لكل طفل خدامه = شغاله !!!!!!! (( الله يرحم امهات قبل ))

[حمد 2002]

السلام عليكم ورحمه الله وبركاته

الموضوع اليوم يحمل العنوان التالي

(( لكل طفل خدامه = شغاله !!!!!!! - الله يرحم امهات قبل - ))

الحرمه اول ماتزوج تشترط ان ايكون لها خادمه ودريول !!!!!!!!!!! على ايش توج متزوجه :omg: ،،،

وفي مووضه متعلمين فيها بنات هالوقت لكل طفل مولود خدامه :eek5: ، يعني اتحصلك 4اطفال وكل طفل تلحقه خدامه :) !!! ، من وين ايجيبون افيز هالكثر :secret: ،، انا اعرف الحكومه تعطي فيزتين بس !!!!! :telephone: ،،،

الله يرحم امهات قبل كانت تطبخ واتخم البيت وترعى الغنم وووعندها سبعه اولاد ولا 8 اولاد ولايشتكوون وعايشين حياتهم على احسن مايمكن :victory:
الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،،

تحياتي للجميييع :victory:

[راشد محمد]

الله يرحم امهات

[شبح الصمت]

:eek2:

راجع لك بعد قليل

[نوار قطر]

وليش ريلها يطاوعها واييب لها الخدامات ويوفر حق كل ياهل خدامه .. ليش ماتكون عنده كلمه وحده مايثنيها ويقول مالج حايه في هالخدامات كلهم كفايه عندج خدامه تنظف وتغسل؟؟؟ ليش الريال مايقول لها انا مابي عيالي يمسكونهم الخدامات انتي شوفيهم وقومي فيهم ...

[نوار قطر]

:eek2:

راجع لك بعد قليل

لا تبطل حلجك جذي مب زين :secret:

[Qatar Angel]

وجود الخادمة لكل طفل يعني هي الي
تقوم بترتيب غرفته وألعابه وغسل ملابسه الخاصة أما التربية
والعناية الخاصة من واجبات الأم ما أشوف فيها مشكلة خصوصا
اذا الله منعم علينا وبيوتنا كبيره فنحتاج خدم لمساعدتنا

[الزعفراني]

وتستمر الحياة .. تستمر الحياة .. ياصديقي

[تحداني]

بنات هالزمن " البعض " عشان خاطركم ما اتعرف الا تنسدح على الكراسي وتعطي اوامر
او اتواكب عوالم الموضه الي هابين فيها
حتى شكل الامومه ما يناسبها هههههه بس لازم يجون هالاعيال شتسوي بعد

لا ويجيك فارس احلامها مثلها بالضبط واذا كان غير عنها اشوي
يعطيها كمن تعليمات مالها علاقه بالحياه الزوجيه المبنيه على الود والتفاهم والحب
لا تطلعين الا لما تستأذنين
لا تتكشفين
لا اتصرخين
لا تاكلين
لا اتنامين
اشوي وبيقول لها موتي اذا قلت لج موتي


كلم رايحين في ستين داهيه " البعض " عشان اختمها على خاطركم
لا والي يفجر المخ ابيها ام 20 ولا 21 .. احنه يادوب نتحمل سخافات البعض من اعمار ال25
هم نقول البعض

وصح معاكم حق " العمر مب مقياس " بس هم البعض الاكثر هاذي حالتهم
ابيوت مفتوحه للخراب لكن للسكينه والحب مفيش


جملك الله برضاه

[ام السعف]

بنات هالزمن " البعض " عشان خاطركم ما اتعرف الا تنسدح على الكراسي وتعطي اوامر
او اتواكب عوالم الموضه الي هابين فيها
حتى شكل الامومه ما يناسبها هههههه بس لازم يجون هالاعيال شتسوي بعد

لا ويجيك فارس احلامها مثلها بالضبط واذا كان غير عنها اشوي
يعطيها كمن تعليمات مالها علاقه بالحياه الزوجيه المبنيه على الود والتفاهم والحب
لا تطلعين الا لما تستأذنين
لا تتكشفين
لا اتصرخين
لا تاكلين
لا اتنامين
اشوي وبيقول لها موتي اذا قلت لج موتي


كلم رايحين في ستين داهيه " البعض " عشان اختمها على خاطركم
لا والي يفجر المخ ابيها ام 20 ولا 21 .. احنه يادوب نتحمل سخافات البعض من اعمار ال25
هم نقول البعض

