بالنسبة لي خوسيه صج في الصف الرابع هالسنة لكنه مايقدم هالامتحانات
لأنه في مدرسة اجنبية
ناوية ان شاءالله اطبع له النماذج باللغتين العربية والانجليزية

واشوف مدى مهارته في حل الاسئلة هذي ،،

وان شاءالله في الوقت نفسه راح اطبع نسخة ثاني حق بنتي اللي في
الثاني ثانوي وفي مدرسة مستقلة ،،
كل النماذج من الصف الرابع لين الثالث الثانوي
وبشوف مدى مهارتها في حل الاسئلة ،،

مؤمنة ان الطالب على ما تعوده راح يتعود ،،
واتمنى من خلال هالموضوع نصحح مفاهيم الشكاوي والتذمر ونتحرك
لصالح عيالنا ونوقف معاهم علشان يقدرون اهمية العلم بكل انواعه ،،
وشكرا لكم




فطوم هههههه موضوع اخونا في الحوار العام الي ترضين ينادونج جذي
ما ادري ما اقدر اعبر في هالموضوع تعبانه .. والله تعبانه ابي اضحك اليوم بس
وهالموضوع يذكرني بحاله الاحباط الي اعيشه معاه


شغلج عدل خوسيه يستاهل هم بنتج تستاهل

الجمله الاخيره راح تبتسم عليها صاحبه موضوع " الحوار العام "
تحول السلبيه لايجابيه .. شغلج عدل استمري


تفضلي جبن حلوم توني متذكره اني ما تفطرت
لو مالح وايد اشربي معاه شاي بالنعناع مع سكر زياده
او حطي صبعج فيه عشان يصير سكر زياده زياده


اشرايج فيني ؟؟ اكيوت :shy:

ام السعف
30-04-2013, 12:29 PM
فطوم هههههه موضوع اخونا في الحوار العام الي ترضين ينادونج جذي
ما ادري ما اقدر اعبر في هالموضوع تعبانه .. والله تعبانه ابي اضحك اليوم بس
وهالموضوع يذكرني بحاله الاحباط الي اعيشه معاه


شغلج عدل خوسيه يستاهل هم بنتج تستاهل

الجمله الاخيره راح تبتسم عليها صاحبه موضوع " الحوار العام "
تحول السلبيه لايجابيه .. شغلج عدل استمري


تفضلي جبن حلوم توني متذكره اني ما تفطرت
لو مالح وايد اشربي معاه شاي بالنعناع مع سكر زياده
او حطي صبعج فيه عشان يصير سكر زياده زياده


اشرايج فيني ؟؟ اكيوت :shy:

واايد كيوت مب اشوي ،،:p


المهم اذا وصلج شي يخص الموضوع لا تبخلين علينا
علشان نفيد ونستفيد جميعا ،،

وفيه العافية يارب مطرح ما يسري يمري :shy:

تحداني
30-04-2013, 12:32 PM
واايد كيوت مب اشوي ،،:p


المهم اذا وصلج شي يخص الموضوع لا تبخلين علينا
علشان نفيد ونستفيد جميعا ،،

وفيه العافية يارب مطرح ما يسري يمري :shy:



ان شاء الله يا أومي

قطريه ماركه
30-04-2013, 12:40 PM
موضوع جميل خلنا نستفييد

ام السعف
30-04-2013, 12:48 PM
موضوع جميل خلنا نستفييد

والأجمل لو طبعنا هالاسئلة من بداية الصف الرابع لعيالنا
ونطلب منهم يحلونها ونشوف شنهي الصعوبات
اللي واجهت عيالنا واشلون قدروا العيال الثانين يحلونها في حين استصعبت على غيرهم ،،

يعني بالنسبة لي ما عندي مانع اشرك ولدي الصغير في الموضوع
واشوف اشلون فهمه للاسئلة هذي واوقف عند الصعوبات اللي بتواجهه
سواء كانت الاسئلة باللغة العربية او الانجليزية ،،

فهل من مشاركين ومشاركات ؟

ام السعف
30-04-2013, 01:50 PM
سؤال في العلوم لطالب في الصف الخامس الابتدائي يقول :

هناك حيوٌان صغيرٌ يسٌمى خلد الماء (منقار البط) يعيش في استرالياٌ .
ما هي خصائص هذا الحيوٌان الذي
تدل على أنه ينٌتمي إلى الثدييات ؟

أ- أنه أٌكل الحيوٌانات
ب- أنه يرٌضع صغاره الحليبٌ
ج-أنه يصٌنع عشا يضٌع فيه البيضٌ
د- أن له قدم مكففه مثل البط

بعض الطلاب من يقرأ اسم الحيوان
( خلد الماء ) او منقار البط ولأن ما مر عليه
في المنهج بيستصعب السؤال وبيقول السؤال خارج المنهج !!
وممكن يربط ما بين اسم الحيوان وكلمة البط الموجودة في الخيار الرابع ،،

في حين السؤال يتكلم عن الثدييات وعليه لازم الطالب يفهم ويفكر
في السؤال ويفصفصه ويشوف شنهو الشي المفهوم فيه مب الشي اللي مب
مفهوم ،،