وصح معاكم حق " العمر مب مقياس " بس هم البعض الاكثر هاذي حالتهم
ابيوت مفتوحه للخراب لكن للسكينه والحب مفيش


جملك الله برضاه

فارس احلام يعني لازم حصان وفارس :(

والحين مافي حصن فاشلون انسميهم فرسان :(

[ام السعف]

خادمة لكل طفل .....> مصخوها ،،

اخبر خدامة حق 5 اطفال تضرب ذيه واتكفخ ذاك :(

[تحداني]

فارس احلام يعني لازم حصان وفارس :(

والحين مافي حصن فاشلون انسميهم فرسان :(




عفوا أقصد شريك حياتها ونصفها الآخر
اعتقد نصفها الايسر القريب من القلب والفؤادي :)

[بومحمد المطاوعه]

بارك الله فيك ياخوي

وصادق هالزمن تغير عن قبل

الحين الزوجه تشتغل ومحد ملزوم يمسك عيالك

انا بتكلم عن نفسي وادري في ناس نفسي وفي ناس مب نفسي

انا عن نفسي عندي 3 خدم و3 ابناء ولله الحمد وام العيال تداوم

امي الله يعطيها العافيه ويطول في عمرها كبيره وماتقدر تقوم من الصبح وتجابل الاطفال مع خدامه وحده

ف انا ريحت امي قبل كل شي وريحت بالي ولله الحمد

ام العيال تشتغل وبعد الدوام نتفرغ للعيال والخدم ف الغرفه ولا نشوفهم الا الصبح او لين طلعنا

والحمدلله الامور طيبه


ملاحظه: عندي خدامه هنديه للتنازل بس في شهر 7

الي يبيها يقولي :nice:

تحياتي لك يالغالي:)

[ام السعف]

عفوا أقصد شريك حياتها ونصفها الآخر
اعتقد نصفها الايسر القريب من القلب والفؤادي :)

:)

بدينا لعبة الابتسامات ،،

موب موشكل كلش ايمن ايسر
المهم انه مب فارس :(

[بومحمد المطاوعه]

خادمة لكل طفل .....> مصخوها ،،

اخبر خدامة حق 5 اطفال تضرب ذيه واتكفخ ذاك :(

خدامه تضرب والله بعلقها من شعرها فالمروحه

هالقاصر تضرب عيالي

برجعها المكتب قرعه والله :tease:

هههههههههههههههههه

[تحداني]

:)

بدينا لعبة الابتسامات ،،

موب موشكل كلش ايمن ايسر
المهم انه مب فارس :(




:(

اهم شي ارضي غرور راييج
ولا يهمج مب فارس .. يمكن طلال او عبد الله او سعود

[بريق الحق]

:)

بدينا لعبة الابتسامات ،،

موب موشكل كلش ايمن ايسر
المهم انه مب فارس :(

والي عنده خيل صار فارس احلام البنات:shy:

[تحداني]

والي عنده خيل صار فارس احلام البنات:shy:



الي عنده خيل احلى شي .. عشان تحط صورته في الانستغرام
هذا فارس احلام صجي هههههه

[بريق الحق]

الي عنده خيل احلى شي .. عشان تحط صورته في الانستغرام
هذا فارس احلام صجي هههههه

اوه نسيت بعد سالفة الانستقرام قصه ثانيه مع البنات ..... ماينفع بعير :nice:

[ام السعف]

:(

اهم شي ارضي غرور راييج
ولا يهمج مب فارس .. يمكن طلال او عبد الله او سعود

:(


والي عنده خيل صار فارس احلام البنات:shy:

يصير ليش لا



الي عنده خيل احلى شي .. عشان تحط صورته في الانستغرام
هذا فارس احلام صجي هههههه

انستغرام وفارس الاحلام :(

[collection]

السلام عليكم ورحمه الله وبركاته

الموضوع اليوم يحمل العنوان التالي

(( لكل طفل خدامه = شغاله !!!!!!! - الله يرحم امهات قبل - ))

الحرمه اول ماتزوج تشترط ان ايكون لها خادمه ودريول !!!!!!!!!!! على ايش توج متزوجه :omg: ،،،

وفي مووضه متعلمين فيها بنات هالوقت لكل طفل مولود خدامه :eek5: ، يعني اتحصلك 4اطفال وكل طفل تلحقه خدامه :) !!! ، من وين ايجيبون افيز هالكثر :secret: ،، انا اعرف الحكومه تعطي فيزتين بس !!!!! :telephone: ،،،

الله يرحم امهات قبل كانت تطبخ واتخم البيت وترعى الغنم وووعندها سبعه اولاد ولا 8 اولاد ولايشتكوون وعايشين حياتهم على احسن مايمكن :victory:
الموضوع مفتوح للنقاش العام على مصراعيه وفقا لسياسه المنتدى وبدون الخروج عن الإطار العام للموضوع ،،،،

تحياتي للجميييع :victory:



ياسلام وانت على طول استلمت الحريم
حتى الرجال تلقية جايب دريول لعيالة ودريول مقهوجي وزراع ........الخ ...اللة والعالم


اخبر الرجال بالاول يحطب ويصيد الارانب ويذبح الغنم بنفسة مب يجيب لة قصاب وكان اللة غفورا"رحيما ويرعى حلالة وعيالة
كان الرجال بالاول ياخذ عيالة كل مكان مب قاطهم بالبيت مع امهم

والحين كملت بعد صارت المراة اللي تشتري التموين والا اطرش السايق يجيبة
وفوق هذا اذا مرض الطفل بالاول كان الاب اللي يودي عيالة وياخذهم من المدراس
مب الحين دوام ورقدة وسهر وكل شي عالمراة

جرب ولو مرة تحمل بطفل وتحس بمعاناة الام بالحمل والرضاعة والسهر وقت المرض وشوف اذا ماجبت لكل طفل خدامتين مب وحدة

[ام السعف]

اوه نسيت بعد سالفة الانستقرام قصه ثانيه مع البنات ..... ماينفع بعير :nice:

على طاري البعير ،،

ولدي يسألنا واحنا في خضم البلع يا مالنا العافية

ماما شنهو يعني بعير ؟
قلت له زوج الناقة ،، قال لي يعني الناقة وحدة ؟
قلت له ايه

قال لي انزين الجمل اشيطلع واحد ولا وحدة ؟

بصراحة سؤاله كان صعب ،،
اللي عنده اجابة يغششني فيها ،، لأن مهارتي في التفكير عجزت عن
الإجابة بس ما عجزت عن المراوغة وتغيير الموضوع حزتها :(

[تحداني]

اوه نسيت بعد سالفة الانستقرام قصه ثانيه مع البنات ..... ماينفع بعير :nice:



لا بعير مب فاشن .. بليز



:(



يصير ليش لا


الحمد لله استانست وايد :shy:

انستغرام وفارس الاحلام :(




ايييي اتقول اختي انها البنت الي تتكلم عن نصفها الاخر او شريك جبدها
اتحط هديه زواجها ما ادري صباحيتها ما ادري خطوبتها فوق السرير واتنثر الورد حوله
واحذاه سرير خالي مافي ياهل يمكن معناته في الطريج هههههه

[تحداني]

على طاري البعير ،،

ولدي يسألنا واحنا في خضم البلع يا مالنا العافية

ماما شنهو يعني بعير ؟
قلت له زوج الناقة ،، قال لي يعني الناقة وحدة ؟
قلت له ايه

قال لي انزين الجمل اشيطلع واحد ولا وحدة ؟

بصراحة سؤاله كان صعب ،،
اللي عنده اجابة يغششني فيها ،، لأن مهارتي في التفكير عجزت عن
الإجابة بس ما عجزت عن المراوغة وتغيير الموضوع حزتها :(



حوار يصير اعيالهم



الجمل مممممممم يمكن يقرب حق الناقه

[بريق الحق]

على طاري البعير ،،

ولدي يسألنا واحنا في خضم البلع يا مالنا العافية

ماما شنهو يعني بعير ؟
قلت له زوج الناقة ،، قال لي يعني الناقة وحدة ؟
قلت له ايه

قال لي انزين الجمل اشيطلع واحد ولا وحدة ؟

بصراحة سؤاله كان صعب ،،
اللي عنده اجابة يغششني فيها ،، لأن مهارتي في التفكير عجزت عن
الإجابة بس ما عجزت عن المراوغة وتغيير الموضوع حزتها :(

قولي قبل الجمل قبل لا يتزوج يكون اسمه جمل واذا تزوج صار بعير

[ام السعف]

حوار يصير اعيالهم



الجمل مممممممم يمكن يقرب حق الناقه



هاهاهااها


قولي الجمل قبل لا يتزوج يكون اسمه جمل واذا تزوج صار بعير

الله يونس قلوبكم مثل ما ونستوا قليبي الموجوع هاهاهاا

عيل الجمل هو البعير ايام العزوبية ،،

تسلمون على الاجابة ،، بكاتب له المعلومة على ورقة
وبعلقها على الباب .......> مفاجأة مفرحة عرفت الاجابة :shy:

[ام السعف]

لا بعير مب فاشن .. بليز







ايييي اتقول اختي انها البنت الي تتكلم عن نصفها الاخر او شريك جبدها
اتحط هديه زواجها ما ادري صباحيتها ما ادري خطوبتها فوق السرير واتنثر الورد حوله
واحذاه سرير خالي مافي ياهل يمكن معناته في الطريج هههههه

والله ظلام هالحريم

ولا وحدة فيهم حطت صورة خدامتها وهي اللي شالة البيت والعيال والزوج
:(

تبا لنكران الجميل ،،

وعطيني واحد
الصد والنكران
:(

[بريق الحق]

هاهاهااها



الله يونس قلوبكم مثل ما ونستوا قليبي الموجوع هاهاهاا

عيل الجمل هو البعير ايام العزوبية ،،

تسلمون على الاجابة ،، بكاتب له المعلومة على ورقة
وبعلقها على الباب .......> مفاجأة مفرحة عرفت الاجابة :shy:
خوفي يسءل شسم الناقه وهي عانس ...... السموح حمد على الخروج عن الموضوع من تاثير مواضيعك علينا طلعتنا برع الموضوع

[حسن]

مرحبا ياحمد

تخبر قلت لك عندي لك موضوع لكن سبحان الله انت الظاهر عندك خرزه تقرا افكاري

شوف

قبل اسبوعين قلت باروح الالندمارك بادفع فواتير كيوتل وخذت ولدي ناصر
عقب مادفعت قالى ابي ذره قلت له توكل على الله
يوم جلسنا على الطاوله ناكل

الى بذيك المره تقول (بقاره )نوع من انواع السفن

تمشي قدام وراها 3 اطفال و6 خادمات فلبينيات ملابسهم طقه وحده تقول سريه
عسكريه
الصراحه منظر مزري الى هذه الدرجه والعلم تتفرج عليها الشرهه على سبع البرمبه اللي عندها

صق لا قال المثل مااسبقج يارارنب قالت
والله من ردى طرادي

الله يصلح الحال

[collection]

لالا الجمل باللغة العربية الفصحى شاملة الناقة والبعير
والبعير ذكر
والناقة انثى
والحوار ولدهم
واللة كشخة يالجمل صرنا نتكلم فيك

[تحداني]

قولي قبل الجمل قبل لا يتزوج يكون اسمه جمل واذا تزوج صار بعير



ههههههههههههههههههههههههههههههههههههه


هاهاهااها



ههههههههههههههههههههههه
الله يونس قلوبكم مثل ما ونستوا قليبي الموجوع هاهاهاا

عيل الجمل هو البعير ايام العزوبية ،،

تسلمون على الاجابة ،، بكاتب له المعلومة على ورقة
وبعلقها على الباب .......> مفاجأة مفرحة عرفت الاجابة :shy:

هههههههههههههههههههه

والله ظلام هالحريم

ولا وحدة فيهم حطت صورة خدامتها وهي اللي شالة البيت والعيال والزوج
:(

تبا لنكران الجميل ،،

وعطيني واحد
الصد والنكران
:(


بال مال اول انتي لازم اتسوين رفرش
اسمعي اليوم ممممممم مذهله .. اهداء في علبه مليانه جوكلت وداخله بسكوت ومكسرات
خاص جدا لج

[collection]

قولي قبل الجمل قبل لا يتزوج يكون اسمه جمل واذا تزوج صار بعير

لالالالالالا
الجمل او الابل باللغة الفصحى جمع الناقة والبعير
والناقة انثى
والبعير ذكر
والحوار ولدهم

تبا"لك ايتها الناقة فقد صار لكي شأن وصرنا نتكلم عنكي
وتستمر الحياة

[collection]

صق لا قال المثل مااسبقج يارارنب قالت
والله من ردى طرادي

عجبني المثل هههههههههه

[بريق الحق]

لالالالالالا
الجمل او الابل باللغة الفصحى جمع الناقة والبعير
والناقة انثى
والبعير ذكر
والحوار ولدهم

تبا"لك ايتها الناقة فقد صار لكي شأن وصرنا نتكلم عنكي
وتستمر الحياة

الله يسعدك في دنياك واخرتك ......، ههههه ترى ادري

[ام السعف]

[color="olive"][center]بال مال اول انتي لازم اتسوين رفرش
اسمعي اليوم ممممممم مذهله .. اهداء في علبه مليانه جوكلت وداخله بسكوت ومكسرات
خاص جدا لج