فإذا الطالب درس عن الثدييات فلازم وواجب عليه انه يعرف يربط
مابين السؤال والاجابة ،،

دروب
30-04-2013, 10:48 PM
الله يجزيك الخير على الطرح المفيد
من بكرة بإذن الله بخلي ولدي يحل الأسئلة
بالتوفيق للجميع

ام السعف
01-05-2013, 06:46 AM
الله يجزيك الخير على الطرح المفيد
من بكرة بإذن الله بخلي ولدي يحل الأسئلة
بالتوفيق للجميع

ويجزيج كل خير ،،

الموضوع ما بيكون مفيد الا لو بالفعل استفدنا كلنا منه وحرصنا على مساعدة عيالنا في فهم نماذج الاختبارات هذه ،،

البعض قد يظن ان النماذج هذه ما هي الا نسخ طبق الأصل للاختبارات ،، في حين النماذج هذه ما هي الا صورة توضيحية لكيفية ورود الاسئلة ،، ومب شرط الأسئلة هذه تكون حاضرة في الاختبارات الحقيقة ،،

من الملاحظ ان الاسئلة هذه تعتمد على مهارة التفكير عند الاجابة ،،

يعني على الطالب انه يستعين بمهارته في حل الاسئلة فالاجابات جدا سهلة لكن يبي لها مهارة في فهم السؤال عند البحث عن الاجابة ،،



واسمحي لي من خلال ردي هذا نلقي الضوء على احد الاسئلة في مادة العلوم للصف الخامس واللي يقول :

ماهو الغرض الأساسي للقنفذ عند حفر الانفاق في التربة ؟

أ-الماء
ب- المأوى
ج- الضوء
د- الهواء

لو نلاحظ ان السؤال سهل وايد لكن مع هذا ممكن نلاحظ ان واايد طلاب ممكن يغلطون وفيه وعلى هالاساس نسمع شكاوى كثيرة ان الاختبارات صعبة في حين هي سهلة بس الطالب ما تعلم يستعين بمهارة التفكير عند حل الاسئلة وتعود يعطونه السؤال بما يتطابق حرفيا مع الاجابة في الكتاب واي تغيرلصيغة السؤال او نوع الحيوان يعتبر الاختبار خارج المنهج ،،

ومرات بعد نلقى ان الاجوبة تكون من ضمن الصور المرفقة للسؤال
فمثلا مثل هالسؤال :

تم استزراع البذور في هذه التجربة و وضعت البذور في أطباق بها مناديلٌ ورقيةٌ مبللة . اذكر
العامل الذي تم التحكم به في هذه التجربة ؟

a ) نوع البذور
b ) كميةٌ الماء المستخدم
c ) عدد البذور
d ) درجة الحرارة في كل طبق

فالصورة المرفقة للسؤال ( ما اقدر ارفقها اهنيه )توضح ان عدد ونوع البذور واحد والاناء حجمه وشكله واحد لكن تحت كل اناء درجة حرارة مختلفة وعليه بما ان الخيارات الثانية
مب حاضرة في الصورة فالخيار d هو الاجابة وخاصة انه متوافق مع اللي ادرسه في المنهج ،،

حسن
01-05-2013, 07:02 AM
صباح الخير ياسيدتي ام السعف

اللي عرفته السنه غير المدرسه هي من تعد الاسئله للختبارات الوطنيه من نفس المدرسه
مش مثل السابق كانت تجيهم من الوزاره وبعدين عادي مافيها اي شي
ماعليك من صياح اولياء الامور وخصوصا الامهات
هذولا بس يحبون يكبرون الموضوع ويهولون منها يبون يفتكون بسرعه علشان يطولون برع في السفر هذه كل الدعوى
ولا هذا عيالنا الحمدلله ماشي حالهم وكلشي تمام
المتابعه اول باول غير

انا نفسي اعرف من هؤلا هل هم القادمون
الجدد

:eek5:

ام السعف
01-05-2013, 07:12 AM
صباح الخير ياسيدتي ام السعف

اللي عرفته السنه غير المدرسه هي من تعد الاسئله للختبارات الوطنيه من نفس المدرسه
مش مثل السابق كانت تجيهم من الوزاره وبعدين عادي مافيها اي شي
ماعليك من صياح اولياء الامور وخصوصا الامهات
هذولا بس يحبون يكبرون الموضوع ويهولون منها يبون يفتكون بسرعه علشان يطولون برع في السفر هذه كل الدعوى
ولا هذا عيالنا الحمدلله ماشي حالهم وكلشي تمام
المتابعه اول باول غير

انا نفسي اعرف من هؤلا هل هم القادمون
الجدد

:eek5:

بوعلي صباح الأنوار ,,,

الاختبارات الوطنية لازم من المجلس الأعلى للتعليم ومستحيل المدرسة اتحطها
لأنها بتقيس مستوى التعليم في قطر ،، وخبرك الضماير حية وايد عادي
يحطون اسئلة سهلة لطلاب مدرستهم علشان يقولون حققنا المعايير المطلوبة ،،

اغلب دول الخليج صارت عندهم امتحانات وطنية ،، بس مب عارفة ليش
عندنا في قطر الناس وايد يتذمرون ويصرخون ،، صارت الأم المتعلمة او
غير المتعلمة كل شكوته وحدة وهي ذبحتوا عيالنا ،،

ما ادري عيالنا شنهو الشي الخارق اللي يسوونه ولا كم ساعة اساسا يدرسون
في البيت !!