مافي فلوس وسط الكافي والمكسرات ؟ :p

شكرا جدا كثيرا كنت محتاجة اهداء منج :shy:


لالا الجمل باللغة العربية الفصحى شاملة الناقة والبعير
والبعير ذكر
والناقة انثى
والحوار ولدهم
واللة كشخة يالجمل صرنا نتكلم فيك

يعني الجمل Unisex ....> قام حظه صج

شكرا جدا خالص وايد على التصحيح ،،


وعذرا يا حمد ....> الله يسامحه خوسيه :shy:

[تحداني]

مافي فلوس وسط الكافي والمكسرات ؟ :p

شكرا جدا كثيرا كنت محتاجة اهداء منج :shy:





عفوا يا جميل
يعني الجمل unisex ....> قام حظه صج

شكرا جدا خالص وايد على التصحيح ،،


وعذرا يا حمد ....> الله يسامحه خوسيه :shy:




بالعكس مجرد ما يستوقفه الشي يعني هو يفكر في مشروع اسمه
جمع الناقه والبعير .. عشان يجيبون اعيال
ويدخل " الحوار " في السباق ويفوز وتالي يبيعه ابربع مليون ريال
اما بتصيرين غنيه

[ام السعف]

بالعكس مجرد ما يستوقفه الشي يعني هو يفكر في مشروع اسمه
جمع الناقه والبعير .. عشان يجيبون اعيال
ويدخل " الحوار " في السباق ويفوز وتالي يبيعه ابربع مليون ريال
اما بتصيرين غنيه

دياية ما عندي بعد تتكلمين عن حوار ما ادري بعير

اوجعتيني يا بنت .............> :weeping:

اشرايج فيني وانا مفلسة اجنن صح ؟ :shy:

المهم :

ليه القلوب صارت قاسية كذا وليش النفوس تغيرت كذا
وليه الأم صارت مب أم والخادمة صارت الأم والسايق صار الأب ؟

ليه ليه ليه ،،

[تحداني]

دياية ما عندي بعد تتكلمين عن حوار ما ادري بعير
:(

اوجعتيني يا بنت .............> :weeping:
:(
اشرايج فيني وانا مفلسة اجنن صح ؟ :shy:



اهم شي الاخلاق
اشتبين في الافلوس .. بعدين الكل يحاول يتقرب منج
اقصد البعض عشان خاطرهم
المهم :

ليه القلوب صارت قاسية كذا وليش النفوس تغيرت كذا
وليه الأم صارت مب أم والخادمة صارت الأم والسايق صار الأب ؟

ليه ليه ليه ،،




وليه يدفعون الثمن الاعيال ؟؟ وليه ما عادت الحياه الزوجيه لها طعم
وليه الحزن بعيون العرايس الاجداد ؟؟ وليه الملل صار يطاردهم ؟؟
وليه يدورون على الفرح بيوم كانوا يعتقدون الفرح في شريكه حياتهم ؟؟
وليه ما عادت الاقلوب قادره تعطي واتضحي وتتنازل وتسعد ؟؟
وليه الزوج دائما يبحث عن انسانه تفهمه ؟؟ والزوجه تبحث عن تجوري متحرك ؟؟


ليه .. وليه .. وليه ..

[Rider]

باختصار اخوي حمد مادام البيت مافيه شنب توقع كل شي يصير من بعض النساء

[حسن]

دياية ما عندي بعد تتكلمين عن حوار ما ادري بعير

اوجعتيني يا بنت .............> :weeping:

اشرايج فيني وانا مفلسة اجنن صح ؟ :shy:

المهم :

ليه القلوب صارت قاسية كذا وليش النفوس تغيرت كذا
وليه الأم صارت مب أم والخادمة صارت الأم والسايق صار الأب ؟

ليه ليه ليه ،،

الفلوس يام السعف خربت الانفوس

[ام السعف]

وليه يدفعون الثمن الاعيال ؟؟ وليه ما عادت الحياه الزوجيه لها طعم
وليه الحزن بعيون العرايس الاجداد ؟؟ وليه الملل صار يطاردهم ؟؟
وليه يدورون على الفرح بيوم كانوا يعتقدون الفرح في شريكه حياتهم ؟؟
وليه ما عادت الاقلوب قادره تعطي واتضحي وتتنازل وتسعد ؟؟
وليه الزوج دائما يبحث عن انسانه تفهمه ؟؟ والزوجه تبحث عن تجوري متحرك ؟؟


ليه .. وليه .. وليه ..

ليه كذا ليه ؟

وعطيني واحد
انا بعشقك
:weeping:




الفلوس يام السعف خربت الانفوس

ما اصدق لازم اعايش الموقف بنفسي واشوف اشلون تخرب النفوس :shy:

[أم نواري1]

أهم شي ترعى الغنم .!

واعيباه عيل الرجال أول يخلون حريهم يرعين الغنم .!

وش ذا الهرج يا حمد .؟!

هماه ماكان في صبي يرعاهن
ماكان في بنات يساعدن الحرمه بالشق

أما لكل طفل خادمة هذي تصير ونشوفها ومالها عذر أبدا
وهي وش مهرتها .!

[حسن]

ليه كذا ليه ؟

وعطيني واحد
انا بعشقك
:weeping:



ما اصدق لازم اعايش الموقف بنفسي واشوف اشلون تخرب النفوس :shy:

الله يعطيك على قد نيتك وتعيشين الموقف
عاد ذيك الساعه من قدك وين بنلقاك
اذا ماعندك شي مانتقدر عليك شلون
لو تصير ين من اصحاب الملايين

مشاء الله مشتطه اليوم الظاهر الجو يلعب دون في نفسيه الانسان حتى انا احسن اني اتقلب على نار القضى وانا في الدوام كل شوي واشوف منظر الكورنيش والغيم
الله خليني اروح حق عيالي اجيبهم من المدرسه
مع السلامه

[ام السعف]

الله يعطيك على قد نيتك وتعيشين الموقف
عاد ذيك الساعه من قدك وين بنلقاك
اذا ماعندك شي مانتقدر عليك شلون
لو تصير ين من اصحاب الملايين

مشاء الله مشتطه اليوم الظاهر الجو يلعب دون في نفسيه الانسان حتى انا احسن اني اتقلب على نار القضى وانا في الدوام كل شوي واشوف منظر الكورنيش والغيم
الله خليني اروح حق عيالي اجيبهم من المدرسه
مع السلامه

تعال قبل ما تروح

وش ذا ما ينقدر عليك واذا ما عندك ؟؟!!
:(

اتصدق ولا ادري عن الجو كلش احصل مسجات الوتس اب تتكلم عن المطر
بس ما ادري عنه لأني ما طلعت من قمقي كلش :(

الله يسلمك وربنا يرزقنا الستر والعافية ولا يحوجنا الا لوجهه الكريم ،،

[Qatari1981]

مواقف تقهر القلب حدثت امامي بهذا الموضوع

اولاً في مستشفى الأهلي من فترة قريب سنه
كنت طالع من الطوارئ وتفاجئت بطفل مجبره
ايده وتماشيه خادمه وفجأه ينزل من السياره
الأدريول ويركض الياهل لحظنه
طبعاً الصبي اقطري بحكم حجيه وعمره لايتجاوز
ال 5 سنوات


والموقف الثاني فريش من موقع الحدث في طواري السد

قاعد ويا اولدي مرقد تعبان وبالسرير المقابل طفله
تبجي حييييييل والخادمه وياها قريب الثلاث الى اربع ساعات

وفي لحظه يجي ابوها وقت ما اذن لها الدكتور بالمغادره

والبنت لا تتجاوز الثلاث سنوات والوقاحه بزياده
يعطي الجوال للخادمه عشان تاخذ الأوامر من الأم

وبسمع الخادمه تقول رداً على السؤال المعزبه fine just busy

كأنما قالتلها ام الحسب والنسب
ها اخبارج يا فلانه ههههه

شر البلية مايضحك
لو ايييييييش اضحي بعمري عشان اعيالي

ذولن اعيالنا مثل البذره ان سقيتها بحنانك واهتمامك

راح تأويك بظلالها يوم تكبر

وان سقيتها جفا وعدم اهتمام

فأكيد الجزاء من جنس العمل

[قطريه22]

احييك على هالموضوع الحساس

بصراحه انا كل يوم اول مادخل المنتدى على طول ادخل الحوار العام وادور على مواضيعك
صج في منها يعصب بس بصراحه وبدون مجامله استانس يوم اشوف مواضيعك
عاد مب تكتب كل يوم عن الحريم

بس تصدق انت اول ماتكتب موضوع عن الحريم اشوفه يمشي والردود ماشالله تكثر ومواضيعك الي عن الرجال احسها ماتمشي هههههههههههههههه:victory:

المهم انا دخلت الموضوع واقرى الردود الي كاتب فارس والي كاتب حصان والي كاتب جمل

شالسالفه في حد عنده حلال للبيع؟؟ :tease:

ونرجع للموضوع

بصراحه معاك حق عسى ماشر خدامه لكل طفل مهما كانت ظروف الشخص
خدامه لمثلا نقول 4 عيال والزوجه تساعدها بس مب خدامه لكل واحد فيهم..