وعليه اسأل

من هم القادمون ؟

moonبنتnight
01-05-2013, 07:26 AM
أضافة جديد المجلس الاعلى التعليم 00
السنة سيكون هناك سوألين كتابة في جميع المواد 00
بمعنى الامتحان لن يكون أختياري فقط كما في السابق 00
بالاضافة شامل الكتابي الفصل الاول والثاني 00
الله يوفق الجميع 00

حسن
01-05-2013, 07:28 AM
بوعلي صباح الأنوار ,,,

الاختبارات الوطنية لازم من المجلس الأعلى للتعليم ومستحيل المدرسة اتحطها
لأنها بتقيس مستوى التعليم في قطر ،، وخبرك الضماير حية وايد عادي
يحطون اسئلة سهلة لطلاب مدرستهم علشان يقولون حققنا المعايير المطلوبة ،،

اغلب دول الخليج صارت عندهم امتحانات وطنية ،، بس مب عارفة ليش
عندنا في قطر الناس وايد يتذمرون ويصرخون ،، صارت الأم المتعلمة او
غير المتعلمة كل شكوته وحدة وهي ذبحتوا عيالنا ،،

ما ادري عيالنا شنهو الشي الخارق اللي يسوونه ولا كم ساعة اساسا يدرسون
في البيت !!

وعليه اسأل

من هم القادمون ؟

:nono:

اللي عرفته ان السنه غير المدرسه هي اللي بتعد امتحانات الوطنيه
وبعدين انتي مهب عيالك في مدارس اجنبيه
خوسيه مهب في نيوتن :eek5:

ولا يانعرف للعالم
اهم شي ينجحون وبعدين يسير خير

تصدقين هؤلاء منتشرين في جميع الاماكن
من هم
:eek5:

ام السعف
01-05-2013, 07:31 AM
أضافة جديد المجلس الاعلى التعليم 00
السنة سيكون هناك سوألين كتابة في جميع المواد 00
بمعنى الامتحان لن يكون أختياري فقط كما في السابق 00
بالاضافة شامل الكتابين الفصل الاول والثاني 00
الله يوفق الجميع 00

اللهم آمين وشكرا على المشاركة

ومن ثم اسمحي لي اضيف ما فهمته من خلال قراءتي بخصوص الامتحانات الوطنية
او ما يعادلها عالميا :
ان لازم الاختبارات الوطنية تكون شاملة الكتابين،،
ومفهوم شاملة مب معناته انه بيعطونه اسئلة نفس اسئلة الاختبارات المدرسية ،،

في بعض الدول الطالب يقدم هالاختبارات كل ثلاث سنين وعليه
يكون مطلوب منه انه يلم بكل المعايير المطلوبة لسنتين اللي سبقت سنته
يعني يكون ملم بالمعايير من الصف الأول الابتدائي لين الثالث اللي بيتختبر فيه،،

وفي الصف السادس يكون ملم باللي ادرسه من الصف الأول لين الصف السادس ،،
وعلى نفس المنوال لين وصل ثالث اعداي ولين ثالث ثانوي ،،

ام السعف
01-05-2013, 07:35 AM
:nono:

اللي عرفته ان السنه غير المدرسه هي اللي بتعد امتحانات الوطنيه
وبعدين انتي مهب عيالك في مدارس اجنبيه
خوسيه مهب في نيوتن :eek5:

ولا يانعرف للعالم
اهم شي ينجحون وبعدين يسير خير

تصدقين هؤلاء منتشرين في جميع الاماكن
من هم
:eek5:

خوسيه في نيوتن الله يحفظه بس اخته انقلت من نيوتن وراحت مستقلة هالسنة
فما سمعت منها ان المدرسة هي اللي بتحط الاختبارات هذي ،،

هو منطقيا ما يصير المدارس تحطها ،، لأن من مسماها الوطني يعني
لازم تكون موحدة وضمن معايير معينة يقيسون فيها مستوى تطور التعليم في قطر ،،

من هم ....> اللي يبون ينجحون وبعدين يصير خير :shy:

حسن
01-05-2013, 07:43 AM
خوسيه في نيوتن الله يحفظه بس اخته انقلت من نيوتن وراحت مستقلة هالسنة
فما سمعت منها ان المدرسة هي اللي بتحط الاختبارات هذي ،،

هو منطقيا ما يصير المدارس تحطها ،، لأن من مسماها الوطني يعني
لازم تكون موحدة وضمن معايير معينة يقيسون فيها مستوى تطور التعليم في قطر ،،

من هم ....> اللي يبون ينجحون وبعدين يصير خير :shy:

اتوقع محديقدر يفيدنا في الموضوع الا الحريه ولا مدرسه نتمنى نشوف رايهم في الموضوع وياكد لنا هل الخبر

بعدين اذا بيمتحون من اول الكتاب لاخره هذه رجعو نظام الوزاره القديم
بل بطلعون لك الحين هؤلاء وبيقولون حرام عليكم ذبحتو عيالنا ليش وليش وبتسمعين
اصواتهم في وطني الحبيب كله تذمر وشكاوي
والله حاله

عجل تقولين الحين الدول اللي حولنا قامو يسون مثلنا عجل احنا في المقدمه
الف مبروك تستاهل
اهم شي ينجحون الاعيال عندي وبس
ولين كبرو ذيك الساعه يفكرون وش يبون
يسيرون
حمود راسه عود ودي ادرسه في كليه القاده

لاني حاس انه بكره بتولى زمام الامور
:)

ام السعف
01-05-2013, 07:48 AM
اتوقع محديقدر يفيدنا في الموضوع الا الحريه ولا مدرسه نتمنى نشوف رايهم في الموضوع وياكد لنا هل الخبر

بعدين اذا بيمتحون من اول الكتاب لاخره هذه رجعو نظام الوزاره القديم
بل بطلعون لك الحين هؤلاء وبيقولون حرام عليكم ذبحتو عيالنا ليش وليش وبتسمعين
اصواتهم في وطني الحبيب كله تذمر وشكاوي
والله حاله

عجل تقولين الحين الدول اللي حولنا قامو يسون مثلنا عجل احنا في المقدمه
الف مبروك تستاهل
اهم شي ينجحون الاعيال عندي وبس
ولين كبرو ذيك الساعه يفكرون وش يبون
يسيرون
حمود راسه عود ودي ادرسه في كليه القاده

لاني حاس انه بكره بتولى زمام الامور
:)

أزعل منك يا بوعلي ،،،

الحين من امس واكتب واكرر ،، ان عيالنا مب ممتحنين في الكتاب ككتاب
فيه مواضيع ولازم الطفل يعرف يجاوب على اسئلتها ،،

عيالنا بيمتحنون في المعايير المفروض اكتسبها من المنهج ،،

يعني بيمتحنونه في الجمع والضرب والقسمة والأسس والداتا في
المناهج اللي بيختبر فيها ،،

للصبر اخر
01-05-2013, 08:23 AM
ابي أطلع من هالمود ارجوج .. جاتني ضيقه الله يسامحج
مب اكفايه عمور امفرفط قلبي وكل يوم عندي وياه مشكله جديده
تعبني نفسيا وجسديا وفكريا



لا ويقولها بمنتهى السذاجه .. ارجوج اختي استوعبيني
ارجوج اختي تفهمي نفسيتي

ما خلى فيها لا نفسيه ولا ام خماس ولا ام فطوم
تخيلي ينادونج فطوم ههههههه

تصدقين امس اختي 5 ابتدائي انا مسكت كتاب الماده العلميه والله العظيم مافهمت شي انجليزي صعب وارقام وفيزيا
تعقققدت منه
وبالليل قعدت تصييح صعب ماقدر ادرس
جد الله يعينهم

ام السعف
05-05-2013, 04:51 PM
تصدقين امس اختي 5 ابتدائي انا مسكت كتاب الماده العلميه والله العظيم مافهمت شي انجليزي صعب وارقام وفيزيا
تعقققدت منه
وبالليل قعدت تصييح صعب ماقدر ادرس
جد الله يعينهم

حاولي تدخلين على الرابط في المشاركة الثانية في الموضوع
واطلبي منها تحل النماذج الموجودة لكل مادة وتتعرف على طريقة
الاختبارات ونوعيتها وكيفيتها ،،


وللمهتمين في الموضوع واللي يهمهم انهم يتواصلون مع
عيالهم لحل هالنماذج ،،، مب شرط النموذج ينسخ ممكن من خلال
البرنامج نفسه واللي هو الادوب ريدر ممكن يحل الطالب النماذج
وعلى ولي الأمر انه يراجع اجابة ولده ويقارنها مع الاجابة النموذجية
للمجلس الأعلى ،،

بالنسبة لي طبعت حق خوسيه اختبار العلوم وكان 34 صفحة وخلص الحبر
فقلت في نفسي عزة الله يبي لي درازن من كادرجات الحبر ،،فوصلت الى نتيجة
اني فتحت له البرنامج وصار يحل ،، استصعب الموضوع اول شي
عقب بدأ يحل ولله الحمد ،،

لكن في الرياضيات في اشياء ما خذها فما عرف يحلها ،،



وللامانة انبسطت لدرجة صعوبة الاختبار وبينت لي مكان الضعف
عند ولدي ،، ولان لي ست شهور مب متابعة له ايقنت انه حتى الاشياء
العادية ما عرف يحلها من كتابه المدرسي لما حاولت اطلع بشكل موسع
على منهجه واقارنه باسئلة الاختبارات الوطنية ،،

وجاري تجربة باقي الاختبارات ،،

ام السعف
06-05-2013, 06:42 AM
احلى مافي الموضوع اني اكلم نفسي فيه :shy:

المهم لعل هناك من متابع ويستفيد ،،

بعد الاطلاع على اختبارات اللغة الانجليزية للصفين الرابع والخامس
لا حظت انها
كانت سهلة وبسيطة بس ما ينعرف اشلون شكل المنهج اللي يدرسونه
طلاب المدارس المستقلة ،،

اما بخصوص الرياضيات ،، الاسئلة كلها كانت ضمن المنهج
الا سؤال واحد كان فيه مهارة ذكاء لأنه سؤال مجهول الملامح،،

اما العلوم بعد كان سهل وبسيط وحلو ،،

الحلو وجود نماذج للاجوبة تساعد ولي الأمر على التأكد من حل
فلذات كبده ....> جهد يشكرون عليه بصراحة ،،

جاري تجربة باقي المواد :shy:

R 7 A L
06-05-2013, 06:48 AM
ماخرب عقول الاجيال الا هالمذكرات والنماذج
لو الطلاب يعتمدون على الكتاب كامل افضل



تحياتي

ام السعف
06-05-2013, 06:54 AM
ماخرب عقول الاجيال الا هالمذكرات والنماذج
لو الطلاب يعتمدون على الكتاب كامل افضل



تحياتي

هذي مب مذكرات :(

هذي نماذج تعريفية يطلع عليها اولياء الأمور والطلاب
يفهمون من خلالها كيفية وضع الاسئلة ،، علشان لدخل الطالب
الاختبارات الوطنية ما يتحجج انه ما مرت عليه مثل هالنماذج من قبل ،،

ومع هذا للاسف الشديد لاحظ كما لاحظت لو الموضوع
كان متعلق بسب او ذم هالاختبارات كنا بنشوف تجاوب كبير

لكن ان الواحد منا يساعد نفسه وعياله انهم يفهمون اساسيات
مثل هالاختبارات وتكون مألوفة عليهم ،، للحين ما شفت
من اي عضو مشاركة تفيد الاستفادة من عدمها اللي لاحظها
على ولده او بنته لما قعد وياه وطلب منه يحل هالنماذج !!

شيزكيك
06-05-2013, 07:02 AM
ولا يهمك اختي ومشكوره انك حطيتي لنا النماذج انا بخزن النماذج على فلاش وبوديهم المكتبه لان الاوراق كثيره بتستهلك مني حبر وورق

وبعطي عيالي يحلونهم

والحلو ان الاجابة النموذجية بعد موجوده علشان نتاكد من الحل

ام السعف
06-05-2013, 07:14 AM
ولا يهمك اختي ومشكوره انك حطيتي لنا النماذج انا بخزن النماذج على فلاش وبوديهم المكتبه لان الاوراق كثيره بتستهلك مني حبر وورق

وبعطي عيالي يحلونهم

والحلو ان الاجابة النموذجية بعد موجوده علشان نتاكد من الحل

العفو يا تشيز كيك
لا تنسخينهم ولا اتعبين نفسج ،،لأنها بتحتاج اوراق وايدة وبتسوين
زحمة اوراق من غير فايدة ،، لأن الطباعة تقريبا كل سؤال
ياخذ لج صفحة كاملة :( فبتتوهقين في كمية الأوراق عقب ما يحلها ،،

واحنا نحب البيئة فنحافظ عليها :secret:

خليه يحلهم على طول من عقب ما تنزليهم على الكمبيوتر ،،

خصصي ملف للاسئلة وملف للاجوبة ،،
وخليه يحل الاختبارات ويجاوب عليها من خلال نفس البرنامج واللي هو
الادوب ريدر ،، ممكن يحط صح وممكن يعلق وممكن يضيف اللي يبيه
وممكن يحفظ التعديلات وتطلعين معاه على اجابته وتقارنينها مع الاجابات
النموذجية من الموقع ،،

وابتدي معاه من انزل مستوى يعني من الصف الرابع وطالع
كوني معاه في البداية علشان تقربين له مفهوم الاسئلة واتركيه
في باقي الاختبارات يحل اللي يعرفه ويترك اللي ما يعرفه ،،
علشان تشوفين وياه ليش استصعب السؤال ،،

وربنا يوفقه ويوفق كل طلابنا ،،

شيزكيك
06-05-2013, 09:40 AM
الله يوفقهم اجمعين

كخطوة اولى فرزت الاختبارات وعطيتهم في فولدرات حق كل واحد وبختبرهم وبشوف

ام السعف
06-05-2013, 09:42 AM
:nice:

الله يوفقهم اجمعين

كخطوة اولى فرزت الاختبارات وعطيتهم في فولدرات حق كل واحد وبختبرهم وبشوف

بالتوفيق ان شاءالله

reem_82
06-05-2013, 11:36 AM
المجلس الاعلى للتعليم .. من سيء إلى أسوء

رفيق الصحراء
06-05-2013, 12:03 PM
لانه الطلبه متعودين على شكل معين من الاسئله ان تغيرت صيغة السوال توهق وطاح له بجوه ويقول صعب
لازم بالمدارس يعلمونهم على نوعية هالاختبارات ويفهمونهم ممكن تتغير صيغة السؤال وممكن تتغير الارقام بالسوال ولكن النتيجه وحده ويخلونهم يحلون عدد من الامتحانات السابقه ويسوون امتحانات نموذجيه عشان الطالب يستفيد ويفهم ومايكون فيه اي تعب للطالب

كانوا ذيك السنين ايام الثانويه بعض المدارس تعمل مراجع فيها كل امتحانات الثانويه لكل المواد ومع الاجابات عشان الطالب يتعلم على الاسئله

لبيبة
06-05-2013, 01:48 PM
شكرا وايد، طبعتهم.