وسالفة الحريم الي يروحون السوق ووراهم الخدم اشكثرهم هذي حق المفوشر بس مافي احسن منهم..

[الكنترول]

يوالله مصخوها ،،،، خابر خدامة وحدة للبيت كله ،،

وين يجيبون للفيز لكل طفل خدامة

[النهار]

مرحبا ياحمد

تخبر قلت لك عندي لك موضوع لكن سبحان الله انت الظاهر عندك خرزه تقرا افكاري

شوف

قبل اسبوعين قلت باروح الالندمارك بادفع فواتير كيوتل وخذت ولدي ناصر
عقب مادفعت قالى ابي ذره قلت له توكل على الله
يوم جلسنا على الطاوله ناكل

الى بذيك المره تقول (بقاره )نوع من انواع السفن

تمشي قدام وراها 3 اطفال و6 خادمات فلبينيات ملابسهم طقه وحده تقول سريه
عسكريه
الصراحه منظر مزري الى هذه الدرجه والعلم تتفرج عليها الشرهه على سبع البرمبه اللي عندها

صق لا قال المثل مااسبقج يارارنب قالت
والله من ردى طرادي

الله يصلح الحال


هههههههه اخوي حسن اخبر البقاره انقرضت من من زمان :nice:لايكون تقصد حاملة الطائرات

نفس الشي عندنا في الشغل قبل عشرسنوات كان عندنا فراش واحد يخدم البنات والاولاد
كل شي عليه ويخدم مدير القسم بعد التصوير عليه مرتين يروح يجيب الريوق واحد في الصباح والثاني في المساء وعددنا زاد شويه حوالي 30% الحين العد حوالي 10 فراريش مايسون ربع الي كان يسويه الفراشين القدماء
تصدق الحين نفس الشي في البيوت في الاول كانت الام تقوم بكل والواجبات
اما الحين البقارات عيزانين حتى فتح باب السياره لازم وحده من الخدم تجي تفتح لها الباب تصدق في بعض البيوت الخدم اكثر من اهل البيت :(

[النهار]

:eek2:

راجع لك بعد قليل

هههههههههههه
شبح الصمت باين بيجيب العيد اليوم :(

[مسمس12]

فعلا هالظاهرة منتشرة اشكثر الغلط مو عالزوجة الغلط عالزوج اللي طاوعها وجايب لكل طفل خادمة وين قاعدين حتى لو عندنا خير ونعمة


انا عندي 2 وعندي خدامة وحده تشوف اليهال لو رحت الدوام ولو رجعت من الدوام استلمهم انا وتروح تشتغل باقي شغل البيت ولا فكرت اجيب وحدة ثانية حق عوار الراس وحدة ويالله متحملتها وبعض الناس ماشاء الله عليهم يمشون ويمشون الخدم معاهم موكب ههههههههه

[الأصيلة]

أغلب من عندهم أكثر من خادمة للأطفال
يكون السبب
أولا: تقليد لأختها أو مرت حماها
او أخت زوجها أو زوجة أخوها وهكذا..
ومافيه أحد أحسن من الثاني..
ثانيا : عشان لما تروح مطعم أو سوق أو حديقة تودي ها الشعب الكامل معاها عشان الناس تتفرج
وتشوف العز اللي هي عايشه فيه والخدم والحشم..
ولذلك كل الناس عندهم الآن سيارات كبيرة عشان تكفي خدمهم
مب عشان تكفيهم وتكفي عيالهم..
ماتلاحظون ياجماعة ها الشيء مثل مالاحظت..
أول كانت سياراتنا صالون عادي لين صار عدد عيالنا فوق الـ 5 أطفال بعدين شروا لنا سيارات كبيرة حتى تكفي
الحين من ثاني طفل تلقى عندها كروزر أو جمس أو كاديلاك عشان يكفي الخدامات قبل العيال..

[في سبيل الله]

حمد انتوا كم شغالة عندكم ؟!

[قطريه22]

حمد انتوا كم شغالة عندكم ؟!



:eek5:

[Dana’1]

الله يوحم إمهات وأباء قبل ... مو بس الأمهات !
ووبالنسبة للخدم اذا العايلة مقتدة خلهم يرفهون عن نفسهم ويفتحون باب عمل لناس محتاجة وتعول اسر وين المشكلة
من سنييين ةحتى بقصص التاريخ نقرأ إن الناس الي عندها خير عندهم خدم
مو بس بنات ووامهات هالجيل!

طبعا رأي هذ في موضوع وجود وكثرة الخدم
ولكن عندي بعض الملاحظات في طريقة التعامل مع هالخدم .. وغيرها

[سان سيمون]

و الله صارت المكده على الخدم يعني راتبك يروح ثلاث ارباعة عليهم رواتبهم واكلهم وازيدك من الشعر بيت صاروا اكثر من اهل البيت ،،، لا واخر شيء تقول اه تعبت منهم وتعبت من هالرجال بروح بيت هلي ،،، بس نقول الله يرحم ايام الطيبين بس

[بومحمد المطاوعه]

الله المستعاان

[$بنت شيوخ$]

فلوووووووس معاشات شيبون بعد

[jassim69]

الله كريم

[ام السعف]

يا حليلك يا حمد كل مافتحت لك موضوع تسكر

زين هالموضوع عايش للحين ....> شكلي بتقيرد عليه :(

المهم سيروا وعين الله ترعاكم

[حسن]

تصدق ياحمد اليوم الصبح وانا على الكورنيش اسمع اذاعه البحرين وكان الموضوع يتكلمون عن الخادمات والمربيات وتاثيرهم على الجيل الجديد

وامس اسمع عندنا الشباب يقولون ان السفارت ماتعطي خدم الى عدد معين
واخوي يقول وصلت الفلبينيه ب 15 الف
قلت له عسى يكنسلونهم كلهم ونشوف الحريم يشتغلون في بيوتهم
نط واحد قال انت من صجك ولا حريمنا وبنات هل الوقت مايسون

000000ماقدر اكمل لان اتهام خطير في حقهم

انا موافق على الغاء الخدم واتمنى مايجوبونهم بس تهقى نقدر نعيش
ولا بنموت من غيرهم تخيلو الوضع ياالربع

كارثه ولا كارثه تشير نوبل

الله العالم يمكن القوم يتبدلون بقوم غيرنا

[eXpert*]

إذا السالفة تبي تروي الناس أن زوجها غنيّ ،، تخليه يتزوج أربع و يطلعون في ليموزين همر مال (درب المدينة) مع بعض كل يوم .. لا ويخليهم يلبسون طقم أهنيه البرستيج .. :)

[عاشق العديد]

والله لو اشوف بنت جيه والله بعطيها بنص الجبهههه شهالتربيه الوصخه اني اجيب عيال واحذفهم على الخدامات وعقب لاصار شي قلتو الخدامه والخدامه اذا الام مب مستحمله الخدامه بتستحمل يعني شي بالعقل .. ماقول الا الله يعين ذا الجيل الي بيطلعععععع خوفي مع الايال تقول حق واحد منهم يالله حيه يرد عليك كياسهيه تيكيه

[┋أَجِوَدًيّ┋]

مسكين الشاب القطري إذا تزوج

طلبت منه زوجته خدامة أو خدامتين على الأقل

كل شي تسويه هالخدامة حتى ترتيب غرفة النوم

ما بقى إلا تصير أم بديلة بعد عشان تولد بدالها !

[بصمة قطرية]

والله الشرهة على الرجال اللي يطيع زوجته
و يجيب لكل ياهل خدامة ...!!!
بصراحة أشوفها سخافة
عسى ماشر كل ياهل بخدامة ..
الحمدلله قزرنا عمرنا بخدامة
جيل هالأيام مب قد المسؤولية كللللش
جيل مدلع سواء الرجل و لا المرأة ..
المرة لو محصله ريال عدل
يسنعها و ما يخليها على كيفها
كان ما شفتوا هالشي ..!!!
و المصيبة الإهمال
و يهال ينقطون بروحهم في المستشفيات
مع الخدم ....!!!

( كل خيل تعرف خيالها ) ..

[nono80]

يعتمد علي عدد الاطفال واعنارهم ومكبر البيت مستحيل بيت كبير و5 اطفال هي تنظف وتغسل وتطبخ وتشوف اليهال اتوقع صعبه لكن 2 او 3 بالكثير حتي لو عدد الاطفال 4 او 5 راح يكفون لانه بيكون اعنار متفاوته وسن يقدرون يعتمدون علي نفسهم وفي صغار يبون خدامه وممكن 2 مع اليهال 1 المطبخ ويساعدون بعض في ترتيب البيت اذا اليهال نايمين او في المدرسه