ام السعف
20-05-2013, 02:23 PM
المجلس الاعلى للتعليم .. من سيء إلى أسوء

:(


لانه الطلبه متعودين على شكل معين من الاسئله ان تغيرت صيغة السوال توهق وطاح له بجوه ويقول صعب
لازم بالمدارس يعلمونهم على نوعية هالاختبارات ويفهمونهم ممكن تتغير صيغة السؤال وممكن تتغير الارقام بالسوال ولكن النتيجه وحده ويخلونهم يحلون عدد من الامتحانات السابقه ويسوون امتحانات نموذجيه عشان الطالب يستفيد ويفهم ومايكون فيه اي تعب للطالب

كانوا ذيك السنين ايام الثانويه بعض المدارس تعمل مراجع فيها كل امتحانات الثانويه لكل المواد ومع الاجابات عشان الطالب يتعلم على الاسئله

بالفعل كلامك صحيح ،،



شكرا وايد، طبعتهم.

عفوا وايد كثيرا ،،

امس كنا نحل اختبارات الصف الخامس مع خوسيه،، في مادة العلوم
صج الاختبار دسم كان ،،

بصمة قطرية
20-05-2013, 04:25 PM
الصغار ما عندهم إختبارات وطنية
واللي في رابع و سادس في مدرسة خاصه
بس ثالث إعدادي و ثاني ثانوي :(

الحريّه
20-05-2013, 05:41 PM
المأساة : عُدْنا إلى التدريس للإختبار !
نسينا التعليم الحقيقي و معايير المواد و أصبح جُل همّنا هو الإختبارات الوطنية !
الطالب مستنفر , ولي الأمر مستنفر , المعلم مستنفر , و المدرسة بأكملها مستنفرة ...
أغلب مكاتبات هيئة التقييم تتحدث عن إعداد الطالب للإختبارات الوطنية . جهود جبارة مبذولة ليس في جَوْدة مخرجات التعليم , و لكن في الإعداد للإختبارات الوطنية ....
الأهل الآن مسرورون لأن لديهم قائمة مهام يتبعونها في ما يظنونه " تدريس أبنائهم " .. نماذج للاختبارات الوطنية ..نماذج ..نماذج ..نماذج ...
الوقت الثمين الذي كان يجب أن يستثمر في التعليم , أصبح يستخدم في تدريب الطلاب على أنماط الأسئلة و كيفية الإجابة عليها ..
عمل مرهق للمعلم و للمدرسة ولولي الأمر ..
الله المستعان !:discuss:

القطو السمين
20-05-2013, 11:05 PM
كتابين حق امتحان ثالث ثانوي واذا جات الاسئلة كن اللي حاطها جاي من المريخ مايدري وين الله حاشرة ارحموا هالطلاب من الخزعبلات لو يرد الزمن ونعطيك هالاسئلة ماتعرف تجاوب جيبوا امتحانات مدروسة تناسب المنهج اللي تعطونه للطالب معايير ايش كثرها وحشو في رووس هالطلاب المساكيين قسم بالله هديتوا حيلنا

R 7 A L
21-05-2013, 05:04 AM
هذي مب مذكرات :(

هذي نماذج تعريفية يطلع عليها اولياء الأمور والطلاب
يفهمون من خلالها كيفية وضع الاسئلة ،، علشان لدخل الطالب
الاختبارات الوطنية ما يتحجج انه ما مرت عليه مثل هالنماذج من قبل ،،

ومع هذا للاسف الشديد لاحظ كما لاحظت لو الموضوع
كان متعلق بسب او ذم هالاختبارات كنا بنشوف تجاوب كبير

لكن ان الواحد منا يساعد نفسه وعياله انهم يفهمون اساسيات
مثل هالاختبارات وتكون مألوفة عليهم ،، للحين ما شفت
من اي عضو مشاركة تفيد الاستفادة من عدمها اللي لاحظها
على ولده او بنته لما قعد وياه وطلب منه يحل هالنماذج !!



اهــاه

تحداني
21-05-2013, 11:29 AM
ام الخير .. انا امس دخلت الموقع عشان اطبع حق عمور نماذج الاختبارات الوطنيه
وهو بالــpdf بس ما فتح عندي
شسالفه ممكن افهم بما انج مختصه في هالمجال
وعصبت عليه قلت له انت لو تسال المدرسين كان ريحتني
الا يرد علي ابرود ارجوج اختي " استوعبيني "
بجيب لي الجلطه


جملك الله برضاه

تحداني
21-05-2013, 11:30 AM
هذي مب مذكرات :(

هذي نماذج تعريفية يطلع عليها اولياء الأمور والطلاب
يفهمون من خلالها كيفية وضع الاسئلة ،، علشان لدخل الطالب
الاختبارات الوطنية ما يتحجج انه ما مرت عليه مثل هالنماذج من قبل ،،

ومع هذا للاسف الشديد لاحظ كما لاحظت لو الموضوع
كان متعلق بسب او ذم هالاختبارات كنا بنشوف تجاوب كبير

لكن ان الواحد منا يساعد نفسه وعياله انهم يفهمون اساسيات
مثل هالاختبارات وتكون مألوفة عليهم ،، للحين ما شفت
من اي عضو مشاركة تفيد الاستفادة من عدمها اللي لاحظها
على ولده او بنته لما قعد وياه وطلب منه يحل هالنماذج !!




لا اتحنين دخيل الله .. ارجوج

ام السعف
21-05-2013, 01:32 PM
الصغار ما عندهم إختبارات وطنية
واللي في رابع و سادس في مدرسة خاصه
بس ثالث إعدادي و ثاني ثانوي :(

حتى الصغير اللي عندي ما عنده هالاختبار بس تبقى بنتي هي الوحيدة
في البيت اللي عندها ،، وللحين ما شفت منها ولله الحمد اي ربكة من هالامتحانات
فهي اول مرة بتقدمها وبنشوف اشلون بيكون انطباعها عنها ،،

ام السعف
21-05-2013, 01:36 PM
المأساة : عُدْنا إلى التدريس للإختبار !
نسينا التعليم الحقيقي و معايير المواد و أصبح جُل همّنا هو الإختبارات الوطنية !
الطالب مستنفر , ولي الأمر مستنفر , المعلم مستنفر , و المدرسة بأكملها مستنفرة ...
أغلب مكاتبات هيئة التقييم تتحدث عن إعداد الطالب للإختبارات الوطنية . جهود جبارة مبذولة ليس في جَوْدة مخرجات التعليم , و لكن في الإعداد للإختبارات الوطنية ....
الأهل الآن مسرورون لأن لديهم قائمة مهام يتبعونها في ما يظنونه " تدريس أبنائهم " .. نماذج للاختبارات الوطنية ..نماذج ..نماذج ..نماذج ...
الوقت الثمين الذي كان يجب أن يستثمر في التعليم , أصبح يستخدم في تدريب الطلاب على أنماط الأسئلة و كيفية الإجابة عليها ..
عمل مرهق للمعلم و للمدرسة ولولي الأمر ..
الله المستعان !:discuss:

عيالنا خلصوا الاختبارات الفصلية من فترة ،، والفترة الحالية كافية لمراجعة
الكتب ،،

في بعض الدول ومنها كانت العراق كان الدبلوم امر اساسي على طلاب
الثانوية العامة ،،

فالطالب اللي بيدرس الدبلوم ما بيقدم اختبار في كتاب فصلي
راح يقدم اختبار على كل اللي ادرسه طول السنة ،، او السنتين

فالطالب اللي بالفعل يبي يعرف شنهو يعني فهم المادة ومراجعتها
عليه انه يراجع المنهج بشكل دوري علشان يسهل عليه في مثل
هالاختبارات ،،

وللحين اشوف هالخطوة من المجلس الأعلى للتعليم ممتازة
فالعديد من الدول المجاورة صارت عندهم اختبارات وطنية
المهم الطالب يفهم شنهو المطلوب منه طول السنة ،،

والا الملاحظ ان غالبية عيالنا لعب في لعب واخرتها يشتكون
من هالاختبارات ،،

مطيحين في الايباد والجواويل اكثر ما يمسكون الكتب
فشي طبيعي راح يحس بضغط اذا يابوا له اختبارات فيها اجوبة
متعددة للمنهج اللي ادرسه وهو ما بيعرف يحل هالاخيارات ،،

ام السعف
21-05-2013, 01:38 PM
كتابين حق امتحان ثالث ثانوي واذا جات الاسئلة كن اللي حاطها جاي من المريخ مايدري وين الله حاشرة ارحموا هالطلاب من الخزعبلات لو يرد الزمن ونعطيك هالاسئلة ماتعرف تجاوب جيبوا امتحانات مدروسة تناسب المنهج اللي تعطونه للطالب معايير ايش كثرها وحشو في رووس هالطلاب المساكيين قسم بالله هديتوا حيلنا

شفت نماذج للاسئلة للصفين الخامس والرابع ،،
شفتها حلوة وفي المستوى ،، ما عدا بعض الاخطاء المطبعية ،،

اوقف مع هالاختبارات لأنها المقياس الحقيقي لمستوى عيالنا ،،

المهم عيالنا يعرفون اشلون يتعاملون معاها ،،

ام السعف
21-05-2013, 01:48 PM
ام الخير .. انا امس دخلت الموقع عشان اطبع حق عمور نماذج الاختبارات الوطنيه
وهو بالــpdf بس ما فتح عندي
شسالفه ممكن افهم بما انج مختصه في هالمجال
وعصبت عليه قلت له انت لو تسال المدرسين كان ريحتني
الا يرد علي ابرود ارجوج اختي " استوعبيني "
بجيب لي الجلطه


جملك الله برضاه

تحتاجين برنامج ادوب ريدر
ضغطي على الملف بتنفتح لج نافذة يديدة تعطيج خيارين
الأول انج تفتح البرنامج عن طريق النت
والثاني من اي برنامج موجود عندج في الكمبيوتر

وبما ان البرنامج مب موجود عند في الكمبيوتر
اضغطي الخيار الأول
وراح يوديج على صفحة يطلب منج الضغط على نسخة انجليزية
بتضغطين على الخيار بيوديج على موقع الادوب ريدر

من هناك وحسب النظام والاصدار الموجود عندج تبتدين تختارين
نوع الويندوز واللغة اعتقد وعقب اي نسخة من البرنامج تحبين تنزلينه ،،

واذا نزلتيه خليه يحله من البرنامج نفسه
مب شرط تنسخين له على اوراق ،،

واذا عمور في الصف الثالث الاعدادي مثلا
خليه يحل النماذج من الصف الأول الابتدائي ،،
وهناك نموذجين للاسئلة والأجوبة
واحد باللغة الانجليزية والثاني باللغة العربية


المطلوب منج انج تقعدين معاه وهو يحل من غير ما تدخلين
فاذا استصعب شي ،، احرصي انج تفهمينه المطلوب عقب ما يحل
او انج تفمينه المطلوب من البداية علشان ياخذ باله في الاسئلة الثانية ،،



لا اتحنين دخيل الله .. ارجوج

من يومين كنت قاعدة مع خوسيه وطلبت منه يحل نموذج الاختبار
للعلوم للصف الخامس ،، وكان اخوه ( أ) معانا دعس ويهه وتم يحل
فكنا السؤال اللي ما يعرف يحله خوسيه لأن الاختبار اعلى من مستواه
حسب معلوماتنا الأولية نختار الاجابة ،، وعقب ما نخلص نروح نتأكد
من اجاباتنا ،، فاللي تكون اجابته صح يستانس خوسيه كان يصفق ويقول ييييسسس
واخوه كان يمدح نفسه ويقول لنا ما قلت لكم اني خبير ،،
واذا اجابتي طلعت صح يقول لي الخبير اشلون وليش مب مستوعب السؤال
فارد اشرح له ان الجواب موجود في السؤال فلو ركزت عدل بتعرف
ان الاجابة مرات نحط جدام عيونك بس احنا مب متعودين نبحث
في مثل هالمسائل ،،

واسمحي لي لو كتبت اللي كتبته بش بالفعل تجربة ممتعة
لما نلتم حول مثل هالمواضيع ،، فياليت انمي مثل هالمجعة :shy:

القطو السمين
22-05-2013, 01:48 PM
انطباع اخوي و ولدي عن الاختبارات ثالث ثانوي جاء اختبار رياضيات العلمي صعب بينما اختبار تاسيسي فوق المتوسط وسئلتهم هل استفتدوا من الاختبارات التجريبيه قالوا كان تضييع وقت مع انهم طلاب مجتهدون يدرسون اول باول الله المستعان

ام السعف
22-05-2013, 02:48 PM
انطباع اخوي و ولدي عن الاختبارات ثالث ثانوي جاء اختبار رياضيات العلمي صعب بينما اختبار تاسيسي فوق المتوسط وسئلتهم هل استفتدوا من الاختبارات التجريبيه قالوا كان تضييع وقت مع انهم طلاب مجتهدون يدرسون اول باول الله المستعان

استغرب اشلون ما اعرفوا يحلون وضيعوا وقتهم ؟

المفروض انهم يبحثون عن الأجوبة للاسئلة الصعبة ويدرسون السؤال
علشان يستفيدون من هالنماذج ،،

للأمانة يا اخوي القطو المتين ،،
اقعد مع ولدي الصغير لما يحل الإسئلة خلصنا اللي في المرحلة العمرية الخاصة فيه
وانتقلنا للمرحلة اللي اعلى ،، صار يستوعب السؤال اشيبي بس يقول لي ما اعرف
احل لأني ما خذت هالشي ،، اما الاشياء اللي خذها يحلها وامس يشرح حق اخوه
مقاومة الهوا والجاذبية في سؤال كان طالب شي ما ينعرف من اول قراية للسؤال ،،
ماشاءالله تبارك الرحمن ،،
فهل ولدي حل كل نماذج الاختبار اللي اعلى منه بمرحلة ؟
لا طبعا ،، بس بديت الاحظ عليه فهمه لصيغة السؤال ،، طلعنا بفايدة
فاشلون مافي فايدة من النماذج ؟

وهناك نماذج للأجوبة ،، فاللي يستصعب على الطالب يروح يشوف الاجابة
وعقب يبحث من خلال فهمه للدروس لش هالاجابة طلعت جذيه ،،

عني اقول مستحيل واحد يدرس اول بأول وما يعرف يحل الاسئلة ،،